ရွှေလမ်းငွေလမ်းဝင်းကြည်
မသိကားအစ သိလျှင်အဆုံး ကိစ္စတုံး၏။
မသိလျှင်တစ်ပါတ်ပတ် သိလျှင်ပြတ်၏။
မသိလျှင်တွယ် သိလျှင်ပယ်၏။
တွယ်လျှင်ဘေး ပယ်မှအေးမည်….။
မှားမှန်းသိလျှင်ပြင်ပါဟူသောဆောင်းပါးအမည်နှင့် ဦးမြဒင်(ဇင်) အငြိမ်းစားတစ်ဦးရေးသားသည်ကို ဖတ်ခဲ့ရဘူး၏။၆/၉၆ အမှတ်(၃၅) အာရောဂျံမဂ္ဂဇင်းမှာဖတ်ရခြင်းဖြစ်မည်။ ယင်းဆောင်းပါးကြောင့် ပြေးလွှားရုန်းကန်နေရသော စာရေးသူ၏ဘ၀ကို ခေတ္တရပ်ကြည့်လိုက်မိပါသည်။ ဤသို့သော အကြောင်းတရားကြောင့် ယခုရေးသားသော ဆောင်းပါးကောင်းမှ အကျိုးတရားများကိုမြင်လာခဲ့ရပါသည်။
ကျွန်တော်တို့ဘ၀များစွာကိုဆင်ချင်ကြည့်လိုက်မိရင် သူသူငါငါ လူတကါတို့ဟာ ဘ၀ကိုမေ့တတ်ကြတာ အမှန်ပါ။ရာထူး၊ဥစ္စာ၊ဂုဏ်ပါဝါ၊အာဏာတွေမှာယစ်မူးပြီး ဘ၀ကိုမေ့လျော့တတ်ကြပါတယ်။ တချို့ကြတော့လည်း မနက်စာ၊ ညစာ ငွေ အသပြာ မပြည့်စုံလို့ ဘ၀ကို ကြုံသလို ရေစုန်လိုက်ပြီး မတရားမှုများကို မထူး ဇာတ်ခင်းပြီး ဘ၀တွေကို ရေစုန်မျောတတ်ကြပါတယ်။ တချို့ လူလတ်တန်းစားတွေကလည်း လက်ရှိဘ၀ကို တကယ် မအေးကြသေးဘူးဆိုပြီး ဘယ်ဘေးဘယ်ဒုက္ခကိုမှ မကြောက်ကြ ၊ မရှောင်ကြပဲ အမှောင် တောင်မှန်း၊ မြောက်မှန်း မသိကြတော့ပဲ ဘ၀ကို မေ့လျော့ နေတတ်ကြတယ်။
ဘ၀ကို မေ့လျော့နေတယ်ဆိုတာ မိမိရဲ့ ဘ၀တိုးတက်မှု သံသရာ ခရီး ငြိမ်းအေးမှုဆီသို့ မျက်ကွယ် ပြုနေကြပါတယ်။ သံသရာမှ ဘ၀ လွတ်ကြောင်း တရားများ ဖြစ်တဲ့ သစ္စာလေးပါး မြတ်တရားများကိုလည်း မရှာဖွေကြ မသိကြ၊ လက်ရှိ ဘ၀နဲ့ ပျော်မြဲ ပျော်၊ မော်မြဲမော် နေတာကို ဆိုလိုပါတယ်။ အထက်ပါ လူတန်းစား(၃)မျိုး(၃)စားနဲ့ လက်ရှိ ဘ၀တွေကို မေ့လျော့ နေကြပါတယ်။ လက်ရှိဘ၀မှာ အောက်မှာ ဖော်ပြထားတဲ့ (၃)မျိုးနဲ့ ပျော်ပိုက် လုပ်ကိုင် စားသောက်နေထိုင်ကြပါတယ်-
(၁) ဘ၀တဏှာ။ ။ =မိမိလက်ရှိရောက်နေသောဘုံဘ၀ကိုတွယ်တာမက်မောနေပါတယ်။
(၂) ကာမတဏှာ= င့ါပစ္စည်း၊ ငါ့ဥစ္စာ၊ င့ါရဲ့ ဂုဏ်ပါဝါတွေနဲ့ ကာမဂုဏ်၊ အာရုံတွေကို ခံစား၊ စံစားနေကြပါ တယ်။
(၃) ၀ိဘာဂတဏှာ= မိမိရထားတဲ့ လက်ရှိခန္မာဝန်ဒုက္ခကြီးကို မမြင်နိုင်ဘဲ ရောက်နေတဲ့ ဘ၀အမျိုးမျိုးမှာ သာယာပြီး မေ့လျော့နေကြပါတယ်။
အဲဒီ (၃)မျိုးထဲက အရာရာမှာ လိုချင် ရချင်တာက တဏှာဆိုတာ အများသိပြီးသားပါ။ ဘာကြောင့် လိုချင် ၊ ရချင်နေကြတာလဲ။ ရာထူး အာဏာ၊ ဂုဏ်ပါဝါ ငွေအသပြာ၊ ဒေါ်လာတွေ ပြည့်စုံပေါများရရှိနေကြရင် ဘ၀ကို တကယ်ငြိမ်းအေးမှုတွေနဲ့ ပြည့်စုံနေကြပြီလား။ ဒီဘ၀ ဒီအခြေအနေရောက်ရင် တော်ပါပြီ တန်ပါပြီလို့ လိုချင် ရချင်နေတဲ့ တဏှာကို ဖြတ်ပြီး ရပ်တန်းက ရပ်နိုင်ကြပါပြီလား။ မတောင့်မတ မကြောင့်မကြဘဲနှင့် သေသွားတဲ့ သူတွေ ဘယ်နှစ်ယောက် တွေ့ဖူးကြပါသလဲ။ အလိုမပြည့်ကြသေးပဲ အရာရာကို အာသာငမ်းငမ်းနဲ့ တဏှာက ထမ်းခေါ်ပြီး လာရာလမ်းကို မသာမယာ၊ မသက်သာစွာနဲ့ သေရွာသို့ ပြန်ခဲ့ကြတဲ့ သူတွေပဲ များကြမှာပါ။ ဒါ့ကြောင့်လည်း ဘုရားရှင် ဆုံးမတဲ့ တရားမှာ သတ္တ၀ါတို့ရဲ့ အမြဲနေအိမ်ဟာ အပါယ်လေးပါးလို့ ဟောကြားထားခဲ့ပါတယ်။ ဒါကြောင့် လူတစ်သိန်းသေလို့ သုဂတိဘုံသို့ တစ်ယောက် ရောက်နိုင်ဖို့ ခဲယဉ်းတယ်လို့ ဟောကြားထားခဲ့ပါတယ်။
ဒီအရေး၊ ဒီဘေးတွေကို မမြင်ကြရအောင် တားဆီးပိတ်ပင်ထားတဲ့ လက်သည် ဆရာကြီး ဟာ မသိမှုဆိုတဲ့ (အ၀ိဇ္စာ တရားပါ) အမှားကို အမှန်ထင်အောင် အမှန်တရားသစ္စာလေးပါး မြတ်တရားကိုလည်း လားလားမှ မသိ၊ မကြားနိုင်အောင် ဘ၀အမျိုးမျိုးထဲမှာ လိုချင်ရချင် တပ်မက် ချင်စရာတွေ တပ်မက်ချင်စရာ တဏှာ လောဘ အမျိုးမျိုးနှင့် ပူးတွဲပြီး ကျွန်တော်တို့ တတွေကို အချော့ခံထားကြရပါတယ်။
ဒါကြောင့် မသိလို့ လိုချင် ၊ လိုချင်တော့ စွဲလမ်း၊ စွဲလမ်းတော့ အားထုတ်ကြိုးပမ်းကြ၊ တရားမှု၊ မတရားမှုတွေနဲ့ အားထုတ် ကြိုးပမ်းကြပြီး ရာထူး၊ အာဏာ ငွေအသပြာ၊ ဂုဏ်ပါဝါတွေဆိုတာကို ရလာကြပါတယ်။ ရရှိလာတဲ့ ဂုဏ်ပါဝါတွေနဲ့ ငါ့ဥစ္စာ၊ ငါနဲ့ ငါသာ နှိုင်းယှဉ်စရာ မရှိဟု ဆိုပြီး မာနတွေ ထောင်လွှားလာတတ်ကြပါတယ်။ ဒီဇဗ္မူမှာ ငါလိုလူရှိသေးလား၊ တစ်သက်မကဘူး၊ ဆယ်သက် ဆယ်ကမ္ဘာ စားလို့ မကုန်နိုင်တော့ဘူး။ မအို၊ မနာ၊ မသေ ရာ အတွက် နောက်ဆုံးပေါ် ခေတ်မီ ဆေးဝါးတွေနဲ့ ကုမယ်။ င့ါအယူအဆတွေ သိပ့်ကောင်းနေတယ်ဆိုတဲ့ အယူမှာ ဒိဌိတွေနဲ့ ထပ်ထိုးပြီး ဒီဘ၀တွင် မကဘဲ သံသရာမှာ အပြန်တစ်ရာမက လှည့်ပတ်စေခဲ့ပါတယ်။ ဒုက္ခသစ္စာ၊ သမုဒယသစ္စာ၊ ထိုနှစ်ပါးနဲ့သာ ဘ၀ အမျိုးမျိုး၊ ခေါင်းအမျိုးမျိုးတပ်ပြီး သံသရာမှာ ဘ၀ပြောင်းပေးခြင်းခံခဲ့ရပါတယ်။
တစ်နေ့ တစ်နေ့ နေ၀င်၊ နေထွက် အိပ်စက် နားနေတဲ့ အချိန်အထိ ကျွန်တော်တို့ တတွေ အမြဲတမ်း အားကိုးအားထား ပြုနေကြတာက တဏှာ၊ မာန၊ ဒိဋ္ဌိ ဒီ(၃)ဦးပါ။ကျွန်တော်တို့ရဲ့ အားပြုထားသူ (၃)ဦးမှာ အရည်အချင်းတွေကို ပညာရှိတွေက ဒီလို တင်စားပုံဆောင် ပြောပြတာ ကြားဖူးပါတယ်။ ကျွန်တော်တို့ တတွေရဲ့ လက်ရှိဘ၀ တစ်ခန်းရပ် ပြဇာတ်တိုကလေး တစ်ခုပါ။ ကျွန်တော်တို့ဆရာ ဇာတ်လိုက်ကြီးတွေ(၃)ဦးရှိကြပါတယ်။
(၁) ကိုတဏှာ(မျက်စိ မမြင်သူ) (၂) ကိုမာန( ခြေကျိုးသူ)၊ (၃) ကိုဒိဋ္ဌိ ( လူမွဲ ဆင်းရဲသား)လို့ ဇာတ်ဆောင်(၃)ဦး သရုပ်ဆောင်ကြမှာပါ။ သူတို့(၃)ဦးရဲ့ စကားဝိုင်း တစ်ခုကို နားထောင်ကြည့်ကြပါစို့
(၁) ကိုတဏှာ (မျက်ကန်း)။ ။ ဟေ့ကိုမာန တို့စကားဝိုင်းထဲက ရေနွေးကြမ်းက တယ်ကောင်းပါ့လား။ လဘက်ခြောက်အရောင်ကလေးကို စိမ်းလဲ့နေတာပဲ ငါ့မျက်စိထဲကကို မထွက်ဘူးကွာ….။
(၂) ကိုမာန(ခြေကျိုး)။ ။ ဟ တဏှာကောင် အကောင်းကြိုက် အကန်းကောင် ရဲ့ မျက်စိမမြင်ရသူက ဒီလိုစကားပြောနေတာ မင်းပြင်ပြောစမ်းပါ၊ဆက်ပြောရင်တော့ ငါ ခြေထောက်နဲ့ထကန်လိုက်ရလို့။ လွှင့်သွားတော့မှာပဲ။
(၃) ကိုဒိဌိ (ငမွဲ၊ လူဆင်းရဲ)။ ။ ကဲကဲ မင်းတို့နှစ်ယောက် ဒီလောက်တောင်ဖြစ် နေကြရင် ခြေကျိူးကလဲကန်ချင်သလိုကန်ကွာ။ အကန်းကလဲရှောင်ချင်ရာ ရှောင်ကြ၊သတ်ကြပေတော့။ မင်းတို့နှစ်ဦး တရားရုံးရောက်ကြပြီး အမှုဖြစ်မှ ကုန်ကျမဲ့စားရိတ်၊ စားခငွေတွေကို ငါက အားလုံးအကုန်ခံပြီး ဖြေရှင်းပေးတော့မယ်။ချသာ ချကြပေတော့ကွာ..။
ကျွန်တော်တို့အားကိုးကြတဲ့ ဇာတ်လိုက်ကြီး(၃)ဦးရဲ့ ပြောကြဆိုနေကြသံများ ဖြစ်ပါသည်။ ဘ၀ဇာတ်ခုံပေါ်မှာ စာဖတ်သူ မိတ်ဆွေများစဉ်းစားကြည့်စမ်းပါ။ ကျွန်တော်တို့ကို နေ့စဉ် အခိုင်းခံနေရတဲ့ ဒီဒါရိုက်တာ (၃)ဦးရဲ့စကားကို နားထောင်ပြီး လုပ်ကိုင်နေကြရတယ်။ ကျွန်တော်တို့အားကိုး အားထား ပြုနေရတဲ့ ဒီဆရာကြီး(၃)ဦးမှာ ဘာအရည်အချင်းစွမ်းပကားများ ရှိကြပါသလဲ။ သူတို့ကိုယ်တိုင်က အရည်အချင်းစွမ်းပကားတွေ မရှိကြပဲနဲ့ သတ္တ၀ါတွေကိုတော့ သံသရာမှာစုန်ချည်တစ်ခါ၊ ဆန်ချည်တစ်လှည့် ဘ၀သံသရာ ရေယာဉ်ကြောမှာ မျှောပေးနေကြပါတယ်။ ပွင့်တော်မူပြီးခဲ့တဲ့ ဘုရားအဆူဆူနဲ့လည်း လွဲအောင် ခွဲထားကြပါတယ်။ သတ္တ၀ါတွေရဲ့ ငြိမ်းအေးမှု လမ်းကို လုံးဝမမြင်ရအောင် မသိရအောင်(အ၀ိဇ္ဖာ ဦးဆောင်ပြီး ကိုတဏှာက သူလိုရာလမ်းကို ဆွဲခေါ်နေကြပါပြီ။ ဒီနေရာမှ တဏှာနဲ့ ပတ်သက်ပြီး စာရေးသူမှတ်သားသိရှိတာလေးအား ဖြည့်စွက်တင်ပြပါ့မယ်။ ဆရာကြီး ဦးရွှေအောင် ရေးသားထားတဲ့ (ဗုဒ္မလောကသားတို့၏ အနှိုင်းမဲ့ ကျေးဇူးရှင် ကိုယ်ကျင့် ဗုဒ္မ၀င် ) နိဒါန်းမှာ
အမှန်အားဖြင့် တဏှာကို တဏှာမှန်း မသိရလေအောင်( အ၀ိဇ္စာက ဖုံး၏) တဏှာကိုပင် မိသားစု ၀ါဒနှင့် အမျိုးသားရေး ၀ါဒအဖြစ် မြင်ရလေအောင် (အ၀ိဇ္စာ)က ဖေါ်၏။ တဏှာနှင့် ပတ်သက်လာလျှင် အ၀ိဇ္စာက ဖုံးလည်းဖုံး၏။ ဖော်လည်း ဖော်၏။ ဖုံးခြင်း ဟူသည်မှာ တဏှာကို မကောင်းသော အဓမ္မအဖြစ် မမြင်ရလေအောင် ဖုံးခြင်း ဖြစ်၏။ ဖော်ခြင်း ဟူသည်မှာ တဏှာကို ကောင်းသော ဓမ္မအဖြစ် မြင်ရအောင် ဖော်ခြင်း ဖြစ်၏။ ဤသည်ကိုပင် အမှန်တရားသစ္စာကို ဖုံးခြင်းဟူ၍ ဆို၏။ (ဦးရွှေအောင်)
စာရေးသူ ကျွန်တော်တို့ ဘ၀များစွာကို ခြယ်လှယ်ထားခဲ့ကြတာ။အ၀ိဇ္စာ မသိမှု အရင်းခံလို့ တဏှာက ဦးဆောင်ပြီး ဘ၀ပေါင်းများစွာနဲ့ သံသရာမှာ အနေတွေလည်း ထပ်ခဲ့ပြီ။ အသေတွေလည်း ထပ်ခဲ့ကြပြီ။ ဘ၀သံသရာ ငြိမ်းအေးမှုဆိုတာ ဒီဆောင်းပါးအစ ဖော်ပြခဲ့တဲ့ မသိကားအစ သိလျှင်အဆုံး၊ ကိစ္စတုံးအောင် ငြိမ်အေးမှု သစ္စာ တရား အလင်းရောင် ကိုရှာဖွေလေ့လာပြီး အားထုတ်ကြိုးပမ်းကြပါစို့။ သတ္တ၀ါတွေရဲ့ ဘ၀ငြိမ်းအေးမှုဆီသို့ သွားရန်လမ်းညွှန်ပါ။ အမှန်တရားဆိုတဲ့ သစ္စာကိုသိဖို့က အဓိက အရေးကြီးနေကြပါပြီ။ အမှန်တရား သစ္စာသိစေရန် သိကြစေရန် ။
• သူတော်ဆည်းကပ်၊ မြတ်တရားနာ၊ လျော်စွာ အားထုတ် ၊ နာမ်နှင့်ရုပ်ကို ဖြစ်ချုပ်ဥာဏ်မြင် ဤငါးအင် မှန်ပင် မဂ်ရကြောင်း…………..။
(မိုးကုတ်ဆရာတော် ဘုရားကြီးနှင့် ဆရာ ဦးရွှေအောင် ၏ အနှိုင်းမဲ့ စာအုပ်တို့ကို ကိုးကားဖော်ပြအပ်ပါသည်။)
ရွှေလမ်းငွေလမ်း ၀င်းကြည်
၁၉၉၆ခုနှစ်၊ ရွှေပေါ်ကျွန်း ဓမ္မသာလ မဂ္ဂဇင်းတွင် ဖော်ပြပြီး
1 comments:
အခုလို ဖော်ပြပေးတဲ့ အတွက်ကျေးဇူးပါ ဦးရွှေအောင်စာအုပ်တွေ ဖတ်ဖြစ်ပါတယ်
Post a Comment