အောင်ဘု(မင်းဘူး)
မြေလတ်မီဒီယာဂျာနယ် တာဝန်ခံအယ်ဒီတာတင်ရွှေ(မင်းဘူး)၏ တာဝန်ပေးချက်အရ မင်းဘူး/စကုမြို့နယ်၊ မန်းကျိုးကျေးရွာသို့ ဖေဖော်ဝါရီ ၁၈ ရက်နေ့တွင် သတင်းထောက်သုံးဦး သွားရောက်သတင်းယူခဲ့ကြောင်း၊၎င်းမန်ကျိုးကျေးရွာအုပ်ချုပ်ရေးမှူး ဦးကြည်စိမ့်မှ မိုက်ရိုင်းစွာပြောဆိုခဲ့၍ ၊ မီဒီယာ လွတ်လပ်ခွင့်အားတားဆီး ပိတ်ပင့်ကြောင်း၊ အသံချဲ့စက်အားအသုံးပြု၍ အာဏာကိုအလွှဲသုံးစားပြုပြီး ကြော်ငြာခဲ့ကြောင်း၊ အများပြည်သူများ သိသင့် သိထိုက်သော သတင်းအား အမှောင်ချ ဖုံးကွယ်လို၍ မီဒီယာလုပ်ငန်းအား ၀တ္တရားနှောက်ယှက်မှုပြုလုပ်ခဲ့ကြောင်း၊ ထို့ကြောင့် ၎င်းအုပ်ချုပ်ရေးမှူးအားထိရောက်စွာ အရေးယူပေးပါရန် မင်းဘူး/စကု မြို့နယ်အထွေထွေအုပ်ချုပ်ရေးမှူးထံသို့ ၎င်း နေ့ကပင်တိုင်ကြားခဲ့ကြောင်း၊ ဖေဖော်ဝါရီ ၂၅ ရက်နေ့အထိ သက်ဆိုင်ရာမှ ၎င်းကိစ္စအား မြေရှင်းဆောင်ရွက်မပေးသေးကြောင်း၊ ထို့ကြောင့် မင်းဘူး၊ ခရိုင်၊ မကွေးတိုင်းဒေသကြီးအစိုးရအဖွဲ့ သို့ ဆက်လက်တိုင်ကြားမည်ဖြစ်ကြောင်း၊ တစ်စုံတစ်ရာ အရေးယူဆောင်ရွက်မပေးလျှင် မြန်မာနိုင်ငံ စာနယ်ဇင်း မှ တဆင့် နိုင်ငံတော်သမ္မတ ထံသို့ ထပ်မံတိုင်ကြား၍ မြေလတ်မီဒီယာသတင်းထောက်များမှ ဆန္ဒ ထုတ်ဖော်သွားမည်ဖြစ်ကြောင်း သတင်းထောက် လူရှိန်အောင်က ပြောကြားသည်။
ဖြစ်စဉ်မှာ ဖေဖော်ဝါရီ ၁၈ ရက်၊ နေ့လည် ၁၂ နာရီအချိန်ခန့်မှာ မြေလတ်မီဒီယာဂျာနယ် ဒေသခံအယ်ဒီတာ လူရှိန်အောင်၊သတင်းထောက် ဝရဇိန်(မင်းဘူး)၊ဇာဇာ(မကွေး)တို့က မန်းကျိုးကျေးရွာမှာ MPRLကုမ္ပဏီမှ ဆင်းရဲမွဲ တေမှုလျှော့ချရေးအတွက် ကျေးရွာပြည်သူများနှင့် ကုမ္ပဏီတို့တွေ့ဆုံဆွေးနွေးပွဲကို နေ့ လယ်၁၂နာရီတွင် ရွာလည်ဇရပ်၌တွေ့ဆုံမည်ဖြစ်ကြောင်းသိရ၍ ၎င်းသတင်းသည် လူထုအကျိုးအတွက် သတင်းဖော်ပြရန် သတင်းထောက်သုံးဦးက သတင်းသွား ရောက်ယူခဲ့ရာ၊ ကျေးရွာအုပ်ချုပ်ရေးမှူး က သတင်းမယူရန် တားဆီးပိတ်ပင့်၍ ပြောဆိုသည်။
(ဘယ်သတင်းထောက်မှအလိုမရှိဘူး၊ငါ့ရွာကိုဘယ်ကသတင်းထောက်မှမလာနဲ့၊ငါကျေးရွာအုပ် ချုပ်ရေးမှူးကြည်စိမ့်ပြောတာဆိုပြီး) သတင်းသမားသုံးဦးကို ဦးကြည်စိမ့်မှ ရိုင်းစိုင်းစွာနဲ့ အများပြည်သူရှေ့မှာပြောဆိုလိုက်သည်ဆို၏။
၎င်းကိစ္စအား မင်းဘူး/စကုမြို့နယ်အထွေထွေအုပ်ချုပ်ရေးဦးစီးဌာနသို့ ဆက်သွယ်ရာ (ဟုတ်ပါတယ်၊ တိုင်ထားပါတယ်၊ တာဝန်ခံအယ်ဒီတာအပါအဝင်လေးဦးလာတိုင်ထားပါတယ်၊ ကျွန်တော်တို့ ဦးကြည်စိမ့်ကိုခေါ်ပြီးစစ်ဆေးမေးမြန်းပါမယ်၊ ပြီးရင်မြေလတ်မီဒီယာ ဂျာနယ်ကိုပြောပါမယ်။)ဟု မင်းဘူးမြို့နယ်အထွေထွေအုပ်ချုပ်ရေးမှူးရုံးမှ တာဝန်ရှိသူ တစ်ဦးကပြောသည်။ သို့သော်လည်း ၎င်းကိစ္စအား ဖေဖော်ဝါရီ ၂၅ ရက်နေ့အထိ သက်ဆိုင်ရာမှ တစ်စုံတစ်ရာ ဆောင်ရွက်ပေးခြင်းမရှိသေးကြောင်း သတင်းရရှိသည်။ အောင်ဘု(မင်းဘူး)
No comments:
Post a Comment