Facebook သုံးလျင် ကင်မရာလေးများကို တိပ်ဖြင့်ပိတ်ထားသင့်

Ni Moe Wai shared အစ္စလာမ့် အားမာန်သစ်'s post. မှ ကူးယူဖော်ပြသည်။

41 mins ·

အစ္စလာမ့် အားမာန်သစ်

Facebook သုံးလျင် ကင်မရာလေးများကို တိပ်ဖြင့်ပိတ်ထားသင့်
################
အမေရိကန်နိုင်ငံ ကယ်လီဖိုးနီးယားပြည်နယ် စီလီကွန်တောင်ကြားမှ နောက်ဆုံးရရှိသော သတင်းများအရ ကမ္ဘာကျော် Social Network Media တစ်ခုဖြစ်သော Facebook တွင် လုံခြုံရေးနည်းပညာပိုင်းဆိုင်ရာ အားနည်းမှုများဖြစ်ပေါ်နေကြောင်း သိရှိရပါသည်။
ယခုနှစ် နှစ်လယ်ပိုင်းတွင်ထုတ်ပြန်လိုက်သော Wikileaks မှသတင်းထုတ်ပြန်ချက်များတွင် အမေရိကန်နိုင်ငံရှိ စီအိုင်အေမှ စုံစမ်းထောက်လှမ်းရရှိမှုများအရ သိရသော မြန်မာအစိုးရနှင့်Facebookတို့ ပူးတွဲလုပ်ဆောင်လျက်ရှိသော ထိပ်တန်းလျို့ဝှက်ချက်တစ်ခုအား ဖော်ထုတ်လိုက်ပါသည်။အဆိုပါProjectအား သိမ်းငှက်စစ်ဆင်ရေးဟု အမည်ပေးထားကြောင်း သိရှိရပါသည်။
ယခုအခါ မြန်မာနိုင်ငံအနှံ့အပြားတွင် Facebook အသုံးပြုသူလူပေါင်း သန်းနှင့်ချီ၍ ရှိနေပြီဖြစ်ပြီး အချို့မှာမိမိတို့နာမည်၊ဓါတ်ပုံအမှန်များဖြင့် အသုံးပြုကြပြီး အသုံးပြုသူ၃ပုံ၂ပုံခန့်မှာမူ အခြားနာမည်များ၊အခြားဓါတ်ပုံများကို အသုံးပြုပြီး မိမိတို့မကျေနပ်သူများ၊မိမိတို့ လိုလားမှုများအား ဖော်ပြနေကြောင်းသိရှိရပါသည်။ထို့ကြောင့်မြန်မာအစိုးရဘက်မှ နိုင်ငံတော်လုံခြုံရေးအဖွဲ့ ထိပ်တန်းလျို့ဝှက်အကြံပေးဖြစ်သူ ဒေါက်တာသော်ဇေမှ Facebookနှင့်ပူးပေါင်း၍ မိုဘိုင်းဖုန်းကင်မရာများမှတဆင့် အသုံးပြုသူအားထောက်လှမ်းသောနည်းစနစ်တစ်ခုအား အကြံပေးတင်ပြလုပ်ဆောင်ခဲ့ကြောင်း သိရှိရပါတယ်။Facebook အသုံးပြုသူများအနေနဲ့ မိမိတို့အသုံးပြုလိုသောဓါတ်ပုံများကို Facebookတွင် တင်လိုသောအခါ Facebookအနေဖြင့် မိုဘိုင်းဖုန်းများအတွင်းမှ ဓါတ်ပုံနှင့်ကင်မရာများကို အသုံးပြုခွင့်Accessအား ရရှိခဲ့ပါသည်။အဆိုပါAccessအား အသုံးပြု၍ Remote Cameraနည်းပညာဖြင့် Facebook မှ အသုံးပြုသူများ၏မျက်နှာအား Facebook အသုံးပြုနေချိန်တွင် Front Camera များမှတဆင့် တိတ်တဆိတ်ဓါတ်ပုံရိုက်ယူထားနိုင်ခြင်း၊Front Camera မပါဝင်သောဖုန်းများမှာလည်း ပါဝင်သောကင်မရာဖြင့် အသုံးပြုသူမသိရှိစေပဲ တိတ်တဆိတ်ဓါတ်ပုံများရိုက်ယူကာ အသုံးပြုသူ တည်နေရာကို အတည်ပြုထောက်လှမ်းမှုများအား ပြုလုပ်နိုင်ခဲ့ပါသည်။ထိုနည်းလမ်းများအား နိုင်ငံရေးအထူးတက်ကြွလှုပ်ရှားသူများအပေါ်တွင် ရည်ရွယ်ခဲ့ရာမှ ယခုအခါ အခြားမလိုလားအပ်သော ပုဂ္ဂိုလ်ရေးဓါတ်ပုံနှင့်ဗီဒီယိုများပါ ရယူလာခြင်းကြောင့် Facebookမှ မူလသဘောတူညီမှုများကို ဖျက်သိမ်းကာ အဆိုပါသိမ်းငှက်စစ်ဆင်ရေးအား ဖြုတ်သိမ်းခဲ့ပါသည်။အဆိုပါစစ်ဆင်ရေးမှာ ၂၀၁၄ခုနှစ် ဧပြီလတွင်စတင်ခဲ့ပြီး ယခုနှစ် နှစ်စပိုင်းတွင်ပြီးဆုံးခဲ့ပြီး ဖြစ်ပါသည်။
သို့သော် ယခုအခါမြန်မာနိုင်ငံမှ နိုင်ငံတော်အဆင့် အထူးလျို့ဝှက်အဖွဲ့အစည်းတစ်ခုဖြစ်သော National Special Force of Investigation Agencyမှ အဆိုပါနည်းစနစ်အား ရုရှနိုင်ငံပြန် အထူးကျွမ်းကျင်Hackerများ အကူအညီဖြင့် ဆက်လက်လုပ်ဆောင်နေကြောင်းကို စီအိုင်အေမှ စုံစမ်းသိရှိရကြောင်းအစီရင်ခံစာများကို Wikileak မှဖော်ထုတ်ခဲ့ပါသည်။ထိုအကြောင်းအရာနှင့် ပတ်သတ်၍ ပြည်တွင်းနည်းပညာမြှင့် Anyonemighty Hacker အဖွဲ့မှ အဖွဲ့ဝင်တစ်ဦးဖြစ်သူ ကိုငြိမ်းသူပိုင်မှ "ဟုတ်ပါတယ်။ဒီဟာကို ကျွန်တော်တို့စုံစမ်းသိရှိရတာ ပြီးခဲ့တဲ့လကပါ။ကျွန်တော်တို့ဘက်ကလည်း ပြည်သူလူထုအတွက် အကာအကွယ်ပေးနိုင်အောင် တန်ပြန်Hacking ပြုလုပ်သွားဖို့အတွက် စီစဉ်ထားပါတယ်"ဟု ပြောဆိုသွားပါသည်။
ပြီးခဲ့သောလမှ ထွက်ပေါ်လာခဲ့သော မြင်းခြံဗီဒီယိုဖိုင်၊ထိုမတိုင်ခင်က ထွက်ပေါ်လာခဲ့ရသော ဆေးကျောင်းHD အစရှိသည်များမှာလည်း အဆိုပါ နည်းပညာကိုအသုံးပြုကာ ရယူခဲ့ခြင်းဖြစ်ကြောင်း ပြည်တွင်းမှ နည်းပညာအထူးကျွမ်းကျင်သူ ဒေါက်တာခန့်ကြွယ်စိုးမှ အတည်ပြုပြောကြားသွားပါတယ်။
"ဒီဟာကို ကျွန်တော်တို့ မသင်္ကာဖြစ်နေတာ ကြာပါပြီ။ကျွန်တော်တို့အားလုံးက Facebook ကို နေရာစုံမှာ သုံးနေကြတာလေ။သုံးတဲ့အချိန်မှာလည်း ကင်မရာတွေအားလုံးကို Access လုပ်ခွင့်ပေးထားတာကို ကျွန်တော်တို့အားလုံး မေ့ထားကြပါတယ်။ကျွန်တော်တို့Facebookကို တမေ့တမောသုံးနေကြတဲ့အချိန်မှာပဲ ကျွန်တော်တို့အားလုံးရဲ့ကိုယ်ရေးကိုယ်တာ ဓါတ်ပုံတွေအားလုံးကို ဖုန်းမှာပါတဲ့ကင်မရာတွေ လက်ပ်တော့ပ်ကင်မရာတွေကို အသုံးပြုပြီး သူတို့က ရယူသွားပြီးကြပါပြီ။ဟိုးတလောက အားလုံးပဲမှတ်မိကြမယ်ထင်ပါတယ်။ကျွန်တော်တို့အားလုံး Facebookသုံးနေရင်း ခဏခဏLog Out ကျကျသွားလို့ ပြန်ပြန်ဝင်နေရတာလေးကို မှတ်မိမယ်ထင်ပါတယ်။အဲ့ဒီအချိန်တုန်းက အဲ့ဒီလိုဖြစ်ရတာဟာ Facebook ဆာဗာကနေပြီး တန်ပြန်တုန့်ပြန်ကာကွယ်မှုကြောင့်ဖြစ်ရတာပါ။အခုဆိုရင်တော့ ကျွန်တော့်အနေနဲ့ Facebook အသုံးပြုတဲ့အချိန်မှာ ကင်မရာတွေအားလုံးကို တိပ်နဲ့ပိတ်ထားလိုက်တဲ့နည်းကို အသုံးပြုနေပါတယ်။ဒီနည်းလမ်းဟာဆိုရင် အရိုးရှင်းဆုံးနဲ့ကိုယ့်ရဲ့ကိုယ်ရေးကိုယ်တာ အချက်အလက်များကို အကာအကွယ်ယူနိုင်ဖို့ အကောင်းဆုံးနဲ့အထိရောက်ဆုံးနည်းလမ်းပဲဖြစ်ပါတယ်" လို့ သူ့ရဲ့ ဖြေရှင်းပုံကိုပါ ပြောပြသွားပါတယ်။
စင်ကာပူနိုင်ငံတွင်နေထိုင်သော အွန်လိုင်းဘလော့ဂါတစ်ဦးဖြစ်သူ ကိုကျော်လပြည့်ဝန်းမှလည်း "ကျွန်တော်တို့ စင်ကာပူမှာတော့ သိတဲ့သူတွေတော်တော်များများကတော့ အဲ့ဒီလို တိပ်တွေကပ်ပြီး သုံးနေကြပါပြီ။ဘာပဲပြောပြောလေ ကုသခြင်းထက် ကာကွယ်ခြင်းက ပိုပြီးကောင်းတယ်ဆိုတာ ရှိနေတာပဲလေ။ကျွန်တော်တို့တတွေထဲမှာ အစိုးရကိုရှုံ့ချတာလည်းရှိချင်ရှိမယ်။အဲ့ဒီလိုအချိန်မှာ အိမ်သာတက်ရင်းသုံးနေတာလည်း ဖြစ်ချင်ဖြစ်မယ်လေ။အဲ့ဒီတော့ တိပ်လေးနဲ့ကပ်ထားလိုက်တော့ ကိုယ့်ကိုယ်ကိုပိုပြီး Save ဖြစ်သွားတယ်လို့ ခံစားရတာပေါ့"ဟု BEC သတင်းဌာနနဲ့ အင်တာဗျူးစဉ်က ပြောကြားသွားခဲ့ပါတယ်။
Ref: Internet ..

READMORE

အရေးပေါ် အခြေအနေ ကြေညာဖို့ နောက်ကျသွားပြီ ဆိုတဲ့ ဦးထွန်းလွင်

ဧရာဝတီ| July 31, 2015 | Hits:45,685 မှ ကူးယူဖော်ပြသည်။

10

  | |

Share on facebook Share on twitter Share on email

ဦးထွန်းလွင် (ဓာတ်ပုံ – ဂျေပိုင် / ဧရာဝတီ)

ဘင်္ဂလား ပင်လယ်အော် အရှေ့မြောက်ပိုင်းမှာ ဖြစ်ပေါ်သော မုန်တိုင်းငယ်သည် အနောက်မြောက်ယွန်းယွန်းကို ရွေ့လျှားခဲ့ပြီး ပိုမိုအားကောင်းသော ဆိုင်ကလုန်းမုန်တိုင်း “ကိုမန်” အဖြစ် ပြောင်းလဲခဲ့သည့်အတွက် ရခိုင်ပြည်နယ်နှင့် ကမ်းရိုးတန်းဒေသများတွင် လေပြင်းများ တိုက်ခတ်ပြီး လှိုင်းကြီးမှုများ ဖြစ်ပေါ်နေပါတယ်။
ဆိုင်ကလုန်းမုန်တိုင်းအရှိန်ကြောင့်လည်း မြန်မာနိုင်ငံ အနှံ့အပြားမှာ မိုးရွာသွန်းမှုတွေ သိသိသာသာ များပြားနေပြီး တချို့နေရာတွေမှာ မုတ်သုန်မိုး အားကောင်းမှုကြောင့် ရေကြီးမှုများ ဖြစ်ပေါ်ခဲ့သည်။
မြန်မာနိုင်ငံ၏ လက်ရှိ ဖြစ်ပေါ် ပြောင်းလဲနေသည့် ရာသီဥတု အခြေအနေများနှင့် သဘာဝ ပတ်ဝန်းကျင်၏ ဆိုးကျိုးများက မြန်မာနိုင်ငံအပေါ် မည်မျှ သက်ရောက်နေပြီလဲ ဆိုသည့် အကြောင်းကို မိုးလေ၀သ ပညာရှင် ဒေါက်တာ ထွန်းလွင်ကို ဧရာဝတီ အကြီးတန်း သတင်းထောက် သူဇာက တွေ့ဆုံမေးမြန်းထားသည်။
မေး။ ။ ဘင်္ဂလားပင်လယ်အော်မှာ ဖြစ်ပေါ်နေတဲ့ ဆိုင်ကလုန်းမုန်တိုင်း “ကိုမန်” ကြောင့် နောက်ဆက်တွဲ အခြေအနေ ဘယ်လိုဖြစ်လာနိုင်မလဲ။
ဖြေ။ ။ ဆိုင်ကလုန်းမုန်တိုင်း ကလည်း နဂိုကတည်းက ဖြစ်နိုင်တယ်လို့ မှန်းထားပြီးသားပါ။ အခု အင်အားကတော့ တန့်သွားတယ်လို့ ပြောရမယ်။ဒီထက် ဆက်တက်ဖို့တော့ အလားအလာ မရှိပါဘူး။ မုန်တိုင်းက မြောက်ဘက်ကို သွားတာဆိုတော့ သွားလေ၊ သွားလေ ကုန်းတွင်းပိုင်းကို ရောက်လေဆိုတော့ အားလျော့သွားမှာပါ။ အခုလို မိုးလယ်ကာလမှာ ဖြစ်တတ်တဲ့ မုန်တိုင်းတွေက မြန်မာနိုင်ငံကို မ၀င်တတ်ပါဘူး။ အခု မုန်တိုင်းလည်း မ၀င်ပါဘူး။ မုန်တိုင်းဒဏ်ကတော့ ခံရမှာပါ။ လေတိုက်နှုန်း ပိုများမယ်။ နောက်ပြီး မိုးများမယ်ဆိုတဲ့ သဘောပါ။ အဓိကအားဖြင့် လေတိုက်နှုန်း၊မိုးရွာနှုန်း ပိုခံရမှာက ရခိုင်ရယ်၊ ချင်းရယ်၊ မကွေးတိုင်း ပိုခံရမယ်။
မေး။ ။ ဆိုင်ကလုန်း မုန်တိုင်းမလာခင်ကတည်းက စစ်ကိုင်းတို့၊ ရှမ်းတို့မှာ ရေကြီးဒဏ်ကို ခံစားနေရတယ်။ အခု မုန်တိုင်းကြောင့် လေပြင်းအားရော၊ မိုးဒဏ်ကိုပါ ဆက်ခံစားနေရတာ ဘယ်ကြောင့်ပါလဲ။
ဖြေ။ ။ ဒါကလည်း ဒီနှစ် ထူးခြားချက်ပေါ့။ အာရှတိုက်တခုလုံး မိုးလျှော့နေတယ်။ ဒါပေမယ့် ဘင်္ဂလားဒေ့ရ်ှဘက်မှာ မိုးကောင်းနေတယ်။ အထူးသဖြင့် မုတ္တမကွေ့ ဧရိယာတို့၊ ဘင်္ဂလားပင်လယ်အော် မြောက်ပိုင်းတို့မှာ မိုးကောင်းနေတယ်။ နောက်ပြီး ဒီနှစ် ထူးခြားတာက မိုးရာသီမှာ မိုးတိမ်တောင် မဖြစ်ရဘူး။ ဒါပေမယ့် ဒီနှစ် မြန်မာပြည် ပြည်နယ်နဲ့ တိုင်းအားလုံးမှာ မိုးတိမ်တောင် ဖြစ်နေတာ တွေ့ရတယ်။ မိုးတိမ်တောင် ဖြစ်ရင် မိုးသက်လေပြင်းဆိုတာ ပါလာတာပဲ။ ဒါပေမယ့် လေတိုက်နှုန်းက အများဆုံးရှိရင် ၄၀၊ ၄၅ ပဲ။ အဲဒီထက် မပိုဘူး။ အခု မိုးတိမ်တောင်က ခဏခဏ ဖြစ်နေတဲ့အခါမှာ မိုးတွင်းမှာ ဖြစ်တဲ့အတွက် ယခင်တိုက်နေကြ လေထက်တော့ ပိုပြင်းတယ်။ နောက်ပြီး မုတ်သုန်က အားကောင်းနေတော့ မုတ်သုန်မိုးသက်လေပြင်းကလည်း ရှိတယ်။ မိုးတိမ်တောင်ကြောင့် ဖြစ်တဲ့ လေပြင်းကလည်း ဖြစ်နေတယ်ဆိုတော့ လေက ပြင်းသလို ဖြစ်နေတယ်။
မေး။ ။ ဒါဆို မြန်မာနိုင်ငံမှာ မိုးတိမ်တောင် ဖြစ်နေတဲ့ အခြေအနေဆိုတော့ လေဆင်နှာမောင်း အန္တရာယ် ရှိတယ်လို့ ဆိုနိုင်တာပေါ့။ ဒီနောက်ပိုင်းမှာလည်း လေဆင်နှာမောင်းတိုက်လို့ အိမ်တွေ ပြိုတာတွေ တော်တော်ကြားရတယ်ဆရာ။ လေဆင်နှာမောင်းအန္တရာယ်ကိုလည်း ပြောပြပေးပါ။
ဖြေ။ ။ ကျနော့် ဟောပြောပွဲတွေမှာပဲ ဒီကိစ္စကို တော်တော် ထည့်ပြောဖြစ်ပါတယ်။ လေဆင်နှာမောင်း ဖြစ်ပေါ်တာတွေ တိုးလာတယ်။ မိုးတိမ်တောင် ဖြစ်ပေါ်မှုတွေ သိသိသာသာ တိုးလာတယ်လို့ ကျနော် ပြောနေပါတယ်။ ဒါပေမယ့် ဒီနှစ်မှာ ပိုထူးခြားတာက မိုးရာသီမှာ မိုးတိမ်တောင် ဖြစ်နေတာတွေ တွေ့ရတော့ ခါတိုင်းနှစ်ထက် မိုးတိမ်တောင် ဖြစ်တာတွေ များသလိုပဲ မိုးတိမ်တောင်ကြောင့် ဖြစ်တဲ့ လေဆင်နှာမောင်းတိုက်တာတွေ ပိုများလာတာပါ။ အဲဒီလိုဖြစ်ပြီဆို ပြည်သူတွေအနေနဲ့ ဘယ်လို အကာအကွယ်ယူရမလဲဆိုတာ ရှိထားပြီးသားပါ။ ဒါတွေကို ကြိုတင်လေ့လာထားမယ်ဆို ဒီအန္တရာယ်ကနေ ရှောင်တိမ်းနိုင်ပါတယ်။ မိုးကြိုးပစ်တော့မယ်ဆိုရင် ဘယ်လို လက္ခဏာတွေ ဖြစ်ပေါ်တတ်တယ်၊ လေဆင်နှာမောင်းဆိုရင် ကြိုတင်မြင်နိုင်တဲ့အတွက် ရှောင်နိုင်တာတွေ စတဲ့ အကာအကွယ်တွေ ရှိပြီးသားပါ။
မေး။ ။ အခု ရေကြီးတာကို ကြည့်ရင် ပြည်သူတွေ ကြိုတင်ကာကွယ်နိုင်ဖို့ အစိုးရဘက်က အသိပေးအကြောင်းကြားမှု အားနည်းတယ်လို့ ပြောကြတယ်။ ဆရာ့အမြင် ပြောပေးပါ။
ဖြေ။ ။ ကျနော် အဲဒီကိစ္စကို မီဒီယာတွေမှာ ဝေဖန်ပြောကြားပါတယ်။ ဘာကြောင့် အခု အခြေအနေကို အရေးပေါ် မကြေညာသေးတာလဲ။ ဒီအခြေအနေက အရေးပေါ် ကြေညာသင့်တယ်လို့ ပြောနေပါတယ်။ အဲဒါတွေကို ကြည့်ရင် ကြိုတင်ပြင်ဆင်မှု အပိုင်းမှာ အားနည်းတယ်လို့ ဆိုနိုင်တယ်။ အဲဒီလို အရေးပေါ် ကြေညာတာတို့၊ ကြိုတင်ပြီး ပြောင်းရွှေ့တာတို့ ဒါ ကြိုတင်ကာကွယ်မှု အပိုင်းတွေပါ။ အဲဒီအပိုင်းတွေကတော့ အားနည်းပါတယ်။နောက်ပြီး နာဂစ် မဖြစ်ခင်ကတည်းက သဘာဝ ဘေးအန္တရာယ် ကာကွယ်စောင့်ရှောက်ရေး စီမံချက်တွေ ရေးဆွဲခဲ့ပြီးသားပါ။ ကော်မတီတွေ ဖွဲ့ပြီးသားပါ။ အဲဒါတွေကလည်း ဘာအကောင်အထည်ဖော်တာမှ မတွေ့ရသေးဘူး။ ဒါဟာ အကြီးအကျယ် အားနည်းချက်ပဲလို့ ပြောရမယ်။
မေး။ ။ ဘယ်လို အခြေအနေမျိုးမှာ အရေးပေါ် ကြေညာပေးသင့်ပါသလဲ။
ဖြေ။ ။ အခု အချိန်က အရေးပေါ် ကြေညာဖို့ နည်းနည်းတောင် နောက်ကျသွားပြီ။ အရေးပေါ် ကြေညာရမယ့် အခြေအနေဆိုတာက အရပ်ဒေသ တခုမှာ ကယ်ဆယ်ရေး သွားဖို့လည်း မလွယ်၊ ဟိုဘက်မှာလည်း သူတို့ဟာ သူတို့ ရပ်တည်ဖို့လည်း မလွယ်တဲ့ အနေအထား ဖြစ်လာရင် အရေးပေါ် အခြေအနေပဲ။ ဟိုမှာ ရေပတ်လည် ၀ိုင်းနေတယ်။ အဲဒီနေရာ ရောက်အောင် သွားလို့လဲ မရနိုင်ဘူး။ သာမာန်အားဖြင့်ပေါ့။ ဟိုဘက်မှာလည်း နောက်ထပ် တရက်၊ နှစ်ရပ်ထပ် ရပ်တည်ဖို့ကလည်း မဖြစ်နိုင်တော့ဘူး၊ ကျန်းမာရေး ပြသနာတွေ ရှိနေမယ်။ မြွှေပြသနာတွေ ရှိနေတယ်။ နောက်ပြီး လူတွေရော၊ တိရစ္ဆာန်တွေပါ ရေတွေ မြုပ်နေတယ်ဆိုရင် အရေးပေါ်ပေါ့။ နေရာဒေသတခုမှာ ပုံမှန် လုပ်ငန်းဆောင်တာတွေ မလုပ်နိုင်တော့ဘူးဆိုရင် အခြေအနေ တခု ပြောင်းလဲသွားပြီဆိုရင် ဒါဟာ အရေးပေါ်ပဲ။
မေး။ ။ မုန်တိုင်းမဖြစ်ခင်ကတည်းက ရေကြီးတာတွေ ဖြစ်နေတာ တွေ့ရတယ်။ အခု မုန်တိုင်းမိုးကြောင့် ရေကြီးမှုက ပိုဆိုးလာတယ်လို့ ဆိုရမယ်။ ဒါဆို မြန်မာနိုင်ငံရဲ့ ဒီနှစ် ရေကြီးမှု အခြေအနေက ဘယ်လို ဖြစ်နိုင်မလဲ။
ဖြေ။ ။ ရေကြီးမှုတွေက နောက်ပိုင်း မိုးရာသီ ကုန်တဲ့အထိ၊ အောက်တိုဘာလအထိကို သတိထားဖို့ လိုတယ်။ အကြောင်းအရင်းတွေက ဒီနှစ်က မိုးကောင်းတဲ့နှစ်၊ စက်တင်ဘာလအထိ ရွာသွန်းမိုးထက် ပိုမယ်လို့ မှန်းထားပြီးသား၊ နောက်ပြီး ဘင်္ဂလား ပင်လယ်အော်မှာ မုန်တိုင်းတွေက ထပ်ဖြစ်ဦးမယ်။ နောက်ပိုင်းမှာ အရှေ့လေပွေလှိုင်းတွေ မလာသေးဘူး။ အဲဒါတွေက လာရင် မိုးက ရွာဦးမယ်။ နောက်ပြီး မုတ်သုန်မိုးက ပြန်ဆုတ်ရင် မိုးက ရွာဦးမယ်။ အဲဒီတော့ ရှေ့မှာ မိုးရွာဖို့ အကြောင်းတရားတွေက ရှိသေးတယ်။ နောက်ပြီး မြန်မာနိုင်ငံရဲ့ အစဉ်အလာ အရကိုက တနှစ်ကို ပုံမှန် ရေ သုံးကြိမ် ကြီးတတ်တယ်။ ဇွန်လမှာ တခါဖြစ်တယ်။ ဇူလိုင်- သြဂုတ်မှာ တခါ ဖြစ်တယ်။ နောက်ပြီး စက်တင်ဘာ- အောက်တိုဘာမှ ဖြစ်တယ်။ ဒါကြောင့် စက်တင်ဘာ- အောက်တိုဘာမှာ တခါ ရေကြီးနိုင်သေးတယ်။ ဒီနှစ်ကတော့ ရေကြီးမှုအန္တရာယ်ကို အထူးဂရုစိုက်ရမယ့် နှစ်လို့ ပြောရမှာပါ။
မေး။ ။ ဒီနှစ်ထဲမှာ ဆိုင်ကလုန်း မုန်တိုင်း “ကိုမန်” မဖြစ်ခင်က မုန်တိုင်း ဘယ်နှစ်လုံးလောက် ဖြစ်ခဲ့ပြီးပြီလဲ။ နောက်ထပ်ရော ဘယ်နှစ်လုံးလောက် ဖြစ်နိုင်မလဲ။
ဖြေ။ ။ ဒီမုန်တိုင်း မဖြစ်ခင်က မုန်တိုင်း သေးသေးလေး တလုံးပဲ ဖြစ်ခဲ့တာ။ ကုန်းတ၀က်၊ ရေတ၀က် ဖြစ်ပြီး ပျက်ပြယ်သွားမယ့် မုန်တိုင်းဆို ကျနော် မကြေညာဘူး။ ဒါကြောင့် ကျနော်ကတော့ အခု တလုံးက ပထမဆုံး အလုံးလို့ပဲ သတ်မှတ်ထားတယ်။ နောက်ပြီး အစကတည်းက အခု ဖြစ်လာတဲ့ မုန်တိုင်းနဲ့ ပတ်သက်ပြီးလဲ ဒီလောက်အထိ အားကောင်းလာနိုင်တယ်လို့ ကျနော် ခန့်မှန်းရေးသားထားပြီးသားပါ။ နောက်ပိုင်းလည်း မုန်တိုင်းတွေ ဖြစ်နိုင်ပါသေးတယ်။ ကျနော် ခန့်မှန်းထားတာကတော့ အနည်းဆုံး သုံးလုံးကနေ ငါးလုံးလောက်အထိ ဖြစ်လာနိုင် သေးတယ်။ အထူးသဖြင့် အစိုးရိမ်ရဆုံးကတော့ အောက်တိုဘာ၊ နိုဝင်ဘာလလို့ ပြောရမယ်။ အဲဒီအချိန်မှာ အများဆုံး ပိုဖြစ်နိုင်တယ်။ အဲဒီမရောက်မီလည်း တလုံးလောက်တော့ ဖြစ်နိုင်သေးတယ်။
မေး။ ။ နောက်တခုက ဒီနှစ် ရေကြီးမှုမှာ တွေ့ရတာ ဆည်တွေရဲ့ အန္တရာယ်က ခြိမ်းခြောက်မှု တခုလို ဖြစ်နေတယ်။
ဖြေ။ ။ ဆည်တွေနဲ့ ပတ်သက်ပြီး ပြောရရင် အကြောင်းအရင်းက နည်းပညာပိုင်းရော၊ လူပိုင်းရောလို့ ပြောရမယ်။ နည်းပညာပိုင်းအနေနဲ့ ပြောရရင် ဆည်တွေ ဆောက်တုန်းက ဆည်တွေမှာ အန္တရာယ်တွေ၊ ခံနိုင်ရည်တွေကိုလည်း သူတို့တွေက တွက်ပြီး ဆောက်ခဲ့ပါတယ်။ မှန်ပါတယ်။ ဒါပေမယ့်လို့ သူတို့ တွက်ထားတဲ့ ခံနိုင်ရည်ဟာ ဆည်ဆောက်တာ လွန်ခဲ့တဲ့ အနှစ် ငါးဆယ်က ဆောက်ထားတယ် ဆိုပါစို့။ အဲဒီတုန်းက တွက်တဲ့ အန္တရာယ်နဲ့ အခု အန္တရာယ်က မတူတော့ဘူး။ အန္တရာယ်ဟာ တိုးလာတယ်။ များလာတယ် အဲဒါတွေကို သူတို့ ထည့်တွတ်ဖို့ လိုတယ်။ နောက်ပြီး မြစ်တခုမှာ အရင်တုန်းက သစ်တောတွေ ရှိတယ်။ အခု အပင်တွေခုတ်လို့ ဘာသစ်တောမှ မရှိတော့ဘူး။ သစ်တော မရှိတော့ ရေတွေကို မထိန်းနိုင်တော့ဘူး။ သစ်တောမရှိတော့ ကမ်းပါးတွေက မိုးရွာ အစို၊ နေပူ အခြောက် ဖြစ်နေတယ်။ မိုးရွာလိုက်ရင် စီးကျတဲ့ ရေတွေနဲ့ မြေတွေက ပါသွားတော့ မြစ်တွေရဲ့ အောက်ခံက ပြောင်းသွားပြီ။ ပိုပို တိမ်လာတယ်။ အဲဒီတော့ အရင်က မိုးရေချိချိန် ငါး လက်မလောက် ရွာလို့ ဘာမှ မဖြစ်ဘူး။ အခုကျတော့ ငါးလက်မလောက် ရွာတာနဲ့ ရေလျှံတာပဲ။ ဒီလို ပြောင်းတာပဲ။ အဲဒီလိုဟာမျိုး ဆည်မှာလဲ ရှိတယ်။ နောက်ပြီးတော့ ဆည်တွေနားက ရေပိုရေလွှဲ ဒေသမှာလည်း ဖွံ့ဖြိုးရေး လုပ်ငန်းတွေ အများကြီး လုပ်နေတယ်။ မြစ်တွေမှာလည်း ပိုဆိုးတာပေါ့။ စက်ရုံတွေ ဆောက်တယ်၊ လူနေရပ်ကွက်တွေ လုပ်တယ်၊ စိုက်ခင်းတွေ လုပ်တယ်၊ သတ္တုတွေ တူးတယ်။ အဲဒါတွေက ရေပိုရေလွှဲဒေသကို ဖျက်လိုက်ရင် မြစ်တွေက ပျက်တာပေါ့။
နောက်ပြီးတော့ မြန်မာပြည်မှာ ဆည်ဆောက်ရင် ဇလဗေဒ မှတ်တမ်းကို သုံးရတယ်။ ဇလဗေဒရဲ့ သက်တမ်းက မြန်မာပြည်မှာ ဘာမှ မရှိသေးဘူး။ ဇလဗေဒ စလုပ်တာ ၁၉၆၅ ခုနှစ်မှ စလုပ်တာဆိုတော့ အခု တွက်ကြည့်လိုက်ရင် နှစ်ပေါင်း ၅၀ ကျော်လောက်ပဲ ရှိသေးတယ်။ သိပ္ပံရဲ့ သဘောသဘာဝ အရ နှစ်ပေါင်း ၅၀ လောက်ကို တွက်မယ်ဆိုရင် ငါးပုံ တပုံလောက်ကိုပဲ တွတ်လို့ရမယ်။ ဥပမာ ၁၀ နှစ်စာ သက်တမ်းကိုပဲ တွတ်နိုင်မယ်ဆိုတဲ့ သဘောပေါ့။ ဥပမာ နှစ်ပေါင်း ၁၀၀ ကို တွက်ချင်ရင် နှစ် ၅၀၀ သက်တမ်း ရှိရမယ်။ ဒါဖြစ်ရင် နှစ် ၅၀ လောက်ရှိပြီး ဘာဖြစ်လို့ နှစ်တရာ၊ နှစ်တထောက်ကို တွတ်လို့ရသလဲဆိုတော့ သချာင်္နည်းနဲ့လို့ တွတ်လို့ရတယ်။ သချာင်္နည်းနဲ့ တွတ်တဲ့အတွက် မှန်ချင်လည်း မှန်မယ်။ မှားချင်လဲ မှားမယ်။ အဲဒီတော့ တကယ်သေချာတဲ့ မှတ်တမ်းနဲ့ တွက်ချက်ပြီး ဆောက်ထားတာ မဟုတ်ဘူးပေါ့။ အဲဒါတွေက အားနည်းချက်တွေပေါ့။ နည်းပညာ မရှိလို့ မဟုတ်ဘူး။ နည်းပညာကို အပြည့်အ၀ အသုံးမချနိုင်လို့လို့ ပြောရမယ်။
မေး။ ။ ဒါဆို ဆရာ ပြောပုံအရဆို ဆည်တွေရဲ့ ခြိမ်းခြောက်မှုက တော်တော် ကြီးမားနေပြီလို့ ဆိုနိုင်မလား။
ဖြေ။ ။ သက်တမ်းကလည်း တဖြည်းဖြည်း ရင့်လာပြီ။ နောက်ပြီး သေချာ စောင့်ကြည့်မှုကလည်း နည်းတယ်။ ရာသီဥတုကိုလည်း ထည့်မတွက်ကြဘူး။ ရာသီဥတု ဖောက်ပြန်နေပြီဆိုပြီး ထည့်တွက်ပြီး တည်ဆောက်ထားတဲ့ဆည် ကျနော်သိသလောက် တခုမှ မရှိသေးဘူး။ မိုးသိမ့်များတဲ့ ဖောက်ပြန်မှုမျိုး ဖြစ်လိုက်ရင် ဒီဆည်ရဲ့ ခံနိုင်အားက ဘယ်ကြာကြာခံနိုင်မလဲ။ နောက်ပြီးတော့ မြေသုံးသုံး၊ ရေသုံးသုံး သတ်မှတ်ထားတဲ့ စည်းမျဉ်းစည်းကမ်းတွေမရှိဘူး။ အဲဒါတွေဟာလည်း အရေးအကြောင်းဆို စကားပြောတာပဲ။ နောက်ပြီးတော့ သူ့သဘာဝအရ ရေထိန်းတဲ့နေရာတွေ ၊ အဲဒီနေရာတွေကို မြေဖို့ ဖွံ့ဖြိုးရေး လုပ်ငန်းတွေလုပ်၊ အဆောက်အဦးတွေ ဆောက် လုပ်ကြတယ်။ ဥပမာ ပြောရရင် ထိုင်းနိုင်ငံမှာ ရေထိန်းတဲ့ Swamp Land ကြီးကို သုဝဏ္ဏဘူမိ လေဆိပ်ကြီး ဆောက်လိုက်တယ်။ မကြာဘူး။ ဘန်ကောက် ရေမြုပ်တာပဲ။ ဒီလို ဥပမာတွေ အများကြီးပဲ။ ဖွံ့ဖြိုးတိုးတတ်မှုဆိုတိုင်း လုပ်ချင်တာ လျှောက်လုပ်နေမယ်ဆိုရင် တချိန်ကျရင် ဒုက္ခပေးမှာပဲ။
မေး။ ။ ဒါဆို မြန်မာနိုင်ငံမှာ ရာသီဥတု ဖောက်ပြန်မှုက သိသိသာသာကြီး ဖြစ်ပေါ်နေပြီလို့ ပြောနိုင်တာပေါ့။
ဖြေ။ ။ ပြောနိုင်တာပေါ့။ အကြီးအကျယ် ခံစားနေရပါပြီလို့ ကျနော်ပြောတာကိုကပဲ ဘယ်နှစ်နှစ်လောက် ရှိနေပြီလဲ။ ဒီခံစားမှုက နောက်ထပ် ဆက်ဖြစ်နေဦးမယ်။ တော်ရုံနဲ့ မပျောက်ဘူး။
မေး။ ။ အခု မုန်တိုင်းကြောင့် ရွာတဲ့မိုးက ဘယ်နှစ်ရက်လောက် ဆက်ရွာနိုင်သေးလဲ။
ဖြေ။ ။ အတိအကျတော့ မပြောနိုင်ဘူး။ တခါ မုန်တိုင်း တိုက်တုန်းကတော့ အနည်းဆုံး ငါးရက်လောက်တော့ ရွာတယ်။ အများဆုံး စက်တင်ဘာ၊ အောက်တိုဘာမှ စတတ်တဲ့ အရှေ့ဘက်က လေပွေလှိုင်းလာရင်တော့ ဆယ်ရက်လောက် ရွာနိုင်တာပေါ့။ နောက်ပိုင်းအခြေအနေတွေကတော့ ရေကြီးဖို့ အခြေအနေတွေ ဖြစ်နေတာပေါ့။

READMORE