မကွေးမြို့ မှ (မ.ထ.သ) ကော်မတီ အချိန်ကိုလေးစားသင့်ပါပြီ..
ရွှေလမ်းငွေလမ်း ၀င်းကြည်
၁၂-၅-၂၀၁၀ နေ့၊ နေ့လည်(၁)နာရီ တွင် မကွေးမြို့နယ် အေးချမ်းသာယာရေးနှင့်ဖွံဖြိုးရေး ကောင်စီရုံးသို့ ပူးတွဲဖိတ်စာပါအရ အစည်းအဝေးတက်ရောက်ခဲ့ပါတယ်။ အကြောင်းအရာမှာ စာရေးသူ ၂၀၀၃ ခုနှစ်က မကွေးမြို့တွင်းပို့ဆောင်ရေး(သူရစိုးလိုင်း)တွင် အမူဆောင်လုပ်ခဲ့စဉ် အခါမှ ငွေကျပ်လေးသိန်းကျော်ကို မကွေး(မ.ထ.သ)သို့ သူရစိုးမြို့တွင်းလိုင်း ကော်မတီအဖွဲ့နဲ့အတူ လက်မှတ်ထိုး ပြီး အပ်နှံခဲ့ပါတယ်။ ယခုအခါ သူရစိုးမြို့တွင်းလိုင်း ပျက်သွားပါပြီ..။ အဲဒီအပ်ထားတဲ့ငွေ(လေးသိန်းကျော်)ကို စာရေးသူတို့ကျန်ခဲ့တဲ့ ကော်မတီက အများအကျိုးပြုလုပ်ငန်းအတွက် လိုအပ်သလိုအသုံးပြုပေးပါရန် မကွေး(မ.ယ.က)ရုံးကို သလောတူ လက်မှတ်ထိုးပြီးလှူဒါန်းခဲ့ပါတယ်။ ၂၀၀၃ ခုနှစ်ကအပ်ထားတဲ့ ငွေကိုပြန်ထုတ်ပေးရမဲ့ မကွေး(မ.ထ.သ)ကော်မတီကို လာရောက်တွေ့ဆုံရှင်းလင်းပြီး ယင်းငွေများကို ထုတ်ပေးရန် အစည်းအဝေးခေါ်ခြင်းဖြစ်ပါတယ်။ နေ့(၁)နာရီမှ နေ့လည်(၂း၃၀)နာရီအထိ ကျွန်တော်တို့အလှူရှင် ဖိတ်ကြားသူများက (မ.ယ.က) အတွင်းရေးမှူးရဲ့အခန်းက စောင့်နေခဲ့ရပါတယ်။
နေ့လည်(၂း၃၀)နာရီခန့်မှာ မ.ထ.သ ကော်မတီဝင်တစ်ဦးသာ ရောက်လာခဲ့ပါတယ်။ အရေးပါတဲ့(မ.ထ.သ) ဥက္ကဋ္ဌ နဲ့ ဘဏ္ဍာရေးမှူးတို့ ရောက်မလာကြပါ။ မကွေးမြို့ မော်တော် ယာဉ်လိုင်းပေါင်းစုံအသင်း(မ.ထ.သ) ကော်မတီကို မော်တော်ယာဉ်ပိုင်ရှင်အရပ်သားများ၊ ဂိတ်မှူးများနဲ့ စုပေါင်းပြီး (၂)နှစ်လျှင်တစ်ကြိမ် ဒီမိုကရေစီကျကျ မဲပေးရွေးချယ်ကြပါတယ်။ ကော်မတီဝင်(၅)ဦးနဲ့ဖွဲ့စည်းခဲ့ကြောင်း၊ ယခု (မ.ထ.သ)ကော်မတီအဖွဲ့ကို (၂၀၀၅) ခုနှစ်မှ (ယခု ၂၀၁၀)ခုနှစ်အထိ (၅)နှစ်အထိ ကော်မတီအသစ်ရွေးချယ်ခြင်း မပြုလုပ်ခဲ့ရကြောင်း၊ အမူဆောင်ကော်မတီ(၅)ဦးမှာ သဘောထားခြင်းမတိုက်ဆိုင်ကြလို့ ကော်မတီဝင်(၂)ဦးက နှတ်ထွက်စာတင်သွားကြကြောင်း၊တို့ကို တက်ရောက်လာသော မ.ထ.သ ကော်မတီဝင်နှင့် နှတ်ထွက်လာသော ကော်မတီဝင် တစ်ဦးတို့မှ ပြောကြားလို့ သိခဲ့ရပါတယ်။ ယခုလက်ရှိ ကော် မတီဝင်(၃)ဦးနှင့်သာ ဆောင်ရွက်နေကြကြောင်း၊သိရပါတယ်။
အရေးပါသော မ.ထ.သ ဥက္ကဋ္ဌ အစည်းအဝေးကို မတက်ရောက်ပါ၍ ကျွန်တော်တို့အဖွဲ့ပြန် လာခဲ့ရပါတယ်။လိုအပ်ရင် ကျွန်တော်တို့ကို ခေါ်ဖို့ ဖုန်းနံပါများကို ပေးထားခဲ့ရပါတယ်။ ဒီလို ပြန်ပြန်လာခဲ့ရတာ.. ယခုအကြိမ်ပါဆိုရင် (၃)ကြိမ်(၃)ခါ ရှိကြပါပြီ..။ မြို့နယ်အေးချမ်းသာယာ ရေးနှင့် ဖွံဖြိုးရေးကောင်စီရုံးမှ ခေါ်ဆိုတဲ့ အစည်းအဝေးကို အလေးမထားဂရုမစိုက်သော မကွေးမြို့မှ (မ.ထ.သ)ကော်မတီ ဥက္ကဋ္ဌ ကို အစည်းအဝေးအချိန်အားလေးစားပေးနိုင်ပါရန် သက်ဆိုင်ရာက လမ်းညွှန်သင့်ပါကြောင်း တင်ပြလိုက်ရပါတယ်။
ရွှေလမ်းငွေလမ်းဝင်းကြည်
၂၀၁၀ ခု၊မေလ(၂၂)ရက်ည(၁၀း၃၀)နာရီတင်၏။
0 comments:
Post a Comment