မကွေးမြို့ နိုင်ငံခြားခရီးသွားများဖြင့် အနှေးယာဉ် ဆိုက်ကားနင်းသူများ အလုပ်ဖြစ်
မကွေး ဖေဖော်ဝါရီ ၂၀
မကွေးမြို့သို့ နိုင်ငံခြားသားခရီးသွားဧည့်သည်များလာရောက်လည်ပတ်မှုများကြောင့် အနှေးယာဉ် ဆိုက်ကားနင်းသူများ အလုပ်ဖြစ်၍ ၀င်ငွေကောင်းလျက်ရှိသည်။
ယနေ့နံနက်တွင် အပျော်စီး သင်္ဘောဖြင့် သြစတေးလျနိုင်ငံမှနိုင်ငံခြားသားဧည့်သည် (၂၅)ဦး မကွေးမြို့သို့ရောက်ရှိလာပြီး အနှေးယာဉ်ဆိုက်ကားများဖြင့် မကွေးမြို့မဈေး၊ဗိုလ်ချုပ်ပန်းခြံနှင့် ပြည်တော်သာလမ်း တစ်လျှောက် လှည့်လည် လေ့လာပြီး မြသလွန်စေတီတော်မြတ်သို့ရောက်ရှိ လေ့လာခဲ့သည်။
အနှေးယာဉ် ဆိုက်ကားနင်းသူတစ်ဦးမှ သူတို့က ရန်ကုန်ကနေ မန္တလေးသွားမှာ၊မကွေး ဆိပ်ကမ်းကပ်မှာကို (၂)ရက်အလိုက အသင်းဥက္ကဌ ထံ ကြိုပြီးဖုန်းဆက်ထားတယ်၊သူတို့သွားချင်တဲ့ နေရာတွေကို လိုက်ပို့ပေးရတယ်၊တစ်မနက်ကို ဆိုက်ကားနင်းခ (၄၀၀၀)ကျပ်ရတယ်၊ တစ်နေကုန် ညအပါအ၀င် ဆို (၁၀၀၀၀ိ/-)ကျပ်ထိ ပေးတာလဲရှိတယ်၊အခု ပွင့်လင်ရာသီဆို နိုင်ငံခြားသားတွေ အလာများတယ်၊ ယခင်နှစ်ထက် ယခုနှစ် ပိုပြီးများလာကြတယ်၊ ဟု ပြောကြားသည်။
အဆိုပါ အနှေးယာဉ်ဆိုက်ကားနင်းသူများသည် မကွေးမြို့ပေါ်တွင် (၁၇၉)စီး ရှိပြီး နိုင်ငံခြားသားများလာရောက်ပါက အသင်းဥက္ကဌ ဦးကျော်တိုးမှ ဆိုက်ကားနင်းသူများအား တူညီဝတ်စုံဝတ်စေပြီး သတ်မှတ်စည်းကမ်းများနှင့်အညီ လိုက်ပါပို့ဆောင်ပေးရကြောင်း သိရှိရသည်။
သူရထွန်း(မကွေး)
သတင်းပေးပို့သူ - ဦးတင်ထွန်းဦး
Artikel မကွေးမြို့ နိုင်ငံခြားခရီးသွားများဖြင့် အနှေးယာဉ် ဆိုက်ကားနင်းသူများ အလုပ်ဖြစ် ini dipublish oleh shwelannwelanwinkyi pada hari Thursday, February 20, 2014. Semoga artikel ini dapat bermanfaat.Terimakasih atas kunjungan Anda silahkan tinggalkan komentar.sudah ada 0 komentar: di postingan မကွေးမြို့ နိုင်ငံခြားခရီးသွားများဖြင့် အနှေးယာဉ် ဆိုက်ကားနင်းသူများ အလုပ်ဖြစ်
Subscribe to:
Post Comments (Atom)
0 comments:
Post a Comment