``မကွေးမြို့ မြေလတ်ဒေသဆီအိုးကြီး မှ ပထမဆုံးအကြိမ် (နှမ်းဆီ)ကို နိုင်ငံခြားသို့တင်ပို့ပြီ´´
မြန်မာပြည်တွင် မကွေးမြို့မြေလတ်ဒေသကို မြန်မာပြည်၏ဆီအိုးကြီးအဖြစ် တင်စားခေါ်ဆိုကြသည်။ မြေပဲ နှင့်နှမ်းစိုက်ပျိုးသော ယာမြေဧကအများဆုံးဒေသဖြစ်၍ မြေပဲဆီနှင့် နှမ်းဆီအများဆုံးထုတ်လုပ်သော တိုင်းဒေကြီးဖြစ်သည်။ မကွေးမြို့တွင်(မဆလ) ခေတ် မှ ယနေ့အထိအကြီးကျယ်ဆုံးဆီစက်မှာ မကွေးတိုင်းသမအသင်းစု ၏ တစ်နေ့လျှင် ကုန်ကြမ်းတန်(၃၀)ကျ ထုတ်လုပ်နိုင်သော စက်ရုံကြီးဖြစ်ကြောင်း၊၎င်း စက်ရုံသည် မကွေးမြို့နှင့် (၂)မိုင်ဝေးသော တောင်တွင်းကြီးမြို့အထွက်လမ်း သန်းတောကုန်းရွာအနီးမှာ တည်ရှိကြောင်း၊ ထိုဒေသရှိ တောင်သူများ၏ ယာမြေဧက ပေါင်း(၇၂.၂) ဧက ကိုသိမ်းယူ၍ တည်ဆောက်ခဲ့သည်ဆိုကြ၏။ အဆိုပါ တန်(၃၀) ကျဆီစက်ကြီးကို မဆလ ခေတ်ကာလ (၄-၁၁-၁၉၈၄) ခုနှစ်က စတင်တည်ဆောက်ခဲ့ပြီး (၁၁-၁-၁၉၈၆) မှာပြီးစီးပြီး (၁၈-၄-၁၉၈၆) ခုနှစ်မှာ စတင်လည်ပါတ်၍ အသုံးပြုနိုင်ခဲ့ကြောင်း။ အများပြည်သူ အစုထည့်ဝင်ငွေကျပ် သန်းပေါင်း(၆.၀)သန်း၊ ဘဏ်ချေးငွေများမှာ ငွေကျပ်(၇.၂)သန်း ကို အာရှဖွံ့ဖြိုးရေးဘဏ် ချေးငွေကျပ် (၃.၅)သန်း ၊ မြန်မာ့စီးပွားရေးဘဏ် ချေးငွေကျပ် (၃.၇)သန်း ချေးယူ၍ တည်ဆောက်ခဲ့ပြီး တန်(၃၀)ကျ ဆီစက်ကြီး၏ ထို(မဆလ)ခေတ် အချိန်ကာလတန်ဘိုးငွေကျပ် (၁၃.၂) သန်းကုန်ကျကြောင်း၊ စက်အမျိုးအစားမှာ ရိုး(စ်)ဒေါင်း (အင်္ဂလန်) ကြိန်ဆုံ(၂)လုံး၊ မြင်းကောင်ရေ(၁၇၈-HP)၊ မော်တာပေါင်း(၂၂)လုံး၊ အသုံးပြုသော ဘွိုင်လာထိုးလောင်စာဆီများမှာ ယခင်က ဒီဇယ်ဆီ၊ဗြူးတိန်းဓာတ်ငွေ့၊ ပရိုတိန်းဓာတ်ငွေများအသုံးပြုနိုင်သော်လည်း ယခုအခါ မြေပဲခွန်များဖြင့်အသုံးပြုနေကြောင်း၊ ယခင်က ဒီဇယ်ဆီအစား ယခုအခါ လျှပ်စစ်မီးဒရမ်စမာ(၃၀၀-KYA) တပ်ဆင်၍ လျှပ်စစ်ယူနစ်ပေါင်း(၁၁၀) သုံးစွဲကြောင်း၊ တန်(၃၀)ဆီစက်ကြီးမှာ အားလုံး မော်တာ(Drive) ဖြစ်ပြီး လူလုပ်အားအသုံးပြုမှုနည်းပါးကြောင်း၊အခြားသော ဆီစက်များနှင့်မတူဘဲ မြေပဲဆံများကို တစ်ပြန်တည်း ကြိတ်ရုံဖြင့် ဆီထွက်ကြောင်း၊ စက်ရုံဖွင့်ပြီး ယခင်က တစ်နေ့လျှင်ကုန်ကြမ်းတန် (၃၀)ကျသော်လည်း ယခုအခါ တစ်ရက်လျှင် မြေပဲဆံ(၃၈၂၅)ပိဿာ တန်ချိန်(၆.၂၅) တန်သာ ကြိတ်ခွဲနိုင်တော့သည် ဟု စက်ရုံမန်နေဂျာရုံး ခန်းရှိ မှတ်တမ်းတွင်ဖော်ပြထားသည်။
မကွေးတိုင်း သမ၀ါယမအသင်းစု မှ အဆိုပါစက်ရုံအား (၂၀၁၁) နှစ်မှစ၍ မကွေးမြို့ မြေလတ်သား အထွေထွေ စီးပွားရေးလုပ်ငန်း သမ၀ါယမအသင်း( မှတ်ပုံတင်အမှတ်-၈-၂၃၆၁/ထစ မကွေး-၉-၁၁-၂၀၁၁) သို့ လွဲပြောင်း လုပ်ကိုင်ရန် ငှါးရမ်းထားကြောင်း၊ အဆိုပါစက်ရုံမှ နှမ်းဆီကို နိုင်ငံခြား(အင်စပို့စ်) ၀ယ်လက်အော်ဒါဖြင့် စပယ်ရှယ်ကြိတ်၍ ဆီတန်ချိန်(၁၈)တန်ကို တရုပ်နိုင်ငံသို့ ပို့ရန် ကွန်တိတ်နာကားဖြင့် တင်နေကြောင်း ဇွန်(၂၈) နေ့တွင် သတင်းရရှိသည်။ ဆီတင်ရန်စစ်ဆေးဆောင်ရွက်သူ ဦးစိုးထွဋ်အောင် မေးမြန်းရာ…
``ကွန်တိတ်နာကို စတင်သန့်စင်ရပါတယ်။ သန့်စင်ပြီးတာနဲ့ လိုင်နာပြား စက္ကူပြားတွေကိုကပ်ပါတယ်။ အဲဒါပြီးမှ ဆီထည့်ဖို့ ကွန်တိန်နာ ပေ(၂၀)နဲ့အကိုက် နိုင်ငံခြားကလာတဲ့ ပလပ်စတစ်အိပ်အရှည်ကြီး (ပလက်တီပိတ်)လို့ခေါ်တယ်။ သူ့အပေါ်မှာ ဆီထည့်တဲ့အပေါက်ပါတယ်။ အဲဒီထဲကို မော်တာပန့်နဲ့ဆီမောင်းထည့်မှာပါ။ အဲ ဆီမတင်ခင်မှာ ကွန်တိန်နာကို ပြင်ဆင်ပြီးတာနဲ့ ကားကို လမ်းတိုးဂိတ်က ကတ္တားမှာတင်ပြီးချိန်ထားရပါတယ်။ နောက်ဆီထည့်ပြီးလည်း ကတ္တားတင်ပြီး ပြန်ချိန်ပါတယ်။ ယခု ကွန်တိန်နာကို နှမ်းဆီ(၁၈)တန်တင်မှာပါ။ ဒီနှမ်းဆီက အခြားနှမ်းဆီနဲ့ မတူပါဘူး။ နှမ်းကို လျော်ပြီးမှ ကြိတ်ထားတာပါ။ တရုပ်ပြည်က ၀ယ်လက်ပါ။ သူကိုယ်တိုင် နှမ်းဆီရဲ့ (အရည်အသွေး)ကွာလတီကို လာရောက်စစ်ဆေး လက်ခံသွားပြီးပါပြီ။ မကွေးမြို့ မြေလတ်သား ကုမ္ပဏီက တန်(၃၀)ဆီစက်ကြီးနဲ့ ထုတ်လုပ်တဲ့ နှမ်းဆီ (၁၈)တန်ကို ဒါ ပထမဆုံးအကြိမ်အဖြစ်နဲ့ နိုင်ငံခြားသို့ အင်စပို့စ် တင်ပို့တာပါ။ ယခု ကွန်တိန်နာကို ရန်ကုန်မြို့ ဆိမ်ကမ်းသို့ သွားမယ်။ ကားပေါ်က ဆီထည့်ပြီး ကွန်တိန်နာအတိုင်း နိုင်ငံခြားသင်္ဘောပေါ်တင်ပါ့မယ်။ သင်္ဘောတင်ပြီး တရုပ်နိုင်ငံသို့ ပို့မှာပါ။ ဒီကွန်တိန်နာတစ်လုံးတည်း စပြီးပို့တာပါ။ အင်စပို့စ် လက်မှတ်ကိုတော့ မြေလတ်သား ကုမ္ပဏီနာမည်နဲ့ အင်စပို့စ် ထုတ်ကုန်လက်မှတ်ပေးမလား တစ်ခြားကုမ္ပဏီနာမည်နဲ့ ပေးမလားဆိုတာ မသိပါဘူး။ တရုပ်နိုင်ငံသို့ ပို့မယ်ဆိုတာ နဲ့ ဘယ်ကုမ္ပဏီသို့ ပို့မယ် ဈေးနှုန်းဘယ်လောက်ဆိုတာကိုတော့ ပြောလို့မရပါဘူး။ တရုပ်နိုင်ငံကို ဒီဆီရောက်သွားရင် အရောင်မဲနေတာကို သူတို့နည်းပညာတွေနဲ့ ပြင်ဆင်ပြီး အသုံးပြုလိမ့်မယ်လို့ထင်ပါတယ်။ ယခု ကျွန်တော်တို့ နှမ်းဆီက အနံ့ တော်တော်ကောင်းပါတယ်။ အရောင်ကတော့ မဲနေတော့ မလှပါဘူး။ တရုပ်နိုင်ငံမှာ ဒီလို နှမ်းဆီကို ချက်စားတဲ့နေရာမှာ အသုံးမပြုဘဲ အသားတွေမှာ နည်းနည်းလေးနဲ့ ဆန်းစားတယ်လို့သိရပါတယ်…။´´ ဟု ဆီတင်ရန်စစ်ဆေးနေသူ ဦးစိုးထွဋ်အောင် မှပြောသည်။
Artikel ``မကွေးမြို့ မြေလတ်ဒေသဆီအိုးကြီး မှ ပထမဆုံးအကြိမ် (နှမ်းဆီ)ကို နိုင်ငံခြားသို့တင်ပို့ပြီ´´ ini dipublish oleh shwelannwelanwinkyi pada hari Saturday, June 29, 2013. Semoga artikel ini dapat bermanfaat.Terimakasih atas kunjungan Anda silahkan tinggalkan komentar.sudah ada 0 komentar: di postingan ``မကွေးမြို့ မြေလတ်ဒေသဆီအိုးကြီး မှ ပထမဆုံးအကြိမ် (နှမ်းဆီ)ကို နိုင်ငံခြားသို့တင်ပို့ပြီ´´
Subscribe to:
Post Comments (Atom)
0 comments:
Post a Comment