` (၁၆)ကုတင်ဆန့် တိုက်နယ်ဆေးရုံ ဆောက်လုပ်ရေးအတွက် အလှူရှင်များလိုအပ်နေပါသည်´

` (၁၆)ကုတင်ဆန့် တိုက်နယ်ဆေးရုံ ဆောက်လုပ်ရေးအတွက် အလှူရှင်များလိုအပ်နေပါသည်´

မကွေးတိုင်းဒေသကြီး၊ မကွေးခရိုင်၊ ချောက်မြို့နယ်၊ ဆူးတောကျေးရွာ တွင် (၁၆)ကုတင်ဆန့် တိုက်နယ်ဆေးရုံ ဆောက်လုပ်နေပါသည်။ ယင်း ချောက်မြို့နယ်၊ မြေပဒုံကျေးရွာအုပ်စု၊ ဆူးတောကျေးရွာ သည် ချောက်မြို့မှ (၁၇)မိုင်ခန့် ကွာဝေး၍ အရေးပေါ်ကျန်းမာရေး ကိစ္စဖြစ်ပေါ်လာခဲ့လျှင် ချောက်မြို့နယ် ပြည်သူ့ဆေးရုံ နှင့် စလေမြို့ တိုက်နယ် ဆေးရုံများသို့ သွားရောက် ဆေးကုသမှု ခံယူကြရပါသည်။ မြို့သို့ သွားလာရန် လမ်းပန်းဆက်သွယ်ရေးခက်ခဲသော ကျေးရွာအုပ်စုဖြစ်ပါသည်။ ပိုးထိသော(မြွေကိုက်) အချို့လူနာများမှာ အချိန်မမှီ၍ အသက်ဆုံးရှုံးခဲ့ကြရပါသည်။ ထို့ကြောင့် ယင်းဒေသမှ ကျေးရွာနေလူထု ဦးရေ (၃၀၀၀၀)ခန့်မှာ ကျန်းမာရေးအတွက် တိုက်နယ်ဆေးရုံတစ်ရုံ လိုအပ်နေပါ၏။ ဆူးတောကျေးရွာ နှင့် ရွာနီးချူပ်စပ်(၁၇) ရွာများ စုပေါင်းပြီး ကိုယ်ထူ ကိုယ်ထ တိုက်နယ်ဆေးရုံဆောက်လုပ်လျှက်ရှိပါသည်။ နိုင်ငံတော်မှ သစ် တန်(၃၈) တန်သာ ၀ယ်ယူခွင့်ပြု၍ ပံ့ပိုးကူညီပေးခဲ့ပါ၏။ ဆူးတောကျေးရွာ (၁၆)ကုတင်ဆန့် တိုက်နယ်ဆေးရုံဖွင့်လှစ်ခွင့်ကို နိုင်ငံတော်အစိုးရ၊ ကျန်းမာရေးဝန်ကြီးဌာန မှ (၂၀၁၁ ခုနှစ်)တွင် ခွင့်ပြုမိန့်ချပေးပြီး ဖြစ်ပါသည်။(၁-၅-၂၀၁၁) နေ့မှစ၍ ဆောက်လုပ်ခဲ့ပါသည်။

ဆူးတောကျေးရွာ (၁၆ ကုတင်)ဆန့် တိုက်နယ်ဆေးရုံ စီမံကိန်းမှာ ပင်မဆေးရုံအဆောက်အဦး အတွက် ကုန်ကျငွေမှာ သိန်းပေါင်း(၇၃၉)သိန်းကုန်ကျပါမည်။ ပြင်ပ အဆောက်အဦးများ၊ ၀န်ထမ်းအိမ်ယာများ၊ မီးစက်၊ ရေစက်၊ ရေလှောင်ကန် တို့ဆောက်လုပ်ရန်အတွက် အပါအ၀င် စုစုပေါင်းငွေကျပ် သိန်းပေါင်း(၁၅၀၀)ကျော်ခန့် ကုန်ကျပါမည်။ ယခု ပင်မဆေးရုံအဆောက်အဦးကြီးမှာ (၇၀%) ခန့် ပြီးစီးနေပြီဖြစ် ပါသည်။ ကိုယ်ထူ ကိုယ်ထစုပေါင်း လှူဒါန်းငွေများ နှင့် မလောက်မငဖြစ်ပြီး ဆောက်လုပ်ရေးလုပ်ငန်းအား ခေတ္တရပ်ဆိုင်းနေရပါသည်။ သို့ပါ၍ ယင်း တိုက်နယ်ဆေးရုံကြီး ပင်မဆောင်အား ဆက်လက်၍ ဆောက်လုပ်ရန်အတွက် ကုန်ကျငွေ သိန်း(၃၀၀) ခန့်ကို အရေးတစ်ကြီး လိုအပ်လျှက် ရှိနေပါသည်။ သို့ပါ၍ ပြည်တွင်း၊ ပြည်ပ အနယ်နယ်အရပ်ရပ်မှ NGO အဖွဲ့အစည်းများ၊ ပုဂ္ဂလိက ဖောင်ဒရေးရှင်းများ၊ နာရေးကူညီမှု ပရဟိတအသင်းများ၊ လူငယ်ပရဟိတ အဖွဲ့များ နှင့် တစ်ဦးချင်းအလှူရှင်များ အား ဖိတ်ခေါ်အပ်ပါသည်။ အောက်ပါ စာရင်းအတိုင်း ကုန်ကျမည့်ငွေများကို ဖော်ပြပေးထားပါသည်။ လှူဒါန်းလိုသူများ အနေနှင့် တစ်ဆောင်ခြင်း၊ တစ်ခန်းခြင်း ကုန်ကျငွေများအား လှူဒါန်နိုင်ကြပါသည်။ အလှူရှင်များကို မိမိတို့ လှူဒါန်းထားသော အဆောင်၊ အခန်းများတွင် မှတ်တမ်းတင်၍ နာမည် ကဗျည်းများထိုးပေးထားမည် ဖြစ်ပါသည်။

(၁) တိုက်နယ်ဆေးရုံ ပင်မဆောင်ကြီးအတွက် ကုန်ကျမည့်ငွေပမာဏ = ငွေကျပ်သိန်း (၇၃၉) သိန်း။ ( ၇၀% ပြီး)။
(၂) ခွဲစိပ်ခန်း = ငွေကျပ်သိန်း (၈၅) သိန်း။
(၃) သားဖွားခန်း = (၂၀) သိန်း။
(၄) သားဖွာဆောင်လူနာခန်း= (၂၀)သိန်း။
(၅) သူနာပြုခန်း(၂)ခန်း = (၂၀)သိန်း။
(၆) စတိုခန်း(၃)ခန်း = (၃၀) သိန်း။
(၇) အမျိုးသမီးလူနာ(၈)ခန်းတွဲ = (၈၅) သိန်း။
(၈) ရုံးခန်း = (၁၅၀) သိန်း။
(၉) ဆေးသိုလှောင်စတို(ပ) = (၁၀) သိန်း။
(၁၀) ဆေးစတိုခန်း(ဒု) = (၂၀) သိန်း။
(၁၁) စတိုခန်း (တ) =(၁၀) သိန်း။
(၁၂) ဓာတ်မှန်ခန်း = (၂၀) သိန်း။
(၁၃) ဆင်ဝင်ဆောင် = (၅၀) သိန်း။
(၁၄) အမျိုးသားဆောင်(၈)ခန်းတွဲ = (၈၅) သိန်း။
(၁၅) ရင်ခွဲရုံ = (၂၄) သိန်း။
(၁၆) ဆရာဝန်နေအိမ် = (၅၅ သိန်း ၅ သောင်း)။
(၁၇) (၇)ခန်းတွဲ ၀န်ထမ်းအိမ်ယာ = (၁၆၆ သိန်း ၅ သောင်း)။
(၁၈) (၈)ခန်းတွဲ ၀န်ထမ်းအိမ်ယာ = (၂၀၄ သိန်း ၃ သောင်း)။
(၁၉) မီးစက်(၁)လုံး = (၃၀) သိန်း။
(၂၀) ရေစင် ရေစက် = (၅၀) သိန်း။
(၂၁) ကျမ်းမာရေး ဌာန အဆောင် = (၅၉) သိန်း။
(၂၂) မိုးရေလှောင်ကန် = (၃၀) သိန်း။
အထက်ပါ ကုန်ကျမည့်ငွေစာရင်းများအား (၁၆)ကုတင်ဆန့်် တိုက်နယ်ဆေးရုံ ဆောက်လုပ်ရေးကော်မတီ၊ ဆူးတောကျေးရွာ အုပ်ချုပ်ရေးမှူးထံမှ သတင်းရယူခဲ့ပါသည်။ အထက်ပါစာရင်းအတိုင်း လိုအပ်ချက်များကို လှူဒါန်းလိုသူ အလှူရှင်များသည် မကွေးခရိုင်၊ ချောက်မြို့နယ် ဆူးတောကျေးရွာ (၁၆)ကုတင်ဆန့် တိုက်နယ်ဆေးရုံကော်မတီ နှင့် စာရေးသူမှ တဆင့် တိုက်ရိုက် ဆက်သွယ်ပေးပါမည်။

ရွှေလမ်းငွေလမ်းဝင်းကြည်
မကွေးမြို့။ ဖုန်း ၀၆၃-၂၅၁၉၇
uwinkyi123@gmail.com

Penulis : shwelannwelanwinkyi ~ Sebuah blog yang menyediakan berbagai macam informasi

Artikel ` (၁၆)ကုတင်ဆန့် တိုက်နယ်ဆေးရုံ ဆောက်လုပ်ရေးအတွက် အလှူရှင်များလိုအပ်နေပါသည်´ ini dipublish oleh shwelannwelanwinkyi pada hari Friday, December 23, 2011. Semoga artikel ini dapat bermanfaat.Terimakasih atas kunjungan Anda silahkan tinggalkan komentar.sudah ada 0 komentar: di postingan ` (၁၆)ကုတင်ဆန့် တိုက်နယ်ဆေးရုံ ဆောက်လုပ်ရေးအတွက် အလှူရှင်များလိုအပ်နေပါသည်´