အောင်ဘာလေ ထီဆိုင်များ၏ အုပ်စုအကြောင်း တစ်စေ့တစ်စောင်း
ရွှေလမ်းငွေလမ်းဝင်းကြည်
အောင်ဘာလေထီဆိုင်များမှာ (၁) မိုးယံရွှေလမင်းနှင့် မြတ်ဆုကုဋေ (၂) အောင်ဆုထူးပိုင် (၃) ရွှေမြန်မာ (၄)မြတံခွန်အောင်သန်းဆု (၅) မြတံခွန်ထီစင်္ကြာဝဠာ (၆)အခြားနာမည် ထီဆိုင်များလည်း ရှိကြောင်း သိရပါသည်။
ရွှေမြန်မာ ထီဆိုင်အမည်မှာ စီးပွားရေးလုပ်ငန်းရှင်တစ်ဦးမှ တာဝန်ခံထားသော ထီဆိုင်(၁၀)ဆိုင်အား စုပေါင်းပေးထား ကြသောအမည်ဖြစ်ကြောင်းသိရ၏။ ရွှေမြန်မာ ထီဆိုင်အုပ်စုတွင်ပါဝင်ကြသော ထီဆိုင် အမည်များမှာ
(၁) မင်္ဂလာရွှေမောင်း ထီဆိုင်(ရန်ကုန်ပင်ရင်း) ။ (၂) မဟာအောင်ကုဋေဟိန်းထီဆိုင် (ရန်ကုန်ပင်ရင်း)။ (၃)ရတနာသိန်းထိုက်အောင် (မန္တလေးပင်ရင်း)။ (၄) ခိုင်ရွှေဝါ (မန္တလေးပင်ရင်း)။ (၅) ကမ္ဘာသစ် (ရန်ကုန်ပင်ရင်း) ။ (၆) ရတနာမိုး (ရန်ကုန်ပင်ရင်း)။ (၇) စိုးမိုးကျော်နှင့် ၀ိုင်းဝိုင်းလည် (ရန်ကုန်ပင်ရင်း)။ (၈) ငြိမ်းချမ်းရေးနှင့် ကမ္ဘာကျော် (ရန်ကုန်ပင်ရင်း)။ (၉) ရတနာပုံ (မန္တလေးပင်ရင်း)။ (၁၀) အမေ့အိမ် ထီဆိုင် (ရန်ကုန်ပင်ရင်း) ဆိုင်များဖြင့် စုစုပေါင်း(၁၀) ဆိုင်အားစုပေါင်းထားကြောင်း http://www.shwemyanmarlottery.com/lottery/ မှ သိရှိရပါသည်။ ယင်းဝပ်ဆိုက်တွင်အနည်းဆုံး အက္ခရာစုံ (၂၃)လုံးပါ အထူး မင်္ဂလာစုံတွဲ( တစ်ကဒ်)ထီထိုးလျှင် ရန်ကုန်မြို့တွင်း မည်သည့် နေရာမဆို အရောက်ပို့ပေးမည်။ ၀န်ဆောင်ခအဖြစ် ထီတစ်စောင်လျှင် ငွေ(၂၀)ကျပ်နှုန်းပေးရမည် ဆိုထား၏။ ထီတစ်စောင်လျှင် အစိုးရထုတ်ဈေး ငွေ(၂၀၀)ကျပ်ဖြင့်သာ ရောင်းမည်ဟု လည်းဆိုပါ၏။ ရွှေမြန်မာထီဆိုင်(၁၀)ဆိုင်အုပ်စုမှ အောင်ဘာလေထီ(၂၄၀)အကြိမ်မှစ၍ ငွေကျပ်(သိန်းတစ်ထောင် ဆုကြီး) ကို (၆)ကြိမ် ပေါက်ကြောင်း ကြော်ငြာထားပါသည်။
အောင်ဆုထူးပိုင် ထီဆိုင်မှ သိန်း(တစ်ထောင်ဆုကြီး) ကိုအောင်ဘာလေ(၂၄၂)။ (၂၄၃)။ (၂၄၈)ကြိမ်များဖြင့် (၃)ကြိမ်ပေါက်ကြောင်းသိရှိရပါသည်။
မိုးယံ ရွှေလမင်းနှင့် မြတ်ဆုကုဋေ ထီဆိုင် မှ အောင်ဘာလေထီလောကတွင် ငွေကျပ်(သိန်တစ်ထောင်)ဆုကြီး ကို(၈)ကြိမ်တိတိ အများဆုံး စံချိန်တင်၍ ထိပ်ဆုံးက ပထမပြေးနေကြောင်း ကြားသိရပါသည်။ မိုးယံထီဆိုင်မှလည်း ဤအွန်လိုင်းဖြင့် http://moeyan.fatbuyon.com ဆက်သွယ်နိုင်ကြောင်းသိရ၏။ မိုးယံ ရွှေလမင်းနှင့် မြတ်ဆုကုဋေ ထီဆိုင်သည် သိန်းတစ်ထောင်ဆု ကြီးများကို(၂၄၆)ကြိမ်မှစ၍၊ (၂၄၇)၊ (၂၄၉)၊ (၂၅၀)၊ (၂၅၃) (၂၅၅)ကြိမ်။ (၂၅၆)ကြိမ်။ (၂၅၇)ကြိမ်၊စုစုပေါင်း(၈)ဆုအား (၂)လ၊ (၃)လဆက်တိုက် ဆွတ်ခူးခဲ့၏။ မုံရွာမြို့ ၊ မန္တလေးမြို့ ၊ ရန်ကုန်မြို့များတွင် သိန်းတစ်ထောင် ကံထူးရှင်များအား အပိုဂုဏ်ပြုဆုသိန်း(၅၀၀)၊ နှင့် အရောင်းကိုယ်စားလှယ် များအားလည်း အပိုဂုဏ်ပြုဆု သိန်း(၁၀၀) ဂုဏ်ြပုပွဲများဖြင့် ခြိမ့်ခြိမ့်သဲ ကျင်းပပေးခဲ့ကြောင်း ဂျာနယ်သတင်းများမှ ကြားသိရပါသည်။
ထီထိုးကံစမ်းသူများ၏ပြောကြားသံများမှာ ဗလာမပါ ကံစမ်းမဲများဖေါက်ပေးတာထက် အပိုဆုများများပေး သောဆိုင်များနှင့် အပိုဆုသိန်း(၆၀၀)နှင့် အတူ ကားပေးသော ဆိုင်ကယ်ပေးနေသော ထီဆိုင်များကိုသာ ပိုမိုစိတ်ဝင်စားကြကြောင်း၊သိန်းတစ်ထောင်ပေါက်ရင် အပိုဆုငွေ သိန်းတစ်ထောင်ပေးမယ်ဆိုရင် ပိုကြိုက်ကြ ကြောင်း၊ သက်ဆိုင်ရာမှ ထီဆိုင်ပိုင်ရှင် သူဌေးများအား ယခင်သိန်း(၅၀၀)ဆုကလို အပိုဆုများအား လွတ်လပ်စွာပေးခွင့်ပြု၍ မြန်မာ့ရုပ်မြင်သံကြား များတွင်လည်း လွတ်လပ်စွာ ကြော်ငြာထည့်ခွင့်ပြုသင့်ကြောင်း ကြားသိခဲ့ရပါသည်။
ယခုတော့ တီဗွီဖန်သားပြင်အား တစ်နေ့လျှင် နှစ်ကြိမ် အချိန်မှန်မှန် ၀ိုင်းအုံးကြည့် နေကြသူ များကိုသာ..မြင်တွေ့နေရတော့ပါသတည်း..ဟုပြောကြားနေကြ၏။
ထီဆိုင်များ၏ ဓာတ်ပုံများ ပူးတွဲလျှက်
ရွှေလမ်းငွေလမ်းဝင်းကြည်
0 comments:
Post a Comment