ဇွန်(၁၉)ရက်နေ့ နံနက် ၁၀ နာရီမှ နေ့လည်(၁)နာရီအချိန်တွင် မကွေးမြို့နယ် ဒေါင်နေကျေးရွာအုပ်စု အင်တိုင်းကြီးကျေးရွာ သို့ မကွေးမြို့ပွင့်လင်းလူ့အဖွဲ့အစည်းလူမှုကွန်ယက်မှ အဖွဲ့ဝင်ပေါင်း(၅၀)ခန့် သွားရောက်၍ နိုင်ငံခြား ဆေးများ (၄)သိန်းကျပ်ခန့်ကို လှူဒါန်းကြောင်း သတင်းရရှိသည်။ ထိုပွဲကို ဒေါ်အောင်ဆန်းစုကြည် ၏ (၆၈)နှစ်မြောက် မွေးနေပွဲ အထိမ်းအမှတ်အဖြစ် ကျင်းပလှူဒါန်းကြောင်း၊ အင်တိုင်ကြီးရွာ ပရဟိတ(အခမဲ့) စာကြည့်တိုက်နှင့် တွဲဘက်၍ ဆောက်လုပ်ထားသော ကျေးရွာဆေးပေးခန်းတွင် အင်တိုင်ကြီးကျေးရွာအုပ်ချုပ်ရေးမှူး(ရွာခွဲတာဝန်ခံ) ဦးသာအေး က လက်ခံရယူကြသည်။ ၎င်း ကျေးရွာမှ မကွေးမြို့ပွင့်လင်းလူ့အဖွဲ့အစည်း လူမှုကွန်ယက် သို့ ကြိုတင်၍ ကမ်းလှမ်းအကူ အညီတောင်းခြင်းဖြစ်ကြောင်း၊ ထို့ကြောင့် ဒေါ်အောင်ဆန်းစုကြည်၏ မွေးနွေးပွဲအလှူအဖြစ် အမေစု၏ ဆန္ဒအတိုင်း အမှန်တကယ် ရှားပါးလိုအပ်နေသော အများပြည်သူများရဲ့ ကျမ်းမာရေးအတွက် ထိရောက်အောင်လာရောက်၍ လှူဒါန်းပေးခြင်းဖြစ်ပါကြောင်း မကွေးမြို့ပွင့်လင်းလူ့အဖွဲ့အစည်း လူမှုကွန်ယက်အဖွဲ့ဝင် ဦးဌေးဝင်း က မြန်မာပို့စ် သို့ပြောသည်။
0 comments:
Post a Comment