မကွေး ဧပြီ
၁၆
မကွေးတိုင်းဒေသကြီး မြန်မာ့ရိုးရာ မဟာသင်္ကြန်ပွဲတော်
အတက်နေ့ ဧပြီလ (၁၆)ရက်နေ့ကို အေးချမ်း ပျော်ရွှင်စွာဖြင့် ရေကစားမဏ္ဍပ်များတွင် သင်္ကြန်ချစ်သူပြည်သူများနှင့်
စည်းကားလျက်ရှိရာ တိုင်းဒေသကြီး အစိုးရအဖွဲ့
ဝန်ကြီးများနှင့် တိုင်းဒေသကြီးအဆင့် ဌာနဆိုင်ရာအကြီးအကဲများမှ မကွေးမြို့ ကမ်းနားလမ်းရှိ
ဗဟိုမဏ္ဍပ်မှ တဆင့် ဌာနဆိုင်ရာ ရေသဘင်မဏ္ဍပ်များသို့ လှည့်လည်ကြည့်ရှုအားပေးခဲ့ကြသည်။
မကွေးမြို့ပေါ် တွင် ဌာနဆိုင်ရာ မဏ္ဍပ်များအပါဝင်
အသင်းအဖွဲ့မဏ္ဍပ်များ စုစုပေါင်း (၁၇)ခုနှင့် ရပ်ကွက်များရှိ ရေသဘင်မဏ္ဍပ်ငယ်များတွင် မကွေးမြို့ပေါ်နေ
ဒေသခံ သင်္ကြန်ချစ်သူများနှင့် အနယ်နယ်အရပ်ရပ်မှ လာရောက်လည်ပတ်ကြသော ပြည်သူများဖြင့်
အထူးစည်းကားလျက်ရှိရာ မကွေးမြို့ ကမ်းနားလမ်း
တစ်လျောက်နှင့် ပြည်တော်လမ်း/တောင်တွင်းလမ်းတို့တွင် အထူးစည်းကားလျက်ရှိပါသည်။
စေတနာရှင် အလှူရှင်များမှလည်း စတုဒီသာကျွေးမွေးခြင်းများဖြင့်
ဧည့်ခံလျှက်ရှိပြီး မကွေးတိုင်းဒေသကြီး မြန်မာ့ရိုးရာ ယဉ်ကျေးမှု မဟာသင်္ကြန် အတက်နေ့
တွင် အေးချမ်းပျော်ရွှင်စွာဖြင့် အထူး စည်းကားလျက်ရှိသည်။
မကွေးတိုင်းဒေသကြီး၏
မြန်မာ့ရိုးရာ ယဉ်ကျေးမှု
မဟာသင်္ကြန်ပွဲတော်ကို စည်းကမ်းရှိစွာ နှင့် ရိုးရာယဉ်ကျေးမှု မပျက်
၊စည်းကားသိုက်မြိုက်စွာ
ကျင်းပလျက်ရှိပြီး မြို့ပေါ်တွင် ဗဟိုမဏ္ဍပ်အပါ အ၀င် ဆုပေးမဏ္ဍပ်(၄)ခု၊
(က)အဆင့်ရှိ မဏ္ဍပ်(၄)ခု၊(ခ)အဆင့်ရှိ
မဏ္ဍပ်(၃)ခု၊ ပုဂ္ဂလိကမဏ္ဍပ်(၅)ခုနှင့် အသင်းအဖွဲ့ မဏ္ဍပ်(၁)ခု တို့ဖြင့်
ပျော်ရွှင်စွာ ကျင်းပလျက်ရှိသည်။မကွေး၊ချောက်၊ရေနံချောင်း၊တောင်တွင်း
ကြီး၊ မင်းဘူး၊နတ်မောက်နှင့် သရက်မြို့နယ်မှ ပြိုင်ပွဲဝင်မည့်
အလှပြယာဉ်(၇)စီးမှလည်း
သင်္ကြန်ကာလအတွင်း သက်ဆိုင်ရာ ဆုပေးမဏ္ဍပ်များသို့ လှည့်လည်ယှဉ်ပြိုင်ပြီး
မြို့တွင်းသို့
လှည့်လည် သီဆိုကပြဖျော်ဖြေလျက်ရှိ ကြောင်းနှင့် မြို့ပေါ်ရပ်ကွက်များရှိ
စေတနာရှင် အလှူရှင်များမှ
စတုဒီသာကျွေးမွေးခြင်းများ၊ မုန့်လုံးရေပေါ်ကျွေးမွေးခြင်းများ ဖြင့်
စည်းကားသိုက်မြိုက်စွာ
ကျင်းပခဲ့ကြောင်း သိရှိရသည်။
တင်ထွန်းဦး
သတင်းပေးပို့သူ - ဦးတင်ထွန်းဦး
(တိုင်းဒေသကြီးပြန်/ဆက်)
ဓာတ်ပုံများ မပေါ်လျှင် အောက်မှ ဘလော့ နှင့် ဖေ့စ်ဘုတ်များသို့ ၀င်ကြည့်နိုင်ပါသည်။
http://magwaymedia.blogspot.com
https://www.facebook.com/myaylatmedia
0 comments:
Post a Comment