၂၂-၄-၂၀၁၀ ဗုဒ္ဓဂယာ မှ ကျန်သောနေရာများ ဘုရားဖူး
ယခင်နေ့ ည(၁၀)နာရီမှာဗုဒ္ဓဂယာမြန်မာကျောင်းသို့ ဒုတိယအခေါက်ပြန်ရောက်ပါတယ်။ မနက်(၈)နာရီခန့်ကစလို့ မြတ်စွာဘုရားအလောင်းတော် ဒုက္ကရစရိယ ကျင့်ခဲ့သော တောင် လှိုဏ်ဂူသို့ စတင်သွားရောက်ဖူးမျှော်ကြပါတယ်။ ကားလမ်းကနေ တောင်ပေါ်သို့ ခြေလျင်တက် သူ များပါတယ်။ သက်ကြီးရွယ်အိုများကတော့ အထမ်းသမား ထမ်းစင်များနဲ့ တက်ကြရပါ တယ်။ အတက် အဆင်း (၅၀၀)ရူဘီပေးရပါတယ်။ အဲဒီကနေ မြတ်စွာဘုရားအလောင်းတော် ဘုရားမဖြစ်ခင် တစ်ရက်အလိုမှာ နံက်ပိုင်းအချိန်အခါတွင် သူဇာတာ သူဌေးသမီးက မြတ်စွာ ဘုရားလောင်းအား ဃနာနို့ဆွမ်းကို ရွှေခွက်ဖြင့် ဆက်ကပ်လှူဒါန်းပူဇော်သော နေရာသို့ သွားကြရပါတယ်။
သုဇာတာဆွမ်းလှူဒါန်းရခြင်း အကျဉ်း
သုဇာတာမင်းသမီးလေးက သေနာကုန်းခေါ် (စစ်သားများနေရာကုန်းမှ စစ်သူကြီး၏ သမီးဖြစ်ပါတယ်) ချမ်းသာကြွယ်ဝသော သူဌေးသား တစ်ဦးနဲ့ အိမ်ထောင်ချထားပေးလိုက်ပါ တယ်။ သူတို့ဒေသ အယူဝါဒအရ အိမ်ထောင်ရှင်များက သားယောင်္ကျားလေး မွေးဖွားပေးမှ မွန်မြတ်သော သူများလို့ သတ်မှတ်ခံကြရပါတယ်။ ယခုနေရာက ညောင်ပင်ကုန်းကို နေ့စဉ် သားဆုပန်ဖို့ သုဇာတာနှင့် သူ၏ကျွန်မတို့ လာရပါတယ်။ မြတ်စွာဘုရားလောင်းကို တွေ့တော့ ညောင်ပင်စောင့်နတ်သားက ကိုယ်ထင်ပြတာပဲလို့ သူရဲ့ကျွန်မက အရင်တွေ့ရပါတယ်။ ၀မ်းသာအားရနဲ့ သူ၏သခင်မ သုဇာတာအိမ်ကိုပြေး၍ သွားပါတယ်။ ၀မ်းသာအားရ ဖြင့် သုဇာတာကလည်း အိမ်က ဃနာာနို့ဆွမ်းကို ရွှေခွက်ထဲကို ထည့်ယူလာပြီး ဘုရားလောင်းအား ဆက်ကပ်လှူဒါန်းပါတယ်။ ဘုရားလောင်းမှ အလှူခံတော်မူ၍ ရွှေခွက်အား နေဉ္ဇရာမြစ်တွင် ငါသည်ဘုရားစင်စစ် ဧကန်ဖြစ်ရပါလျှင် ဤ ရွှေခွက်သည် ရေဆန်သို့ပြန်တက်ပါစေသားဟု သစ္စာပြုပါတယ်။ရွှေခွက်သည်ရေဆန်သို့ ဆန်တက်သွားကြောင်း သိရပါတယ်။ အလှူပေးသူ သုဇာတာအားလည်း သာဓုအနုမောဒနာပြုတော်မူပါတယ်။
ညနေပိုင်းမှာ
ဘုရားလောင်းသည် မဟာဗောဓိပင်ပေါ်ထွက်မည့် နေရာတစ်ဖက်ကမ်းသို့ မသွားမှီ သုဒ္ဓိယ လုလင်မှ မြက်ရှစ်ဆုပ်ကို လှူဒါန်းပူဇော်ပါတယ်။ ဘုရားရှင်မှအလှူခံ၍ သာဓုအနုမောဒနာ ပြုတော်မူပါ တယ်။ဤ နေရာတွင် မြတ်စွာဘုရားရှင်သည် ဘုရားလောင်းဘ၀ဖြစ်စဉ်ကာလက ထဲမှ အလှူခံယူရာတွင် ပုဂ္ဂိုလ်။ အရုပ်။အလတ်၊ အမြတ် မရွေးပဲ တန်းတူညီမျှလက်ခံတော် မူပါတယ်။ နံနက်က ရွှေခွက်ဖြင့် ဃနာနို့ဆွမ်းကပ်လှူသော သုဇာတာသူဌေးသမီး၏ အလှူနှင့် ညနေပိုင်း မြက်ရှစ်ဆုပ်အား လှူဒါန်းသော သုဒ္ဓိယ လုလင်၏ အလှူတို့ အားတန်းတူထား၍ အလှူခံတော်မူခဲ့ပါတယ်။
အဲဒီမှ သုဇာတာသူဌေးသမီးနေအိမ်သို့ သွားရောက်ခဲ့ပါတယ်။ ပိတ်ထားလို့ ကားပေါ်က မဆင်း ကြတော့ပါ။ အဲဒီနေရာမှ ကမာကူရာ ဂျပန်ဘုရားကြီးသို့သွားကြပါတယ်။ ဘုရားရုပ်ပွားတော် ကြီး၏ ဥာဏ်တော်အမြင့်မှာ အတောင်(၈၀)ရှိကြောင်းသိရပါတယ်။
နေ့လည်ပိုင်း ကိုယ်ပိုင်အချိန်မှာတော့ ကျွန်တော်တို့ မိုးယံရွှေလမင်းနှင့် မြတ်ဆုကုဋေ ထီဆိုင် အရောင်းကိုယ်စားလှယ်များ မှ စုပေါင်း၍ မဟာဗောာဓိစေတီ ရုပ်ပွားတော်အား ကြာသက္ကန်း ဖြင့် ဆက်ကပ်လှူဒါန်းကြပါတယ်။ ကိုယ်ပိုင်အချိန်မှာ မဟာဗောဓိညောင်ပင်အောက်တွင် တရားထိုင်ခဲ့ကြပါတယ်။
အပြန်တွင် ဂေါပကရုံထဲသို့ ခေတ္တလေ့လာ ခဲ့ပါတယ်။ သန့်စင်ခန်းရှိ၍ တာဝန်ကျရဲများအား အခကြေးငွေ မည်မျှပေးရမလဲမေးမြန်းခဲ့ပါတယ်။ လက်ကာ၍ ပြကြပါတယ်။ မပေးရဘူး ဆိုလို ပါတယ်။ ကျွန်တော်တို့ သန့်စင်ခန်းကို ၀င်ကြပါတယ်။ အထွက်ရောက်တော့ ရဲနှစ်ယောက်က သူတို့ကို ယူဘီ(၅၀) ပေးရန် အတင်းတောင်းလို့ ပေးခဲ့ရပါကြောင်း။
ညစာထမင်းစားပြီး ဗုဒ္ဓဂယာမြန်မာဘုန်းကြီးအား ကန်တော့၍ ည (၈)နာရီအချိန်မှာ ကိုးလ် ကတ္တားမြို့ သို့ဆက်လက်ထွက်ခွါခဲ့ကြပါတယ်။
မှတ်ချက်။ ။ ဂယာမှာ အပူချိန်(၅၀ံ) စင်တီဂရိတ်ထိ ရောက်နေကြောင်း သိရပါတယ်။ ပူလိုက်တဲ့ ဖြစ်ခြင်း လူတွေအရည်ပျော်သွားမလား အောင်းမေ့ရပါ၏။
မနက်ဖြန်ခရီးစဉ်အား ဆက်လက်ဖော်ပြပေးပါမည်။
အင်တာနက်သုံးသော GSM ဖုန်းကဒ်အား အသုံးပြုခွင့် မရ၍ မြန်မာပြည်ရောက်မှ တင်ပေးရ ပါသည်။
ရွှေလမ်းငွေလမ်းဝင်းကြည်
၂၀၁၀ ခု၊ ဧပြီလ(၂၂)ရက်၊နေ့(၁၂)နာရီရေးသည်။
0 comments:
Post a Comment