`ဆိပ်ဖြူမြို့မှာ မကွေးတိုင်းဒေသကြီးလွှတ်တော် ကိုယ်စားလှယ်က တင်ပြနေတဲ့ကြားမှ မီးလောင်ပြန်ပြီ..ဟုဆို´
ဆိပ်ဖြူမြို့သည် မီး(၃)ကြိမ် အကြီးအကျယ်လောင်ကျွမ်းခဲ့၍ ယနေ့အထိနလန်မထူနိုင်ဘဲဖြစ်နေရကြောင်း၊ (၉-၄-၁၉၉၂)တွင် လောင်ကျွမ်းခဲ့သောမီးမှာ လောင်စာဆီကြောင့်ဖြစ်ကြောင်း၊ ထို့မီးဘေးအန္တရာယ်တားဆီးရေးအတွက် တရားဥပဒေနှင့်အညီ ထိထိရောက်ရောက် မြန်မြန်ဆန်ဆန် အရေးယူပေးပါရန် မကွေးတိုင်းဒေသကြီးလွှတ်တော် ဒုတိယပုံမှန်အစည်းအဝေး နှင့် တတိယပုံမှန်အစည်းအဝေး တို့တွင် ထပ်ခါ ထပ်ခါ တင်ပြခဲ့ပါကြောင်း၊ သို့သော် တရားမ၀င်လောင်စာဆီ ရောင်းဝယ်ဖောက်ကားမှု မရှိရေးအတွက် ဆောင်ရွက်ချမှတ်ပေးထားသော အစီအမံများမှာ လက်တွေ့တွင် အသက်ဝင်မှု အလွန်အားနည်းမှုများရှိနေကြောင်း၊ သက်ဆိုင်ရာ ဒေသအုပ်ချုပ်မှု နှင့် တရားဥပဒေစိုးမိုးမှု တို့၏ အားနည်းချက်များကြောင့် ဥပဒေကို လေးစားလိုက်နာခြင်း မရှိကြဘဲ တရားမ၀င်လောင်စာဆီရောင်းဝယ်သူများက မြို့တွင်းမှာ ပန်းပန်လျှက်ရှိနေကြပြီး ပြည်သူများကတော့ နေ့စဉ်နှင့်အမျှ ရင်တမမဖြစ်နေကြရပါသည်၊ ဆိုသောကိစ္စများကို အသေးစိတ် မကွေးတိုင်းဒေသကြီးလွှတ်တော်အစည်းအဝေးများမှာ (၂)ကြိမ်တင်ပြ မေးမြန်းခဲ့ကြောင်း၊(ဟော ပြောနေ တဲ့ကြားက ယခု ဇန်န၀ါရီ ၂၁ ရက်နေ့က စက်သုံးဆီအရောင်းဆိုင်ကဘဲ မီးလောင်ပြန်ပါပြီ..) ဟု မကွေးတိုင်းဒေသကြီး လွှတ်တော် ကိုယ်စားလှယ် ဦးမြင့်စိုးက မြန်မာပို့စ် သို့ပြောသည်။
ဖြစ်စဉ်မှာ ၂၀၁၃ ဇန်န၀ါရီ(၂၁)ရက် နေ့(၁၂း၃၅) အချိန်တွင် ဆိပ်ဖြူမြို့ အနောက်ပိုင်းရပ်ကွက် ပတ္တမြားဈေးအနောက်ဘက် ဆိုင်တန်း ဒေါ်ဦးဦးမာ အသက်(၃၇) နှစ်၏ စက်သုံးဆီနှင့် ဆိုင်ကယ်အပိုပစ္စည်းဆိုင်မှ စတင်လောင်ကျွမ်းသည်ဆိုသည်။ မီးလောင်ရခြင်းမှာ ပလပ်စတစ်ဗူးထဲမှ ရေသန့်ဗူးထဲသို့ ဓာတ်ဆီလှယ်ရာတွင် အပူချိ်န်လွန်ကဲ၍ မီးထတောက် လောင်ကျွမ်းသည်ဆို၏။ ၁၀ပေ ပတ်လည်တိုက် ဆိုင်ခန်း(၃)ခန်း မီးကူးစက်လောင်ကျွမ်း၍ ကာလတန်ဘိုး(၆.၂)သိန်း ဆုံးရှုံးကြောင်း၊ လူအသေအပျောက် နှင့်ထိခိုက်မှုမရှိကြောင်း၊ သက်ဆိုင်ရာမီးသတ်ဌာနမှ ထုတ်ပြန်သည်။ ၎င်း မီးလောင်ရာသို့ ဆိပ်ဖြူမြို့မီးသတ်ကား(၁)စီး၊ မီးသတ်အင်အား(၃၅)ယောက်၊ ချောက်မြို့မှ မီးသတ်ကား(၄)စီး၊ မီးသတ်အင်အား(၃၀) ယောက်တို့နှင့် ရပ်ကွက်သူ ရပ်ကွက်သားများ ၀ိုင်းဝန်၍ မီးငြိမ်းသတ်ခဲ့ကြရာ နေ့လည်(၁း၁၅)အချိန်တွင် မီးလုံးဝငြိမ်းသွားသည်။ ဤ မီးလောင်မှုကို ဆိပ်ဖြူမြို့မရဲစခန်းတွင် (ပ)၁၂/၂၀၁၃ ပုဒ်မ ၂၈၅ ဖြင့် ဆိုင်ခန်းရှင် ဒေါ်ဦးဦးမာ အသက်(၃၇) အဘ(ဦးစိန်အောင်) နိုင်ငံသားအမှတ် ၈/ခမန(နိုင်) ၀၃၈၆၀၉ ကို အရေးယူဆောင်ရွက်လျှက်ရှိကြောင်း မကွေးတိုင်းဒေသကြီး လွှတ်တော် ကိုယ်စားလှယ် ဦးမြင့်စိုးးက မြန်မာပို့စ် သို့ပြောသည်။
Artikel `ဆိပ်ဖြူမြို့မှာ မကွေးတိုင်းဒေသကြီးလွှတ်တော် ကိုယ်စားလှယ်က တင်ပြနေတဲ့ကြားမှ မီးလောင်ပြန်ပြီ..ဟုဆို´ ini dipublish oleh shwelannwelanwinkyi pada hari Tuesday, January 29, 2013. Semoga artikel ini dapat bermanfaat.Terimakasih atas kunjungan Anda silahkan tinggalkan komentar.sudah ada 0 komentar: di postingan `ဆိပ်ဖြူမြို့မှာ မကွေးတိုင်းဒေသကြီးလွှတ်တော် ကိုယ်စားလှယ်က တင်ပြနေတဲ့ကြားမှ မီးလောင်ပြန်ပြီ..ဟုဆို´
Subscribe to:
Post Comments (Atom)
0 comments:
Post a Comment