၂၃-၃-၂၀၁၂ နေ့ နံနက်(၆)နာရီမှစ၍ မကွေးမြို့နယ်NLD ပါတီအောင်နိုင်ရေးအဖွဲ့မှ (NLD ပါတီတံဆိပ်၊ ခွပ်ဒေါင်းကြီးနှင့်ကြယ်ဖြူပါ) အလျားပေ(၂၀)၊ အမြင့် (၈) ပေရှိ ရွှေရောင်ခွပ်ဒေါင်းရုပ်ကြီး နှင့် အလျား(၈)ပေ၊ အမြင့်(၄)ပေရှိ ခွပ်ဒေါင်းရုပ်တင်ဆောင်ထားသော ကားနှစ်စီးဖြင့်အတူ မော်တော်ယာဉ်အစီး(၁၅)စီး၊ မော်တော်ဆိုင်ကယ်များအစီး(၃၀)ခန့် သည် မကွေးမြသလွန်ဘုရားသို့သွားရောက်ပူဇော်ကြသည်။ ထိုမှ မြို့ဟောင်းရပ်ကွက်၊ ဈေးလယ်စိုးရပ်ကွက်၊ ဆုံရပ်ကွက်၊ ရွာသစ်ရပ်ကွက်၊ ကံသာ၊ မြင်သာရပ်ကွက်၊ ရန်ပယ်ရပ်ကွက်များမှ လမ်းမကြီးများနှင့် မကွေးမြို့တွင်းသို့ NLD ပါတီအောင်နိုင်ရေးအတွက် စည်းရုံးရေးဆင်းကြသည်။ မကွေးမြို့နယ်NLD ပါတီ မှ ကြားဖြတ်ရွေးချယ်ပွဲတွင် ကိုယ်စားလှယ်အဖြစ်ရွေးချယ်ခံမည့် ဦးမြင့်သိန်း၏ ကိုယ်ရေးကျဉ်း ပန်းဖလက်များဝေငှခြင်း။ NLD ပါတီအောင်နိုင်ရေးသီချင်းခွေများ၊ တီရှပ်များ၊ စတေကာများ၊ ခေါင်းစည်းများ၊ NLD ပါတီတံဆပ်ပါ အလံ အမျိုးမျိုးတို့အား ရောင်းချဝေငှနေကြောင်း မြင်တွေ့ရ၏။
` ဒီ ခွပ်ဒေါင်းကြီးနဲ့အတူ ၂၇-၃-၂၀၁၂ နေ့မှာ မကွေးမြို့ကို ရောက်လာမဲ့ NLD ပါတီ ဥက္ကဋ္ဌ ဒေါ်အောင်ဆန်းစုကြည် ``အမေစု´´ကို လူထုအင်အားအပြည့်နဲ့ ကြိုဆိုဖို့ ကျွန်တော်တို့စီစဉ်ထားကြပါတယ်။ အမေစု မလာခင် ဒီနေ့မတ်လ(၂၃)ရက်နေ့ကနေ မတ်လ(၂၆)ရက်နေ့အထိ နေ့စဉ်၊ နေ့တိုင် မကွေးမြို့ထဲမှာ NLD ပါတီအောင်နိုင်ရေးအတွက် လှည့်နေကြမှာပါခင်ဗျာ..´ ဟု စည့်းရုံးရေးဆင်းနေတဲ့ လူငယ် ကိုအောင်လွင်မှပြောပါသည်။
၂၇-၃-၂၀၁၂ နေ့တွင် NLD ပါတီ ဥက္ကဋ္ဌ ဒေါ်အောင်ဆန်းစုကြည် အတွက် ဟောပြောစည်းရုံးရန်နေရာ မရရှိသေးကြောင်း ကြားသိရ၏။ ` မမေစု လာရင် ဟောပြောဖို့နေရာကို ယနေ့အထိ သက်ဆိုင်ကအကြောင်းမပြန်သေးဘူး။ သက်ဆိုင်ရာက ဟောပြောပွဲမလုပ်ခင် (၄၈) နာရီမှ ကြိုတင်ပြောမယ်လို့ သိရတယ်။ ဒီလောက် နေရာကျယ်ကျယ် ဧရိယာကြီးကို ဒီလိုအချိန်တိုလေးအတွင်း ပြင်ဆင်ရမှာဆိုတော့ တော်တော်ဒုက္ခရောက်ကြတာပေါ့ဗျာ..။ ဘယ်နည်း ဘယ်ပုံဖြစ်ဖြစ် အဆင်ပြေအောင်တော့ ကြိုးစားသွားကြမှာ..´ ဟု လူငယ် ကိုအောင်လွင်မှ ဆက်လက်ပြောဆို၍ သတင်းရယူခဲ့ပါသည်။ ၂၃-၃-၂၀၁၂ နေ့ည(၈)နာရီသတင်းမှာ NLD ပါတီ ဥက္ကဋ္ဌ ဒေါ်အောင်ဆန်းစုကြည် အတွက် ဟောပြောစည်းရုံးရန်နေရာ ကို သက်ဆိုင်ရာမှ ကွန်ပျူတာတက္ကသိုလ်နှင့် ကျန်းမာရေးတက္ကသိုလ် နှစ်ခုကြားက ချောက်တောကြီးထဲမှာ ပေးထားတယ်လို့သိရပါတယ်။ အဲဒီနေရာကို မကျင်းပလိုကြပါဘူး။ ဒါကြောင့် မကွေးမြို့မှ ရေနံချောင်း၊ နတ်မောက်အထွက်လမ်းပေါ်က မကွေးမြို့နဲ့ သုံးမိုင်ခွဲဝေးတဲ့ နေရာကို ရွေးချယ်ထားတယ်လို့ သိရပါတယ်။ အဲဒီနေရာက NLD အဖွဲ့ကို အလှူရှင် ယာခင်းပိုင်ရှင်များမှ နေရာပေးးထားတဲ့ ကံလှကျေးရွာ နှင့် နတ်ကန်ကျေးရွာကြားက ယာခင်းများ ကွင်းပြင်တွင် ကျင်းပနိုင်ကြရန် ဆောင်ရွက်နေတယ်လို့ ကြားသိရပါ၏။ သို့သော်လည်း ခရီးစဉ်ပျက်ပါသည်။ ဒေါ်အောင်ဆန်းစုကြည် ကျန်းမာရေးမကောင်း၍ ဟု သိရပါသည်။
ဝိုင်းကြည်အောင်
မြန်မာပို့စ် သတင်းဂျာနယ်မှ ကူးယူဖော်ပြပါသည်။
0 comments:
Post a Comment