ဝထ္ထုတို
ရွှေလမ်းငွေလမ်း ၀င်းကြည်
(၁)
(အချစ်ဆိုသည်မှာ မဖြစ်နိုင်မှန်း သိပေမယ့်…မချစ်နိုင်ဘဲ နေလို့ မရပါ…)“ ကိုကို့”ကို ခင်ဖုန်းချစ်ပါတယ်…ဒါပေမယ့်…ဒါပေမယ့်…ဟိုးအဝေးဆီက ရခိုင်ရိုးမ တောင်ပြာကြီးလို လေဒဏ် မိုးဒဏ် ကြံ့ကြံ့မခံနိုင်ဘူးသိလား..ပတ်ဝန်းကျင်ရဲ့ ပြစ်တင်ကဲ့ရဲ့သံတွေကို ခင်ဖုန်း မခံနိုင်ပါဘူး ကိုကိုရယ်…။
မခင်ဖုန်းတစ်ယောက် အနောက်ဖက် ရခိုင်ရိုးမ တောင်ပြာကြီးကို ငေးမော ကြည့်နေသည်။ အချစ်အကြောင်းတွေ တွေးတော နေမိသည်။ နေရာအတိကျမှာ စေတုတ္ထရာမြို့နယ် မုန်းချောင်း၏ အရှေ့ဖက်ကမ်း သရန်ကိုင်းရွာခေါ် ချင်းလူမျိုးတို့ နေထိုင်သော ရွာကလေး ဖြစ်ပါသည်။ မခင်ဖုန်း တစ်ယောက် ချောင်းထဲမှ မုန်းရေတွေကို ကြည့်ပြီး အမုန်းကတိတွေနဲ့ ချီတုံ ချတုံ ဖြစ်နေရှာသည်။ ရင်ထဲမှ ပင့်သက်ရှိုက်ပြီး သက်ပြင်းကလေးတွေဖြင့် ရယ်မောဖွယ် ဖြစ်နေပါတော့သည်။ တောရွာ ဓလေ့ ဆည်းဆာညနေခင်းကာလအချိန် ရေအိုးကလေးအား မုန်းချောင်းထဲသို့ မနှစ်ချင် နှစ်ချင် ဖြစ်နေရှာသည်။ မခင်ဖုန်း၏ ရင်ထဲမှာလည်း အချစ်ဆိုတာ ပြန်ပေးလို့ရတာ မဟုတ်ပါလား..။ အချစ်တွေ တနုံ့နုံ့ ခံစားတွေးတော နေမိပြန်ပါသည်။
ကိုကိုနဲ့စတွေ့တာ မနှစ်က နွေဦးကာလ ဒီမုန်းချောင်း ကမ်းစပ်မှာပေါ့။ ခင်ဖုန်းက ရေခပ်အလာ ကိုကိုက(ဆ-မ)ဆိုတဲ့ ဆည်မြောင်း မြေထိုးစက်ကြီး မောင်းလာတာလေ..။ အဲဒီနေ့က တွေ့တွေ့ချင်း ကြည့်တဲ့ ကိုကိုရဲ့ မျက်လုံးတွေဟာ သိပ်ကို စူးရှနေတာပဲ..။ ခင်ဖုန်းက ဒီစက်ကြီးတွေ ဘာလုပ်ဖို့ လာတဲလဲမေးတော့ ကိုကိုပြောတာ ဒီနေ့ထိ မမေ့ဘူး မှတ်မိနေတယ်..။
ကိုကိုစကားက တုံးတိတိ ခပ်ပြတ်ပြတ်နဲ့ ပြောခဲ့တာလေ။ “ မုန်းချောင်းလေး တားနေပြီတဲ့” ခင်ဖုန်းတို့ရွာမှ ဖွင့်တဲ့ ဓါတ်စက်ပြဇာတ်ထဲက (မုန်းချောင်းလေးခြားနေပြီ)ပဲ ကြားဖူးခဲ့တာ ယခုတော့ ကိုကိုလူချောက (မုန်းချောင်းလေးတားနေပြီ)လို့ပြောလိုက်တော့ ခင်ဖုန်းကိုများ တွေ့တွေ့ချင်း ရည်းစားစကား လာပြောနေတာလား ကိုကိုရယ်..လို့ပေါ့။
ပြီးမှ ကိုကိုက တိတိကျကျ ရှင်းပြသွားပါတယ်။ ဒီမုန်းချောင်းကလေးကို တားပြီး ဆည်မြောင်း တမံပိတ်မယ်။ ခင်ဖုန်းတို့နယ်မှာ ရေအားလျှပ်စစ်ဓါတ်အားထုတ်မယ်။ လယ်ရေသောက် ရေမြောင်းတွေ ဖောက်ပြီး စိုက်ပျိုးကြမယ်။ ခင်ဖုန်းတို့ နယ်တစ်နယ်လုံး တိုးတက်စည်ကားတော့မယ်လို့ အားရပါးရ ပြောသွားခဲ့တယ်လေ။
ကိုကိုက ပိန်ပိန်ပါးပါး ရုပ်ချောချော အပြောနဲ့ သဘောကလည်း ကောင်းမှကောင်း။ ခင်ဖုန်းကိုလည်း မျက်လုံးကြီးတွေက တဖျတ်ဖျတ် ပုတ်ခတ်ကစားပြီး ကြည့်နေလိုက်တာ..။ ခင်ဖုန်း ရင်တွေ သိပ်ကို ဖိုခဲ့ရတယ် ကိုကို။ တွေ့စမှာ ရင်ဖိုပြီး ချစ်ခဲ့ရလို့လား မသိဘူး…အခုထိ ရင်ဖိုလို့ကို မဆုံးနိုင်ပါဘူး ကိုကိုရယ်။
(၃)
ကိုကိုရဲ့ နာမည်က ကိုမျိုးချစ်။ ရန်ကုန်သားတဲ့။ မုန်းဆည် စီမံကိန်းမှာ စက်ကြီးမောင်း။ မိဘတွေ မရှိတော့ကြောင်းသာ ပြောခဲ့လို့ သိခဲ့ရတယ်။ အသက်အရွယ်ကလည်း ခင်ဖုန်းနဲ့ တန်းတူ လူပျိုကြီး အပျိုကြီးတွေ ထင်ခဲ့မိတာပေါ့။ ကိုကိုက ခင်ဖုန်းတို့ရွာ တောင်ဘက်မှာ စက်ကြီးမောင်းပြီး တမံဆည် မြေထိုး တောရှင်း တောင်ဖြိုရင်းနဲ့ ခင်ဖုန်းရဲ့ ချစ်ခြင်းကို ရယူသွားခဲ့တယ် မဟုတ်လား..။
တောသူဆိုတာ သဘောဖြူပါ ကိုကိုရယ်…ကိုကို့ကို ဖြူစင်စွာ ချစ်ခဲ့မိရိုး အမှန်ပါ။ ခင်ဖုန်းလေ ကိုကိုကလွဲလို့ ဘာကိုမှ မမက်မောခဲ့ပါဘူး။ ကိုကိုဝယ်ပေးခဲ့တဲ့ အဖိုးတန် လက်ဆောင်တွေကို ဘာကိုမှ လက်မခံခဲ့ပါဘူး။ ခင်ဖုန်းကသာ ကိုယ်တိုင်ယက်ယူလာတဲ့ ချင်းခေါင်းပေါင်း စောင်လေးတစ်ထည်သာ ပေးခဲ့ဘူးပါတယ်နော်..။
ကိုကို့ကို ခင်ဖုန်း ပြောခဲ့ဘူးပါတယ်…မှတ်မိနေမှာပါ။ ခင်ဖုန်းတို့ ချင်းလူမျိုးက ဗုဒ္ဒဘာသာ ကိုးကွယ်ပါတယ်၊ ချင်းလူမျိုးတွေထဲက(လက်သင့်)လို့ခေါ်တဲ့လူမျိုးတစ်မျိုးပါ။ ကိုကို့ကျမ လက်သင့်မခံဘဲ ခင်ဖုန်း ဘာကြောင့် ချစ်မိနေပါလိမ့်နော်..။
ကိုကို..သတိရနေမှာပါ။ ကိုကိုမြို့က ပြန်လာတုန်းကလေ၊ ပါလာတဲ့ ထန်းလျက်တစ်ထုပ်ကို ခင်ဖုန်းကို ပေးခဲ့ဘူးတယ်လေ။ မှတ်မှတ်ရရ ခင်ဖုန်းက လက်ခံယူရုံမကဘူး ကိုကိုနဲ့ အတူ ခင်ဖုန်းတစ်ခဲ ကိုကိုတစ်ခဲ အချစ်တွေ သဲသဲလှုပ်ပြီး တစ်ယောက်ကို တစ်ယောက်ခွန့်ပြီး စားခဲ့ကြတာလေ။ အဲဒီအချိန်က ချစ်ခဲ့စားခဲ့ကြတဲ့ ချိုချိုသာသာ ဝေေ၀ဆာဆာ အချစ်တွေ ခံစားခဲ့ရတာ သိပ်ကြည်နူးစရာ ကောင်းတာပဲနော်။ ခုတော့--ခုတော့..အစက မတွေ့ကြရင် ကောင်းမှာပါ ကိုကိုရယ်။
(၄)
ကိုမျိုးချစ်မှာ မိန်းမ ရှိသတဲ့၊ သူ့ဇနီးက သိပ်ချောတာပဲတဲ့၊ မုန်းဆည်စီမံကိန်းကို လာလည်ကြလို့တဲ့ စတဲ့ စတဲ့ ရွာထဲက သူငယ်ချင်းတွေက လာပြောနေကြပြီ ကိုကို..။ ခင်ဖုန်းရဲ့ ရင်ထဲမှာ လေပြင်းမုန်တိုင်းတွေ ဒလကြမ်း တိုက်ခတ်သွားသလို ခံစားရပြီး အသည်းနှလုံးတွေ ကြွေမွလွင့်ပါးသွားပါပြီ ကိုကို..။
ခင်ဖုန်း အပြစ်ပါ ကိုကိုရယ်…၊ ကိုကို့ မိဘတွေ အကြောင်းသာ မေးမိပြီး ကိုကို့ အိမ်ထောင်ရှိသလား မေးရမှာကို မမေးရက်ခဲ့ဘူး။ ဘာကြောင့် မမေးခဲ့သလဲ သိလား…ခင်ဖုန်းက မိန်းကလေးတန်မဲ့ ကိုကို့..ကို တစ်ဖက်သတ် ပိုချစ်ခဲ့မိတာကိုး၊ ကိုကိုကတော့ ခင်ဖုန်းကို ညာပြီး ချစ်ခဲ့တာ မဟုတ်ပါဘူး..။ ကိုကိုက တစ်ခါ တစ်လေ စကားဖြတ်ဖြတ်ပြီး ခင်ဖုန်းကို မေးခဲ့ဘူးပါတယ်..။ ကိုကို့မှာ တစ်ခြားလူတစ်ယောက်ချစ်ပြီးသားရှိရင် ခင်ဖုန်းက ကိုကို့ကို ချစ်အုံးမှာလားလို့ ခဏ၊ ခဏ မေးခဲ့ဘူးပါတယ်။ အဲဒီတုန်းက ခင်ဖုန်းလေ ကိုကို ပါးစပ်ကို လက်နဲ့ ပိတ်ပြီး အပြတ်ပြောခဲ့တယ်။ဘယ်သူ ဘယ်ဝါပဲ ရှိရှိ ကိုကို့ကို ခင်ဖုန်း အမြဲ ချစ်နေမှာပဲလို့ ပြောခဲ့ကြတာ မှတ်မိမှာပါ…။
(၅)
အငိုလွယ်၊ အရှိုက်ခက်ဆို စကားလို ကိုကိုနဲ့ ခင်ဖုန်း အဖြစ်က အခုတော့ ရင်နာရပါပြီလား ကိုကိုရယ်..။ ခင်ဖုန်း နှုတ်ဆက်တဲ့ အနေနဲ့ ဒီစာကလေးကိုသာ ဖတ်ကြည့်ပါတော့..။
တစ်ခါက ချစ်ခဲ့ရတဲ့ ကိုကို-
ခင်ဖုန်း နှုတ်ဆက်ခဲ့ပါတယ်..။ ဘယ်သူဘယ်ဝါရှိရှိ ကိုကို့ ကို ခင်ဖုန်း အမြဲ ချစ်နေမှာပဲလို့ ကတိတွေ ပေးခဲ့ပြီးပါပြီ။ ကျေနပ်ပါတော့၊ ကိုကိုတို့ မိသားစု မပြိုကွဲအောင် ခင်ဖုန်း တိမ်းရှောင်သွားပါရစေတော့။ ကိုကိုနဲ့ ခင်ဖုန်း နှစ်ဦးတည်းရဲ့ သာယာမှုကို ဦးစားပေး လိုက်မိရင် အပြစ်မဲ့တဲ့ ကိုကိုတို့ရဲ့ မိသားစုလည်း စိတ်ဆင်းရဲကြရမယ်။ ခင်ဖုန်းတို့ ရိုးသားတဲ့ ချင်းလူမျိုးတွေရဲ့ မိရိုးဖလာ အစဉ်အလာကိုလည်း ပယ်ဖျက်လိုက်တဲ့ အမျိုးဖျက်မ ဖြစ်သွားမယ်လေ။ ဒါကြောင့် မိသားစု မပြိုကွဲအောင် မိရိုးဖလာ အမျိုးမပြတ်ကြရအောင် ဒီစာရတဲ့ အချိန်ကစပြီး ခင်ဖုန်းကို မုန်းမေ့လိုက်ပါတော့ ကိုကိုရယ်။
ခင်ဖုန်းမလေ အချစ်ဆိုတာ မဖြစ်နိုင်မှန်း သိပေမယ့် မချစ်ပဲ နေလို့ မရတာ အမှန်ပါ။ ဒါပေမယ့်လေ အချစ်ကြီးတဲ့ ခင်ဖုန်းမကို ကိုကို မုန်းမေ့ပြီး မုန်းချောင်းရေထဲ မျှောလိုက်ပါတော့နော်..။
ဒီလို အချစ်မျိုး အဖြစ်ဆိုး ဘယ်သောအခါမှ ဘ၀ဆက်တိုင်း မကြုံပါရစေနဲ့လို့ ခင်ဖုန်း ဆုတောင်းခဲ့ပါတယ်။
ချင်းမလေး ခင်ဖုန်း
(၆)
ကိုမျိုးချစ်တစ်ယောက် တုန်ရီစွာဖြင့် ခင်ဖုန်း၏ စာကို ဖတ်နေမိသည်။ ရင်ထဲမှ အသည်းနှလုံးတွေ ပွင့်ထွက်မတတ် ခံစားနေရပြီ။ သူ၏ နှလုံးခုန်နှုန်းများမှာ ကိုမျိုးချစ် မောင်းနှင်လာသော မြေထိုးစက်ယန္တရားကြီးသံထက် ကျယ်လောင်ဆူညံနေမည် ထင်၏။ ကိုမျိုးချစ်ခမျာ တောအထပ်ထပ် တောင်အထွေထွေတို့အား ဤမြေထိုးစက် ယန္တရားကြီးဖြင့် ပြေပြစ်ချောမောလှပအောင် ထိုးနိုင်ခဲ့ပါသည်။ ယခု ကိုမျိုးချစ်၏ အချစ်ရေးနှင့် အိမ်ထောင်ရေး ဘ၀ လှိုင်းတံပိုးကြီးများအား လှပညီညာအောင် မည်သို့များ တတ်နိုင်ဦးမည်နည်း။ တစ်ဖက်အချစ်ကသာရင် တစ်ဖက် မိသားစုက နာရပေတော့မည်။
မုန်းချောင်းရေစီးသံမှာ တစ်ဝေါဝေါဖြင့် ကိုမျိုးချစ်အား လှောင်ပြောင်နေလေပြီ။
ကိုယ့်ကို တစ်သက်လုံးခွဲခွာသွားပြီလား မုန်းရယ်။ ဘယ်သော အခါမှ မုန်းလို့ မခေါ်ရက်နိုင်ပါဘူးကွယ်။ ။
ရွှေလမ်းငွေလမ်းဝင်းကြည်
(အငယ်လေးကို ချစ်ခဲ့မိလို့နှင့် အခြားဝထ္ထုတိုများ)စာအုပ်မှ
ပြန်လည်ဆန်းသစ် တင်ပြပေးပါသည်။
0 comments:
Post a Comment