ရယ်စရာ
ရွှေလမ်းငွေလမ်းဝင်းကြည်
လွန်ခဲ့သော..အနှစ်(၂၀)ကျော်ကာလက ဖြစ်ပါတယ်..။သစ်ရောင်း၊၀ယ်ကိစ္စအတွက် ထီးချိုင့်မြို့နယ်လား၊ကသာမြို့နယ်လားမသိ..၊ရွာတစ်ရွာကို ရောက်ခဲ့ပါတယ်။အဲဒီရွာက သစ်ခွဲစက်တွေပေါပါတယ်။ သစ်ခုတ်သမားတွေကလည်းများပါတယ်။သစ်ခုတ်သမား အတော်များများက ဘိန်းစားသူတွေများပါတယ်..။
တစ်နေ့မှာ အဲဒီရွာကို ဘုရားပွဲကျင်းပပါတယ်။ ဇာတ်ပွဲလည်းပါတယ်..။ပွဲကမယ့် ညနေမှာလူတွေက သိပ့်ကိုစည်ကားနေပါတယ်..။ ထူးထူးခြားခြား မြင်ကွင်းတစ်ခုကို တွေ့လိုက်ရပါတယ်..။ လူနှစ်ယောက်ပါ။ လူတစ်ယောက်ရဲ့အပေါ်မှာ တခြားလူတစ်ယောက်က ဂုတ်ပေါ်မှာခွစီးလာပါတယ်..။ အပေါ်က လူကခြေနှစ်ဖက်လုံးကျိုးနေသူပါ။အောက်က လူကတော့ မျက်လုံးနှစ်ဖက် ကွယ်နေသူပါ။အပေါ်က ကိုအကျိုးခိုင်းတဲ့အတိုင်း အောက်ကလူ ကိုအကန်းက လုပ်ပေးရပါတယ်..။ သူတို့က အမွှာညီအကိုများဖြစ်တာ သိလိုက်ရပါတယ်..။
အဲ..ကိုအကျိူးက အကိုအကြီးပါ..။ သူ့စိတ်ကြိုက် ညီငယ် အကန်းက အလိုကြ လိုက်လုပ်ပေးနေရပါတယ်။
ဟော..ဒီည ငါပွဲကြည့်မယ်လို့..အကိုကြီး အကျိုးက..သူ့ညီငယ် အကန်းကို ပြောပါတယ်။ ညီငယ်အကန်းက ဘယ်ပွဲကြည့်ချင်ပါ့မလဲ..။ ဒါပေမဲ့ အကိုကြီးသဘောပါတဲ့..။ သူ့အကိုကြီးရဲ့နားနာကို အသာကပ်ပြီးပြောနေပါတယ်..။ အမှန်ကတော့ သူ့ကို ဘိန်းကျွေးခိုင်းတာပါ။ အဲ..ပြီးတော့ ပွဲပြီးရင် လက်တို့ပြီး နိုးရန်ပြောထားတာပါ။
ည ပွဲကြည့်ကြပြီ..။
အကျိူးကတော့ မျက်စီမြင်သူဆိုတော့ သဘောကျနေတာပေါ့။တ၀ါးဝါး တဟားဟားရယ်လိုက်နဲ့ပေါ့..။ ညီငယ်အကန်း ဘိန်းစားကတော့ သူ့စည်းစိမ်ကို ဘာနဲ့မှ မလဲနိုင်အောင်..ဘိန်းမှိန်းမှိန်းနေပြီး ဇိမ်ခတ်နေတာပေါ့လေ..။ ပွဲက နောက်ပိုင်းဇာတ်တော်ကြီးကို ထွက်နေပေပြီ..။ ဇာတ်တော်က မယ်သီတာကို ဒသဂီရိဘီလူးက ခိုးမဲ့ ဇာတ်ဝင်ခန်းကို စတင်နေလေပြီ….။ဆိုင်းတီးခတ်သံတွေ ခဏရပ်လိုက်ပြီး…. မီးမှောင်ချလိုက်ပါတယ်…..။ဒသဂီရိဘီလူး ထွက်ခန်း……
“““““သဲ….သဲ…သဲ….ငါ့ဟဲ့ ဘီလူးမင်း…ဒသဂီရိ ဖြစ်တော့သည်……””””””
အသံနက်ကြီးနှင့်လည်း အာဂလောင်ချစ်လို့အော်၏။ ခြေဖနောင့်နှင့်လည်း (၃)ချက် ဇာတ်ခုံအခင်းကို ဆောင့်နင်း၏။…ဆိုင်းက ပတ်မကြီးကလည်း တထီးထီးထုနေ၏။ ယခွင်းသံတွေကလည်း တစ်ရွမ်းရွမ်းနားမခံနိုင်အောင်တီးနေကြ၏။ ဇာတ်ပွဲခင်းတခုလုံးမှာ သိပ့်သိပ့်တုံဟီးသွားပေပြီ………..။
ဘိန်းစားခဗျာ..ဘိန်းမှိန်း မှေးနေရာက တော်တော်ကြီးကို ထိပ်လန့်သွားပါပြီ..ဒေါသ လည်းထွက်လာပြီ..အိပ်နေရာက ဇာတ်ခနဲ ထလို့ ပရိပ်သတ်ဘက် မျက်နှာမူလျှက်သား မှတ်တတ်ရပ်ပြီး……ထအော်ပါတော့သည်………
( ငါ…ငါ………..မသားတွေ…….သဲ….တွေဘာတွေလုပ်နေကြတယ်…..ဘီဘူးဆိုလည်း ပြီးတာပါပဲ………….)။
လွန်တာရှိ ၀န္ဒာမိပါ…….။
ရွှေလမ်းငွေလမ်းဝင်းကြည်
၂၀၀၉ ခု၊ဇူလိုင်လ(၂၁)ရက်၊ ညနေ(၅း၁၄)နာရီ ရေး၏။
1 comments:
သူ့စည်းစိမ် ပျက်သွားတာကိုး ဟိ
Post a Comment