ပခုက္ကူမြို့နယ်မှ (၅)သိန်းတန်ဖုန်းများ (၇)သိန်းအထိဈေးတက်
ရွှေလမ်းငွေလမ်းဝင်းကြည်
ဇွန်(၁၂)ရက်။ မကွေးတိုင်း၊ပခုက္ကူမြို့နယ် အတွင်း(၅)သိန်းတန်ဖုန်းများအား လူသုံးများလာကြောင်း သတင်းရရှိပါသည်။ ယင်း(၅)သိန်းတန်ဖုန်းများသည် မြို့နယ်တွင်းသာ ကိုင်ဆောင်၍ အသုံးပြုရသော (CDMA) ဖုန်းဖြစ်ကြောင်း၊ ယင်းဖုန်းနံပါတ်များမှာ (၀၉-၄၇၂၀၈၀၀၀) ဖြင့် စသောဂဏန်း(၁၀)လုံးပါနံပါတ်များဖြစ်ကြောင်း၊ ယင်းပေးထားသော ဖုန်းနံပါတ် များအား (၁၀)နှစ် သက်တန်းအထိ ကိုင်ဆောင်နိုင်ကြကြောင်း၊ ဖုန်းအ၀င်ကောမှာ အခမဲ့ဖြစ်ပြီး၊ အထွက်ကော များကျသင့်ငွေကို (ငွေကျပ် တစ်သောင်းတန်) ကဒ် နှင့် (ငွေကျပ် သုံးသောင်းတန်)ကဒ် များကို ပြင်ပကုမ္ပဏီများမှ ရောင်းချပေးမည်ဖြစ်ကြောင်း၊ ဆက်သွယ်ရေး စာတိုက်သို့ ငွေသွင်းဆောင်စရာမလိုကြောင်း၊ ဖုန်း အသုံးပြု၍ ငွေတစ်ထောင်ကျပ်သာ ကျန်ရှိလျှင် အချက်ပြ သတိပေးပြောဆိုမည်ဖြစ်ကြောင်း၊ သတိပေးထားပြီး ယင်းကဒ်ကို တစ်လတိတိအချိန်ပေးထားကြောင်း၊ တစ်လကျော်လျှင် ယင်းဖုန်းအတွင်းမှ လက်ရှိကဒ်သည် ဆက်သွယ်၍ လုံးဝရတော့မည်မဟုတ်ကြောင်း၊ နောက်ထပ်ဖုန်းပြောနိုင်ရန်အတွက် (တစ်သောင်းတန်ကဒ်) သို့မဟုတ် (သုံးသောင်းတန်ကဒ်) တစ်ခုခုကို ၀ယ်ထည့်ရမည် ဖြစ်ကြောင်း တို့ကို ဆက်သွယ်ရေးအရာရှိတစ်ဦးထံမှ သတင်းစုံစမ်းရရှိပါသည်။
ပခုက္ကူမြို့သည် ကုန်သည်များ၊ စက်မူဇုံမှ ကုမ္ပဏီများ အခြေစိုက်ရာ ဒေသဖြစ်၍ (၅)သိန်းဖုန်းများမှာ ရောင်း၍မလောက်ဖြစ်နေကြောင်း၊ ယင်း(၅)သိန်းတန်ဖုန်းများသည် ပခုက္ကူမြို့နယ်တွင်းသာမက နီးစပ်ရာ အခြားမြို့နယ်များတွင်လည်း ကိုင်ဆောင်အသုံးပြု ရနေကြ၍ အလုအယက်လူကြိုက်များနေကြကြောင်းကို နယ်ခံကုန်သည် တစ်ဦးက ပြောကြား၍သိရှိရပါသည်။ ပခုက္ကူမြို့နယ်၏ အရှေ့ဘက် မကွေးတိုင်း ချောက်မြို့နယ်၊ တောင်ဘက် ပွင့်ဖြူမြို့နယ်၊ အထိ ကိုင်ဆောင်၍ အသုံးပြုရနေကြကြောင်း ချောက်မြို့၊ ပွင့်ဖြုမြို့မှ ကိုင်ဆောင်အသုံးပြု နေသူများထံမှ သတင်းရရှိပါသည်။ ချောက်မြို့ပေါ်တွင် ပခုက္ကူ(၅)သိန်းတန်ဖုန်း တစ်လုံး အား (ခြောက်သိန်းရှစ်သောင်း) နှင့် (၇)သိန်းအထိ ဈေးပေါက်နေကြောင်း ၀ယ်ယူသူတစ်ဦးထံမှ သတင်းရရှိခဲ့ပါသည်။
ပခုက္ကူမြို့နယ်မှ (၅)သိန်းတန်ဖုန်းများ ဈေးကောင်းနေခြင်းမှာ မြို့နယ်ကျော်၍ လိုင်းဆွဲအားကောင်းနေခြင်းကြောင့်ဟုသိရပါသည်။ ဆက်သွယ်ရေးအရာရှိတစ်ဦး၏ ပြော ကြားချက်မှာ ပခုက္ကူ ဆက်သွယ်ရေးတာဝါတိုင်နှင့် ပုပ္ပါးဆက်သွယ်ရေးတာဝါတိုင် တို့နှစ်ခုဖြင့် ချိတ်ဆက်မိနေ၍ လိုင်းများ ကောင်းနေကြောင်း၊ မကြာမီ ပုပ္ပါးတာဝါတိုင်နှင့် ချိတ်ဆက်ခြင်းကို ဖြတ်တောက် တော့မည်ဖြစ်ကြောင်း ကြားသိခဲ့ရပါသည်။ ပခုက္ကူမြို့နယ်ကျော်၍ ရောင်းချထားသော (CDMA) ဖုန်းများမှာ ချောက်မြို့တစ်မြို့တွင် ဖုန်းအလုံးရေ(၁၀၀)ကျော်ခန့် ရောင်းချ၍ တပ်ဆင်အသုံးပြုနေကြကြောင်း သတင်းရရှိပါသည်။ အခြား မြို့နယ်များနှင့်ပါ ဆိုလျှင် ဖုန်းအလုံးရေ တော်တော်များများ အား(၅)သိန်းတန်ဖုန်းကို (၇)သိန်းဈေးနှုန်းများဖြင့် ရောင်းချပြီးဖြစ်ပါမည်။ ပုပ္ပါးတာဝါတိုင်မှ အဆက်အသွယ်အားဖြတ်တောက်လိုက်မည် ဆိုပါလျှင်..ပခုက္ကူမြို့နယ်ကျော်၍ ၀ယ်ယူသုံးစွဲသူများမှာ..မြွေပါလည်းဆုံး..သားလည်းဆုံး ဖြစ်ကြရပါတော့မည့် သတင်းကောင်းအား ကြိုတင် တင်ပြလိုက်ရပါသည်။
ရွှေလမ်းငွေလမ်းဝင်းကြည်
၂၀၁၀ ခု၊ ဇွန်လ(၁၂)ရက်၊ ည(၁၀း၃၀)နာရီ တင်၏။
0 comments:
Post a Comment