``မကွေးမြို့ မြသလွန်စေတီတော် (၂၅၇၇)ကြိမ်မြောက် ဗုဒ္ဓပူဇနိယ ပွဲတော်ဖွင့်ပြီ´´
အောက်တိုဘာ(၁၄)ရက် နံနက်(၅း၃၀)အချိန် မြသလွန်စေတီတော်ရင်ပြင် တနင်္လာအရပ်မှ မြသလွန် စေတီယ သြ၀ါဒစရိယ ဆရာတော်(၉)ပါးနှင့် ပဌာနဘာဏက ဆရာတော်(၂၄)ပါးတို့ဖြင့် ဗုဒ္ဓါဘိသေက အနေကဇာ တင်ပွဲ ကျင်းပပူဇော်၍ မကွေးမြို့ မြသလွန်စေတီတော် (၂၅၇၇)ကြိမ်မြောက် ဗုဒ္ဓပူဇနိယ ပွဲတော်ဖွင့်လှစ်ကြောင်း သီတင်းကျွတ်လပြည်နေ့နံနက်တွင် သံဃာတော်များအား ဆွမ်းကပ်၍ ညနေ(၆)နာရီတွင် ဆီးမီး(၉၀၀၀) ပန်း(၉၀၀၀)ဖြင့် ပူဇော်မည်ဖြစ်ကြောင်း၊သတင်းရရှိသည်။
မြန်မာပြည်တွင်းရှိ သမိုင်းဝင်(၁၂)လရာသီ(၁၂)ပွဲတော် များထဲက မကွေးမြို့ မြသလွန်စေတီတော်သည် တစ်လခန့်ဘုရားပွဲတော်ဈေးဆိုင်များဖြင့်ရောင်းချကျင်းပ၍ ဇာတ်ပွဲများကို အောက်တိုဘာ(၁၄)ရက်မှ နိုဝင်ဘာ (၄)ရက်အထိရက်ပေါင်း(၂၀)ရက် ကပြခွင့်ပေးကြောင်း၊ ၎င်းပွဲတော်သည် မြန်မာပြည်အထက်ပိုင်း၌ အစည်းကား ဆုံး၊ အသန့်ရှင်းဆုံး စည်းကမ်းအကျ ဆုံး ဘုရားပွဲတော်ဟု အများပြည်သူများသိထားကြသည်။ ဈေးဆိုင်ခန်း ပေါင်းတစ်ထောင်သုံးရာကျာ်ခန့်ရှိပြီး စနစ်တကျ အမျိုးအစားအလိုက်ခွဲခြား၍ ခင်းကျင်းရောင်းချလျှက်ရှိပြီး ဓာတ်ပုံဆိုင်များ၊ ချင်းအလှခပ်ပြိုင်ပွဲများ၊ ချားရဟတ်များ၊ ထူးဆန်းပြပွဲ ပြခန်းများ၊ ကျန်းမာရေးပြခန်းများရှိကြောင်း၊ ၎င်းပွဲတော်တွင် ယခင်ကလို ဇာတ်ရုံ(၂)ရုံ၊ ရှပ်ရှင်ရုံ(၁)ရုံနေရာမပေးတော့ဘဲ ဇာတ်ရုံတစ်ရုံတည်းဖြင့် အောက်တိုဘာ(၁၈)ရက်မှ (၂၁)ရက်နေ့အထိ (၄)ညတွင်စေတနာအဆင့်မြင့်ဇာတ်သဘင်အဖွဲ့ကြီး နှင့်အတူ ရုပ်ရှင် ဂီတ အနုပညာရှင် များဖြစ်ကြသောရှပ်ရှင် ဗီဒီယိုသရုပ်ဆောင်၊အဆိုတော်များ ဇွဲ၊ သြရသ၊ မေသက်ခိုင် နှင့် အေသင်ချိုဆွေ တို့က ဖြေဖျော်ကပြမည်ဖြစ်ကြောင်း၊ ထို့နောက် အခြားဇာတ်ပွဲများအား ကန်ထရိုက်ငှါး၍ ဆက်လက်ကပြမည်ဖြစ် ကြောင်း သတင်းရရှိသည်။ ပွဲတော်လာသူ တောင်သူကြီးတစ်ဦးအား မေးမြန်းရာ
``ဒီနှစ်က ကျွန်တော်တို့ နယ်အဝေးက တောင်သူလယ်သမားတွေဟာ ရာသီဥတုကဖောက်ပြန်တော့ သီးနှံတွေမရကြဘူးဗျ ။ ဒီမကွေးမြို့နားဝန်းကျင်ရွာတွေသာ ပဲတွေ နှမ်းတွေရကြတာပါ။ နောက်ပြီး နိုင်ငံအတွင်း ဟိုနေရာက ဗုံးတွေ့၊ ဒီနေရာကဗုံးတွေ့ကြ၊ ပေါက်ကွဲကျဆိုတော့ ပွဲတော်စည်းကားဖို့ တော်တော်လေး လုပ်ကြ ရမယ်ထင်ပါတယ်။ ဒါပေမယ့် ကျွန်တော်တို့ မြန်မာလူမျိုးတွေကတော့ ဗုဒ္ဓပူဇနိယပွဲတော်ကြီးတွေဆိုရင် ဘေးကင်းရန်ကွာကြတယ်၊ အန္တရာယ်ကင်းကြတယ်ဆိုပြီး အချိန်တန်တော့လဲ ပျော်ကြ ပါးကြ ရောင်းကြ ၀ယ်ကြနဲ့ စည်းစည်းကားကားနဲ့ ပြီးသွားကြတာပါဘဲဗျာ..။´´ဟု ရေနံချောင်းမြို့နယ်က အသက်(၅၀)ခန့်ရှိ တောင်သူကြီး က ပြောသည်။
Artikel ``မကွေးမြို့ မြသလွန်စေတီတော် (၂၅၇၇)ကြိမ်မြောက် ဗုဒ္ဓပူဇနိယ ပွဲတော်ဖွင့်ပြီ´´ ini dipublish oleh shwelannwelanwinkyi pada hari Tuesday, October 15, 2013. Semoga artikel ini dapat bermanfaat.Terimakasih atas kunjungan Anda silahkan tinggalkan komentar.sudah ada 0 komentar: di postingan ``မကွေးမြို့ မြသလွန်စေတီတော် (၂၅၇၇)ကြိမ်မြောက် ဗုဒ္ဓပူဇနိယ ပွဲတော်ဖွင့်ပြီ´´
Subscribe to:
Post Comments (Atom)
0 comments:
Post a Comment