၂၁-၄-၂၀၁၀ ခု၊ ရာဇဂြိဟ် မှ ဗုဒ္ဓဂယာ ညအိပ်
နံနက်ပိုင်း ဂိဇ္ဇကုဋ်တောင်သို့တက်ကြပါတယ်.။ ဆရာတော် ဦးဧဒ္ဓိမာ က တောင်ငါးလုံးဝိုင်းရံခို ရာဇဂြိဟ်ပြည်၏ ဗုဒ္ဓ၀င်ဇာတ်တော်ကို ရှင်းလင်းဟောကြားပါတယ်။ ဂျပန် ကောင်းကင် တောင်တက်စတီးကြိုးပြတ်၍ ခြေလျင်တက်ခဲ့ကြပါတယ်။ မြတ်စွာဘုရားရှင် ကျောင်းတော် နေရာမှာ ပရိတ်တော်များဖြင့်ရွတ်ဖတ်ပူဇော်ကြပါတယ်။ မြေပုံပါအတိုင်း ဆရာတော်က ရှင်းလင်းပြပါတယ်။ တောင်ငါးလုံးဝိုင်းရံခိုဆိုတာက (၁) ဝေဘာလတောင် (ပထမ သံဃာရတနာတင်သော နေရာ) (၂) ဝေပုလ္လတောင် (မြတ်စွာဘုရားသခင် ကိုယ်တော်မြတ် ကြီးအား ကျောင်းတော်စတင်လှူဒါန်းသောနေရာ၊ ရေစက် စတင်ချပေးသောနေရာ သက္ကန်းစတင် လှူသောနေရာ များဟု ထူးခြားပါတယ်။ (၃) ဂိဇ္ဈကုဋ်တောင်၊ ဒေ၀ဒတ်က ဘုရားရှင်အား သွေးစိမ်းရှင်ရှင်ထွက်အောင် ပြုလုပ်သော နေရာ။ (၄) ပဏ္ဍ၀တောင် (၅)က္ကသိဂိ လိတောင်များကို ရောက်ခဲ့ကြပါတယ်။
အဲဒီမှ ဆေးဆရာကြီး ဇီဝက၏ သရက်ဥယျာဉ်ကျောင်းတော်နေရာ၊ မြတ်စွာဘုရားရှင် လက်ထက်က ကုန်သည်ငါးရာလာခဲ့သော ကျောက်လည်းဘီးရာများကိုလည်း ယခုတိုင်တွေ့ မြင်ခဲ့ပါတယ်။ ဖခင်ဗိမ္ဗိသာရမင်းကြီးအား သားတော် အဇာတသတ်မှ မြေအောက်ခန်းတွင် ထောင်သွင်းအကျဉ်းချထား၍ ခြေဖ၀ါးကို ဒါးခွဲပြီး ဆားပက်၍ ရှားမီးခဲရဲရဲဖြင့် မီးကင်၍သတ်ခဲ့သောာ အကျဉ်းထောင်ကြီးနေရာ၊ ဗိမ္ဗိသာရမင်းကြီး၏ ဘဏ္ဍာတိုက် လှိုဏ်ဂူကို ရောက်ခဲ့ပါတယ်။ မြတ်စွာဘုရားရှင်၏ ကုသိနာရုံမှ ရရှိလာသော ဓာတ်တော်များအား အဇာတသတ်မင်းက ပူဇော်ထားသော ဓာတ်တော်တိုက် ကိုလဲရောက်ခဲ့ပါတယ်။
အဲဒီကနေ နလန္ဒာ တက္ကသိုလ်(အသစ်) မြန်မာစာသင်သား ကိုယ်တော်(၉၇)ပါးအား လှူဖွယ်ရာ ပစ္စည်း၊ ၀ထ္ထုများဖြင့် လှူဒါန်းပူဇော်ခဲ့ကြပါတယ်။ လှူဖွယ်ပစ္စည်း အစုံနှင့် မြန်မာငွေ ကိုးသောင်း ကျော်၊ အမေရိကန်ဒေါ်လာ(၆၁၄)။ ယူဘီ(၇၈၅၀) တို့ဖြင့် ကျွန်တော်တို့ နိလာဘုရားဖူးအဖွဲ့ (၃၁) မှ စုပေါင်းလှူဒါန်းနိုင်ခဲ့ကြပါတယ်။ အဲဒီမှ ရှင်သာရိပုတ္တရာ မွေးဖွားရာ၊ ပရိနိဗ္ဗာန်ပြုရာ နလန္ဒာ တက္ကသိုလ်(အဟောင်း) နေရာကို သွားရောက်ဖူးမျှော်ခဲ့ကြပါတယ်။
အဲဒီမှ ကျောင်းတော်အစ ဝေဠုဝန်ကျောင်းးမှ ရေစက်သွန်းလောင်းစတင်လှုခဲ့သော ၀ါးရုံတော ပန်းခြံတွင်းသို့ ရောက်ခဲ့ပါတယ်။ ပန်းခြံအတွင်းမှာပဲ ရှင်သာရိပုတ္တရာ၊ နှင့် ရှင်မောဂ္ဂလန်တို့အား လက်ဝဲရံ၊ လက်ယာရံအဖြစ်ဧတ္တဒက် ဘွဲ့ ပေးသောနေရာ၊ များကို ရောက်ခဲ့ရပါတယ်။ ထူးထူးခြားခြား သုံးနှစ်လျှင်တစ်ကြိမ် ကျင်းပသော ဟိန္ဒူဘာသာဝင်များ၏ နတ်ပေါင်းစုံ ပူဇော်ပွဲတော်ကြီးအား ကျင်းပနေတာကိုတွေ့ ခဲ့ပါတယ်။(တစ်လတိတိကျင်းပကြောင်းသိရပါ တယ်။ပွဲတော်ကျင်းပရာနေရာမှာပဲ ဇာတ်မြင့်၊ ဇာတ်နိမ့်များ ရေချိုးသော နေရာများကိုမြင့်ခဲ့ ရပါတယ်။
ဇာတ်မြင့်များ ရေချိုးသော နေရာ၏ အပေါ်တွင် မြတ်စွာဘုရားရှင်ကြွရောက်ခဲ့သော ဝေဘာရ တောင်(ပထမ သံင်္ဂါယတနာတင်သော) တောင်ကုန်းမြင့်ပေါ်က စေတီနေရာကို ဖူးမျှော်ခဲ့ ရပါတယ်။
ည(၈)နာရီမှာ ရာဇဂြိဟ်ပြည်ကြီးကနေ ဗုဒ္ဓဂယာသို့ ခရီးဆက်ခဲ့ကြပါတယ်။
မနက်ဖြန် ခရီးစဉ်အား ဆက်လက်တင်ပြပါမည်။
ရွှေလမ်းငွေလမ်းဝင်းကြည်
၂၀၁၀ ခု၊ ဧပြီလ(၂၂)ရက် နေ့(၁)နာရီ၊ ရေး၏။
0 comments:
Post a Comment