မကွေးတိုင်းဒေသကြီး၊
တောင်တွင်းကြီးမြို့၏ ရပ်ကွက်အချို့တွင် ယခုလို ပူပြင်းခြောက်သွေ့သော ရာသီဥတုသို့
ရောက်ရှိလာသောအချိန်များ၌ နှစ်စဉ်ကြုံတွေ့ရမြဲဖြစ်သော သောက်သုံးရေရှားပါးမှုအား
ကြုံတွေ့ရမည်ကို ရပ်ကွက်နေပြည်သူများ စိုးရိမ်လျှက်ရှိကြောင်းသိရသည်။
တောင်တွင်းကြီးမြို့၏ သောက်သုံးရေရှားမှုကို နှစ်စဉ်ကြုံတွေ့ရမြဲဖြစ်သော
အုန်းတော(၁)ရပ်ကွက် အပိုင်း(၅)၊ အုန်းတော(၂)ရပ်ကွက် အပိုင်း(၄ ၊ ၅)နှင့်
မြို့မြောက်ပိုင်းရှိရပ်ကွက်များတွင်
ယခင်နှစ်များစွာကတည်းက သောက်သုံးရေအတွက် ရက်ကွက်ပိုင်သောက်သုံးရေကန်များနှင့်
ဘုန်းတော်ကြီးကျောင်းပိုင် သောက်ရေကန်များတွင် သောက်ရေ၊
သုံးရေများအတွက်အသုံးပြုနေရကြောင်းသိရသည်နှစ်စဉ်သောက်သုံးရေအခက်အခဲအား ကိုယ်ပိုင်ငွေကြေးအပြင် အလှူရှင်များကိုရှာ၍
ကိုယ်တိုင်ရေအလှူပေးနေသော အုန်းတော(၂)ရပ်ကွက်၊ အပိုင်း(၁)မှ
လုပ်အားဒါနအလှူရှင်တစ်ဦးမှလည်း ကျွန်တော်အခုလိုကိုယ်တိုင်လိုက်ပါပြီး
ရေအလှူပေးနေတာ ငါးနှစ်နီးပါးရှိပါပြီ၊ သောက်ရေအခက်အခဲရှိတဲ့ရပ်ကွက်တွေကို
အဓိကဦးစားပေးလှူဒါန်းနေပါတယ်၊ သောက်သုံးရေ အခက်အခဲဖြစ်နေတဲ့ရပ်ကွက်တွေကိုတော့
ရပ်ကွက်ပိုင် ရေဂါလံ ၂၀၀၀ ဆန့်မီးသတ်ယာဉ်နဲ့ နေ့စဉ်လှူဒါန်းပေးနေရပါတယ်
ဟုကိုယ်တိုင်ကြုံတွေ့ရသည်ကိုပြောကြားသွားသည်။
မြို့နယ်စည်ပင်သာယာရေပေးဝေရေးမှ မြို့ပေါ်ရှိရပ်ကွက် ဆယ်ရပ်ကွက်သို့
သုံးရက်တစ်ကြိမ်အလှည့်ကျ သောက်သုံးရေဖြန့်ဝေပေးနေသော်လည်း
ပူပြင်းခြောက်သွေ့သောရာသီမျိုးတွင် လျှပ်စစ်မီးမမှန်မှု၊
အရေးပေါ်မီးဘေးအန္တရာယ်ကြိုတင်ကာကွယ်နိုင်ရန်အတွက်
ရေအဆင်သင့်သိုလှောင်ထားခြင်း၊ အ၀ီစိတွင်းရေနဲပါးမှုများကြောင့်
မြို့အစွန်ရပ်ကွက်များသို့ သောက်သုံးရေပေးဝေမှု လုံလောက်စွာမဖြန့်ဝေနိုင်ကြောင်းသိရသည်။
ဒီနှစ်ဆိုရင် မိုးကလည်းမကောင်းတော့ သောက်ရေကန်တွေမှာရေနဲနေတယ်၊
ဒီနှစ်နွေရောက်မှာကို အရမ်းစိုးရိမ်မိတယ် ဟု အုန်းတော(၂)ရပ်ကွက် အပိုင်း(၅)မှ
ပြည်သူတစ်ဦးက မြေလတ်မီဒီယာသို့ပြောကြားခဲ့သည်။
မြို့နယ်အတွင်းမှ သောက်သုံးရေအလှူပေးလိုသောအလှူရှင်များအနေဖြင့်
အုန်းတော(၂)ရပ်ကွက် ရပ်ကွက်အုပ်ချုပ်ရေးမှူး ဦးမောင်မောင်ဆွေ ဖုန်း ၀၉၃၃၄၀၉၄၄၅၊
ဦးအောင်ကျော်ကျော်(ဂြိုလ်တုစလောင်းတပ်ဆင်ရေး) ဖုန်း ၀၉၉၇၁၇၀၄၇၁၇၊
ဦးအေးမင်းထွေး ဖုန်း ၀၉၄၀၁၅၄၀၆၅၅ နှင့် ဦးအောင်ကျော်ဦး စိုးသန့် ကဖီးတို့တွင်
ဆက်သွယ်၍ ရေအလှူပေးလှူနိုင်ကြောင်းသိရသည်။
အေကေကေ(တောင်တွင်း)
No comments:
Post a Comment