ကောင်းမွန်ဆောက်လုပ်ရေး ကုမ္ပဏီမှ
ဧရာဝတီတံတား(မကွေး) တံတားဖြတ်သန်းခ နှစ်ဆမတိုးကြောင်းရှင်းလင်း
ရွှေလမ်းငွေလမ်း ၀င်းကြည်
၁၅-၅-၂၀၁၀ နေ့ နံနက်(၁၀နာရီ မှ နေ့လည် ၁၂)နာရီ အချိန်၊ မကွေးမြို့၊ပြည်တော်သာလမ်း၊ ရန်ပယ်ရပ်မှ Central စားသောက်ဆိုင်အပေါ်ထပ်ခန်းမ တွင် မကွေးမြို့နယ်စာနယ်ဇင်း အ လုပ်အမှုဆောင် အဖွဲ့ လူကြီးမင်းများကို ကောင်းမွန်ဆောက်လုပ်ရေး ကုမ္ပဏီမှတာဝန်ရှိ သူများက ရှင်းလင်းပွဲ ပြုလုပ်ပါတယ်။အင်ဂျင်နီယာချုပ်ဦးအောင်ကျော်မြင့်အဖွဲ့နဲ့အတူ ဒါရိုက်တာအဖွဲ့မှဦးစိန်ဌေး (ကောင်းမွန်စူပါမားကတ်)၊ ဦတင်ထွန်း(ရွှေဧရာစူပါမားကတ်)၊ ဦးသက်ဝင်း(စိန်ဂေဟာစတိုး) တို့မှဧည့်ခံတွေ့ဆုံကြပါတယ်။ကောင်းမွန်ဆောက်လုပ်ရေး ကုမ္ပဏီမှ ၂၀၀၉ ခု။ဒီဇင်ဘာလ ကစပြီး မကွေးမြို့မှကျောက်ပန်းတောင်းမြို့အထိ လမ်းမိုင်(၆၀)ကျော်အား လမ်းအကျယ်(၂၄)ပေ တိုးချဲ့၍ ကတ္တာရာလမ်းချောခင်းပေးခြင်း။ မကွေးမြို့မှ ဧရာဝတီတံတား (မကွေး)ကို ဖြတ်၍ ဆိပ်ဖြူမြို့နယ်အထိ လမ်းမိုင်(၇၀)ကျော်အား လမ်းအကျယ်(၁၈)ပေ တိုးချဲ့ပြီး ကတ္တရာလမ်း အချောခင်းရန် ကန်ထရိုက်လုပ်ငန်းများကို ရယူထားပါတယ်။မကွေးမှ ကံပြားရွာရှိ ကောင်းမွန် ဆောက်လုပ်ရေး လမ်းစီမံကိန်းရုံးနှင့် ကျောက်ကွင်းလုပ်ငန်းခွင်များအား လိုက်လံပြသပေး ခဲ့ပါတယ်။ ဒီစီမံချက်ကို (၃)နှစ်အတွင်း ဆောင်ရွက်လုပ်ကိုင်ပေးရ မည်ဖြစ်ကြောင်းသိရှိ ရပါတယ်။ လမ်း၊တံတားများကို ပြုပြင် ဆောင်ရွက်လုပ်ကိုင်ခွင့်ရ သော်လည်း တံတားကြေး၊ လမ်းအခွန်ဆောင်ရန် တိုးဂိတ်များအား အခမဲ့မရရှိသေးကြောင်း၊ ကြမ်းခင်းသတ်မှတ် ဈေးနှုန်းဖြင့်လည်းမရခဲ့ကြောင်း၊ ယခင်နှစ်က လေလံဈေးနှုန်းအတိုင်းသာ ပြိုင်ဘက်မရှိ ရရှိခဲ့ကြောင်းများကို ကြားသိခဲ့ရပါတယ်။
တံတားတာဝန်ခံ ဒါရိုက်တာအဖွဲ့ဝင်ဦးသက်ဝင်းနှင့် စာရေးသူတို့ တွေ့ဆုံမေး မြန်းခဲ့ကြပါတယ်။
ဦးသက်ဝင်း ခင်ဗျား ဧရာဝတီတံတား(မကွေး)ကို ဘယ်အချိန်က စတင်ပြီး ကောင်းမွန်ဆောက် လုပ်ရေး ကုမ္ပဏီမှ တာဝန်ယူခဲ့ပါလဲ..။
ဦးသက်ဝင်း။ ။ (၂၂-၂-၂၀၁၀) နေ့ကစတင်ပြီး ဧရာဝတီတံတား(မကွေး) ကိုလက်ခံခဲ့ပါတယ်။ လက်ခံတယ်ဆိုတာ တံတားဖြတ်သန်းခ ကောက်ခံဖို့တင်မဟုတ်ပဲ တံတားကြီးတစ်ခုလုံးရဲ့ ပြုပြင်ထိန်းသိမ်းလုပ်ဆောင်မူတွေအကုန်လုံးကအစ တာဝန်ယူဆောင်ရွက်ရပါတယ်။(ဥပမာ) မီးလုံးကျွမ်းတာကအစ မီတာခအထိ ကျွန်တော်တို့ဆောင်ရတာပါ။
စာရေးသူ။ ။ ဟုတ်ကဲ့ တံတားဖြတ်သန်းခ နှစ်ဆဖြစ်ရတဲ့ကိစ္စ ကို သိပါရစေ..။
ဦးသက်ဝင်း။ ။ တံတားဖြတ်သန်းခကို နှစ်ဆမတိုးပါဘူး။ မင်းဘူးမြို့ဝင်ကြေး၊ မကွေးမြို့ဝင်ကြေးတွေကို တံတားတိုးဂိတ်မှာ စုပေါင်းကောက်ခံလိုက်လို့ နှစ်ဆတိုး တယ်ထင်မှတ်သွားကြတာပါ။ ယခင်ဈေးနှုန်းအတိုင်းပါပဲ။ စက်ဘီးနှင့် လူခကို မယူပါဘူး။ ဒါပေမဲ့တံတားစာချုပ်ထဲမှာက လူတစ်ယောက်(၅)ကျပ် ကောက်ခံရမယ်ဆိုတာ ယနေ့အထိပါ ပါတယ်။ ဒါပေမဲ့ကျွန်တော်တို့ မယူခဲ့ပါဘူး။ တံတားဖြတ်ခ ဈေးနှုန်းတွေကတော့
(၁) အိမ်စီးကားလေးတွေ( စလွန်းကားသေး)ကို တံတားဖြတ်သန်းခ( ၂၀၀)ကျပ်။
(၂) ဟိုက်လတ်နဲ့ လိုက်ထရပ်ကား ကို (၅၀၀)ကျပ်။
(၃) ဒိုင်နာနဲ့ ကားအလတ်တွေကို (၈၀၀) ကျပ်။
(၄) (၅)တန်အထက် (၆)ဘီးကားတွေကို ကုန်ပါ(၉၀၀၀)ကျပ်၊ ကုန်မပါ (၄၀၀၀)ကျပ်။
(၅) BD ကား (၅၀၀၀)ကျပ်၊ (ကုန်ပါ)
(၆) Express ခရီးသည်မှန်လုံကား လိုင်းကား (၁၅၀၀) ကျပ်၊
(၇) Express ခရီးသည် ပြင်ပကားများ (၅၀၀၀)ကျပ်။
(၈) (၁၀)ဘီးကား ကုန်ပါ(၁၆၀၀၀)ကျပ်၊ ကုန်မပါ(၈၀၀၀)ကျပ်။
(၉) (၁၂) ဘီးကား ကုန်ပါ(၁၈၀၀၀)ကျပ်၊ ကုန်မပါ(၉၀၀၀)ကျပ်။
(၁၀) မော်တော်ဆိုင်ကယ် (၁၀၀)ကျပ်။
စာရေးသူ။ ။ ဟုတ်ကဲ့ ဒီဈေးနှုန်းတွေကို ဘာကြောင့်တရားဝင် ရေးသားချိတ်ဆွဲမထားပါသလဲ ။
ဦးသက်ဝင်း။ ။ ပြောရတာတော့ အားနာပါတယ်။ ဦးပိုင်လီမီတက် ကုမ္ပဏီတွေကလွဲလို ဘယ်သူမှ လမ်းတံတားကြေးကို ချိန်ဆွဲကောက်ခံလို့ မရပါဘူး။ သူတို့က ကျွန်တော်တို့ထက် ပေးရတဲ့ ကန်ထရိုက်ဈေးနှုန်းက တော်တော်သက်သာကြပါတယ်။ ကျွန်တော်တို့က မူလကြမ်း ခင်းဈေးနဲ့မရပါဘူး။ ပြီးခဲ့တဲ့နှစ်က လေလံဈေးအတိုင်း ဆက်လက်ယူရတာပါ။ ဆောက်လုပ်ရေးက သတ်မှတ်ထားတဲ့ချိတ်ဆွဲရေးသားထားတဲ့ဈေးနှုန်းအတိုင်းသာ ကောက်ခံ လို့ကတော့ မဖြစ်နိုင်ပါဘူး။ ဒါပေမဲ့ ကျွန်တော်တို့ ယခုကောက်ခံနေကြတဲ့ ဈေးနှုန်း တွေကလည်း သက်ဆိုင်ရာ ဒေသအာဏာပိုင်များနဲ့ ညှိနိုင်းခွင့်ပြုချက်ရယူထားပြီးမှ ကောက်ခံကြတာပါ။
စာရေးသူ။ ။ စောစောကပြောတဲ့ မကွေးမြို့ဝင်ကြေး၊ မင်းဘူးမြို့ဝင်ကြေးတွေကို တံတားတိုး ဂိတ်က စုပေါင်း ကောက်ခံလိုက်တော့..ဆိုပါစို့ ဆိုင်ကယ်တစ်စီးကို မကွေးကဆိုင်ကယ်ကို တံတားဖြတ်ခက အသွားအပြန်(၂၀၀)ကျပ်၊ မင်းဘူးမြို့ဝင်ကြေးက(၁၀၀) ကျပ်၊ စုစုပေါင်း (၃၀၀)ကျပ်သာကျမယ်။ ဒါပေမဲ့ မကွေးဘက်ကို ပြန်ဝင်ပြန်တော့လည်း မကွေးက ဆိုင်ကယ်ကို မကွေးမြို့ဝင်ကြေးထပ်ကောက်နေကြတော့ စုစုပေါင်း တံတားဖြတ်သန်းခက (၄၀၀)ကျပ်ဖြစ်သွားတာပေါ့။ ကားဆိုရင်လည်း တံတားဖြတ်ခ(၄၀၀)ကျပ်ကနေ စုစုပေါင်း (၈၀၀)ကျပ် ကျသွားပြန်တယ်။ မကွေးဆိုင်ကယ်နဲ့ မကွေးကားတွေကို မြို့ဝင်ကြေးထပ် ကောက်တာ..၊ မင်းဘူးဆိုင်ကယ်နဲ့ မင်းဘူးကားတွေကို မြို့ဝင်ကြေးများ ထပ်ကောက် တာ.ဆိုတော့ အဲဒီကားတွေ၊ ဆိုက်ကယ်တွေက လိုင်စင်သက်တန်းတိုးစဉ်အခါကတည်းက မြို့ဝင်ကြေးခေါ်(ဘီးခွန်)တွေကို လိုက်စင်သက်တန်းအလိုက် ဆောင်ထားကြပြီးဖြစ်ကြပါတယ်။ သူတို့ကျတော့ မြို့ဝင်ကြေးကို နှစ်ခါဆောင်ရသလိုဖြစ်နေကြပါတယ်။ အဲဒီကိစ္စကို ရှင်းပြပေးစေလိုပါတယ်။
ဦးသက်ဝင်း။ ။ ဟုတ်ကဲ့ အများပြည်သူတွေကလည်း ဆရာပြောသလို တံတားကြေးနှစ်ဆတက်သွားတယ်လို့ ထင်ကြတာပါ။ အမှန်က မကွေးဆိုင်ကယ်၊ကား၊ မင်းဘူးဆိုင်ကယ်၊ကားဆိုပြီး သတ်သတ်မှတ်မှတ်စစ်ဆေးခွဲခြားလို့ရအောင် သက်ဆိုင်ရာ စည်ပင်သာယာရုံးတွေကို စာရင်းယူနေ့ပါတယ်။ စာရင်းတွေရရင် အဲဒီဆိုင်ကယ်နဲ့ ကားတွေကို မင်းဘူး၊ မကွေးခွဲခြားမဲ့ စတေကာ အရောင်နှစ်မျိုးကို ကပ်ပေးထားပြီး ကောက်ခံသွား ဖို့စီစဉ်ဆောင်ရွက်နေဆဲဖြစ်ပါတယ်ခင်ဗျား..။လောလောဆယ် တံတားတိုးဂိတ်က ကျွန်တော့် တို့ ၀န်ထမ်းတွေကလည်း သေသေချာချာ စစ်ဆေးပြောဆိုမူအားနည်းခြင်း၊ ဖြတ်သန်းတဲ့ ဆိုင်ကယ်နဲ့ ကားတွေကလည်း အချိန်ပေးပြီး အစစ်အဆေးခံမူ မေးမြန်းစုံစမ်းမူ အားနည်းခြင်းတို့ကြောင့် ယခုလို ဖြစ်သွားကြရပါတယ်။ မကြာခင် ဒီ မကွေး၊ မင်းဘူး ဆိုင်ကယ်၊ကားတွေစာရင်းများကွဲပြား ခြားနားသွားပါမယ်..။တံတားဖြတ်သန်းခ ဈေးကတော့ လုံးဝမတိုးကြောင်း၊မတက်ကြောင်း သတင်း ကို ဆရာတို့ က ပြန်လည် ရှင်းလင်းတင်ပြပေးစေလိုပါတယ် ခင်ဗျား…။
စာရေးသူ စဉ်းစားမိပါတယ်။ ဒီ ဧရာဝတီတံတား(မကွေး)ကို နေ့စဉ်ဖြတ်သန်းနေကြသူ မော်တော်ဆိုင်ကယ်များမှာ ကျောင်းသားကျောင်းသူများနှင့် ၀န်ထမ်းများက ဖြတ်သန်းသွား လာနေကြရတာ သုံးပုံလျှင် နှစ်ပုံလောက်ရှိနေကြပါမည်။ ကျန် ဆိုင်ကယ်စီးလုပ်သားပြည်သူ များမှာလည်း တစ်နေ့လုပ်မှ တစ်နေ့စားရသော လက်လုပ်လက်စားများသာ မြင်တွေ့နေရပါတယ်။ ဒီကိစ္စကို ရေရှည် ပြသနာမတက်စေလိုပါလျှင် … စစ်ကိုင်း မှ မန္တလေးသို့ ဖြတ်သန်းထားသော ရတနာပုံ တံတားကြီးမှာ ကဲ့သို့သာ.. မော်တော်ဆိုင်ကယ်များအား အခမဲ့ သတ်မှတ်ပေးလိုက်လျှင်ဖြင့်..အများပြည်သူများ အတွက်တော့ အေးချမ်းကြည်ဖြူကြပါပေမည်….။
ရွှေလမ်းငွေလမ်း ၀င်းကြည်
၂၀၁၀ ခု၊မေလ(၁၆)ရက်၊ ည(၇း၁၅)နာရီတင်သည်။
0 comments:
Post a Comment