`မကွေးမြို့ မြစ်ကွေ့ဧရာလူမှုကွန်ယက်နှင့် Ecodev တို့၏ ပတ်ဝန်ကျင်ရေးရာ ပြည်သူ့စစ်တမ်း ကောက်ယူနိုင်ကြရန် ဆွေးနွေးဟု သိရ ´
နိုဝင်ဘာ(၁၆)ရက်နေ့ နေ့လယ်ပိုင်းတွင် မကွေးမြို့ မဟာဝိသုတာရာမကျောင်းတိုက်(မြောက်စာသင်တိုက်) မှာ မြစ်ကွေ့ဧရာလူမှုကွန်ယက်နှင့် Ecodev တို့၏ ပတ်ဝန်းကျင်ရေးရာ ပြည်သူ့စစ်တမ်း ဆွေးနွေးပွဲပြုလုပ်ကြောင်း မြန်မာပို့စ် က သတင်းရရှိပါသည်။ ၎င်း အခမ်းအနားအား မြစ်ကွေ့ဧရာလူမှုကွန်ယက်အဖွဲ့ ဥက္ကဋ္ဌ ဦးတင်အောင်ထွန်း၊ ဒု ဥက္ကဋ္ဌ ဦးခင်မောင်ကြည်၊ အတွင်းရေးမှူး ဦးအောင်ကျော်ကျော်၊ တွဲဘက်အတွင်းရေးမှူး ဦးအောင်နိုင်ဦး နှင့် ဖိတ်ကြားထားသော အဖွဲ့ဝင်များ၊ ဧည်သည်များ (၃၀)ခန့်တက်ရောက်ကြသည်။ ၎င်းဟောပြော ဆွေးနွေးပွဲတွင် ဦးအောင်နိုင်ဦးမှ အဖွင့်မိတ်ဆက် နှင့် နိဂုံးချုပ်ကျေးဇူးတင်စကားဆို၏။ ဦးခင်မောင်ဇော် မှ (ဂေဟာစနစ်အခြေခံ နှင့် ရာသီဥတုပြောင်းလှဲခြင်း) အားပြောသည်။ ဦးအောင်ကျော်ကျော်မှ (ရေ မြေ လေ ဆက်စပ်မှု နှင့် ပတ်ဝန်းကျင်အပေါ်ထိခိုက်မှုများကို ဆန်းစစ်ခြင်း) အားပြောသည်။ ဦးတင်အောင်ထွန်း မှ( ERC နှင့် ERC ပြုလုပ်ရခြင်း) တို့အား အသီးသီးပြောကြားသည်။ ဦးတင်အောင်ထွန်း ပြောဆိုရာတွင် (Environmental Impact Assessment) သဘာဝပတ်ဝန်းကျင်ပေါ် သက်ရောက်မှုများအား အသေးစိတ်ရှင်းလင်းပြောဆို၍ EIA ကို အမေရိကန်နိုင်ငံတွင်(၁၉၆၀)နှောင်းပိုင်းများ၌ စတင်ကျင့်သုံးကာ နောက်ပိုင်းနှစ်များတွင် ကမ္ဘာ့အခြားနိုင်ငံများတွင် ကျယ်ကျယ်ပြန့်ပြန့် လက်ခံကျင့်သုံးခဲ့သည် ဆို၏။ (Environmental Report Card) ပတ်ဝန်းကျင်ရေးရာပြည်သူ့စစ်တမ်း ကောက်ယူနိုင်ရန် မကွေးခရိုင်အတွင်းမှ မြို့နယ်(၈)မြို့နယ်မှာ သင်တန်းများပို့ချပေးမည်ဆို၏။ သဘာဝပတ်ဝန်းကျင် ထိန်းသိမ်းရေး လုပ်ငန်းဆောင်တာကိစ္စများမှ ပတ်ဝန်းကျင်ရေးရာပြည်သူ့စစ်တမ်းကောက်ယူခြင်းသည် သဘာဝ ပတ်ဝန်းကျင်ပျက်စီးနေခြင်းမှ ထိမ်းသိမ်းကာကွယ်ရန် လူသားထုတစ်ရပ်လုံး၌ တာဝန်ရှိပါသဖြင့် အားလုံးပူးပေါင်းပါဝင် ဆောင်ရွက်ပေးကြပါဆို၏။ မိမိတို့၏ နယ်မြေများတွင် စက်ရုံ အလုပ်ရုံများ စီမံကိန်းကြီးများ မဆောက်လုပ် မစတင်မှီမှာ ပတ်ဝန်းကျင်၏ ဆိုးကြိုး ကောင်းကြိုးများကို ကြိုတင်စစ်တမ်းထုတ်ယူခြင်း ဖြစ်သည်ဟုဆိုသည်။ အစိုးရပိုင်နှင့် ကုမ္ပဏီများ၏ စက်ရုံများနှင့် စီမံကိန်းများအားလုံးကို ကန့်ကွက်တားဆီးကြရန်အတွက် မဟုတ်ပါကြောင်းသိရသည်။ ဤစက်ရုံ စီမံကိန်းများသည် သဘာဝပတ်ဝန်းကျင်အား အမှန်တစ်ကယ်ထိခိုက်ပျက်စီး ဆုံးရှုံးမည်ဆိုပါလျှင် စက်ရုံ စီမံကိန်းများ မစတင်မီအချိန်မှာ ဤ ပြည်သူ့စစ်တမ်းအမှန်များကို သက်ဆိုင်ရာနယ်မြေဒေသအလိုက် ပြည်သူ့လွှတ်တော် ကိုယ်စားလှယ် များမှ တဆင့် လွှတ်တော်အဆင့်ဆင့်ထံသို့ တင်ပြပေးသွားမှာ ဖြစ်ပါကြောင်း ဦးတင်အောင်ထွန်း ၏ ပြောကြားချက်များအား မြန်မာပို့စ် က သတင်းရယူခဲ့သည်။
ဝိုင်းကြည်အောင်
Artikel `မကွေးမြို့ မြစ်ကွေ့ဧရာလူမှုကွန်ယက်နှင့် Ecodev တို့၏ ပတ်ဝန်ကျင်ရေးရာ ပြည်သူ့စစ်တမ်း ကောက်ယူနိုင်ကြရန် ဆွေးနွေးဟု သိရ ´ ini dipublish oleh shwelannwelanwinkyi pada hari Tuesday, November 27, 2012. Semoga artikel ini dapat bermanfaat.Terimakasih atas kunjungan Anda silahkan tinggalkan komentar.sudah ada 0 komentar: di postingan `မကွေးမြို့ မြစ်ကွေ့ဧရာလူမှုကွန်ယက်နှင့် Ecodev တို့၏ ပတ်ဝန်ကျင်ရေးရာ ပြည်သူ့စစ်တမ်း ကောက်ယူနိုင်ကြရန် ဆွေးနွေးဟု သိရ ´
Subscribe to:
Post Comments (Atom)
0 comments:
Post a Comment