လူငယ့်အလင်းရောင် စာကြည့်တိုက် တစ်နှစ်ပြည့် စာအုပ်ပြပွဲ
၂၆-၂-၂၀၁၁ နေ့ နံက်(၉)နာရီတွင် မကွေးမြို့၊ ရွာသစ်ရပ်ကွက်၊ (၁၆)လမ်း၊ အမှတ်(၁၅၃) မှာ လူငယ့်အလင်းရောင်စာကြည်တိုက် တစ်နှစ်ပြည့် စာအုပ်ပြပွဲ ကျင်းပကြောင်းသိရသည်။ ယင်းစာကြည့်တိုက်မှာ မကွေးဆေးတက္ကသိုလ်ကျောင်းသားများနှင့် အခြားတက္ကသိုလ်ကျောင်းသားများ စုပေါင်းဖွင့်လှစ်ထားကြောင်းသိရသည်။
စာကြည့်တိုက် အသင်းဝင်ကြေးတစ်နှစ်လျှင်(၅၀၀)ကျပ် နှင့် စာအုပ်အငှါးကဒ်တစ်စောင်လျှင်(၅၀၀)ကျပ် နှုန်းဖြင့် စာအုပ်ငှါးကဒ် တစ်စောင်မှာ စာအုပ်(၁၂)အုပ်ငှါးနိုင်ကြောင်း သတင်းနှင့်ပြန်ကြားရေးတာဝန်ခံ ကိုစည်သူအောင် မှပြောကြားပါသည်။ စာအုပ်ငှါးရန်ကဒ်နှင့် အသင်းဝင်ကဒ် ပြုလုပ်လိုသူများမှာ ပတ်စ်ပို့ဓာတ်ပုံ(၂)ပုံ၊ မှတ်ပုံတင်မိတ္တူ၊ မိဘ၊ ကျောင်းအုပ်ကြီး (သို့မဟုတ်) ရပ်ကွက် ဥက္ကဋ္ဌ ၏ ထောက်ခံစာဖြင့် ပြုလုပ်ငှါးရမ်းနိုင်ကြောင်း၊ ဤစာကြည့်တိုက်ကို (၂၆-၂-၂၀၁၀) နေ့မှ စတင်ဖွင့်လှစ်ခဲ့ပြီး စာကြည့်တိုက်ဖြစ်မြောက်ရေးကော်မတီအား လူငယ်ကျောင်းသားများ ဖြင့် အခမဲ့ ဆောင်ရွက်လုပ်ကိုင်ကြောင်း၊ အသင်းဝင် (၁၀၀)ကျော် ခန့်လက်ခံထားကြောင်း၊ ကဗျာ၊၀ထ္ထု၊မဂ္ဂဇင်း၊ဂျာနယ်များ၊ မြန်မာ၊အင်္ဂလိပ်နှစ်ဘာသာဖြင့် သုတ၊ရသ၊ဘာသာရးနှင့် နည်းပညာစာအုပ်များ အစုံအလင်ထားရှိပါကြောင်း၊ တို့ကို စာကြည့်တိုက် ဥက္ကဋ္ဌ ကိုကျော်စွာအောင်၊ ဘဏ္ဍာရေးမှူး မခင်ဆုပိုင်ငြိမ်း နှင့် အတွင်းရေးမှူး မအေးမြတ်ဆုကျော် တို့မှ မကွေးစာနယ်ဇင်းအဖွဲအား ရှင်းလင်းပြောကြားသည်။
လူငယ့်အလင်းရောင်စာကြည့်တိုက် တစ်နှစ်ပြည့် စာအုပ်ပြပွဲအခမ်းအနားကို မကွေးမြို့နယ်စာပေနှင့်စာနယ်ဇင်း ဥက္ကဋ္ဌမကွေးဝင်းမြင့် မှဖဲကြိုးဖြတ်ဖွင့်လှစ်ပေးကြောင်း သတင်းရရှိခဲ့ပါသည်။
ရွှေလမ်းငွေလမ်းဝင်းကြည်
No comments:
Post a Comment