SHADE Journal | အတွဲ( ၆ )၊ အမှတ်( ၁၀ )

  • အမည် : SHADE Journal | အတွဲ( ၆ )၊ အမှတ်( ၁၀ )
  • ဖတ်ရန် : နိပ်ပါ
  • Download ရယူရန်။ အတွဲ( ၆ )| အမှတ်( ၁၀ )
  • ရက်စွဲ : 29.2.2012
 

SHADE Journal | အတွဲ(၆)၊ အမှတ်(၉)

  • အမည် : SHADE Journal | အတွဲ(၆)၊ အမှတ်(၉)
  • ဖတ်ရန် : နိပ်ပါ
  • Download ရယူရန်။ အတွဲ(၆)၊ အမှတ်(၉)
  • ရက်စွဲ : 22.2.2012
 

(၆၄)နှစ်မြောက် ချင်းအမျိုးသားနေ့ `ခေါင်းပေါင်းလုပွဲ´






မကွေးတိုင်းဒေသကြီး မကွေးမြို့မှ (၆၄)နှစ်မြောက် ချင်းအမျိုးသားနေ့ `ခေါင်းပေါင်းလုပွဲ´

၁၈-၂-၂၀၁၂ နေ့၊ ညနေ(၅)နာရီတွင် မကွေးမြို့ကုန်သည်ကြီးများအသင်းခန်းမမှာကျင်းပသည်။ (၆၄)နှစ်မြောက် ချင်းအမျိုးသားနေ့ကို ချင်းရိုးရာစာပေနှင့်ယဉ်ကျေးမှုကော်မတီ မကွေးတက္ကသိုလ်များ (မကွေး) ကျောင်းသား ကျောင်းသူများ မှ ဦးဆောင်ကျင်းပကြောင်းသိရသည်။

ယင်းအခမ်းအနားသို့ မကွေးတိုင်းဒေသကြီး အစိုးရအဖွဲ့ ၀န်ကြီးများ၊ မကွေးတိုင်းဒေသကြီး ပြည်သူ့လွှတ်တော် ဒုတိယ ဥက္ကဋ္ဌ နှင့် တိုင်းဒေသကြီးမှ ဌာနဆိုင်ရာ အကြီးအကဲများ၊ ဖိတ်ကြားထားသူများ နှင့် မကွေးမြို့ရှိ တက္ကသိုလ် ကောလိပ်ကျောင်းများမှ ချင်းတိုင်းရင်းသား ကျောင်းသူ ကျောင်းသားများ၊ မကွေးမြို့ပေါ်ရှိ ချင်းတိုင်းရင်းသားများ တက်ရောက်ကြပါသည်။ မကွေးတိုင်းဒေသကြီး ချင်းရေးရာဝန်ကြီး ဦးဆလိုင်း လှထွန်း မှ အဖွင့် နှတ်ခွန်းဆက်စကားပြောဆို သည်။ ဆက်လက်၍ ၂၀၁၂ ခုနှစ် ဖေဖော်ဝါရီလ(၂၀)ရက်နေ့တွင် ကျရောက်သည့် (၆၄)နှစ်မြောက် ချင်းအမျိုးသားနေ့( ချင်းပြည်နယ်နေ့) ဖြစ်ပေါ်လာပုံကို ချင်းတိုင်းရင်းသူ သီတာဝုန်ရှင်းစံ(ဆေးသက္ကသိုလ် နောက်ဆုံးနှစ်အပိုင်း(ခ) ကျောင်းသူမှ ဖတ်ကြားရှင်းလင်းသည်။ ထို့နောက် ချင်းရိုးရာ အဆို အက (၀ါးညှပ်)က များဖြင့်ဖျော်ဖြေတင်ဆက်ကြပြီး အထူးအစီအစဉ် တစ်ရပ်အနေဖြင့် ချင်းတိုင်းရင်းသားရိုရာ `ခေါင်းပေါင်းလုပွဲ´ အကအား ငဖဲမြို့နယ် ဂုဏ်ကြီးကျေးရွာမှ ချင်းတိုင်းရင်း သားများက သရုပ်ဖော်ကပြကြသည်။ ကြွရောက်လာကြသော ချင်းတိုင်းရင်းသား(၁၅၀)ခန့် မှ ဤ ချင်းရိုးရာ `ခေါင်းပေါင်းလုပွဲ´အက အား အထူးစိတ်ဝင်စားကြပြီး ည(၁၁)နာရီတွင် အခမ်းအနားရုတ်သိမ်းကြောင်း သိရှိပါသည်။

ယခု(၆၄) နှစ်မြောက် ချင်းအမျိုးသားနေ့ အား မကွေးမြို့မှာ အစိုးရအသစ်လက်ထက်တွင် ပထမဆုံးအကြိမ် ကျင်းပခွင့် ပြုပါကြောင်း၊ ကျင်းပခွင့်အား တစ်လခန့်ကြိုတင်လျှောက်ထားခဲ့သော်လည်း ပွဲကျင်းပမည့် နေ့၊ နေ့လည်အချိန်မှ မကွေးတိုင်းဒေသကြီးအစိုးရအဖွဲ့ မှ ခွင့်ပြုမိန်ရရှိခဲပါကြောင်း၊ဤ ပွဲကျင်းပရေးအတွက် လျှောက်ထားရသည်မှာ အခက်အခဲ များစွာရှိခဲ့ပါကြောင်း၊ ချင်းအမျိုးသားနေ့ ကျင်းပရေးကော်မတီ တွဲဘက် အတွင်းရေးမှူး ချင်းတိုင်းရင်းသား ကို ၀ါဘီနေမှုံ (မကွေးတက္ကသိုလ်) မှ ပြောကြား၍ သတင်းရယူခဲ့ပါသည်။
 

SHADE Journal | အတွဲ(၆)| အမှတ်(၈)

  • အမည် : SHADE Journal | အတွဲ(၆)| အမှတ်(၈)
  • ဖတ်ရန် : နိပ်ပါ
  • Download ရယူရန်။ အတွဲ(၆)| အမှတ်(၈)
  • ရက်စွဲ : 15.2.2012
 

`ဆိပ်ဖြူမြို့ မြန်မာဂို(လ်)ဒင်းစတားကုမ္ပဏီ မှ တောင်သူများ၏ မြေယာများကို ပြန်လည်ရလိုမှု ဂယက်´




`ဆိပ်ဖြူမြို့ မြန်မာဂို(လ်)ဒင်းစတားကုမ္ပဏီ မှ တောင်သူများ၏ မြေယာများကို ပြန်လည်ရလိုမှု ဂယက်´

မကွေးတိုင်းဒေသကြီးပြည်သူ့လွှတ်တော်ကိုယ်စားလှယ် ဦးမြင့်စိုး( ဆိပ်ဖြူမြို့နယ်) မှ ဖိတ်ကြားချက်အရ ၄-၂-၂၀၁၂ နေ့ နံနက်(၁၀း၃၀)နာရီအချိန်တွင် ဆိပ်ဖြူမြို့ အနောက်ပိုင်းရပ်ကွက် ပြည်လုံးချမ်းသာဓမ္မာရုံသို့ စာရေးသူ သွားရောက်ခဲ့ ပါသည်။ ယင်းဓမ္မာရုံတွင်း၌ မကွေးတိုင်းဒေသကြီး ပြည်သူ့လွှတ်တော်ကိုယ်စားလှယ် ဦးမြင့်စိုး နှင့် မြေယာများကို မြန်မာဂို(လ်)ဒင်းစတားကုမ္ပဏီမှ မတရားသဖြင့် အသိမ်းခံထားရ၍ ပြန်လည်ရယူလိုကြသော မူလမြေပိုင်ရှင်များ (၂၃)ဦး တို့ တိုင်ပင်ဆွေးနွေးနေကြသည်ကို သတင်းရယူခဲ့ပါသည်။ ယင်းကိစ္စနှင့်ပတ်သက်ပြီး မူလမြေယာပိုင်ရှင် များလက်မှတ်ရေးထိုး ၍ နိုင်ငံတော်သမ္မတ ဦးသိန်းစိန်ထံ အသနားခံလွှာတင်ပြထားသော စာကို ဦးမြင့်စိုး(တိုင်းဒေသကြီးလွှတ်တော်ကိုယ် စားလှယ်) မှ ဒုတိယအကြိမ် ပြန်လည်ရှင်းလင်းဖတ်ကြားပွဲဖြစ်ပါသည်။ ဒီကိစ္စကို မကွေးတိုင်းဒေသကြီးအစိုးရအဖွဲ့ လွှတ်တော်မှာလည်း ဆက်လက်တင်ပြသွားမည်ဟု ဦးမြင့်စိုးမှပြောကြားပါသည်။ မြေယာအသိမ်းခံရသော မြေပိုင်ရှင်တချို့အား စာရေးသူမှ အင်တာဗျူးပြုလုပ်၍ မေးမြန်းခဲ့ပါသည်။ မူလမြေပိုင်ရှင်များမှ အသိမ်းခံထားရသော စိုက်ပျိုးမြေယာများကိုလည်း လိုက်လံပြသပေးကြပါသည်။

ဖြစ်စဉ်အကျဉ်းမှာ ချောက်မြို့နှင့် ဆိပ်ဖြူမြို့သို့ ဖြတ်ကူးသော အနော်ရထာ (ဧရာဝတီမြစ်ကူးတံတား) စီမံကိန်းစတင်ချိန်တွင် ၎င်းမြေယာများကို ဆောက်လုပ်ရေးဌာနမှ အသုံးပြုရန် သိမ်းဆည်းခဲ့ပါသည်။ ယင်းမြေယာများမှာ ဆိပ်ဖြူမြို့ဘက်မှ တံတားချဉ်းကပ်လမ်းဘေးတွင်တည်ရှိပါသည်။ ဆောက်လုပ်ရေးလုပ်ငန်းမှ သံဘောင် နှင့် ပစ္စည်းများကို ချထား၍ ယာယီအသုံးပြုခဲ့သောနေရာဖြစ်ပါသည်။ မြေယာများကိုစတင်သိမ်းဆည်းစဉ်အခါက သက်ဆိုင်ရာဒေသ အာဏာပိုင်တာဝန်ရှိသူများမှ မြေယာပိုင်ရှင်(၅)ဦးစီအား ခွဲ၍ခေါ်ယူပြီး ညနေအချိန်ခန့်တွင် အကြောင်းအရာပါစာများကို ဖတ်ကြားပြသခြင်း မပြုဘဲ လက်မှတ်ထိုးခိုင်းသည်ဟု မြေပိုင်ရှင်များက ပြောကြားကြပါသည်။ တံတားစီမံကိန်းပြီးဆုံးလျှင် တံတားနယ်မြေနှင့် လွတ်ကင်းသော ဤမြေယာနေရာများအား မူလပိုင်ရှင်များထံသို့ ပြန်လည်ပေးပါမည်ဟု တံတားစီမံကိန်း အင်ဂျင်နီယာမှူးကြီးမှ ဂတိပေးပြောဆိုထားပါကြောင်း မြေပိုင်ရှင်များမှ ပြောဆိုကြပါသည်။ သို့သော် တံတားပြီးသွားသော အခါတွင် မူလမြေပိုင်ရှင်များအား ပြန်လည်ပေးအပ်ခြင်းမပြုဘဲ မြန်မာဂို(လ်)ဒင်းစတားကုမ္ပဏီ သို့ လွှဲပြောင်းပေးအပ်လိုက် ပါသည်။ ယင်းကုမ္ပဏီမှ စိုက်ခင်းအနည်းငယ်သာ စိုက်ပျိုးလုပ်ဆောင်နေပြီး ကျန်သော မြေယာများကို မူလမြေယာပိုင်ရှင် မဟုတ်သော အခြားလူများထဲမှ ငွေကြေးတတ်စွမ်း နိုင်သူ စီးပွားရေးသမားများထံသို့ တစ်နှစ်ချင်း သီးစားချ၍ လုပ်ကိုင်ခွင့်ပြုထားကြောင်းသိရပါသည်။ သို့ပါ၍ မူလမြေပိုင်ရှင်(၂၃)ဦးမှာ ဆင်းရဲနွမ်းပါးပြီး စီးပွားရေးအကြပ်အတည်း အခက်အခဲများဖြင့် ရင်ဆိုင်နေကြရပါသည်။ ယင်းဖြစ်စဉ်အား (၁၈-၅-၂၀၀၁)နေ့စွဲဖြင့် ဒုတိယ ဗိုလ်ချုပ်ကြီးခင်ညွှန့်၊ အတွင်းရေးမှူး(၁)၊ နိုင်ငံတော်အေးချမ်းသာယာရေးနှင့်ဖွံ့ဖြိုးရေးကောင်စီ သို့ ပထမအကြိမ် တင်ပြထားခဲ့ပါသည်။ ယနေ့အထိ (၁၁နှစ်)အချိန်ကြာမြင့်သွားသော်လည်း မည်သို့မျှအကြောင်းမပြန်ကြားပါ ဟုသိရပါ၏။ ထို့ကြောင့် ဤကိစ္စအား မြေယာပိုင်ရှင်(၂၃) ဦးမှ မကွေးတိုင်းဒေသကြီး လွှတ်တော်ကိုယ်စားလှယ် ဦးမြင့်စိုး ထံ အကူအညီတောင်းခံခဲ့ကြပါသည်။ တိုင်းဒေသကြီး လွှတ်တော်ကိုယ်စားလှယ် ဦးမြင့်စိုးမှ ဦးဆောင်၍ နိုင်ငံတော်အစိုးရအသစ် နိုင်ငံတော်သမ္မတကြီး ဦးသိန်းစိန်ထံသို့ (၂၀၁၁ ခုနှစ်၊ အောက်တိုဘာလ(၁၃)ရက်) နေ့စွဲဖြင့် ဒုတိယအကြိမ်ထပ်မံ အသနားခံစာ)အား တင်ပြ ထားသောရှင်းလင်းပွဲမှ သတင်းရယူခဲ့ပါသည်။

မေး။ ။ အကို့နာမည်ဘယ်လိုခေါ်ပါသလဲ၊ အကို့မြေယာဘယ်နှစ်ဧက ပါသွားပါသလဲ၊ အသိမ်းခံထားရတာ ဘယ်နှစ်နှစ်ကြာခဲ့ပါပြီလဲ၊ ဒီမြေယာနဲ့ အသိမ်းခံရတုန်းက ဘယ်လိုစသိမ်းတယ်။ ဘယ်သူတွေနဲ့ ဘယ်လို ပြောဆိုလုပ်ကိုင်ခဲ့ကြတာလဲ ၊ နောက် မြေအသိမ်းခံလိုက်ရလို့ ရင်ထဲက ခံစားချက်ကလေးကို ပြန်ပြောပြပေးပါ။

ဖြေ။ ဦးထွန်းရှင် ။ ကျွန်တော့်နာမည် ဦးထွန်းရှင်ပါ။ မြေဧက (၂)ဧကလောက်ပါသွားပါတယ်။ အသိမ်းခံရတဲ့ အချိန်ကတော့ (၁၀)နှစ်ခန့်ကြာသွားပါပြီ။ တံတားတည်ဆောက်စဉ်ကာလက (၅) နှစ်အတွက် နစ်နာကြေးအဖြစ် တစ်ဧက (၃၀၀၀၀ိ) နှုန်းတွက်ပြီး ပေးပါတယ်။ အဲဒီတုန်းက တံတားဆောက်လုပ်ရေး ဒါရိုက်တာကြီးကပြောပါတယ်။ ကျွန်တော်တို့မြေယာတွေကို အပိုင်သိမ်းတာ မဟုတ်ပါဘူးလို့ ပြောခဲ့ပါတယ်။ မြေယာတွေအသိမ်းခံလိုက်ရလို့ ယခု ကျွန်တော့်မိသားစု ဘ၀ပျက်နေပါ တယ်။ ကျွန်တော့်မှာ မိသားစုမှာ သား သမီးက ငါးယောက်ရှိပါတယ်။ ဒီမြေကြီးကိုသာ လုပ်ကိုင်စားသောက်ပြီး ကျွန်တော့်သား သမီးတွေကို ကျောင်းထားခဲ့ရပါတယ်။ ယခုတော့ လက်လုပ် လက်စား ကူလီလိုက်စားနေရပါတယ်။ စားဝတ်နေရေး တော်တော်ကြပ်တည်းနေရပါတယ်။ ကျွန်တော့်မြေတွေကို လာပြီးသိမ်းစဉ်က အဲဒီအချိန်တုန်းမှ (မ.ယ.က ဥက္ကဋ္ဌ) ရယ်၊ မြေစာရင်းဌာနက မြို့နယ်ဦးစီးမှူး ဆိုသူ နှစ်ယောက်တို့ ညနေ မှောင်ခါစ အချိန်မှာ လာကြပါတယ်။ မြေပိုင်ရှင် (၅) ဦးစီကို ခွဲပြီးခေါ်ပါတယ်။ မှောင်ရီပျိုးစလေးဆိုတော့ ဘာစာမှ ဖတ်မရပါဘူး။ သူတို့ကလည်း ဖတ်မပြပါဘူး။ သူတို့ခိုင်းတဲ့ အတိုင်း ဒီနေရာလေးမှာ လက်မှတ်ထိုးပါဆိုလုိ့သာ ကျွန်တော်ထိုးခဲ့ရပါတယ်။ အနော်ရထာ တံတားကြီးပြီးသွားတော့လည်း ကျွန်တော်တို့မြေယာတွေကို ပြန်ပေးမယ်ဆိုပြီး မပေးပါဘူး။ ကျွန်တော်တို့ကို ပြန်မပေးဘဲ ယခုလုပ်နေတဲ့ MGS မြန်မာဂို(လ်)ဒင်းစတား ကုမ္ပဏီကို စိုက်ပျိုးခွင့်ချလိုက်ပါတယ်။ ကုမ္ပဏီကလည်း စိုက်ခင်းနည်းနည်းလေး အလုပ်ပြပြီး ကျန်တဲ့ မြေတွေကို ပိုက်ဆံတတ်နိုင်သူ ကုန်သည်ပွဲစားတွေကို တစ်နှစ်တစ်ခါသီးစားချပေးနေပါတယ်။ ဒါကြောင့် ဒီမြေယာများကို ပြန်လည်ရရှိအာင် ကျွန်တော်ကတော့ သေတဲ့ အထိ ပြန်လည်ရရှိအာင်ရင်ဆိုင် တောင်းဆိုသွားမှာပါ။

မေး။ ။ အမကြီးနာမည် ဘယ်လိုခေါ်ပါသလဲ။ အသိမ်းခံရတဲ့ မြေဧက ဘယ်လောက်ပါသွားပါသလဲ။ မြေယာ သိမ်းစဉ်က မြင်ကွင်းလေးနဲ့ ယခု မြေယာတွေကို ဘယ်လိုပြန်လည်ရယူနိုင်အောင် ဆောင်ရွက်မယ်ဆိုတာလေးကို ပြောပြပါ။

ဖြေ။ ဒေါ်တင်စန်း။ ။ကျမနာမည် ဒေါ်တင်စန်းလို့ ခေါ်ပါတယ်။ ဆိပ်ဖြူမှာ တောင်သူလုပ်လာတာ အသက်(၆၅)နှစ်ရှိပါပြီ။ မြေက တစ်ဧကလောက်ပါသွားပါတယ်။ အဲဒီတုန်းက ဧရာဝတီမြစ်ကူးတံတားကြီးဆောက်ဖို့ ကျမတို့မြေယာတွေကို သိမ်းမယ်လို့ ဆိုတော့ ၀မ်းပမ်းသသာနဲ့ သိမ်းပါလို့ ကိုယ့်မြို့ရွာ တိုးတက်ဖို့ဆိုတော့ ကြည်ဖြူစွာနဲ့ ပြောဆိုခဲ့ပါတယ်။ အဲ သိမ်းတဲ့ အချိန်က သူတို့ပြောခဲ့တာကလည်း ဒီတံတားကြီးပြီးသွားရင် လွတ်ကင်းတဲ့ မြေယာတွေကို ပြန်လည်စိုက်ပျိုးဖို့ ပြန်ပေးမယ်လို့လည်း ပြောခဲ့ကြပါတယ်။ တံတားစီမံကိန်းပြီးတဲ့ တစ်ညနေ အချိန် မိုးမိုချုပ်ချုပ်ကြီးမှာ ကျမတို့မြေယာတွေကို ပြန်ပေးမှာ လိုလိုနဲ့ပြောပြီး လက်မှတ်ထိုးပါဆိုလို့ ထိုးခဲ့ရပါတယ်။ ဘာစာမှလည်း ဖတ်မပြကြပါဘူး။ စာဖတ်ဖို့မီးရောင် ကလည်း မပြည့်စုံပါဘူး။ ဒီလို လုပ်သွားခံရတာကို ကျမတို့ ၀မ်းနည်းပက်လက်ဖြစ်သွားကြရပါတယ်။ ကျမတို့မှာ တောင်သူလုပ်ငန်းသာ လုပ်ကိုင်စားတတ်ကြပါတယ်။ အခြားလည်း လုပ်ကိုင်မစားတတ်ပါဘူး။ ယခုတော့ သားတွေ သမီးတွေဆီက ထောက်ပံ့တာလေးတွေကိုသာ ကြပ်ကြပ်တည်းတည်းနဲ့ စားသောက်နေကြရပါတယ်။ ဒါကြောင့် ဒီမြေယာ ပြန်ရရှိရေးကို ကိုမြင့်စိုး တို့နဲ့ အထက်လူကြီးတွေကိုသာ အားကိုးနေရပါတယ်။

မေး။ ။ မကွေးတိုင်းဒေသကြီးလွှတ်တော်ကိုယ်စားလှယ် ဦးမြင့်စိုး ခင်ဗျာ။ ယခု ဆောင်ရွက်နေတဲ့ မြေယာကိစ္စကို ဒုတိယအကြိမ် လက်မှတ်ရေးထိုးပြီး သမ္မတကြီးထံ တင်ထားတယ်လို့ သိရပါတယ်။ ဒါအပြင် ဒီကိစ္စကို ဘယ်လိုဆက်လက် ဆောင်ရွက်သွားမှာပါလဲ သိပါရစေ။

ဖြေ။ ။ ဦးမြင့်စိုး ။ ဟုတ်ကဲ့ ဒီကိစ္စကို မကွေးတိုင်းဒေသကြီး လွှတ်တော်ခေါ်ယူတဲ့အခါမှာ တင်ပြပါ့မယ်။ နောက် လွှတ်တော် အဆင့်ဆင့်မှာလည်း တင်ပြဆွေးနွေးနိုင်အောင် ဆောင်ရွက်နေပါတယ်။ ကျွန်တော်တို့နဲ့ တောင်သူလယ်သမားတွေက စည်းကမ်းနည်းလမ်းကျကျ ဆက်လက်ဆောင်ရွက်နေကြပါတယ်။ ယနေ့ ခေတ်မှာ ကျွန်တော် ကြားသိနေရတဲ့ တောင်သူလယ်သမားတွေဘက်မှ အကျိူးဆောင်ရန် လိုက်လံပြီး ဆောင်ရွက်ပေးနေကြတဲ့ (NGO) အဖွဲ့များကိုလည်း ဒီကိစ္စကို အထူး အကူအညီပေးကြပါရန် မေတ္တာရပ်ခံတောင်းဆိုချင်ပါတယ်။
 

`ဆိပ်ဖြူမြို့နယ်၊ ရေလယ်ကျွန်းကျေးရွာ၊ကိုင်းမြေနုကွန်း ကွင်းအမှတ်(၁၁၁၈) ၏ ပြဿနာ´



`ဆိပ်ဖြူမြို့နယ်၊ ရေလယ်ကျွန်းကျေးရွာ၊ကိုင်းမြေနုကွန်း ကွင်းအမှတ်(၁၁၁၈) ၏ ပြဿနာ´

၎-၂-၂၀၁၂ နေ့ နံနက်(၁၁)နာရီအချိန်၊ ဆိပ်ဖြူမြို့ အနောက်ပိုင်းရပ်ကွက် ပြည်လုံးချမ်းသာဓမ္မာရုံတွင် ကိုးတောင့်ကျေးရွာအုပ်စု၊ ရေလယ်ကျွန်းကျေးရွာ အုပ်ချုပ်ရေးမှူး ဦးတင်မောင်စိုးဝင်း နှင့်တွေ့ဆုံခဲ့ပါသည်။ ယင်းကျေးရွာ အုပ်ချုပ်ရေးမှူး မှ ယခင် ၂၀၀၈ ခုနှစ် ထုတ်ပြန်ထားသော မြန်မာဂို(လ်)ဒင်းစတား (MGS) စိုက်ခင်းတာဝန်ခံ၏ တားမြစ်ထားသောစာ နှင့် ၂၀၁၁၊ ဇွန်လ(၂၇)ရက်နေ့တွင် ဆိပ်ဖြူမြို့ မြို့နယ်အထွေထွေအုပ်ချုပ်ရေးမှူး ထံအစီရင်ခံတင်ပြ ထားသော စာ(၂) စောင်ကို တင်ပြလာပါသည်။ ထို့နောက် အောက်ပါအတိုင်း ရင်ဖွင့်ပြောဆိုသွားပါသည်။ ဤကိစ္စအား မကွေးတိုင်းဒေသကြီး လွှတ်တော်ကိုယ်စားလှယ် ဦးမြင့်စိုး၏ အကူအညီဖြင့် အစိုးရအသစ် သမ္မတကြီး ဦးသိန်းစိန်ထံသို့ လည်း တင်ပြထားပြီးကြောင်း ပြောကြားပါသည်။

ရေလယ်ကျွန်းကျေးရွာအုပ်ချုပ်ရေးမှူး ဦးတင်မောင်စိုးဝင်း၏ ပြောကြားချက်။

ကျွန်တော်တို့ရွာက ကိုးတောင့်ကျေးရွာအုပ်စုမှာပါတဲ့ ရေလယ်ကျွန်းကျေးရွာဖြစ်ပါတယ်။ ယခင်က ကျွန်တော်တို့ရွာက ကျွန်းထဲမှာနေကြတာပါ။ ဧရာဝတီမြစ်ရေတိုက်စားပြီး ကမ္ဘားတွေအများကြီးပြိုကျ ပျက်စီးသွားပါတယ်။ စိုက်ပျိုးတဲ့ကိုင်းမြေ တွေလည်းပြိုကျသွားပါတယ်။ တစ်ရွာလုံး(အိမ်ခြေ ၂၀၀)မှာ နေစရာလည်း မရှိ၊ လုပ်ကိုင်စားသောက်စရာ မြေလည်း မရှိဖြစ်ခဲ့ရပါတယ်။ ဒါကြောင့် ၁၉၉၈ ခုနှစ်မှာ ဆိပ်ဖြူ၊ စလင်း၊ မင်းဘူး ကားလမ်းမကြီးရဲ့ လမ်းဘေးကို တစ်ရွာလုံးနေရာ ပြောင်းရွှေ့လာခဲ့ကြရပါတယ်။ အဲဒီအချိန်မှာဘဲ ကံအားလျှော်စွာနဲ့ မြေနုကျွန်းတွေဟာ ဧရာဝတီမြစ်ရေအတက် အကျကိုလိုက်ပြီး သဘာဝအရ တစ်နှစ်တစ်ခါ ကျွန်းမြေအသစ်တွေ ပြန်ပြန်ပေါ်လာပါတယ်။ အဲဒီ မြေနုကျွန်းတွေက ၁၉၉၅ ခုနှစ်လောက်က စတင်ပေါ်လာတာပါ။ ဒါပေမယ့် အဲဒီအချိန်ကထဲက ဒီမြေနုကျွန်းတွေကို MGS မြန်မာဂို(လ်)ဒင်းကုမ္ပဏီ က သိမ်းတယ်ဆိုပြီး အထက်အမိန့်အရ(ပူးတွဲပါစာ) အတိုင်း သိမ်းခဲ့ပါတယ်။ အဲဒီအချိန်ကစပြီ ကျွန်တော်တို့တစ်ရွာလုံး ဘာမှ လုပ်ပိုင်ခွင့်မရရှိခဲ့ပါဘူး။ စုစုပေါင်း ဧက(၃၀၀) ခန့်ရှိပါမယ်။ ဒီကွင်းကြီးကို ကိုးတောင့်ရွာ၊ ရေပေါ်ကျွန်းရွာ၊ သံဇလုံရွာ၊ တောင်ငယ်လုံရွာ (၄)ရွာပိုင်ဆိုင်ပါတယ်။ ဒီမြေနုကျွန်မြေများကို ကွင်းကြားနယ်နိမိတ်တိုင်းတာ ဖို့ သက်ဆိုင်ရာကို ၂၀၀၈ ခုနှစ်က ကျွန်တော်တင်ပြတောင်းခံခဲ့ပါတယ်။ နှစ်အတော်ကြာမှ ၂၀၁၁ ခု မေလ မှာ သက်ဆိုင်ရာက ကွင်းကြားနယ်နိမိတ် တိုင်းတာမှု ပြုလုပ်ပေးပါတယ်။ ရွာလေးရွာ မြေနုကျွန်းစိုက်ပျိုးမြေ နယ်နိမိတ်သတ်မှတ် ထားသော် လည်း သီးခြားချန်ထားတဲ့ မြေနုကျွန်းများကို ခွဲဝေခြင်းမပြူဘဲ MGS ကုမ္ပဏီ က သိမ်းတယ်ဆိုပြီး ပေးထားခဲ့ပါတယ်။ MGS ကုမ္ပဏီက မြေနုကျွန်းများအပြင် ကုန်းပိုင်းယာမြေများကိုလည်း အထက်အမိန့်နဲ့ သိမ်းယူသွားပါတယ်။

MGS မြန်မာဂို(လ်)ဒင်းစတား ကုမ္ပဏီ က ဒီမြေနုကျွန်းတွေကို ကိုယ်တိုင်လုပ်ကိုင်ခြင်းမပြုဘဲ တစ်နှစ်တစ်ခါ သီးစားချပေးနေတာကို တွေ့မြင်ရပါတယ်။ ကျွန်တော်တို့ရွာ နယ်နိမိတ်ထဲက စိုက်ပျိုးမြေများကို ကျွန်တော်တို့ရွာမှ တောင်သူများကို သီးစားချမပေးဘဲ အခြားရွာတွေကို ကျော်ပြီး သီးစားချပေးနေပါတယ်။ ဒီကိစ္စ အထက်အဖွဲ့အစည်း အဆင့်ဆင့်ကို ခဏ ခဏ တင်ပြထားသော်လည်း ယနေ့အထိ ဘာမှ ထူးခြားမှု မရှိဖြစ်နေပါတယ်။ဒါကြောင့် ကျွန်တော်တို့ ရေလယ်ကျွန်းကျေးရွာမှာ လုပ်စားစရာ မြေနုကျွန်းအခက်အခဲများကြောင့် စားသောက်ရေးအတွက် ဆင်းရဲဒုက္ခရောက်နေ ကြရပါတယ်။ တချို့တော်တော်များများဆိုရင် ဆိပ်ဖြူမြို့ပေါ်တက်ပြီး ပွဲရုံတွေက အလုပ်သမားတွေအဖြစ် ကူလီထမ်းနေကြ ရပါတယ်။ ဒါကြောင့် ၂၀၁၁ ခုနှစ် ဇွန်လ(၂၇)ရက် နေ့မှာ ဆိပ်ဖြုမြို့နယ်အုပ်ချုပ်ရေးမှူးထံ တရားဝင် စာတင်မေးမြန်းခဲ့ ပါတယ်။ ၇-၇-၂၀၁၁ နေ့မှာဆိပ်ဖြုမြို့နယ်အုပ်ချုပ်ရေးမှူးထံ ကျွန်တော်ကိုယ်တိုင်သွားရောက်ပြီး ထပ်မံမေးမြန်းခဲ့သော် လည်း အထက်သို့ တင်ပြထားဆဲလုိ့သာ သိရပါတယ်။ ဒါကြောင့် ကျွန်တော်တို့ နှစ်စဉ်ခွဲခြမ်းလုပ်ကိုင် စားသောက်ခဲ့သော ဘိုးဘွားအဆက်ဆက်က လုပ်ကိုင်စားသောက်ခဲ့ရသော ဒီမြေနုကျွန်းကိစ္စများကို MGS ကုမ္ပဏီမှ ဆင်းရဲဒုက္ခရောက်နေကြတဲ့ တောင်သူ လယ်သမားများထံ ပြန်လည်ပေးကြဖို့ သက်ဆိုင်ရာက အထက်အဖွဲ့အစည်းများထံကို အသိပေးပန်ကြားလိုက် ပါရစေ..။
 

SHADE Journal | အတွဲ( ၆ )၊ အမှတ်( ၇ ) အကယ်ဒမီ အထူးထုတ်

  • အမည် : SHADE Journal | အတွဲ( ၆ )၊ အမှတ်( ၇ )
  • ဖတ်ရန် : နိပ်ပါ
  • Download ရယူရန်။ အတွဲ( ၆ )| အမှတ်( ၇ )
  • ရက်စွဲ : 8.2.2012 မှ 14.2.2012
 

` မြသလွန်စေတီတော်အား ပူဇော်သော မကွေးတိုင်းဒေသကြီး အစိုးရသစ်၏ ပထမအကြိမ် ထမနဲထိုး ပြိုင်ပွဲ´



` မြသလွန်စေတီတော်အား ပူဇော်သော မကွေးတိုင်းဒေသကြီး အစိုးရသစ်၏ ပထမအကြိမ် ထမနဲထိုး ပြိုင်ပွဲ´
မကွေး၊ ဖေဖော်ဝါရီလ(၇)ရက်။

၆-၂-၂၀၁၂ ၊ ၁၃၇၃ ခုနှစ် တပို့တွဲလဆန်း(၁၄)ရက် နေ့ ညနေ(၄)နာရီမှာ မကွေးမြို့ မြသလွန်ဘုရားပွဲတော် ကွင်းပြင်တွင် မကွေးတိုင်းဒေသကြီးအစိုးရသစ် ၏ ပထမအကြိမ် မြန်မာ့ရိုးရာအစားအစာ ထမနဲထိုးပြိုင်ပွဲ ကျင်းပသည်။ မကွေးမြို့ပေါ်ရှိ ရပ်ကွက်များနှင့် ဌာနဆိုင်ရာအသင်းအဖွဲ့ပေါင်း (၄၅)သင်းပြိုင်ပွဲဝင်ကြပါသည်။ ယင်းဖွင့်ပွဲတွင် မကွေးတိုင်းဒေသကြီး အစိုးရအဖွဲ့မှ လုံခြုံရေးနှင့်နယ်စပ်ရေးရာ ၀န်ကြီး ဗိုလ်မှူးကြီး အံ့ဇော်၊ မကွေးတိုင်းဒေသကြီး အစိုးရအဖွဲ့ မှ အတွင်းရေးမှူးဦးနေ၀င်း နှင့် မကွေးခရိုင် အထွေထွေ အုပ်ချုပ်ရေးမှူး ဦးမင်းအေးလွင် တို့ သုံးဦးမှ ဖဲကြိုးဖြတ်၍ အခန်းအနားကို ဖွင့်လှစ်ပေးကြပါသည်။ ဤပွဲကို ထူးထူးခြားခြား နိုင်ငံခြားသား ဧည့်သည်တော်များ အဖွဲ့လိုက် လာရောက် လေ့လာကြည့်ရှု အားပေးကြပြီး မှတ်တမ်းတင် ဓာတ်ပုံများ ရိုက်ယူသွားကြပါသည်။

နိုင်ငံခြားသား ဧည့်သည်တော်တစ်ဦးမှ `မင်းတို့ ဒီထမနဲ မှုန့်များကို ကောင်း မကောင်း ဘာ..မီတာနဲ့တိုင်းတာ စစ်ဆေးဆုံးဖြတ် ရွေးချယ်ပေးကြပါလဲ..?။ဟု မေးပါတယ်။ `ကျနော်တို့မှာ မျက်လုံး မီတာ၊ နှာခေါင်း မီတာ၊ ပါးစပ် လျှာ မီတာ များနဲ့ ဒိုင်လူကြီးအဖွဲ့က စစ်ဆေး တိုင်းတာပြီး ရွေးချယ်ပေးကြပါတယ်ခင်ဗျာ..´။ လို့ ပြန်လည် ဖြေကြားပြောဆို ခဲ့ရကြောင်း၊ ထမနဲ များကိုလည်း နိုင်ငံခြားသားဧည့်သည်တော်အဖွဲ့အား စားသုံးကြည့်ကြရန် ကျွေးမွေးခဲ့ပါကြောင်း၊ ဒိုင်ချုပ် ဦးစိန်လင်း မှ ပြောကြား၍ သိရှိရပါသည်။

မြန်မာ့ရိုးရာ အစားအစာ ထမနဲထိုးပြိုင်ပွဲဝင် အသင်း တစ်သင်းလျှင် ကောက်ညင်းဆန်(၄) ပြီ၊ ဆီ၊ ဆား၊ အုန်းသီးဆံ နှင့် နှမ်း၊ ဂျင်း စသည့် ပစ္စည်းအစုံ အား အညီအမျှကို ပြိုင်ပွဲ မစခင် (၂)နာရီအချိန်ကြိုတင်၍ ထုတ်ပေးထားကြောင်း မြင်တွေ့ရ ပါသည်။ ယင်းပစ္စည်းအစုံအား တစ်သင်းလျှင် ငွေကျပ်(၂၀၀၀၀ိ) နှစ်သောင်းကျပ်ဘိုး ပြိုင်ပွဲကျင်းပရေးကော်မတီမှ အကုန်ကျခံ၍ ကျင်းပကြောင်း သိရ၏။ ဒယ်အိုး၊ ထင်း နှင့် ထမနဲထိုးယောင်းမကြီးများ စသည့် လိုအပ်သော ပစ္စည်းများကို ယှဉ်ပြိုင်မည့် အသင်းများမှ တပါတည်းယူလာကြရပါသည်။ ပြိုင်ပွဲဝင် တစ်သင်းလျှင် ထမနဲထိုးရန်လူ (၇)ဦးစီဖြင့် ယှဉ်ပြိုင်ကြပါသည်။ ညနေ(၄)နာရီအချိန်တွင် ဒိုင်လူကြီးအဖွဲ့မှ ခရာမှုတ်၍ စတင်ပါသည်။ ဒိုင်ချုပ်ဦးစိန်လင်း (တိုင်းဒေသကြီးမန်နေဂျာ/၀ါချည်ထည်လုပ်ငန်း) နှင့်အတူ ဒိုင်အဖွဲ့ စုစုပေါင်း(၁၅)ဦး၊ ထမနဲထိုးနေကြသော ဒယ်အိုးများတွင်လည်း အနီးကပ်ကြီးကြပ်ဒိုင် အဖွဲ့တစ်ဖွဲ့ချင်းအား တစ်ယောက်နှုန်း ဖြင့် (၄၅)ဦး နေရာချထားကြောင်း မြင်တွေ့ရပါသည်။ ပြိုင်ပွဲအချိန်အား (၄၅) မိနစ်သတ်မှတ်ထားပါသည်။ ထမနဲထိုးသော အချိန်အား စောစောပြီးရန် အမြန်ပြိုင်ပွဲကျင်းပခြင်း၊ မဟုတ်ဟုသိရပါသည်။ သို့သော် နောက်ကျမှပြီးသောအဖွဲ့များကို မိနစ်အလိုက် အမှတ်များကို လျှော့ပေးပါသည်။ ပြိုင်ပွဲအား ဒိုင်အဖွဲ့မှ စတင်ချိန်မှစ၍ မိနစ်(၂၅)၊ မိနစ်(၃၅)၊ မိနစ် (၄၀)၊ မိနစ်(၄၅) အချိန်များအား ကြေငြာပေးကြပါသည်။ ပြိုင်ပွဲ(၄၅)သင်းမှ လာရောက်အပ်နှံကြသော ထမနဲ ပွဲများမှာ တစ်သင်းလျှင် ဘုရားဆွမ်းတော်ကပ်ရန်ပွဲ(၁)ပွဲ၊ ယှဉ်ပြိုင်ပွဲ(၁)ပွဲ၊ ဧည့်သည်များအတွက်(၁)ပွဲ စုစုပေါင်း(၃) ပွဲ အပ်နှံကြရပါ၏။ ပြိုင်ပွဲဝင် ကြွေပုဂံပြားများ၏ အောက်ဘက် ဖင်တွင် ကုတ်နံပါတ်များဖြင့် မှတ်သားထားခြင်းကို မြင်တွေ့ရပါသည်။ ပြိုင်ပွဲဝင်(၄၅) ပုဂံများထဲမှ ဒိုင်(၁၅)ဦးက မြည်းစားပြီး ဒိုင်တစ်ဦးလျှင် စိတ်ကြိတ်(၁)ပွဲစီနှုန်းဖြင့် သတ်မှတ်ပေးထားသော အမှတ်ပေးစည်းမျဉ်း စည်းကမ်းများအတိုင်း ရွေးချယ်ပေးကြသည်ကို မြင်တွေ့ရပါသည်။ ဒိုင်(၁၅) ဦးမှ ရွေးချယ်ထားသော (၁၅)ပွဲကို ဒိုင်များမှ ထပ်မံ၍ ထမနဲ၏အရသာကိုလည်း မြည်းစားပြီး ရရှိထားသော အမှတ်စာရင်းများကို ပြန်လည်စစ်ဆေးကြပါသည်။ သတ်မှတ်ပေးထားသော အမှတ်ပေးစည်းကမ်းချက်များမှ ရမှတ်များ၊ ထမနဲ၏ အရောင်အဆင်း၊ အနံ့ အရသာတို့အား ထပ်မံစစ်ဆေးကြပြီး ဇကာတင်အဖြစ် (၅)ပွဲအား ထပ်မံ၍ စီစစ်ပြီး ရွေးချယ်ကြပါသည်။ ယင်းဇကာတင် ရွေးချယ်ထားသောပြိုင်ပွဲဝင် ထမနဲ (၅)ပွဲမှ ဒိုင်ချုပ် နှင့် ပူးတွဲအကူဒိုင် (၂)ဦးတို့မှ ပ၊ ဒု၊ တ (၃)ပွဲကို ဖိုင်နယ်အဖြစ်ရွေးချယ် ဆုံးဖြတ်ပေးခြင်းအား မြင်တွေ့ရပါသည်။

ပထမဆုအား မကွေးတိုင်းဒေသကြီး မိခင်နှင့် ကလေး အမျိုးသမီးရေးရာအသင်း မှ ဆုငွေကျပ်(၅၀၀၀၀ိ)ငါးသောင်း ဆွတ်ခူးရရှိပါသည်။ ဒုတိယဆုအား မကွေးတိုင်းဒေသကြီး ပညာရေးဌာနအသင်း မှ ဆုငွေကျပ်(၄၀၀၀၀ိ) လေးသောင်း ရရှိပါသည်။ တတိယဆုအား မကွေးတိုင်း ဘဏ္ဍာရေးနှင့် အခွန်ဝန်ကြီးဌာန အသင်း မှ ဆုငွေကျပ်(၃၀၀၀၀ိ) သုံးသောင်း ဆွတ်ခူးကြပါသည်။ ကျန်သော ပြိုင်ပွဲဝင်အသင်း(၄၂) သင်းအား နှစ်သိမ့်ဆုအဖြစ် တစ်သင်းလျှင်(၁၀၀၀၀ိ) တစ်သောင်းကျပ်နှုန်းဖြင့် ချီမြှင့်ပေးကြောင်းမြင်တွေ့ရပါသည်။ ယင်းပြိုင်ပွဲဝင်အသင်း(၄၅)သင်းတို့မှ ထမနဲဆွမ်းတော်ပွဲများ (၄၅) ပွဲအား (၁၃၇၃ ခု တပို့တွဲလပြည့်နေ့) နံနက်(၅)နာရီအချိန်တွင် အာရုံဆွမ်းတော်ပွဲများအဖြစ် မကွေးမြို့ မြသလွန်စေတီတော် ဘုရားကြီးအား ဆက်ကပ်ပူဇော် လှူဒါန်းကန်တော့ကြကြောင်း သိရှိရပါသည်။
 

` တောင်ငူမြို့မှ စာပေဟောပြောပွဲ ဂယက် အင်တာဗျူး´



` တောင်ငူမြို့မှ စာပေဟောပြောပွဲ ဂယက် အင်တာဗျူး´

တောင်ငူ ဇန်န၀ါရီ(၂၇)။

စာရေးသူ ၂၀၁၂ ခုနှစ် ဇန်န၀ါရီ(၂၆)ရက်နေ့တွင် စာရေးဆရာ အေးရွှေ(ကေတုမတီ) မှ တောင်ငူစာပေဟောပြောပွဲသို့ လာရောက်သတင်းယူရန် ဖိတ်ကြားပါသည်။ ထို့ကြောင့် မကွေးမြို့ သင်ကြားရေးဆေးရုံအုပ်ကြီးဖြစ်သူ ဒေါက်တာမြသောင်း (ခ) ကဗျာဆရာ သောင်းကေတု ၏ ကားကြုံဖြင့် တောင်ငူမြို့သို့ လိုက်ခဲ့ပါသည်။ (၂၆)ရက်နေ့ ည(၇)နာရီတွင် တောင်ငူမြို့သို့ ရောက်ပါသည်။ တောင်ငူစာပေဟောပြောပွဲမှာ (၂၆-၁-၂၀၁၂) နေ့ ညတွင် စတင်ကျင်းပရန် မူလက စီစဉ်ထားပါသည်။ သို့သော်လည်း ယင်းညမှာ စာပေဟောပြောပွဲကျင်းပရာ မိုင်နာဘောလုံးကွင်းထဲမှာ တရားပွဲ ရှိနေ၍ စာပေဟောပြောပွဲအား တစ်ရက်နောက်သို့ ဆုတ်ပေးလိုက်ရကြောင်း ကြားသိရပါ၏။

စာပေဟောပြောပွဲများကို (၂၇) ရက်နေ့မှ (၃၁-၁-၂၀၁၂) နေ့ အထိ (၅)ရက် ၊ (၅)ည ကျင်းပမှာ သိရပါ၏။ တစ်ညမှာ စာရေးဆရာ နှစ်ဦး ဟောပြောကြဖို့ စီစဉ်ထားပါသည်။

၂၇-၁-၂၀၁၂ နေ့ညမှာ ဆရာမောင်သာချို နှင့် ဆရာဖေမြင့် တို့ နှစ်ဦး စတင်ဟောပြောကြပါသည်။ ၂၈-၁-၂၀၁၂ နေ့ည မှာ စာရေးဆရာ ချစ်စရာ နှင့် ဦးဘုန်း(ဓာတု) တို့ စာရေးဆရာနှစ်ဦးဟောပြောကြပါမည်။ ၂၉-၁-၂၀၁၂ နေ့ညမှာ စာရေးဆရာ ကျော်ရင်မြင့် နှင့် ကာတွန်းဆရာ အော်ပီကျယ် တို့ ဟောမည်။ ၃၀-၁-၂၀၁၂ နေ့ညမှာ အကယ်ဒမီ(ဇာတ်ညွှန်း) ငြိမ်းမင်း နှင့် စာရေးဆရာ ကြည်မင်း(ခ) ကျော်ဇောမင်း တို့ ဟောကြမည်။ ၃၁-၁-၂၀၁၂ နေ့ညမှာ စာရေးဆရာ ဟိန်းလတ် နှင့် စာရေးဆရာမ သန်းမြင့်အောင်တို့ ဟောပြောကြမည် ဖြစ်ကြောင်း သတင်းရရှိခဲ့ပါသည်။ ယင်းစာပေဟောပြောပွဲတွင် ရန်ကုန်၊ စာပေတိုက်များမှ ဈေးရောင်းပွဲတော်သို့ လာရောက်ကြပါသည်။ တောင်ငူမြို့ ကာတွန်းဆရာများကြီးမှူးကျင်းပ သော ကားတွန်းပြပွဲ ပြိုင်ပွဲများကိုလည်း ခင်းကျင်းပြသထားကြပါသည်။ စာပေဟောပြောပွဲ အား ၀ိုင်းဝန်းကျင်းပ ဆောင်ရွက်နေကြသော ကာတွန်းဆရာများနှင့် သတင်းထောက် မောင်ဆွေ(တောင်ငူ) တို့မှာ
(၂၇-၁-၂၀၁၂) နေ့ နံနက်ပိုင်းတွင် ချွေးတစ်လုံးလုံးဖြင့် လုပ်ကိုင်ဆောင်ရွက်နေကြ၏။ ထိုနေရာတွင် မောင်ဆွေ(တောင်ငူ) အား မော်နီတာ ဂျာနယ်မှ သွားရောက်တွေ့ဆုံပြီး အင်တာနက်ဝက်ဆိုက်(မန္တလေးဂေဇက်) မှာ ဖော်ပြထားသော တောင်ငူစာပေဟောပြောပွဲ ဂယက်ကို မေးမြန်းခဲ့ပါ၏။

မေး။ ။ သတင်းထောက် မောင်ဆွေ(တောင်ငူ) ခင်ဗျား ယခု တောင်ငူမြို့မှာ (၂၇-၁-၂၀၁၂) နေ့မှ စပြီး (၃၁-၁-၂၀၁၂) နေ့အထိ (၅) ရက် (၅) ည တိတိ ကျင်းပဖြစ်တဲ့ စာပေဟောပြော ဖြစ်ပေါ်လာပုံ နဲ့ မည်သူတွေ မည်သည့် အဖွဲ့အစည်းတွေက ကြီးမှုးကျင်းပကြပါသလဲ ဆိုတာလေးကို သိပါရစေ..။

ဖြေ ။ ။ ဟုတ်ကဲ့ ကျွန်တော်တို့ တောင်ငူမြို့မှာ ယခင်က စာပေဟောပြောပွဲများ ပြတ်သွားခဲ့တာ (၄-၅)နှစ်လောက် ကြာခဲ့ပါပြီ။ မနှစ်က ၂၀၁၀ ခုနှစ် မှ စတင်ကျင်းပဖြစ်ခဲ့ပါတယ်။ မနှစ်က စပြီး စာပေဟောပြောပွဲလုပ်ဖြစ်ပုံက စပြောပါ့မယ်။ ကံ့ကော်ဝတ်ရည်စာပေ က မ၀ိုင်း(၀ိုင်းဝိုင်း) တို့က စာအုပ်ဈေးရောင်းပွဲတော် (၅)ရက်လောက် လုပ်ချင်ကြောင်း အဆက် အသွယ်လုပ်ပါတယ်။ ဒါနဲ့ တောင်ငူမြို့ မြို့ပေါ်မှ လုပ်ငန်းရှင်များနဲ့ဖြစ်ကြတဲ့ ဓါတ်ပုံ ကိုရဲထိုက်၊ ရှမ်းမလေး ရွှေမန်းသူကားဂိတ်လိုင်း၊ တော်ဝင်ထွန်း စတိုးဆိုင်ပိုင်ရှင် ဗိုလ်ကြီးသိန်းထိုက်အေး၊ အမေ့အိမ် ဟိုတယ်ပိုင်ရှင် ဦးမြင့်ညို တို့က မတည်ကူညီကြပါတယ်။ ဒါနဲ့ နာမည်ရ စာရေးဆရာတွေကို ဖိတ်ပြီး ကျွန်တော်တို့ တောင်ငူကာတွန်းဆရာ အဖွဲ့က ဦးဆောင်ပြီး ကျင်းပခဲ့ပါတယ်။ အဲ မနှစ်က စာပေဟောပြောပွဲပြီးကထဲက ယခုနှစ်ကြီးမှူး ကျင်းပတဲ့ ထာဝရ ဂရုဏာရှင်များ သွေးလှူအသင်းမှခေါင်းဆောင် ဦးနန္ဒ(ပြည်ခိုင်ဖြိုး အတွင်းရေးမှူး)က လာပြီး ကျွန်တော်တို့အဖွဲ့နဲ့ ကြိုတင်ပြောကြားထားတဲ့ စာပေဟောပြောပွဲပါ။

မေး။ ။ ဒီစာပေဟောပြောပွဲမှာ စာအုပ်ဈေးရောင်းပွဲတော်လည်းပါတယ် ဆိုတော့ လာရောက်ရောင်းချကြတဲ့ စာအုပ်ဆိုင်တွေဆီက အခ ကြေးငွေများကို ဘယ်လိုယူပါသလဲခင်ဗျာ..။

ဖြေ။ ။ ဘယ်သူကမှ မယူကြပါဘူး။ ဈေးရောင်းဖို့နေရာတွေကို အခမဲ့ပေးထားတာပါ။ တစ်ခုတော့ရှိတယ် မနှစ်ကတော့ သတိမထားမိပါဘူး။ ဒါပေမယ့် သူတို့က ပြန်ပြီး အလှူငွေထည့်ကြတာ၊ မထည့်တာကိုတော့ ကျွန်တော် သတိမထားမိပါဘူး။ များသောအားဖြင့်တော့ အလှူငွေထည့်ကြမှာပါ။ အလှူငွေ ထည့်ရမယ်လို့လည်း သတ်မှတ်မထားပါဘူး။ ဒီနှစ်လည်း အခမဲ့နေရာပေးပြီး ရောင်းချခိုင်းပါတယ်။

မေး။ ။ နောက် သိချင်တာတစ်ခုကတော့ လာရောက်ဟောပြောကြတဲ့ စာရေးဆရာတွေကို ရန်ကုန်(သို့မဟုတ်) မန္တလေးကနေပြီး သီးခြား ကားစင်းလုံးနဲ့ ကြိုပို့လုပ်ပေးရတာများ ရှိပါသလား။ စာရေးဆရာ တစ်ဦးကို ဘယ်လိုများ ကန်တော့ကြပါသလဲ သိပါရစေ။

ဖြေ။ ။ စာရေးဆရာတွေကို များသောအားဖြင့်တော့ မီးရထား (သို့မဟုတ်) ခရီးသည် အမြန်ယာဉ်လိုင်းကားတွေ နဲ့သာ အသွား အပြန် ခရီးများကို စီစဉ်ပေးကြရပါတယ်။ စာရေးဆရာ တစ်ဦးကို ငွေသား တစ်သိန်းကျပ်နဲ့ လက်ဆောင်ပစ္စည်းများ ပေးပြီး ကန်တော့ကြပါတယ်။ အသွား အပြန်ခရီးစရိတ် ကုန်ကျငွေများကိုလည်း ကျခံပေးပါတယ်ခင်ဗျား။

မေး။ ။ ယခုပြုလုပ်တဲ့ တောင်ငူစာပေဟောပြောပွဲက ကြံ့ခိုင်ဖွံ့ဖြိုးရေး မှ ထာဝရ ဂရုဏာရှင်များ သွေးလှူရှင်အသင်းက ဦးဆောင်လုပ်တာလို့ သိရပါတယ်။ ဒါကြောင့် အင်တာနက်သတင်း(မန္တလေးဂေဇက် ၀က်ဆိုက်)မှာ မကြေလည်ကြတဲ့ သတင်းအမျိုးမျိုးတွေကို ဖတ်ရပါတယ်။ သတင်း တစ်ခုမှာ ဆိုရင် ဆရာမောင်ဝံသ ဟာ` ကြံ့ခိုင်ဖွံ့ဖြိုးရေးပါတီက ဦးဆောင်ကျင်းပလို့ မလာတော့ပါ´ လို့ ဖတ်ရပါတယ်။ အဲဒီကိစ္စမှာ ဖိတ်ကြားသူ ဆရာ မောင်ဆွေ(တောင်ငူ) အနေနဲ့ သိပါသလား။ ဟုတ်ပါသလားခင်ဗျာ။ အဲဒီလို မကြေလည်ကြတဲ့ အထဲမှာ ဆရာ တို့ ကာတွန်းဆရာတွေလည်း ပါဝင်ကြပါသလား။

ဖြေ။ ။ ဒါကတော့ လူ့သဘာဝအတိုင်းပါဘဲ။ ကြိုက်တဲ့သူက ကြိုက်သလို ပြောကြသလို မကြိုက်တဲ့သူက မကြိုက်သလို ပြောကြတာပေါ့နော်။ ကျွန်တော်တို့သည် ကိုယ့်မြို့ ကိုယ့်ရွာမှာ အမှန်တကယ် အကျိုးရှိမယ်ဆိုရင် ဘယ်သူနဲ့ဘဲ လုပ်ရ လုပ်ရ အကူညီတောင်းလာခဲ့ရင် ယခုလို ၀ိုင်းဝန်းပြီး လုပ်ဆောင်ပေးမှာပါ။ ဒီနေရာမှာ ကျွန်တော်ပြောလိုတာက ကြံ့ခိုင်ရေးပါတီကပဲ လုပ်လုပ် ဘယ်ပါတီကပဲ လုပ်လုပ် စာပေဟောပြောပွဲမှာ ဟောပြောကြမယ့် စာရေးဆရာတွေက အများပြည်သူတွေကိုသာ ဟောပြောကြမှာပါ။ အမှန်တကယ် ရရှိသွားမှာကလည်း ပြည်သူတွေနဲ့ ကျောင်းသူ ကျောင်းသားတွေပါဘဲ။ ယခုစာပေဟောပြောပွဲ ကို ဦးဆောင်ကျင်းပသူတွေကလည်း ကျွန်တော်တို့ကို ပြောထားပါတယ်။ ကျွန်တော်တို့ ဘာအရောင်အသွေးမှ မပါဝင်ပါဘူး။ စာရေးဆရာတွေလည်း(အိုးပင်းတိုက်) ကြိုက်တာကို လွတ်လွတ် လပ်လပ် ပြောဆိုနိုင်ကြပါတယ်။ စာပေဟောပြောပွဲ ဖြစ်မြောက်ရေးကသာ အဓိကပါ လို့ ကြိုတင်ပြောဆိုထားပါတယ်။ ကျွန်တော်တို့ ကြေကြေနပ်နပ် နဲ့ ၀ိုင်းဝန်းဆောင်ရွက် ကြတာပါ။

နောက် အဲဒီကိစ္စကို ဆရာမောင်ဝံသ နဲ့ ကျနော် ဖုန်းဆက်ရပါတယ်။ `ကိုဆွေ တဲ့ အင်တာနက်မှာ ဖတ်ရလား။ အင်တာနက်ထဲမှာ(……..) ဒီလို ဒီလိုရေးထားပါတယ်။ကျွန်တော် အဲဒီလို သဘောမဟုတ်ပါဘူးတဲ့။ ကျွန်တော် ဟောင်ကောင်ကို (၂၆)ရက်နေ့မှာ အမှန်တကယ်သွားရပါ့မယ်။ ပြီးရင် မူလရည်ရွယ်ချက်က (၃၁)ရက်နေ့မှ ပြန်ရောက်ပါ့မယ်။ ဒါပေမယ့် ယခုတော့ (၃၀)ရက်နေ့ ကျနော်ရန်ကုန်ကို ပြန်ရောက်လာပါ့မယ်။ ရန်ကုန်ကို ပြန်ရောက် ရောက်ချင်း (၃၀)ရက်နေ့မှာ အခြား စပွန်ဆာတွေရှိနေပါတယ်။ အဲဒီတော့ (၃၁)ရက်နေ့မှာ ကျနော့်ကို ဟောပြောစေချင်ရင်တော့ ကျနော် လာဟောပေး ပါ့မယ်တဲ့။´ဆိုတော့ ကျွန်တော်တို့က (၃၁)ရက်နေ့အထိ ရက်ရတာတော့မှန်တယ်။ သို့သော် ဆရာဟိန်းလတ် နဲ့ ဆရာမသန်းမြင့်အောင်က (၂၆-၁-၂၀၁၂)နေ့ညပွဲကနေ (၃၁-၁-၂၀၁၂) နေ့ ညပွဲကို ပြောင်းပေးထားရတာဆိုတော့ သူတို့ကို ထပ်ပြီးပြောင်းဖို့က မဖြစ်သင့်တော့ဘူးလေ..။ အဲဒီအတွက် ဆရာမောင်ဝံသ ကို ဖိတ်ချင်သော်လည်း၊ သုံးယောက်ပွဲကျတော့လဲ မကျင်းပနိုင်ကြပါဘူး။ အဲဒီအတွက် ၀မ်းနည်းစွာနဲ့ အဲဒီကိစ္စကို ပယ်လိုက်ရပါတယ်။ အင်တာနက်ကိစ္စကြောင့် ဆရာမောင်ဝံသ ပျက်တာ ပြောတာမဟုတ်ပါ။ သူကိုယ်တိုင် ဟောင်ကောင်ကို သွားရမှာ ဖြစ်လို့ ဖြစ်ပါကြောင်း ကျနော်နဲ့ ဆရာမောင်ဝံသ တို့ ဖိတ်ကြားပြောဆိုကြရတာပါ..။ဒါကတော့ နိုင်ငံခြားပွဲနဲ့ မြန်မာပြည်ပွဲဆိုတော့လည်း သူ့အခွင့်အရေးကို လက်လွှတ်ဆုံးရှုံးမခံနိုင်ပါဘူး။ မြန်မာပြည်စာပေဟောပြောပွဲဆို တာက နောက်မှ ဟောလဲရမှာပါဘဲ။ နိုင်ငံခြားပွဲဆိုတာက စီစဉ်သူ ဖိတ်ကြားထားသူရှိနေတုန်းသာ သွားရတာလေ..။ ကျနော်ဆိုရင်လည်း နိုင်ငံခြားပွဲကိုသာ ဦးစားပေးပြီးသွားမှာပါဘဲ။ ဒီကိစ္စမှာ ဒါပါဘဲ ခင်ဗျာ..´ လို့ သတင်းထောက် မောင်ဆွေ(တောင်ငူ) မှ ပြောဆိုသွားပါသည်။