ငလျင်ကြောင့် ကမ္ဘာ့ဝန်ရိုး ရွှေ့ပြီး ဂျပန်ကျွန်း ၈ ပေ ရွေ့လျားသွားခဲ့

ငလျင်ကြောင့် ကမ္ဘာ့ဝန်ရိုး ရွှေ့ပြီး ဂျပန်ကျွန်း ၈ ပေ ရွေ့လျားသွားခဲ့
Friday, 25 March 2011 14:10 Editor
E-mail Print PDF

အပျက်အစီးများလွန်းခဲ့သော ဆူနာမီမဟာရေလှိုင်းကို ဖြစ်စေခဲ့သည့် အင်အားပြင်း ငလျင်ကြောင့် ဂျပန်ပင်မကျွန်းကို ၈ ပေ (၂ ဒသမ ၄ မီတာ) ရွေ့လျားစေခဲ့သည်။ ကမ္ဘာ့ဝန်ရိုး လည်ပတ်မှုမှာလည်း ရွှေ့သွားခဲ့သည်။

“အခုလောလောဆယ် သိရသလောက်တော့ GPS တိုင်းတာရေးဌာနဟာ ၈ ပေ ရွေ့သွားခဲ့ပါတယ်။ ဂျပန် ဘူမိတိုင်းတာရေး သတင်းဌာန Geospatial Information Authority - GSI ရဲ့ မြေပုံကို ကြည့်တော့ ရွှေ့လျားသွားခဲ့တဲ့ မြေထု ပုံစံဟာ အတော်လေး ကျယ်ပြန့်တဲ့ နယ်မြေဒေသကြီး တစ်ခုလုံးမှာ ဆင်တူနေပါတယ်။” အမေရိကန် ဘူမိဆာဗေးဌာန၏ ဘူမိရူပဗေဒပညာရှင် ကန်းနက်ဟဒ်နာ့က ပြောပြခဲ့သည်။

ငလျင်နှင့် ဆူနာမီရေလှိုင်း မဖြစ်ပွားမီနှင့် ဖြစ်ပွားပြီးပုံ (NASA)

ငလျင်နှင့် ဆူနာမီရေလှိုင်း မဖြစ်ပွားမီနှင့် ဖြစ်ပွားပြီးပုံ (NASA)

အီတလီအခြေစိုက် အမျိုးသား မီးတောင်ဗေဒနှင့် ဘူမိရူပဗေဒဌာန၏ အစီရင်ခံစာများအရ ၈ ဒသမ ၉ ပမာဏရှိ မြေငလျင်ကြောင့် ကမ္ဘာ့ဝန်ရိုးမှာလည်း ၄ လက်မ (၁၀ စင်တီမီတာ) ခန့် ရွှေ့သွားခဲ့ကြောင်း သိရသည်။

လူရာပေါင်းများစွာ အသက် ဆုံးရှုံးခဲ့ရသည့် ဂျပန်မြောက်ပိုင်း ကမ်းရိုးတန်း ငလျင်လှိုင်းကြောင့် ပေ ၃၀ အမြင့် ရှိသော ရေတံတိုင်း လှိုင်းလုံးကြီးများ မြင့်တက်လာခဲ့ပြီး လယ်ကွင်းများကို ဖုံးလွှမ်းသွားခဲ့သည်။ မြို့များကိုလည်း ရေအောက်ဆွဲယူ နှစ်မြှုပ်ပစ်ခဲ့သည်။ နေအိမ်များကို အဝေးပြေး လမ်းမကြီးများသို့ ဆွဲယူသွားခဲ့၏။ မော်တော်ကားများနှင့် လှေသမ္ဗာန်များကိုလည်း ကလေးကစားစရာများကဲ့သို့ မြှောက်ပင့် ဆော့ကစား ပစ်လိုက်သည်။ လှိုင်းလုံးကြီးအချို့မှာ မီယာဂိကျွန်းဆွယ် ကုန်းတွင်းပိုင်း ခြောက်မိုင် (၁၀ ကီလိုမီတာ) အထိ ရောက်ရှိခဲ့သည်။

သမိုင်းတွင် အင်အားအပြင်းဆုံး ငလျင်လှိုင်းဖြစ်ပြီး နောက်ဆက်တွဲ ဆူနာမီရေလှိုင်းမှာ ပစိဖိတ်သမုဒ္ဒရာ တ၀ှမ်းလုံးသို့ ကူးစက်သွားခဲ့သည်။ ကနေဒါအနောက်ပိုင်း၊ အမေရိကန်၊ ချီလီနိုင်ငံများအထိ နိုင်ငံ ၅၀ တွင် ဆူနာမီ သတိပေးနှိုးဆော်ချက်များ ပဲ့တင်ထပ်သွားခဲ့၏။ ငလျင်လှိုင်းငယ် ၁၆၀ ကျော်ကို ၂၄ နာရီအတွင်း ဆက်တိုက် ဖြစ်စေပြန်သည်။ ၁၄၁ လှိုင်းမှာ ငလျင်ပမာဏ ၅ မက်ဂနီကျု အနည်းဆုံးရှိနေခဲ့သည်။

သမုဒ္ဒရာများနှင့် တိုက်ကြီးများအောက်၏ မြေလွှာထုအောက်မှ ကျောက်ဖြာလွှာ tectonic plates များ ၁၈ မီတာခန့် အံလွဲချော်ခဲ့သည်။ အကျိုးဆက်အနေဖြင့် အရှည် ၂၅၀ မိုင် ( ကီလိုမီတာ ၄၀၀) နှင့် အကျယ် မိုင် ၁၀၀ (ကီလိုမီတာ ၁၆) ခန့် မြေလွှာထု ဧရိယာ အကျယ်အ၀န်းမှာ စုတ်ပြဲ ပေါက်ကွဲ ထွက်သွားပြီး ငလျင်လှိုင်းများကို ဖြစ်ပေါ်စေခဲ့ခြင်းပင် ဖြစ်ကြောင်းကို ဘူမိရူပဗေဒပညာရှင် ရှန်ဇောင်ချန်က ဆိုပါသည်။

ပစိဖိတ်သမုဒ္ဒရာ “မီးကွင်း ring of fire” ဟု တင်စား ခေါ်ဝေါ်ထားသည့် တောင်ပစိဖိတ် သမုဒ္ဒဖက်ပိုင်းရှိ နယူးဇီလန်မှစပြီး ဂျပန်အထိ၊ အလက်စကားမှသည် တောင်မြောက်အမေရိကန် ကမ်းရိုးတန်းအထိ ရှည်လျားလှသော ငလျင်ကြောနှင့် မီးတောင်ရှင်များအကြားတွင် ဂျပန်နိုင်ငံ တည်ရှိနေလေသည်။

ယခုငလျင်မှာ ၂၀၁၀ ခုနှစ်တွင် ဟေတီနိုင်ငံကို ပျက်စီးစေခဲ့သည့် ငလျင်လှိုင်းထက် အဆ “ရာပေါင်း” များစွာ ကြီးမားလွန်းနေသည်ဟု ကိုလံဘီယာတက္ကသိုလ်၊ မြေကမ္ဘာစောင့်ကြည့်ရေး the LaMont-Doherty Earth observatory ဌာနမှ ဂျင်ဂဟာတီက ဆိုသည်။

ဂျပန်ငလျင်သည် ၂၀၀၄ ခုနှစ် အင်ဒိုနီးရှားငလျင်နှင့် အင်အား တူညီနေသည်။ ထိုစဉ်က နောက်ဆက်တွဲ ဆူနာမီမဟာ ရေလှိုင်းကြောင့် အိန္ဒိယသမုဒ္ဒရာ တလျှောက်ရှိ နိုင်ငံ ၁၂ နိုင်ငံတွင် လူပေါင်း ၂ သိန်းခန့် သေကြေ ပျက်စီးခဲ့ရသည်။ “အခု ဆူနာမီနဲ့ အရွယ်အစားချင်း အကြမ်းဖျင်း တူညီတယ်လို့ နှိုင်းယှဉ်လို့ရပါတယ်” ဂဟာတီက ရှင်းပြသည်။ “၂၀၀၄ ခုနှစ်တုန်းကတော့ ကြိုတင် ပြင်ဆင်ထားမှု မရှိတဲ့ ဒေသတွေမှာ ဖြစ်ခဲ့တယ်။ အိန္ဒိယ သမုဒ္ဒရာတွင်းမှာ ခေတ်မီ ဆူနာမီရေလှိုင်း သတိပေး နှိုးဆော်ချက် စနစ်လည်းကိုလည်း မတပ်ဆင်ရသေးဘူး။ အဲဒါကြောင့် ပျက်စီးမှုက ပိုဆိုးရွားခဲ့ပါတယ်။”

ဖေဖော်ဝါရီလ ၂၂ ရက်နေ့တွင် နယူးဇီလန်နိုင်ငံ၊ ခရိုက်ချာ့ရ်ှမြို့တွင် ဖြစ်ပွားခဲ့သည့် အင်အား ၆ ဒသမ ၃ ပမာဏရှိသည့် ငလျင်ဖြစ်ပွားခဲ့ပြီးနောက် ရက်သတ္တပတ် အနည်းငယ်အတွင်း ဂျပန်ငလျင်ဖြစ်ခဲ့ခြင်းပင်။ ထိုစဉ်က သမိုင်းဝင် အဆောက်အဦများမှာ လှုပ်ဖြိုခံခဲ့ရပြီး လူ ၁၅၀ အသက် ဆုံးရှုံးခဲ့ရသည်။ ငလျင် ၂ ခု ဖြစ်သည့် အချိန်ကာလနီးစပ်မှုကြောင့် ဆက်စပ်နေမှု ရှိနေသလောဟူ၍ မေးခွန်းထုတ်စရာပင်။ သို့သော် ပညာရှင်များကမူ နေရာ အလှမ်းဝေးခြင်းကြောင့် ဆက်စပ်မှု မရှိနိုင်ဟု ကောက်ချက်ပြုကြသည်။

“ဆက်စပ်နေမှုကတော့ အင်မတန် နည်းတယ်လို့ ကျနော်ထင်ပါတယ်။” ရို့ဒ်အိုင်လန်တက္ကသိုလ်မှ သမုဒ္ဒရာအင်ဂျင်နီယာဆိုင်ရာ ပါမောက္ခ စတီဖင်ဂရီလီက ရှင်းပြခဲ့သည်။

မောက္ခ ဘူမိရူပဗေဒသတင်း

Source: CNN
တဆင့်ကူးယူဖော်ပြပါသည်။

လွယ်မွေမြို့ငလျင်နှင့် ယခင်က မြန်မာပြည်ကို ကိုင်လှုပ်ခဲ့သည့် ငလျင်ကြီးများ

လွယ်မွေမြို့ငလျင်နှင့် ယခင်က မြန်မာပြည်ကို ကိုင်လှုပ်ခဲ့သည့် ငလျင်ကြီးများ
မတ် ၂၅၊ ၂၀၁၁

ငလျင်ဗဟိုက ကျိုင်းတုံ-တာချီလိတ်ကားလမ်းပေါ်ရှိ လွယ်မွေမြို့ဖြစ်သည်ဟု ဆိုသည်။ လွယ်မွေတွင် မြန်မာ့တပ်မတော်၏ ရေဒါစခန်း တည်ရှိသည်။ မြေပုံကို EMG မှ ကူးယူသည်။

၂၀၁၁ ခုနှစ်၊ မတ် ၂၄၊ ပြင်းအား RM ၇ ဒသမ သုည၊ လွယ်မွေမြို့ (ကျိုင်းတုံမြို့အရှေ့တောင်ဘက် ၃၅ မိုင်ခန့်အကွာ)၊ ပျက်စီးဆုံးရှုံးမှုသတင်း မသိရသေး

(ကိုးကား - ယနေ့သတင်းစာပါ မိုးဇလ ထုတ်ပြန်ချက်)

မြန်မာပို့စ် ဂျာနယ်တွင် ဖော်ပြခဲ့ဖူးသော ယခင် မြန်မာ့ငလျင်များအကြောင်း



မြန်မာနိုင်ငံတွင် ရှေးဟောင်းယဉ်ကျေးမှုသမိုင်းအမွေအနှစ် ပျက်စီးဆုံးရှုံးမှု အကြီးမားဆုံးပုဂံငလျင်

လွန်ခဲ့သော ၃၅နှစ် မျက်မြင်ကိုယ်တွေ့သတင်းလိုက်ခဲ့စဉ်က (၁)

မော်ကျွန်းစိုးမြင့်



အင်ဒိုနီးရှား ဆူနာမီငလျင်၊ မြန်မာ နိုင်ငံ နာဂစ်မုန်တိုင်း၊ ဟေတီငလျင် ပြင်းပြင်းထန်ထန် ဆိုးဆိုး ဝါးဝါး ဖြစ်ပေါ်ခဲ့ပြီးနောက် ယခု ချီလီငလျင် ဖြစ်လာ ပြန်သောအခါ ငလျင်အကြောင်း လူစိတ်ဝင်စားမှုမှာ အထွတ် အထိပ်သို့ ရောက်သွားသည်။ ဆက်တိုက်လိုလို ဖြစ်နေသည့် ငလျင်မှာ စိတ်ဝင်စားစရာ၊ လေ့လာစရာ၊ သတိပြုစရာ။ အဆိုပါ ငလျင်သဘာဝဘေး အန္တရာယ် အားလုံး မျက်မြင် ကိုယ်တွေ့ ဖြစ်ပြီး မီဒီယာများမှ တစ်ဆင့် တစ်ကမ္ဘာလုံး မြင်ရ ကြားရ သိရသည်။



ငလျင်အကြောင်း

ပြည်တွင်း မြန်မာ စာနယ်ဇင်းများကလည်း ငလျင် အကြောင်းကို အလေးပေး ရေးသား ဖော်ပြကြသည်။ အထူးသဖြင့် ငလျင်နှင့် ဆက်စပ်ပြီး မြန်မာ့ငလျင် ဖြစ်ပျက်ခဲ့မှုများကိုလည်း ဖော်ပြကြသည်။



တစ်ကျော့ပြန်သုတေသန

မြန်မာနိုင်ငံ ငလျင်ကော်မတီမှ ပညာရှင် တစ်ဖွဲ့ ပဲခူး၊ ရခိုင် စသည့် နေရာတို့တွင် တစ်ကျော့ပြန် ငလျင် အခြေအနေ ကွင်းဆင်း သုတေသန ပြုနေသည့် သတင်းများကိုလည်း ဖတ်ကြရသည်။ ပြည်သူများ အတွက် သတိပြု ကြိုတင် ပြင်ဆင်စရာ သတင်း အချက် အလက် များကို ပေးနိုင်လိမ့်မည်ဟု မျှော်လင့်ရသည်။



ငလျင် ၁၈ကြိမ်

မြန်မာနိုင်ငံ အလယ်ပိုင်း ၁၉ဝ၆ ခုနှစ်မှ ၂ဝဝ၃ခုနှစ် အတွင်း လှုပ်ခတ်ခဲ့သော အင်အားပြင်း ငလျင် စာရင်း အရ ၁၈ ကြိမ် ဖြစ်ပြီး ဆိုးဝါးသည့် ငလျင်များမှာ-



-၁၉၁၂ ခုနှစ်၊ ဖေဖော်ဝါရီ ၂၃၊ ပြင်းအား RM ၈ ဒသမ သုည၊ တောင်ကြီးမြို့ မြောက်ပိုင်း အကြီးအကျယ် မြေပြို။



-၁၉၃ဝ ပြည့်နှစ် ဖေဖော်ဝါရီ ၅၊ ပြင်းအားRM ၇ ဒသမ ၃၊ ပဲခူးတွင် အဆောက်အအုံများ ပျက်၊ လူ ၅ဝဝ သေဆုံး၊ ရန်ကုန်တွင် အဆောက်အအုံ အချို့ပျက်၊ လူ ၅ဝဝ သေဆုံး။



-၁၉၃ဝ ပြည့်နှစ်၊ ဒီဇင်ဘာ ၃၊ ပြင်းအား RM ၇ ဒသမ ၃၊ ဖြူးမြို့တွင် အဆောက် အအုံအချို့ ပျက်၊ လူ ၃ဝ သေဆုံး။



-၁၉၄၆ ခုနှစ်၊ စက်တင်ဘာ ၁၂၊ ပြင်းအား RM ၇ ဒသမ ၅၂ တကောင်းတွင် ဘုရားများ ပြိုကျ၊ ၃၂ အိမ်ပျက်စီး၊ စိုက်ခင်းဧက ၃၈ဝ ပျက်စီး။



-၁၉၅၆ ခုနှစ်၊ ဇူလိုင် ၁၆၊ ပြင်းအား RM ၇ ဒသမ သုည၊ စစ်ကိုင်းရှိ စေတီဘုရား အဆောက်အအုံများ ပျက်စီး၊ လူ ၄ဝ သေဆုံး၊ စစ်ကိုင်းတံတား အနည်းငယ် ရွေ့စောင်း။



-၁၉၇၅ ခုနှစ်၊ ဇူလိုင် ၈၊ ပြင်းအား RM ၆ ဒသမ ၈၊ ပုဂံ၊ ရှေးဟောင်းစေတီ အများအပြား ပျက်စီး၊ ၂ ဦး သေဆုံး။



-၁၉၉ ခုနှစ်၊ ဇန်နဝါရီ ၅၊ ပြင်းအား RM ၇ ဒသမ ၁၊ တကောင်း၊ ကောလင်း၊ ထီးချိုင့်၊ သပိတ်ကျင်းတွင် မြေပြို၊ မြေကွဲ သဲများ ပန်းထွက်၊ စေတီ အဆောက်အအုံများ ပျက်စီး။



-၂ဝဝ၃ ခုနှစ်၊ စက်တင်ဘာ ၂၂၊ ပြင်းအား RM ၇ ဒသမ ၇၊ တောင်တွင်းကြီးတွင် မြေပြို၊ စေတီ ပုထိုးလုပ်ငန်းများနှင့် တံတားအချို့ အက်ကွဲ ပျက်စီး။



ပျက်စီးမှုအများဆုံး

အဆိုပါ ငလျင် ဖြစ်ပျက်မှုတွင် ၁၉၇၅ခုနှစ်၊ ဇူလိုင် ၈ရက်က ပြင်းအား RM ၆ ဒသမ ၈ လှုပ်ခဲ့သည့် ပုဂံငလျင်သည် ကမ္ဘာကလေးစား၊ မြတ်နိုး တန်ဖိုးထားသည့် သမိုင်းဝင် ရှေးဟောင်း ယဉ်ကျေးမှု အဆောက်အအုံ ထိခိုက်ပျက်စီးမှုမှာ အများဆုံး။



ကြုံတောင့်ကြုံခဲ

အဆိုပါ ပုဂံ ငလျင် သတင်းကို ဆရာ ဂျာနယ်ကျော်စောဦး၏ တာဝန်ပေးချက် အရ ကျွန်တော် မျက်မြင် ကိုယ်တွေ့ သတင်း လိုက်ခွင့်ရခဲ့သည်။ ရတောင့်ရခဲ ကြုံတောင့် ကြုံခဲ သတင်း အခွင့်အရေးကြီးပင် ဖြစ်သည်။



၃၅နှစ်ကြာပြီ

ယနေ့အချိန်တွင် ပုဂံငလျင် သက်တမ်းကို ရေတွက်ကြည့်သောအခါ ၃၅နှစ် ပင်ရှိပြီ။ ထိုစဉ်က ကျွန်တော့် အသက်မှာ ၃၁နှစ်၊ စာနယ်ဇင်းသမားပေါက်စဘဝ။



ရင်ခုန်နေဆဲ

ယနေ့ အသက် ၆၆ နှစ် အဘိုးအို စာနယ်ဇင်းသမား ဘဝတွင် မျက်မြင်ကိုယ်တွေ့ ပုဂံငလျင် အကြောင်းကို ပြန်တွေး ကြည့်သောအခါ ပူပူ နွေးနွေး လတ်လတ် ဆတ်ဆတ်ဖြစ်နေဆဲ၊ ရင်ခုန်နေဆဲ၊ ကြေကွဲ ဆို့နင့်နေဆဲ၊ နှမြောတသ ယူကျုံးမရ ဖြစ်နေဆဲ။ ရက်စက်သည့် ငလျင်ကို ဒေါပွနေဆဲ။



ကားအဆင့်အဆင့်

ထိုစဉ်က ကျွန်တော်သည် ပုဂံငလျင် သတင်းယူရန် သူငယ်ချင်း ဓာတ်ပုံဥက္ကလာ ထွန်းရွှေ (ယခု မြန်မာနိုင်ငံ ဓာတ်ပုံပညာရှင်) နှင့် အတူ ဇူလိုင် ၁၃ ရက်တွင် ရန်ကုန်မှ သာစည်သို့ ရထားဖြင့်လာခဲ့ပြီး၊ သာစည်မှ မိတ္ထီလာ၊ မိတ္ထီလာမှ ကျောက်ပန်းတောင်းသို့၊ ကျာက်ပန်းတောင်းမှ ပုဂံညောင်ဦးသို့ ကား အတန်တန် စီး၍ လာခဲ့ရသည်။ လမ်း တစ်လျောက်တွင် ပုဂံငလျင် အပျက်အစီးကို သွားကြည့်ရန် ကားကြုံ စောင့်နေသူများကို တွေ့ရသည်။ ပုဂံငလျင်ကို ကျွန်တော် ရက်သတ္တတစ်ပတ်ခန့် နေပြီး သွားလာ ကြည့်ရှု သတင်းရယူခဲ့သည်။



အနီရောင်ဖုန်လုံးကြီး

ပုဂံငလျင်လှုပ်မှု ကိုယ်တွေ့ကြုံသူ ဒေသခံ ပြည်သူများက ပြောကြားရာတွင်



-ညနေ ၆နာရီ ၃၂ မိနစ်အချိန်မှာ အနောက်တောင် အရပ်ဆီက အနီရောင် ဖုံလုံးကြီးများ၊ လိပ်တက်လာပြီး ကြောက်မက်ဖွယ်ရာ တုန်ဟည်းသော အသံကြီး ထွက်ပေါ်လာပါတယ်။ - အဲဒီအသံကြီး ပျောက်ကွယ်သွားတာနဲ့ တစ်ပြိုင်နက်တည်း အနောက်တောင်အရပ်မှ အရှေ့မြောက် အရပ်ဆီသို့ ငြိမ့်ညောင်းစွာ စတင် လှုပ်ပါတယ်။



အထက်အောက် ကိုင်ဆောင့်သလို

-ညင်သာစွာ လှုပ်ရှားမှုဟာ စက္ကန့်ပိုင်းမျှရပ်နားပြီး မြေသားထုဟာ အထက်အောက် ကိုင်ဆောင့်သလို အကြိမ်များစွာ ပြင်းပြင်း ထန်ထန် လှုပ်ပါတယ်။ ဒီလိုလှုပ်လို့ စက္ကန့်ပိုင်းမျှရပ်သွား ပြီးတဲ့နောက် အနောက်တောင်မှ အရှေ့မြောက်သို့ ပြင်းထန်စွာ တုန်လှုပ်သွားပါတယ်။



နှစ်မိနစ်ကြာ

-အစအဆုံး လှုပ်ရှားချိန်ဟာ နှစ် မိနစ် ခန့် ကြာခဲ့ပါတယ်။ ဒီထက် အချိန်ပို လှုပ်ရင် ရှိတဲ့ အဆောက်အအုံတွေ ကုန်မလား မပြောတတ်ဘူး။



အမြောက်ဆန် ထိမှန်သလို

မျက်မြင်ကိုယ်တွေ့ ပုဂံညောင်ဦးသား ဦးတင်ဝိုင်းက ပြောကြားရာတွင် ''ဝေါခနဲ မြည်လာတဲ့ အသံကြားလို့ ကြည့်လိုက်တော့ ပတ်ဝန်းကျင် တစ်ခုလုံး ဟိုဘက်က ဘုရား ပြိုကျလာလိုက် ဒီဘက်က ဘုရား ပြိုကျလာလိုက် ဖြစ်နေတာကို တွေ့ရပါတယ်။ ဘုရားတွေပြိုပုံက အမြောက်ဆန် ထိမှန်သလို ပေါက်ကွဲပြီး အုတ်နီမှုန့်တွေ အထက်ကို လွင့်တက်လာပါတယ်။ ပြိုကျတဲ့ အသံတွေကလည်း စုံနေပါတယ်။ အားလုံး ဆူညံသွားတယ် ဆိုတာကိုပဲ သတိ ပြုမိပါတော့တယ်'' ဟု ပြောကြားသည်။

တစ်မြို့လုံး နီရဲနေ

ထိုအချိန်တွင် ဧရာဝတီမြစ် အနောက်ဘက်ကမ်းမှ အောင်သာနှင့် မြစ်ခြေ အရပ်မှလူများက ပုဂံညောင်ဦး တစ်မြို့လုံး နီရဲနေသည်ကို တွေ့ရပြီး မီးလောင်နေပြီဟု ထင်မှတ်နေခဲ့ကြသည်။ ဘုရားစေတီများ ဆီမှ အထက်သို့ လွင့်တက်လာသည့် မြေနီမှုန့်အရောင်များသာလျှင် ဖြစ်သည်။ အလင်းရောင် အနည်းငယ် ရှိသေး၍ မှုန်ဝါးဝါး မြင်ရခြင်း ဖြစ်သည်။



တော်လည်းသံပေးလာ

အရှေ့ဖွားစောရွာမှ ဦးမြင့်ရှိန်က ပြောကြားရာတွင် ''ကျွန်တော်က ရေစည်တိုက်ပြီး ပြန်လာတာ၊ ရွာထဲမှာ မီးလောင်နေပြီလို့ ထင်လိုက်တယ်။ ငလျင်က တောင်ဘက်က လာပြီး ဟည်းဟည်း ဟည်းဟည်းနဲ့ အသံ မြည်နေတာပဲ။ တော်လည်းသံ ပေးလာတာဗျ'' ဟု ပြောကြားသည်။



ချာချာလည်

ငလျင်လှုပ်စဉ် ပုဂံညောင်ဦးမြို့ တွင် ရေအိုးများ ဘောင်ဘင်ခတ်၍ ဖိတ်စင် ထွက်ကျကုန်သည်။ စည်ပိုင်းထဲမှ ရေများ သွန်ပစ်လိုက်သလို ချာချာလည် ဖိတ်စဉ် ထွက်ကျကုန်သည်။ ရပ်ထားသော ကားကလေးများ တစ်တောင်ခန့် မြင့်တက်သွားသည်။ ပုဂံရှိ သီရိပစ္စယာ ဟိုတယ်မှ အရက် ပုလင်းများနှင့် အိုး၊ ခွက်၊ ပန်းကန် အချို့ လွင့်စင်ပြီး ကွဲရှကုန်သည်။



လှိုင်းလုံးကြီးများ မည်းနက်နေ

ငလျင်လှုပ်စဉ် ဧရာဝတီ ကမ်းစပ်တွင် ပိုက်ဆွဲနေသည့် တံငါသည် ဦးမြမောင်က ပြောကြားရာတွင် ''ခါတိုင်းလို လေမတိုက်ဘူး။ လေငြိမ်နေတယ်။ ဝုန်းကနဲ အသံကြီးနဲ့ လှိုင်းလုံးကြီးတွေ လူတစ်ရပ် လောက် မြင့်တက်သွားပြီး ကမ်းကို ရိုက်ခတ်သွားတယ်။ ဒါကြောင့် ကျွန်တော့် လှေကလေးဟာ ရေထဲမှာ မြောက်တက်သွားပြီး သွက်သွက်ခါ လှုပ်ရမ်းနေတယ်။ အဲဒီ လှိုင်းလုံးကြီးတွေကို ကြည့်လိုက်တော့ အရောင်ဟာ မည်းနက်နေတာပဲ။ ကျွန်တော် ပိုက်ဆွဲနေတဲ့ မြစ်ရေပြင်ဟာလည်း ရေနက်ကြီးတွေ ပွက်ပွက် ထနေတာကို တအံ့တသြ တွေ့မြင်ရတယ်။ ဒါကြောင့် ကျွန်တော်လည်း ကြောက်လန့်ပြီး ကမ်းပေါ်တက်ပြေးခဲ့တာပဲ''ဟု ပြောကြားသည်။

ဧရာဝတီ မြစ်လယ် တစ်နေရာတွင် ပိုက်ချနေသည့် မောင်မြင့်ဆွေကမူ''ငလျင် လှုပ်မှန်းတောင် ကျွန်တော် မသိလိုက်ဘူး''ဟု ပြောကြားသည်။



မြေများကျွံနိမ့်ဆင်းသွား

ဧရာဝတီမြစ်လယ်မှ ကျွန်းရွာများတွင် မြေများ ပတ်ကြားအက်ကွဲသွားခဲ့သည်။ အချို့နေရာများတွင် မြေများကျွံကာ နိမ့်ဆင်းသွားသည်မှာ ဖျာတစ်ချပ်စာ၊ ယာတစ်ခင်းစာမျှ ကျယ်သည် ဟု ဆိုသည်။



မြေကြီးထဲကမြည်နေ

သီရိပစ္စယာရွာမှ ဦးအုန်းမောင်က ပြောကြားရာတွင် ''အထက်အောက် လေးငါးခြောက်ချက် ပင့်ပြီး လှုပ်လိုက်တာ တော်တော်ပြင်းတယ်။ တစ်ရွာလုံး တုံးလုံး ပက်လက်တွေ ဖြစ်ပြီး အကုန် လဲကျတာပဲ။ ကျွန်တော်အိမ်ပေါ်မှ ခုန်ဆင်းပြီး ကလေးတွေကို ဖက်ပြီးမြေပေါ်မှာ ဝပ်နေခဲ့ရတယ်။ မြေကြီးထဲက ဗြုတ်ဗြုတ် ဗြုတ်ဗြုတ်နဲ့ မြည်နေတာကို ကြားတယ်''ဟု ပြောကြားသည်။



လဲပြီးမေ့သွား

ထိုရွာမှအမေကြီးအို ဒေါ်သူတော် (အသက်၆ဝ)သည် ငလျင်အလှုပ်တွင် အိမ်ပေါ်မှ အောက်သို့ ဆင်းအပြေး လဲပြီး မေ့သွားသည်မှာ ၁ဝမိနစ်ခန့် ကြာသည်။ တစ်ပတ်ခန့် ကြာသည်အထိ သူ၏စိတ်ထဲတွင် ငလျင်လှုပ်နေတုန်းပဲ ဟု ထင်ကာ မူးမူးနေခဲ့သည်။ ထိုရွာမှ အသက်၇ဝအရွယ်ရှိ ဘကြီးက နဂါးရုံဘုရားတွင် ငလျင် လှုပ်သည်နှင့် ကြုံပြီး မေ့မြောနေခဲ့သည်။ အိမ်သို့ ထမ်းပိုး ခေါ်ယူလာပြီး ရက်အတန်ကြာ ဆေး ကုသခဲ့ရသည်။



မဇီးကွက်စိန်

သီရိပစ္စယာရွာမှ ကိုယ်ကာယဖွံ့ထွားကာအရပ်ရှည်ပြီး တစ်နေ့ ဆန်တစ်ပြည် ချက်စားသည့် မဇီးကွက်စိန်အား တွေ့ဆုံခဲ့ရာ ''ငလျင်လှုပ်တော့ ကျွန်မအမေနဲ့ ကျွန်မ သားအမိ နှစ်ယောက် ဖက်ပြီး မြေမှာဝပ်နေတယ်။ ဘုရားကို အာရုံ ပြုကြတယ်။ မေတ္တာပို့ကြတယ်။ အမျှဝေကြတယ်။ သတ္တဝါတွေ ဒီငလျင်ဘေးကြီးက လွတ်ပါစေလို့ ဆုတောင်းကြပါတယ်''ဟု ပြောကြားသည်။ (ထိုစဉ်က မဇီးကွက်စိန် ဖွံ့ထွားမှုကို သတင်းစာများတွင် အထူးအဆန်း သတင်းအဖြစ် ဖော်ပြခဲ့ကြသည်။ ငလျင်ဖြစ်ပြီး မကြာမီ သူဆုံးသွားရှာသည်။)



မီးပျက်၊ ဖုန်းပျက်

ထိုညက ပုဂံညောင်ဦး တစ်မြို့လုံး လျှပ်စစ်မီးများပြတ်သွားသည်။ တယ်လီဖုန်းလိုင်းများကလည်း ပြတ်သွားသည်။ လေယာဉ်ကွင်းရှိ တာဝါတိုင်မှာ ဆက် သွယ်၍လည်း မရ။ ဟိုဘက်က ပြိုဦးမလား၊ ဒီဘက်က ပြိုဦးမလား ဆိုပြီး စိတ်ခြောက်ခြားနေခဲ့ကြသည်။



ဥက္ကာပျံခြင်း

ငလျင်လှုပ်ပြီးနောက် ထူးခြားမှု အခြေအနေများနှင့် စပ်လျဉ်း၍ သိရသည်မှာ ငလျင်လှုပ်ပြီးနောက် လေတိုက်လာခြင်းပင် ဖြစ်သည်။ ငလျင်လှုပ်ပြီး ည ၈နာရီခွဲခန့် အချိန်တွင် အနောက်တောင်ထောင့် ဆီမှ ကြယ်ကြီးတစ်လုံး ရွေ့လာကာ မာကြူရီ မီးရောင်လိုလင်းထိန်ပြီး ကြွေကျသွားကြောင်း၊ အလားတူစွာပင် နောက်တစ်လုံးလည်း ကြွေကျခဲ့ကြောင်း၊ ဥက္ကာပျံသည်ဟု လူကြီးများက ပြောကြကြောင်း ရွှဆံတော်စေတီတွင် ထိန်းသိမ်းရန် အစောင့်တာဝန် ကျသည့် မီးသတ် တပ်ဖွဲ့ဝင်များက ပြောကြားကြသည်။
မိုးမခ မှ တဆင့်ကူးယူဖော်ပြပါသည်။

ထိုင်းမြန်မာနယ်စပ်ငလျင်လှုပ်၊ အသေအပျောက် များပြား

ထိုင်းမြန်မာနယ်စပ်ငလျင်လှုပ်၊ အသေအပျောက် များပြား
မိုးမခအထောက်တော် အမှတ် ၃
မတ် ၂၅၊ ၂၀၁၁ တာလေမြို့မှ မြင်ကွင်းတခု (reuters)


ညနေ ၆း၀၀ နာရီ - ဒဏ်ရာရ ၁၁၁၊ သေဆုံးသူ ၇၄ ဦး ရှိသည်ဟု မြန်မာ့ရုပ်သံက ကြေညာသည်။

နေ့ ၁း၀၀ နာရီ - ဒဏ်ရာရသူ ၄၀၊ သေဆုံးသူ ၅၀ ထက်မနည်း ရှိသည်ဟု တာချီလိတ်အာဏာပိုင်တဦးက သောကြာနေ့တွင် ပြောကြောင်း AFP က ဆိုသည်။ (MSNBC သတင်း)

ပျက်စီးသည့် အဆောက်အအုံပေါင်း ၁၀၀ ကျော်မည်ဟု တာချီလိတ် အာဏာပိုင်တဦးက Reuters ကို ပြောသည်။ (MSNBC သတင်း)

ငလျင်ဗဟိုနှင့် နီးသည့် တာလေ၊ မိုင်းလင်း မြို့များ (Tarlay and Mine Lin) တွင် သေဆုံးသူ ဒါဇင်နှင့်ချီကြောင်း အရာရှိတဦးက AFP ကို ပြောသည်။ ပြိုသည့် အဆောက်အအုံပေါင်း ၁၃၀ ကျော်မည်ဟု ဆိုသည်။ (MSNBC သတင်း)

"မိုင်းလင်းမှာလည်း ၁၃ ဦးလောက် သေပါတယ်" ဟု ဒေသခံတဦးက ပြောသည်။ (Eleven သတင်း)



နံနက် ၉း၀၀ နာရီ - နယ်စပ်ငလျင်တွင် သေဆုံးသူ ၂၅ ဦးထက်မနည်း ရှိသည်ဟု AFP သတင်းတပုဒ်တွင် ဖော်ပြထားသည်။ တာချီလိတ်အနီးရှိ တာလေမြို့တွင် ၂၄ ဦး (ကျား ၁၁၊ မ ၁၃) သေဆုံးကြောင်း မြန်မာအရာရှိတဦး၏ ပြောဆိုချက်ကို AFP တွင် ရေးထားသည်။ သေဆုံးမှု ပမာဏ ထိုထက်ပိုနိုင်သည်ဟု ဆိုသည်။

"မြို့ထဲမှာ ဘုန်းကြီးကျောင်း ၅ ကျောင်း၊ အဆောက်အအုံ ၃၅ ခု ပြိုလဲသွားတယ်၊ ပြိုတော့ အဲဒီမှာ သေကြရတာပါ" ဟု ထိုအရာရှိက ပြောပြသည်။ လမ်းများ ပျက်စီးသွားသဖြင့် သွားလာရ ခက်ခဲသည်ဟု ဆိုသည်။

ထိုင်းသို့ ရောက်လာသော မြန်မာငလျင်ဒုက္ခသည်များ၊ ငလျင်ဗဟိုချက်ပြ မြေပုံ (AFP)



ယနေ့ထုတ် မြန်မာ့အလင်းသတင်းစာမှ ဖော်ပြချက်



နံနက် ၆း၀၀ နာရီ - ထိုင်းမြန်မာနယ်စပ်တွင် ငလျင်လှုပ်သဖြင့် အနည်းဆုံး ၂ ဦး သေဆုံးကြောင်း ၂ နိုင်ငံအရာရှိများက AFP သတင်းဌာနကို ပြောသည်။ သေဆုံးသူထဲတွင် ကလေးတဦးလည်း ပါဝင်သည်ဟု ဆိုသည်။

"တာချီလိတ်မှာ ကလေးတယောက် သေတယ်လို့ သိရတယ်။ အိမ်ပြိုလို့ သေသွားတာ" ဟု အရာရှိတဦးက ပြောကြောင်း AFP သတင်းတပုဒ်အရ သိရသည်။

ရှမ်းပြည်နယ်၊ တာချီလိတ်မြို့တွင် အပြင်းအထန် ဒဏ်ရာရသူ ၃ ဦးရှိသည်ဟုလည်း သူက ဆိုသည်။

"ရပ်ကွက်အာဏာပိုင်တွေကတော့ လော်စပီကာနဲ့ လိုက်ကြေညာရတယ်၊ အိမ်တွေထဲမှာ မနေကြဖို့ပေါ့" ဟု သူက ရှင်းပြသည်။

ဘန်ကောက်ပို့စ် သတင်းစာတွင် ဖော်ပြချက်အရ ထိုင်းဘက်တွင် အသက် ၅၅ နှစ်အရွယ် အမျိုးသမီးတဦး သေဆုံးသည်ဟု သိရသည်။

ငလျင်က ရှမ်းပြည်နယ်ရှိ ကျိုင်းတုံမြို့တွင်လည်း လှုပ်သွားကြောင်း AP သတင်းတပုဒ်တွင် ရေးထားသည်။ ထိခိုက်ဒဏ်ရာရမှု မရှိကြောင်း ကျိုင်းတုံဆေးရုံဝန်ထမ်းများကို ကိုးကားပြီး ရေးသားထားသည်။ အပျက်အစီး အနည်းအကျဉ်းသာ ရှိသည်ဟု မျက်မြင်သက်သေများက ပြောကြောင်း၊ သို့သော်လည်း ငလျင်ကြောင့် ဒေသခံများ ထိတ်လန့်နေကြသည်ဟု ဆိုသည်။

"လူတွေ အိမ်အပြင်ဘက်ထွက်ပြေးပြီး မြေပေါ်မှာ ၀ပ်နေကြတယ်" ဟု ကျိုင်းတုံဒေသခံတဦးက AP ကို ပြောသည်။

"ငလျင်အသေးလေးတွေ ထပ်ထပ်လှုပ်နေလို့ မြေကြီးပေါ်မှာ ဒီအတိုင်း ထိုင်နေကြတယ်၊ တချို့အိမ်တွေဆို တီဗီအင်တာနာတိုင်တွေလဲကုန်တယ်၊ ဘုရားစင်တွေလည်း ပြုတ်ကျတယ်" ဟု သူက ဆက်ပြောပြသည်။

နေပြည်တော်တွင်လည်း ငလျင်လှုပ်သဖြင့် အိမ်ထဲမှ ထွက်ပြေးကြရသည်ဟု AP သတင်းတွင် ရေးထားသည်။
ငလျင်ကြောင့် အနည်းဆုံး ၁ ဦး သေဆုံးခဲ့ရသည့် တာချီလိတ်မြို့ (photo: Moemaka)


တဆင့် ကူးယူဖော်ပြပါသည်။

ရှမ်းပြည်နယ်မှာ နောက်ဆက်တွဲ ငလျင်တွေလှုပ်

ရှမ်းပြည်နယ်မှာ နောက်ဆက်တွဲ ငလျင်တွေလှုပ်

By မခင်ဖြူထွေး သောကြာ, 25 မတ် 2011
House destroyed by the earthquake in northern Burma on March 24, 2011

မြန်မာ၊ ထိုင်းနဲ့ လာအိုနိုင်ငံဆုံရာ ရွှေတြိဂံဒေသမှာ ဗဟိုပြုပြီး ပြီးခဲ့တဲ့ ကြာသပတေးနေ့ညပိုင်းက လှုပ်ခတ်ခဲ့တဲ့ ငလျင်ကြောင့် သေဆုံးသူ ရာနဲ့ချီရှိခဲ့ပြီး လူနေအိမ်၊ ဆေးရုံနဲ့ ဘုန်းကြီးကျောင်းတွေ အပါအဝင် အဆောက်အဦး အများအပြား ပျက်စီးခဲ့ရပါတယ်။ နောက်ဆက်တွဲ ငလျင်ငယ်တွေ ဆက်လှုပ်နေတာရှိသလို အပျက်အစီး၊ အသေအပျောက် တိုးလာနိုင်ဖွယ်လည်း ရှိနေပါတယ်။ နောက်ဆုံး အခြေအနေသိရအောင် ဆက်သွယ်စုံစမ်းထားတဲ့ မခင်ဖြူထွေးက တင်ပြထားပါတယ်။

ရွှေတြိဂံဒေသမှာ ဗဟိုပြုပြီး ပြင်းအား ရစ်ခ်ျတာစကေး ၇ လောက် ရှိတဲ့ငလျင် လှုပ်ခတ်ခဲ့တာ နှစ်ရက် ကြာခဲ့ပြီးတဲ့နောက် အသေအပျောက်နဲ့ အပျက်အစီး အများဆုံးရှိခဲ့တဲ့ မြန်မာနိုင်ငံ အရှေ့မြောက်ပိုင်းက ထိခိုက်ပျက်စီးမှု အခြေအနေ အသေးစိတ် မသိရသေးပေမဲ့ ဒေသခံတချို့ရဲ့ ပြောဆိုချက်အရတော့ အခုနောက်ဆုံး သေဆုံးသူဟာ ၁၃ဝ ကျော်သွားပြီဖြစ်ပါတယ်။ မြန်မာစစ်အစိုးရသတင်းတွေမှာ နောက်ဆုံးဖော်ပြထားတာကတော့ သေဆုံးသူ ၆၅ ဦးနဲ့ ဒဏ်ရာရသူ ၁၁၁ ဦးရှိပြီး လူနေအိမ် ၂၄၄ လုံး၊ ဘုန်းကြီးကျောင်း ၁၄ ကျောင်းနဲ့ အစိုးရရုံး အဆောက်အဦး ၉ ခုအပါအဝင် လမ်း၊ တံတားတချို့ ပျက်စီးသွားတယ်လို့ ဆိုပါတယ်။ ကြာသပတေးနေ့ညပိုင်းက အင်အားပြင်းငလျင် ၂ ကြိမ်လှုပ်ခဲ့ပြီးတဲ့နောက် နောက်ဆက်တွဲ ငလျင်တွေလည်း မကြာခဏဆိုသလို လှုပ်ခတ်နေတုန်းဖြစ်တယ်လို့ ဒေသခံတွေက ပြောပြကြပါတယ်။

ကျမတို့ အခုအသံမလွှင့်ခင်လေးတင် မြန်မာစံတော်ချိန် မနက် ၅ နာရီခန့်မှာပဲ တာချီလိတ်မြို့မှာ ပြင်းအားအဆင့် ၅ လောက်ရှိတဲ့ငလျင်ငယ်တခု ထပ်မံ လှုပ်ခတ်သွားတယ်လို့ အမေရိကန်ဘူမိဗေဒနဲ့ မြေငလျင် တိုင်းတာရေးဌာနက သတင်းထုတ်ပြန်လိုက်ပါတယ်။ ဒီအခြေအနေနဲ့ပတ်သက်လို့ တာချီလိတ်မြို့ခံတဦးက အခုလို ပြောပြပါတယ်။

“မနက် ၅ နာရီ ၁ဝ မိနစ်လောက်က လှုပ်သွားတယ်။ ကျနော် အိပ်ယာကအထပဲ။ ဟိုတနေ့ ၈ နာရီခွဲ လောက်က လှုပ်တဲ့ဟာလောက် မပြင်းဘူးလေ။ နည်းနည်းတော့ခါသွားတာပေါ့။ ကြောက်နေကြတာပေါ့ဗျာ။ မနေ့ကဆိုလည်း ဈေးတွေ၊ ဆိုင်တွေတောင် မဖွင့်ဘူး။ စိုးရိမ်နေကြတာပေါ့။ ဘယ်လောက်များ ပြင်းပြင်းထန်ထန်ကြီး ထပ်လာဦးမယ်။ ဘယ်လိုကြီးဖြစ်လာဦးမလဲ၊ ဘယ်သူကမှ ဘာမှမသိနိုင်တဲ့ ကိစ္စကြီးကိုး။ မနေ့ကတုန်းကတော့ ရပ်ကွက်ကလာပြောတာပေါ့။ နောက်ဆက်တွဲ ငလျင်လေးတွေလာမယ်။ သတိထားနေကြပေါ့။ အဆောက်အဦးအကြီးကြီးတွေ ဘာတွေရဲ့အောက်မှာ မနေကြနဲ့ပေ့ါ။ ကွင်းပြင်တို့ ကွက်လပ်တို့မှာ နေကြပေါ့။ အခု တာချီလိတ်မြို့မှာက ဘောလုံးကွင်းဆိုတဲ့ ရှမ်းရိုးမကွင်းထဲမှာ အဲဒီတရားပွဲကလည်း ရှိနေတာကိုး။ တရားပွဲရှိတော့ လူတွေက အဲဒီတရားလည်းနာရင်း အဲဒီမှာ တဲလေးတွေ သေးသေးလေးတွေ၊ မိသားစုတဲလေးတွေ ထိုးပြီးတော့ အဲဒီမှာနေကြတာများပါတယ်။”

တကယ်တမ်းတော့ တာချီလိတ်မြို့ဟာ ငလျင်ဒဏ်အပြင်းအထန် ခံရတဲ့နေရာမဟုတ်ပါဘူး။ အသေအပျောက်နဲ့ ပျက်စီးဆုံးရှုံးမှု အများဆုံးဟာ တာချီလိတ်မြို့ရဲ့ အရှေ့မြောက်ဘက် မိုင် ၃ဝ အကွာလောက်မှာရှိတဲ့ တာလေနဲ့ မိုင်းလင်းကျေးရွာတွေမှာ ဖြစ်ပါတယ်။

“အဆိုးရွားဆုံးနေရာဖြစ်တဲ့ ကျနော်တို့နဲ့ မိုင် ၃ဝ လောက်ဝေးတဲ့ တာလေ တိုက်နယ်ဆေးရုံလေးက ပြိုကျသွားတဲ့အခါကျတော့ ဒီမြို့နယ်ဆေးရုံကို လာတက်ကြတဲ့သူတွေရှိပါတယ်။ တာချီလိတ်မှာ။ တာလေနားက တံတားကြီးက ၅ ပေလောက် နိမ့်ဝင်သွားတယ်လို့ပြောတယ်။ တာလေနားမှာ မြို့အဝင် တံတားကြီးတခုရှိတယ်လေ၊ အဲဒါကြီးက တဖက်က နိမ့်ဝင်သွားတယ်လို့ပြောတာပဲ။ ကားကြီးတွေတော့ သွားမရဘူး။ စက်ဘီးနဲ့ ဆိုင်ကယ်နဲ့ ကားသေးသေးလေးတွေပဲ သွားရတယ်လို့ပြောတယ်။ သူတို့လည်း အားချင်း ပြင်တော့ပြင်နေတယ်လို့ ပြောကြတာပဲ။”

နောက်ထပ် ငလျင်ကြီးတွေ လှုပ်ခတ်လာမှာကိုစိုးရိမ်တဲ့အတွက် တာချီလိတ်မြို့ခံတွေကတော့ နေအိမ်တွေမှာ မနေကြတော့ဘဲ ကွင်းပြင်တွေမှာ ထွက်ပြီးနေကြတယ်လို့လည်း ဒေသခံက ပြောပြပါတယ်။

ရွှေတြိဂံဒေသမှာ ဗဟိုပြုလှုပ်ခတ်ခဲ့တဲ့ အင်အားပြင်းငလျင်ဟာ ထိုင်း၊ တရုတ်နဲ့ ဗီယက်နန်နိုင်ငံ ဟနွိုင်းမြို့တော်တို့အထိပါ ရိုက်ခတ်မှုတွေ ရှိခဲ့ပါတယ်။ မြန်မာနိုင်ငံနဲ့ကပ်လျက် တရုတ်နိုင်ငံ ယူနန်ပြည်နယ်တွင်းက မြို့နယ်ပေါင်း ၂၃ မြို့မှာ လူနေအိမ် ၅ ထောင်ကျော် ပျက်စီးခဲ့သလို လူပေါင်း ၆၅ဝဝ ကျော် ထိခိုက်ခဲ့ရတယ်လို့ တရုတ်တာဝန်ရှိသူတွေရဲ့ ပြောဆိုချက်ကို ကိုကားပြီး တရုတ်ဆင်ဟွာ သတင်းမှာ ဖော်ပြထားပါတယ်။

ထိုင်းမြန်မာနယ်စပ် မယ်ဆိုင်မြို့မှာလည်း အပျက်အစီးတွေရှိခဲ့ပြီး အမျိုးသမီး တစ်ဦးသေဆုံးခဲ့ပါတယ်။ မြန်မာနိုင်ငံမှာတော့ အပျက်အစီး အသေအပျောက် အများဆုံးရှိခဲ့တယ်ဆိုပေမဲ့ ပျက်စီးဆုံးရှုံးမှု အခြေအနေ အသေးစိတ်ကို သိရဖို့ကတော့ ခက်ခဲနေတုန်းဖြစ်ပါတယ်။

ကုလသမဂ္ဂ ကလေးငယ်များ ကူညီစောင့်ရှောက်ရေး ရန်ပုံငွေအဖွဲ့ UNICEF နဲ့ ကမ္ဘာ့ကျန်းမာရေးအဖွဲ့ WHO တို့ကတော့ ငလျင်ဒဏ်သင့်ဒေသတွေမှာ သူတို့ရဲ့ဝန်ထမ်းတွေကို စေလွှတ်ထားပြီး ဒီအဖွဲ့တွေ အပါအဝင် ကုလသမဂ္ဂရဲ့ ကူညီထောက်ပံ့ရေးအဖွဲ့တွေ အနေနဲ့ ငလျင်ဒုက္ခသည်တွေအတွက် လူသားချင်းစာနာမှုဆိုင်ရာ အကူအညီတွေ စတင်လုပ်ဆောင်ပေးနေပြီလို့ ကုလသမဂ္ဂက မနေ့က သတင်းထုတ်ပြန်ပါတယ်။ ငလျင်ဒဏ်သင့်ဒေသမှာ ရောက်ရှိနေတဲ့ ကုလသမဂ္ဂ ကူညီထောက်ပံ့ရေးအဖွဲ့တွေရဲ့ ကနဦး လေ့လာတွေ့ရှိချက်တွေအရ မြန်မာနိုင်ငံတွင်းက ငလျင်ဒဏ် အဆိုးရွားဆုံးသင့်ခဲ့တဲ့ဒေသမှာ အနည်းဆုံး အိမ်ခြေ ၄ဝဝ နဲ့ ဆေးရုံတခု ပျက်စီးခဲ့တယ်လို့ ဆိုပါတယ်။ ကြာသပတေးနေ့ညဦးပိုင်းက အင်အားကြီးငလျင် လှုပ်ခတ်ခဲ့ပြီးတဲ့နောက်ပိုင်း နောက်ဆက်တွဲ ငလျင်ငယ် ၆ ကြိမ်ထက်မနည်း လှုပ်ခတ်ခဲ့သလို ပျက်စီးဆုံးရှုံးမှုတွေ ပိုများလာနိုင်တယ်လို့လည်း ကုလသမဂ္ဂအဖွဲ့တွေက ပြောပါတယ်။

အခု အင်အားပြင်း မြေငလျင် ဗဟိုပြုလှုပ်ခတ်ခဲ့တဲ့ မြန်မာ၊ ထိုင်းနဲ့ လာအိုနိုင်ငံတို့ဆုံရာ ရွှေတြိဂံဒေသဟာ ကမ္ဘာပေါ်မှာ မူးယစ်ဆေးဝါး အထုတ်လုပ်ဆုံးနေရာတခုပဲ ဖြစ်ပါတယ်။ အခုငလျင်ကြောင့် မြန်မာနဲ့ အိမ်နီးချင်းနိုင်ငံတွေမှာပါ လမ်း၊ တံတားတွေနဲ့ ဆက်သွယ်ရေးတွေ ထိခိုက်ပျက်စီးခဲ့တာကြောင့် မူးယစ်ဆေး ထုတ်လုပ်မှု၊ ကုန်သွယ်မှုတွေနဲ့ ရောင်းဝယ်ဖောင်ကားမှု လုပ်ငန်းတွေမှာ ထိခိုက်ကောင်းထိခိုက်သွားနိုင်တယ် လို့ Christian Science Monitor သတင်းမှာ ဖော်ပြထားပါတယ်။
တဆင့်ကူးယူဖော်ပြပါသည်။

ရှမ်းပြည်နယ် မြေငလျင်ကြောင့် ဒေသခံ ပြည်သူ အမြောက်အများ သေဆုံး

ရှမ်းပြည်နယ် မြေငလျင်ကြောင့် ဒေသခံ ပြည်သူ အမြောက်အများ သေဆုံး
2011-03-25

ရှမ်းပြည်နယ်အရှေ့ ပိုင်း လွယ်မွေမြို့ ကို ဗဟိုပြုပြီး ကြာသပတေးနေ့ ည ၈နာရီ ခွဲလောက်က ပြင်းအား ၆.၈ ရှိ မြေငလျင်လှုပ်ခဲ့တဲ့အတွက်ကြောင့် ဒီနေ့ မွန်းလွဲပိုင်းချိန် အထိ သေဆုံးသူ ၇၄ ဦး နဲ့  ဒဏ်ရာရသူ ၁၁၁ ဦး ရှိတယ်လို့  မြန်မာ သတင်းစာတွေက ဖေါ်ပြကြပါတယ်။ တာလေမြို့ခံ တချို့ကတော့ အနဲဆုံး သေဆုံးသူ ၈၀ လောက် ရှိမယ်လို့ ဆိုပါတယ်။

AFP

ရှမ်းပြည်နယ်အရှေ့ ပိုင်း လွယ်မွေမြို့ ကို ဗဟိုပြုပြီး ၂၀၁၁ ခုနှစ် မတ်လ ၂၄ ရက် ကြာသပတေးနေ့ ည ၈နာရီ ခွဲလောက်က ပြင်းအား ၆.၈ ရှိ မြေငလျင်လှုပ်ခဲ့တဲ့အတွက်ကြောင့် တာချီလိတ်မှာ လမ်းတံတားတွေ ပျက်စီးနေပုံ။ (ဓါတ်ပုံ - AFP)

ငလျင်ကြောင့် တာလေမြို့ ၊ နားရောင်း နဲ့  မိုင်းလင်း ဒေသတွေ အများဆုံး ထိခိုက် ပျက်စီးခဲ့ရာ နေအိမ်ပေါင်း ၃၉၀၊ ဘုန်းကြီးကျောင်း ၁၄ ကျောင်း နဲ့ အစိုးရ အဆောက်အဦးတွေ ပျက်စီးကုန်တယ်လို့ သိရပါတယ်။

မုန်းလင်းဒေသ တခုထဲတင် နေအိမ် ၁၂၉ လုံး ပျက်စီးသွားတယ်လို့  ဆင်ဟွာသတင်းများက ဆိုပါတယ်။

ရန်ကုန်မြို့ အခြေစိုက် World Vision NGO အဖွဲ့  ဌာနေ ကိုယ်စားလှယ်က ကျိုင်းတုံနဲ့  တာချီလိတ် တချို့ နေရာတွေမှာ အဆောက်အဦးတွေ လမ်းတွေ အက်ကြောင်းတွေ ပေါ်ပြီး ရေဖြန့် ဝေပေးမှု ပြတ်တောက်ကုန်တယ်လို့ ပြောပါတယ်။

အဲဒီ ငလျင် ဗဟိုချက်ကနေ မိုင် ၅၀၀ လောက်ဝေးတဲ့ ထိုင်းနိုင်ငံ ဘန်ကောက်မြို့ နဲ့  ချင်းရိုင်မြို့ မှာ မြင့်မားတဲ့ အဆောက်အဦးတွေ ယိမ်းခါသွားတဲ့ အတွက် အထပ်မြင့် အဆောက်အဦးတွေက လူတွေ ဘေးလွတ်ရာကို ထွက်ပြေး ရှောင်တိမ်း ကြပါတယ်။

မဲဆိုင်ဒေသက အိမ်တအိမ် ပြိုကျရာမှာ အသက် ၅၂ အရွယ် အမျိုးသမီးတဦး သေဆုံးခဲ့ပါတယ်။ ထိုင်းနိုင်ငံ ဘူမိငလျင် တိုင်းတာရေး ဌာနက ပထမငလျင် အပြီး အင်အားပြင်းတဲ့ နောက်ဆက်တွဲ ငလျင် ၆ ကြိမ် လှုပ်တယ်လို့  ဆိုပါတယ်။

အဲဒီ မြေငလျင် လှုပ်မှုကို တရုတ်နိုင်ငံ တောင်ပိုင်း ယူနန် ပြည်နယ်နဲ့ ဗီယက်နမ် နိုင်ငံ ဟနွိုင်းမြို့ တွေမှာပါ သိရှိ ခံစားကြရတယ်လို့  ပြောပါတယ်။

ဒီငလျင် သတင်းနဲ့ ပတ်သက်ပြီး သတင်းပေးwqပို့ ချက် အပြည့်အစုံကိုလဲ နားဆင်နိုင်ပါတယ်။
တဆင့်ကူးယူဖော်ပြပါသည်။

နောက်ထပ် အင်အားပြင်းငလျင် လာနိုင်ဟု သတိပေး

နောက်ထပ် အင်အားပြင်းငလျင် လာနိုင်ဟု သတိပေး
မဇ္ဈိမသတင်းဌာန | သောကြာနေ့၊ မတ်လ ၂၅ ရက် ၂၀၁၁ ခုနှစ် ၁၃ နာရီ ၄၉ မိနစ်
အီးမေးလ်ပို့ရန် ပရင့်ထုတ်ရန် PDF ဖိုင်ရယူရန်

ချင်းမိုင် (မဇ္ဈိမ) ။ ။ အင်အားပြင်း ငလျင်တခု ကြာသာပတေးနေ့ညက လှုတ်ခတ်သွားပြီးနောက် ငလျင်ဒဏ်ခံခဲ့ရသော ဒေသတခုဖြစ်သည့် တာချီလိတ်တွင် နောက်ထပ် ငလျင်အန္တရာယ် သတိပေးချက်အား အာဏာပိုင်များက သောကြာနေ့မွန်းလွဲပိုင်းတွင် ထုတ်ပြန်လျက်ရှိသည်။

“ နောက် ၆ နာရီအတွင်း သတိထားနေဖို့၊ ငလျင်ထပ်လှုပ်နိုင်တယ်လို့ ပြောနေတယ်။ ” ဟု မြို့နယ်အာဏာပိုင်များက ကားဖြင့် လိုက်လံကြေညာလျက်ရှိသည်ဟု ဒေသခံတဦးက မဇ္ဈိမသို့ ဒေသစံတော်ချိန် မွန်းလွဲ ၁ နာရီတွင် ပြောသည်။

လူ ၅ဝ ခန့် နေအိမ်မပြန်သေးဘဲ ယမန်နေ့ညက တိမ်းရှောင်ခဲ့သော ရှမ်းရိုးမကွင်းထဲတွင် ဆက်လက်ရှိနေသေးသည်ဟု ပြောသည်။

တာချီလိတ်မြို့နယ်အောက်ရှိ တာလီတွင် ငလျင်ဒဏ် ဆိုးဝါးစွာခံရပြီး အနည်းဆုံး ၄ဝ ခန့် သေဆုံးသည်ဟု အရာထမ်းတဦးက ပြောသည်။


တဆင့်ကူးယူဖော်ပြပါသည်။

ရှမ်းပြည်အရှေ့ပိုင်းငလျင် နောက်ဆုံးရ သတင်းများ

Friday, March 25, 2011
ရှမ်းပြည်အရှေ့ပိုင်းငလျင် နောက်ဆုံးရ သတင်းများ
စစ်အစိုးရမီဒီယာများ၏ ယခုကြေညာသွားချက်အရ ရှမ်းပြည်အရှေ့ပိုင်း ငလျင်ကြောင့် ၆၃ ဦးသေ၊ ၁၀၆ ဦး ဒဏ်ရာရ၊ အိမ်အလုံး ၃၉၀၊ ဘုန်းကြီးကျောင်း ၁၄ ကျောင်းနှင့် ဌာနဆိုင်ရာ အဆောက်အအုံ ၉ လုံးတို့ ပျက်စီး
ကြောင်း သိရသည်။

ရှမ်းပြည်အရှေ့ပိုင်းတွင် ဗဟိုပြုသော ငလျင်ကြောင့် ထိုင်းနိုင်ငံ၊ ချင်းရိုင်ခရိုင်၊ ချင်းဆန်မြို့ရှိ ဘုရား ၄ ဆူလည်း ပြိုလဲခဲ့သည်။ ပုံတွင် ထို ၄ ဆူထဲမှ တဆူ ပြိုလဲနေသည်ကို မြင်ရစဉ်။ (ဓာတ်ပုံ - AFP)

x x x x x x x x x x x

ထပ်မံအတည်ပြုနိုင်တဲ့ သတင်းများအရ ငလျင်ကြောင့် မြန်မာပြည်ဘက်မှာ သေဆုံးသူ ၅၀ အထိ ရှိလာပြီလို့ သိရပါတယ်။ ဒဏ်ရာရသူက ၄၀ လောက် ရှိပါတယ်။

ကျိုင်းတုံမြို့၊ တာလေမြို့နယ်အတွင်းမှာရှိတဲ့ လားဟူ ခရစ်ယာန်ဘုရားကျောင်း ပြိုကျမှုကြောင့် ငလျင်ဒဏ်ခိုလှုံဖို့ ရောက်လာသူတွေလည်း သေဆုံးမှုရှိတယ်လို့ ဆိုပါတယ်။ ဘယ်နှဦး ထိခိုက် သေဆုံးတယ် ဆိုတာကို မသိရသေးပါဘူး။

ထိုင်းစံတော်ချိန် ၁၂ နာရီ ၂၀ မိနစ်မှာ တက်လာတဲ့ သတင်းတွေအရ ငလျင်ကြောင့် ၆၀ ကျော်သေပြီး ၉၀ ကျော် ဒဏ်ရာရတယ်ဆိုပြီး မြန်မာ အရာရှိတဦးကို ကိုးကား ဖော်ပြထားပါတယ်။ အဆောက်အအုံ ၂၄၀ လောက်ပြိုကျကြောင်းလည်း သိရပါတယ်။

“တာလေ၊ မိုင်းလင်းနဲ့ တာချီလိတ် မြို့နယ်တွေမှာ သေဆုံးသူ ၆၀ ကျော်နိုင်ပါတယ်၊ ၉၀ လောက် ဒဏ်ရာရပါတယ်။ သက်ဆိုင်ရာ အာဏာပိုင်တွေက ဒဏ်ခံရတဲ့ ဒေသတွေကို ရောက်နိုင်အောင် ကြိုးစားနေပါတယ်။ ခုထိ မရောက်နိုင်သေးတဲ့ နေရာတွေ ရှိနေပါတယ်” လို့ အဆိုပါအရာရှိက ပြောပါတယ်။

(နောက်ဆုံးရ အချက်အလက်များကို ဆက်လက် ဖော်ပြပါမည်)
တဆင့်ကူးယူဖော်ပြပါသည်။

ရှမ်းပြည် အရှေ့ပိုင်းငလျင် အပျက်အစီး မြင်ကွင်း

Friday, March 25, 2011
ရှမ်းပြည် အရှေ့ပိုင်းငလျင် အပျက်အစီး မြင်ကွင်း
ရှမ်းပြည် အရှေ့ပိုင်းငလျင်ကြောင့် တာလေမြို့နယ်မှ အပျက်အစီးများကို ဧရာဝတီက သွားရောက်မှတ်တမ်းတင် ရိုက်ကူး ဖော်ပြလိုက်ပါသည်။



ငလျင်ဒဏ်ကြောင့် ကွဲကုန်သွားသော မြေကြီး

ငလျင်ပြင်းအားမှာ ရစ်ချက်တာစကေး ၇ ဖြစ်သည်

လေသာဆောင် ပြိုဆင်းသွားသော အိမ်တလုံး

လမ်းများကွဲအက်ပြီး အုတ်နံရံ နိမ့်ဆင်းသွားသည်

အပျက်အစီးကို ရှင်းလင်းနေကြသူများ

တချို့နှစ်ထပ်အိမ်များမှာ တထပ်စာ ကျွံဝင်သွားသည်ဟု သွားရောက်ကြည့်ရှုသူများက ပြောသည်

လမ်းမပေါ်တွင် ယာယီနေထိုင်နေရသော မိသားစုများ

ဘာသာရေး အဆောက်အအုံများလည်း ပျက်စီးသည်



ဒီအောက်မှာ ဆက်လက်ဖော်ပြမယ့် ပုံတွေကတော့ akm-kuntha ဘလော့ဂ်မှာ တင်ထားတဲ့ ပုံတွေပါ။ အခြေအနေကို ကောင်းကောင်း အကဲခတ်နိုင်တဲ့ ပုံကောင်းတွေ ဖြစ်လို့ နမူနာ ၃ ပုံကို ဧရာဝတီဘလော့ဂ်က ကူးယူဖော်ပြလိုက်ပါတယ်။ ကျန်ပုံများကို akm-kuntha ဘလော့ဂ်မှာ ဆက်ကြည့်ကြပါ။





တဆင့်ကူးယူဖော်ပြပါသည်။

ငလျင်ကြောင့် သေဆုံးသူ ၁ဝ၄ ဦးဟု ဒေသခံများ ပြော

ငလျင်ကြောင့် သေဆုံးသူ ၁ဝ၄ ဦးဟု ဒေသခံများ ပြော
ဖနိဒါ | သောကြာနေ့၊ မတ်လ ၂၅ ရက် ၂၀၁၁ ခုနှစ် ၁၉ နာရီ ၃၀ မိနစ်
အီးမေးလ်ပို့ရန် ပရင့်ထုတ်ရန် PDF ဖိုင်ရယူရန်

ချင်းမိုင် (မဇ္စျိမ) ။ ။ ရှမ်းပြည်နယ်အရှေ့ပိုင်း လွယ်မွေကို ဗဟိုပြုခဲ့သော ငလျင်ကြောင့် သေဆုံးသူ ၇၄ ဦး ရှိကြောင်း မြန်မာအစိုးရ ရုပ်မြင်သံကြားက ထုတ်ပြန်ချိန်တွင် မျက်မြင်သက်သေများနှင့် ဒေသခံများကမူ သေဆုံးသူ ၁ဝ၄ ဦး ရှိပြီဟု သောကြာနေ့ နှောင်းပိုင်းတွင် ပြောဆိုကြသည်။

ဒေသတွင်း ကြည့်ရှု့စာရင်းကောက်ခဲ့သူနှင့် ဒေသခံများသို့ မဇ္ဈိမ မေးမြန်းချက်အရ တာချီလိတ်မြို့ အရှေ့တောင်ဘက် တာလေမြို့၌ပင် သေဆုံးသူ ၄၇ ဦး ရှိပြီး၊ မိုင်းယောင်းအုပ်စု ကျကူနီရွာ၌ ၂၂ ဦး၊ မိုင်းလင်း ၂၉ ဦး၊ တာချီလိတ် ၃ ဦးနှင့် နားယောင်း ၃ ဦး ဖြစ်သည်။ ထို့အပြင် တာလီရွာ၌ ပျောက်ဆုံးနေသူများ ရှိသည်ဟု ဒေသခံများက ဆိုသည်။

တာလေသို့ သွားရောက်ခဲ့သူ တာချီလိတ်မြို့ခံ တဦးက “တာလေက အခြေအနေ တော်တော်ဆိုးတယ်။ လမ်းဘေးမှာပဲ အခေါင်းတွေနဲ့ ထားထားတယ်” ဟု မဇ္စျိမကို ပြောသည်။

ကျကူနီရွာ၌ သေဆုံးသူများမှာ နှစ်ခြင်းခရစ်ယာန်အသင်းတော် ဘုရားကျောင်းထဲတွင် ကျမ်းစာသင်နေစဉ် ငလျင်လှုတ်ခတ်သဖြင့် သေဆုံးရခြင်း ဖြစ်သည်။

သောကြာနေ့ မွန်းလွဲပိုင်းတွင် အရှေ့ပိုင်းတိုင်း စစ်ဌာနချုပ်တိုင်းမှူး ဗိုလ်မှူးချုပ် သန်းထွန်းဦးနှင့်အဖွဲ့ တာလေနှင့် မိုင်းလင်းသို့ သွားရောက်ခဲ့သလို၊ တာလေမြို့ ကယ်ဆယ်ရေးတွင် စစ်သား ၃ဝဝ ခန့် ပါဝင်လုပ်ကိုင်နေခဲ့သည်။

MRTV-4 က မွန်းလွဲပိုင်း ထုတ်ပြန်ချက်တွင် တာချီလိတ်၊ တာလေ၊ နားယောင်း၊ မိုင်းလင်း၊ မိုင်းကိုး၊ ကျကူနီရွာ စသည့် ကျေးရွာများ၌ ၇၄ ဦး သေဆုံးကာ၊ ၁၁၁ ဦး ဒဏ်ရာရခဲ့ပြီး အိမ် ၂၂၄ လုံး၊ တိုက်ခန်းတွဲ ၆ ခု၊ သာသာနာ အဆောက်အအုံ ၁၁ ခု၊ အစိုးရ အဆောက်အုံ ၉ ခု ပျက်စီးဆုံးရှုံးခဲ့ကြောင်း ဖော်ပြထားသည်။

ကြာသပတေးနေ့ကတည်းက လျှပ်စစ်မီးပြတ်တောက်နေပြီး သောက်သုံးရေသန့် လုံလောက်စွာ မရသော တာလေ၌ လူအများမှာ ကွင်းပြင်များ၌ မိုးကာတဲများထိုး၍ နေကြကာ၊ မုန့်ခြောက်နှင့် ခေါက်ဆွဲခြောက်များကို အားကိုးနေရသည်။

ယူနီဆက်၊ World vision၊ ကြက်ခြေနီ၊ အမျိုးသားပြန်လည် နေရာချထားရေး အဖွဲ့များလည်း ကယ်ဆယ်ရေး လုပ်ငန်းတွင် ပါဝင်ဆောင်ရွက်နေသည်။
တဆင့် ကူးယူဖော်ပြပေးပါသည်။

တာလေကို သွားရောက်ကူညီခဲ့သူတဦးရဲ့ ပြန်လည်ပြောပြချက်

တာလေကို သွားရောက်ကူညီခဲ့သူတဦးရဲ့ ပြန်လည်ပြောပြချက်
တာလေရှိ ပြိုကျသွားသော အိမ်တလုံး (ဓာတ်ပုံ - Reuters)


ကိုထွေး၊ မတ် ၂၅၊ ၂၀၁၁

(ငလျင်ဒဏ်ခံရတဲ့ အထဲမှာ အဆိုးဆုံးထဲက တနေရာဖြစ်တဲ့ တာလေကို သွားရောက်ကူညီခဲ့သူတဦးကို ဧရာဝတီသတင်းထောက် ကိုထွေးက ဆက်သွယ် မေးမြန်းထားတာဖြစ်ပါတယ်။ သွားရောက်ကူညီတဲ့သူက သူမြင်တွေ့ခဲ့တာတွေကို အခုလို ပြန်လည်ပြောပြထားပါတယ်။ ဦးတေဇပိုင် ထူးကုမ္ပဏီက ငလျင်ဒဏ်ခံဒေသမှာ သွားရောက်လှူဒါန်းဖို့ စီစဉ်ပြီး ရန်ကုန်က သတင်းထောက်တွေကိုလည်း လေယာဉ်နဲ့ အခမဲ့ခေါ်သွားဖို့ စီစဉ်ပေမယ့် စစ်အစိုးရ ခွင့်မပြုဘူးလို့ လတ်တလော ဝင်လာတဲ့ သတင်းတွေအရ သိရပါတယ်။ နာဂစ်နဲ့ ဂီရိ ဆိုင်ကလုန်းတုန်းကလိုပဲ လှူချင်ရင် သူတို့ကိုပဲ လှူလို့ လုပ်မလားတော့ မသိပါ။)

မနက် ၁၀ နာရီ ကျော်ကျော်လောက် တာလေ ရောက်သွားတယ်။ ကားလမ်းဘေး တဘက် တချက်စီမှာရှိတဲ့ သုံးထပ်အိမ်တွေ ခပ်များများက ၂ ထပ်ပဲကျန်တယ်။ ၂ ထပ်အိမ်တွေလည်း တော်တော်များများ ပြိုကုန်တယ်။ ပြိုကျတဲ့ အထဲမှာ ဘုန်းကြီးကျောင်းတွေလည်း ပါတယ်၊။ တချို့ အိမ်တွေကလည်း နှစ်ပေါင်း ၂၀ လောက်ရှိတော့ ပိုဆိုးတာပေါ့။

တာလေက လူတွေတော့ မပြောနဲ့၊ တာချီလိတ်က လူတွေတောင် ညက မိုးကာခင်းပြီး အိပ်ရတာ။ တာလေ ရောက်တော့ တချို့တွေက ကိုယ့်အိမ်က ပစ္စည်းတွေကို ကိုယ့်ဘာသာကိုယ် ရှင်းနေတာတွေလည်း တွေ့ရတယ်။ နောက်ပြီး အမျိုးတွေရဲ့ အိမ်ရှေ့မှာ ငိုတဲ့သူငိုနေကြတယ်။ ဆွေမျိုးသားချင်းတွေ အသက်ဆုံးရှုံးသွားလို့ ငိုနေတဲ့သူတွေလည်း တွေ့ရတယ်။ ဘာမှတော့ မေးလို့မရဘူး၊ တချို့မသေတဲ့ သူတွေကတော့ ကံကောင်းတယ်ပြောရမှာပေါ့။


အစိုးရကတော့ ဘာမှ မလုပ်ပေးသေးဘူးရော။ တချို့လည်း ဆေးရုံကိုပို့တယ်။ ဒါပေမယ့် ဆေးရုံတော့ မရောက်လိုက်လို့ မသိဘူး။ ကျနော်တွေ့သလောက်တော့ တာချီလိတ်မှာကို အယောက် ၆၀ လောက်ရှိနေပြီ။ ဟိုမှာလည်း ၂၀၊ ၃၀ လောက်တွေ့ခဲ့ရသေးတယ်။ အဲဒီအထက်မှာပဲ ရှိမှာပါ။

ပစ္စည်းတချို့နဲ့ ခေါက်ဆွဲထုတ်တွေ၊ ရေတွေ သွားပေးတယ်။ ဌာနဆိုင်ရာကိုပဲ ပေးခဲ့တယ်။ နောက်ပိုင်း ဌာနဆိုင်ရာက ဘာလုပ်မယ်ဆိုတာတော့ ပြောလို့မရဘူး။ ဌာနဆိုင်ရာက ကယ်ဆယ်ရေး စခန်းတော့ ဖွင့်ထားတယ်။ အသိရှိတဲ့သူတွေကတော့ အသိအိမ်ကို သွားတယ်။

အခုတော့ အဝေးပြေး လမ်းလည်း ခဏပိတ်လိုက်တယ် ထင်တယ်။ လမ်းတွေဘာတွေ နည်းနည်း ပြင်မယ်လို့တော့ ပြောတယ်။
ဧရာဝတီ ဘလော့မှ ကူးယူဖော်ပြပါသည်။

အစားအသောက်နဲ့ ရေထဲမှာ ရေဒီယိုသတ္တိကြွမှုတွေ့

အစားအသောက်နဲ့ ရေထဲမှာ ရေဒီယိုသတ္တိကြွမှုတွေ့

စနေ, 19 မတ် 2011


ဖူကူးရှီးမားခရိုင်မှာရှိတဲ့ နျူကလီးယားဓာတ်အားပေးစက်ရုံ ၀န်းကျင်က နို့နဲ့ ဟင်းနုနွယ် ရွက်တွေမှာ ရေဒီယို ဓာတ်သတ္တိကြွမှု မြင့်မားနေတာကို တွေ့ရှိရတယ်လို့ ဂျပန်အစိုးရ အဖွဲ့ရဲ့ ထိပ်တန်း ပြောရေးဆိုခွင့်ရှိသူက ပြောပါတယ်။

အစိုးရက သတ်မှတ်ထားတဲ့ လုံခြုံစိတ်ချရတဲ့ စံသတ်မှတ်ချက်ထက် ဓာတ်သတ္တိကြွမှုက မြင့်မားနေပေမဲ့ ချက်ချင်း လက်ငင်း ကျန်းမာရေး အန္တရာယ် မရှိနိုင်ပါဘူးလို့ အစိုးရအဖွဲ့ အတွင်းဝန်ချုပ် Yukio Edano က သတင်းစာရှင်းလင်းပွဲမှာ ပြောပါတယ်။ မတ်လ ၁၁ ရက်နေ့က မြေငလျင်လှုပ် ဆူနာမီကြုံခဲ့ရပြီး နျူကလီးယာ အကျပ်အတည်း ကြုံခဲ့ရကတည်းဆိုရင် အစားအသောက်တွေထဲမှာ ရေဒီယို ဓာတ်သတ္တိကြွမှုကို တွေ့ရှိတာ ပထမဆုံး ဖြစ်ပါတယ်။

ဒါပေမဲ့ အဲဒီ အစားအသောက်တွေကို စားသုံးရင် အထူးသဖြင့် ကလေးတွေအတွက် ရေဒီယို သတ္တိကြွ အိုင်အိုဒင်း ဟာ ရေတိုမှာလည်း ကျန်းမာရေး အန္တရာယ် ရှိနိုင်တယ်လို့ အပြည်ပြည်ဆိုင်ရာ စွမ်းအင်အေဂျင်စီက ကြေညာချက်မှာ ပြောပါတယ်။

တိုကျို နဲ့ တခြား နေရာတွေမှာ ရေထဲမှာ ရေဒီယို ဓာတ်သတ္တိကြွ ပစ္စည်းတွေကို နည်းနည်း စတွေ့နေရပြီလို့ ဂျပန်အစိုးရက ပြောပါတယ်။

ဒီအချိန်မှာပဲ လောင်စာတောင့်တွေ အပူပိုမကြီးနိုင်အောင်နဲ့ ပတ်ဝန်းကျင်ကို ရေဒီယို ဓာတ်သတ္တိ မပျံ့နှံအောင် ဓာတ်ပေါင်းဖို နံပတ် (၃) ကို တိုကျို မီးသတ်တပ်ဖွဲ့က ရေပက်ဖျန်းခဲ့ပါတယ်။ သမုဒ္ဒရာကနေ ရေကိုယူပြီး မီးသတ်သမားတွေက ပျက်စီးသွားတဲ့ ဓာတ်ပေါင်းဖို အဆောက်အဦးကို ရေ အဆက်မပြတ် ပက်ဖျန်းပေးနေတာပါ။

ရေစုပ်စက်တွေနဲ့ နျူကလီးယာ လောင်စာတောင့်တွေကို ရေပေးနိုင်အောင် လျှပ်စစ်မီးကြိုးကို ဓာတ်အားပေး စက်ရုံမှာ ပြန်သွယ်ဖို့ ကြိုးစားခဲ့ပေမဲ့ အားထုတ်မှု မှန်သမျှ ရပ်ထားလိုက်ပြီးတဲ့နောက် စနေနေ့ နေ့လည်တုန်းက ဓာတ်ပေါင်းဖို နံပတ် (၃) ကို တိုကျို မီးသတ်တပ်ဖွဲ့က ရေပက်ဖျန်းခဲ့ပါတယ်။

ပျက်စီးသွားတဲ့ ဓာတ်ပေါင်းဖိုကို လျှပ်စစ်ပြန်ပေးနိုင်ဖို့ တနင်္ဂနွေနေ့အထိ ကြာကောင်းကြာနိုင်တယ်လို့ တာဝန်ရှိသူတွေက ပြောပါတယ်။

VOA သတင်းမှ ကူးယူဖော်ပြပါသည်။

အနောက်နိုင်ငံတပ်တွေ လစ်ဗျားကို လေကြောင်းမှ တိုက်ခိုက်

အနောက်နိုင်ငံတပ်တွေ လစ်ဗျားကို လေကြောင်းမှ တိုက်ခိုက်

စနေ, 19 မတ် 2011


လစ်ဗျားခေါင်းဆောင် မိုမာကဒါဖီ (Muammar Gaddafi) ရဲ့တပ်တွေကို ထိန်းချုပ်ဖို့ကြိုးစားနေတဲ့ မဟာမိတ်တပ်တွေနဲ့အတူ ပူးပေါင်းပြီး အမေရိကန်တပ်တွေကလည်း လစ်ဗျားလေတပ်ကို ဒုံးကျည်တွေနဲ့ပစ်ခတ်ခဲ့ကြပါတယ်။ မြေထဲပင်လယ်ထဲမှာ နေရာယူထားတဲ့ အမေရိကန်နဲ့ ဗြိတိသျှ စစ်သင်္ဘောနဲ့ ရေငုပ်သင်္ဘောတွေက လစ်ဗျားတပ်တွေကို ပစ်မှတ်ထားပြီး စနေနေ့မှာ Tomahawk ဒုံးကျည် ၁၁၀ ကျော်နဲ့ ပစ်ခတ်ခဲ့တယ်လို့ ပန်တဂွန် (Pentagon) စစ်ဌာနချုပ်အရာရှိတွေက ပြောပါတယ်။

မဟာမိတ်တပ်တွေအတွက် တိုက်ရိုက်အန္တရာယ်ပေးနိုင်တယ်လို့ ယူဆရတဲ့ ပစ်မှတ် ၂၀ ကျော်အပြင် လစ်ဗျားအရပ်သားတွေလည်း တိုက်ခိုက်ခံခဲ့ရပါတယ်။

အခုချိန်ထိ လစ်ဗျားဝေဟင်မှာ အမေရိကန်လေယာဉ်တွေ ဖြတ်ပြီးမပျံသေးသလို မြေပြင်မှာလည်း အမေရိကန်တပ်သား တယောက်မှမရှိသေးဘူးလို့ အမေရိကန်စစ်တပ် အကြီးအကဲတဦးဖြစ်တဲ့ ဒုတိယ ရေတပ်ဗိုလ်ချုပ်ကြီး Bill Gortney က ပြောပါတယ်။

ဘရာဇီးနိုင်ငံကိုရောက်နေတဲ့ အမေရိကန်သမ္မတ ဘရက်အိုဘားမား (Barack Obama) ကတော့ လစ်ဗျားခေါင်းဆောင် မိုမာကဒါဖီကို အနောက်နိုင်ငံတွေက စစ်ရေးအရအရေးယူဖို့ကလွဲပြီး ရွေးချယ်စရာ မပေးခဲ့ဘူးလို့ ပြောပါတယ်။ ဗြိတိသျှဝန်ကြီးချုပ် David Cameron ကလည်း မစ္စတာ ကဒါဖီအပေါ် အရေးယူမှုဟာ လိုအပ်လို့ဖြစ်ပြီး တရားဝင်အရေးယူတာဖြစ်သလို ဒီလိုအရေးယူမှုဟာ မှန်ကန်တယ်လို့ဆိုပါတယ်။

စနေနေ့ အစောပိုင်းတုန်းကတော့ ကုလသမဂ္ဂရဲ့ လစ်ဗျားအပေါ် လေယာဉ်မပျံသန်းရဇုံ သတ်မှတ်အရေးယူမှုကို အားဖြည့်တဲ့အနေနဲ့ ပြင်သစ်နိုင်ငံက ပထမဆုံး လစ်ဗျားကို လေကြောင်းက တိုက်ခိုက်မှုတွေ လုပ်ခဲ့ပါတယ်။ ပြင်သစ်သမ္မတ နီကိုးလက်ဆာကိုဇီ (Nicolas Sarkozy) က ကုလသမဂ္ဂ၊ ဥရောပသမဂ္ဂ၊ အာရပ်နိုင်ငံများအဖွဲ့ချုပ်နဲ့ အနောက်အင်အားကြီးနိုင်ငံတွေရဲ့ ပြင်သစ်နိုင်ငံမှာပြုလုပ်တဲ့ အစည်းအဝေးကနေ လိုအပ်ရင် လစ်ဗျားကို စစ်ရေးအရ အရေးယူဖို့သဘောတူခဲ့ကြတယ်လို့ ဆိုပါတယ်။ လစ်ဗျားအစိုးရက အပစ်အခတ်ရပ်စဲရေး ကြေညာခဲ့ပေမဲ့ လက်တွေ့မှာ ဒီကြေညာချက်ကို ချိုးဖောက်နေတာမို့ အချိန်ကြာလာတာနဲ့အမျှ လစ်ဗျားနိုင်ငံသားတွေအတွက် အန္တရာယ်ပိုပြီးတော့ ကြီးတယ်လို့ ကမ္ဘာ့အင်အားကြီးနိုင်ငံတွေက ယုံကြည်ကြောင်း၊ ဒါကြောင့် အခုလို ဆုံးဖြတ်ချက်ချခဲ့တာလို့ အမေရိကန်နိုင်ငံခြားရေးဝန်ကြီး ဟယ်လာရီကလင်တန် (Hillary Clinton) က ပြောပါတယ်။

တချိန်တည်းမှာပဲ ကဒါဖီရဲ့ သစ္စာခံတပ်တွေက လစ်ဗျားအရှေ့ဘက်က အတိုက်အခံတွေ ချေကုပ်ယူထားတဲ့ ဘန်ဂါဇီကို (Benghazi) ရော၊ အနောက်ပိုင်း ထရစ်ပိုလီနား (Tripoli) က မစ်ရာတာ (Misratah) ကိုပါ တိုက်ခိုက်ခဲ့ကြပါတယ်။ သူတို့ဟာ လက်ဖြောင့်တပ်သားတွေသုံးပြီး ပစ်ခတ်ခဲ့ပြီး အရပ်သား ၉ ဦး စနေနေ့မှာ သေဆုံးခဲ့ရပါတယ်။

VOA သတင်းမှ ကူးယူဖော်ပြပါသည်။

ပြင်သစ်၊ ဗြိတိန်နဲ့ အမေရိကန် ဦးဆောင်တဲ့ နိုင်ငံတကာတပ်တွေ လစ်ဗျားကို စတင် တိုက်ခိုက်

ပြင်သစ်၊ ဗြိတိန်နဲ့ အမေရိကန် ဦးဆောင်တဲ့ နိုင်ငံတကာတပ်တွေ လစ်ဗျားကို စတင် တိုက်ခိုက်
2011-03-20

ပြင်သစ်လေတပ်က တိုက်လေယာဉ် တွေဟာ လစ်ဗျားနိုင်ငံ ဘင်ဂါဇီမြို့ အနီးက သမ္မတ ကဒါဖီတပ်တွေရဲ့ ပစ်မှတ်တွေကို ဒီကနေ့ ဝင်ရောက် တိုက်ခိုက်လိုက်ပါတယ်။

(Soure: navy.mil)

လစ်ဗျားအစိုးရအပေါ် အရေးယူရေး ကုလသမဂ္ဂ လုံခြုံရေးကောင်စီ ဆုံးဖြတ်ချက်အရ အမေရိကန် ပြည်ထောင်စု၏ Odyssey Dawn အမည်ရှိ စစ်ဆင်ရေး စတင်သည့် ၂ဝ၁၁ ခုနှစ် မတ်လ ၁၉ ရက်နေ့က Tomahawk တာဝေးပစ် ဒုံးကျည်တခုကို အမေရိကန်ရေတပ် ဖျက်သင်္ဘော USS Barry (DDG 52) ပေါ်မှ ပစ်လွှတ်နေပုံ ဖြစ်ပါသည်။ (Soure: navy.mil)

ပြင်သစ် စစ်လေယာဉ်တွေ ဝင်ရောက် တိုက်ခိုက်နေချိန်ဟာ ပြင်သစ်နိုင်ငံ ပဲရစ်မြို့မှာ လစ်ဗျားဆိုင်ရာ နိုင်ငံတကာ အစည်းအဝေး ကျင်းပနေချိန် ဖြစ်ပါတယ်။ ပြင်သစ်သမ္မတ ဆာကိုဇီက ပဲရစ် အစည်းအဝေး အပြီး သတင်းထောက်တွေကို ပြောရာမှာ ကဒါဖီရဲ့ တပ်တွေကို မဟာမိတ်တပ်တွေ စပြီး တိုက်ခိုက်နေပြီဖြစ်ကြောင်း ပြောပါတယ်။

ပြင်သစ်သမ္မတက ပြောကြားအပြီးမှာပဲ အမေရိကန်ပြည်ထောင်စု ဝါရှင်တန်ဒီစီ ပင်တဂွန် စစ်ဌာနချုပ်က သတင်းစာ ရှင်းလင်းပွဲ ချက်ချင်းပြုလုပ်ပြီး အမေရိကန်နိုင်ငံ အနေနဲ့ လစ်ဗျားပြည်သူတွေကို အကာအကွယ်ပေးရေး Operation Odyssey Dawn မှာ ဦးဆောင်ပါဝင် ဆင်နွဲနေပြီဖြစ်ကြောင်း ပင်တဂွန် ပြောခွင့်ရသူ ရေတပ် ဗိုလ်ချုပ်ကြီး ဝီလီယံ ဂေါ့တနီက ပြောလိုက်ပါတယ်။

ဒီ သတင်းစာရှင်းလင်းပွဲ အပြီးမှာပဲ လက်တင်အမေရိက ငါးနိုင်ငံခရီး ထွက်နေတဲ့ အမေရိကန်သမ္မတ အိုဘားမားက ဘရာဇီးနိုင်ငံကနေ အမေရိကန် ပြည်သူတွေကို မိန့်ခွန်းပြောရာမှာ အမေရိကန် ပြည်ထောင်စု အနေနဲ့ နောက်ထပ် စစ်ပွဲတခုမှာ ပါဖို့ အများကြီး စဉ်းစားပြီးမှ လုပ်ဆောင်ခဲ့တာ ဖြစ်ကြောင်း ပြောလိုက်ပါတယ်။

ပင်တဂွန်စစ်ဌာနချုပ်က ပြောကြားချက်အရ အခု စစ်ဆင်ရေးဟာ အဆင့်ပေါင်း များစွာထဲက တခုသာဖြစ်ပြီး ဘာတွေ ဆက်အရေးယူမယ် ဆိုတာ ထုတ်ဖော်ပြောဖို့ ငြင်းပါတယ်။

နောက်ဆုံးဝင်လာတဲ့ သတင်းတွေအရ လစ်ဗျားမြောက်ပိုင်း မြေထဲပင်လယ်ထဲမှာ ပြင်သစ်က Mirage နဲ့ Rafale တိုက်လေယာဉ်တွေ အပါအဝင် စစ်လေယာဉ် အစင်း ၂ဝ လောက် စေလွှတ်ထားတယ်လို့ သိရပါတယ်။

အမေရိကန်ပြည်ထောင်စုကတော့ စစ်ရေးအရ အကန့်အသတ်နဲ့ပဲ ပါဝင်မယ်လို့ ဆိုထားပေမယ့် စစ်သင်္ဘောကြီး ၄ စင်းနဲ့ အဝေးထိန်း ဒုံးခွင်းဒုံးတွေ ပစ်ခတ်နိုင်တဲ့ ဖျက်သင်္ဘောတစင်း စေလွှတ်ထားပါတယ်။ ဒေသတွင်းက အီတလီ လေတပ်စခန်းမှာလည်း F 16 တိုက်လေယာဉ် အစင်း ၄ဝ ကျော်က ဒီစ စ်ဆင်ရေးမှာ ပါဝင်တယ်လို့ သိရပါတယ်။


တဆက်ထဲမှာလည်း ဒီလို ဝင်ရောက် တိုက်ခိုက်ဖို့အတွက် အခရာကျတဲ့ နိုင်ငံတကာ သဘောတူညီချက်ကို ကုလသမဂ္ဂ လုံခြုံရေးကောင်စီက ဆုံးဖြတ်ခဲ့ပါတယ်။ လစ်ဗျားအရေးနဲ့ ပတ်သက်ပြီး ကုလသမဂ္ဂ လုံခြုံရေး ကောင်စီက စစ်ရေးအရ ဝင်ရောက်အရေးယူဖို့  ဆုံးဖြတ်ချက်အမှတ် (၁၉၇၃) ကို ပြီးခဲ့တဲ့ ကြာသပတေးနေ့ က ချမှတ်ခဲ့တာရဲ့ နောက်ကွယ်မှာ ဘယ်လို အခက်အခဲနဲ့ အကြောင်းအရာတွေ ရှိပါသလဲ။ NCGUB ညွန့်ပေါင်းအစိုးရရဲ့ ကုလသမဂ္ဂ ကိုယ်စားလှယ် ဒေါက်တာသောင်းထွန်းကို အာအက်ဖ်အေ ဝိုင်းတော်သား ဦးဝင်းနိုင်က ဆက်သွယ် မေးမြန်းထားပါတယ်။

RFA သတင်းမှ တဆင့်ကူးယူဖော်ပြပါသည်။

အိမ်သုံးဆားဈေး ၁၀ ဆကျော်တက်

အိမ်သုံးဆားဈေး ၁၀ ဆကျော်တက်
ဧရာဝတီ Friday, 18 March 2011 18:56
E-mail Print
မြန်မာနိုင်ငံတွင် တရုတ်ကုန်သည်များက အိမ်သုံး အိုင်အိုဒင်းဆားများ အလုံးအရင်းဖြင့် ၀ယ်ယူနေမှုကြောင့် မန္တလေး၊ လားရှိုး၊ မူဆယ်ဈေးကွက်များတွင် အိမ်သုံးဆားများ ပြတ်လပ်သွားပြီး ဈေးနှုန်း ၁၀ ဆကျော် မြင့်တက်သွားကြောင်း သိရသည်။

salt400

ဧရာဝတီတိုင်းအတွင်းရှိ ဆားကွင်းများကို ဤသို့တွေ့ရသည် (ဓာတ်ပုံ - AP) သတင်း
“ဒီနေ့ ဆားဈေးတွေ တအားတက်ပါတယ်။ ၀ယ်လို့လည်းမရဘူး။ လှောင်တဲ့လူတွေကလည်း လှောင်နေကြတယ်။ ဈေးက တန်း မရှိဘူး။ ၀ယ်သူရောင်းသူ သဘောတူဈေးပဲ။ လောလောဆယ် အိုင်အိုဒင်းဆား တပိဿာ ကျပ် ၁၀၀၀ ကနေ ၁၅၀၀ အထိ ဈေးတက်ရောင်းနေတယ်” ဟု မန္တလေးမြို့ရှိ အိမ်သုံးဆားသန့်နှင့် အိုင်အိုဒင်းဆား ထုတ်လုပ် ရောင်းချနေသူ စက်ရုံပိုင်ရှင် တဦးက ပြောသည်။

ပုံမှန်အားဖြင့် အိုင်အိုဒင်းဆား တပိဿာလျှင် ၁၁၅ ကျပ်နှင့် ၁၅၀ ကျပ် အကြား ဈေးအတက်အကျရှိသည်။

ဆားဈေးနှုန်းမြင့်တက်ချိန် မန္တလေးမြို့ ဆားဈေးကွက်တွင် ဆား လုံးဝပြတ်လပ်သွားပြီး ရန်ကုန်မြို့ရှိ ဆားစက်များမှ
အိုင်အိုဒင်း ဆားများကိုပါ မှာယူနေကြကြောင်း သိရသည်။

“ရန်ကုန်မှာလည်း ဈေးတွေတက်နေပြီ။ အခု ဈေးသိပ်မဖွင့်ဘူး။ အားလုံးက အခြေအနေကို စောင့်ကြည့်နေတယ်။ နယ်က အမှာစာတွေ တက်နေပြီ” ဟု ရန်ကုန်မြို့ အင်းစိန်မြို့နယ်ရှိ ဆားလုပ်ငန်းရှင် တဦးက ရှင်းပြသည်။

ဘုရင့်နောင်အခြေစိုက် ဆားပွဲရုံပိုင်ရှင် တဦးကမူ လာမည့်ရက်ပိုင်းအတွင်း ဆားဈေးနှုန်း အလွန်မြင့်တက်နိုင်သည်ဟု ခန့်မှန်းသည်။

ဂျပန်နိုင်ငံရှိ နျူကလီးယား ဓာတ်အားပေးစက်ရုံများ ပေါက်ကွဲပြီး ဓာတ်ရောင်ခြည်များ ပင်လယ်တွင်းသို့ ပျော်ဝင်ကာ ဆားများတွင် ရေဒီယိုသတ္တိကြွ ဓာတ်ပစ္စည်းများ ပါဝင်နိုင်သည်ဆိုသော ယူဆချက်များ တရုတ်နိုင်ငံတွင် ပျံ့နေကြောင်း၊ ထို့ကြောင့် တရုတ်ပြည်သူ ထောင်ပေါင်းများစွာက ကုန်တိုက်များ၊ ကုန်စုံဆိုင်များနှင့် ဈေးများတွင် အိမ်သုံးဆားများကို ကြိတ်ကြိတ်တိုး ၀ယ်ယူကြောင်း၊ တရုတ်နိုင်ငံတွင် အိမ်သုံးဆား ပြတ်လပ်မှု ဖြစ်ပေါ်နေခြင်းကြောင့် တရုတ်နိုင်ငံမှ စီးပွားရေးသမားများက မြန်မာနိုင်ငံမှ အိမ်သုံးဆားများစွာကို မှာယူနေရာ မြန်မာပြည်မှ ဆားဈေးများပါ ထိုးတက်သွားခြင်း ဖြစ်ကြောင်း ဆားကုန်သည် များက ဆိုသည်။

မိုးလေ၀သ ပညာရှင်ဦးထွန်းလွင်ကမူ ဂျပန်နျူကလီးယား ဓာတ်အားပေးစက်ရုံ ပေါက်ကွဲမှုကြောင့် မြန်မာအပါအ၀င်
အာရှတိုက်တွင် ဓာတ်ရောင်ခြည်သင့်ပြီး အက်ဆစ်မိုးရွာသွန်းနိုင်သည်ဆိုသော သတင်းများမှာ ကောလာဟလ များသာဖြစ်ကြောင်း ပြောသည်။

စစ်အစိုးရပိုင် သတင်းမီဒီယာများကလည်း မြန်မာနိုင်ငံတွင်ရွာသွန်းသော မိုးများကိုတိုင်းတာရာ ဓာတ်ရောင်ခြည် ပါဝင်ခြင်းမရှိကြောင်းနှင့် ဂျပန်နိုင်ငံရောက် မြန်မာများကို တိုကျိုမြို့ရှိ မြန်မာသံရုံးက အကူအညီ ပေးလျက်ရှိကြောင်း ယနေ့ တရားဝင် သတင်းထုတ်ပြန် ထားသည်။

တဆင့် ကူးယူဖော်ပြပေးပါသည်။

TEPCO က လျှပ်စစ်ဓာတ်သုံးစွဲမှု ချွေတာနေရ

TEPCO က လျှပ်စစ်ဓာတ်သုံးစွဲမှု ချွေတာနေရ
Posted by admin on March 18, 2011 0 Comment

တိုကျိုဧရိယာတ၀ိုက်တွင် လျှပ်စစ်ဓာတ်အားပြတ်တောက်မှုဟာ ကြီးကြီးမားမားဖြစ်နိုင်တယ်လို့ ဂျပန့်စီးပွားရေး ကုန်သွယ်ရေးနဲ့ စက်မှုဝန်ကြီး Banri Kaieda က မတ်လ ၁၇ ရက်နေ့က ပြောပါတယ်။

တိုကျိုမြို့တော်ဧရိယာတွင် ပြေးဆွဲနေသော ရထားလိုင်းကုမ္ပဏီများကလည်း ညနေ ၅ နာရီနောက်ပိုင်းက စပြီး ပြေးဆွဲ တဲ့ ရထားအရေအတွက်ကို လျှော့ချမယ်လို့ ပြောပါတယ်။

တိုကျိုမြို့တွင်းနေရာအနှံ့ကို ကြည့်မယ်ဆိုရင် လျှပ်စစ်မီးထွန်းတာတွေကို လျှော့ချထားတာကို တွေ့ရပါလိမ့်မယ်။ စူပါ မားကက်တွေ၊ ဆိုင်တွေ၊ ကွန်ဗီးနီးယင့်စ်စတိုးတွေ၊ ရုံးအဆောက်အဦ စတာတွေဖြစ်ပါတယ်။

တိုကျိုတာဝါလည်း ညဘက် မီးအလှဆင်ထွန်းတာတွေကိုလည်း ရပ်တန့်လိုက်ပါပြီ။

တိုကျိုမြို့တွင်းမှာ နေထိုင်တဲ့သူတွေအနေနဲ့ လျှပ်စစ်မီးအလှည့်ကျ ဖြတ်တောက်တာကို ဒီကနေ့အထိ မခံရသေးပေမဲ့ ကျနော်နေထိုင်တဲ့ Higashi Murayama City ဟာ တိုကျိုလျှပ်စစ်ဓာတ်အားကုမ္ပဏီ TEPCO ရဲ့ အလှည့်ကျ လျှပ်စစ်မီး ဖြတ်တောက်တဲ့အစီအစဉ်အရ မတ်လ ၁၆ ရက်နေ့က ၂ နာရီကျော်ကြာ လျှပ်စစ်မီးပြတ်သွားတာနဲ့ ကြုံခဲ့ရပြီ ဖြစ်ပါ တယ်။ ကျနော်နေတဲ့နေရာဟာ TEPCO ရဲ့ အုပ်စု ၃ မှာ ပါဝင်ပါတယ်။

ကန်တိုဧရိယာတွင် လျှပ်စစ်ဓာတ်အားပေးလုပ်ငန်းကိုလုပ်ကိုင်နေသော TEPCO က လျှပ်စစ်ဓာတ်သုံးစွဲမှု ချွေတာတဲ့ လုပ်ဆောင်ချက်တွေဟာ ဧပြီလကုန်ပိုင်းအထိ ဆက်ပြီးရှိနေလိမ့်မယ်လို့ ခန့်မှန်းပါတယ်။

အဲဒီလိုဆိုရင် ဂျပန့်စီးပွားရေးရော၊ ဂျပန်မှာနေထိုင်နေတဲ့သူတွေရဲ့ ဘ၀လည်း အထိုက်အလျောက် ထိခိုက်မှုတွေ ရှိနိုင် တယ်လို့ တွက်ဆလို့ရပါတယ်။

ကျော်ကျော်စိုး

၃း၂၁ နာရီ

မတ်လ ၁၈ ရက်။ ၂၀၁၁ ခုနှစ်
တဆင့် ကူးယူဖော်ပြပေးပါသည်။

တိုကျိုမီးသတ်က နံပတ် ၃ ဓာတ်ပေါင်းဖိုကို ၇ နာရီကြာ ရေပက်ဖျန်းခဲ့

တိုကျိုမီးသတ်က နံပတ် ၃ ဓာတ်ပေါင်းဖိုကို ၇ နာရီကြာ ရေပက်ဖျန်းခဲ့
Posted by admin on March 19, 2011 0 Comment



photo by: http://focus-fen.net/?id=n244913



နံပတ် ၃ ဓာတ်ပေါင်းဖိုကို ရေပက်ဖျန်းမှုကို တိုကျိုမီးသတ်က ၇ နာရီကြာ လုပ်ခဲ့တယ်လို့သိရပါတယ်။ အခက်အခဲမရှိ လုပ်နိုင်ခဲ့တယ်လို့ ဆိုပါတယ်။

ဖူကူရှီးမားအမှတ် ၁ ဓာတ်အားပေးစက်ရုံကနေ ကီလိုမီတာ ၂၀ ကနေ ၃၀ အတွင်းနေထိုင်ကြသူတွေ ရေဒီယိုဓာတ် သတ္တိကြွမှုကြောင့် ရောင်ခြည်သင့်ခံရမှုကနေ ရှောင်လွှဲနိုင်စေဖို့ ဆောင်ရန်နည်းလမ်းတွေကို ညူကလီယားနဲ့ စက်မှုလုပ် ငန်းဘေးအန္တရာယ်ကာကွယ်ရေးအေဂျင်စီက ထုတ်ပြန်ပြောဆိုခဲ့ပါတယ်။

- အပြင်သွားတဲ့အခါ လမ်းလျှောက်သွားမျိုးထက် မော်တော်ကားနဲ့သွားတာမျိုးကိုလုပ်ပါ။

- အပြင်ထွက်လျှင် မျက်နှာဖုံးစွပ်ပြီးသွားပါ။

- ခန္ဓာကိုယ်ရဲ့အသားအရေကို ထိတွေ့ခြင်းမရှိစေရန် အင်္ကျီလက်ရှည်ဝတ်ပါ။

- မိုးရေမစိုပါစေနဲ့လို့

အဲန်အိပ်ခ်ျကေ ၁၅း၀၀ နာရီသတင်းမှာ ကြေညာသွားပါတယ်။

ကျော်ကျော်စိုး

၁၅း၁၃ နာရီ

မတ်လ ၁၉ ရက် ၂၀၁၁ ခုနှစ်
နေ့သစ် သတင်းအား ကူးယူဖော်ပြပါသည်။

မကွေးမြို့မှ SHADE စာပေ၀ိုင်း(၁၄)

မကွေးမြို့မှ SHADE စာပေ၀ိုင်း
၁၃-၂-၂၀၁၁၊ တနင်္ဂနွေနေ့ နေ့လယ်(၁၂) နာရီမှ ညနေ(၃း၃၀)နာရီ အချိန်အထိ ဆုံနေကြ အချစ်ရွာဆိုင်မှာ ၀ိုင်းဖွဲ့ကြပါတယ်။ SHADE စာပေ၀ိုင်း (၁၄) ကြိမ်မြောက်ပါ။ ဖေဖေါ်ဝါရီလ (၁၄)ရက်နေ့ ချစ်သူများနေ့ အကြို အချစ်ရွာက Shade စာပေ၀ိုင်း(၁၄)ပတ်မြောက် နဲ့တိုက်ဆိုင်နေပါတယ်။ ပိုပြီး မှတ်မှတ်ရရ ထူးထူးခြားခြား ဖြစ်နေရတာကတော့ SHADE ဂျာနယ်၊ မကွေးရုံးခွဲကို (၁၀-၂-၂၀၁၁) နေ့က မန္တလေးမီဒီယာအုပ်စု နာယက ဆရာကြီး နတ်မောက်ထွန်းရှိန် နဲ့အယ်ဒီတာချုပ်များ၊ စာရေးဆရာများ၊ကဗျာဆရာများ၊ သတင်းထောက်များ၊ Shade ဂျာနယ် အယ်ဒီတာချုပ်ဦးသာဇော် ရဲ့ မိသားစုများကိုယ်တိုင် ကြွရောက်ဖွင့်လှစ်ပေးခဲ့ကြတာ ဖြစ်ပါတယ်။ ကျွန်တော်တို့ မကွေးတိုင်းဒေသကြီး မကွေးမြို့မှာ ပထမဆုံး ဦးဦးဖျားဖျား ဂျာနယ်ရုံးခွဲ စတင်ဖွင့်လှစ်နိုင်တာ Shade ဂျာနယ်သာဖြစ်ပါကြောင်း ဒီစာပေ၀ိုင်းက မင်္ဂလာမောင်းခတ်လိုက် ပါရစေ..။
မကွေးမြို့မှာ ရှိတ်ဂျာနယ်ဖွင့်လှစ်ရခြင်းအကြောင်းကို အယ်ဒီတာချုပ် ဦးသာဇော်က ရိုးသားစွာနဲ့ အကျယ်တ၀င့် ဖွင့်ချ ပြောကြားသွားပါတယ်။ မကွေးတိုင်းဒေသကြီး မကွေးမြို့မှာ လိုအပ်မယ်ထင်ပါ၍ ဂျာနယ်သတင်းမီဒီယာကဏ္ဍကို SHADE ဂျာနယ်ရုံးခွဲလေးအဖြစ် လာရောက်ဖွင့်လှစ်ပေးခြင်းသာဖြစ်ပါကြောင်း။ မကွေးမြို့ရဲ့ တိုးတက်ရာ တိုးတက်ကြောင်းကိုသာ ရှေ့ရှုပြီးဖွင့်လှစ်ရပါကြောင်း။ ဒါကြောင့်လည်း မကွေးစာနယ်ဇင်းအဖွဲ့နဲ့အတူ မကွေးသတင်းများကို ဦးစားပေးဆောင်ရွက် ဖော်ပြပေးနေကြပါတယ်။ကျွန်တော်တို့ ရှိတ်ဂျာနယ်က အခြားဂျာနယ်ကြီးများလို အလွန်အောင်မြင်နေလို့ မကွေးမှာလာပြီး ရုံးခွဲဖွင့်ရခြင်း မဟုတ်ပါကြောင်း။ မကွေးမြို့ကို လာရောက်ပြီး ရုံးခွဲဖွင့်လို့ စီးပွားရေးကြော်ငြာများရရှိဖို့လည်း မကြိုးစားပါ ကြောင်း။ မကွေးရုံးခွဲမှာ ကြော်ငြာများ လုံးဝလက်ခံမည် မဟုတ်ပါကြောင်း အသိပေးမေတ္တာရပ်ခံနေပါတယ်။
(၁၀-၂-၂၀၁၁) နေ့လယ်(၂)နာရီမှာ Shade ဂျာနယ် မကွေးရုံးခွဲကို ခမ်းခမ်းနားနား၊ စည်ကားသိုက်မြိုက်စွာ နဲ့ ရုံးဖွင့်လှစ်ပွဲအောင်မြင်ခဲ့ပါတယ်။ မကွေးစာနယ်ဇင်းက ကြီးမှူးကျင်းပမယ့် မန္တလေးစာနယ်ဇင်း စာရေးဆရာအဖွဲ့နဲ့ မကွေးစာနယ်ဇင်း စာရေးဆရာအဖွဲ့၊ စာပေချစ်သူများ ရဲ့ (ရေးသူဖတ်သူ စာပေဆွေးနွေးပွဲကို) တော့ အကြောင်း ကြောင်းတွေကြောင့် မကျင်းပနိုင်ခဲ့ကြပါ။ အဲဒီနေ့က မန္တလေးစာရေးဆရာအဖွဲ့ကို အထူးဧည့်ခံ နေရာချထား ကျွေးမွေးစောင့် ရှောက် တာဝန်ကျေပွန်သူကတော့ စာရေးဆရာ သာကီနွယ်သွေး(မကွေး) ဖြစ်ပါတယ်။ ကျွန်တော်တို့ ရှိတ်စာပေ၀ိုင်းတော်သားများ မျက်နှာရအောင် အထူးအားပေးကူညီဆောင်ရွက်တဲ့ စာရေးဆရာ သာကီနွယ်သွေး(မကွေး) ကို အထူးကျေးဇူးတင် ပါကြောင်း Shade စာပေ၀ိုင်းက မှတ်တမ်းတင်အပ်ပါတယ်..။
နောက်နေ့(၁၁-၂-၂၀၁၁) မှာ မန္တလေးမီဒီယာအုပ်စု အဖွဲ့ကို မန်းရွှေစက်တော်သို့ဘုရားဖူးသွားရန် လိုက်ပို့ဖြစ်ပါတယ်။ ဘုရားဖူးသွားရန် အလှူရှင်ကတော့ ကိုကိုလတ်(ဆည်မြောင်း)က ကုန်ကျစရိတ်အားလုံးကို ဒကာခံပေးပါတယ်။ အဲဒီခရီးစဉ် အကြောင်းကိုတော့ နောက်တစ်ပတ် SHADE စာပေ၀ိုင်းမှာ ပြန်ပြောင်းပြောကြားပါရစေ…လို့ တက်ရောက်လာသူ ရှိတ် စာပေ၀ိုင်းတော်သားများကို တောင်းပန်ပြီး စကားဖြတ်လိုက်ရပါတယ်..။
ယနေ့(၁၃-၂-၂၀၁၁)နေ့ SHADE စာပေ၀ိုင်းတော်သားများကတော့ ဆရာတင်လင်းဇော်၊ ဆရာလွမ်းထား(မကွေး)၊ ဆရာဇော်မြင့်ဇော်(ဗန္ဓရ)၊ ဆရာဘိုမြင့်ရှိန်(အောင်လံ)၊ ရေနံ့သာအောင်ချမ်းဇော် နဲ့ စာရေးသူတို့ဖြစ်ကြပါတယ်။
ဆရာတင်လင်းဇော် က စတင်လို့ ရှိတ် အမှတ်(၁၂)ထဲမှ ဆရာကြည်လွင်မြင့်(မုဒြာ)ရဲ့( ခေါင်းလျှော်မှားလျှင် လေဖြတ်နိုင်သည်) ဆောင်းပါးကို ထုတ်နုတ်ပြီး ရှင်းပြနေပါတယ်။ ဆရာကြည်လွင်မြင့်(မုဒြာ) ကနေ ရှိတ်စာပေ ၀ိုင်းတော်သား ရေနံ့သာအောင်ချမ်းဇော် ကျန်းမားရေးအတွက် နှလုံးခွဲစိတ်ကုသဖို့ အလှူငွေ တစ်သိန်း ပေးလှူတာကို များစွာ ကျေးဇူးတင်ပါကြောင်း။ နောက်ပြီး စံပယ်နံ့သာစာပေက ထုတ်ဝေတဲ့ (ခုနှစ်ကြိုးတပ်ဂစ်တာ) ၀ထ္ထုတိုစုစည်းမှု စာအုပ်ကိုဖတ်ခဲ့ကြောင်း၊ အဲဒီအထဲမှ ဆရာစိုးဘားဒိုင် ရေးတဲ့( စိတ်နုကစားပွဲ) ကို တော်တော်ကြိုက်ပါကြောင်း။ အကျယ်တ၀င့် ထုတ်နုတ် ခံစားဖတ်ကြားပြပါတယ်။
ဆရာလွမ်းထား(မကွေး) ကလည်း ဒီပွဲကို မပျက်ရအောင် တော်တော်အားစိုက်ပြီးလာခဲ့ပါကြောင်း။ ညကကြိုတင်ရေးထားတဲ့ ဒီဝိုင်းမှာ ပြောဆိုစရာများကို ဖတ်ပြပါတယ်။မန္တလေး စာပေအဖွဲ့ ဧည့်သည်များဖြစ်ကြတဲ့ ဆရာကြီး နတ်မောက်ထွန်းရှိန်၊ တက္ကသိုလ်တေဇာလင်း၊ မောင်ဆူးမင်း(ချပ်သင်း)၊ သန်းဖေသား၊ သတင်းထောက်ကြီးအောင်မြင့်မြင့်(စစ်ကိုင်း)၊ ဆရာစိုးဘားဒိုင်၊ ကဗျာဆရာ မောင်သင်းပန်၊ကဗျာဆရာ ကလင့်(မန္တလေး)နဲ့ ရှိတ်ဂျာနယ် အယ်ဒီတာချုပ် ဦးသာဇော် မိသားတစ်စု တို့ကို ဆုံတွေ့ရလို့ အထူးဝမ်းသာမိပါကြောင်း။ ကျွန်တော်တို့ မကွေးတိုင်းဒေသကြီးမှာ ယခုလို ပထမဆုံးအဖြစ် ဂျာနယ်ရုံးခွဲဖွင့် ပေးထားပြီး မကွေးသတင်းမီဒီယာ သမားများကို မြေတောင် မြှောက်ပေးတဲ့အတွက် အလွန်ဂုဏ်ယူ ၀မ်းသာမိပါကြောင်း နဲ့ ဂျာနယ်ရုံးခွဲဖွင့်ပွဲမှ ပြောစကားများကို ပြန်လည်ထပ်မံ ဖောက်သည်ချ ပြောဆိုသွားခဲ့ပါတယ်။
ဆရာဇော်မြင့်ဇော်(ဗန္ဓရ) ကတော့ ရုံးဖွင့်ပွဲမှာ မန္တလေးစာပေအုပ်စု နဲ့ မိတ်ဆက်မပေးလို့ အခမ်းအနားစီစဉ်သူ လိုအပ်သွားကြောင်း ထောက်ပြနေပါတယ်။ ရှိတ်ဂျာနယ်၊အတွဲ(၅)၊ အမှတ်(၁၂)က တွယ်တွယ်ထွဏ်း(ကလေးမြို့) ရေးသားထားတဲ့ (အကြွေ၊ သူရာရည်နဲ့ ကဗျာဆရာပေါက်ကွဲတဲ့ကိစ္စ) စာရေးသူနဲ့ အရက်ခွဲမြင်ရန် အကြောင်း က လိုအပ်ချက်များကို ထောက်ပြပါတယ်။ မကွေးမြို့မှာ လူငယ်ကျောင်းသား(၁၂၀၀) ကို ယဉ်ကျေးလိမ္မာ အထူးဓမ္မသင်တန်း ပွဲကျင်းပရန် အစည်းအဝေးက ဝေငှတဲ့ (ယခင်ဓမ္မစကူးလ် နဲ့ ယခုဆန်းဒေးစကူးလ်) လက်ကမ်းစာစောင်လေးကို အကျယ်တ၀င့် ဖတ်ကြားပြသွားပါတယ်။
ဆရာဘိုမြင့်ရှိန်(အောင်လံ)ကလည်း စာပေ၀ိုင်းကို နောက်ကျပြီး၊ အပြေးအလွှား ရောက်လာပါတယ်။ရှိတ်ဂျာနယ် ၂၀၁၀၊ အောက်တိုဘာလ(၂၆)ရက် ကထုတ်တဲ့ တွယ်တွယ်ထွဏ်း(ကလေးမြို့) ရေးတဲ့ (မိုး)ခေါင်းစဉ် ပန်းချီဆရာ မော်ဒယ်ကိစ္စ တို့ကို တိုတိုလေးနဲ့ ရိုးရိုးသားသား အရေးအသားလေးတွေကိုအလွန်ကြိုက်လို့ အစ၊ အဆုံး ဖတ်ပြသွားပါတယ်။
ဆရာရေနံ့သာအောင်ချမ်းဇော် ကတော့ သူ့ကျန်းမာရေးအတွက် အလှူရှင်များဖြစ်ကြတဲ့ ဆရာကြည်လွင်မြင့်(မုဒြာ)က ငွေတစ်သိန်း။ ဆရာမောင်မောင်ကြည်သန့်(ရတနာမြေ)က ငွေတစ်သိန်။ တက္ကသိုလ်တေဇာလင်း၊မောင်ဆူးမင်း(ချပ်သင်း)၊ သန်းဖေသား တို့က ငွေကျပ်သုံးသောင်း အသီးသီးအခမ်းအနားနဲ့ ရှိတ်ဂျာနယ် မကွေးရုံးခွဲဖွင့်ပွဲမှာ မြင်တွေ့ရလို့ မျက်ရည်များကျပြီး ၀မ်းသာပီတီ ဖြစ်ရပါကြောင်း။ ၂၀၁၁၊ မတ်လ(၂)ရက်နေ့လောက်မှာ ကျွန်တော့်အတွက် စုပေါင်းလှူဒါန်းထားတဲ့ငွေများကို မကွေးစာနယ်ဇင်းအမှုဆောင်အဖွဲ့ နဲ့ကိုကိုလတ်(ဆည်မြောင်း) တို့ပါဝင်တဲ့ ကော်မတီက ဦးဆောင်လို့ ရန်ကုန်မြို့သို့သွားပြီး စည်းကမ်းကျစွာ ဆေးကုသမှု ခံယူမှာ ဖြစ်ပါကြောင်း ပြောကြားသွားပါတယ်။(မှတ်ချက်။ ။ ယခုစာရေးနေချိန်(၁၄-၂-၂၀၁၁)နေ့အထိ ရှိတ်ဂျာနယ် မှာ (နှစ်သိန်းသုံးသောင်းကျပ်)။ လျှပ်တစ်ပြက် ဂျာနယ် မှာ စာရေးဆရာ အေးရွှေ(ကေတုမတီ) နှင့် မိတ်ဆွေများအဖွဲ့က (ခုနှစ်သိန်းငါးသောင်းကျပ်)။ စုစုပေါင်း(ကိုးသိန်းရှစ်သောင်း ကျပ်) လှူဒါန်းငွေရရှိကြောင်းနဲ့ ဆေးကုသနိုင်ရန်အတွက် စုစုပေါင်း(၁၅)သိန်းခန့်လိုအပ်ပါကြောင်း သတင်းကောင်းပါလိုက် ပါရစေ..။ ဒါကြောင့် နောက်ထပ် ဆေးကုသိုလ် အလှူရှင်များ များများ အချိန်မှီပေါ်ထွန်း လာနိုင်ကြပါစေကြောင်း SHADE စာပေ၀ိုင်းတော်သားအပေါင်းက ဆုမွန်ကောင်းတောင်းလိုက်ရပါတယ်.။
စိတ် အဟာရပြည့်ဝစေဖို့ ရှိတ်ဂျာနယ်ကိုဖတ်လို့ ဘ၀အတွက် သုတ၊ရသစုံတဲ့ Shade စာပေ၀ိုင်းသို့ သွားကြပါစို့…..။
ရွှေလမ်းငွေလမ်းဝင်းကြည်

ှံSHADE ဂျာနယ်မှ ကူးယူဖော်ပြပါသည်။

မကွေးမြို့ မှ SHADE စာပေ၀ိုင်း(၁၈)

မကွေးမြို့ မှ SHADE စာပေ၀ိုင်း

၁၃-၃-၂၀၁၁ ၊ တနင်္ဂနွေနေ့ နေ့(၁၂) နာရီကနေ ညနေ(၃း၃၀)နာရီ ထိ အချစ်ရွာဆိုင်မှာ ၀ိုင်းဖွဲ့ကြပါတယ်။ နွေရာသီ တပေါင်းလ နေအပူရှိန်ကြောင့် စာပေ၀ိုင်းတော်သားများနည်းနေပါတယ်။ မနေ့က တစ်နေကုန်မိုးတွေအုံ့မှိုင်းနေပြီး မိုးဖွဲလေးတွေကျခဲ့ ပါတယ်။ ဒီနေ့တော့ နေပြန်ပူလာပါတယ်။ ဒီအချစ်ရွာမှာ စာပေ၀ိုင်းစတင်ခဲ့တာ အကြိမ်(၁ဂ)ကြိမ် ပြည့်ခဲ့ပါပြီ။ လာမယ့် တနင်္ဂနွေနေ့(၂၀-၃-၂၀၁၁)ရက် ကစပြီး မကွေးမြို့ SHADE ဂျာနယ်ရုံးမှာ ပေါင်းဆုံကြပါမည်။ ရှိတ် စာပေ၀ိုင်းတော်သားများ ကြွရောက်တော်မူကြပါ။ ရှိတ်စာပေ၀ိုင်းကဏ္ဍ ဂျာနယ်မှာဖော်ပြခြင်း အကြောင်းကို စာရေးသူရှင်းပြချင်ပါတယ်။ ယခင်က စာပေ၀ိုင်းတော်သားများရဲ့ ပြောကြားချက်များထဲက အကျဉ်းကို တစ်ဦးချင်းစီကဏ္ဍနဲ့ ဖော်ပြပေးခဲ့ပါတယ်။ စာဖတ်သူများက ရှိတ်စာပေ၀ိုင်း ဆောင်းပါးမှာ ဖတ်ညွှန်းကြီးသာ ဖြစ်နေကြောင်း၊ သတင်းဆန်နေကြောင်း အသံတွေထွက်လာပါတယ်။ဒါကြောင့် စာဖတ်သူများ ရဲ့ဆန္ဒအတိုင်း အယ်ဒီတာချုပ်က စာပေ၀ိုင်းတော်သားများရဲ့ ဆွေးနွေးပြောကြားချက်များထဲမှ (တစ်ပုဒ်ဆို ဆိုသလောက်) အကောင်းဆုံး တစ်ပုဒ်ကိုသာ ပြန်လည်ရွေးချယ်ပြီး ဖော်ပြပေးနေပါတယ်။ စာရေးသူကတော့ အားလုံးရဲ့ပြောကြား ဆွေးနွေးချက်များကို စာနဲ့ အသံဖိုင်ပါ အယ်ဒီတာချုပ်ဆီကို မေးလ်နဲ့အားလုံးပေးပို့ခဲ့ပါတယ်။ ဒီအပေါ်မှာ စာပေ၀ိုင်းတော်သားတစ်ချို့က ငါတို့ပြောတာ ဆွေးနွေးတာတွေ မသုံးဘူး၊ မပါလာတော့ဘူးဆိုပြီး စာရေးသူကို အမြင်စောင်းနေကြပါတယ်။ ဟိုလိုရေးပါ၊ ဒီလိုရေးပါ ဆိုပြီး ဆရာကြီးလာလုပ်နေပြန်ပါတယ်။ ဒါကြောင့် စာပေ၀ိုင်းတော်သားများအနေနဲ့ ကိုယ်ပြောတဲ့စကားများကို စာမျက်နှာမှာ တင်စေချင်ရင် အများအတွက် သုတ၊ရသခံစားချက် နည်းပညာတွေပေးနိုင်မယ့် မှတ်သားစရာ စာများကို များများဖတ်မှတ်လာကြပါလို့ တိုက်တွန်း အကြံပြုလိုက်ပါရစေ..။
ဒီတစ်ပတ် SHADE စာပေ၀ိုင်းတော်သားများကတော့ ပထမအကြိမ် ရောက်လာတဲ့ ကဗျာဆရာ ဇော်မင်းကြည်၊ ဆရာဘိုမြင့်ရှိန်(အောင်လံ)၊ ပန်းချီဆရာမင်းသူ၊ ပန်းချီဆရာသူရိန်မြိုင်၊ ပန်းချီဆရာမြင့်ဇော်ဦး နဲ့ စာရေးသူတို့ဖြစ်ကြပါတယ်။
ဒီစာပေ၀ိုင်းမှာ နေမင်းရဲ့အပူဒါဏ်ကြောင့် အချစ်ရွာဆိုင်ခမ်းမ အဆောင်ထဲမှာပဲ စတင်ခဲ့ပါတယ်။ ဆရာဘိုမြင့်ရှိန်(အောင်လံ)က ပထမဆုံး စတင်ပြီး အင်္ဂလိပ်စာသင်ခန်းစာများကို ဖတ်ကြားပြီး ရှိတ်ဂျာနယ်ထဲက (၁၅၀၀)အချစ် ဆောင်းပါးကိုဆွေးနွေးပါတယ်။ ပန်းချီဆရာသူရိန်မြိုင်ကလည်း ၁၉၉၉၊ ဒီဇင်ဘာလထုတ် စာရေးဆရာ (ဂျိမ်းကွိုက်(မ်) )ရဲ့ ၀ထ္ထုတိုများ ထဲက ဘယ်လိုဖတ်ဖတ် စာမျက်နှာ(၄)မျက်နှာလေးကို နားမလည်နိုင်တဲ့ ၀ထ္ထုတို တစ်ပုဒ် (အီလည်လည် ဖြစ်နေတဲ့ အက်ပလင်(သို့) ဒက်ပလင်မြို့သူ) ကို နားမလည်စွာနဲ့ပဲ ပြန်လည်ဆွေးနွေးပြောကြားသွားပါတယ်။ ပန်းချီဆရာ မြင့်ဇော်ဦးကတော့ ဆရာချစ်ဦးညို ရေးတဲ့ လင်္ကာဒီပချစ်သူ ထဲက တစ်စိတ်တစ်ပိုင်းများကို လက်တော့ကွန်ပျူတာကို ရှေ့မှာ ဖွင့်ထားလို့ ကြည့်ပြီး စိတ်ဝင်စားစွာနဲ့ အကျယ်တ၀င့်¬¬¬¬ ပြောဆိုခံစားသွားခဲ့ပါတယ်။ စာရေးဆရာ ကဗျာဆရာဇော်မင်းကြည် ကလည်း ၂၀၀၃၊ ဇန္န၀ါရီလထုတ် စာရေးဆရာမဂျူး ရေးတဲ့ (အမုန်းကြောင့်ဖြစ်သော စစ်ပွဲများ) ကို အကျဉ်းကောက်နုတ် ဆွေးနွေးပြောဆို သွားခဲ့ပါတယ်။ ပန်းချီဆရာမင်းသူကတော့ အချစ်ရွာဆိုင် နှတ်ဆက်ပွဲမှာ မချစ်တတ်၊ မမုန်းတတ်သူ လူပျိုးကြီးပီပီ ပရမတ်သစ္စာ၊ သမုဒိသစ္စာအကြောင်းများကို ပြောဆိုရင်းကနေ ကွယ်လွန်သွားခဲ့တဲ့ ကဗျာဆရာ မောင်အုန်းသောင်း(မကွေး) ရေးသားခဲ့တဲ့ (ရစ်ချည်ကျဲပါး ချုပ်ချည်များတော့ ချွေးစားအင်္ကျီ သစ်လိမ်မည်…။) ကဗျာလေးကို ခံစားပြောဆိုပါတယ်။
ဒီတစ်ပတ်တော့ ရသစာတမ်း တစ်ပုဒ်ကို တင်ပြပေးလိုပါတယ်။ ၂၀၁၀၊ ဒီဇင်ဘာလ ထုတ် ပေဖူးလွှာမဂ္ဂဇင်းထဲက ဦးဆွေ(ဒဿနိက) ရေးတဲ့ (စံနှုန်းတို့၏ တရားမျှတမှု) ရသစာတမ်းလေးကို ထုတ်နုတ်ပြီး တင်ပြပါရစေ..။
ဒီရသစာတမ်း မှာ အခန်း(၄)ခန်းပါ ပါတယ်။ အခန်း(၁) ဖွင့်ပြထားတာကတော့ မြို့ကြီးတစ်မြို့မှာ မြင်းပြိုင်ပွဲ တစ်ခုကိုသူငယ်ချင်းတစ်ယောက်က ခေါ်လို့ သွားကြည့်ခဲ့ပါတယ်။ပထမ မြင်းပြိုင်ပွဲမှာ ပြိုင်ပွဲဝင်မယ့်သူ လူကမဲမဲပုပု နဲ့ မြင်းကလည်း အသင့်အတင့်အရွယ်အစား လေးသာဖြစ်ပါတယ်။ သူတို့ ကွင်းထဲကို ၀င်လာပါတယ်။ ဒိုင်လူကြီးနဲ့ ပရိတ်သတ်ကြီးကို ဂါရ၀ပြုပြီး မြင်းရေးပြပါတယ်။ မြင်းပေါ်ကို ခုန်တက်ပြီး ကျကျနနထိုင်လိုက်ပါတယ်။ မြင်းပေါ်မှာမတ်တပ်ရပ်စီးပြလိုက်၊မြင်းနံဘေး ကပ်စီးပြလိုက်၊ နောက်ပြန်ထိုင် စီးပြလိုက်နဲ့ အမျိုးမျိုးမြင်းရေးပြနေပါတယ်။ လက်တစ်ဖက်က ဓါးရှည်ကို ကိုင်ထားပါတယ်။ မြင်းပေါ်ကို အမျိုးမျိုးလုပ်ပြီး မြင်းရေးပြပြီးစီးသွားရင်းကနေ ကွင်းဘေးမှာ စီတန်းစိုက်ထားတဲ့ ငှက်ပျောပင်တွေ တစ်ပင်ချင်းကို ပါလာတဲ့ ဓါးရှည်နဲ့ တိကနဲ့နေအောင် ခုတ်ဖြတ်လိုက်ပါတယ်။ ဓါးချက်က လက်ငြိမ်နေတော့ ငှက်ပျောပင်တွေပြတ်လှဲသွားတာ ကိုမမြင်ရပဲ ငှက်ပျောပင်တွေက မတ်မြဲမတ်နေကြပါတယ်။ သူ့ရဲ့ တပည့်တစ်ဦးက မြင်းစီးပြီး နောက်ကလိုက်လို့ အဲဒီငှက်ပျောပင်တွေကို ၀ါးလုံးနဲ့ထိုးမှ အပင်တွေအပိုင်း လိုက်ပြတ်လဲသွားကြောင်း မြင်တွေ့ခဲ့ကြရပါတယ်။ မြင်းစီးအလှ၊ ဓါးခုတ်တဲ့အလှ သပ်သပ်ယပ်ယပ် ရှိပါတယ်။ ပထမမြင်းရေးပြပြိုင်ပွဲဝင်သူနဲ့မြင်း ဒိုင်လူကြီးများရှေ့ကို ပြန်ရောက်လာပါတယ်။ လက်ခုပ်သံ သုံးလေးချက်တီး သံသာကြား လိုက်ရပါတယ်။ ဒုတိယ မြင်းရေးပြပြိုင်မယ့်သူတစ်ဦး လူက ကိုယ်လုံးထွားထွားကြိုင်းကြိုင်း လှလှပပ နှင့် မြင်းကလည်း ထောက်မြင့်မြင့် ခပ်ချောချောနဲ့ ဒိုင်လူကြီးများရှေ့ကို ရောက်လာပါတယ်။ ဒိုင်လူကြီးနဲ့ ပရိတ်သတ်ကို ဂါရ၀ပြုပြီး မြင်းရေးပြနေပါတယ်။ လူကလှပြီး နည်းနည်းဝနေတော့ မြင်းပေါ်မှာ စမတ်ကျအောင် မထိုင်နိုင်ပါဘူး။ ဒါပေမယ့် ပရိတ်သတ်က လက်ခုပ်သံတွေပေးနေပါတယ်။မြင်းရေးပြစီးတော့လည်း ပုံစံကလည်းမကျပါ။ ဓါးရေးပြတဲ့ အခါမှာလည်း ငှက်ပျောပင်တွေကို တိကနဲ မပြတ်ပဲ အခွန်တွေ အမျှင်တွေနဲ့ တန်းလှန်းကျနေကြပါတယ်။ ဒိုင်လူကြီးရှေ့ကို ပြန်ရောက်လာခဲ့ပါတယ်။ လက်ခုပ်သံတွေ လက်ကောက်မှုတ်သံတွေ တကွင်းလုံးမှာ ဆူညံသွားပါတယ်။ ဒိုင်လူကြီးများကလည်း ဒုတိယမြင်းရေးပြိုင်ခဲ့တဲ့ သူနဲ့ မြင်းကိုသာ ပထမ ပေးလိုက်ကြောင်း ကြော်ငြာလိုက်ကြပါတယ်။ ကျွန်တော့်ဘေးက သူငယ်ချင်းကတော့ `ပျက်ကုန်ပါပြီဗျာ´ ဆိုသောစကားကို ဂါထာရွတ်သလို ဆိုနေပါတော့တယ်..။
အခန်း(၂)ကတော့ `ဟေ့လူ ခင်ဗျားစဉ်းစားကြည့်´ ဆိုတဲ့စကားနဲ့စပြီး လက်ဖက်ရည်ဆိုင်တစ်ဆိုင်ထဲကို ၀င်ပြီးထိုင်လိုက် ကြပါတယ်။ အခြားတဘက် စားပွဲမှ လူငယ်တစ်စုက သူတို့ညတုံးကကြည့်ခဲ့ရတဲ့ ကျော်သူ၊ မို့မို့မြင့်အောင်၊ စန္ဒယားခင်ခင်နု၊ ဇော်ဦး တို့ သရုပ်ဆောင်ပြီး ဒုတိယအကြိမ်ပြန်ရိုက်ထားတဲ့ (ပန်းပန်လျှက်ပါ) ရုပ်ရှင်ဇာတ်ကားက တော်တော်ကို ကောင်းကြောင်း အားပါးတရ ချီးမွမ်းပြောဆိုနေကြပါတယ်။ ဒီဘက်ဝိုင်းက သူငယ်ချင်းနဲ့ စာရေးသူကလည်း `ခင်ဗျား စဉ်းစားကြည့်လိုက်´ သူတို့တတွေပြောဆိုနေတာလည်း မမှန်ဘူး၊မကောင်းဘူးလို့ ကျွန်တော်မဆိုလိုပါဘူး။ အဲဒီဇာတ်ကားက ကျွန်တော်တို့ကြည့်ပြီးသား ဆရာမခင်နှင်းယု ရဲ့ (ပန်းပန်လျှက်ပါ) ၀ထ္ထုဇာတ်ကားလေ။ ဒါရိုက်တာက ဦးချစ်၊ မင်းသမီးက ကြည်ကြည်ဌေး၊ မင်းသားက ကောလိပ်ဂျင်နေ၀င်း နဲ့ မြတ်လေး၊ ခင်မမနေရာက ဘေဘီနွဲ့ဗျာ။ ခုခေတ် ကလေးတွေ ပထမရိုက်တဲ့ ဇာတ်ကားကို မကြည့်ဘူးသေးလို့ပါ။ ဒါကြောင့် ခုခေတ်ကလေးတွေ ထန်လျက်နဲ့သာ အချိုကုန်နေတယ်ပြောရမလားပဲ။ပထမရိုက်ခဲ့တဲ့ ရုပ်ရှင်ကားအစစ်ကို မကြည့်ဘူးသေးတော့ ဒုတိယရိုက်တဲ့ရုပ်ရှင်ကားကို ကောင်းတယ် ပြောနေကြတယ်နော်..။
အခန်း(၃) မှာ တစ်ခါကဖြစ်ပါသည် ဟုအစချီပြီး သူငယ်ချင်းတစ်ဦးက သူ့ယောက်ဖ တပ်ရင်းမှူးဆီက လက်ဆောင်ပေးလို့ ယူလာတဲ့ အာမီရမ် စစ်စစ် ကို ကျွန်တော်တို့သူငယ်ချင်းတစ်စု သူ့အိမ်မှာ ခေါ်ပြီး ဧည့်ခံပါတယ်။ အရက်ဝိုင်း သုံးပတ်မြောက် သုံးခွက်ရောက်ကြတော့ ` ဘယ်လိုကြီးလည်း မသိဘူးနော်´။ `အေးဟ ပေါ့ရွတ်ရွတ် နေသလိုပဲ´။ `ဒို့ သောက်နေကြနဲ့ ဘာကွာသလဲ မသိဘူး´။ တစ်ယောက် တစ်ပေါက်ပြောနေသံကို အိမ်ရှင်ဒကာ ကြားတော့ ဒေါသူပုန်ထ ပုလင်းကို ဆောင့်ချပြီး ခပ်တင်းတင်း ဒေါသကြီးစွာပြောဆိုပါတယ်။ ` ဒါ ငါကိုယ်တိုင် ငါ့ယောက်ဖ ဆီက သယ်လာတာကွ၊ သည်ထက်စစ်စရာ ဘာမှမရှိဘူး´။ ဟေ့ ကောင်တွေ ငါက အစစ်ကိုတိုက်တာကွ။ စစ်စစ်နဲ့တောင်မည် နေသေး။ မင်းတို့က `အင်´ တွေကိုသောက်ပြီး `အင်´ အရသာကို တန်းတန်းစွဲ ဖြစ်နေတော့ အစစ်ရဲ့အရသာကို ဘယ်ခံစားတတ်တော့မလဲ။ သွားကွာ။ သွားကြ။ မင်းတို့သောက်နေကြဆိုင်ကိုသွားပြီး `အင်´ နဲ့ပဲမူးကြတော့။ အလကား အကောင်တွေပဲ။ အကောင်းနဲ့ မတန်တဲ့ အကောင်တွေ သွားကြ။ လို့ ဇွတ်အတင်း ကျွန်တော်တို့သူငယ်ချင်းတစ်စုကို နှင်ထုတ်ပါတယ်။ ကျွန်တော်တို့လည်း အလျှိုလျှို ထပြီး သောက်နေကြဆိုင်ကို ၀ိုင်းဖွဲ့ပြီး ပြန်သောက်ကြပါတယ်။ ကျွန်တော်တို့ သောက်နေတုံး စောစောက ဒေါသကုမ္မာရဒကာတော် သူငယ်ချင်းက နောက်ကလိုက်လာပါတယ်။သူက ကျွန်တော်တို့ ၀ိုင်းထဲကို ၀င်ထိုင်ပြီး ကျွန်တော်တို့စားပွဲအလယ်မှာ ထောင်ထားတဲ့ အာမီရမ်ပုလင်းထဲမှ အရက်တစ်ခွက်ကို အတင်းငှဲ့ပြီး ယူသောက်ပါတယ်။ အားလုံးကဒီလူ သူတို့ကို ရန်မူတော့မယ်လို့ ထင်ပြီးကြောက်နေကြပါတယ်။ အရက်တစ်ခွက်ကို မော့သောက်ပြီးတော့မှ သူက ဒီလိုဆိုလိုက်ပါတော့တယ်။
` အေး အခုမှ အဆင်ပြေသွားတယ်ကွ´ တဲ့။
အခန်း(၄)။ လောကကြီးမှာ ဆန့်ကျင်ဘက် ဒီဂရီတွေ များစွာရှိကြပါတယ်။ အဆိုးနဲ့ အကောင်း။ အတော်နဲ့ အညံ့။ အမှန် နဲ့ အမှား။ အဖြူ နဲ့ အမည်း။ မိုက်တာ နဲ့ လိမ္မာတာ။ အမြင့် နဲ့ အနိမ့်။ အထက်တန်း နဲ့ အောက်တန်း။ ရေးပြနေရင် ဆုံးနိုင်ဖွယ် မရှိပါ။ ထိုအရာများရဲ့ ဒီဂရီ အနိမ့် အမြင့်ကို ကျွန်တော်တို့ ဘယ်လိုပေတံတွေ နဲ့ တိုင်းနေကြပါသလဲ။ ဘယ်ထောင့်ကရပ်ပြီး ကြည့်နေ အကဲဖြတ်နေကြပါသလဲ။ ကျွန်တော်တို့ ဒီဂရီ တိုင်းသည့် ပေတံတွေကကော ဘယ်လောက် အထိ ခိုင်မာကြပါသလဲ။ ဘယ်ကာလအထိ ဘယ်အတိုင်း အတာအထိ မှန်သည်လို့ အာမခံ နိုင်ပါသလဲ။ ကျွန်တော့်ခေါင်းထဲကို အတွေးပေါင်း များစွာဝင်လာခဲ့ပါတယ်။ စံနှုန်း သတ်မှတ်ချက်အပေါ်မှာ လူတွေရဲ့စိတ် ခံစားမူက လွမ်းမိုးနိုင် သလား။ ကျွန်တော့်မိတ်ဆွေရှေ့နေ ပြောလေ့ရှိတဲ့ ``ဟေ့လူ ခင်ဗျား စဉ်းစားကြည့်´´ ဆိုတဲ့ စကားကိုသာ ကြားယောင်ပြီး ကျွန်တော်ပြုံးနေမိပါတော့တယ် ခင်ဗျား…။
စိတ် အဟာရပြည့်ဝအောင် ရှိတ်ဂျာနယ်ကိုဆောင်လို့ ဘ၀အတွက် သုတ၊ရသစုံတဲ့ ရှိတ်စာပေ၀ိုင်းသို့ သွားကြပါစို့..။

ရွှေလမ်းငွေလမ်းဝင်းကြည်

မကွေးမြို့မှ SHADE စာပေ၀ိုင်း(၁၇)

မကွေးမြို့မှ SHADE စာပေ၀ိုင်း
၆-၃-၂၀၁၁၊ တနင်္ဂနွေနေ့ နေ့(၁၂) နာရီမှ ညနေ(၃း၃၀)နာရီ အထိ အချစ်ရွာဆိုင်မှာ ၀ိုင်းဖွဲ့ဖြစ်ကြပါတယ်..။ နွေမိန်တပေါင်း ကာလကို ရောက်လာတော့ ရာသီဥတုက ပူလာပါတယ်။မကွေးမြို့ရဲ့မြောက်ဘက်အထွက်ဆိုတော့ ခရီးကလည်းလှမ်း၊ နေကလည်းပူလို့ စက်ဘီးသမား ဆရာများမလာနိုင်ကြတော့ပါ။ နောက်တစ်ပတ်ကျော် SHADE စာပေ၀ိုင်း(၁၉)ကြိမ်ကို၊(၂၀-၃-၂၀၁၁)၊တနင်္ဂနွေနေ့၊ကစပြီး SHADE ဂျာနယ် အယ်ဒီတာချုပ် ဦးသာဇော်ရဲ့အကြံပေး၊ ခွင့်ပြုချက်အရ၊ Shade ဂျာနယ်တိုက် မကွေးရုံးခွဲ မှာပြောင်းရွှေ့ပြုလုပ်ပေးမည်ဖြစ်ပါကြောင်း ကြိုတင် မင်္ဂလာမောင်းခပ်လို့ အသိပေးထားပါရစေ..။ ရှိတ်စာပေ၀ိုင်းကို မလာချင်လို့အကြောင်းပြပြီး ခရီးဝေးနေသူများ၊ ဆရာကြီးလုပ်ပြီး သြ၀ါဒမပေးရလို့ မလာချင်သူများ၊ အချစ်ရွာသို့မလာရဲသူ ဆရာ၊ဆရာမများအတွက် လက်တို့ပြီးပြောကြားထားပါရစေ နော်..။ ရှိတ်စာပေ၀ိုင်းတော်သားများ ကတော့ စာပေ၀ိုင်းသို့ ရောက်လာသူတိုင်းကို တန်းတူ၊ရည်တူ စာပေနှင့်ပတ်သက်လို့ ရှိတ်စာပေ၀ိုင်းရဲ့စည်းကမ်းအတိုင်း အလှည့်ကျ၊ဖောက်သည်ချပြီး၊ ပြောရေးဆိုခွင့် ရှိကြပါတယ်။ ဥပမာ= စားကောင်း သောက်ကောင်း လေးများကို အရသာရှိရှိ စားသောက်ရတဲ့အခါမှာ၊ အချစ်ဆုံးမိတ်ဆွေများကို အမှတ်တရ၊သတိရနေကြသလို၊ ကိုယ်ဖတ်၊မှတ်လာရတဲ့ ရသ၊သုတနဲ့ပြည့်စုံတဲ့ စာကောင်း၊ပေကောင်းလေးတွေကိုလဲ ကျွန်တော်တို့ SHADE စာပေ၀ိုင်းမှာ လာရောက် မျှဝေခံစားပေးကြတဲ့ သဘော ထားပြီး ကြွရောက်ချီးမြှင့်အားပေး တော်မူကြပါခင်ဗျား..။ ဧည့်ဝတ်ပြုမယ့် အစားအသောက်များကတော့ ယခင်က၊ထုံးစံအတိုင်းပါ။ ယခုတော့ စွဲမက် လဘက်ရည်ဆိုင် ကနေ ရှိတ်ဂျာနယ် မကွေးရုံးခွဲအထိ လာရောက်ပို့ဆောင် ဧည့်ခံပေးကြပါမည်။ (SHADE ဂျာနယ် စာဖတ်ပရိတ်သတ်များ မည်သူမဆို မိမိကိုယ်တိုင်၊ကြွရောက် ဆွေးနွေး ပြောဆိုနိုင်ကြပါတယ်..။ SHADE စာပေ၀ိုင်းက လေးစားစွာနဲ့ ဖိတ်ခေါ်လိုက်ပါတယ်.။)
ရှိတ်စာပေ၀ိုင်း ကို အင်အားလျော့သွားမှာစိုးလို့ ကြော်ငြာနေတာနဲ့ စာရှည်သွားပါပြီ..။ ဒီတစ်ပတ် ရှိတ်စာပေ၀ိုင်းကို ၀ိရိယ ရှိရှိနဲ့ နေပူပူမှာ စက်ဘီးစီးပြီး ပထမဆုံးရောက်လာသူကတော့ ဆရာဘိုမြင့်ရှိန်(အောင်လံ)ပါ။ နောက်ရောက်လာသူတွေ ကတော့ ဆရာနေခြည်(မကွေး)၊ ဆရာတင်လင်းဇော်၊ ပန်းချီဆရာများဖြစ်ကြတဲ့ ပန်းချီဆရာမင်းသူ၊ ပန်းချီဆရာ သူရိန်မြိုင်၊ ပန်းချီဆရာ မြင့်ဇော်ဦး၊ ကွန်ပျူတာလောကသား အိုင်တီ ကိုနိုင်ဝင်း နဲ့ စာရေးသူတို့ဖြစ်ကြပါတယ်။
ဆရာတင်လင်းဇော် ကတော့ ဆန်ရင်းနာနာဖွတ်ရမှာပါ ဆိုပြီး ရှိတ်ဂျာနယ်ကောင်းစေဖို့အတွက် စတင်ပြောဆိုလာပါတယ်။Shade ဂျာနယ်၊ အတွဲ(၅)၊အမှတ်(၁၅)က တက္ကသိုလ်တေဇာလင်း ရေးတဲ့ ပန်းရည်ဘဏ်တိုက် နှင့် ချစ်ဦးညို အမည်ဆောင်းပါးပါ။ ဒီဆောင်းပါးက သမိုင်းတင်မယ့် အခန်းဆက် ဆောင်းပါးတွေဖြစ်အောင် တက္ကသိုလ်တေဇာလင်းက ရှိတ်မှာ အပတ်စဉ်ရေးနေပါတယ်။ နောင်မှာ လုံးချင်းထုတ်မယ်လို့လည်း ကြားသိရပါတယ်။ ဒါပေမယ့် ကျွန်တော်တို့ ရှိတ်ကဖော်ပြ လိုက်တာမှာ၊ ဆောင်းပါးရဲ့အစပိုင်း (စာရေးဆရာချစ်ဦးညို ကလည်း မိုးဝေမဂ္ဂဇင်း အမှတ်-၂၀၃ တွင်)ဟု အမှန်ကိုဖော်ပြထားသော်လည်း နောက်ဆုံးနားလေးမှာတော့ သမိုင်းပျက်သွားစေမယ့် မဟာအမှားကြီးဖော်ပြ ထားပါတယ်။(ဆရာချစ်ဦးညိုသည် `ပန်းရည်ဘဏ်တိုက်´ ကိုခံစားဖွင့်ဆိုရာ၌ မိုးလေ၀သ မဂ္ဂဇင်းသာမက) ဟု ရယ်စရာ သမိုင်းဖျက်စေမယ့်(မိုးဝေမဂ္ဂဇင်းကို မိုးလေ၀သ မဂ္ဂဇင်းဟု) အမှားကြီးဖြစ်နေပါတယ်။ ) ဒီကိစ္စကို ဆရာရွှေလမ်းငွေလမ်းဝင်းကြည်က SHADEစာပေ၀ိုင်းမှာ ထည့်ရေးပေးပါဆရာ။ နောက်တစ်ခုကလည်း ဆန်ရင်းကိုနာနာဖွတ်ရမှာပါဘဲ။ ရှိတ်ဂျာနယ်မှာ ဖော်ပြထားတဲ့ ကျွန်တော်တို့ မကွေးဆရာတွေရေးတဲ့ ဆောင်းပါးတွေကလည်း ရှည်လျား ထွေပြားပြီး စာမျက်နှာနေရာတွေ အပြည့်ထက်ကိုကျော်လို့ နေရာယူနေကြပါတယ်။ စာဖတ်သူများကို ပေးချင်တာက နည်းနည်းလေး၊ ရေးချင်တာတွေကများနေကြပါတယ်။ ဆိုလိုရင်းကိုမရောက်ပဲ လည်ထွက်နေပါတယ်။ တိုတို တုတ်တုတ်နဲ့ အနစ်ပါတဲ့ဆောင်းပါးကောင်းလေးများ ကိုသာ ရေးစေ၊ထည့်စေလိုပါတယ်။ ဥပမာ= ဆရာချိုတကူး(ကလေး) ရေးတဲ့ (လိုတာကို လိုသလောက် လိုတဲ့အချိန်ရနေရင်)ဆိုတဲ့ ဆောင်းပါး။ ဆရာစိုးဝင်းမြင့်(မန္တလေး) ရေးတဲ့ (ကျွန်တော်တို့တစ်တွေ အသိတရားဖြင့် သတိထားကာနေသင့်ပြီ) ဆိုတဲ့ ဆောင်းပါးတွေ လိုမျိုးကိုသာ ရေးသင့်ကြပါတယ်။
ပန်းချီဆရာ၊ ကဗျာဆရာ မြင့်ဇော်ဦးက တော့ ဒီနေ့တော့ ခွန်အားဖြည့်ပါ ဆိုတဲ့ ခေါင်းစဉ်လေးကို ပေးပြီး ဖတ်၊ မှတ်လာတာတွေကို ပြောပါရစေ ဟု စတင်ပြောဆိုလာပါတယ်…။
ကျွန်တော်နည်းနည်းလေး အချိန်ယူပြောပါရစေ.။ ကျွန်တော်ပေးထားတဲ့ ခေါင်းစဉ် အကြောင်းအရာလေးက ကျွန်တော့စကားဆုံးသွားရင် အဖြေပေါ်လာပါလိမ်မယ်..။ အဖြေပေါ်အောင်လည်း ကြိုးစားပြောဆိုပေးပါမယ်..။ ကျွန်တော်ပြောမယ့်အထဲမှာ ကဗျာက နှစ်ပုဒ်ပါ။ အဖွင့်၊အပိတ်မှာထည့်ပေးထားပါတယ်။ ကျွန်တော်ငယ်စဉ်ကာလက၊ အစ(၄)လုံး အလယ်(၃) အဆုံး(၅-၇-၂) ဆိုပြီး ကဗျာလင်္ကာပိုဒ်လေးတွေနဲ့ ကဗျာကို စတင်သင်ကြားရေးခဲ့ပါတယ်။ ပန်းချီမှာလည်း မူရင်းအရောင်းသုံးရောင်ရှိတယ်။ အနီး၊အဝေးကဘယ်လို စတဲ့ စည်းမျဉ်း၊စည်းကမ်းတွေနဲ့ သင်ကြားရေးဆွဲပြီး စာပေ၊ပန်းချီအနုပညာလုပ်ငန်းတွေ ထဲကို ၀င်ရောက်လာခဲ့ပါတယ်။ ကျွန်တော်တို့ဆယ်တန်း ကျောင်းသားဘ၀ကို ရောက်လာတော့ ရတု၊ရကန်၊လေးချိုး၊ဒွေးချိုး ခေတ်ကနေပြီး ဂန္ဓ၀င် မောင်ချိန့်တို့၊ မမတို့၊အောင်ဝေးတို့၊ထင်ရှုးပင်ရိပ် ဆရာသာနိုးတို့၊ စတဲ့ ဂန္ဓ၀င်အချစ်ကဗျာ(၁၀၀)တို့။ နောက်တော့ မောင်စိန်ဝင်း(ပုတီးကုန်း)၊ မင်းလူတို့ စတဲ့ကျွန်တော်မမှတ်မိ၊ မသိခဲ့သေးတဲ့ ဆရာတွေက မော်ဒန်ဆိုတဲ့ကဗျာတွေ ကိုရေးသားလာပြန်ပါတယ်။ အဲဒီလိုဘဲ အဆိုတော်ခင်ဝမ်းတို့ကလည်း ကဗျာတွေကို သံစဉ်သွင်းပြီး သီဆိုပြလာပါတယ်။ အဆိုတော် စိုင်းထီးဆိုင်တို့ကလည်း ကဗျာသံစဉ်လေးတွေနဲ့ လှလှပပ နိုးဆော်သီဆိုလာကြပြန်ပါတယ်။ဂီတဆိုတာကလည်း လူမျိုးမရွေး၊ ဘာသာမရွေး တစ်ကမ္ဘာလုံး လူသားတိုင်းက လက်ခံလာကြတဲ့ဂီတအနုပညာပါဘဲ။ အဲဒီတုံးက စိုင်ထီးဆိုင်သီဆိုခဲ့တဲ့ သီချင်းလေးကို အမှတ်တရဆိုပြပါရစေ…။ (နေ၀င်ညကို ကူးဖြတ်ရဲမှ၊ ရောင်နီသာတဲ့၊ နေ့သစ်ကိုရောက်မယ်..။ ယုံကြည်ခြင်းနဲ့ ကြိုးစားထားမှ၊ တစ်ချိန်မှာ အောင်မြင်လွတ်မြောက်နိုင်မယ်လေ….။ သံသရာလမ်းဟာ မချောမွေ့တတ်တော့၊ ရင်ဆိုင်ရန်ခွန်အားပြည့်..၊ မိငယ်ရေ….။) ဒီသီချင်းလေးကတော့ နေ၀င်ညတွေကိုမဖြတ်ကျော်ခဲ့ပဲနဲ့ ရောင်ခြည်လာတဲ့နေ့သစ်ကို မရောက်နိုင်ကြသလို၊ အဟောင်းတွေက အသစ်မဖြစ်နိုင်ပေမယ့် အသစ်တွေကလည်း အဟောင်းတွေကို မပစ်ပယ်နိုင်ကြပါဘူး။ ဒါကြောင့် အဟောင်းသမားတွေကလည်း အသစ်တွေကို ကြိုဆိုကြရမှာပါ..။ အဲဒီတော့ ကဗျာရေးရာမှာပဲဖြစ်ဖြစ် ပန်းချီရေးရာမှာပဲဖြစ်ဖြစ် စည်းကမ်းတွေ၊ နည်းလမ်းတွေ၊ ကလနားတွေနဲ့ ရေးနေမယ်၊ ဖွဲ့နေကြမယ်ဆိုရင် ရေးတဲ့ကဗျာဆရာ ပန်းချီဆရာရဲ့ခံစားချက်တွေဟာ ပေါ့ရော့သွားလိမ်မယ်လို့ ကျွန်တော်ထင်မိပါတယ်။ ဘာပြုလို့လည်းဆိုရင်တော့ (၂၀၁၁ ခု၊ မတ်လထုတ် Youth မဂ္ဂဇင်းက ကဗျာဆရာ ရေနံ့သာမောင်ကျော်ညွှန့် ရဲ့(လိပ်ပြာမသန့်သူ) ဆိုတဲ့ ကဗျာလေးကို တင်ပြပေးပါရစေ..။ (ဗျိုင်းတစ်အုပ်က၊ လှိုင်းပုတ်တာကိုလန့်။ ချိုးတစ်အုပ်က ကြိုးလှုပ်တာလန့်။ စာတစ်အုပ်က ဖျာရုပ်တာလန့်။ သြော်..၊ လိပ်ပြာမသန့်၊ လိပ်ပြာလန့်၍၊ သွေးလန့်နေရရှာပါတကား..။) ဟာ ကောင်းလိုက်တာ ကဗျာဆရာရေးသွားတာလေးတွေ ကောင်းလိုက်တာလို့ ခံစားလိုက်မိပါတယ်။ ဒါပေမယ့်ဒီကဗျာမှာဆရာမောင်ကျော်ညွှန့် သူရေးချင်သလို ဆိုလိုရင်းကို ထိအောင် မရေးနိုင်ခဲ့ဘူးလို့ ကျွန်တော်ထင်ပါတယ်။ ကိုယ့်လိပ်ပြာကို မသန့်လို့လန့်နေတယ်ဆိုရင် ဘာတွေကို လုပ်ခဲ့မိလို့၊ ဘာတွေကြောင့် မသန့်ရတာလဲ စတဲ့ ဒီကဗျာလေး အပေါ်မှာ လေးလေးနက်နက် စဉ်းစားမိခဲ့ပါတယ်။ နောက်တော့မှပဲ သြော်.. ကဗျာဆရာက ကာရံကိုငဲ့ပြီးရေးလိုက် ရတာပါလား လို့ ကောက်ချက်ချလိုက်မိပါတော့တယ်။ ဒီကဗျာအကြောင်း ထဲထဲဝင်ဝင်စဉ်းစား တွေးတောပြီး ခံစားနေတုံးမှာ ကျွန်တော့်သားတွေက DVD မှ သီချင်းတစ်ပုဒ်ကို ဖွင့်လိုက်ပါတယ်။ ဟစ်ဟော့သီချင်းပါ။ (လုပ်ခဲ့ပြီးတဲ့ ပုံစံ၊ ကျွန်တော်တို့ မလုပ်ပါ။ သူများတွေ တည်ထွင်တဲ့နောက်၊ ငါတို့မလိုက်ပါ။ မင်းသိရမယ့် အချက်…အချက်…။) ဟေး ဟား ဟား နဲ့ ဒီကောင်တွေသီချင်းကို နားမထောင်ချင်ပေမယ့် အနုပညာသမားတစ်ယောက်အနေနဲ့ ခံစားကြည့်ပေးမိလိုက်ပါတယ်။ သြော် ဟုတ်ပါ့လား သူများလုပ်တာတွေ ငါတို့မလုပ်ဘူး။ သူများတွေတည်ထွင်တဲ့နောက် ငါတို့မလိုက်ဘူး။ ငါတို့တည်ထွင်မယ် ဆိုတော့ ဒါသူတို့က ဟိုးတုံးက နာရီတွေ၊ စည်းဝါးတွေနဲ့သီချင်းတွေကို တော်လှန်နေတဲ့သီချင်းဘဲလို့ ကျွန်တော်သဘော ပေါက်သွားခဲ့ ပါတယ်။ ဒါနဲ့ ကျွန်တော်အတွေးတစ်ချက်ပွင့်သွားပြန်ပါတယ်။ ကဗျာဆရာတစ်ယောက်က ဘယ်လိုကာရံ၊ ဘယ်လိုသံစဉ်တွေနဲ့ရေးရမလဲ။ ဘယ်လိုအကြောင်းအရာ၊အချက်အလက်တွေကို အဓိကထားပြီး ခံစားရေးမလဲ။ ပန်းချီဆရာတစ်ယောက် အနေနဲ့ဆိုရင်လဲ အနီး၊အဝေးတွေ ပါဆက်တွေ၊ကွန်ပိုဇေးရှင်းတွေ၊ကာလာတွေကိုဖွဲ့ချိန်ပြီးမှ ရေးမလား။ အမြင်၊ အတွေ့အတိုင်းဘဲ ခံစားပြီးရေးရမလား။ စတဲ့ စဉ်းစားမိတာတွေကို ပန်းချီဆရာ အကိုကြီးမင်းသူကို ရင်ဖွင့်မေးမိပါတယ်။ အဲဒီတော့မှ အကိုကြီးမင်းသူကပြောပါတယ်..။ မဟုတ်ဘူးကွ မြင့်ဇော်ဦးရ၊ မင်းတွေးတောနေတာတွေကို ရှင်းသွားရအောင် ဒီကဗျာလေးကို ဖတ်ကြည့်စမ်းပါ။ ၂၀၀၇ ၊စက်တင်ဘာလထုတ်၊ ကလျှာမဂ္ဂဇင်းထဲက ကဗျာဆရာ မောင်သင်းဝေ ရေးတဲ့ (စားပွဲ) ဆိုတဲ့ကဗျာလေးပါကွာ..။ မင်း အသံထွက်ပြီးဖတ်ကြည့်လိုက်ပါလို့ ပြောပါတယ်။
*ကဗျာရေးမလို့ပါကွယ်၊ ငါ့စားပွဲကို ရှင်းလိုက်ကြပါ။ * လက်မ၊စင်တီမီတာနဲ့၊ တိုင်းထွာစရာ ပေတံများ၊ ဘေးဖယ်ထားလိုက်ကြပါ။ *ကမူး´ဆတ်´၊ မာ့က်စ်´ ပလေတို၊ ဆိုဖီစာအုပ်တွေမလိုပါဘူးကွယ်၊ ငါ့စားပွဲကို ရှင်းလိုက်ကြစမ်းပါ။ *ကဗျူပဒေသကျမ်း၊ က၀ိလက္ခဏသံပေါက်နဲ့၊ နောက်ဆုံးပေါ် ကဗျာအဘိဓာန်များ၊ ပြင်သစ်´ဂျာမန်´ အင်္ဂလန်´ အမေရိကန်က၊ ခုန်ပေါက်ကျော်လွှားလာတဲ့´လျှပ်ပေါ် လော်လည်တဲ့၊ စကားလုံးအသစ် အဆန်းများ၊ အားလုံးကို ဘေးဖယ်ထားကွယ်။ *ငါ့စာပွဲခင်း ဖြူလွှလွှမှာ၊ ထာဝရ သင်းကြည်တဲ့ အနီရောင်နှင်းဆီပွင့်များ၊ ဝေနေအောင်စိုက်ထားလိုက်ကြပါ၊ ဒါဆို လုံလောက်ပါပြီကွယ်..။
ဒီကဗျာလေးကို ဖတ်ကြည့်လိုက်တော့မှ ကျွန်တော်စဉ်းစားတွေးတောနေတာတွေကို ခေါင်းထဲမှာ တော်တော်ရှင်း သွားခဲ့ပါတယ်။ အနုပညာသမားဆိုတာ ဖြူစင်တဲ့ နှလုံးသားကို လက်ကိုင်ထားပြီး၊ ဖြူစင်တဲ့စေတနာများနဲ့ရေးကြမယ်ဆိုရင် ဖြူစင်တဲ့ ရသစာပေတွေ၊ ပန်းချီကားတွေပေါ်ထွန်းလာမှာပါ။ ဒါကြောင့် ခွန်အားဖြည့်ပါ လို့ပြောခဲ့တာပါ။ ဘယ်လို ခွန်အားဖြည့်ကြမည်လဲဆိုရင် ကျွန်တော်တို့မှာရှိနေတဲ့ အသိ၊ ကျွန်တော်တို့မှာ သိနေတဲ့အသိ၊ ကျွန်တော်တို့မှာ မြင်နေတဲ့ အမြင်တွေ၊ ကျွန်တော်တို့ဘ၀နဲ့ရင်းပြီး ရယူ ထားခဲ့တဲ့ အသိတရားတွေကို ရိုးရိုးသားသား ကြိုးကြိုးစားစားနဲ့ ထပြီး ရေးဖွဲ့ကြမယ်ဆိုရင် အများအတွက် အကျိုးပြုစေမယ့် ကောင်းတဲ့ကဗျာတစ်ပုဒ်၊ ကောင်းတဲ့စာတစ်ပုဒ်၊ ကောင်းတဲ့ပန်းချီကား တစ်ချပ်ဖြစ်လာအောင် ရေးသားကြပြီး ခွန်အားဖြည့်ကြပါ လို့ Shade စာပေ၀ိုင်းကတဆင့် ပြောကြားလိုက်ပါရစေခင်ဗျား..။
စိတ် အဟာရပြည့်ဝစေဖို့၊ ရှိတ်ဂျာနယ်ကို ဖတ်လို့၊ ဘ၀အတွက် သုတ၊ရသစုံတဲ့ ရှိတ်စာပေ၀ိုင်းသို့ သွားကြပါစို့..။
ရွှေလမ်းငွေလမ်းဝင်းကြည်

SHADE ဂျာနယ်၊ အတွဲ(၅)၊ အမှတ်(၁၇)မှ ကူးယူဖော်ပြပါသည်။

မြန်မာပြည်မှာ အက်ဆစ်မိုးတွေ ရွာတော့မယ်ဆို ?

မြန်မာပြည်မှာ အက်ဆစ်မိုးတွေ ရွာတော့မယ်ဆို ?

(Posted on 15th March 2011)



ဂျပန်ဆူနာမီရဲ့ နောက်ဆက်တွဲတွေ

ဂျပန်နိုင်ငံ၊ Miyagi Prefacture မှာရှိတဲ့ Fukushima Power Plant ရဲ့ ဒုတိယ Radiation Reactor ဟာ မနေ့ည (၁၄-၃-၂၀၁၁)ည က ထပ်ပြီးပေါက်ကွဲ သွားပြန် ပါတယ်။ အခြေအနေတွေကတော့ ထိန်းမနိုင်တော့တဲ့ အခြေအနေဖြစ်ပါတယ်။ ဒါကို အကြောင်းပြုပြီး တိုကျိုမြို့ရဲ့မြောက်ဖက်ဒေသတွေမှာ ရေဒီယိုသတ္တိကြွမှု level တွေ မြင့်တက်လာတာကိုတွေ့ရတယ်လို့ ဒီကနေ့ (၁၅-၃-၂၀၁၁)ရက်နေ့ မနက် အစောကြီးသတင်းတွေမှာ ကြေငြာသွားခဲ့ပါတယ်။ ဒါနဲ့ တစ်ဆက်တည်း မနေ့ညကဘဲ ဂျပန်နိုင်ငံ၊ အနုမြူထိန်းသိမ်းရေးအေဂျင်စီဧဂျင်စီအကြီးအကဲက နိုင်ငံတကာအနုမြူ ဧဂျင်စီအဖွဲ့ IAEA နဲ့ အမေရိကန်ပြည်ထောင်စုတို့ကို ကျွမ်းကျင်မှု အကူအညီ တွေပေးဖို့ တရားဝင် တောင်းဆိုကြောင်း ကြေငြာသွားပြန်ပါတယ်။

ပြဿနာအစ

ဒီပြဿနာရဲ့အစကတော့ Nuclear Plant တွေ (၁၁-၃-၂၀၁၁)ရက်နေ့ ညနေပိုင်းက ဖြစ်ပေါ်ခဲ့တဲ့ ရေအောက်မြေငလျင် လှုပ်ရှားမှုကြောင့် ဖြစ်ပေါ်ခဲ့တဲ့ ဆူနာမီရေလှို်င်းတွေ ထိရိုက်တာခံခဲ့ရလို့ Nuclear Plant တွေမှာ တပ်ဆင်ထားတဲ့ cooling system တွေ ချို့ယွင်းသွားရတာက စပါတယ်။ အဲဒီ အအေးခံစံနစ်တွေဟာ Nuclear Plant တွေမှာ သုံးထားတဲ့ အရေးကြီး အစိတ်အပိုင်းတွေဖြစ်ကြတဲ့ လောင်စာအချောင်းတွေ (Fuel Rods) ကို အပူချိန်တွေ တက်မလာရအောင် အအေးပေးတဲ့ စံနစ်တွေဖြစ်ပါတယ်။ Fuel Rod တွေဆိုတာက အရှည်(၄)မီတာ လောက်ရှိကြတဲ့ ရေဒီယိုသတ္တိကြွပစ္စည်းဖြစ်တဲ့ ယူရေနီယမ် (Uranium) သတ္ထုချောင်းတွေ ဖြစ်ပါတယ်။ သူတို့ဟာ အအေးခံမထားရင် အပူချိန် 1100°C လောက်အထိ အပူချိန်မြင့်တက် လာနိုင်ကြပြီး အရည်ပျော်ကျ (melt-down) ဖြစ်သွားနိုင် ပါတယ်။ အဲဒီလိုဆိုရင် ရေဒီယိုသတ္တိကြွ ရောင်ခြည်တွေ (Radioactive Radiations)တွေ အပြင်ကို ပျံ့လွင့်ရောက်ရှိလာနိုင်ကြပါတယ်။

ဖြစ်နိုင်တဲ့အကျိုးဆက်တွေ

အဲဒီလို ရေဒီယိုသတ္တိကြွတဲ့ရောင်ခြည်တွေဟာ လူသားတွေအတွက် အန္တရာယ် အလွန်ကြီးပါတယ်။ လူသားတွေကို ထိတွေ့မိရင် မအီမသာဖြစ်ခြင်း(nausea)၊ ဖျားနာခြင်း(fever)၊ ခန္ဒာအစိတ်အပိုင်းများ ထိခိုက်ပျက်စီးခြင်း(organ failure)၊ အသက်သေဆုံးနိုင်ခြင်း(death) စတာတွေကို ဓါတ်ရောင်ခြည်သင့်မှု အတိုင်းအတာ၊ ဓါတ်ရောင်ခြည် လေထုအတွင်း ပျံ့လွင့်မှုအတိုင်းအတာ တွေအပေါ်မူတည်ပြီး ဖြစ်စေနိုင် ပါတယ်။

ဘေးပတ်ဝန်းကျင်ကိုဘယ်လောက်ထိခိုက်စေနိုင်သလည်း

အမှန်တော့ ဒီလို ဓါတ်ရောင်ခြည်သင့်မှုဖြစ်ရပ်တွေဟာ ဖြစ်ပေါ်ရာဒေသ ပတ်ဝန်းကျင်သာ ဖြစ်စေတတ်တဲ့ဖြစ်စဉ် (localized incidence) တွေသာ ဖြစ်ပါတယ်။ အလွန်ဆုံး ဖြစ်တဲ့နေရာနဲ့ (၁၀၀)ကီလိုမီတာ အကွာအဝေးလောက်သာ အလွန်ဆုံး လောက်ဘဲ ပျံ့နှံ့လေ့ရှိပါတယ်။ အထူးသဖြင့် ဒီနေရာမှာ မိုးလေ၀သဖြစ်စဉ်တွေက အလွန်အရေးပါလာပါတယ်။ ဥပမာအနေနဲကပြောရရင် ဖြစ်တဲ့ဒေသမှာ ရာသီဥတုဟာ မိုးရွာလို့ဖြစ်စေ၊ ဆီးနှင်းတွေကျနေလို့ဖြစ်စေ စွတ်စိုနေရင် ဒီဓါတ်ရောင်ခြည်တွေဟာ မိုးပေါက်တွေ၊ ဆီးနှင်းတွေနဲ့အတူ မြေပြင်ကို ကျသွားပြီး မပျံ့နှံ့နိုင်တော့ပါဘူး။ ဒါမှ မဟုတ် ရာသီဥတုက ခြောက်သွေ့နေရင်လည်း တိုက်ခတ်နေတဲ့ လေစီးကြောင်းတွေနဲ့ မျောပါသွားမယ်ဆိုလည်း သွားနိုင်ပါတယ်။ ဥပမာ အတိတ်မှာ ဒီလိုဖြစ်စဉ်တွေ ရှိခဲ့ဘူးပါတယ်။ အိန္ဒိယက Bopal Chernobyl (1984) နျူကလီယာ ဓါတ်ပေါင်းဖို ယိုစိမ့်မှု၊ ရုရှနိုင်ငံက Chernobyl(1986) နဲ့ Sakhalin(2004) ဒေသ နျူကလီယာ ဓါတ်ပေါင်းဖို ယိုစိမ့်မှု ဒါတွေအားလုံးဟာ ပတ်ဝန်းကျင် ဒေသများအထိ ပျံ့နှံ့မှုတွေ မရှိခဲ့ကြပါဘူး။ ဒါကြောင့် ဒီလိုဓါတ်ငွေ့ယိုစိမ့်မှုတွေဟာ အများအားဖြင့် ကိုယ့်ဒေသ တွင်း ဖြစ်ရပ်တွေ (Localised)သာ ဖြစ်ကြပါတယ်။

အနီးဆုံးနိုင်ငံရဲ့သဘောထား။

အခုနျူကလီးယားဓါတ်ရောင်ခြည်ယိုစိမ့်မှုတွေဖြစ်တဲ့ ဂျပန်နိုင်ငံ အရှေ့မြောက် ပိုင်းနဲ့ အနီးဆုံးနိုင်ငံဟာ ရုရှနိုင်ငံဖြစ်ပြီး၊ အနီးဆုံးဒေသဟာ အရှေ့ဖျားဒေသ ဖြစ်ပါတယ်။ ဒီဒေသမှာ ပြည်သူတွေကို ဓါတ်ရောင်ခြည်ပျံ့လွင့်လာနိုင်မှုနဲ့ ပတ်သက်ပြီး နိုးဆော်ချက်(Alert)တော့ လုပ်ထားပါတယ်။ ဒါပေမယ့် ဒီဓါတ်ရောင်ခြည်တွေရဲ့ ထိခိုက်မှုကတော့ နပ်စပ်ဒေသတွေမှာတောင် မပြောပလောက်နိုင်ပါဘူး (minimal) လို့ ခန့်မှန်းထားပါတယ်။

လက်ရှိ ဂျပန်နိုင်ငံမြောက်ပိုင်းရဲ့ ရာသီဥတုအခြေအနေ။

နျူကလီယာဓါတ်ပေါင်းဖို ဓါတ်ရောင်ခြည်တွေယိုစိမ့်နေတဲ့ဒေသမှာ ရာသီဥတုက အေးနေပြီး မိုးတွေ၊နှင်းတွေ နဲ့ လေပြင်းတွေတိုက်နေပါတယ်။ အပူချိန်တွေက ဂဏန်းတစ်လုံးအပူချိန် (single digit temperatures) တွေသာရှိနေပါတယ်။ မိုးတွေလည်း ရွာနေပါတယ်။ အထူးသဖြင့် လေပြင်းတွေတိုက်နေပါတယ်။ တိုက်တဲ့ လေပြင်းတွေက အနောက်လေပြင်းတွေ(westerly winds) တွေပါ။ ဒီတော့ အေးပြီး လေးနေတဲ့ လေထုကြောင့် ရောင်ခြည်တွေဟာ ဘေးကို သိပ်ဝေးဝေး မပျံ့နိုင်ကြပါဘူး။ လေယူရာနဲ့သွားမယ်ဆိုရင်လည်း ဂျပန်နိုင်ငံရဲ့အရှေ့ဖက် ပစိဖိတ်သမုဒ္ဒယာ ရေပြင်ကျယ်ကြီး ရှိရာကိုဘဲ ရွေ့သွားမှာဖြစ်ပါတယ်။

ဒီဖြစ်ရပ်က သင်ခန်းစာနဲ့ အတုယူစရာတွေ ၊

အခုဖြစ်ပေါ်ခဲ့တဲ့ ဂျပန်နိုင်ငံ ဆူနာမီဖြစ်ရပ်ကြီးမှာ သဘာဝဘေးအန္တရာယ် ကာကွယ်စောင့်ရှောက်ရေးနဲ့ ပတ်သက်ပြီး အရေးကြီးတဲ့ သင်ခန်းစာတွေကို တွေ့ရပါ တယ်။ ပထမတစ်ချက်ကတော့ အခုဖြစ်တဲ့ ဒေသတွေမှာ ဆူနာမီ အတွေ့အကြုံမရှိလို့၊ ကြိုတင်အကာအကွယ်မပြုကြလို့ ဒီလိုဖြစ်ရတာလို့ ထင်ရင် အများကြီး မှားပါလိမ့် မယ်။ ကြိုတင်ကာကွယ်တဲ့အနေနဲ့ ကြိုတင်သတိပေးစံနစ်တွေ၊ လေ့ကျင့်မှုတွေ အားလုံး ခေတ်မီတဲ့ နောက်ဆုံးပေါ်နည်းပညာတွေနဲ့ ကြိုကြိုတင်တင် လုပ်ထားခဲ့ကြ ပါတယ်။ (၁၀)မိတာလောက်မြင့်တဲ့ ရေတားနံရံကြီးတွေ(Retarding Walls) တွေကို လည်း ဆောက်လုပ်ထားပါတယ်။ ဒါပေမယ့် တကယ်ဖြစ်တော့ မကာကွယ်နိုင်ခဲ့ပါဘူး။ အကြောင်းကတော့ ဒါတွေကြောင့် ဖြစ်ပါတယ်။ (၁) ရေထိန်းနံရံတွေကို ယခင်ကတွေ့ကြုံဘူးတဲ့ ဆူနာမီရေလှို်းအမြင့်နဲ့သာ တွက်ချက်ဆောက်လုပ်ထားတာ ဖြစ်တဲ့အတွက် အခု အပြင်းဆုံးမြေငလျင်နဲ့ ကြုံတဲ့အခါ မထိန်းနိုင်တော့တာကို တွေ့ရပါတယ်။ (၂) မြေငလျက်ဗဟိုချက်ဟာ ယခင်ကဖြစ်ပေါ်ခဲ့ဘူးတဲ့ မြေငလျင်ဒေသ ထက် ပိုကြီးပြီး ပိုးနီးတဲ့အတွက် ဆူနာမီရေလှိုင်းက အသွာနှုန်းပိုမြန်လာတဲ့အတွက် မြေငလျင်လှုပ်အပြီး (၃)မီနစ်လောက်အတွင်း ရေတွေ စ၀င်လာပါတယ်။ (၁၀)မီနစ် လောက်မှာ ရေတွေစတက် လာပါတယ်။ (၃) ရေတွေက အလွန်မြန်ဆန်တဲ့ အသွားနှုန်းနဲ့ ၀င်လာတဲ့အခါ ကမ်းခြေအောက်ခံမြေပြင်ရဲ့ အနေအထားကြောင့် ရုတ်တရက် အမြင့်နှစ်ဆခန့် မြင့်တက်လာပြီး ကမ်းခြေကိုဝင်လာခဲ့တဲ့အတွက် ရေကာနံရံတွေကို ကျော်တက်သွားခဲ့ပါတယ်။ (၄) ဖြစ်ပေါ်ခဲ့တဲ့ ဆုနာမီရေလှိုင်းရဲ့ အထူးခြားဆုံး အချက်ကတော့ အသွားနှုန်း အလွန်မြန်တာ ဖြစ်ပါတယ်။ တစ်နာရီကို ကီလိုမီတာ (၇၀၀) မှ (၁၀၀၀) လောက်အထိ ရှိတယ်လို့ ခန့်မှန်းရပါတယ်။ (၅) အသွားနှုန်းမြန်လေ ရေတိမ်လေ အန္တရာယ်ကြိးလေဖြစ်ပါတယ်။ မြစ်ဝကျွန်းပေါ် ကမ်းရိုးတန်းနဲ့ ရခိုင် ကမ်းရိုးတန်း ကွာသလို ပေါ့ဗျာ။

သဘာဝကာကွယ်စောင့်ရှေက်ရေးနဲ့ ပတ်သက်ပြီး စီမံချက်တွေ ချမှတ်ရာမှာ ယူသင့်တဲ့သင်ခန်းစာကတော့ သဘာဝဘေးကျရောက်တဲ့ဒေသတွေမှာ အခု Nuclear Plant လို ဘေးဥပါဒ်အန္တရာယ်အလွန်ကြီးမားတဲ့ အဆောက်အဦတွေ ရှိနေတာ ဖြစ်ပါတယ်။ ဒီလိုနေရာတွေဟာ အလွန်အန္တရာယ်ကြီးမားလွန်းလို့ ဦးစားပေး ကာကွယ်ရမယ့် နေရာတွေအဖြစ် သတ်မှတ်ထားရပါမယ်။ အလားတူဘဲ လူအများနဲ့ ဆိုင်တဲ့ ဆေးရုံတွေ၊ ကျောင်းတွေ၊ အလုပ်ရုံတွေ ဟာလည်း ဦးစားပေး ကယ်တင်ရမယ့် နေရာတွေ ဖြစ်ပါတယ်။

အတုယူကြရမယ့် ဂျပန်တို့ရဲ့ စံပြစိတ်ဓါတ်

အတုယူရမယ့်အရာ၊ လေးစားအားကျရမယ့် အရာလည်းရှိပါသေးတယ်။ ဒါကတော့ ဂျပန်လူမျိုးတွေရဲ့ စည်းကမ်းသေ၀ပ်မှု၊ လူမျိုးကြီးပီသမှု၊ ယဉ်ကျေး သိမ်မွေ့မှုတွေဘဲ ဖြစ်ပါတယ်။ အခုဖြစ်ရပ်ကြီးလို သဘာဝဘေးကြီးတွေ ကမ္ဘာ အရပ်ရပ်မှာ ဖြစ်ဘူးပါတယ်။ ရက်နည်းကြာလာတဲ့အခါ အစာရေစာမစားရတာ ကြာလာတော့ “ငတ်မရှက်” ဖြစ်လာကြပြီး လုကြ၊ ယက်ကြတွေ ဖြစ်လာကြတာ ချည့်ပါဘဲ။ ဂျပန်မှာတော့ ဒါတွေ ဘာမှ မရှိကြဘူးတဲ့။ အစားအသောက် မစားကြရတာ အချို့ဆို (၃)(၄)ရက်တောင် ရှိနေကြပါပြီတဲ့။ ဒါပေမယ့် အစားအသောက်ဝေငှတဲ့ နေရာတွေ၊ ရောင်းချတဲ့ဆိုင်တွေမှာ လူတွေတန်းစီနေကြတာ အရှည်ကြီးဘဲတဲ့။ နာရီပေါင်းများစွာ တန်းစီစောင့်ကြတယ်။ သည်းခံကြတယ်။ အခြားကလေးတွေ နိုင်ငံခြားသားတွေကိုတောင် သူတို့က သူတို့ဝေစုထဲက အစားအစာတွေကို ပြန်ဝေငှ ပေးနေသေးတယ်တဲ့။ လေးစားစရာကောင်းလိုက်တာဗျာ။ အတုရော မယူသင့် ဘူးလားဗျာ။

မြန်မာပြည်မှာ အက်ဆစ်မိုးတွေရွာမယ်ဆို ?

ဒါကတော့ ကျွန်တော့်အလုပ် ဖြစ်လာပြီ။ သာဂိတို့နိုင်ငံကတော့ အရေးဆို လုပ်ချလိုက်ပြန်ပြီ။ ဓါတ်ရောင်ခြည်ယိုစိမ့်မှုကြောင့် အက်ဆစ်မိုးမရွာနိုင်ပါဘူး။ ဓါတ်ရောင်ခြည်တွေဟာ ရေငွေ့တွေနဲ့ထိရင် အက်ဆစ် ဖြစ်လာအောင် ဓါတ်ပြုနိုင် ကြတဲ့ပစ္စည်းတွေလည်း မဟုတ်ကြပါဘူး။ မိုးရေတွေနဲ့အတူ ရောပါသွားနိုင်ကြ ပေမယ့် အက်ဆစ်မိုး မဖြစ်စေနိုင်ပါဘူး။ အရေးအကြီးဆုံးကတော့ အဲဒီယိုစိမ့် ထွက်လာကြတဲ့ ဓါတ်ရောင်ခြည်တွေဟာ မြန်မာနိုင်ငံဖက်ကို ရောက်ရှိလာကြဖို့ သယ်ဆောင်ပေးမယ့် ပို့ဆောင်ရေး ယာဉ်(ဖြစ်စဉ်)တွေ မရှိတာပါဘဲ။ အေးဆေးပါဗျာ။ သူတို့ကို သယ်ဆောင်ပေးမယ့် လေတွေကလည်း လောလောဆယ်မှာ အနောက်လေ တွေလေဗျာ။ နောက်ပိုင်း လာမယ့်လေတွေကလည်း အနောက်တောင်မုတ်သုံ လေတွေလေဗျာ။ လေကြောင်း မသင့်ပါဘုးဗျာ။

တကယ်တော့ ကျွန်တော်တို့ လုပ်ရမှာက ဘေးအန္တရာယ် ကြုံတွေ့နေကြရတဲ့ ဂျပန်ပြည်သူတွေကို ကိုယ်ချင်းစာကြဖို့၊ လူသားချင်း စာနာထောက်ထားကြဖို့၊ အားပေးနှစ်သိမ့်ကြဖို့၊ တတ်နိုင်တဲ့အကူအညီတွေ ၀ိုင်းဝန်းပေးကြဖို့ ကသာ အရေးကြီးဆုံး မဟုတ်ဘူးလားဗျာ။ အခုဘဲ ဂျပန်နိုင်ငံကို ကယ်ဆယ်ရေး အကူအညီ တွေပေးဖို့ ကမ်းလှမ်းထားတဲ့ နိုင်ငံပေါင်း မနေ့က စာရင်းအတိုင်းဆို (၉၁)နိုင်ငံ ရှိနေ ပါပြီ။

MCCW
News attachement

ဂျပန် နျူကလီးယားစွမ်းအင် စက်ရုံတွေ အခြေအနေ စိုးရိမ်ရဆဲ

ဂျပန် နျူကလီးယားစွမ်းအင် စက်ရုံတွေ အခြေအနေ စိုးရိမ်ရဆဲ

By ဗွီအိုအေ (မြန်မာဌာန) တနင်္လာ, 14 မတ် 2011
ထပ်ဆင့် ဖြန့်ဝေရန်



ဂျပန်နိုင်ငံ အရှေ့မြောက်ပိုင်းက ငလျင်နဲ့ ဆူနာမီဒဏ် ခံခဲ့ရတဲ့ ဖူကူရှီးမား (Fukushima) နျူကလီးယားစက်ရုံမှာ အခြေအနေတွေက ပိုပိုဆိုးလာနေပါတယ်။ ဓာတ်ပေါင်းဖိုထဲမှာ အပူချိန် အလွန်မြင့်တက်နေတာမို့ အရည်ပျော်သွားမယ့် အန္တရာယ် ရှိနေပါတယ်။ ဒါကြောင့် ဓာတ်ပေါင်းဖိုက လောင်စာချောင်းတွေကို အေးခဲထားနိုင်ဖို့ စက်ရုံအလုပ်သမားတွေ ကြိုးပမ်းနေရပါတယ်။

ဖူကူရှီးမားစက်ရုံမှာ အခု အင်္ဂါနေ့ မနက်ပိုင်း မကြာသေးခင်က နောက်ထပ် ပေါက်ကွဲမှုတခု ဖြစ်ပါတယ်။ အသေးစိတ်တော့ မသိရသေးပါဘူး။ ဒါနဲ့ပတ်သက်လို့ တာဝန်ရှိသူတွေက သတင်းစာ ရှင်းလင်းပွဲ လုပ်ပါတယ်။ ဒါဟာ တတိယအကြိမ် ပေါက်ကွဲမှု ဖြစ်ပါတယ်။

နျူကလီးယား လောင်စာချောင်းတွေကို အေးခဲထားနိုင်ဖို့ ဓာတ်ပေါင်းဖိုထဲကို ပင်လယ်ရေတွေ သွင်းထည့်နေရပါတယ်။ ဒါပေမဲ့ အတွင်းအပူကြောင့် ရေတွေဟာ အခိုးပြန်ကုန်ပါတယ်။ ဓာတ်ပေါင်းဖိုထဲက ရေနွေးငွေ့ထုတ်ပေါက်ကို ပိတ်ထားရတယ်လို့ စက်ရုံ တာဝန်ရှိသူတွေက ပြောပါတယ်။ ဒီအတွက်ကြောင့် ရေမျက်နှာပြင်က ပိုပြီး ကျသွားပါတယ်။ အခုအခြေအနေမှာ လောင်စာချောင်းအချို့ အရည်ပျော်သွားနိုင်ချေရှိပြီး အနီးအနား ပတ်ဝန်းကျင်ကို ရေဒီယိုသတ္တိကြွမှု ရှိနေပြီလို့ သိရပါတယ်။

အမေရိကန် ဘူမိဗေဒ တိုင်းတာရေး ဌာနကတော့ ပြီးခဲ့တဲ့ ဂျပန်ငလျင် လှုပ်ခတ်မှုကို မူလက ခန့်မှန်းထားတဲ့ ၈.၉ ရစ်ခ်ျတာစကေးကနေ အခုခန့်မှန်းချက်အရ ရစ်ခ်ျတာစကေး ၉ အထိ ဖြစ်နိုင်တယ်ဆိုပြီး ခန့်မှန်းလိုက်ပါတယ်။

တနင်္လာနေ့ မနက်ကတော့ အဲဒီစက်ရုံကပဲ တတိယမြောက် ဓာတ်ပေါင်းဖိုရဲ့ အပြင်နံရံ အောက်ခြေပိုင်းမှာ ပေါက်ကွဲမှုတခု ဖြစ်ခဲ့ပါတယ်။ သောကြာနေ့ ဆူနာမီ ဖြစ်ပြီးကတည်းကဆိုရင် အဲဒီမှာ ပေါက်ကွဲမှုဖြစ်တာ ဒါ ဒုတိယအကြိမ် ဖြစ်ပါတယ်။ ပထမအကြိမ်တုန်းကတော့ စနေနေ့မှာ ဖြစ်ခဲ့ပြီး အခု တတိယအကြိမ်ကတော့ မကြာခင်က ဖြစ်ခဲ့တာ ဖြစ်ပါတယ်။

တဆင့် ကူးယူဖော်ပြပါသည်။

ဂျပန် နျူကလီးယား စိုးရိမ်မှုကြောင့် ၂၀၀,၀၀၀ နီးပါး ဘေးလွတ်ရာ တိမ်းရှောင်

*

ဂျပန် နျူကလီးယား စိုးရိမ်မှုကြောင့် ၂၀၀,၀၀၀ နီးပါး ဘေးလွတ်ရာ တိမ်းရှောင်

By ဗွီအိုအေ (မြန်မာဌာန) တနင်္ဂနွေ, 13 မတ် 2011
ထပ်ဆင့် ဖြန့်ဝေရန်

* Digg
* Facebook
* StumbleUpon
* Yahoo! Buzz
* del.icio.us

ဂျပန်နိုင်ငံက နျူကလီးယား ဓာတ်အားပေးစက်ရုံတွေ ပျက်စီးမှုကြောင့် ရေဒီယို သတ္တိကြွဓာတ်တွေ ပျံ့နှံ့မှာကို စိုးရိမ်ကြတဲ့ ဂျပန်နိုင်ငံသား ၁၇၀,၀၀၀ ကျော်ဟာ သူတို့အိုးအိမ်တွေကို စွန့်ခွာ ထွက်သွားနေကြပါတယ်။

နျူကလီးယား ဓာတ်အားပေးစက်ရုံ တရုံနားက ဖူတာဘေးမြို့လေးမှာ နေထိုင်သူတွေ ဝေးရာကို ရွှေ့ပြောင်းနေကြချိန်မှာပဲ ဓာတ်ရောင်ခြည် အဆိပ်သင့်ခဲ့သူ ဒါဇင်နဲ့ချီပြီး ရှိနေတယ်လို့ ဒေသ တာဝန်ခံတွေက ပြောပါတယ်။ ရာနဲ့ချီတဲ့ ဒေသခံတွေကို ဓာတ်ရောင်ခြည် အဆိပ်သင့်မသင့် စစ်ဆေးပေးနေပါတယ်။

သောကြာနေ့က ငလျင်ကြီးနဲ့အတူ ဆက်တိုက်လှုပ်ခတ်ခဲ့တဲ့ ဆင့်ကဲ ငလျင်ဒဏ်တွေကြောင့် အဏုမြူ ဓာတ်ပေါင်းဖိုတွေက အအေးပေးစက်တွေ ချို့ယွင်းခဲ့ပြီး တက်လာတဲ့ အပူချိန် ကျစေဖို့ စက်ရုံတာဝန်ခံတွေ ကသုတ်ကရက် ကြိုးပမ်းခဲ့ကြရပါတယ်။ အပူရှိန်ကြောင့် တက်လာတဲ့ ဓာတ်ပေါင်းဖိုတွေက ဖိအားတွေ ကျလာစေဖို့ ပင်လယ်ရေသွင်းပြီး အေးအောင် လုပ်ခဲ့ကြရပါတယ်။

အခုလို ရေဒီယို သတ္တိကြွ ဓာတ်ရောင်ခြည်တွေ ပျံ့နှံ့မှာ စိုးရိမ်နေရသလို ဂျပန်နိုင်ငံ အရှေ့ဘက်တလွှားမှာရှိတဲ့ အခြား လျှပ်စစ်ဓာတ်အားပေး ဓာတ်ပေါင်းဖိုတွေကိုလည်း ပိတ်ထားရမယ့် အခြေအနေ ရှိနေပါတယ်။ လျှပ်စစ်ဓာတ် မလောက်ငမှုကြောင့် မီးဖြတ်ဖို့ ရှိတယ်လို့လည်း လျှပ်စစ်ဓာတ်အားပေး ကုမ္ပဏီတွေက သတိပေးကြပါတယ်။

ဂျပန်နိုင်ငံမှာ အခုကြုံတွေ့ခဲ့ရတဲ့ သဘာဝ ဘေးအန္တရာယ်ကြောင့် သေဆုံးသူဦးရေ ၁၀,၀၀၀ ကျော်သွားပြီ ဖြစ်သလို သန်းနဲ့ချီတဲ့ လူထုဟာလည်း ရေနဲ့ အစားအသောက် အခက်အခဲတွေနဲ့ ရင်ဆိုင်နေရပါတယ်။

အခုကြုံတွေ့ခဲ့ရတဲ့ ငလျင်တွေနဲ့ ဆက်တိုက်ကြုံရတဲ့ ဆူနာမီ ရေလှိုင်းတွေရဲ့ဒဏ်ကို ခံခဲ့ကြရတဲ့ ဂျပန်နိုင်ငံဟာ ဒုတိယကမ္ဘာစစ်ကြီး ပြီးဆုံးခဲ့တဲ့နောက်ပိုင်း အကြီးမားဆုံး စိန်ခေါ်မှုတရပ်ကို ရင်ဆိုင်နေရကြောင်း ဂျပန်ဝန်ကြီးချုပ် နာအိုတို ခန် (Naoto Kan) က နိုင်ငံတော် ရုပ်သံကနေ ကြေညာပါတယ်။

ဒုက္ခသည်စခန်းတွေမှာ နေနေရတဲ့ သူတွေအတွက် တတိယနေ့အဖြစ် ရုတ်တရက် ထိုးကျသွားတဲ့ အအေးဒဏ်ကိုလည်း ခံစားနေကြပါတယ်။

VOA သတင်းမှ ကူးယူဖော်ပြပါသည်

သဘာဝဘေးအန္တရာယ်ကို ဂျပန်တွေ ဘယ်လိုရင်ဆိုင်သလဲ

သဘာဝဘေးအန္တရာယ်ကို ဂျပန်တွေ ဘယ်လိုရင်ဆိုင်သလဲ


(၁) တိုကျိုမှာ အင်တာနက်ကလွဲပြီး တယ်လီဖုန်းတွေ သုံးလို့မရတော့ဘူး။ ကား၊ ရထားတွေအလုပ်မလုပ်တော့ လူတွေ လမ်းလျှောက်ပြန်ကြတယ်။ အစားအစာမရှိမှာဘဲ ဂျပန်တွေက စိုးရိမ်ကြတယ်။ လူတွေ အစားမစားရမှာ စိုးလို့ တချို့ဆိုင်တွေ ဖွင့်ပေးထားတယ်။ ဆူပါမားကက်တချို့ပဲ စင်တွေလဲကုန်လို့ ပိတ်ထားကြတယ်။
(၂) ငလျင်ခိုလှုံတဲ့နေရာမှာ လူပေါင်းရာကျော် ခိုလှုံနေကြတယ်။ လူတွေကြားထဲမှာ ဘယ်သူမှ ဆေးလိပ် မသောက်ကြဘူး။ ကူညီတဲ့လူတွေက စောင်ပြေးယူလိုက်၊ ရေနွေးပြေးယူလိုက်၊ မုန့်ပြေးယူလိုက်နဲ့ ပြုစုနေတယ်။ ယောက်ျားတွေက တိုက်ပေါ် ပြေးဆင်းပြေးတက်နဲ့ အမျိုးသမီးတွေကို ကူညီနေကြတယ်။ ကြိုးတွေဆက်ပြီး ရေဒီယိုဖွင့် သတင်းနားထောင်ကြတယ်။ နာရီအနည်းငယ်ကြာတော့ လူစုခွဲပြီး ကိုယ့်အိမ်သူအိမ်ပြန်ကြတယ်။ ခိုလှုံတဲ့နေရာမှာ အမှိုက်တစက်မှ မကျန်ခဲ့ဘူး။

(၃) ငလျင်လှုပ်ပြီးနောက် Suntory ကုမ္ပဏီက ကြော်ငြာတယ်။ သူတို့ရဲ့ စက်ထဲထည့်ရောင်းတဲ့ အချိုရည်တွေ အားလုံး ဖရီးပါတဲ့။ 7-11နဲ့ family world အရောင်းဆိုင်ကလည်း လူတွေကို အစားအစာနဲ့ရေ ဖရီးဝေတယ်။ ရေဆာရင် စက်ထဲကအချိုရည်၊ ရေတွေကိုသောက်နိုင်တယ်။ ဗိုက်ဆာရင် အရောင်းဆိုင်တွေထဲ ဝင်စား နိုင်တယ်။ ခိုလှုံစရာနေရာမရှိရင် ဆူပါမားကက်ထဲ ဝင်နိုင်တယ်။ ဖုန်းဆက်မလား ... လမ်းဘေးက အများ ပြည်သူ သုံးဖုန်းကို ဖရီးသုံးနိုင်တယ်။ ဂျပန်လို နားမလည်ဘူးလား ... တီဗီက တခြားဘာသာလို ဘယ်လိုခိုလှုံရမယ် ဆိုတာကို ကြေညာတယ်။ ဒါဟာ တိုင်းပြည်တပြည်ရဲ့ ကြန်အင်လက္ခဏာဖြစ်တယ်။ ဂျပန်နိုင်ငံဟာ ဘေးအန္တရာယ် ကြုံနေချိန်ဆိုပေမယ့် ကမ္ဘာပေါ်က လူတွေကို သင်ခန်းစာတခု ပေးနိုင်လိုက်တယ်။

(၄) ဂျပန် အွန်လိုင်းသူငယ်ချင်း တယောက်က ပြောတယ်။ ဘေးအန္တရာယ် ကျရောက်ချိန် ဂျပန်မှာ နေနေတယ်ဆိုပေမယ့် ကံကောင်းတယ်လို့ ဆိုရမယ်။ တခြားနိုင်ငံမှာဆိုရင် လူအသေအပျောက် ဒီထက်ပို များနိုင်တယ်။ လူအသေအပျောက်ကို နည်းသထက် နည်းအောင်လုပ်နိုင်တာ ကမ္ဘာပေါ်မှာ ဂျပန်တနိုင်ငံပဲရှိမယ်လို့ ထင်ပါတယ်လို့ သူကပြောပါတယ်။

ဂျပန်မြေအောက် ဂိုဏ်းတွေက ကူညီမယ်ဆိုတဲ့ သတင်းကို အင်တာနက်ပေါ်မှာ ကြေညာတယ်။ ဒီ "လူဆိုး" တွေဟာ ပွဲလန့်တုန်း ဖျာခင်းသူတွေမဟုတ်ဘဲ သူတို့ရဲ့ ကူညီမှုက ဂျပန်အစိုးရထက် ပိုများနိုင်တယ်လို့ ဂျပန်ပြည်သူတွေက ပြောဆိုခဲ့ပါတယ်။

နိုင်းနိုင်းစနေ ဘလော့ဂ်က ယူပါတယ်

ဂျပန်မှာ သေဆုံးသူ သောင်းနဲ့ ချီနိုင်

ဂျပန်မှာ သေဆုံးသူ သောင်းနဲ့ ချီနိုင်
ဆူနာမီရိုက်ခတ်မှုကြောင့် သူ့ရဲ့နေအိမ် အမိုးပေါ်မှာ တင်ပြီး ပင်လယ်ထဲ ၁၀ မိုင်လောက် မျှောသွားတဲ့ ဟီရိုမုဆု ရှင်ကာဝါ ကို ကယ်ဆယ်ရေးသမားများက တွေ့ရှိချိန် (ဓာတ်ပုံ - AP)


ဂျပန်မှာ ငလျင်၊ နောက်ဆက်တွဲ ဆူနာမီကြောင့် စုစုပေါင်း သေဆုံးသူ သောင်းနဲ့ချီ ရှိနိုင်တယ်လို့ ခန့်မှန်းကြပါတယ်။ လူ ၅ သိန်းလောက်ကို ဘေးလွတ်ရာ ရွှေ့ပြောင်းပေးထားပြီး ခိုလှုံစရာတွေ စီစဉ်ပေးထားပါတယ်။

အပြင်ထန်ဆုံး ထိခိုက်တဲ့ ဒေသသုံးခုထဲကအနက် တခုဖြစ်တဲ့ မီယာဂီဒေသမှာ သေဆုံးသူ အနည်းဆုံး ၁ သောင်းလောက်ရှိမယ်လို့ ရဲဌာနက ပြောခွင့်ရပုဂ္ဂိုလ်က အေပီသတင်းဌာနကို ပြောထားပါတယ်။ ဒါပေမယ့် လူဦးရေ ၂.၃ သန်းရှိတဲ့ အဲဒီဒေသမှာ သေဆုံးသူ ၄၀၀ လောက်ကိုပဲ လောလောဆယ် အတည်ပြုနိုင်ပါသေးတယ်။
ဧရာဝတီ ဘလော့မှ ကူးယူဖော်ပြပါသည်။

မနေ့ကတော့ ကမ်းရုံးတမ်းတလျှောက်မှာ သေဆုံးနေသူ ၂၀၀ အပါအဝင် သေဆုံးသူ ၈၀၀ လောက်ကို တွေ့ရှိရပြီး ဒဏ်ရာရသူ ၁၉၀၀၊ ပျောက်ဆုံးနေသူ ၁၄၀၀ လောက်ရှိပါတယ်။

ငလျင်နဲ့ ဆူနာမီကျရောက်ရာ ဒေသကနေ ဘေးလွတ်ရာ ရွှေ့ပြောင်းပေးရသူ ၅ သိန်းကျော်ရှိကြောင်း ကျိုဒို သတင်းဌာနက ဖော်ပြထားပါတယ်။ မိသားစု ၁.၄ သန်းလောက်ဟာ ငလျင်စလှုပ်ကတည်းက ရေပြတ်လပ်နေပြီး မိသားစု ၁.၉ သန်းလောက်ဟာ လျှပ်စစ်မီး မရရှိကြတော့ဘူးလို့ ကျိုဒို သတင်းဌာနက ဆက်လက် ဖော်ပြထားပါတယ်။

ဂျပန်ဆူနာမီနှင့် တိုကျိုရှိ မြန်မာများ

ဂျပန်ဆူနာမီနှင့် တိုကျိုရှိ မြန်မာများ

မဇ္ဈိမသတင်းဌာန | သောကြာနေ့၊ မတ်လ ၁၁ ရက် ၂၀၁၁ ခုနှစ် ၁၆ နာရီ ၃၂ မိနစ်
အီးမေးလ်ပို့ရန် ပရင့်ထုတ်ရန် PDF ဖိုင်ရယူရန်

ဂျပန်နိုင်ငံ တိုကျိုမြို့၏ အရှေ့ဘက် ၃၇၃ ကီလိုမီတာကို ဗဟိုပြု၍ သောကြာနေ့ မွန်းလွဲ ၂ နာရီ ၄၆ မိနစ်တွင် ရစ်ချတ်စတာစကေး ၈.၉ ပြင်းအားရှိ ငလျင်ကြောင့် အမြင့်
equark

ဆူနာမိထိခိုက်သော နေရာတခုဖြစ်သည့် ဆန်ဒိုင်းအဝေးပြေးလမ်းမကြီးကို စီစီတီဗီ သတင်းဌာနက ရိုက်ကူးပြီး မတ်လ ၁၁ ရက်၊ ၂ဝ၁၁ ခုနှစ် ရုပ်သံထုတ်လွှင့်ချက်မှ ရယူထားသော ဓာတ်ပုံဖြစ်သည်။ ရစ်ချတ်တာစကေး ၈.၉ အင်အားရှိ ငလျင်လှုတ်ပြီးနောက် ဆူနာမိရေလှိုင်းကြီးများက သင်္ဘောများကို ကမ်းပေါ်ရောက်အောင် တွန်းထုတ်ပစ်ခဲ့သလို ကားများကို လမ်းများပေါ်မှ ဆွဲငင်ခေါ်သွားတော့သည်။
၁ဝ မီတာခန့်ရှိ ဆူနာမီရေလှိုင်းကြီးများ ဖြစ်ပေါ်လာပြီး နှစ်ပေါင်း ၁၄ဝ အတွင်း ဂျပန်နိုင်ငံအတွက် အဆိုးဝါးဆုံးဟု ရိုက်တာ သတင်းဌာနက ထုတ်ပြန်သည်။

ဟာဝိုင်ရီကျွန်းရှိ ပစိဖိတ် ဆူနာမီသတိပေးဌာနက အဆိုပါ ဆူနာမီရေလှိုင်းများသည် ဂျပန်၊ ရုရှ၊ မာကပ်ကျွန်းများနှင့် မြောက်ပိုင်း မာရီယာနပ်စ်တို့တွင် ရိုက်ခတ်နိုင်ကြောင်း သတိပေးထားပြီး၊ သတိထားစောင့်ကြည့်ရမည့် နိုင်ငံများတွင် ဂူအမ်ကျွန်း၊ ထိုင်ဝမ်၊ ဖိလစ်ပိုင်၊ အင်ဒိုနီးရှား၊ ပါပူဝါနယူးဂီနီနှင့် အမေရိကန် ဟာဝိုင်အီကျွန်းတို့ ဖြစ်ကြသည်။

နာရိတာ လေဆိပ်ကိုလည်း ပိတ်ထားရပြီး၊ ဖူကူရှီးမားတွင် အိမ်ခြေ ၄ သန်းခန့် မီးပျက်နေသည်။ အဓိက လျှပ်စစ်ဓာတ်အားပေးသည့် စက်ရုံမှာ မီးလောင်ကျွမ်းလျက်ရှိပြီး၊ ပျက်စီးဆုံးရှုံးမှု နည်းနိုင်သမျှ နည်းအောင် လုပ်ဆောင်ရန် လိုအပ်ကြောင်း ဂျပန်ဝန်ကြီးချုပ်က ပြည်သူများကို တိုက်တွန်းထားသည်။

ငလျင်ပြင်းအား ၈.၈ မဂ္ဂနီကျူ လှုပ်ခတ်ခဲ့ပြီးနောက် ဆူမီနာ ဒဏ်ခံနေရသော ဂျပန်။ (ဓါတ်ပုံ - AFP)

ငလျင်ပြင်းအား ၈.၈ မဂ္ဂနီကျူ လှုပ်ခတ်ခဲ့ပြီးနောက် ဆူမီနာ ဒဏ်ခံနေရသော ဂျပန်။ (ဓါတ်ပုံ - AFP)


ဂျပန်စံတော်ချိန် ည ၉ နာရီ၊ တိုကျို အခြေအနေ
ဒေါက်တာမင်းညို( Burma Office Japan)
“ အခု ပြောနေရင်းနဲ့ နည်းနည်း ထပ်လှုပ်လာတယ်။ အပြင်မှာ အခုဆိုရင် လမ်းမမှာ လူတွေအပြည့်ပဲ။ ကားတွေလည်း တလက်မချင်း ရွေ့နေတာ တကယ်လို့ အကြီးအကျယ် ထပ်လှုပ်လို့ ပြေးမယ်ဆိုရင်တောင် ပြေးစရာမရှိဘူး။ တိုကျို ၁ဝ နေရာလောက်မှာ မီးတွေလောင်နေတယ်။ ငလျင်လှုပ်ပြီးရင် အခန်မသင့်ရင် ဂက်စ်အိုးတွေ ပေါက်တတ်တော့ အခု ကျနော်တို့ ရှီဘူမှာဆိုရင် ဂက်စ်အိုးတွေသိမ်းတဲ့နေရာပေါ့ အဲဒီမှာပေါက်ကွဲပြီး မီးလောင်နေတယ်။ ကျနော် ရောက်တာ အနှစ် ၃ဝ ရှိပြီ တခါမှ ဒီလောက်ပြင်းတဲ့ ငလျင်မျိုး တခါမှ မကြုံဘူးဖူး။ ကျနော်တို့ အဆောက်အဦးမှာ ရှိတဲ့သူတွေ ဘယ်သူမှပြန်လို့မရဘူး။ ရထား၊ ဘတ်စကားတွေပိတ်ထားလို့၊ Taxi လည်းရနိုင်မယ်မထင်ဘူး။ ဒီမှာပဲ တညလုံးနေရတော့မှာပဲ။ အသေအပျောက် စာရင်းတွေလည်း တိုးလာတယ်။ ၄ဝ ကျော်ပြီ”
ဒေါက်တာ မင်းညို
"ကျနော်တို့ သိသလောက်တော့ မီယာဂီမှာက မြန်မာတွေ မရှိသလောက်ပါပဲ။ တကယ်လို့ ရှိတယ်ဆိုရင်တော့ ၂ ရက်လောက်မှပဲ အခြေအနေ သိရမယ်။ မီယာဂီက တိုကျိုနဲ့နီးတော့ ပြင်းပြင်းထန်ထန် ၂ ခါ လှုပ်တယ်။ ကျနော်တို့ ထိုင်ကိုနေလို့မရဘူး။ စားပွဲခုံတွေနဲ့ ဝေးတဲ့ နေရာ ထွက်ရပ်နေရတယ်။ တရုံးလုံး ဘယ်သူမှ မပြန်ကြဘူး။ ထမင်းစားစရာတောင် မရှိမှာစိုးလို့ ၆ နာရီလောက်က စတိုးမှာ သွားဝယ်တာတောင် လူ ၁ဝဝ လောက် တန်းစီဝယ်နေရတယ်။ အခုလောက်ဆို ရှိမှာတောင် မဟုတ်တော့ဘူး။ အစိုးရကိုယ်တိုင်က မပြန်ပါနဲ့၊ ကိုယ်ရှိတဲ့ အလုပ်နေရာမှာပဲ နေပါလို့ ပြောနေတယ်။ ညဘက်တော့ ရုံးမှာပဲ ရှိတဲ့ စားပွဲးကုလားထိုင်နဲ့ပဲ အိပ်ကြရမှာပေါ့”
ဦးဘုန်းလှိုင်
“ကျနော်တို့ တိုကျိုမြို့ပေါ်မှာ တော့ ကားလမ်းတွေ ပိတ်ကုန်ပြီ။ ရထားတွေလည်း ရပ်ကုန်ပြီ။ ကျနော်လည်း လမ်းမှာ ကိုးလိုးကန့်လန့်နဲ့ အိမ်ပြန်ဖို့ ကားလည်း မရှိ၊ တက္ကစီလည်း ငှားလို့ မရနဲ့ အလုပ်ကိုလည်း ဆက်သွားလို့ မရဘူး ဖြစ်နေတယ်”

“အထိအခိုက်ကတော့ ဒီမှာ ဘာမှ ဒီလောက်မရှိသေးဘူး”

“ကျနော်တို့လိုမျိုး ဒီမြို့မှာရှိတဲ့ အလုပ်သွား အလုပ်လာတွေတော့ တော်တော် ဒုက္ခရောက်ကုန်လိမ့်မယ်။ ဒီမှာ မြန်မာတွေက ၆ ထောင်နဲ့ ၇ ထောင်ကြားမှာ ရှိတယ်”
ဦးသန်းဆွေ
“ကျနော်တို့လည်း အခု ဘက်စ်ကားတွေ ဂျန့်ဖြစ်နေတာ၊ မြေပေါ်၊ မြေအောက် ရထားလိုင်းတွေ ရပ်ထားတာနဲ့ လမ်းမှာပဲ ကားထဲမှာပိတ်မိနေတယ်။ အလုပ်ကို ဆက်သွားလို့မရသလို အိမ်ကိုပြန်ဘို့လည်း အခက်အခဲဖြစ်နေတယ်”

“ဖုန်းလိုင်းတွေကလည်း ဒီနိုင်ငံအတွင်းမှာ ဆက်သွယ်လို့မရဘူးဖြစ်နေတယ်။ ကျနော်တို့လည်း ငလျင်လှုပ်လှုပ်ခြင်း ၂ နာရီ ၄ဝ လောက်မှာပဲ အိမ်ကိုပြန်ဆက်သွယ်တယ်မရဘူး။ အခု လမ်းကြောပိတ်မိနေတာ ၄ နာရီလောက်ရှိပြီ ထွက်လို့မရဘူးဖြစ်နေတယ်။ လမ်းပေါ်မှာတော့ ကားတွေပိတ်မိနေတာ အများကြီးပဲ။”

“ကျနော်တို့ ဒီတိုကျိုမြို့နဲ့ အနီးတဝိုက်က မြို့တွေက ဒီမှာပဲအလုပ်လာလုပ်ကြတာဆိုတော့ အခုလိုလိုင်းတွေပိတ်လိုက်တဲ့အခါ သူတို့လည်း ပြန်လို့၊ သွားလို့ မရဘူးဖြစ်နေတယ်။”
ကိုမြတ်သူ
“ ကျနော်တို့ အလုပ်ဆိုင်မှာ ဖန်ခွက်တွေဘာတွေ အကုန်လုံး ကွဲကျကုန်တယ်။ ပန်းကန်တွေဘာတွေ ကွဲကျကုန်တယ်၊ ကျနော်က တိုကျိုမြို့ ရှီဘူယာမှာ အလုပ်လုပ်တာဗျ။ တချို့ဆိုင်တွေဆိုလည်း မဖွင့်တော့ဘူးပေါ့။ ဓာတ်လှေကားတို့ ဘာတို့ဆိုရင်လည်း ရပ်ထားလိုက်တယ် မသုံးတော့ဘူးလေ၊ အန္တရယ်ရှိမှာစိုးလို့။ လူတွေက သွားလိုက်လာလိုက်နဲ့ အပြင်မှာ ရှိတယ်။ ရထားတွေအကုန်လုံး ရပ်သွားပြီးတော့ တော်တော်နဲ့ ပြန်ပြေးဖို့ မလွယ်တော့ဘူးနဲ့ တူတယ်။ ဘာလို့ဆို သံလမ်းတွေ ပြန်ဖြစ်ဖို့အတွက် အချိန်ကြာဦးမယ်နဲ့ တူတယ်”

“ကျနော် ဒီဂျပန်ရောက်တာ အနှစ်၂ဝ လောက် ရှိပြီ။ ဒါလောက် ပြင်းတာ ပထမဆုံးပဲ”

“လိုင်းဖုန်းလောက်ပဲရတယ်။ ဟန်းဖုန်းတွေ တခုမှ သုံးမရတော့ဘူးခင်ဗျ။ ဟော … ဟော အခုပြောနေတုန်းမှာ ထပ်လှုပ်တယ်ဗျ၊ သိသိသာသာပဲ။ ကျနော်က ၉ ထပ်မှာဆိုတော့ သေးသေးလေးတွေကတော့ တောက်လျှောက် မပြတ်ဘူးခင်ဗျ”

တဆင့်ကူးယူဖော်ပြပါသည်။