``မကွေးခရိုင်အတွင်းရှိ မိုးရေလှောင် ကျေးရွာရေကန်များကို တူးဖော်ကူညီပေးသော PROXIMITY ပရောစီမီတီ နှင့် ကျေးရွာရေကန်တူးဖော်ရေးကော်မတီများ အလုပ်ရုံဆွေးနွေးပွဲ´´
နိုဝင်ဘာ(၇/၈)နှစ်ရက်၊နေ့စဉ် နံနက်(၉)နာရီမှ ညနေ(၅)နာရီအချိန်တွင် မကွေးမြို့ သိင်္ဂါဂီရိရပ်ကွက် ဂန့်ကော်လမ်းနှင့် ဗိုလ်ချုပ်လမ်းထောင့် တော်ဝင်မင်္ဂလာခန်းမ၌ မကွေးခရိုင်အတွင်းရှိ ကျေးရွာမိုးရေလှောင် ကန်များကို တူးဖော်ကူညီပေးနေသော ရန်ကုန်မြို့တွင်ရုံးချုပ်ဖွင့်လှစ်ပြီး (အမေရိကန်နိုင်ငံအခြေစိုက်) PROXIMITY (INGO) ပရောစီမီတီ(မကွေးဇုံ) နှင့် ကျေးရွာမိုးရေကန် တူးဖော်ရေးကော်မတီများ အလုပ်ရုံ ဆွေးနွေးပွဲကျင်းပ ကြောင်း သတင်းရရှိသည်။
အဆိုပါဆွေးနွေးပွဲကို LIFT အဖွဲ့အစည်းနိုင်ငံ(၁၀)နိုင်ငံမှ စုဆောင်းရံပုံငွေများဖြင့် ပရောစီမီတီ(INGO) ကို ထောက်ပံ့ကူညီပေးကြောင်း၊ မကွေးမြို့နယ်၊ နတ်မောက်မြို့နယ်၊ မြို့သစ်မြို့နယ် တို့မှ ကျေးရွာ(၇)ရွာ မိုးရေသုံး မြေသားကန်တူးဖော်ရေး ကော်မတီဝင်များ(၄၁)ဦးတက်ရောက်ကြောင်း၊ ၎င်းတို့နှင့် ပရောစီမီတီ မကွေးဇုံအဖွဲ့ တာဝန်ခံ ဒေါ်တိုးတိုးကြွယ် ပါ ရုံးအဖွဲ့(၁၀)ဦးမှ ဦးဆောင်၍ ယခင်နှစ်ကတူးဖော်ပြီးခဲ့သော မိုးတွင်းရေသိုလှောင်ရန် မြေသားကန်များကို ရေရှည်ပြုပြင်ထိမ်းသိမ်း ဆောင်ရွက်သွားရန် ညှိနှိုင်းဆွေးနွေးကြကြောင်းသိရသည်။ ပရောစီမီတီ အဖွဲ့၏ ရည်ရွယ်ချက်မှာ ၀င်ငွေနည်းပါးပြီး ခက်ခဲသောလူနေမှု မြန်မာကျေးလက် မိသားစုများ၏ ၀င်ငွေတိုးတက်ရေး အစားအစာဖူလုံမှု တိုးမြှင့်ရေးနှင့် လူနေမှုဘ၀မြင့်မားလာအောင် လုပ်ကိုင် ဆောင်ရွက်သွား ရန်ဖြစ်ကြောင်းသိရသည်။ ယခင်နှစ် ၂၀၁၁/၁၂ တွင် တူးဖော်ပြီးခဲ့သော မြေသားရေကန် ပေါင်း(၉၄)ကန် နှင့် ၂၀၁၃ ယခုပွင့်လင်းရာသီမှာ မကွေးဇုံမှ မြေသားရေကန်ပေါင်း(၉၇)ကန် တူးဖော်ပြီးခဲ့ကြောင်း၊ ကျေးရွာတစ်ရွာ လျှင် မိုရေထည့်ရန်ကန်တစ်ကန်နှုန်းဖြင့် ယခင်ရှိပြီးသားရေကန်ကို ပြန်လည်ထပ်မံတူးဖော် ပေးခြင်း၊ အသစ်တူး ဖော်ခြင်းများကို ဆောင်ရွက်ပေးကြောင်း၊ ရေကန်တစ်ကန်လျှင် မြန်မာကျပ်ငွေသိန်း (၄၀)မှသိန်း(၇၀)အထိ ကူညီထောက်ပံ့ပေးကြောင်း၊ ကျေးရွာတွင်နေထိုင်သူများလည်း ၀င်ငွေရရှိအောင် (တစ်ပေအနက် ဆယ်ပေပတ် လည်)ကျင်းတစ်ကျင်း( တစ်တာလျှင်) ကာလဒေသအလိုက် တူးဖော် လုပ်အားခ လေးထောင်ကျပ်မှ ငါးထောင် အထိပေးကြောင်း၊ ရေကန်တူးဖော်ရေး ကော်မတီဝင်(၅)ဦးဖြင့်ဖွဲ့စည်းပြီး တူးပြီးသော ရေကန်၏ အနက်ပေ ကျင်း တာများကို စစ်ဆေးရေးအဖွဲ့၊ ငွေစာရင်း၊ စာရင်းစစ်အဖွဲ့ တို့ဖြင့် စနစ်တကျ ဆောင်ရွက်ပါကြောင်း၊ ယခုပြုလုပ်သော ဆွေးနွေးပွဲများအတိုင်း ကျန်နေတဲ့ကျေးရွာ(၃၅)ရွာမှ ရေကန်တူးဖော်ရေးကော်မတီများကို နောက်ထပ်(၄) ကြိမ်ခွဲ၍ ဆွေးနွေးပွဲများကို နိုဝင်ဘာလကုန်အထိဆက်လက်ကျင်းပသွားမည်ဖြစ်ကြောင်း၊ ရေရှားပါးသော ကျေးရွာများတွင် အများသုံးစွဲရန် မိုးရေသုံး ရေကန်အတွက် အခက်အခဲဖြစ်လျှင်၎င်း အသစ်တူး ဖော်လိုလျှင်၎င်း PROXIMITY (INGO) ပရောစီမီတီ မကွေးဇုန်ရုံး (အမှတ် အေ ၅၅- တောင်တွင်းကြီးလမ်း၊ ရန်ကင်းရပ်ကွက် မကွေးမြို့) သို့ဆက်သွယ်နိုင်ပါကြောင်း မကွေးဇုံအဖွဲ့တာဝန်ခံ ဒေါ်တိုးတိုးကြွယ် ကပြောသည်။
Artikel ``မကွေးခရိုင်အတွင်းရှိ မိုးရေလှောင် ကျေးရွာရေကန်များကို တူးဖော်ကူညီပေးသော PROXIMITY ပရောစီမီတီ နှင့် ကျေးရွာရေကန်တူးဖော်ရေးကော်မတီများ အလုပ်ရုံဆွေးနွေးပွဲ´´ ini dipublish oleh shwelannwelanwinkyi pada hari Friday, November 8, 2013. Semoga artikel ini dapat bermanfaat.Terimakasih atas kunjungan Anda silahkan tinggalkan komentar.sudah ada 0 komentar: di postingan ``မကွေးခရိုင်အတွင်းရှိ မိုးရေလှောင် ကျေးရွာရေကန်များကို တူးဖော်ကူညီပေးသော PROXIMITY ပရောစီမီတီ နှင့် ကျေးရွာရေကန်တူးဖော်ရေးကော်မတီများ အလုပ်ရုံဆွေးနွေးပွဲ´´
Subscribe to:
Post Comments (Atom)
0 comments:
Post a Comment