2o-4-2010 ကုသိနာရုံ မှ ပတ္တနား၊ ရာဇဂြိုဟ် သို့ရောက်
နံနက်(၆)နာရီ ကုသိနာရုံမှ စတင်ထွက်ခဲ့ပါတယ်။ လမ်းမှာ ဓာတ်ဆီဆိုင်တစ်ဆိုင်မှာ နေ့လည်စာ စားကြပါတယ်။ ပါဝါမြို့ ကိုရောက်တယ်။ မြတ်စွာဘုရားရှင်အား စုဒ္ဒအိမ်မှ ၀က်ပျိုသားနှင့် ဆွမ်းကပ်သောနေရာစေတီ အား ကားလမ်းပေါ်ကလှမ်းမြင်ရပါတယ်။ ဓာတ်ပုံရိုက်တယ်။ အဲဒီနေရာကို သွားရောက်ဖူးမျှော်ချင်သော်လည်း ပါဝါမြို့က (၇၈၆) မူဆလင်များရဲ့ ဘုရားကျောင်းဖြင့် ကပ်နေခြင်း၊ လာရောက်သူများအား မကြာခဏ ရန်ပြုတယ် လို့ စကားပြန်ကပြောကြား၍ မသွားရဲခဲ့ကြပါ။ ကုသိနာရုံ နဲ့ ပါဝါမြို့ ကြားမှာတော့ မြတ်စွာဘုရား ရှင် ၀မ်းတော်လား၍ သန့်စင်ဆေးကျောသော ချောင်းကလေးဟု သိရလို့ ကားပေါ်က မှတ်တမ်းတင် ဓာတ် ပုံရိုက်ပါတယ်။ အဲဒီကနေ ဝေသာလီပြည်ကို ရောက်ပါတယ်။ ဝေသာလီ ပြည်ကို ဘုရားရှင်လက်ထက်က ကပ်သုံးပါးဘေးကြီးကျရောက်ခဲ့ပါတယ်။ လူတွေအသေ အပျောက်များ၍ ဘီးလူး၊သဘက်၊သရဲများ ချောက်လန့်နေပါတယ်။ ဘုရားရှင်က တပည့်ဖြစ်တဲ့ ရှင်အဟံနဲ့ သံဃာတော်များကို စေလွှတ်၍ ရတနာ့သုတ်တော်ကို ရွတ်ဖတ်ပူဇော်ပေးတော်မူကြ ပါတယ်။ အဲဒီအခါမှာ ဘေးအန္တရာယ်တွေ ကင်းစင်ပပျောက်၍ သာယာသွားပါတယ်။ ဘုရားဖူးအဖွဲ့များကလည်း ရတနာသုတ်တော်ကို ရွတ်ဖတ်ပူဇော်ခဲ့ကြပါတယ်။ဝေသာလီပြည် ဤနေရာမှာ အာသောကမင်းကြီးရဲ့ ကျောက်စာတိုင်အပြည့်အစုံကိုမြင်တွေ့ခဲ့ရပါတယ်။ဤ နေရာသည် ‘ဒုတိယသဂါင်္ယတနာတင်ခဲ့သောဌါနတစ်ခုဖြစ်ကြောင်းကိုလည်းသိရပါတယ်။ အဲဒီကနေ လစ်္စ၀ီမင်း များက မြတ်စွာဘုရားရှင်၏ ဓာတ်တော်များကို ဌာပနာပြီး ပူဇော်ထားတဲ့ စေတီနေရာကို ရောက်ခဲ့ပါတယ်။ အဲဒီကနေ ပတ္တနားမြို့ ကိုမ၀င်မှီ အန္တိယနိုင်ငံမှာ အရှည်ဆုံး အကြီးဆုံး ကီလိုမီတာ(၈)ကီလို၊ မိုင်(၅)မိုင်ခန့်ရှည်လျားတဲ့ ဂန္တီ တံတားကို မြင်တွေ့ရပါတယ်။ ဂဂါင်္မြစ်ကိုဖြတ်ကျော်ထားတာကို မြင်တွေ့ရပါတယ်။ တော်တော်လေးကို ကောင်းမွန်ပါတယ်။
ညနေ(၄း၃၀)နာရီမှာ ပတ္တနားမြို့ (ပါဋလိပုတ်)က မြန်မာကျောင်းကို ရောက်ကြပါတယ်။ မြန်မာကျောင်းမှာ ညနေစာ ထမင်းစားကြပါတယ်။ ဈေးဝယ်ကြပါတယ်။ဤမြို့ရဲ့ ယခုပန်းခြံ ပြုလုပ်ထားတဲ့နေရာသည် တတိယသင်္ဂါတယနာတင်ခဲ့သော ဌါနတစ်ခုဖြစ်ကြောင်းသိရ ပါ တယ်။အဲဒီပန်းခြံကိုတော့ မ၀င်ခဲ့ကြရပါ။ံ ပတ္တနားမြို့ ဟာ ဘီအာပြည်နယ်ရဲ့ မြို့ တော်ဖြစ် ကြောင်းသိရပါတယ်။ စည်ကားပါတယ်။ အဆောက်အဦး တွေလည်းကောင်းပါတယ်။ ဒါပေမဲ့ သန့်ရှင်းမူ မရှိပါ။
မနက်ဖြန်ခရီးစဉ်အား ဆက်လက်တင်ပေးပါမည်။
ရွှေလမ်းငွေလမ်းဝင်းကြည်
၂၀၁၀ ခု၊ဧပြီလ(၂၀)ရက်၊ ည(၁၂း၃၀)နာရီ။
0 comments:
Post a Comment