`အပိုဆုတွေနဲ့ မက်လုံးပေးပြီး အောင်ဘာလေထီဈေးတွေ ဈေးကြီးနေတော့မှာလား..?´
ပြည်သူ့လွှတ်တော်မှာ အစိုးရအောင်ဘာလေထီကိစ္စကို လွှတ်တော်ကိုယ်စားလှယ်တစ်ဦးကမေးမြန်းတာ ကြားလိုက်ရ ပါတယ်။ အောင်ဘာလေထီတစ်စောင် အစိုးရဈေး(၂၀၀)ကျပ်မှ ထီတစ်စောင်(၃၅၀)ကျပ်အထိဖြစ်နေလို့ အများပြည်သူ များအတွက် အစိုးရထုတ်ဈေး(၂၀၀)ကျပ်နဲ့ ထီထိုးနိုင်အောင်မည်ကဲ့သို့ဆောင်ရွက်ပေးမည်လဲ အဆို မေးမြန်းချက်အား ကြားလိုက်ပါတယ်။ သက်ဆိုင်ရာ ၀န်ကြီးကဖြေကြားရာမှာ အောင်ဘာလေထီစနစ်သည် ရောင်းရငွေ၏(၄၀%)ကို နိုင်ငံတော်မှနုတ်ယူပြီး ကျန်(၆၀%)အား ဆုငွေများအဖြစ်ဖွင့်လှစ်ပေးခဲ့ပါကြောင်း၊ နိုင်ငံတော်အတွက် ၀င်ငွေ ရငွေများရဲ့(၉၀%) မှာ အခွန်ဦးစီးဌာနမှရှာဖွှေပေးနေပါကြောင်း၊ အောင်ဘာလေထီဌာနမှ အများပြည်သူများအတွက် လူတစ်ဦးလျှင်(၂၀၀)ကျပ်ဖြင့် ထီထိုးနိုင်အောင် လက်လီရောင်းချပေးစေလိုတာကို မဖြစ်နိုင်ပါကြောင်း၊ အောင်ဘာလေ ထီဌာနမှ ယခင်ကပေးထားတဲ့အတိုင်း လက်ကားထုတ်ယူခွင့်ရသူ ကိုယ်စားလှယ်များကိုသာ ဆက်လက်ထုတ်ပေးနေပါ ကြောင်း၊ အောင်ဘာလေထီလက်မှတ် များကို ထုတ်ယူသူကိုယ်စားလှယ်များအနေဖြင့် သတ်မှတ်ထားသောခွဲတမ်းအရ အပြတ်ထုတ် ပေးခြင်းဖြစ်ပါကြောင်း၊ မရောင်းရတဲ့ လက်ကျန်ထီလက်မှတ်များကို အောင်ဘာလေထီဌာနမှ ပြန်လည် လက်မခံပါကြောင်း၊ အောင်ဘာလေထီဌာန အနေဖြင့် တလလျှင် အက္ခရာ(၂၄) လုံးထုတ်လျှင် ယင်းထီလက်မှတ် များကို တစ်လချင်း အပြီးအပြတ်ရောင်းချပေးထားပါ ကြောင်း၊ ဒါကြောင့် ထီလက်ကားထုတ်ယူရောင်းချနေသော ကိုယ်စားလှယ်များ အနေနှင့် ကျန်နေသောထီလက်မှတ်များအားမရှုံးစေရအောင် ထီလက်မှတ်မကျန်စေရအောင် အပိုဆုများ ဖြင့်မက်လုံးပေးပြီး ရောင်းချ ပေးနေရတာဖြစ်ပါကြောင်း စတဲ့ မေးမြန်းဖြေကြားချက်များကို ကြားသိလိုက်ရပါတယ်။ (၈-၉-၂၀၁၁ နေ့ ပြည်သူ့လွှတ်တော်မှ ပြောကြားချက်များအား နားလည်သမျှကို ကောက်နုတ်ဖော်ပြပါသည်။ ၈-၉-၂၀၁၁ နေ့ထုတ်ကြေးမုံ သတင်းစာ မိတ္တူဖော်ပြလိုက်ပါ၏။)
အထက်မှပြောကြားအပြီး နောက်တစ်နေ့မှာ ယခု(၂၇၃)ကြိမ်အောင်ဘာလေထီ အက္ခရာ(၂၄)စောင်ပါ မင်္ဂလာစုံတွဲ ထီတစ်အုပ်လျှင် လက်ကား ဈေးနှုန်း(၆၇၀၀)ကျပ်မှ (၂၀၀)ကျပ်ဈေးတက်သွား၍ မင်္ဂလာစုံတွဲ ထီတစ်အုပ်ဈေးနှုန်း (၆၉၀၀)ကျပ်သို့ ဈေးတက်သွားပါသည်။ လက်လီဈေးကွက်တွင် မင်္ဂလာစုံတွဲ တစ်အုပ်လျှင် (၇၅၀၀)ကျပ် ရောင်းချရကြောင်း၊ ထီတစ်စောင် ဈေးကို(၃၇၅)ကျပ် လက်လီရောင်းချနေရပါကြောင်း ထီကိုယ်စားလှယ်တစ်ဦးက ပြောကြား၍ သိရပါတယ်။ ဘာကြောင့်ထီဈေးကြီးနေရပါသလဲ လို့ ကုန်သည်တစ်ဦးအား မေးမြန်းကြည့်ရာ.. `ကျွန်တော်တို့လိုထီဆိုင်ရှိပြီး အောင်ဘာလေထီဌာနမှ ထီခွဲတမ်းနည်းနည်းသာ ရသူကိုယ်စားလှယ်တွေက အမှန်တကယ် ထီမရောင်းပဲ အကြောင်း အမျိုးမျိုးနဲ့ ထီခွဲတမ်းဝယ်ယူခွင့်ရရှိထားသူတွေဆီမှ တဆင့်ဝယ်ယူရောင်းချနေရလို့ စရိတ်တွေ တက်တက်သွားလို့ ထီဈေးကြီးရခြင်းဖြစ်ပါတယ်။ ဈေးကွက်မှာ လက်ကားရောင်းလိုအားကနည်းပြီး ၀ယ်လိုအားက များနေပါတယ်။ လက်ကားဝယ်လိုအားများနေလို့ ယခုလက်ရှိထုတ်နေတဲ့ အက္ခရာ(၂၄)လုံးကနေ နောက်အက္ခရာထပ် တိုးထုတ်ရင်တော့ ထီဈေးကျသွားနိုင်ပါတယ်။ ဒါပေမယ့် အမှန်တကယ်ထီမရောင်းပဲ အောင်ဘာလေထီခွဲတမ်းရသူ ပုဂ္ဂိုလ်တစ်ချို့နဲ့ ထီလောကမှ ကိုယ်စားလှယ်ကြီးတစ်ချို့တို့က နှစ်ဖွဲ့ပေါင်းပြီးထီဈေးကွက်ကို နည်းမျိုးစုံနဲ့ ထိမ်းထားကြ တယ်လို့ ကျွန်တော်ထင်ပါတယ်.။ အဲဒီ ထီခွဲတမ်းရသူပုဂ္ဂိုလ်များရဲ့ ထီခွဲတမ်းပါမစ်တွေကို ထီလက်ကားကုန်သည်ကြီးတစ်ချို့မှ နှစ်ပြတ်နဲ့ အမြတ်ပေးဝယ်ထားပြီး ထီဈေးကွက်ကို ထိမ်းထားပြီး ကစားနေကြတာလို့ဆိုချင်ပါတယ်ဗျာ.လူတစ်စုကောင်းစားရေးအတွက် ပြည်သူလူထုက အစိုးရထုတ် အောင်ဘာလေထီကို ဈေးကြီးပေးပြီးထိုးနေရတဲ့သဘောပါဘဲခင်ဗျ....။´ ဟု ထီရောင်းချနေသူ ကိုယ်စားလှယ်တစ်ဦးက ပြောကြားပါတယ်။
စာရေးသူစဉ်းစားမိတာကို ပြောကြားလိုပါတယ်။ အများပြည်သူများ ဆင်းရဲခြင်းလွတ်ကင်းအောင် လောင်းကစား တစ်လုံး၊ နှစ်လုံး၊ သုံးလုံးတွေ ကိုရအောင်ထိမ်းသိမ်းထားနိုင်ကြပြီး အစိုးရပိုင်အောင်ဘာလေထီဆိုင်တွေကြတော့ ဗလာမပါကံစမ်းမဲ (ကောင်းသော၊ တန်ဘိုးကြီးသော ပစ္စည်းများကိုပြပြီး မဲလိပ်ထဲမှာမပါ) လှည့်ကွက်တစ်မျိုးလုပ်ခြင်း။ သိန်း(၁၀၀၀)ပေါက်လျှင် အပိုဆုသိန်း(၅၀၀)၊ သိန်း(၆၀၀) နဲ့ လိုက်အိတ်ကား(၂)စင်းပေးမယ်လို့ မက်လုံးတွေပေးပြီး ထီဈေးတွေကို (၂၀၀) ကျပ်ကနေ နှစ်ဆတိုးပြီး (၄၀၀) ကျပ်အထိ ဈေးတက်ပြီးရောင်းနေကြခြင်းအား လက်ပိုက်ကြည့်မနေသင့်ပါ။ ထီရောင်းချနေကြသောဆိုင်ကြီးများမှ သူတို့ချမ်းသာလို့ သူတို့ထီရောင်းအားကောင်း အောင် အပိုဆုတွေကို ကြိုက်သလို၊နည်းမျိုးစုံနဲ့ အများပြည်သူတွေလက်ထဲကိုရောက်အောင် မှန်မှန်ကန်ကန်ပေးကြပါ။ လောင်းကစားဥပဒေနဲ့လည်း လွတ်ကင်းစေချင်ပါတယ်။ အောင်ဘာလေထီဈေးနှုန်းကိုလည်း သင့်လျှော်တဲ့ဈေးနှုန်းဖြင့် သက်ဆိုင်ရာမှ တားဆီး သတ်မှတ်ပေးသင့်ပါတယ်လို့ အများအတွက် တင်ပြလိုက်ရပါတယ်။
ဝိုင်းကြည့်အောင်
0 comments:
Post a Comment