မကွေး၊ မတ်လ(၂၆)။
၂၀၁၂ ခု၊ မတ်လ(၂၆)ရက်နေ့ နံနက်(၉)နာရီ၊ မကွေးမြို့တော်ခန်းမတွင် ပြည်ထောင်စုရွေးကောက်ပွဲ ကော်မရှင် ဥက္ကဋ္ဌ ဦးတင်အေးနှင့် မကွေးတိုင်းဒေသကြီးကော်မရှင် အဖွဲ့ခွဲ ခရိုင် နှင့် မြို့နယ်ကော်မရှင် အဖွဲ့ခွဲများ လုပ်ငန်းညှိနှိုင်း အစည်းအဝေး ကျင်းပပြုလုပ်၍ သတင်းရယူခဲ့ပါသည်။ ပြည်ထောင်စုရွေးကောက်ပွဲ ကော်မရှင် ဥက္ကဋ္ဌ ဦးတင်အေး မှ အဖွင့်အမှာ စကားပြောသည်။ မကွေးခရိုင်၊ မင်းဘူးခရိုင်၊ ပခုက္ကူခရိုင် ကော်မရှင် အဖွဲ့ခွဲ ဥက္ကဋ္ဌ များ ကြားဖြတ်ရွေးကောက်ပွဲ ဆိုင်ရာ လုပ်ငန်းများ ဆောင်ရွက်မှု အခြေအနေများကို တင်ပြ၍ မကွေးတိုင်းဒေသကြီး ကော်မရှင်အဖွဲ့ခွဲ ဥက္ကဋ္ဌ ဦးကြည်စိန် မှ ဖြည့်စွက်ဆွေးနွေးသည်။ ထို့နောက် ကြားဖြတ်ရွေးကောက်ပွဲ ၀င်ရောက်ကြမည့် နိုင်ငံရေးပါတီ အသီးသီးမှ လွှတ်တော် ကိုယ်စားလှယ်လောင်များက ဆွေးနွေးတင်ပြကြသည်။
မကွေးတိုင်းဒေသကြီးအတွင်းရှိ လွှတ်တော်အလိုက် မဲဆန္ဒနယ်မြေများမှာ (၁) ပြည်သူ့လွှတ်တော် (၂၅)။ (၂) အမျိုးသားလွှတ်တော်(၁၂)။ (၃) တိုင်းဒေသာကြီးလွှတ်တော်(၅၀)။ (၄) တိုင်းဒေသကြီးလွှတ်တော် ချင်းတိုင်းရင်းသား လူမျိုး(၁)။ စုစုပေါင်းမဲဆန္ဒနယ်မြေ (၈၈) ဟု ၂၀၁၀ ပြည့်နှစ် ပါတီစုံဒီမိုကရေစီအထွေထွေရွေးကောက်ပွဲ စာရင်းအရသိရ၏။ မကွေးတိုင်းဒေသကြီးကို ခရိုင်(၅)ခု၊ မြို့နယ်(၂၅)ခု၊ ရပ်ကွက်/ကျေးရွာအုပ်စုပေါင်း(၁၇၀၅)စု၊ ကျေးရွာပေါင်း(၄၇၉၆)စု တို့ဖြင့် ဖွဲ့စည်းထားကြောင်းသိရသည်။
(၁) ၁-၄-၂၀၁၂ နေ့တွင် မကွေးတိုင်းဒေသကြီးအတွင်း ကြားဖြတ်ရွေးချယ်ပွဲအတွက် အတည်ပြုကြေငြာသည့် လွှတ်တော်ကိုယ်စားလှယ်လောင်းများ၏ အမည် ပါတီ စာရင်းကို ဇယား(၁)ဖြင့်ဖော်ပြပါသည်။
(၂) လွှတ်တော်မဲဆန္ဒနယ်များမှ မဲဆန္ဒရှင်ဦးရေ ကောက်ယူ၍ စာရင်းပြုစုထားသော ဇယား(၂)ကို ဖော်ပြပါသည်။
(၃) ကြားဖြတ်ရွေးကောက်ပွဲအတွက် လွှတ်တော်မဲဆန္ဒနယ်များသို့ ဆန္ဒမဲလက်မှတ်စာအုပ်များ၊ ကြိုတင်ဆန္ဒ မဲလက်မှတ်စာအိပ်များ၊ မဲရုံများ၊ ဆန္ဒပြုခန်းများ၊ မဲပုံးများတို့ကို အောက်ဇယား(၃)ဖြင့်ဖော်ပြထားပါသည်။
(၄) ၂၀၁၁-၂၀၁၂ ဘဏ္ဍာရေးနှစ်အတွက် မကွေးတိုင်းဒေသကြီးကော်မရှင်အဖွဲ့ခွဲသို့ ရန်ပုံငွေခွဲဝေချထားမှုနှင့် သုံးစွဲမှုအခြေအနေ ကို ဇယား(၄)ဖြင့်ဖော်ပြထားပါသည်။
ယင်းတွေ့ဆုံပွဲတွင် မကွေးတိုင်းဒေသကြီးအတွင်းမှာ ပါတီပေါင်း(၇)ပါတီ ယှဉ်ပြိုင်ကြမည်။ လွှတ်တော်ကိုယ်စားလှယ် လောင်း(၁၉)ဦးဝင်ရောက်ယှဉ်ပြိုင်ကြမည်။ ပြည်ထောင်စု ကော်မရှင်ဥက္ကဋ္ဌ အား ကြံခိုင်းဖွံ့ဖြိုးရေးပါတီဝင် ကိုယ်စားလှယ် လောင်းများမှ အပ အခြားကျန်ပါတီ(၆)ပါတီမှ လွှတ်တော်ကိုယ်စားလှယ်လောင်း (၁၃)ဦးတို့က ကြားဖြတ်ရွေးကောက်ပွဲနှင့် ပတ်သက်သော မရှင်းလင်းသည်များကို မေးမြန်းကြပြီး သက်ဆိုင်ရာ ကော်မရှင်အဖွဲ့များမှ ပြန်လည်ရှင်းလင်း ဆွေးနွေးကြသည်။ ဤ တွေ့ဆုံဆွေးနွေးပွဲကို နေ့(၁၁း၃၀)ခန့်တွင် ကျင်းပပြီးကြောင်း သတင်းရယူခဲ့သည်။
0 comments:
Post a Comment