ရှမ်းပြည်နယ် မြေငလျင်ကြောင့် ဒေသခံ ပြည်သူ အမြောက်အများ သေဆုံး
2011-03-25
ရှမ်းပြည်နယ်အရှေ့ ပိုင်း လွယ်မွေမြို့ ကို ဗဟိုပြုပြီး ကြာသပတေးနေ့ ည ၈နာရီ ခွဲလောက်က ပြင်းအား ၆.၈ ရှိ မြေငလျင်လှုပ်ခဲ့တဲ့အတွက်ကြောင့် ဒီနေ့ မွန်းလွဲပိုင်းချိန် အထိ သေဆုံးသူ ၇၄ ဦး နဲ့  ဒဏ်ရာရသူ ၁၁၁ ဦး ရှိတယ်လို့  မြန်မာ သတင်းစာတွေက ဖေါ်ပြကြပါတယ်။ တာလေမြို့ခံ တချို့ကတော့ အနဲဆုံး သေဆုံးသူ ၈၀ လောက် ရှိမယ်လို့ ဆိုပါတယ်။
AFP
ရှမ်းပြည်နယ်အရှေ့ ပိုင်း လွယ်မွေမြို့ ကို ဗဟိုပြုပြီး ၂၀၁၁ ခုနှစ် မတ်လ ၂၄ ရက် ကြာသပတေးနေ့ ည ၈နာရီ ခွဲလောက်က ပြင်းအား ၆.၈ ရှိ မြေငလျင်လှုပ်ခဲ့တဲ့အတွက်ကြောင့် တာချီလိတ်မှာ လမ်းတံတားတွေ ပျက်စီးနေပုံ။ (ဓါတ်ပုံ - AFP)
ငလျင်ကြောင့် တာလေမြို့ ၊ နားရောင်း နဲ့  မိုင်းလင်း ဒေသတွေ အများဆုံး ထိခိုက် ပျက်စီးခဲ့ရာ နေအိမ်ပေါင်း ၃၉၀၊ ဘုန်းကြီးကျောင်း ၁၄ ကျောင်း နဲ့ အစိုးရ အဆောက်အဦးတွေ ပျက်စီးကုန်တယ်လို့ သိရပါတယ်။
မုန်းလင်းဒေသ တခုထဲတင် နေအိမ် ၁၂၉ လုံး ပျက်စီးသွားတယ်လို့  ဆင်ဟွာသတင်းများက ဆိုပါတယ်။
ရန်ကုန်မြို့ အခြေစိုက် World Vision NGO အဖွဲ့  ဌာနေ ကိုယ်စားလှယ်က ကျိုင်းတုံနဲ့  တာချီလိတ် တချို့ နေရာတွေမှာ အဆောက်အဦးတွေ လမ်းတွေ အက်ကြောင်းတွေ ပေါ်ပြီး ရေဖြန့် ဝေပေးမှု ပြတ်တောက်ကုန်တယ်လို့ ပြောပါတယ်။
အဲဒီ ငလျင် ဗဟိုချက်ကနေ မိုင် ၅၀၀ လောက်ဝေးတဲ့ ထိုင်းနိုင်ငံ ဘန်ကောက်မြို့ နဲ့  ချင်းရိုင်မြို့ မှာ မြင့်မားတဲ့ အဆောက်အဦးတွေ ယိမ်းခါသွားတဲ့ အတွက် အထပ်မြင့် အဆောက်အဦးတွေက လူတွေ ဘေးလွတ်ရာကို ထွက်ပြေး ရှောင်တိမ်း ကြပါတယ်။
မဲဆိုင်ဒေသက အိမ်တအိမ် ပြိုကျရာမှာ အသက် ၅၂ အရွယ် အမျိုးသမီးတဦး သေဆုံးခဲ့ပါတယ်။ ထိုင်းနိုင်ငံ ဘူမိငလျင် တိုင်းတာရေး ဌာနက ပထမငလျင် အပြီး အင်အားပြင်းတဲ့ နောက်ဆက်တွဲ ငလျင် ၆ ကြိမ် လှုပ်တယ်လို့  ဆိုပါတယ်။
အဲဒီ မြေငလျင် လှုပ်မှုကို တရုတ်နိုင်ငံ တောင်ပိုင်း ယူနန် ပြည်နယ်နဲ့ ဗီယက်နမ် နိုင်ငံ ဟနွိုင်းမြို့ တွေမှာပါ သိရှိ ခံစားကြရတယ်လို့  ပြောပါတယ်။
ဒီငလျင် သတင်းနဲ့ ပတ်သက်ပြီး သတင်းပေးwqပို့ ချက် အပြည့်အစုံကိုလဲ နားဆင်နိုင်ပါတယ်။
တဆင့်ကူးယူဖော်ပြပါသည်။
0 comments:
Post a Comment