ရယ်စရာ
ရွှေလမ်းငွေလမ်းဝင်းကြည်
အညာမိုးကသစ္စာဖေါက်သွားပြီ..အရင်လိုအေးနေအောင်ကိုမရွာတော့တာ။ အိုက်စပ်စပ်ဖြစ်နေကြတယ်..။ မိုးရွာရွာထဲမှာ
ဆရာကိုငြိမ်း(မန္တလေး)ကခေါ်ထားလို့ ဆိုက်ကယ်နဲ့ထွက်လာခဲ့ရပါတယ်။ အဆင့်သင့်ပါပဲ ဆရာကိုငြိမ်းက ဇဗ္ဘူရစ်ရွှေ လဘက်ရည်ဆိုင်မှာစောင့်နေပါတယ်..။အချိန်က ညနေစောင်းပေါ့..။
““ဆရာ ကျနော် နည်းနည်းနောက်ကျသွားပါတယ်နော်..””
ရောက်နေကြသူ စာရေးဆရာများနဲ့ ဆရာငြိမ်းတို့က ကျနော့်ကို ၀ိုင်းကြည့်ပြီး ရယ်မောနေကြပါတယ်..။ဆရာငြိမ်းက
“နောက်ကျမှရောက်လာတဲ့ရွှေလမ်းငွေလမ်းဝင်းကြည်က ယခုအချိန်မှစလို့..၊ ပထမလူပြောတဲ့စကားအတိုင်း အတည်ပြုပေးရပါလိမ့်မယ်…”။
ဝါး..ဟား..ဟား…အသံများနဲ့အော်ဟစ်ရယ်မောနေကြပါတယ်…။ကျွန်တော်ဘာကိုမှ နားမလည်ပါ..
အူကြောင်ကြောင်ဖြစ်နေပါတယ်..။သူတို့က ရယ်စရာမပါပဲ ၀ိုင်းပြီးရယ်နေကြပါတယ်။
“ ဒီလို..ဒီလို..ရွှေလမ်းငွေလမ်းဝင်းကြည်ရေ..ခင်ဗျားကနောက်ကြနေတာကိုး..ကျွန်တော်ကိုငြိမ်း ပြန်ပြောပေးပါ့မယ်…….
အရက်သမားတစ်ယောက်ဗျာ..ရေချိန်လွန်လာပြီး လမ်းမအလယ်မှာ..ထိုးလဲသွားတယ်..။
လူတွေဝိုင်းလာကြတယ်..။ဟာ လုပ်ကြပါအုံးပေါ့..၀ိုင်းကြည့်နေသူတွေထဲက ပထမဆုံးလူတစ်ယောက်က စပြောလိုက်ပါတယ်…
“““အရက်သမားမူးလဲတာများ ဘာမှမဖြစ်ပါဘူးဗျာ..နောက် အရက်တစ်ပက် လောက် ထပ်ဝင်အောင်ပါးစပ်ထဲထိုးထည့်လိုက်ရင်..မကြာခင်ထသွားပါတယ်..””””။
သူပြောတဲ့စကားကိုဘယ်သူကမှအရေးမလုပ်ကြပါဘူး။
နောက်လူနှစ်ယောက်က အတင်းတိုးဝင်လာပြီး….မဖြစ်ဘူး..မဖြစ်ဘူး..။ဘယ်..ဒီလိုထားလို့ဖြစ်ပါ့မလဲဗျာ..
သုံးဘီးခေါ်ပါ..သူ့ကို တိုင်းဆေးရုံကို အမြန်ပို့ကြမယ်။ဆေးရုံကိုပို့ကြမယ်..။
အဲဒီအချိန်မှာ မူးလဲနေတဲ့အရက်သမားက ဘေးကလူတွေပြောနေသံကို ကြားနေရပါတယ်..။
အရက်သမားကစဉ်းစားနေတယ်…ငါ့ကိုသာဆေးရုံကို အပို့ခံလိုက်ရရင်တော့ ဒုက္ခပါပဲ..ဆေးရုံပေါ်ကိုရောက်ရင် အရက်လဲသောက်ရတော့မှာမဟုတ်တော့ဘူး။အရက်ဖြတ်ခိုင်းကြမယ်..။မဖြစ်ဘူး၊ငါ အသာငြိမ်နေရင်တော့ သူတို့က ငါ့ကိုဆေးရုံပို့ကြတော့မှာ.သေချာနေပြီ…..ငါဝင်ပြောမှဖြစ်တော့မယ်……။
ဟိုး..ဟိုး.ဆရာတို့..ခဏလေးနေကြပါဦး…ဟို..ဟို..ပထမစပြောတဲ့လူရဲ့ စကားအတိုင်း ၀ိုင်းပြီးအတည်ပြုပေးကြပါဗျာ.လို့.အော်ပြောဆိုပြီး..
မြေကြီးပေါ်ကို ဘိုင်းကနဲ..အရက်သမားပြန်လဲသွားပါတော့တယ်……။”””””
ဟဲ..ဟဲ..ဟဲ...ကျွန်တော်..သဘောပေါက်သွားပါပြီ……ဆရာငြိမ်းခင်ဗျား..
ယခု အချိန်မှ စလို့ ပထမလူပြောသွားတဲ့စကားကို အတည်ပြုလိုက်ပါတယ်…
ဆရာငြိမ်းတို့ တစ်ဖွဲ့လုံး..အေ၀မ်းစာတော်ဆက်ကို..ဆက်လက်အတည်ပြုထောက်ခံဖို့ ကြွကြပါဗျို့..ကြွကြပါဗျို့………။
ရွှေလမ်းငွေလမ်းဝင်းကြည်
၂၀၀၉ ခု၊ဇူလိုင်လ(၂၀)ရက်၊ ည(၁၁)နာရီ၊မှာ အဲ..အတည်ပြုအပ်ပါသည်။
0 comments:
Post a Comment