မကွေး မေ ၂၆
မကွေးတိုင်းဒေသကြီး၊ကုန်းလမ်းပို့ဆောင်ရေးနှင့်ညွှန်ကြားမှုဦးစီးဌာနမှ
မကွေးခရိုင်အတွင်းရှိ မြို့နယ် /ကျေးရွာများမှ မှတ်ပုံတင်မဲ့ မော်တော်ဆိုင်ကယ်များအား
မှတ်ပုံတင်ရေးလုပ်ငန်း စီမံချက်ဖြင့် မှတ်ပုံတင် စာအုပ်၊၀ှီးတက်နှင့် ဖောင်းကြွနံပါတ်ပြားများအား
နေ့ချင်းအပြီး ဆောင်ရွက်ပေးလျက်ရှိသည်။
၂၀၁၄-ခုနှစ် ဖေဖော်ဝါရီလ(၁၇)ရက်နေ့မှစတင်၍
မှတ်ပုံတင်မဲ့ မော်တော်ဆိုင်ကယ်များကို မှတ်ပုံတင် ပေးလျက်ရှိရာ မေလ(၂၃)ရက်နေ့အထိ မကွေးခရိုင်တွင်
မော်တော်ဆိုင်ကယ်(၄၄၀၈)စီး မှတ်ပုံတင်ပေးနိုင်ခဲ့ပြီး ကျန်နေသေးသော မှတ်ပုံတင်မဲ့ ဆိုင်ကယ်များ
စောစီးလျင်မြန်စွာ ဆောင်ရွက်နိုင်စေရန်အတွက် ဇူလိုင်လ(၄) ရက်နေ့အထိ ဆက်လက်ဆောင်ရွက်ပေးသွားမည်ဖြစ်သည်။မော်တော်ဆိုင်ကယ်တစ်စီးလျင်
(က)မှတ်ပုံတင် အခွန်ငွေ(၁၅၅၀၀)ကျပ်၊(ခ)မှတ်ပုံတင်လိုအပ်ချက်အတွက်(၆၅၀၀)ကျပ်၊စုစုပေါင်း(၂၂၀၀၀)ကျပ်နှင့်
တရားမ၀င် တင်သွင်းလာသော မော်တော်ဆိုင်ကယ် အမျိုးအစားအလိုက် အကောက်ခွန်နှုန်းထားများ
ပေးသွင်းပြီး နေ့ချင်းဆောင်ရွက်ပေးနေလျက်ရှိသည်။
ယာဉ်မောင်းလိုင်စင်ပြုလုပ်သူများအား ယာဉ်စည်းကမ်း၊လမ်းစည်းကမ်း
ရေးဖြေနှင့် လက်တွေ့ မောင်းနှင်းမှုများသာမက အမြင်အာရုံ၊ကိုယ်အင်္ဂါ သန်စွမ်းမှုနှင့် စိတ်ပိုင်းဆိုင်ရာစစ်ဆေးမှုများ
အောင်မြင်မှသာ ယာဉ်မောင်းလိုင်စင်များကို ထုတ်ပေးလျက်ရှိသည်။
ယာဉ်စည်းကမ်း၊လမ်းစည်းကမ်း အသိပညာပေး သင်တန်းကို
မေလ (၂၆)ရက်နေ့တွင် တိုင်းဒေသကြီး ကုန်းလမ်းပို့ဆောင်ရေးညွှန်ကြားမှုဦးစီးဌာန၊အစည်းအဝေးခန်းမ၌
ဒုတိယညွှန်ကြားရေးမှူး ဦးသိန်းထွဋ် မှ ဦးဆောင် ကျင်းပပြုလုပ်ရာ ယာဉ်မောင်းလိုင်စင်ပြုလုပ်သူ
(၇၀)ဦး တက်ရောက်ခဲ့ပြီး ယင်းသင်တန်းများကို တစ်လလျင် (၄)ကြိမ် ပုံမှန် သင်တန်းပို့ချပေးလျက်ရှိကြောင်း
သိရှိရသည်။
တင်ထွန်းဦး
သတင်းပေးပို့သူ - ဦးတင်ထွန်းဦး(မကွေး)
စာလုံးပေါင်း သတ်ပုံများ စစ်ဆေးပြင်ဆင်ချိန်မရ၍ အမှားပါရင်သည်းခံဖတ်ရှုကြရန် တောင်းပန်ပါ၏။
ဓာတ်ပုံများ မပေါ်လျှင် အောက်မှ ဘလော့ နှင့် ဖေ့စ်ဘုတ်များသို့ ၀င်ကြည့်နိုင်ပါသည်။
http://magwaymedia.blogspot.com
https://www.facebook.com/myaylatmedia
https://www.winkyi.net
0 comments:
Post a Comment