မကွေးဝင်းမြင့်၏ အမှာ
ရွှေလမ်းငွေလမ်းဝင်းကြည်၏ “အငယ်လေးကို ချစ်ခဲ့မိလို့” လုံးချင်းဝတ္ထုလို့ပဲ ခေါ်ခေါ်၊ ၀တ္ထုတိုများဟု ဆိုဆို ထိုစာအုပ်အပေါ် ဝေဖန်ထောက်ပြကြသသူများ၏ စာတမ်းများကို တစ်ဦးလျှင်(သုံးကြိမ်မျှ) ဖတ်ရှုရာ အောက်ပါ(၃)ဦးကို ပထမဆု၊ ဒုတိယဆု၊ တတိယဆု ပေးသင့်ပါသည်။
(၁) ပထမဆု - လူဇော်
(၂) ဒုတိယဆု - ထက်ကောင်းလတ်(မင်းဘူး)
(၃) တတိယဆု - မြင့်သူ
အားလုံးကို ခြုံငုံသုံးသပ်ရသော-
ယခုဖော်ပြပါ ဝေဖန်သူများ၏ ဝေဖန်စာ စာတမ်းများကို နောက်တစ်ချိန်( အငယ်လေးကို ချစ်ခဲ့မိလို့) စာအုပ် ဒုတိယအကြိမ်ထုတ်ဝေသည့်အခါ ယခု ဝေဖန်စာတမ်း (၃)ခုကို ထည့်သွင်းဖော်ပြသင့်ပါသည်။ ၀တ္ထု ရေးလိုသူများအတွက် အထူးသဖြင့် မြန်မာဝတ္ထုတို လောကအတွက် သမိုင်းစာမျက်နှာများ ဖြစ်လာပါလိမ့်မည်။
စာပေနှင့် လူ့ လောကကို အလှဆင်နိုင်ကြပါစေ။
မကွေးဝင်းမြင့်
အာဂရွှေလမ်းငွေလမ်းဝင်းကြည်
(သို့)
ဒုတိယအကြိမ် အငယ်လေး
စာရေးဆရာတို့သည် အချစ်ကို ရှုထောင့်အမျိုးမျိုး မြတ်နိုးဖွယ်အ၀၀ ရသအဖုံဖုံ ပုံစံအသွယ်သွယ်ဖြင့် ခြယ်လှယ်တတ်ကြပါ၏။ မည်သို့ပင် ရေးဖွဲ့ကြပါစေ စာရေးဆရာတို့ ပြောလိုသည်မှာ အချစ်၏ အမြတ်အရှုံး၊ အမုန်းအချစ်၊ အနှစ်အကာ စသည်တို့ကို အတွေးကိုယ်စီ၊ အရေးကိုယ်စီဖြင့် မီးမောင်းထိုးပြနေကြခြင်းသာ ဟုယူဆမိပါသည်။
ယင်းသို့သော အချစ်စာရေးဆရာများထဲတွင် ထူးထူးကွဲကွဲ ကွဲပြားခြားနားအောင် ရေးသားလာသူက ရွှေလမ်းငွေလမ်းဝင်းကြည်(၀ိုင်းကြည်အောင်)ပင် ဖြစ်သည်။ သူ့ဝတ္ထုတို ပေါင်းချုပ်က“ အငယ်လေးကို ချစ်ခဲ့မိလို့နှင့် အခြားဝတ္ထုတိုများ”။ ၀တ္ထုတို့ကို ဖတ်ကြည့်လိုက်ရာ “ ဘ၀တွင် အချစ်အမှားကြီး၍ အချစ်အများကြီးများ” ခဲ့ရပုံတို့ကို အသိမှန် အမြင်မှန်များနိုးကြားလာအောင် ဖော်ပြထားသည်။ ဆိုရသော် အချစ်ဝတ္ထုကို ဖတ်၍ မေ့မေ့မူးမူး ရူးရူးသွပ်သွပ် ကျေနပ်နေရမည် မဟုတ်ဘဲ ဤအချစ်ဇာတ်မျိုး တွယ်ကပ်မလာအောင် ရှောင်ရှားရမည် ဟူသောအသိအလင်းတို့ကို ရိုက်သွင်းခပ်နှပ်ထားသည်။
ထို့ကြောင့်လည်း စာရေးသူကိုယ်တိုင်က “ ကျွန်တော့်ရဲ့ အချစ်ဆေးခါးကြီးကို ဖတ်ရှုမိသူများအတွက် အသိအားဆေး တစ်ခွက် သောက်မိလျှက်သား ဖြစ်သွားရင်ဖြင့် စာရေးရကျိုးနပ်ပါပြီ” ဟု ဖော်ပြထားသည်ကို တွေ့နိုင်ပါသည်။
အမြှောက်အပင့်၊ အမြှင့်အတင်၊ အငင်အဆွဲ စသည်တို့ ဖြင့် ဆင်နွှဲပျော်ရွှင်နေကြသည့် စရိုက်တို့ကို ပစ်ခွာ၍ “ ထင်သည်ကို ပြော၊ မြင်သည်ကို ဝေဖန်ကြရန်အတွက် “ ရွှေလမ်းငွေလမ်းဝင်းကြည်” ၏ “အငယ်လေးကို ချစ်ခဲ့မိလို့နှင့် အခြားဝတ္ထု တိုများ စာအုပ်ဝေဖန်ရေးစာမူ ဖိတ်ခေါ်” ဟူသော ဖိတ်ခေါ်သံဖြင့် တစ်နိုင်ငံလုံးသို့ ဂျာနယ်အသီးသီးမှဖိတ်ခေါ်ခဲ့သည်။ ဖိတ်ခေါ်သည့်အတိုင်းလည်း ဝေဖန်စာ အမြောက်အများရရှိရာမှ ပ-ဒု-တ အထူးဆုတို့ကို ရွေးချယ်ချီးမြောက်ခဲ့သည်။
ထိုရွေးချယ်ထားသောစာမူများထဲမှ ပ-ဒု-တ စာမူသုံးပုဒ်ကို ဖြည့်စွက်ထည့်သွင်းပုံနှိပ်ကာ အငယ်လေးကို ချစ်ခဲ့မိလို့နှင့် အခြားဝတ္ထုတိုများစာမူကို ဒုတိယအကြိမ်အဖြစ် ထပ်မံပုံနှိပ်ဖြန့်ဝေလိုက်ပြန်ပါသည်။
ဤဒုတိယအကြိမ်ရိုက်စာမူသည် စာပေ၀ါသနာရှင်များ ၀တ္ထုရေးလိုသူများအတွက် များစွာ အသုံးဝင်မည်ဟု ယူဆပါသည်။ အဘယ်ကြောင့်ဆိုသော် ၀တ္ထုများ၏ အသက်ဖြစ်သော “ အခင်းအကျင်း အပြအသ စသည်တို့ကို လည်းကောင်း၊ အသုံးနှုန်းဝေါဟာရ စသည်တို့ကို လည်းကောင်း၊ အဖြတ်အဆက်အတက်အကျ စသည်တို့ကိုလည်းကောင်း၊ နိမ့်လိုက်မြင့်ဖို၊ အမိုအမောက် အကောက်အကွေ့ စသည်တို့ကို လည်းကောင်း ၊ အဖော်အမြှုပ် အနုတ်အသွင်း၊ အလင်းအမှောင်” စသည်တို့ကို လည်းကောင်း ကောင်းစွာမြင်သာနိုင်ကြပါသည်။ ထိုအမြင် ထိုအတွေးတို့မှ ဖြစ်ပေါ်လာသော အသိတို့သည် မိမိရင်ထဲသို့ ကူးစက်၍ သင်ခန်းစာတွေ တစ်ပုံ တစ်ပင်ယူကာ ရွှင်လန်းစရာ အစုံအလင်ဖြင့် ဘ၀ တစ်လျှောက် တိုးတက်နိုင်ကြပါလိမ့်မည်။ တိုးတက်နိုင်ကြပါစေ ဟူ၍လည်း ဆန္ဒပြုလိုက်ပါသည်။
လေးစားစွာဖြင့်
မြေလတ်မင်းလွင်
ဒုတိယအကြိမ် စာရေးသူ၏ ကျေးဇူးတင်စကား
ကျွန်တော့် ၀တ္ထုတိုများအား စိတ်ဝင်တစားနှင့် ဝေဖန် အကြံပေးကြသော အနယ်နယ်အရပ်ရပ်မှ ဆရာ၊ ဆရာမ များနှင့် စာဖတ်သူများအားလုံးကို အထူးကျေးဇူးတင်ပါသည်။
ယခု ဒုတိယအကြိမ်ထုတ်တွင် ကျွန်တော့် ၀တ္ထုများကို ဝေဖန်ထားသည့် စာရေးဆရာများ၏ “ ပထမ၊ ဒုတိယ၊ တတိယ” ဆုရစာမူများကိုသာ ဖော်ပြနိုင်ပြီး ကျန်ရှိသော နှစ်သိမ့်ဆုရ ဆရာ၊ ဆရာမများနှင့် စာဖတ်သူများ၏ စာမူများအား အကြောင်းမျိုးမျိုးကြောင့် မဖော်ပြနိုင်သည်ကို ခွင့်လွှတ်ကြပါရန် တောင်းပန်အပ်ပါသည်။
စာဖတ်သူများ၏ အကြံပြုဝေဖန်စာများကို အထူးမှတ်သားပြီး ဘ၀သရုပ်ဖော်ဝတ္တုတို၊ ၀တ္ထုရှည်(လုံးချင်း) များကို ဆက်လက်အားစိုက် ရေးသားထုတ်ဝေပါအုံးမည်။
ယခု ဒုတိယအကြိမ်ထုတ်မှ စ၍ စာရေးသူ၏ ကလောင်အမည်ကို ရွှေလမ်းငွေလမ်း ၀င်းကြည်အား ၀ိုင်းကြည်အောင် (ရွှေလမ်းငွေလမ်း)ကလောင်ခွဲနှင့် ဆက်လက် ရေးသားပါမည်။
ယခု စာအုပ်ဖြစ်မြောက်ရေးအတွက် အားပေးကူညီသော ချစ်ဇနီး“ ဒေါ်ခင်စီ၊ သားနှင့်သမီး” တို့အား လည်းကောင်း အမှာစာ ရေးသားပေးကြသော “ ဆရာ မကွေးဝင်းမြင့်၊ ဆရာ မြေလတ်မင်းလွင်” တို့နှင့် ဒုတိယအကြိမ် ဤစာအုပ်ထုတ်ဝေနိုင်အောင် ဝေဖန်အကြံပေးကြသော အနယ်နယ်အရပ်ရပ်မှ စာဖတ်သူများအား ကျေးဇူးအထူးတင်ရှိပါသည်။
အားဆေးတစ်ခွက် ရသစွက်၍
ကျွန်တော့်ရဲ့ အချစ်ဆေးခါးကြီးကို
ဖတ်ရှုမိသူများ အတွက်
အသိ အားဆေးတစ်ခွက် သောက်မိလျက်သား
ဖြစ်သွားရင်ဖြင့် စာရေးရကျိုး နပ်ပါပြီ
ဆြက်လက်ကြိုးစားပါအုံးမည်
ရွှေလမ်းငွေလမ်းဝင်းကြည်
ဝိုင်းကြည်အောင်
ရွှေလမ်းငွေလမ်းဝင်းကြည်
၂၀၀၉ ခု၊ဇူလိုင်လ(၂၈)ရက်၊ ညနေ(၅)နာရီ၊ ရေး၏။
1 comments:
ဦးရေ.. ၀တ္ထုတိုပေါင်းချုပ်လေး လိုချင်ရင်ဆက်သွယ်ဆိုလို့.. ဆယ်သွယ်ပါတယ်..
ဂျီတော့ထဲမှာပဲတောင်းတော့မယ် ဦးကြည်..း)))
Post a Comment