18-4-2010 လုမ္ဗိနီ အင်ကြင်းတောမှာ…
နံနက်လင်းတာနဲ့ ဘုရားဖူးထွက်ကြတယ်။ သိဒ္ဓတ္တမင်းသားငယ်ကို မဟာသက္ကရာဇ်(၆၈)ခု၊ ကဆုန်လပြည့်၊ သောကြာနေ့တွင် ဒီနေရာမှာ ဖွားမြင်သောနေရာဖြစ်ပါတယ်။ ဖွားမြင်ပြီးလျှင် ပြီ်းချင်း မြောက်အရပ်သို့ခြေလှမ်း ခုနှစ်လှမ်းကြွတော်မူပါတယ်။ လက်ညှိးထောင်၍ (ငါသာလျှင် အမြတ်ဆုံး၊ ငါသာလျှင် အကြီးဆုံး၊ ငါသာလျှင် အတုမရှိဆုံး)ဟု ကြွေးကြော်တော်မူခဲ့ပါတယ်။ ဗုဒ္ဓဘုရားရှင်အလောင်းတော်ဘ၀(၂)ဘ၀ဖြစ်တဲ့ (၁)မဟောသဓာကလေးဘ၀တွင်လည်း ဆေးမြစ် ကိုကိုင်၍စကားပြောခြင်းတစ်ခါ (၂)ဝေသ္ကသရာမင်းသား ကလေးဘ၀က(လှူစရာပေးရန်မိခင်အား တောင်းခဲ့ခြင်း၊) ယခုလူဘ၀တွင် လည်း(တတိယအကြိမ်) စကားပြောတော်မူပါတယ်။
ဘုရားရှင်ဖွားမြင်တော်မူသော ဤလုမ္ဗိနီဥယျဉ်တော်ကြီးရဲ့ ပထမကျေးဇူးရှင်ဟာ အသောက မင်းကြီးဖြစ်ပါတယ်။ ဒုတိယ ကျေးဇူးရှင်မှာ ကမ္ဘာ့ကုလသမဂ္ဂ အထွေထွေအတွင်းရေးမှူးချုပ် ဦးသန့်(မြန်မာပြည်သား) ဖြစ်ပါတယ်။ ၁၉၆၇ ခုနှစ်မှာ ဦးသန့် လာရောက်ခဲ့စဉ်က ဒီနေရာသည် မူဆလင်များဖျက်ဆီး၍ ပျက်ခဲ့တာတွေ၊ ဟိန္ဒူဘာသာဝင်များက ဤ၀န်းကြီးအတွင်းမှာ နေကြတာကို ရှင်းလင်းဖယ်ရှားပြီး ပြုပြင်ပေးပါရန် နီပေါနိုင်ငံခေါင်းဆောင်းကြီးအား ဦးးသန့်မှ ညှိနိုင်းဆောင်ရွက်နိုင်ခဲ့ပါတယ်။ နိုင်ငံပေါင်း(၁၅)နိုင်ငံကို ကုလသမဂ္ဂတွင် အစည်းအဝေးခေါ်၍ ဒီလုမ္ဗိနီဥယျာဉ်ကြီး ဖြစ်ပေါ်လာခြင်းဖြစ်ကျောင်း မြန်မာကျောင်းဆရာတော်မှ ရှင်းလင်းပြောကြားပါ တယ်။
သုဒ္ဓေါသနမင်းကြီးရဲ့ နန်းတော် ကပိလ၀တ်နေပြည်တော် ကိုသွားခဲ့ကြပါတယ်။ သိဒ္ဓတ္တမင်းသား သက်တော်(၂၉)နှစ်အရွယ်မှာ တောထွက်တော်မူသော အရှေ့ တံခါးသို့ရောက်ပါတယ်။ မြန်မာကျောင်းဆရာတော်က ဗုဒ္ဓ၀င်ဇာတ်တော်ကို စိတ်ပါဝင်စားစွာ သုဒ္ဓေါသနမင်းကြီး၏ သားချစ်တဲ့ဇောနဲ့ လောဘ၊ဒေါသ၊ သောကများအား ပေါ်လွင်အောင်ပြောကြားခြင်း၊ ယသောဓရာ အလွမ်း၊ ရာဟုလာ အမွေပေးသောစေတီ၊ ခတ္တိကမြင်းရဲ့ ရင်ကွဲနာ၊ အနောမာမြစ်မှ မောင်စံ တစ်ကိုယ်တည်း ပြန်လာရသောဇာတ်တော်များကြောင့် ဘုရားဖူးအဖွဲ့သူ၊ အဖွဲ့သားများ မျက်ရည်ကျမတတ်ခံစားကြရပါတယ်။ ကျွန်တော်တို့ ငယ်စဉ်က ရွှေမန်းတင်မောင် ၏ ဗုဒ္ဓ၀င်ဇာတ်လမ်းများကိုလည်း နားထဲမှာ ပြန်လည်ကြားရောင်လာခဲ့ပါတယ်။
အဲဒီကနေ သုဒ္ဓေါသနမင်းကြီးက ဘုရားရှင်အားဆောက်လုပ်လှူဒါန်းသော နိဂြောတာရုံကျောင်း တော် နေရာစေတီနှင့် မြတ်စွာဘုရားရှင်၏ သားတော် ရာဟုလာအား သာသနအမွေပေးသော နေရာ စေတီ တို့ကိုသွားကြပါတယ်။မြတ်စွာဘုရားရှင်အား သာဂီနွယ်ဝင်မင်းမျိုးတို့ ကရှစ်ခိုးပူဇော်ခြင်းမပြုကြ၍ ဘုရားရှင်ကိုယ်တော်မြတ်ကြီးက ကောင်းကင်သို့ကြွမြန်းပြီး ရောင်ခြည်တော်များနှင့်အတူ ပေါက္ခ၀သမိုးရွာသွန်းသော ရေကန်တော်အား ယင်းကျောင်းတော်၏ အရှေဘက်မှာ တွေ့မြင်ခဲ့ရပါတယ်။
နေ့လည်စာ ထမင်းစားပြီး နေ့(၁၂)နာရီတွင် လုမ္ဗိနီအင်ကြင်းတော်မှ ကုသိနာရုံသို့ ဆက်လက်ထွက်ခွါခဲ့ကြပါတယ်။
မနက်ဖြန်ခရီးစဉ်အား ဆက်လက်တင်ပေးပါမည်။
ရွှေလမ်းငွေလမ်းဝင်းကြည်
၂၀၁၀ ခု၊ဧပြီလ(၁၉)ရက်ည(၁၂)နာရီ
0 comments:
Post a Comment