မကွေးမြို့မှ SHADE စာပေ၀ိုင်း(၃၇)

Shade37
မကွေးမြို့မှ SHADE စာပေ၀ိုင်း(၃၇)
၃၁-၇-၂၀၁၁၊ တနင်္ဂနွေနေ့၊ နေ့(၁၂)မှ ညနေ(၃)နာရီအထိ မကွေးမြို့၊ ရန်ကျော်ရပ်၊ သုခိတာလမ်းနဲ့ ပိတောက်လမ်းကြားက FOREVER လက်ဖက်ရည်ဆိုင် ဥယျာဉ်မှာ ပေါင်းဆုံဝိုင်းဖွဲ့ပြောဆိုကြပါတယ်။ ဒီတစ်ပတ် SHADE စာပေ၀ိုင်း(၃၇) ကြိမ်ပါ။ ဒီတစ်ပတ်မှာ ပထမဆုံးအကြိမ်အဖြစ် ဧည့်သည်တော် လူငယ်စာရေးဆရာနှစ်ယောက် ရောက်လာကြပါတယ်။ စာရေးဆရာ လူဦးဇင်(မကွေး) နဲ့ စာရေးဆရာ အိမောင်(မကွေး) (ခ) မောင်ခိုင်စု တို့ဖြစ်ပါတယ်။ မန္တလေးက ဧည်သည်ဆရာ ခေတ္တရာမန်းသန်းမြင့်၊ မင်းဘူးမြို့က ဧည့်သည်တော်များ ဆရာနှင်းဦး(မင်းဘူး)၊ ကာတွန်း မောင်အေး (ခ) ဖရဲသီးတို့နှစ်ဦးမှာ စက်ဘီးတစ်စီးကို နှစ်ယောက်တွန်း၍လာခဲ့ပါကြောင်းသိရပါတယ်။(မှတ်ချက်။ ယင်းစက်ဘီးမှာ ဘရိတ်မမိပါ၊ဘီးကပေါက် နေ၍ အတက်၊အဆင်းတွန်းပြီး ခြေလျှင်လျှေက်လို့လာရကြောင်း ကြားသိရပါ၏။) Shade စာပေ၀ိုင်းတော်သားများကတော့ ဆရာမကွေးဝင်းမြင့်၊ ဆရာမကွေးညိုစိမ့်၊ ဆရာနေခြည်(မကွေး)၊ ဆရာတက္ကသိုလ်ရည်ရွယ်၊ ဆရာလွမ်းရ(မကွေး)၊ ပန်းချီဆရာမင်းသူ၊ ပန်းချီဆရာသူရိန်မြိုင် နဲ့ စာရေးသူတို့ ဖြစ်ကြပါတယ်။ ဒီတစ်ပတ်တော့ မိုးဖွဲဖွဲရွာနေသော်လည်း လူစုံ တက်စုံ စကားလက်ဆုံကြခဲ့ပါတယ်။
ဆရာမကွေးဝင်းမြင့်မှ စတင် ပြောဆိုပါတယ်။ `လေးစားအပ်ပါသော စာပေမိတ်ဆွေများခင်ဗျား…စာအုပ်စာပေ လူ့မိတ်ဆွေဆိုတဲ့အတိုင်း သတင်းစာ၊ ဂျာနယ်၊ မဂ္ဂဇင်းများက စီးပွားရေး၊ လူမှုရေး၊ ပညာရေး၊ ကျန်းမာရေးတို့ကို အသိပညာပေးပါတယ်။ မည်မျှပင်ငွေကြေးချမ်းသာပါသော်လည်း ကျန်းမာရေး အသိပညာမရှိရင် အသက်မရှည်ပါလို့ ကမ္ဘာ့ဆေးသိပ္ပံ ပညာရှင်များက မိန့်ဆိုကြပါတယ်။ ဒီတစ်ပတ် Shade ဂျာနယ် စာပေစကားဝိုင်းမှာ သတင်းအချက်ပေးတဲ့ ကျန်းမာရေး ဗဟုသုတကလေးတွေကို လက်ဆင့်ကမ်း ဖြန့်ဝေဆွေးနွေးချင်ပါတယ်။ (၁၈-၅-၂၀၀၉)နေ့ထုတ် မြန်မာ့အလင်း သတင်းစာမှာ နံနက်တိုင်း နေ့စဉ်နာရီဝက်ခန့် လမ်းမှန်မှန်လျှောက်ရင် ရုတ်တရက် လေမဖြတ်ပါဘူးတဲ့။ ပြီးတော့ နှလုံးရောဂါ နှလုံးသွေးကြောကျဉ်းရောဂါ များလည်းကင်းစင်ပါတယ်တဲ့။ အဲဒါ ဗြိတိသျှဆေးပညာရှင်ကောင်စီက တကမ္ဘာလုံးမှာရှိကြတဲ့ လူတွေသိကြဖို့ ထုတ်ပြန်လိုက်တဲ့ အသက်ရှည်ရာ အနာမဲ့ကြောင်း နည်းလမ်းကောင်းတစ်ခုပါဘဲ။ တညလုံး အိပ်ပျော်ခဲ့သည့် ခန္ဓာကိုယ်ကို နံနက်အိပ်ယာထမှာ ကိုယ်လက်လှုပ်ရှားမယ်၊ လမ်းလျှောက်မယ်ဆိုရင် သွေးလည်ပတ်မှု ညီညွတ်မျှတပြီး နှလုံးသွေးကြောကျဉ်းရောဂါ ရုတ်တရက် လေဖြတ်တဲ့ရောဂါ တိုးတက်ကင်းစင်ကြောင်း ဗြိတိသျှ ဆေးကောင်စီ ဆရာဝန်ကြီးများက မိန့်ဆိုပါတယ်။ ဒါကြောင့် စာပေမိတ်ဆွေများ ကျန်းမာပြီး အသက်ရှည်စေဖို့ နံနက်အိပ်ရာထမှာ နာရီဝက်ခန့် လမ်းလျှောက်ကြပါလို့ တိုက်တွန်းပါရစေ။ မိမိအလုပ် မအားလပ်ပါက မိမိနေအိမ်အတွင်းမှာ လမ်းလျှောက်ပါ။ နံနက်ပိုင်းမှာ လမ်းလျှောက်တာက အကောင်းဆုံးပါဘဲခင်ဗျား။ ကျန်းမာ၍ ချမ်းသာကြပါစေ..။ ဟု ဆရာမကွေးဝင်းမြင့် မှ ပြောဆိုသွားပါတယ်။
ဆရာနေခြည်(မကွေး) က ပေဖူးလွှာမဂ္ဂဇင်း၊ ၂၀၁၁၊ သြဂုတ်လ ထုတ်ထဲက စာရေးဆရာ မောင်ခင်မင်(ဓနုဖြူ) ရေးတဲ့ (ဥပစာ ကမ္ဘာကြီးထဲမှာ) ဆိုတဲ့ဆောင်းပါးကို မျှဝေခံစားပြောဆိုပါတယ်။ လူတိုင်း နေ့စဉ်ပြောနေကြစကားတွေထဲမှ ဥပစာ အင်္လကာ နဲ့ပြောတဲ့စကားတွေပါ။ တေမိမင်းလို၊ ဝေသန္တရာမင်းလို၊ ဒေ၀ဒတ်လိုလူမျိုး၊ ဇနက္ကလိုလူမျိုး၊ အအိပ်ကြီးသူတွေကို ကာလနဂါးလို၊ လှေနံဓါးထစ် လိုလူမျိုး၊ စူလလိပ်ကြီးလို၊ ငတက်ပြားလို၊ ငပွကြီးလို၊ ဟင်္သာကိုးသောင်းပျက်တာမျိုး( ဇာတ်တူသားစားလို့)၊ ဗိုလ်နေမြဲ ကျားနေမြဲ၊ မိုးခါးရေသောက်တဲ့လူမျိူး၊ ကျီးကိုဘုတ်မြှောက် ဘုတ်ကကျီးကိုမြှောက် တဲ့လူစားမျိုး၊ လျှောမွေးကို ဗာရာဏသီချဲ့တယ်။ စသည့် ဇာတ်တော်၊ ပုံပြင်တို့ကို ရေးသားထားပါတယ်။ ယခုလူငယ်တွေ ဒီလိုစကားမျိုးတွေကို မသိနိုင်ပါဘူး။ ကျွန်တော်တို့အနေနဲ့တော့ ဒီစကားတွေက မဆန်းပေမယ့် ယခုခေတ် လူငယ်တွေ သေသေချာချာ သိရအောင် စာရေးသူ ဆရာမောင်ခင်မင်(ဓနုဖြူ) အနေနဲ့ ယခုထက် စုံစုံလင်လင်နဲ့ ပုံပြင်တွေပါ အကျယ်တစ်ဝန့် ရေးသားပေးစေလိုပါကြောင်း။ ဒီ Shade စာပေ၀ိုင်းမှာ သိတဲ့လူများရှိရင်တော့ ကျွန်တော်သိလိုတာကို မေတ္တာရပ်ခံပါရစေ။ (လျှောမွေးကို ဗာရာဏသီချဲ့တယ်။) ဆိုတဲ့ စကား အခြေခံ ဇစ်မြစ် ပုံပြင်အား သိလိုပါကြောင်း။ ဆရာနေခြည်(မကွေး)က ပြောဆိုသွားပါတယ်။
ဆရာနေခြည်(မကွေး) ပြောဆိုသွားတာကို နှင်းဦး(မင်းဘူး)က ဆက်လက်ဆွေးနွေးပြီး ပြောဆိုပြန်ပါတယ်။ `ဆရာနေခြည် ပြောသွားတာတွေ အားလုံးကောင်းပါတယ်။ ဘာမှ အမှားမပါ ပါဘူး။ ဒါပေမယ့် နှမ်းဖြူးတဲ့သဘောပါ။ နည်းနည်းလေး ဖြည့်ပြောပါရစေ.။ မိုးခါးရေ ကိစ္စလေးပါ။ အဲဒီကိစ္စမှာ အားလုံးလူတိုင်းက မူးကြ၊ ရူးကြ တစ်တိုင်းပြည်လုံး မိုးခါးရေကို သောက်နေချိန်မှာ ရှင်ဘုရင်တစ်ပါးတည်း မသောက်ဘဲနေတာပါ။ သူ့ကို အခြားသူတွေက လာပြောပါတယ်။ တစ်တိုင်းပြည်လုံးမိုးခါရေသောက်လို့ ရူးနေကြတယ်။ ရှင်ဘုရင်ကြီးလည်း ရူးမှ မူးမှ တော်ပေမည် ဆိုတော့ ရှင်ဘုရင်ကြီးလည်း ယခုခေတ် စကားနဲ့ပြောရရင် သူများတွေ လူတိုင်းသောက်နေတဲ့ မိုးခါးရေကို ရှင်ဘုရင်ကြီးကလည်း ကိုင် လိုက်တယ်ဆိုပါတော့..။ အဲဒါလေးကို ကြားရတော့ ကျွန်တော့်သူငယ်ချင်း ကဗျာဆရာတစ်ဦး ရေးသွားတဲ့ ကဗျာလေးကို ပြောပါရစေ။ တိုတိုလေးပါ။ ( မိုးခါးရေကို မသောက်လိုလျှင်၊ သင့်ကိုဝိုင်းပယ်ကြမည်တည်း..တဲ့။) ခေါင်းစဉ်တော့ ကျွန်တော်မမှတ်မိတော့ပါဘူး။ သူများ မိုးခါးရေသောက်တိုင်း လိုက်သောက်ရမယ်ဆိုတဲ့ လူမိုက်အားပေးတဲ့ သဘောများ ဖြစ်နေရင်တော့ ခွင့်လွှတ်ကြပါ။
ပန်းချီဆရာ မင်းသူကလည်း ဆရာနေခြည် ပြောတာကို ဤသို့ ဆိုပြန်ပါတယ်။ ` ဆရာနေခြည် ပြောကြာတဲ့ အထဲက ကျီးကို ဘုတ်မြှောက်၊ ဘုတ်ကလည်း ကျီးကိုမြှောက် ဆိုတာကို ဖြည့်ပြောချင်ပါတယ်။ ဟာ ကိုရွှေဘုတ်..ခင်ဗျားရဲ့အတောင်လေးက ဘုရားရဲ့သင်္ကန်းရောင်လေးပဲ။ လို့ ကျီးကဆိုပါတယ်။ ဘုတ်ကလည်းပြန်ပြော ပါတယ်။ ဟုတ်တာပေါ့ ကိုရွှေကျီးရယ်..ခင်ဗျားရဲ့ အမွေးအတောင်လေးတွေကလည်း ဘုရားရဲ့ သပိတ်ရောင်လေးပါပဲ။ လို့ ဘုတ်က ပြန်ဆိုပါတယ်။ ဒါလေးတွေက ပြည်တွင်းမှ ပုံပြင်လေးတွေပါ။ လောကကြီးထဲမှာ အလိုက်အထိုက် မြှောက်ပင့်ပေါင်းသင်းနေကြသူများကို မြင်အောင် ပြထားတာပါ။
ဆရာ မကွေးညိုစိမ့်ကလည်း ဒီလိုပြောပါတယ်။ ` ကျွန်တော်ကတော့ ရန်ကုန်ကနေ မကွေးကို ရောက်တိုင်း ဒီ Shade စာပေ၀ိုင်းကို ရောက်ဖြစ်အောင်ကိုလာခဲ့ပါတယ်။ ဒီတစ်ပတ် Shade ဂျာနယ်၊ အတွဲ(၅)၊ အမှတ်(၃၄) ထဲက စာရေးသူ အယ်မောင်မောင် ရေးတဲ့ (ကံ) ဆိုတဲ့ဆောင်းပါးကို ပြောဆိုချင်ပါတယ်။ ဒါလေးကို ကျွန်တော် တော်တော်သဘာကျ ပါတယ်။ ဘာကြောင့်သဘောကျရသလဲဆိုရင် အသက်ခြောက်ဆယ်ပြည့်လို့ အစိုးရက ပင်စင်ပေးပေမယ့် စာရေးသူရဲ့ အဖေဟာ အသက်ခုနှစ်ဆယ်အထိ မိသားစု စားဝတ်နေရေးအတွက် ပင်စင်မယူနိုင်ခဲ့ပါဘူး။ အလုပ်တွေကို ကျိုးစားပြီး လုပ်ကိုင်တိုင်း ပျက်ခဲ့ရတာလေးတွေကို တင်ပြထားပါတယ်။ နောက်ဆုံး မအောင်မြင်တာ့ ငါတို့ ကံကုန်ပါပြီ လို့ ဆိုတဲ့ အကြောင်းကလေးကို လှလှပပနဲ့ မြင်သာ ထင်သာအောင် ရေးပြထားပါတယ်။ ကံနဲ့ပတ်သက်လို့ စကားပုံလေးတွရှိပါတယ်။ ကံကောင်းတဲ့ကျား သွားရင်းသမင်တွေ့။ ကံဆိုးမသွားရာ မိုးလိုက်လို့ရွာ။ ကံမခိုင် သံတိုင်အိမ်ဆောက်ရင် ကံမှောက်တော့ ကျိုး။ ကံယုံ၍ ဆူးပုံမနင်းရ။ စတဲ့ စကားပုံများကိုလည်း ဖော်ပြပေးထားတာ ကောင်းပါတယ်။အဓိက ဆိုချင်တာကတော့ သူတို့မိသားစု ဘာကြောင့်လုပ်တိုင်း ကံမကောင်းတာလည်း အဖြေရှာကြည့်လိုက်တော့၊ ယခု ဘ၀မှာကို မကောင်းတဲ့ အကုသိုလ်ကံတွေနဲ့ ( သား ငါး မွေးမြူရေးတွေလုပ်ခဲ့ခြင်းကြောင့်) လို့ ဟု ဆိုထားပါတယ်။ ကောင်းတာလုပ်ရင် ကောင်းတဲ့ကံပေးမယ်။ မကောင်းတာလုပ်ရင် မကောင်းကျိုးတွေကို ပေးမယ် ဆိုတဲ့ သဘော ကို ဖွင့်ဆိုရေးသားလို့ ကျွန်တော် သဘောကျ တင်ပြလိုက်ရပါတယ်။ ဟု ဆရာ မကွေးညိုစိမ့်က ပြောကြားသွားခဲ့ပါတယ်။
(စာမျက်နှာ အခက်အခဲကြောင့် SHADE စာပေ၀ိုင်းတော်သား အားလုံး၏ စကားများကို မဖော်ပြနိုင်ခြင်းအား တောင်းပန်အပ်ပါသည်။)
စိတ် အဟာရ ပြည့်ဝအောင် SHADE ဂျာနယ်ကို ဆောင်လို့ ဘ၀အတွက် သုတ၊ရသစုံတဲ့ SHADE စာပေ၀ိုင်းသို့သွားကြပါစို့..။

ရွှေလမ်းငွေလမ်းဝင်းကြည်

Penulis : shwelannwelanwinkyi ~ Sebuah blog yang menyediakan berbagai macam informasi

Artikel မကွေးမြို့မှ SHADE စာပေ၀ိုင်း(၃၇) ini dipublish oleh shwelannwelanwinkyi pada hari Thursday, September 15, 2011. Semoga artikel ini dapat bermanfaat.Terimakasih atas kunjungan Anda silahkan tinggalkan komentar.sudah ada 0 komentar: di postingan မကွေးမြို့မှ SHADE စာပေ၀ိုင်း(၃၇)