ဟိုတစ်နေ့က ကျွန်တော် “ ဆရာတော် ဦးကောဝိဒ ဆီမှ သြဝါဒ နှင့် အလှူ ” ဆိုသော ပို့စ် တင်ခဲ့ပြီး ပါဝင်လှူဒါန်းလိုသော အလှူရှင်များကို ဖိတ်ခေါ်ခဲ့ပါသည်။ ပို့စ်တင်ပြီး ချက်ချင်း ဆိုသလို ကိုရီး { ကိုကြီး } က မြရတနာရွာအတွက် လိုအပ်နေသော ဒိုင်နမိုအတွက်ကို လာရောက်လှူဒါန်းကာ ဆရာတော် ဦးကောဝိဒဆီကို တိုက်ရိုက် အလှူငွေ ( ၄ ) သိန်းခွဲ ပေးပို့ လှူဒါန်းခဲ့ပါသည်။
ထို ဒိုင်နမို တပ်ဆင်လှူဒါန်းသော မှတ်တမ်း ဓါတ်ပုံများကို အောက်ပါ အတိုင်း မှတ်တမ်းတင်ထားပါသည်။
ဤသို့ တပ်ဆင်လှူဒါန်းခဲ့သည်။
ထိုနောက် ကောင်းနိုးရာရာ နေရာများ၌ အလှူအတွက် ဆိုရင် အမြဲတမ်း တတ်ကြွလေ့ရှိသော ညီမ “ နိုးနိုးမောင် ” က ချို့တဲ့သူများကို သင်္ကန်းစည်းပေးသော အလှူလုပ်ချင်ကြောင်း ကျွန်တော့်ကို ပြောခဲ့ဖူးပါသည်။ ဒါကြောင့် ကျွန်တော်ကလည်း တကယ်လို့ ထိုကဲ့သို့ အလှူခံလိုသော ပုဂ္ဂိုလ်များ ရှိလာရင် ကျွန်တော်တို့ကို မြွတ်ကြားပေးပါရန် ဆရာတော် ဦးကောဝိဒကို ကျွန်တော်က လျှောက်ထားဖူးပါသည်။
ဒါကြောင့် မြရတနာမှ ချို့တဲ့သော အလှူခံ ပုဂ္ဂိုလ်များက ကိုရင်ဝတ်ရန် အလှူခံလာသော အခါမှာ မထင်မှတ်ပဲ မြန်မြန်ဆန်ဆန် ဖြစ်မြောက်ခဲ့ပါတော့သည်။ ဒါကြောင့် ကျွန်တော်လည်း သိသိချင်း ပို့စ်လည်း တင်ကာ နိုင်ငံ အရပ်ရပ်မှ အလှူရှင်များကို ဖိတ်ခေါ်ခဲ့ပါသည်။ ထို့အတူ မူလ အစီအစဉ်အတိုင်း ကျွန်တော်တို့ ခင်မင်နေသော မောင်နှမများကလည်း မူလအတိုင်း ဆရာတော် ဦးကောဝိဒ နဲ့ ဆက်သွယ် လှူဒါန် ခဲ့ပါသည်။ ဆရာတော် ဦးကောဝိဒကို တိုက်ရိုက် ဆက်သွယ် လှူဒါန်းလိုသူများကတော့ အောက်ပါ အတိုင်း တခြားသော မည်သည့် အကြောင်းကိစ္စ မဆို ဆက်သွယ် လှူဒါန်းနိုင်ပါသည်။
ဦးကောဝိဒ
၉/ပဥလ ( သ ) ၀၀၀၅၂၆
Current Account D - 1 (ဦးကောဝိဒ)
မွေးမြူရေးနှင့် ရေလုပ်ငန်းဘဏ်၊ စစ်ကိုင်းမြို့။
Ph : 092110202
Email - kovida9@gmail.com
ဟိုအရင် တစ်ခါကတော့ ဘယ်သူ့ကိုမှ မပြောဖြစ်လိုက်ဘဲ မြရတနာသို့ သွားရာလမ်းမကြီး မြေဖို့ရန် ကားအစီး ( ၅၀ ) စာ လိုနေခဲ့ပါသည်။ ဒါကို ဆရာတော်က မာတီမှာ ပို့စ်တင်တော့ ကျွန်တော်လည်း ဘယ်သူနဲ့မှ မတိုင်ပင် ဖြစ်ပဲ ခြေမြန် လက်မြန် ကားအစီး ( ၅၀ ) လုံး လှူလိုက်ပါသည်။ ဒါကို လှူပြီးတော့မှ နောက်ဘာပဲ လှူလှူ သူတို့ကိုလည်း အသိပေးပါ ဆိုပြီး ပြောထားဖူးသော သူငယ်ချင်း ဖြိုးသီရိ ၊ ညီမ နိုးနိုးမောင် တို့ကိုလည်း အခု တစ်ခါတော့ အသိပေး ဖြစ်ခဲ့ပါသည်။ သူတို့ နှစ်ယောက်ကတော့ ဘယ်နေရာက ဘာအလှူပဲ ဖြစ်ဖြစ် အမြဲတမ်း ပါဝင်နေသူများပဲ ဖြစ်ပါသည်။
မြရတနာ လမ်းမ ပုံရိပ် တချို့
အခု ကျွန်တော်တို့ သူငယ်ချင်း မောင်နှမများ စုပေါင်းပြီး အလှူငွေ ကောက်ခံ လှူဒါန်းရာမှာ ကျွန်တော်ကလည်း ဆရာတော် ဦးကောဝိဒကို တိုက်ရိုက် ဆက်သွယ် လှူဒါန်းနိုင်ပါသည် ဟု ဆိုကာ ကြော်ငြာခဲ့ပါသည်။ ဒါကြောင့် ကျွန်တော် တင်သော ပို့စ်ကို ဖတ်ပြီး ကျွန်တော် အမည် မသိသော မလေးရှားမှာ အလှူရှင် တစ်ယောက်က အလှူငွေ - ၅၉၅၁၀ ကျပ် ကို ဆရာတော် ဦးကောဝိဒမှ တိုက်ရိုက် အလှူခံ ရရှိပါသည်။ ထို အလှူရှင်ကို ကျွန်တော် မသိပါ။ ထိုအလှူရှင် အပါအဝင် အလှူငွေ ပါဝင်လှူဒါန်း သူများမှာ အောက်ပါ အတိုင်း စာရင်းပြုစုမိပါသည်။
အမည်မသိ မလေးရှားမှ အလှူရှင် - ၅၉,၅၁၉ ကျပ်
နိုးနိုးမောင် - ၁၅၀,၀၀၀ ကျပ်
နိုင်နိုင် ( နော်ဝေး ) - ၁၀၀, ၀၀၀ ကျပ်
နန်းထွေးစန္ဒာလွင် ( စင်ကာပူ ) - ၅၀,၀၀၀ ကျပ်
ဖြိုးသီရိ - ၂၀,၀၀၀ ကျပ်
ကိုဇော် - ၅၀,၀၀၀ ကျပ်
------------------------------------------------------------
စုစုပေါင်း - ၄၂၉၅၁၉ ကျပ်
( ဤ အလှူငွေ နှင့်ပတ်သတ်၍ မှားယွင်း လွဲချော်မှု တစ်စုံ တစ်ရာ ရှိပါက ကျွန်တော်၏ အမှားသာ ဖြစ်ပါသည်။ )
ကို လက်ခံ ရရှိသည်ဟု သိရပါသည်။ ထိုငွေများ ဖြင့် ကိုရင် ( ၅ ) ပါး ၊ သီလရှင် ( ၁ ) ပါးကို တရားဘောင်သို့ သွတ်သွင်းရန် ဆရာတော်မှ အကြံပေးပါသည်။ ထိုအလှူပွဲသို့ ဆရာတော် ဦးဇဝန မေတ္တာရှင် ( ရွှေပြည်သာ ) ဆရာတော် နှင့် မြစင်္ကြာ ဆရာတော်ကြီး တစ်ပါး ကြွရောက်ကာ တရားတော် ချီးမြင့်မယ် လို့ သိရပါသည်။
ကျွန်တော်တို့ အလှူရှင်တွေနဲ့ အလှူခံ ပုဂ္ဂိုလ်တွေ တိုက်ရိုက် ထိတွေ့ခွင့် ရအောင် ဆရာတော် ဦးကောဝိဒမှ ဖုန်းဖြင့် အောက်ပါ အတိုင်း စီစဉ်ပေးပါသည်။ တကယ်ကို ရင်ထဲမှာ ဖော်မပြ တတ်လောက်အောင် ဝမ်းသာမိသည်။ သူတို့ ဆရာတော်က ဖုန်းပြောရမယ် ဆိုလို့သာ ပြောကြရတယ် ဖုန်းတောင်မှ သေချာ မပြောတတ်။ ဖုန်းထဲမှာ ကျွန်တော် ထင်နေသော ကိုယ်ဟန်မျိုး သူတို့မှာ ရှိနေသည်။ တစ်ခွန်းမေး တစ်ခွန်းဖြေဖြင့် ထစ်ငေါ့နေကြသည်။ မည်သို့ပင် ဖြစ်စေ ပီတိ စစ်စစ်တော့ ဖြစ်ခဲ့ပါသည်။
ဤသို့ ဤနှယ် သူတို့ ပြောကြသည်။
ကိုရင် ( ၅ ) ပါး ၊ သီလရှင် ( ၁ ) ပါး ကို စ၍ အောက်ပါ အတိုင်း ဆံချကာ ဆရာတော်ကြီးများက သင်္ကန်းစည်း ပေးကြပါသည်။ ဆံချ ၊ သင်္ကန်းတောင်း ၊ သင်္ကန်းစည်းကာ တရားဟောကြားပါသည်။ ထိုပုံများကတော့ အောက်ပါ အတိုင်း ဖြစ်ပါသည်။
ဤသို့ သင်္ကန်း စည်းခဲ့ကြသည်။
ထို့နောက် တစ်ရွာလုံးကို ဆရာတော် ဦးကောဝိဒ၏ အစီအစဉ် အရ မုန့်ဟင်းခါး ကျွေးဖြစ်ခဲ့ပါသည်။ ကျွန်တော်နှင့်အတူ ယခုစာဖတ်သူများကိုလည်း မျှဝေ ပီတိ ဖြစ်စေချင်ပါသည်။ လာရောက် အလှူခံကာ စားသုံးသူများရဲ့ ပုံရိပ်တွေကို ကြည့်ကြည့်ပါ။ ပကာသန ဆိုတာ လုံးဝမပါသော အလှူခံ ပုဂ္ဂိုလ်များသာ ဖြစ်ပါသည်။ ဆရာတော် ဦးဇဝန မြွတ်ကြားခဲ့ဖူးသော တရားထဲကလို ပြောရရင် ဒါဟာ “ ပါရမီထိုက်သော ဒါန ” တစ်ခုကို ပြုခဲ့မိတာပါပဲ။
ထိုတရားတော်ကို ကျွန်တော် အလွန် နှစ်သက်ပါသည်။ လိုချင်သူများ အတွက် ကျွန်တော် ကိုယ်တိုင် MP3 လုပ်ပြီး တင်ပေးထားတာ ရှိပါသည်။ ဤနေရာ တွင် ယူပါ။
ဤသို့ မုန့်ဟင်းခါး ကျွေးကာ ဒါနပြုခဲ့သည်။
မပြုခင် နဲ့ ပြုပြီး ၊ မဖြစ်ခင် နဲ့ ဖြစ်ပြီး ဆိုသော ထိုအရာ နှစ်ခုကို ကျွန်တော် ယခုကဲ့သို ယှဉ်ကြည့်မိခဲ့ပါသည်။ ထိုအရာမှာ ကိုရင် ၊ သီလရှင် မဝတ်မှီနဲ့ ဝတ်ပြီး ဓါတ်ပုံများပါပဲ။
ဤသို့ ယှဉ်ကြည့်မိပါသည်။
ရှင်ပြု အလှူလေး အောင်မြင်စွာ ကျင်းပနေတုန်း မထင်မှတ်ပဲ စိတ်မကောင်းစရာ တစ်ခု ကြုံခဲ့ရပါသည်။ သူများတွေ ကိုရင် ဝတ်တာကို ကြည့်ပြီး သူလည်း ကိုရင်ဝတ်ချင်လို့ ဆိုကာ ငိုယိုနေသော ကလေးတစ်ယောက်ပါ။ မိဘတွေက အဝေးမှာ ဖြစ်ပြီး အခုလောလောဆယ်တော့ ဦးလေးနဲ့ နေပါသည်။ ဆရာတော် ဦးကောဝ်ိဒကို မလျှောက်ရဲလို့ ဆိုကာ တဆင့်စကားနဲ့ နောက်မှ ဆရာတော့်ဆီကို ရောက်ခဲ့ပါသည်။ ဒီနေ့ အဖို့တော့ ကိုရင်အတွက် အဆင်မပြေတော့ပြီ။ ဒါကြောင့် သူ့ကို မနက်ဖြန် ( ၂၄.၈.၂၀၁၀ ) မှာ ထပ်ပြီးတော့ ကိုရင် ဝတ်ပေးမယ်လို့ ကျွန်တော်တို့ တစ်ခါတည်းပဲ ဆုံးဖြတ် လိုက်ပါသည်။ သူ့ရဲ့ သူများတွေ ကိုရင်ဝတ်တာကို အားကျကာ မျက်ရည်စိုရွဲနေသော မှတ်တမ်းတင် ဓါတ်ပုံလေးပါ။
ယနေ့ ယခု ကျင်းပသော ရှင်ပြု အလှူလေးကတော့ အောင်မြင်စွာ ပြီးမြောက်သွားပါပြီ။ ဒီအလှူလေးကို အကျဉ်းချုံးအားဖြင့် ပြန်လည်ကာ ဒီလို မှတ်တမ်းတင် ဖော်ပြပါ့မည်။
“ ယနေ့ ၁၃၇၂ ခု ၀ါခေါင်လဆန်း (၁၃)ရက် တနင်္လာနေ့ ၂၃.၈.၂၀၁၀ ရက်နေ့ အလှူပွဲ
နံနက်ပိုင်း စစ်ကိုင်းတောင်ရိုး ဆွမ်းလောင်းအသင်းမှ အရုံ ဆွမ်းကပ်လှူခြင်း Dr.Nyan + မ၀ါဝါခိုင်မင်း သမီးလေး မေမြတ်နိုးခိုင်မှ အရုဏ်မုန့်ဟင်းခါးဆွမ်း သံဃာတော်များကို ကပ်လှူခဲ့ပါတယ်။ ဆွမ်းလောင်းအသင်းမှ နေ့ဆွမ်း လောင်းလှူခဲ့ပြီး မြရတနာကြွဖို့ စီစဉ်ရပါတယ်။ မေတ္တာရှင် ဆရာတော်က မိတ္တိလာကနေ ကြွလာမှာဆိုတော့ ဆရာတော်ကို စောင့်ရပါတယ်။ နံနက် ၈ နာရီမှာ ကလေးများကို ပြင်ဆင်ပြီး ရွာတွင် စီစဉ်စရာ ရှိတာများကို စီစဉ်ရင်း ၊ မြစင်္ကြာ ဆရာတော်ကိုပင့်ဖို့ စစ်ကိုင်းမြို့မှ ဇာတ်မင်းသား လှိုင်ဘွားအောင် ၏ ဖခင် ပန်တျာဦးမြကြည်မှ မော်တော်ယာဉ် စီစဉ်ပေးခဲ့ပြီး ဆရာတော်များကို နေ့ဆွမ်းကပ်ဖို့ပါ တစ်ခါတည်း စီစဉ် ပေးခဲ့ပါတယ်။ ကလေးများကို ဆံချ ကိုရင်ဝတ်ပေးပြီး ၊ ရေစက်ချ အခမ်းအနား ကျင်းပပါတယ်။ ကိုကြီး လှူဒါန်းသော ဒိုင်နမို နှင့် မလေးရှားနိုင်ငံမှ ဒါယိကာမကြီး မခင်ငြိမ်းချမ်းဦး လှူဒါန်းသော စက်ခန်းတို့အား ရေစက်ချ အမျှဝေကြပါတယ်။ ပြီးနောက် ရွာလုံးကျွတ် မုန့်ဟင်းခါး တိုက်ကျွေးခဲ့ပါတယ်။ အလှူရှင် တစ်ဦးမှ ရွာအတွင်း အိမ်ထောင်စု တစ်စုလျှင် စတီးဇလုံ တစ်လုံး လှူဒါန်းခဲ့ပါတယ်။ ”
*** အထက်ပါ စာမှာ ဆရာတော် ဦးကောဝိဒ ဆီမှ တိုက်ရိုက်ကူးယူကာ စာလုံးပေါင်းများသာ ပြင်ဆင်၍ ဖော်ပြပါသည်။ ***
ကုသိုလ် မျှဝေခြင်း . . .
အထက်ပါ ရှင်ပြု အလှူနှင့်တကွ ကျွန်ုပ် ပြုပြုသမျှ ကုသိုလ်ကောင်းမှု အစုစုတို့ကို ယခု စာဖတ်သူနဲ့ တကွ ၊ ကျွန်တော့်ကို ချစ်သော ၊ ကျွန်တော့်ကို မုန်းသော ၊ ကျွန်တော့်ကို ဘယ်လိုမှ မနေသော လူများ ၊ စာဖတ်သူများ အားလုံးကို အမျှ ပေးဝေပါသည်။
ကျွန်တော့် ဘလော့မှာ သူတို့ စိတ်တိုင်း မကျတိုင်း လာရောက် ဆဲဆိုသူများ ၊ စာဖတ်သူများ အထင်အမြင် လွဲအောင် နည်းမျိုးစုံနဲ့ လာရောက် နှောင့်ယှက်ကာ ရေးသားသူများကိုပါ မချန်ဘဲ ကျွန်ုပ် မေတ္တာ ပို့ပါသည်။ ဒီလောက်နဲ့ ကျွန်တော့် စိတ်ဓါတ်ကို ရိုက်ချိုးလို့ မရသေးပါဘူး။ ထိုသူများကိုပါ ကျွန်ုပ်ပြုသမျှ ကုသိုလ်ကောင်းမှု အစုစုတို့ကို အမျှ ပေးဝေပါသည်။
*** အားလုံး ကြားကြသမျှ . . . အမျှ . . .အမျှ. . . . အမျှ . . ယူတော် မူကြပါကုန်လော့။ ***
နောက်ဆက်တွဲ . . .
ပို့စ်လေးလည်း အဆုံးသတ်ပြီး အမျှတောင်မှ ဝေပြီးတော့မှ ကျွန်တော် စိတ်ကူးလေး တစ်ခု ရမိပြန်ပါသည်။ ထိုအရာကား တခြားတော့ မဟုတ်ပါ။ အခုဆိုရင် ကိုရီး { ကိုကြီး } မှ ဦးဆောင်ကာ လှူဒါန်းထားသော ဒိုင်နမိုကြောင့် မီးတော့ ကောင်းစွာ လင်းပြီး စာဖတ်၍ ရကာ အဆင်ပြေနေပါပြီ။ သို့သော် ကျွန်တော်ရဲ့ မြန်မြန်ဆန်ဆန် အလှူခံကာ လှူလိုက်ရသော အလှူကြောင့် ယခု ရှင်ပြု အလှူပွဲမှာ မလှူလိုက်ရသော အလှူရှင်များက မြရတနာ ဆိုသော ရွာလေး အမြဲတမ်း မီးလင်းနေစေဖို့ လည်ပတ် မောင်းနှင်ရသော မီးစက်အင်ဂျင် အတွက် ဆီသော်လည်းကောင်း ၊ တခြားသော ထောက်ပံ့ပစ္စည်းများကိုသော်လည်းကောင်း စေတနာရှိသလို ဆရာတော် ဦးကောဝိဒ နဲ့ တိုက်ရိုက် ဆက်သွယ်ကာ ဆက်လက် ပါဝင် လှူဒါန်းနိုင်ကြပါတယ် ခင်ဗျား။
လေးစားစွာဖြင့်
ကိုဇော်
.
--
လေးစားစွာဖြင့်
ကိုဇော်
http://www.zaw357.net/
တဆင့်ကူးယူဖော်ပြပေးပါသည်။ ကိုဇော် အား အထူးကျေးဇူးတင်ပါ၏။
ရွှေလမ်းငွေလမ်းဝင်းကြည်
၂၀၁၀ ခု၊ သြဂုတ်လ(၂၉)ရက်၊ နေ့လည်(၁၁)နာရီ
0 comments:
Post a Comment