အငယ်လေးကို ချစ်ခဲ့မိလို့ (၂)

အငယ်လေးကို ချစ်ခဲ့မိလို့(၂)
ရွှေလမ်းငွေလမ်းဝင်းကြည်
ချစ်စုမရေ---------------------
အချစ်ဆိုတာ သူများတွေ ပျော်စရာဆိုလို့ ဒို့ရင်ထဲမှာ အလိုလို ငိုနေမိ……။
အဖြေမှန် သိရက်နဲ့လဲ မကြည့်ရက် မကြားလို ချစ်သက်ထားရဲ့ ပါးပြင်ပေါ်မှာလဲ မျက်ရည်တွေ ချောင်းစီးလို့ နေပါရော့လားကွယ်…….။
အချစ်မှာ မျက်စေ့မပါ ဦးနှောက်မရှိ၊ အချစ်နဲ့ဦးနှောက် အပြေးပြိုင် ကြည့်ပါလား……… အချစ်ရဲ့နောက်မှာ ဦးနှောက်ကျန်ခဲ့……..။
အချစ်လိပ်မလေးနဲ့ အချစ် ကိုရွှေယုံ၊ ငါ့လက်ခုပ်ထဲက အချစ်အောင်ပွဲ နားထင်မရှိဘဲ ကိုရွှေယုံ တရေးအိပ်၊ တိတ်တိတ်ကလေး အချစ်လိပ်မလေး ပန်းဝင်သွား---ငါဂန္တ၀င် အချစ်ပြေး သမား..။
သနားချစ် ချစ်လို့ ဖားကို မြွေ မမြိုခဲ့တာ--ခုတော့ မြွေ အ လို့ဆို မော်ဒန်အချစ်နဲ့ စုံကန်ပြေး-- ချစ်သက်ထားလေးနဲ့ ဝေးရတော့မှာလားကွယ်---။
ကိုယ့်ရင်ထဲမှာ ငိုပွဲ…. ရွှေရင်တွေ ဆို့လို့နေဆဲ အို အချစ်ကလေးရယ် သဲသဲ မဲမဲ ရွာနေတဲ့ မိုးရေတွေထဲမှာ----ဒို့ ကျမျက်ရည် ၀ဲ-၀ဲ-၀ဲ…..။


(၁)

စာရေးသူ ကျွန်တော်သည် အထက်ပါ ကဗျာလေးအား ထပ်ခါ ထပ်ခါ ဖတ်နေမိပါ၏။ ဇရာအို ဇာတ်လိုက် ဦးရွှေဝင်းမှာ မိုးသဲသဲမဲမဲ ရွာနေတာကို ဂရုမစိုက်၊ လွင်တီးပြင်ထဲမှာ ကျမျက်ရည်ဝဲ၍ အချစ်ပျောက်ကို ရှာဖွေနေလျှက်။ ကြီးကောင်ဝင်စအရွယ် သနားစရာ သတ္တ၀ါ တစ်ဦးပါတကား။ ဟု စာရေးသူ မျက်စိထဲတွင် မြင်ယောင်နေမိသည်။
ကျွန်တော်၏ စာရေးစားပွဲဘေးမှ ပြင်ပကို မျှော်ကြည့်လိုက်သော မိုးတွေက တဖွဲဖွဲရွာလိုက် လေတွေက တိုက်လိုက်နှင့် လွမ်းမောဖွယ်ရာ ၊ ရာသီဥတုက ဖန်တီးနေပေပြီ။ ဒီနှစ် အညာမြေလတ် မြို့တော်က နောက်ကျမှ မိုးရွာ၏။ ရွာပြန်ပါသော်လည်း မိုးက မစဲဘဲ တဖွဲဖွဲနှင့် စွေနေပေပြီ။ မိုးရွာထဲတွင် မိုးကာအင်္ကျီအနက်နှင့် လူတစ်ယောက် မော်တော်ဆိုင်ကယ်စီး၍ ကျွန်တော့်အိမ်သို့ ရောက်လာပါသည်။ လူပုံသဏ္ဍာန်က အရပ်အနေအထား သင့်၏။ မ၀လွန်းပါ။ ဆံပင် တိုတိုပုံစံ ဖြင့် မျက်မှန် ရွှေကိုင်း တပ်ထားပါသည်။ သူသည် ကျွန်တော်၏ စာရေးစားပွဲခုံမှ မျက်နှာခြင်းဆိုင်ခုံတွင် ပိုင်စိုး ပိုင်နင်း ၀င်ရောက်ထိုင်ချပါပြီ။ ၀င်ခွင့် တောင်းခံခြင်း မရှိ။ ကျွန်တော်၏ မိတ်ဆွေ အသိလည်း မဟုတ်ပါ။ ကျွန်တော် ကျက်သီး တဖျန်းဖျန်းထ၍ လန့်သွားပါသည်။ သူ့မျက်နှာကို စိုက်ကြည့် လိုက်သော် နဖူးရေ ပါးရေ အနည်းငယ် တွန့်နေပေပြီ။ ဆံပင် နက်မှောင်နေခြင်းမှာ ဆေးဆိုးထားသောဆံပင်သေချာမည်။သူသည်မိုးကာအင်္ကျီကိုချွတ်လိုက်သော အခါ စတစ် ကော်လန် အင်္ကျီအဖြူ လက်ရှည်ဝတ်ထား၏။ ပုဆိုးမှာ အပြာရောင်ပေါ်တွင် အဖြူလိုင်း အကွက် အကြဲကို ၀တ်ဆင်ထားပါသည်။ သူ၏ အသားအရည်မှာ ဖြူဆွတ်ဆွတ်နှင့် သွေး ဆုတ်ကောင် ရုပ်ဖြစ်နေပေပြီ။ အသက်မှာ (၅၀)နှစ်ခန့် ရှိမည်ထင်ပါသည်။ သွားများမှာ ဖြူဖွေးနေ၏။ မျက်လုံး မျက်ခုံးများ ကြည်လင် တောက်ပနေပါသည်။ သူ့ကို ကျွန်တော်စိုက်ကြည့် နေတာ သိသွား၍ တဘက်သုိ့ မျက်နှာလွှဲသွားပါသည်။
””ဆရာ---ကျွန်တော်…..ရွှေဝင်းပါ။““
(ဗျာ…) တလုံးအော်မိပြီး ကျွန်တော်မျက်လုံးပြူးသွားပါသည်။ စာရေးသူ အထက်က ဖတ်ခဲ့တဲ့ ကဗျာအဆုံးသတ်ပြီး ဇာတ်သိမ်းမလှတဲ့ (ဇာတ်လိုက် ကိုရွှေဝင်း) ဆိုတာ ဒီလူကိုး။ ဒီလူ ကျွန်တော့ ဆီကို လာတာ ကျွန်တော်ရေးထားတဲ့ အငယ်လေးကို ချစ်ခဲ့မိလုိ့(၁) ၀တ္ထုစာမူ ကိစ္စပဲ ဖြစ်ရမည်။ သေချာပါသည်။ ကျွန်တော်သည် ဒီစာမူကို အမျိုးသမီးကြီး တစ်ဦးထံမှ ရရှိခဲ့၏။ ကျွန်တော့ဆီကို ဒီအမျိုးသမီးကြီးကိုယ်တိုင် လာရောက်ပြီး ရက်ရက်ရောရော ပေးသွားခဲ့တာပါ။
“ ရှင်က စာရေးဆရာဆိုလို့ ဒီစာမူကြမ်း ၀တ္ထုဇာတ်လမ်း တပုဒ်လာပေးတာနော်၊ ရှင်းရှင်းပဲ ပြာပါရစေတော့ ဆရာရယ်၊ ကျမရဲ့ ယောက်ျား အသက်(၄၉)နှစ် ရောက်ခါမှ သူငယ်ပြန်ပြီး ဗွေဖေါက်လာလို့ သူတို့နှစ်ယောက်လုံး ရပ်တန်းက ရပ်ကြရအောင်ရယ်၊ ဒီကိစ္စဟာ မိသားစုအတွင်းမှာ ရှက်စရာ ကြောက်စရာ ဆင်ခြင်စရာဆိုတာကို လူတိုင်း သဘော ပေါက်အောင် ဆရာပြန်ပြီး ရေးပေးပါ။ ကျမကို ကူညီပါဆရာရယ်၊ ကျမနာမည် မဌေးကြည်ပါဆရာ…”
စာရေးသူ ငူငူကြီးထိုင်၍ အတန်ကြာအောင် စဉ်းစားတွေးတော နေမိပါ၏။
“ ဆရာ--ဆရာ ကျွန်တော့်ကို ဘာလို့ ငေးကြည့်နေတာလည်းဗျာ--ကျွန်တော် ကိုရွှေဝင်းပါ--ကိုရွှေဝင်းအစစ်ပါ ဆရာရယ်--ဆရာယုံကြည်သွားအောင် ဒီမှာ ချစ်စုမရဲ့ ဓါတ်ပုံပါ။ ဒီမယ် ဆရာ့ဆီ လာသွားတဲ့ ကျွန်တော့်ဇနီး မဌေးကြည်နဲ့ ကျုပ်တို့ မိသားစု ဓါတ်ပုံတွေပါ…”။ စာရေးသူ ဓါတ်ပုံများကို သေချာစွာ ကြည့်နေမိပါသည်“ ဆရာရဲ့ ၀တ္ထုကို ဖတ်ကြည့်ပြီး၊ ပြည့်စုံမှု မရှိသေးလို့ ကျွန်တော် လိုက်လာခဲ့ရတာပါ။ ရော့ -ဆရာရေးထားတဲ့ (အငယ်လေးကို ချစ်ခဲ့မိလို့)၀ထ္ထုပါတဲ့ မဂ္ဂဇင်းစာအုပ်ပါ။ ဇာတ်လမ်းကို လိုတဲ့ကြားက တပုဒ်ခြင်း ဖြည့်စွက်ဖို့ အေးအေးဆေးဆေး ပြောပါရစေ…”
“ ယုံကြည်ပါပြီ--ကိုရွှေဝင်းရယ်..ကဲကဲ ခင်ဗျား ခံစားရတာတွေကို ရင်ဖွင့်နိုင်ပါပြီ..”
“ ကျွန်တော်ရင်ဖွင့်တာ မဟုတ်ပါဘူး ဆရာ..စာရေးဆရာရဲ့ စာရေးစားပွဲခုံရှေ့ ခုံရုံးကိုလာပြီး ဇာရာအိုရဲ့ ဂန္တ၀င်အချစ်ကို ဖြောင့်ချက်ပေးသွားမှာပါ ဆရာရယ်..”
စာရေးသူသည် ကိုရွှေဝင်းကို စိတ်ဝင်စားလာမိပေ၏။ သူ့အပြော သူ့အမူအရာများသည် အနုပညာဆန်လွန်းနေပါပြီ။
“ကောင်းပါပြီ ကိုရွှေဝင်းရေ..ခင်ဗျားက ဂန္တ၀င်အချစ် တရားခံ…။ကျွန်တော် စာရေးဆရာက အချစ်ခုံရုံး တရားသူကြီး…၊ ရုံးတော်၏ ထုံးစံအတိုင်း …မတ်တပ်ရပ်ပါ၊ ကျမ်းကျိန် သစ္စာဆိုရပါမည်-ကျွန်တော်ရှေ့က ဆိုခဲ့တာကို…ခင်ဗျား နောက်ကလိုက်ပြီး တထပ်တည်း ကျအောင် လိုက်၍ ဆိုရမယ်နော်..။
စာရေးသူနှင့် ကိုရွှေဝင်းတို့နှစ်ဦး စာရေးစားပွဲ အလယ်ထား၍ မျက်နှာချင်းဆိုင် ထလိုက်ကြပါ၏။ ပြင်ပမှ ရာသီဥတုကလည်း မိုးက တဖွဲဖွဲ၊ ဟိုတောင်ဆီကလည်း မိုးတွေက ပြိုတော့မယ် တကဲကဲ မဲ၍ နေပါသည်။ မိုးသက်မုန်တိုင်း လေနုအေးများကလည်း လက်ခုတ်လက်ဝါးတီးပြီး သူတို့နှစ်ဦးကို ကြိုဆိုနေသယောင်။
(ကျွန်တော် ဇရာအိုကြီး၏ ကျူးလွန်ခဲ့မိသော ဂန္တ၀င် အချစ်ဇာတ်လမ်းများကို တစ်လုံးမကျန် မချွင်းမချန် မှန်မှန်ကန်ကန် မည်သူ့မျက်နှာကိုမျှ မထောက်မညှာ မှန်ရာကို ထွက်ဆိုပါမည်….)။
စာရေးဆရာ အချစ်ခုံရုံး တရားသူကြီး သိလိုသမျှ မေးခွန်းများကိုလည်း စိတ်ရှည်စွာဖြင့် မှန်ကန်အောင် ဖြေဆိုပါမည်ဟု အကျွန်ုပ်ကိုယ်တိုင် ဤရုံးတော်၌ ကျမ်းကျိမ် သစ္စာပြုအပ် ပါသည်။)
စာရေးဆရာနှင့် ကိုရွှေဝင်းတို့နှစ်ဦး အထက်ပါအတိုင်း တလှည့်စီ အော်ဆိုနေသံများမှာ ကြားရသူများ စိတ်ဝင်စားစရာ ကောင်းနေပေတော့သည်။

(၂)
တရားသူကြီး ။ ။ မောင်ရွှေဝင်း မင်းအသက်(၄၉)နှစ်ကြီးက၊ အသက်(၁၉)နှစ်အရွယ် ချစ်စုမကို ဘာကြောင့်ချစ်ခဲ့ရပါသလဲ… ၊ ဇနီးနဲ့ သားကြီး၊ သမီးကြီးတွေ ရှိရဲ့သားနဲ့ လောဘမကြီးဘူးလား။ လူမှုရေးကျင့်ဝတ်တွေ ဖောက်ဖျက်ရာ မကျလွန်းဘူးလား…။ မရှက်တတ် မကြောက်တတ်တော့ဘူးလား။
ဦးရွှေဝင်း ။ ။ ဆရာခင်ဗျား ကျွန်တော့်ဘ၀မှာ (၄၉)နှစ်လုံးလုံး အချစ်မေတ္တာရေ ငတ်ခဲ့သူ တစ်ယောက်ပါ။ ကျွန်တော်(၂)နှစ်သားအရွယ်မှာ အမေ ဆုံးပါးခဲ့ပါတယ်။ (၈)နှစ်တိတိ ကာလအတွင်းမှာ မိထွေးနဲ့ ဘ၀ဒုက္ခ ပင်လယ်ကြောကို နစ်မောခဲ့ရပါတယ်။ (၁၀)နှစ်သားရောက်တော့ အဖေဆိုတဲ့ ရွှေတောင်ကြီး ပြိုလဲသွားပါတယ်။ တစ်ကောင်ကြွက်ကလေး ကျွန်တော်ဟာ ကျောင်းသားဘ၀မှာ ဘကြီး၊ ဒေါ်ကြီး၊ အိမ်တွေမှာ ကပ်နေရတယ်၊ ခန္မာကိုယ် လုပ်အားနဲ့ ကျေးဇူးတွေ ပေးဆပ်ပြီး ဘ၀ကိုထူထောင်ခဲ့ရပါတယ်။
တရားသူကြီး ။ ။ မောင်ရွှေဝင်း၊ ငါမေးတာက( ၁၅၀၀ )အချစ်မေတ္တာ၊ မင်းဖြေတာက (၅၂၈) မေတ္တာ။
ဦးရွှေဝင်း။ ။ ဆရာမေးတာကို ကျွန်တော်လူလားမြောက်လို့ အိမ်ထောင်ကျပြီး ခံစားရတာက စပါတော့မယ်။ အခြေအနေမဲ့တဲ့ ကျွန်တော့်ဘ၀ကို ငယ်ရည်းစားက လမ်းခွဲထားခဲ့တာကို သိပြီး သနားစိတ်နဲ့ ယခုဇနီး မဌေးကြည်က ကျွန်တော့်ကို လက်ထပ်ယူခဲ့ပါတယ်။ သူဟာ ကျွန်တော့်ထက် အသက်လဲကြီးတယ်၊ ပညာတတ် တစ်ယောက်လဲ ဖြစ်တယ်။ ရိုးလွန်း အေးလွန်းတယ်။ လောကွတ် မလုပ်တတ်ဘူး၊ တည်ကြည်အေးဆေးစွာပဲ နေတတ်ပါတယ်။ သားသမီးနှစ်ယောက်ရလို့ ယခုအချိန်အထိ တီတီ တာတာနှင့် ယောက်ျားကို သာယာမှု မပေးနိုင်ခဲ့ပါ။ သားသမီးများကလည်း ဖခင်ကို တွတ်တီးတွတ်တာနဲ့ ယုယကြင်နာမှုများ မရခဲ့ပါ။ မိသားစု ကြည်နူးသာယာမှုများကိုလည်း မဖန်တီးနိုင်ခဲ့ကြပါ။ လူမှုဝတ္တရားများကတော့ အားလုံး တာဝန်ကိုယ်စီ ကျေပြွန်ခဲ့ကြပါတယ်။ ကျွန်တော့်ဘ၀ တစ်လျှောက်လုံးမှာ လင်နဲ့မယားကြည်နူးသာယာမှုဆိုတဲ့ ချစ်ခြင်းမေတ္တာ ရေတွေ ငတ်ခဲ့ရတာ နှစ်ပေါင်း (၄၉)နှစ်ကြာခဲ့ရပါပြီ ဆရာသမားရယ်…။
တရားသူကြီး ။ ။ မောင်ရွှေဝင်း၊ မင်းကို ချစ်စုမ ဆိုတဲ့ ကောင်မလေးက ဘယ်နှစ်ခါ၊ ဘယ်နေရာမှာ ဘယ်လို ကြည်နူးသာယာမှုတွေကို ပေးခဲ့ပါသလဲ…။ မင်းကရော ခဏသာ သာယာမှုကို ထာဝရ ဖန်တီးယူနေတာလား။ ချစ်စုမက လူငယ်ပီပီ ကတိမတည်ပဲနဲ့ မင်းဇရာအိုကြီးကို သူမခံစားဖူးတဲ့ အချစ်အရသာကိုယူ မာယာများစွာနဲ့ ချူစားသွားတာကော မဖြစ်နိုင်ဘူးလား…..။
ဦးရွှေဝင်း ။ ။ ပြောရက်လိုက်တာ ဆရာရယ်၊ ကျွန်တော့်ကို အတည်ပေါက်နဲ့ ဂတိထားသွားတဲ့ သူရေးပြီး ပေးခဲ့တဲ့ ကဗျာတွေ ဒီစာတွေ သက်သေရှိပါသေးတယ်။ (ဇာတ်လမ်း အစုံတစ်ချို့ကို ပြန်ပြောပါရစေ)။
ကျွန်တော့်ဘ၀မှာ သာယာမှု အပြည့်ကိုခံစားမူပေးသူက ချစ်စုမပါ ။ မေ့မရနိုင်အောင် စွဲလမ်း တမ်းတ နေမိတာလဲ ချစ်စုမပါ…….။

(၃)
(၁၅-၃-၂၀၀၉)နေ့ နံနက်ပိုင်း၊…
မော်တော်ဆိုင်ကယ် တစ်စီးနှင့် လူနှစ်ယောက် မြေလတ် ဟိုတယ်အတွင်းသို့ ၀င်လာကြသည်။ အခန်း(၁၀၁) တံခါးဖွင့်၍ ၀င်သွားကြ၏။
“ ဦး--သမီးကို ဘာကြောင့် ဒီဟိုတယ်ကို ညာခေါ်လာရတာလဲ----ဟင်
(အို..) မကောင်းဘူးကွာ၊ သမီးကြောက်တယ် ဦးရယ်…၊သမီးဘ၀ ဒုက္ခ ရောက်ပါပြီ…“။
ဦးရွှေဝင်းနှင့် ချစ်စုမတို့သည် လူမှုရေးကံဘောင်ကြီးကိုနင်းကျော်၍ အချစ်ပင်လယ်ပြင်ထဲမှာ ကမ်းမမြင်၊ လမ်းမမြင်၊ ကူးခပ်၊ ပျော်မြူးနေကြပေပြီ။ ညနေ (၆)နာရီမှာ ပြန်ထွက်သွားကြ၏။
ဆရာရေ-----အဲဒီနေ့က ချစ်စုမ ပြောသွားတဲ့ စကားတွေထဲက…….သူ့ကောင်လေး ၀င်းမင်းအရွယ်နေရာမှာ (ဦး)သာ အစားထိုးဖြစ်လို့ရရင် သိပ်ကောင်းမှာပဲတဲ့..။ အဲဒီနေ့မှာ ချစ်စုမှ ပေးခဲ့တဲ့ ကဗျာ နှစ်ပုဒ်တိုတိုလေးက ယနေ့အထိ ကျွန်တော့်ရင်ထဲ စူးရှ ခံစားနေပါပြီ….
(၁)။ ကဗျာ လက်တစ်ဝါးစာ ကလေးဟာ အသဲကြားမှာ ညှောင့်စူးလို့ သွားခဲ့ပါတယ်။
ဦး-အတွက်………..
အချစ်တစ်ခုမှာ စတင်ခဲ့တဲ့အချစ်………
ရင်ထဲခံစားချိန်မှာ စိတ်တွေက တိမ်တွေလို
ကြည်နူးလွမ်းဆွတ်မှုက တလှည့်စီ
ဘယ်အချိန်မှာ ဆုံမယ်တော့မသိ………..
သေချာတဲ့ အဖြေမှန် တစ်ခုက တကယ်ချစ်ခဲ့တဲ့သူရင်မှာ
ထာဝရ သတိရနေမှာပါ သူနားလည်နိုင်ပါစေ…….(၁၄-၃-၂၀၀၀)

(၂) ကဗျာ
“မမှားတဲ့ နောင်တ”

အခန်းထဲက အိပ်ယာတစ်ခု
ကြေးမုံတစ်ချပ်ထဲက ပုံရိပ်နှစ်ခု
တစ်ယောက်နဲ့တစ်ယောက် ရယ်လိုက် ငိုလိုက်
နားလည်မှုနဲ့ အနမ်းတွေ ဖလှယ်
မိန်းကလေး တစ်ယောက်ရဲ့ ပထမဆုံး ထိတွေ့မှု
တဘ၀အားလုံးအတွက် သူတစ်ယောက်သာဖြစ်ပါစေ….။


(ဒီကဗျာတွေဟာ ချစ်စုမရဲ့ လက်ရေးစာမူတွေကို ပြန်ပြီး ကူးရေး ပြလိုက်ပါတယ်။)
ကျွန်တော့်ဘ၀မှာ မိန်းကလေးတစ်ယောက်ရဲ့ မရှက်မကြောက်နဲ့ ယခုလို ကြင်နာမှုတွေပေးတာကို လုံးဝ မခံစားခဲ့ဘူးပါ။ (နွားအို မြက်နုကြိုက်တယ်လို့ဘဲ ဆိုချင်ဆိုကြပါစေတော့….စွဲမိခဲ့ပါပြီ။)
ချစ်စုမဆိုတဲ့ ကောင်မလေးဟာ အရွယ်ငယ်သလောက် အချစ်ကြမ်းတတ်ပါတယ်။(၂-၄-၂၀၀၀) နေ့မှာ ကျွန်တော်နဲ့ တွေ့ရန်၊ ညနေ ၆ နာရီ မှာ ချိန်းပါတယ်။ သူချိန်းတဲ့ ပန်းခြံထဲကို သွားခဲ့ပါတယ်။ နွားအိုဂျိုသွေးပြီးပြေးမိခဲ့တဲ့ ကျွန်တော် ရင်ဘတ်ကြီးကို စုံကန်ထိုးနှက်ခြင်းကို ခံလိုက်ရပါတယ်။ ချစ်စုမနဲ့ သူကောင်လေး ၀င်းမင်း နွေးနွေးထွေးထွေး ချစ်ဂတိတွေပေးနေတာ မြင်ခဲ့ရပါတယ်။ လုပ်ရက်လိုက်တာဗျာ ။ သူတို့နှစ်ဦး ကျွန်တော့်ကိုလည်း မြင်ရော့ စက်ဘီး တစ်စီးနဲ့ ကောင်လေးရဲ့ ခါးကို ဖက်ပြီး ချစ်စုမ လိုက်ပါသွားပြီ…..။
( မောင်….ညီမကို ဘုရားလိုက်ပုိ့ရမယ်နော်…။) ကျွန်တော်၏ ဦးခေါင်း မီးဟုန်းဟုန်းတောက်အောင် ခံရ၏။ နောက်တစ်နေ့၊ အလုပ်ရုံမှာ ချစ်စုမကို ဖြတ်စာ ပေးလိုက်ပါတယ်။ သူ့ရဲ့ ကဗျာနဲ့ စာတွေကိုလည်း ပြန်ပေးခဲ့ပါတယ်။ ချစ်စုမက ခါးခါးသီးသီး မျက်ရည်ခံထိုး၍ ညင်းဆန်တယ်။ (သမီးကို ချစ်ရင် နားလည် ခွင့်လွှတ်ပေးပါနော် ဦးကြေနပ်အောင် သမီးရဲ့ တစ်ဘ၀လုံးကို ပေးဆပ်ထားတာပါ၊ သမီးရဲ့ အနမ်းပန်းတွေနဲ့ တောင်းပန်ပါရစေ ဒီနေ့ည (၁)နာရီမှာ ဦးလာခေါ်ပါနော်--သမီး ဆက်ဆက်ထွက်ပြီး စောင့်နေမယ်နော်---နော် ဆရာကြီး………….။)
အချစ်ဆိုသည်မှာ အသက်အရွယ် အချိန်အခါ ရာသီမရွေးပါ၊ ရန်သူမျိုးငါးပါးကိုတောင် ပြေး၍ တွေ့မည်၊ တရားမှု မတရားမှု၊ အတားအဆီး အပိတ်အပင့် မှန်သမျှ အားလုံးကို မျက်ကွယ်ပြုကြပေမည်။ ကျွန်တော် ကိုယ်တွေ့ပါ၊ ကြီးတဲ့ ချစ်လူမိုက် လက်ခံလိုက်ပါပြီ…။ အဲဒီည ချစ်စုမနဲ့ (ဒုတိယအကြိမ်) ချစ်တင်းနှောခဲ့ကြပြီး လူမှုရေးခြံစည်းရိုး တံတိုင်းကြီးကို နှစ်ဦးသဘောတူ ရိုက်ချိုးမိခဲ့ကြပါတယ်----။
အချစ်သည် ခဏတာလဲ သာယာချင်၏။ ထာဝရတာလဲ ပိုင်ဆိုင်လို၏။ အချစ်တွေ ကုန်သွားပြီ ဆိုတာ လုံးဝမရှိပါ။ ကြာရင်တော့ ရိုးအီလာမည်။ ရိုးအီ၍ မသွားကြအောင် နှစ်ဦးလုံးရဲ့ ရင်ထဲ နှစ်လုံးသားထဲမှာ အသိတရားနဲ့ သတိထားပြီး အမြဲနိုးဆွပေးကြရမည်။ သတ္တ၀ါတိုင်း ကျား၊ မ မည်သည် အနုအလှ အယုအယနှင့် ပွတ်သီး ၊ ပွတ်သတ် တီတီတာတာ ပြုစုယုယမှုကို နှစ်သက်လိုလားကြ၏။ ကျွန်တော် ဘ၀နှင့် စာနာ၍ ရင်ဖွင့်မိပါတယ်။ ငယ်ချစ်ဦးဆိုတာလည်း အကြောင်းမလှလို့ မပေါင်းခဲ့ကြရင် ကြာလာရင် မေ့သွားကြပါတယ်။ လက်ရှိ ဇနီး/ယောက်ျားဆိုတာလည်း အချစ်၏ သာယာကြည်နူးမှု မရရင် နည်းမျိုးစုံနဲ့ ဖြေသာမဲ့ သာယာမှု ထွက်ပေါက်တွေဆီ ရှာဖွေ ထွက်ပြေးသွားကြမှာပါ။…။ ဒါကြောင့် ကျွန်တော်ကိုယ်တိုင် ချစ်စုမရဲ့ ရင်ခွင်မှာ ခေါင်းထိုးပြီး ရယ်လိုက် ၊ ငိုလိုက်နဲ့ မရှက်မကြောက် လိမ်ညာနေတာကို ခံခဲ့ရတာ သိသိကြီးနဲ့ အားလုံးကို ဒူးထောက် အရှုံးပေးနေရပါတယ်…….။ ဇရာအိုဆိုသည်မှာ ကညာပျိုနုနုလေး၏ ပိုက်ကွန်ကို တိုးမိရင် ဘယ်လိုမှ ရှောင်ကွင်းလို့ မရတော့ပါဘူး…ကလေးရယ်.။ မင်းကြိုက်သလို လုပ်လိုက်ပါတော့.။
ချစ်စုမရဲ့ မုသားစကား အချစ်တွေကို ယုံစားပြီး မိသားစု ခုံရုံးမှာလည်း ဒူးထောက် ၀န်ခံ အရှုံးပေးခဲ့ရပါတယ်။ ရက်စက်လိုက်တာ ချစ်စုမရယ်.။ ဦးရဲ့ ရင်ထဲမှာ ပေါက်ကွဲ ခံစားပြီး အရွယ်နှင့် မမျှ ရေးသားထားခဲ့တဲ့ (ကျီးမိုက်ကြီးရဲ့ ရည်းစားစာတွေကို) ငါ့ဇနီး ငါ့သားသမီးများကို ပေးပြလိုက်သတဲ့.။
““အဖေမကောင်းဘူး…သမီးထက် အသက်ငယ်တဲ့ ချစ်စုမကို ကြိုက်တယ်..။ မယားငယ်ထား ပေါင်းနေကြတယ်..။သမီးရှက်တယ်၊ မြို့ထဲမှာ သမီးရဲ့ သူငယ်ချင်းတွေကို ဘယ်လိုလုပ်ပြီး မျက်နှာပြရမှာလဲ.။”””
ကျွန်တော့်သမီးရဲ့ စွပ်စွဲ ပြောဆိုချက်တွေကို ခပ်တည်တည်နဲ့ ငြင်းဆိုခဲ့ပါသေးတယ်။ လုံးဝ မရပါ။
““အဖေ ဘာမှ ငြင်းမနေပါနဲ့တော့……သမီးနဲ့ကိုကို၊ ချစ်စုမကို အလုပ်ကိစ္စ တစ်ခု အကြောင်းပြပြီး ဧရာဝတီ စားတော်ဆက်ကို ခေါ်တယ်…….၊သမီးရော သူပါ အချိုရည်နဲ့ ဘီယာ စပ်သောက်ကြတယ်……….။ ချစ်စုမက အားလုံးဝန်ခံ ရင်ဖွင့်ပါတယ်.သူ့မှာ ၀င်းမင်းဆိုတဲ့ ရည်းစားကောင်လေးရှိပါတယ်။””
““…. “ ဦးက အလုပ်ရှင်ပီပီ အခွင့်အရေးယူပြီး ကျမကို လက်ဆောင်ပစ္စည်းတွေ ပေးတယ်။ မြေလတ်ဟိုတယ်မှာ နှစ်ကြိမ် နှစ်ခါ လိမ်ညာပြီး ခေါ်ခဲ့ပါတယ် အစ်မရယ် လို့ ” ငိုပြီး ပြောခဲ့တယ်အဖေ။ ချစ်စုမဆီ အဖေပေးခဲ့တဲ့ စာတွေကိုလည်း ဒီမှာ ပြန်ပေးလိုက်ပါတယ်။ အဖေ---ဘာညင်းအုံးမလဲ……။””
ကျွန်တော်ဟာ ဇနီး /သားသမီး တွေရဲ့ အလယ်မှာ မျက်စိတွေက ပြာ------ခေါင်းမှာ ချာချာလည်မူးဝေခံစားပြီး ရင်ထဲမှာ ဘလောင်ဆူညံသွားပါတော့တယ်။ ချစ်စုမနဲ့ ဝေးရပါတော့မယ်လို့ တွေးနေစဉ်မှာ ကျွန်တော့်ရဲ့ ဘယ်ဘက်ပါးပေါ်ကို (ဖြန်းကနဲ ) အသံနဲ့အတူ လက်ဝါးမဲကြီး ကျရောက်လာခဲ့ပါပြီ (သစ္စာမရှိတဲ့ ယောက်ျား အခုအိမ်ပေါ်က ဆင်းသွား……။) ဆိုသော ကျွန်တော့်ဇနီး အသံနှင့်အတူ သားသမီးတို့ရဲ့ ငိုသံများမှာ တအိမ်လုံး ချောင်းချောင်းထ၍ ဆူညံသွားပါတော့သည်။
တရားသူကြီး။ ။ မောင်ရွှေဝင်း၊ မင်းချစ်စုမကို စွဲလမ်းတမ်းတနေတာ ဘာကြောင့်လဲ၊ သူနဲ့ ဘယ်နေ့ ဘယ်နေရာမှာ နောက်ဆုံးတွေ့ပြီး လမ်းခွဲခဲ့ရပါသလဲ။ ချစ်စုမ နေရာမှာ အခြား အစားမထိုးခြင်ဘူးလား--------။ မင်း ကောင်မလေးကို တဒင်္ဂ သာယာမှု တဏှာနဲ့ချစ်ပြီး စွဲလမ်း နေတာလား..။ ထာဝရ ပိုင်ဆိုင်လိုမှု သံယောဉ်ဇဉ်နဲ့ ချစ်နေတာလား.။ ကောင်မလေးကရော မင်းလို ဇရာအိုကြီးကို တကယ်ချစ်ပြီး လက်ထပ်ယူနိုင်မယ် ထင်သလား..။
ဦးရွှေဝင်း။ ။ ကျွန်တော် ချစ်စုမကို ယုံယုံကြည်ကြည် မြတ်မြတ်နိုးနိုး စွဲလမ်း တမ်းတပြီး ချစ်ခဲ့ပါတယ်။ ဘာကြောင့်လဲ ဆိုတော့ ကျွန်တော့်ဘ၀ (၄၉)နှစ်တာ သက်တမ်းအတွင်းမှာ သူလို ယုယ ကြင်နာမှုမျိုး ပေးနိုင်ခဲ့သူ တစ်ဦး တစ်ယောက်မျှ မတွေ့ခဲ့ဘူးလို့ပါ။ သူ့နေရာမှာ မည်သူ့ကိုမှ အစားထိုးပြီး သာယာလို့ မရနိုင်ပါ။…(ကန်တော့ပါရဲ့ ဆရာ) ကျွန်တော့်ဇနီးကြီးနဲ့ အတူ အိပ်နေရတဲ့ အချိန်မှာတောင် ချစ်စုမက ကျွန်တော့်ရင်ထဲမှာ ထာဝရ စိုးမိုးနေပါတယ်။။ တဒင်္ဂ သာယာမှု တဏှာ အချစ်နဲ့ ထာဝရ စွဲလမ်းပြီး ချစ်တယ်လို့ပဲ ဆိုဆို သူ့ကို ချစ်မိနေတဲ့ သံယောဇဉ်ကြိုးတွေကတော့ လုံးဝ ဖြတ်လို့ မရတော့ပါဘူး ဆရာ။ ဇရာအိုနဲ့ ကညာပျို ဆိုတော့လည်း ကျွန်တော့်ကို ယူချင်မှ ယူမယ်ဆိုတာလဲ စဉ်းစားမိပါတယ်။ အချစ်ကြီးသူဆိုတာ အမြတ်ကြီးတတ်ပါတယ်ဆရာ………။ (ပျံလေတဲ့ငှက်ခါး၊ နားမှ သိမယ်။) ဆိုတဲ့ အချစ်မာနလေးနဲ့မျှားကို ကျွန်တော့်ရင်ဝယ်ပိုက်ပြီး စောင့်နေလျှက်ပါ။ ချစ်စုမ ရည်းစားများရင် များပါ၊ လင်တစ်ယောက်ကိုကောက်ယူခဲ့ရင် ကျွန်တော် တစ်ယောက်သာ ဖြစ်စေရပါ့မယ် ဆိုတဲ့ သူ့ရဲ့ ကတိထား ရေးသားတဲ့ စာကို သက်သေတင်ပြခွင့်ပြုပေးပါ။ ကျွန်တော့်ဘက်ကလည်း စဉ်းစားကြည့်ပေးပါအုံး-----ဆရာ၊ ပတ်ဝန်းကျင်ကို မျက်ကွယ်ပြု အရွယ်နဲ့ ဂုဏ်သိက္ခာကို မျက်စိမှိတ်၊ မိသားတစ်စုလုံးထံ ဘ၀ကို အောက်ကျခံထား( သားသမီးများက )ဖခင် ရေးတဲ့ ရည်းစားစာကို ခုံရုံးဖွဲ့စစ်)။ တရားသူကြီးမ ကျွန်တော့်ဇနီးက အိမ်ပေါ်မှ ဆင်းရန် ရာဇသံပေး၊ မိသားစု တစ်စုလုံးနဲ့ ကျွန်တော့်ဘ၀ကို စတေးပြီး ချစ်စုမကို ယုံကြည်အားကိုးပြီး ချစ်ခဲ့မိတာပါ။
““ (ကိုရွှေဝင်း ၊ ရှင်က အငယ်လေးကို အထင်ကြီးပြီး ကျွန်မတို့ကိုသစ္စာဖောက်တယ်၊ ရှင့်ကောင်မလေးက ရှင့်လို ခုနှစ်အို ရှစ်အိုကြီးကို တကယ်ယူမယ်များ မှတ်နေသလား။ စားရ ၀တ်ရလို့ ရှင့်ကို ချူစားနေတာ၊ သူက ရှင့်ကို ယူမယ်ဆိုရင် ကျမတို့က မင်္ဂလာတောင် ဆောင်ပေးလိုက်အုံးမယ်။ )”” ကျွန်တော့်ဇနီးရဲ့ ငေ့ါတော့တော့ ခနဲ့တာကိုလဲ ခံခဲ့ရပါတယ်။ ဒါလောက် ကျွန်တော့်ဘက်က ကျရှုံး နစ်မွန်းခံပြီး ချစ်စုမကို စွဲစွဲလမ်းလမ်း ချစ်ခဲ့ရတာ ချစ်စုမက ယခုလိုဆက်ပြီး ဂတိဖျက်သွားမယ်ဆိုရင် ---(တွေ့ရာ သချိုင်း ၊ ဓါးမဆိုင်း၊ မုဆိုး တစ်ပိုင်း၊ မိန်းမ ရိုင်းကို ဘ၀ဆက်တိုင်း လက်စားချေရလိုပါ၏…….။)ဟု ဆုတောင်းထားပါရစေ ဆရာ……..။
တရားသူကြီး။ ။ မောင်ရွှေဝင်း ၊ ကြိမ်းဝါးခြင်းတွေကို ရပ်လိုက်ပါ။ ချစ်စုမနဲမင်းတို့ နောက်ဆုံး ဘယ်နေရာမှာ တွေ့ခဲ့ကြပြီး ဘာတွေ ဂတိထားခဲ့ကြသလဲ-----။သူ့ကို ရယူပိုင်ဆိုင်ဖို့ ဘယ်နှစ်ခါရော ကြံစည် ကြိုးစားခဲ့ဘူးပါသလဲ။ ကောင်မလေးရဲ့ စာတွေကိုသာ တင်ပြနေတယ်။ မင်းရေးပေးတဲ့ စာတွေကိုတော့ ဘာကြောင့် မဖေါ်ပြရတာလဲ။
ဦးရွှေဝင်း။ ။ ကျွန်တော်နဲ့ ချစ်စုမ (၁၃-၄-၂၀၀၀)နေ့မှာ….၊ မြေလတ်ဟိုတယ်၊ အခန်းနံပါတ် (၂၀၃)ထဲမှာ…. နံနက် (၇)နာရီမှ ညနေ(၆)နာရီအထိ တွေ့ခဲ့ကြပါတယ်။ (တတိယ အကြိမ် ချစ်တင်းနှောခဲ့ကြပါတယ်) ချစ်သက်သေ လက်ဆောင် ရွှေလက်စွပ်၊ ဆွဲကြိုးနဲ့ အသဲပုံ ရွှေလည်ဆွဲ၊ ဆွဲကြိုးနဲ့ အသဲပုံရွှေလည်ဆွဲ၊ ရွှေနားကပ် တစ်ရံတို့ကို၊ ကျွန်တော် ကိုယ်တိုင် သူ့ကို ဆင်မြန်းပေးခဲ့ပါတယ်။ သူကလည်း ကျွန်တော့်ရဲ့ ဘယ်ဘက် လက်ခလယ်မှာ ဆင်မြီးကွင်း လက်စွပ်ကို စွပ်ပေးခဲ့ပါတယ်။ ကျွန်တော့်ရဲ့ ဘယ်ဘက် လက်မောင်းပေါ်ကိုလည်း ချစ်စုမက ချစ်စနိုး၊ပါးစပ်နဲ့ ကိုက်ပြီး ပေးခဲ့တာ ယခုအထိ သူ့ရဲ့ သွားတက်ရာ အမာရွတ်ကလေး ကျန်ရှိခဲ့ပါသေးတယ်-------ဆရာ။ သူ့ကို တစ်ခါတည်းပိုင်ဆိုင်ဖို့ ကြိုးစားခဲ့တာပေါ့။ ကျွန်တော့်ကားနဲ့ သူ့ကို ညာခေါ်ပြီး မြို့ပြင်ထိ ထွက်ပြေးမိခဲ့ကြပါတယ်။ ချစ်စုမက တောင်းပန်လို့ ပြန်လာကြရပါတယ်။(မိဘတွေကို သုံးနှစ်လုပ်ကြွေးပါရစေ….၊ ပညာတတ် ဘွဲ့ တစ်ခုကိုလည်း ယူပါရစေအုံး.) ဆိုပါတယ်။ ကျွန်တော့်ရဲ့ စာတွေကို ချစ်စုမကလည်း လုံးဝ ပြန်မပေးဘူး၊ ကျွန်တော့် သားသမီးတွေဆီက စာတွေကလည်း မီးရှို့ပြီး ဖျက်ဆီးလိုက်ကြပါတယ်။ (၁၃-၄-၂၀၀၀)နေ့က ခံစားချက်ကို ချစ်စုမ ကဗျာရေးပေးတာ ပြန်ပြီး တင်ပြပါရစေ…….။

ကဗျာ(၃)။ “ကြင်နာသူ အချစ်ရိပ်”

အခန်းတစ်ခန်းထဲက အိပ်ယာလေး
ထိတ်လန့်ခဲ့ရတဲ့ ရင်ခုန်မှုမျိုး
ချိုမြိန်တဲ့ အနမ်းပွင့်
ကြေးမုံပေါ်က ပုံရိပ်နှစ်ခု
ပျံ့လွင့်နေတဲ့ ရယ်သံ
စီးဆင်းနေတဲ့ မျက်ရည်
မျက်စိထဲ နားထဲ မြင်ယောင်ကြားယောင်
တမ်းတ၍ သတိရ အချိန်တိုင်းလွမ်းတယ်-ဦးရယ်….။
ဦးရဲ့…(ချစ်စုမ)
ချစ်စုမနဲ့ ကျွန်တော် အပျော်ကြီး ပျော်ပြီး၊ အငိုပွဲ ဆင်နွှဲလို့ မကြာခင်မှာ ချစ်ခရီး လမ်းခွဲခဲ့ရပါတယ်။ မြေလတ်ဟိုတယ်မှာ ချိန်းတွေ့တဲ့ ကိစ္စ၊ ကျွန်တော့်ဇနီးကြီးနဲ့ သားသမီးတွေ သိသွားပြန်ပါတယ်။ ကျွန်တော့်ဇနီးက မင်း- ကောင်မလေးကို ဖြတ်နိုင်ရင်ဖြတ်၊ မဖြတ်နိုင်ရင် အိမ်ပေါ်က ဆင်းသွားပေတော့ ဆိုပါတယ်။ ကျွန်တော်လည်း အချစ်မူး၊ အချစ်ရူးစိတ်နဲ့ ချစ်စုမကို ယုံစားပြီး (ငါ ချစ်စုမကို ယူမယ်-ငါ ဘ၀သစ်ထူထောင်မယ်) မင်းတို့ အိမ်ပေါ်က ဆင်းတယ်.။ ဆိုပြီး ရန်ကုန်သို့ အပြီးအပိုင် ထွက်ခဲ့ပါတယ်။
ကျွန်တော် ခရီးထွက်မယ့် နေရာ၊ လိပ်စာ၊ ဖုန်းနံပါတ်တွေကို ချစ်စုမထံ ပေးထားခဲ့ပါတယ်။ ကျွန်တော် နေရေး၊ ထိုင်ရေး အဆင်ပြေရင် ချစ်စုမကိုပြန်ပြီး လာခေါ်မယ်ပေါ့။ ဒါပေမယ့် ကျွန်တော့် ဘ၀သစ်စီမံကိန်းကို ဖျက်သူက ချစ်စုမ ပါပဲ။ ကျွန်တော့်ရဲ့ ချစ်ခရီး မျှော်လင့်ချက်တွေကို ချိုချိုလေးနဲ့ အချိုသတ်ပြီး အိမ်ကိုပြန်လာခဲ့ဖို့ ခေါ်တာလဲ သူမပါပဲ။ ချစ်စုမကို အားကိုးပြီး မြေလတ်မြို့ကို ကျွန်တော်ပြန်လာခဲ့မိပါတယ်။ စိန်ခေါ်၍ ထားခဲ့တဲ့ မိသားစုထံကို ခေါင်းငိုက်စိုက်နဲ့ ကျွန်တော်ပြန်ဝင်လာခဲ့ရပါတယ်။( ငါ- ကောင်းကောင်း နေပါတော့မယ်၊ မင်းတို့ မိသားစု မကြိုက်တာတွေ မလုပ်တော့ပါဘူး။) ချစ်စုမ အားကိုးနဲ့ တဖက်မိသားစုကို ၀န်ခံဂတိတွေ ခပ်တည်တည်နဲ့ ယုံအောင်ပေးခဲ့ရပါတယ်။ အဲ ယခုတော့ ချစ်စုမက ( ဒီစာတွေကို နောက်ဆုံးပေးထားခဲ့ပြီး) သူ့ကောင်လေး ၀င်းမင်းနဲ့ တယုတယ ခါးကို ဖက်ပြပြီး စက်ဘီး တစ်စီးနဲ့ တွဲပြနေပြန်ပါပြီ…။ လူကြီးဝိုင်း ထိုင်နေကြတဲ့ လက်ဘက်ရည်ဆိုင်မှာ ဆိုတော့လဲ ကျွန်တော် သိက္ခာ ကျမသွားအောင် လူကြီး ရှက်တော့ နည်းနည်းလေး ရယ်လိုက်ရပါတယ်။ ရင်ထဲကတော့ နေမသိ၊ ထိုင်မသာနဲ့ ဘလောင် ဆူဝေနေအောင် ခံစားလိုက်ရပါတယ်လေ…..။ ကြည့်ကြစမ်းပါ-- ချစ်စုမရဲ့ စာတွေနဲ့ လုပ်ရပ် ဘယ်လောက် ပါစင်အောင် ကွာခြားနေပါပြီလဲ..။

သို့
ကျမ အရမ်းချစ်ရတဲ့ ဦးရယ်….
အဲဒီအတွက် သတ္တိတွေ အများကြီး ရှိနေပါပြီ။ အိမ်အတွက် သမီးနဲ့ တန်တဲ့ အချိန်တစ်ခုကို ပေးဆပ်ဖို့ စောင့်နေရတာ ဦးမှ မဟုတ်ပါဘူး။ သမီးလည်း မစောင့်ချင်တော့ဘူး။ အရမ်းခံစားရပါတယ်။ ညပိုင်း အလုပ်ဆင်းရင် ဦးကို မြင်သာနေရတယ် သေချာလည်း မကြည့်ရဲဘူး၊ စကားလည်း မပြောရဘူး၊ ခံရ သိပ်ခက်ပါတယ်။ မနက်ပိုင်း အလုပ်ထဲကို ရောက်တော့လည်း မျက်နှာလေး မြင်ချင်လို့ ရှာရတာ အမောပါဘဲ၊ အောက်ထပ်က ဘုရားခန်းမှာ ဘုရားရှိခိုးလို့ မရဘူးလား ဦးရယ်။ (၂၀) ရက်နေ့ကလည်း မမြင်ရဘူး။ နောက်နေ့မှာ အနောက်က အလုပ်ရုံ ဖွင့်ပြီးတော့လည်း ဦးက တော်တော်နဲ့ပေါ်မလာ မျှော်ရတာ ကြာတော့ စိတ်ထိခိုက်လာတယ်။ ထွက်ပေါက် တစ်ခုကတော့ ငိုလိုက်မိတာပါပဲဦးရယ်။ ဘေးက “မထက်“ မြင်သွားတော့ အပြောခံရတယ်။ သူမမြင်အောင် ကြိတ်ပြီး ငိုရတာလဲ ပင်ပမ်းလှပါတယ်။ ဦးရောက်လာလို့ ၀မ်းသာမိတဲ့ မျက်နှာကိုလည်း ”မထက်“က မကြည်ဘူး၊ အလုပ်က ထွက်သွားရင်လည်း ဦးနဲ့ ပိုပြီး ဝေးသွားရမှာ။ အဲဒီအခါကျရင်.. ဦးက သမီးကို မေ့သွားမှာပါ။ ညပိုင်း စိတ်ထိခိုက်လို့ အလုပ်က နားမယ်သာ ပြောရတာ ဦးနဲ့ တွေ့ရတာ နည်းလေ..သမီးကို မေ့သွားလေ ဖြစ်သွားမှာ စိုးရတယ်။စိတ်မချဘူး ဦးရယ်..။ ဦးနဲ့ အတူ သမီးတွဲပြီး အလုပ် လုပ်ရအောင် စီစဉ် ပေးပါအုံး။ ဘယ်နည်းနဲ့မှ ဦးနဲ့ အဝေး မခံနိုင်ဘူးနော်---နော်။
သမီးဘက်က စောင့်ရမယ့် အချိန်အခါ တစ်ခု ပြီးသွားခဲ့ရင် အဆင်သင့်ပါပဲ။ ဦးဘက်ကသာ မိသားစုနဲ့ တကယ်ပြတ်နိုင်သလား။ သမီးနဲ့ အတူ နေပြီးမှ ပြန်သွားခဲ့ရင် အချစ်တွေ ရိုးသွားလို့ ကုန်သွားလို့ ထားခဲ့ရင် သမီး ဒုက္ခ ရောက်မှာ။ ယခု အချိန်ရှိတုန်း သေချာ စဉ်းစားပြီး အဖြေတစ်ခု ပေးပါနော်။ သမီးဘက်က အများကြီး စဉ်းစားရင်း တွေးရင်း စိုးရိမ်နေမိပါတယ်။ တော်ပါပြီ ဦးရဲ့ မွေးနေ့မှာ စိတ်ညစ်စရာတွေကို တွေးမနေပါနဲ့တော့နော်--။ မွေးနေ့ လက်ဆောင် အဖြေပေးလိုက်ပါတယ် ဦးရယ်…။
(၁။ သော့ခတ်- အသဲပုံ စာအုပ်လေး။ နိမိတ် မကောင်းလိုက်တာ ချစ်စုမရယ်…။)
၂။ ဦးရဲ့ ဘယ်ဘက်ပါး ပေါ်က အနမ်းပွင့်လေးတွေ…..၊
၃။ ခိုင်မာတဲ့ သမီးဘက်က ဦးကို ယူဖို့ ဆုံးဖြတ်ချက်များ………….
နံပါတ်(၂)….အတွက်က ယခုမှ မဟုတ်ပါဘူး…..။ (၁၃-၄-၂၀၀၀ နေ့က) စပြီး ယနေ့အထိ နေ့စဉ် မပြတ် မက်မောစွာနဲ့ စိတ်ကူးနဲ့ရော၊ လက်တွေ့ရော ပေးပြီး ဖြေပြီး နေရတာပါ။ အဲဒီ ပြင်းထန်တဲ့ သမီးရဲ့ စိတ်ကူးဆန္ဒ အချစ်စိတ်တွေဟာ ဦးဆီကိုလည်း ထာဝရ အမြဲရောက်နေမှာ သေချာပါတယ်-ဦးရယ်-------နော်။ (၁၃)ရက်၊ ၁၃။ ဂဏန်းဟာ ဦးနဲ့ သမီးတို့ရဲ့ အမှတ်တရ ဂဏန်းလေးပါ။ သမီးကို ခွဲခွာပြီး ရန်ကုန်ကို ဦးထွက်သွားတဲ့ နေ့ဟာလည်း (၁၃)ရက်ပါပဲ။ ၀မ်းနည်းကြေကွဲမှုတွေ ပေးခဲ့တာလည်း (၁၃)ရက်ပါ။ သမီးလေ ဦးနဲ့ နှစ်ယောက်ထဲ စကားတွေ အများကြီး ပြောချင်တယ်။ ယခု ဖြစ်နေတဲ့ ကိစ္စတိုင်းအတွက် ဦးရဲ့ မိသားစုနဲ့ အန်တီတို့ မတရားဘူး….။ အန်တီက ဦးရဲ့ ပါးကို ရိုက်တာ သမီး မကြည့်ရက်၊ မကြားရက်လို့ပါ။ ယခု သမီးတို့ နေပူထဲက ဖြတ်လျှောက်ပြီးရင် (သမီးနဲ့ ဦးအတွက် နေရိပ်ကလေး တစ်ခုတော့) ရှိမှာ တွေ့မှာပါ ဦးရယ်…..နော်။( ဒီစာကို ရေးရတိုင်း ရေးနေတာ မဟုတ်ပါဘူး။ သမီးရဲ့ ဆန္ဒတွေကို မမျိုသိပ်နိုင်လို့ပါ။ ဦးရဲ့ ရင်ထဲ နှလုံးထဲမှာ ထင်မြင်လာအောင် ဖတ်ပေးပါ….ဦးရယ်။)
ဦးရဲ့ ရင်ခွင်ကိုမျှော်နေလျှက်(ချစ်စုမ)
၂၂-၅-၂၀၀၀ ည (၂း၃၀)

အထက်က စာရော၊ အောက်မှာ ဆက်ပြီး ဖော်ပြတဲ့ စာတွေဟာ ကျွန်တော် ရန်ကုန်မှ ပြန်ပြီး ရောက်စဉ် ကာလ ချစ်စုမ ကိုယ်တိုင် ပေးထားခဲ့တာပါ။

သို့/
ဦးရေ--ကျမ ပြောလို့ ခေါ်တဲ့အတိုင်း ပြန်လာတာ ၀မ်းသာရပါတယ်။ မိဘတွေအတွက် (၃)နှစ်စောင့်ပေးမယ်ဆိုတာရယ်၊ ဦးက သဘောထားကြီးစွာ နားလည်မှု ပေးတဲ့အတွက် ကျမ သီးခံပြီး ချစ်ရကြိုးနပ်ပါတယ်။ ကျေးဇူးလည်း တင်ပါတယ်။ ကျွန်မလည်း လိမ္မာပြီး သိက္ခာရှိအောင် နေတော့မှာပါ။ ကျမက အချစ်ဦး-အချစ်ဆုံးနဲ့ ဘ၀ရဲ့ ပထမဆုံးလူ..ဦးရှိနေတဲ့အတွက် အရာရာကို ဆင်ခြင်ပါ့မယ်။……..။
ဦးဘက်ကလည်း မိသားစုကိုတာဝန်ကျေအောင် နေပေးလိုက်ပါ။ သမီးတို့ နှစ်ယောက်လုံးအတွက်လည်း စုဆောင်းချိန်ရတာပေါ့။ စိတ်ချမ်းသာ ကိုယ်ချမ်းသာ နေနိုင်အောင်နေပါ၊ ကျမအတွက် ဦး အသက်အများကြီး ရှည်ပေးရအုံးမှာနော်….။ ရန်ကုန်က ရောက်တဲ့အချိန်ကစပြီး နေ့ခင်းဘက် အိပ်ရေးဝအောင် အိပ်ပေးပါ။ အပူပြင်းတယ်။ အပြင်ကို သိပ်မထွက်ပါနဲ့။ ရေချိုးဆင်ခြင်ပါ။ ညပိုင်းမှာ စောအိပ်တဲ့ အကျင့်လေး လုပ်ပေးပါ။ မနက်ကြီး ဘုရားမသွားပါနဲ့။ အိမ်မှာပဲ တရားထိုင် ပုတီးစိတ်ပါ။ဦးရဲ့ မိသားစုက သံသယ ကင်းတာပေါ့။ ကျွန်မကိုလည်း ယုံကြည် စိတ်ချပါ။ အရာရာအတွက် စိတ်မပူပါနဲ့၊ ဦးပင်ပမ်းမှာ စိုးလို့ပါ။(အောင်မြင်မှုနဲ့ လိုအင်ဆန္ဒ တစ်ခုကို လိုချင်ရင် အချိန်အခါနဲ့ အတိုင်းအတာကို သင့်လျော်တဲ့ အချိန် သင့်လျော်တဲ့အခါ သုံးစွဲမှ ဆန္ဒတွေ ပြည့်နိုင်မှာပါ) အချိန်တစ်ခုကို အသုံးတည့်ဖို့ ငြိမ်သက်နေကြရင်း ရင်ခုန်စွာ စောင့်ကြဖို့ ထာဝရ အဖော်အဖြစ်နေရပါရစေ ဦးရယ်…..။
(ချစ်စုမ) ၁၈-၅-၂၀၀၀ ည ၁း၀၀

(၆)
စာရေးဆရာ တရားသူကြီးနှင့် ဦးရွှေဝင်းတို့ အပြန်အလှန် အမေးအဖြေ လုပ်နေသည်မှာ အချိန်အတော်ကြာသွားပေပြီ။ ပြင်ပ ရာသီဥတုမှာလည်း မိုးက မစဲ…ရွာမြဲ ရွာလျှက်။ လျှပ်စီးတွေကလည်း တ၀င်းဝင်း တလက်လက်နဲ့။ မိုးကြိုးထစ်သံ တွေကလည်း တဒုံးဒုံး တဒိုင်းဒိုင်း၊ မိုးသက်လေကလည်း တချက်တချက် ပင့်၍ တိုက်နေပါ၏။ ဦးရွှေဝင်းမှာ ( ကျောက်ဆစ်ရုပ်ကြီးကဲ့သို့) ငူငူငိုင်ငိုင်ဖြင့် မိုးတွေ လေတွေကို ငေးကြည့်နေပေသည်။ မျက်ရည်တွေကလည်း မိုးရေ ၊ မိုးပေါက်တွေနဲ့ အပြိုင်၊ သူ၏ မျက်နှာပေါ်ဝယ် တဖြိုင်ဖြိုင်စီးလျှက်.. ကျဆင်းနေလျှက်ပါ။ စာရေးဆရာလည်း ဆေးလိပ်ကို ဖွာပြီး နောက်ဖေးသို့ ထွက်လာ၏။ အိမ်သာသို့ ခဏတက်နေသည်။ ဧည့်ခန်းသို့ ပြန်၍ ၀င်လိုက်သောအခါ ..ဦးရွှေဝင်း မရှိတော့ပါ။ အိမ်အောက်က ဆိုင်ကယ်လည်း မတွေ့ပါ။ ထွက်သွားတဲ့ ဆိုင်ကယ် စက်သံလည်း လုံးဝ မကြားလိုက်မိပါ။ ၀န်းခြံ၏ တံခါးမကြီးဆီ လှမ်း၍ ကြည့်သော်လည်း ပိတ်လျှက်သား……။
“““(ဟာကွာ ဒီလူ လာတုံးကလည်း ခွင့်မတောင်းဘဲ ၀င်လာခဲ့တယ်။ ပြန်တော့လည်း ခွင့်မတောင်းဘဲ တိတ်တဆိတ် ကိုယ်ပျောက်ဝိဇ္ဖာလို ပြန်သွားတယ်…)”” စာရေးဆရာ တဖြစ်ဖြစ်တောက်တောက်ငြီးတွားနေရင်း စားပွဲပေါ်သို့ လှမ်း၍ ကြည့်လိုက်မိပါ၏။ ဦးရွှေဝင်းချပြသွားသော မိသားစု ဓာတ်ပုံတစ်ပုံနှင့် အတူ သူ၏ ဒိုင်ယာရီ စာအုပ်ကို တွေ့ရပါသည်။ ချစ်စုမ၏ ဓါတ်ပုံနှင့် စာများကိုတော့ သူပြန်၍ ယူသွားတာ သေချာပေပြီ။ ဦးရွှေဝင်း၏ (၂၀၀၃)ခုနှစ် ဒိုင်ယာရီမှ နောက်ဆုံး စာမျက်နှာကို တရွက်ချင်းလှန်၍ ကြည့်လိုက်မိ ပါသည်….။
(၁၃-၄-၂၀၀၃)နေ့သည် ကျွန်တော်နှင့် ချစ်စုမတို့ အချစ်ကြီးချစ်၍ အဝေးကြီးဖြစ်အောင် ခွဲခွာနေခဲ့ကြသည်မှာ (၃)နှစ်တင်းတင်း ပြည့်ပါတော့မည်။ တစ်မြို့တည်း အတူနေကြပြီး ဝေးအောင် မတွေ့ကြရအောင် မာယာပေါင်းများစွာဖြင့် ဂတိတွေဖျက် သစ္စာပျက်၍ တိမ်းရှောင်နေသူမှာ ချစ်စုမ တစ်ယောက်ပါ။ အချစ်ကြီးသူ ကျွန်တော်…အချစ်ရာဇ၀င် ကြွေးတောင်းရန် ချစ်စုမထံသို့ ဤစာတစ်စောင်ကို ရေးသား ထားခဲ့ပါသည်။

သို့
အငယ်လေး ချစ်စုမရေ

မင်းလေးနဲ့ ဦးတို့ ဘယ်လောက်ချစ်ခဲ့ကြပြီး ဘယ်လို ဂတိတွေ ထားခဲ့ ပေးခဲ့ကြတယ်ဆိုတာကို ဒို့နှစ်ယောက်ကလွဲပြီး ဘယ်သူတွေ ပိုသိနိုင်ကြမည်လဲ--။ရာဇ၀င်ဟောင်းထဲမှာ ရွှေရုပ်ကလေးကို လိုချင်တပ်မက်နေရှာတဲ့.. ကလေးငယ်ကိုသာ ဘကြီးအောင်ဆိုတဲ့ လူကြီးက လိမ်ညာခဲ့တာပါ။ ယခု ရာဇ၀င် အသစ်ထဲမှာတော့ ဦးဇရာအိုကြီးကို ကညာပျို နုနုလှလှလေးက တွတ်တီး တွတ်တာ အညုအခရာတွေနဲ့ အတွေ့အထိ သာယာမှု၊ (မြက်နုကလေးကို ကျွေးပြီး) အချစ်နှာခေါင်းကြိုးထိုး၊ လိမ်ညာ၍ ထားခဲ့ပေပြီ။ မရှက်တမ်း ဦးဝန်ခံပါရစေတော့။ ဦးရဲ့ ဘ၀တစ်သက်သာမှာ ကြည်နူး သာယာမှု အပြည့်အ၀ ပေးနိုင်သူဟာ ချစ်စုမပါ ဦးတဏှာရူးကြီးလို့တော့ မထင်လိုက်ပါနဲ့။ ကာမတဏှာနဲ့ အချစ်ဟာ တခြားစီပါ။ ကာမတဏှာကို ငွေနဲ့ ၀ယ်လို့ရပါတယ်။ ကြည်နူးသာယာမှု အပြည့်အ၀နဲ့ ချိုမြိန်နေတဲ့ အချစ်ကို ဘ၀နဲ့ ရင်း၍ စတေး၍ ရှာဖွေလို့ တွေ့ခဲ့ရပါတယ်။… ချစ်စုမရယ်။
ချစ်စုမနဲ့ ဦးတို့ရဲ့ ဘ၀ နှစ်ခုလုံးကို ရင်းပြီးစတေးပြီး စိတ်တူကိုယ်တူ ချစ်ခဲ့ကြတာပါ။ ဒါပေမယ့် ပတ်ဝန်းကျင်နဲ့ မိဘကို ငဲ့ကွက်ပြီး ချစ်စုမက ဦးကို ရှောင်ခွာသွားပြီ မဟုတ်လား။ ရပါတယ် ချစ်စုမရယ်…။ မိန်းမတို့ရဲ့ အချစ်ဆိုတာ (တိမ်ခိုးကို မီးခိုးကို လက်ထဲမှာ ဖမ်းဆုတ်ထားလို့ မရသလိုပါဘဲ။) ဆိုတဲ့ သီချင်းလိုပဲ.. သဘောထားပြီး ဖြေသာနေပါတော့မယ်---ကလေးရယ်။ ချစ်စုမကို သိပ်ချစ်ပြီး ခံစားနေရတဲ့ ချစ်စိတ်တွေကိုသာ နေသာအောင် ဖြေနေရတာ။ လိမ်ညာသွားတဲ့ မင်းကိုတော့ ဆယ်ကမ္ဘာ မကြေပါ။ ဦးကို မင်းက ရူးအောင်လုပ်သွားတာလား ချစ်စုမရယ်။ င့ါမှာ ပတ်ဝန်းကျင်က ဘယ်လိုပဲပြောပြော တားတား၊ ချစ်တဲ့စိတ်နဲ့ နားကိုပိတ် ၊ မျက်စိကို မှိတ်ပြီး ချစ်ခဲ့မိတာ အမှန်ပါ (င့ါသမီးက ဆိုရင်ကို အဖေ့ကို ရင့်ရင့်သီးသီးအပြောခံခဲ့ရတယ်..။) အဖေက ဘာလူကြီး၊လူကောင်းလည်း၊ အဖေ ဘယ်လောက်ပဲ တရားတွေထိုင်ထိုင် ၊ ပုတီးစိပ်စိပ် ဘာမှ ဖြစ်လာမှာ မဟုတ်ပါဘူး။ သူများတွေက ကြောင်သူတော် ကြွက်သူခိုးကြီးလို့ လက်ညိုးထိုး ခံရတော့မယ်….။ အဖေ့အစား သမီး သိပ်ရှက်တယ်သိလား။ သမီးထက် အသက်ငယ်တဲ့ ချစ်စုမကို မိထွေးတော်ပြီး အမေလို့ မခေါ်နိုင်ဘူး…အဖေရေ၊ ဒီကောင်မက သိပ်ပြီး မာယာများတယ်..ချော့လို့မှ မရရင်တော့ ကြမ်းရမှာပဲ၊ အဖေကလည်း နောက်မဆုတ်ဘူးဆိုရင် သူ့မိဘတွေကို သိအောင် သွားပြောမယ်) ဆိုလို့ ချစ်စုမအတွက် သိက္ခာမကျစေရအောင် ဦး ခေတ္တ ရှောင်နေခဲ့ပါတယ်။ နေ့စဉ် ရှောက်ပေါင်း အရက်သောက်ပြီး ဦးအချစ်မူး မူးပြီး စားမ၀င် အိပ်မပျော် လူးနေအောင် ခံစားခဲပါတယ်။
ချစ်စုမရေ…….မင်းကတော့ မိဘဆွေမျိုးတွေကို ငဲ့ညှာ သနားစိတ်နဲ့ သူတော်ကောင်းမလေး လုပ်သွားတယ်နော်၊ ကျန်ခဲ့တဲ့ င့ါမှာတော့ လူယုတ်မာကြီးကို လုံးလုံးဖြစ်နေပါပြီ။ ပတ်ဝန်းကျင်က သိတဲ့ လူတွေကလည်း င့ါကို မြင်ကြတာနဲ့ လက်တို့ပြီး အတင်းပြောကြ၊ နာခေါင်းရှုံကြတာ ခံနေရပြီ မိသားစုကလည်း ယုံကြည်မှုမရှိ၊ မလေးမစားလုပ်၍ ၀ိုင်းပယ်ထားကြပါတယ်။ အလုပ်သမားကောင်မလေးတွေကဆိုရင် ဦးကို ကြောက်တယ်၊ ယုံရတာ မဟုတ်ဘူးတဲ့။ (င့ါဘ၀မှာ တစ်သက်လုံး စောင့်ထိန်းလာရတဲ့ သိက္ခာတွေကို ချစ်စုမက အကုန်ခွာယူသွားပါပြီ။) မင်းရဲ့ လူယုံတော် ”မထက်“က ပြောပါသေးတယ်။ ဦး သူ့ကို မေ့လိုက်ပါ။ အကျင့်မကောင်းတဲ့ ကလေးမပါ၊ ရည်းစားကလည်း များ၊ တွေ့တဲ့လူနဲ့ တွဲနေတာ။ ဦးကို စားရလို့ချူစားနေတာပါ၊ အရင်တခါတုံးကလလည်း (ဦးလိုပဲ) တစ်ယောက်ရှိခဲ့ဘူးသတဲ့။ သူ့ထက်သာတာ တစ်ယောက်ကို အစားထိုးလိုက်ပါ လားတဲ့။ ဦးကို ချစ်ဟန်ဆောင်နေတာ..။တကယ်တော့ ဦးကို သူကလက်စားချေနေတာပါ။ ချစ်စုမ အလုပ်ဝင်တုန်းက ဦးပြောတဲ့စကား (င့ါမိန်းမကို မအော်ရဘူး၊ ပြန်မပြောရဘူး) ဆိုတာကို လက်စားချေတာပဲတဲ့…။ချစ်စုမရေ ပတ်ဝန်းကျင်ဆိုတာ ဒီလိုပဲ မီးလောင်ရာကို လေပင့်ကြစမြဲပါ။ အားလုံးကို စိန်ခေါ်လိုက်ပါတယ် ချစ်စုမ ဘယ်ဘ၀ ရောက်ရောက် ချစ်နေမယ်။ ချစ်စုမကို ငါ မရ၊ ရအောင် ယူပြမယ်။ အချိန်က သက်သေ ပြလိမ့်မယ်။ စောင့်သာ ကြည့်နေကြပေတော့လို့ ပြောပြီး ကြိမ်းဝါးလိုက်မိပါတယ်။ ယခုတော့ ချစ်စုမ အားကိုးနဲ့ ယုံစားမိပြီး ပတ်ဝန်းကျင်ကိုရော ၊ မိသားစုကိုရော စိန်ခေါ်ခဲ့တဲ့ (ငါ ဇရာအိုကြီး၊ တကိုယ်တည်း အရှက်ကွဲလို့ ဝေးရာဆီသို့) ထွက်ပြေးရပါတော့မယ် ကလေးရယ်။ ဘာကိုမှ အလေးမထား အချစ်ကို ကလေးကစားသလို သဘောပေါက် ရည်းစားတွေလည်း ဟောတစ်ယောက်၊ ဟောတစ်ယောက်ဆက်ပြီး ထားနိုင်ပါစေ ချစ်စုမရေ.။ အချစ်ဆိုတာ စွန့်လွှတ်ခြင်း မဟုတ်ပါ ချစ်စုမ။ ဦးကို အချစ်အတ္တ လူမိုက်ကြီးပါလို့ ထင်ချင်ရင် ထင်ကြပါစေ၊ အဲ နင်ဆိုတဲ့ ချစ်စုမ လင်ယူပြီ ဆိုရင်တော့ ဦးကို သတိရ တမ်းတလိုက်ပါနော်…ဦး ဘယ်နေရာ၊ ဘယ်ဌာနကို ရောက်ရောက် ချစ်စုမရဲ့ နောက်က အရိပ်လို လိုက်လာပြီး ထာဝရ ချစ်လိပ်ပြာလေး ဖြစ်နေပါရစေတော့ ကလေးရယ်…..နော်။
ဦးကို မုန်းမေ့သွားပြီး ချစ်စုမက ပြစ်ပြေးထားခဲ့ရင်တော့ လုံးဝ လက်ခံမှ မဟုတ်ပါ။ ဦးနဲ့ချစ်စုမတို့ သစ္စာပြုထားခဲ့ကြတဲ့(ရာဇမုနိ ဆုတောင်းပြည့် ဘုရား) စူးခံရလိမ့်မယ်နော်။ ကံတရားကြောင့် ဦး သက်တမ်းပြည့် မနေခဲ့ရရင်တောင် တမလွန်ဘ၀မှ အချစ်မာနလေးနဲ့ မျှားကို ရင်ဝယ်ပိုက်ပြီး ချစ်စုမ လာရာ လမ်းကို မှန်းမျှော်လို့ စောင့်နေပါရစေတော့ ---အငယ်လေးရေ…………..။

“အချစ်စစ်ပွဲ စိန်ခေါ်စာတမ်း”

(၅၀)နှစ် ဇရာအို ကညာပျို
လှည့်စား၍ အသဲခွဲသွား
မင်းလေးက ရည်းစားငါးဆယ်
ကျော်ရင်ကျော်မယ် အရယ်က မပျက်ပါ။

နှစ်(၅၀) ဇရာအို ဘ၀မှာ မင်းလေးသာ နံပါတ်တစ်ဆိုရင်
နွားအို မြက်နုကြိုက်တယ်လို့ လက်တို့ကြမှာ အမှန်..။

အချစ်ဆို မအိုပေမယ့် အလည်လွန် နယ်ကျွံရင် နဂိုနေမဖြစ်
အရွယ်၊ ဂုဏ်သိက္ခာကို နွံမှာနှစ်ထားခဲ့
မိသားစု ဘ၀တွေ စတေးထား ကလေးကလား ယုံစားပြီး ချစ်ခဲ့မိ..။

ယခုတော့လည်း ဖြစ်ချင်ရာဖြစ် လူကြီးကို ကြောင်နဲ့ တို့သွားတဲ့
မင်းကလေးလို မိန်းမစားကို ရာဇ၀င်ကြေသော်လည်း ဥဒါန်းမကြေပါ။
ပျံလေတဲ့ ငှက်ခါးမလေး နားခါမှ သိစေရမယ်
ဖွဟဲ့လွဲပါစေ ငါမနေရလို့ သေသွားခဲ့ရင်
င့ါစာတွေနဲ့ နင်တို့ကို……. လက်စားချေနိုင်ပါစေ။


(အငယ်လေးကို..ချစ်ခဲ့မိလို့..နံပါတ်(၃)ဇာတ်သိမ်းပိုင်း..ဖေါ်ပြပေးပါဦးမည်။)

ရွှေလမ်းငွေလမ်းဝင်းကြည်

မေတ္တာရပ်ခံချက်။ ။အရေးအသားကြမ်းတမ်းနေခြင်းနှင့် တိုက်ဆိုင်မှုဖြစ်ပေါ်နေခဲ့ပါလျှင်..နားလည်ခွင့်လွှတ်ပေးကြပါရန်၊
(၁၇-၁၀-၂၀၀၅) လပြည့်နေ့၊ ည(၂)နာရီ

Penulis : shwelannwelanwinkyi ~ Sebuah blog yang menyediakan berbagai macam informasi

Artikel အငယ်လေးကို ချစ်ခဲ့မိလို့ (၂) ini dipublish oleh shwelannwelanwinkyi pada hari Sunday, May 24, 2009. Semoga artikel ini dapat bermanfaat.Terimakasih atas kunjungan Anda silahkan tinggalkan komentar.sudah ada 0 komentar: di postingan အငယ်လေးကို ချစ်ခဲ့မိလို့ (၂)
 

0 comments: