ဤအသင်းကို (၁၉၅၇)ခု၊ဒီဇင်ဘာလတွင် စတင်တည်ထောင်ခဲ့ပါသည်။မကွေးမြို့ပေါ်ရှိ
စာသင်တိုက်ကြီးများမှ ဆရာတော်ကြီးများအား နာယက အမှုထား၍ မြို့မိ၊မြို့ဖ
အမှုဆောင်လူကြီးများဖြင့် ဖွဲ့စည်းလာခဲ့ကြပါသည်။ မဟာဓမ္မိကရာမ(
မြောက်စာသင်ကျောင်း တိုက်) ကျောင်းဝိုင်း၏
အနောက်ဘက်ခြမ်းတွင်တည်ရှိပါသည်။ဖုန်းနံပါတ်(၀၆၃-၂၆၀၂၆)။ လိပ်စာ =
နေ့စဉ်သံဃဒါနဆွမ်းလောင်းအသင်း၊ဘုရားလမ်း၊ ဈေးလယ်စိုးရပ်ကွက်။
မကွေးမြို့။
မကွေးမြို့ပေါ်ရှိကျောင်းတိုက်ကြီး(၁၈)တိုက်နှင့်
ဘုန်းတော်ကြီးကျောင်းအားလုံးတွင် သီတင်းသုံးတော်မူနေကြသော ဆရာတော်
သံဃာတော်များအား နေ့စဉ် အာရုံတက်ချိန်မှစ၍ နံနက်(၆)နာရီခန့်အထိ
အာရုံဆွမ်းဘုန်းပေးသုံးဆောင်နိုင်ကြရန် လောင်းလှူပေးကြပါ၏။
အများဆုံး ထာဝရဆွမ်းပဒေသပင်အလှူရှင်မှာ ဦးဗေဒါ
ငွေကျပ်သိန်း(၅၀)ဖြစ်ကြောင်း သိရ၏။ယနေ့အထိ ဆွမ်းပဒေသပင်အလှူရှင်များ၏
လှူဒါန်းထားသောငွေများကို မြန်မာ့ စီးပွားရေး ဘဏ်တွင်
စုပေါင်းအပ်နှံထားပါသည်။ ယင်းငွေများမှ တစ်နှစ်ရရှိသော
ဘဏ်တိုးငွေများဖြင့်သာဆွမ်းလောင်းရန်အသုံးပြုကြပါသည်။ ဆွမ်းအလှူရှင်
မရှိသော နေ့များတွင်သာ နေ့စဉ်မပျက်အောင် ဆွမ်းလောင်းအသင်းမှ
လောင်းလှူပေးကြပါသည်။ ယခုလက်ရှိ ၀ါဆိုသံဃာစာရင်းအရ
သံဃာအပါး(၁၉၀၀)ရှိပါသည်။
ဆွမ်းဆန်အိပ်(၈)အိပ်ကို ပေါင်းအိုးများဖြင့်ချက်ရပါသည်။ ပထမတန်စား အလှူ
ငါးခြောက်ကြော်၊ ပဲဟင်း၊သရက်ချဉ်။ငရုပ်သီးကြော်များနှင့်
လောင်းလှူပါလျှင် (၇၅၀၀၀၀) ကျပ် ကုန်ကျပါမည်။ ၀က်သားဟင်း
ပိသာချိန်(၈၀)ပိသာနှင့် သရက်ချဉ်၊ ငရုပ်သီးငါးပိ
ဆီကြော်များဖြင့်လောင်းလှူပါလျှင်(၇၅၀၀၀၀)ကျပ် ကုန်ကျပါမည်။
(ကြက်၊ဆိတ်သား၊ ငါးကြီးသားများဖြင့်လည်း ဤဈေးနှုန်းခန့်သာကုန်ကျပါမည်။
ဗူးသီး၊ အာလူး စသည့် အရောများပါလျှင် (၄၅၀၀၀၀)ကျပ်၊ (၅၅၀၀၀၀)ကျပ်ခန့်သာ
ကုန်ကျပါမည်။
ကုလားပဲနှင့်သီးစုံပဲဟင်း၊ သရက်ချဉ်၊ ငါးတကွန်ငါးခြောက်နှင့်
ငရုပ်သီးကြော်ဟင်း များဖြင့် လောင်းလှူပါလျှင် (၂၇၀၀၀၀)ကျပ် ကုန်ကျပါမည်။
(နေ့စဉ်သံဃဒါန ဆွမ်းလောင်း အသင်းမှ လောင်းလှူသောဟင်းများဖြစ်၏။)
ဆွမ်းအတွက်ကို ဆလုံအလတ်ဖြင့် အမောက် အပြည့် တစ်ပါးစာ သုံးဆောင်နိုင်ရန်
လောင်းလှူပေးပါသည်။
ဆွမ်းလောင်းအသင်းတွင် အမှုဆောင်ကော်မတီ လူကြီးမင်းများသည် စေတနာဝန်
ထမ်းဖြင့် (အခမဲ့) တာဝန်ထမ်းဆောင်ကြပါသည်။ ငွေစာရင်းကိုင် စာရေးကြီးနှင့်
ဆွမ်းချက်ရန် ၀န်ထမ်း(၅)ဦးဖြင့် တာဝန်ပေးခန့်ထားပါသည်။
ဆွမ်းအလှူရှင်များအနေဖြင့် မိမိတို့၏ နေအိမ်၊တိုက်တာများတွင်
အာရုံဆွမ်းကပ်လောင်းလှူလိုပါလျှင်လည်း နေ့စဉ်သံဃဒါန ဆွမ်းလောင်းအသင်းမှ
အသံချဲ့စက်၊မဏ္ဍပ်ဆင်၊ ဆွမ်းပေါင်းအိုး။ ဟင်းချက်အိုး၊စသည့်
လိုအပ်သောပစ္စည်းအစုံတို့အား အခမဲ့ငှါးရမ်းပေးပါသည်။ ဆွမ်းချက်၊
ဆွမ်းလောင်းရာ တွင်လည်း အမှုဆောင်ကော်မတီ လူကြီးများဦးဆောင်၍
ဝန်ထမ်းများဖြင့် စည်းကမ်းကျနစွာ အားလုံးတာဝန်ကျေအောင် လိုက်လံကူညီ
ဆောင်ရွက်ပေး ကြပါသည်။ ဆွမ်းလောင်းလှူပြီး၍ ဆွမ်းရေစက်ချသည့်အထိ
နေ့စဉ်သံဃဒါန ဆွမ်းလောင်းအသင်းမှ လိုအပ်မူမရှိစေရအောင်
အစစအရာရာတာဝန်ကျေပွန်စွာဖြင့် သာသနာ၏ အကျိုးအား မျက်နှာကြီးငယ်မလိုက်၊
ကိုယ်ကျိုးမဖက် တည့်တည့်မတ်မတ် ဆောင်ရွက်ပေးနေကြပါသည်။
သိုသော်လည်း..နေ့စဉ်သံဃာတော်အပါး(၁၉၀၀)ပါးအတွက်ကိုဆွမ်းလောင်းအသင်း၏
ဆွမ်းပဒေသပင်ငွေများဖြင့် ထုတ်ယူဖြည့်ဆည်းလောင်းလှူနေရသော ရက်များက
တစ်နှစ်ထက် တစ်နှစ်များပြားစွာကုန်ကျနေပါ၏။ဘဏ်မှ အတိုးနှုန်းရငွေများဖြင့်
ယခုကုန် ဈေးနှုန်း များအား သုံးစွဲနေရသောငွေများမှာ လောက်ငမှု မရှိကြောင်း
မြင်တွေ့နေရပါသည်။ ဆွမ်လောင်းအသင်း စတင်ထူထောင်သော ကာလ အချိန်အခါက
ဆွမ်းဆန်အိပ်များကို အစိုးရမှ ဈေးနှုန်းသက်သာစွာဖြင့်
ထုတ်ယူရရှိခဲ့ကြောင်း ကြားသိရပါ၏ ။ယခုအခါ ကိုယ်ထူ ကိုယ်ထဖြင့်
စီမံဆောင်ရွက်နေရပေပြီ။ တစ်နှစ်လျှင် တစ်လတိတိ အချိန်ယူ၍
ဆရာတော်ကြီများကိုယ်တိုင်ကြွချီတော်မူပြီး မြို့ပေါ်ရပ်ကွက်များသို့
ဆွမ်းဆန်စိမ်းများ အလှူခံတော်မူနေကြပေပြီ။ နေ့စဉ်သံဃဒါန ဆွမ်းလောင်းအသင်း
အမူဆောင်ကော်မတီ လူကြီးများက ရှေမှ အသံချဲ့စက်ဖြင့်အလှူခံရ၏။ ဆရာတော်သံဃာ
တော်ကြီးများကလည်း နေပူ၊မိုးရေစိုခံတော်မူ၍ တစ်လမ်းဝင် တစ်လမ်းထွက်
အလှူခံနေကြရပါသည်။
သို့ပါ၍ မကွေးမြို့ နေ့စဉ်သံဃဒါနဆွမ်းလောင်းအသင်းအား ဆက်လက်တည်တန့်
ဆောင်ရွက်နိုင်ကြစေရန် ရပ်ဝေး၊ရပ်နီး၊ပြည်တွင်း၊ပြည်ပ မှ
သာသနာ့ဆွေတော်မျိုး တော်အပေါင်းတို့ခင်ဗျား ထာဝရဆွမ်းပဒေသပင်များကို
မိမိတို့သဒ္ဒါကြည်ဖြူစွာဖြင့် တတ်စွမ်း သမျှ လှူဒါန်းပေးတော်မူကြပါရန်
သာသနာ၏ အကြိုးကိုမျှော်လျှက် နှိုးဆော် လိုက်ရပါသည်။
ယခုသတင်းဓာတ်ပုံများသည် နေ့စဉ်သံဃဒါနဆွမ်းလောင်းအသင်း၏ နှစ်(၅၀) ရွှေရတု
သဘင်ပွဲဖြစ်ပါသည်။ စားသောက်စရာမှုန့်မျိုးစုံခင်းကျင်း၍ ကျွေးမွေးပေး
လှူနေ ကြသော စတုဒိသာ နိဗ္ဗာန်ဈေးတော်ကြီးဖြစ်ပါ၏။
မှတ်ချက်။ ။ မကွေးမြို့ နေ့စဉ်သံဃဒါနဆွမ်းလောင်းအသင်း အား အွန်လိုင်း
တင်ရန်အတွက် အချက်အလက်၊သတင်းဓာတ်ပုံများအား ပြည့်စုံစွာဖြင့်
ထပ်မံစုဆောင်းတင်ပြပါဦးမည်။
ရွှေလမ်းငွေလမ်းဝင်းကြည်
၂၀၀၉ ခု၊သြဂုတ်လ(၁၅)ရက်၊နံနက်(၁း၂၆)နာရီတွင်ရေး၏။
0 comments:
Post a Comment