Shade35
မကွေးမြို့မှ SHADE စာပေ၀ိုင်း(၃၅)
၁၇-၇-၂၀၁၁ ၊ တနင်္ဂနွေနေ့၊ နေ့(၁၂)နာရီမှ ညနေ(၄)နာရီအထိ မကွေးမြို့၊ ရန်ကျော်ရပ်၊ သုခိတာလမ်းနဲ့ ပိတောက်လမ်းကြား က FOREVER လက်ဖက်ရည်ဆိုင် ဥယျာဉ်မှာ ပေါင်းဆုံဝိုင်းဖွဲ့ကြပါတယ်။ SHADE စာပေ၀ိုင်း(၃၅)ကြိမ်ပါ။ ဒီတစ်ပတ် အထူးဧည့်သည်တော် တွေကတော့ စာရေးဆရာ ဦးမြတ်(မန္တလေး) နဲ့ ဦးဝင်းထိန်တို့ဖြစ် ပါတယ်။ SHADE စာပေ၀ိုင်းတော်သားတွေကတော့ ဆရာမကွေးဝင်းမြင့်၊ဆရာ ဦးဆွေ(ဒဿနိက)၊ ပန်းချီဆရာမင်းသူ၊ ဆရာ သားဦး၊ ကာတွန်းဆရာ အေကေ၊ ဆရာတင်လင်းဇော်၊ ပန်းချီဆရာမြင့်ဇော်ဦး၊ ကိုဇော်မင်းကြည်(ခ) ဆရာဇော်မင်း ဇော်မင်း၊ ပန်းချီဆရာသူရိန်မြိုင်၊ ဆရာနေခြည်(မကွေး) တို့နဲ့ စာရေးသူဖြစ်ပါတယ်။ ယနေ့တော့ လူစုံတက်စုံ စာပေ၀ိုင်းက အထူးစည်ကားနေပါတယ်။
ဆရာမကွေးဝင်းမြင့် က စတင်ပြီး အဖွင့်ပြောဆိုပါတယ်။ `` လေစားအပ်ပါသော စာပေမိတ်ဆွေများခင်ဗျား..၊ ခုတစ်ပတ် SHADE စာပေ၀ိုင်းမှာ ၂၀၁၁၊ ဇူလိုင်လထုတ် သူရဇ္ဇ မဂ္ဂဇင်းမှာ ဖတ်လိုက်ရတဲ့ စာရေးဆရာ မောင်ကျောက်တိုင် ရေးသားတဲ့ (စောင့်ဆိုင်းခြင်း အတတ်ပညာ) ကို အတိုချုပ် ကောက်နုတ်တင်ပြချင်ပါတယ်။
လောကတွင် မစောင့်ဆိုင်းသူမရှိ။ ကလေးဘ၀က လမ်းမလျှောက်တတ်ခင်၊ မိဘက လက်တွဲပြီး လမ်းလျှောက်သင် ပေးသည်။ လူကြီးတွေကိုကြည့်ပြီး ကလေးတွေက လူကြီးတွေလို ထလိုက်၊ ထိုင်လိုက်၊ ရပ်လိုက် လုပ်နေကြတာကို အားကျနေ၏။ တစ်နည်းအားဖြင့်ပြောရလျှင် လူကြီးတွေလှုပ်ရှားသလို လှုပ်ရှားသွားလာနိုင်ဖို့ စောင့်ဆိုင်းမှန်းမသိ စောင့်ဆိုင်းနေရ၏။ မြန်မာဗုဒ္ဓဘာသာဝင်များအနေဖြင့် ဗုဒ္ဓအဆုံးအမကို လိုက်နာမည်ဆိုပါက စောင့်ဆိုင်းမှု ချုပ်တည်းမှု ပညာကို ရှင်းလင်းလွယ်ကူစွာရနိုင်ပါသည်။ `သည်းခံ နိဗ္ဗာန်ရောက်´ ဟူသောစကားကို ငယ်ငယ်ကတည်းကပင် လူကြီးသူမများ ပြောသံကို နေ့စဉ်လိုလို ကြားဖူးသည်။ သို့သော် သည်းခံခြင်းဆိုသည်မှာ ဘာသာရေးကိစ္စဖြစ်သည်၊ ငါတို့နဲ့ မဆိုင်ဟု အထင်ရောက်တတ်ကြ၏။ မြတ်ဗုဒ္ဓက ရဟန္တာ ငါးရာကိုဟောကြားခဲ့သော သြ၀ါဒပါတိမောက် ဓမ္မာစေတီ ကျောက်စာတော်မှာ လွန်စွာချုပ်တည်းမှုဟူသော သည်းခံခြင်းသည် အလွန်မြတ်သော အကျင့်ပေတည်း ဟု ဟောကြားတော်မူခဲ့၏။ သည်းခံခြင်းသည် အလွန်မြတ်သောတရားဟု လူ့ဦးနှောက်ကသိသော်လည်း နှလုံးသားအတွင်းသို့ မ၀င်နိုင်သောကြောင့် သည်းခံရမည်ဟူသော ဘုရား၏ ဆုံးမစကားသည် ကျမ်းစာအုပ် အတွင်း၌ပုန်းအောင်းနေ၏။
နေရာတကာတွင် အသိဥာဏ်ကိုသာ ဦးစားပေလွန်းသဖြင့် နှလုံးသား အားနည်းလာသည်။ ညံ့ဖျင်းလာသည်။ ထို့ကြောင့် လူတစ်ဦးချင်း ဆက်ဆံရေး မပြေပြစ်မှုများ၊ နိုင်ငံတကာဆက်ဆံရေး မပြေပြစ်မှုများ၊ ဆက်တိုက်ပေါ်ပေါက်လာ သောအခါ ရှေးက (IQ အိုင်ကျူ) တစ်ခုတည်းကိုသာ စံထားရာမှ ယခုအခါ (EQ အီးကျူ) ကိုပါ စံထားလာရပါသည်။ အိုင်ကျူသည် ဥာဏ်ရည် သက်သက်သာဖြစ်သည်။ အီးကျူသည် နှလုံးရည် စိတ်နေစိတ်ထား စွမ်းရည်ဖြစ်သည်။ E သည် Enotion ခေါ် စိတ်လိုက်မာန်ပါ ပြုမူသူကို ရည်ရွယ်ပါသည်။ စိတ်လိုက်မာန်ပါ ပြုမူခြင်းသည် ချုပ်တည်းမှုကင်းမဲ့ခြင်းဖြစ် သည်။ ဥာဏ်ရည်သည် စိတ်၏အရည်အသွေးတစ်ဝက်မျှသာဖြစ်သည်။ ကျန်တစ်ဝက်ကား နှလုံးရည်ခေါ် EQ ဖြစ်သည်။ အိုင်ကျူ ဥာဏ်ရည်နှင့် အီးကျူခေါ် နှလုံးရည်ပါ ပြည့်စုံမှသာလျှင် လူ့စိတ်စွမ်းရည် အပြည့်အ၀ရမည်ဖြစ်သည်။ ဤသို့ စိတ်စွမ်းရည် အပြည့်အ၀ရလာသောအခါ သြ၀ါဒ ပါတိမောက်လာ မြတ်ဗုဒ္ဓ၏ အဆုံးအမသည် လောကုတ္တရာကိစ္စကိုသာ မက လောကီကိစ္စ မိမိရည်မှန်းချက် အောင်မြင်ရန်အတွက် အကျိူးများသည် လက်တွေ့သိမြင်လာမည်ဖြစ်ပါသည်..။ ဟု ဆရာမကွေးဝင်းမြင့် က ဆွေးနွေးဖတ်ကြားပြောဆိုသွားပါတယ်။
စာရေးသူကတော့ ၀ီးကလီးအလဲဗင်း ဂျာနယ်၊ ၂၀၁၁၊ ဇွန်လ၂၅ရက်ထုတ်ထဲက စာရေးဆရာ သန်းထွဋ်အောင် ရေးတဲ့ (လေးစားယုံကြည်မှုဆိုတာ..) ဆောင်းပါးကို ဖတ်ကြားပြပါတယ်။ ဘာကြောင့် ဒီဆောင်းပါးကို ဖတ်ရသလဲဆိုတော့ ဒီနေ့ မီဒီယာလောကသား တွေနဲ့ စီးပွားရေးလောကသားများ အပြန်အလှန် တရားစွဲနေကြတာ အများ အသိပါ။ ဒါကြောင့် ဆေးလောကနဲ့ မီဒီယာကြားမှာ ကြားကျအောင် ဖြန်ဖြေရေးသားထားတဲ့ ဆောင်းပါးဖြစ်လို့ တင်ပြပေးခြင်းဖြစ်ပါတယ်။ ဟုပြောကြားခဲ့ပါတယ်။
ဆရာ ဦးဆွေ(ဒဿနိက)ကတော့ သူက ရသနဲ့ပတ်သက်တဲ့ စာရေးဆရာဖြစ်လို့ ဆရာမင်းသုဝဏ်၏ (နှင်းဆီပွင့်) ဆိုတဲ့ကဗျာ၊(လယ်တောက အပြန် ပန်ချင်တယ် ခရေဖူးကိုမှ မောင်ခူးကာပေး….) စတဲ့ ကဗျာသီချင်း ကို သံနေသံထားဖြင့် လွမ်းစရာကောင်းအောင် သီဆိုပြပါတယ်။ ကဗျာရဲ့ အဓိပ္ပာယ်ကို အကျယ်ချဲ့ပြီး လေးနက်စွာ ပြောဆိုသွားပါတယ်။ စေတနာကောင်းမှ စိတ်ရင်းကောင်းမှ စာကောင်း ပေကောင်းတွေထွက်မှာ ဖြစ်ကြောင်း ဆရာမင်းသုဝဏ် က သတိပေးသွားတာဖြစ်ကြောင်း တင်ပြဆွေးနွေးသွားပါတယ်။ နောက်ပြီး ဆရာမ မနှင်းဖွေးရေးတဲ့ နှဲ မှုတ်တဲ့ (နှဲဆရာကိုစံဗျော) ရဲ့ ဇာတ်လမ်းလေး ကို အသေးစိတ် ချပြပြောဆိုသွားပါတယ်။ နှဲ အသံကြီးနဲ့ ပတ်ဝန်းကျင်အားလုံးကို ဒုက္ခပေးနေတဲ့ နှဲဆရာကိုစံဗျော ကို ညင်ညင်သာသာလေးနဲ့ တဆင့်ခြင်း တဆင့်ခြင်း သိမ်မွှေ့စွာဖြင့် ဆရာမ မနှင်းဖွေးက ဖြေရှင်းပြီး ဇာတ်လမ်းဆင်သွားခြင်း ဖြစ်ပါကြောင်း။ ဒါကြောင့် စေတနာကောင်းလျှင် စာကောင်းတစ်ပုဒ်ထွက်လာနိုင် ခြင်းဖြစ်ကြောင်းတို့ကို အကျယ်တ၀န့် အသေးစိတ်ပြောဆိုသွားပါတယ်။
စာရေးဆရာ သားဦး ကလည်း ရယ်စရာ မောစရာလေးများနဲ့ စတင်ပြောဆိုပါတယ်။ ``မိသားစု သုံးယောက်မှာ အဖေလုပ်တဲ့သူက သားလေးကိုစာသင်နေပါတယ်။ ကျွဲဆိုတဲ့ စာလုံးကို ကလေးက မပေါင်းတတ်ဖြစ်နေပါတယ်။ အဖေလုပ်သူက မပေါင်းတတ်ရကောင်းလားဆိုပြီး သားလေးကို ဆူပူကြိမ်းမောင်းနေပါတယ်။ အဲဒီတော့ မိန်းမလုပ်တဲ့သူက ကလေးက မပေါင်းတတ်တာကို ရှင်ကပဲ ကျွဲကို စာလုံးပေါင်းပြလိုက်စမ်းပါ..ဆိုပါတယ်။ ဒီတော့မှ အဖေလုပ်သူက ကျွဲရေးချ နောက်သို့ပစ် ကျွဲလို့ ပေါင်းချလိုက်ပါတော့တယ်။ အဲဒီတော့ အမေလုပ်သူက အင်း ရှင်က လူကြီးကို ပေါင်းတတ်မှာပေါ့လို့ ဆိုသတဲ့´´။ ဆိုလိုတာကတော့ အများညီရင် ဤ ကို ကျွဲ ဖြစ်တယ်ဆိုတာကို လက်မခံနိုင်ပါဘူး။ ဒီအမှားကြီးကို အများလက်ခံထားလိုက်တာနဲ့ အချိန်ကြာသွားခဲ့ရင် အမှန်ဖြစ်မသွားဖို့ကို ပြောဆိုချင်တာပါ..။ စကားလုံးတိုင်း အကြောင်းအရာတိုင်းမှာ အမှားနဲ့ အမှန် ခွဲခြားပြီးသိနိုင်ကြပါစေ..လို့ ဆရာသားဦးက ပြောဆိုသတိပေးသွားပါတယ်။
ကာတွန်းဆရာ အေကေကလည်း ကာတွန်း များက ရယ်စရာ တွေးစရာ များအကြောင်းကို ဤသို့ဆိုပါတယ်။ ကာတွန်းပုံတွေမှာ တစ်ချို့က ရယ်ရတာရှိသလို တစ်ချို့ကျတော့ မရယ်ရဘဲ တွေးယူရတာတွေရှိပါတယ်။ ပညာပေး ကာတွန်းတွေလည်းရှိပါတယ်။ ကျွန်တော်ဖတ်မိတဲ့ ဆရာဇော်မောင်ရဲ့ ကာတွန်း ကိုပြောချင်ပါတယ်။ မဂ္ဂဇင်းတွေထဲက စုထုတ်ထားတဲ့ (ဇော်မောင်ရဲ့ အမှားများ) စာအုပ်ထဲက ကျွန်တော်မှတ်မိနေတာလေး ပြောပါရစေ…။ လူနှစ်ယောက်ရှိတယ်။ ပထမ တစ်ကွက်မှာ လူတစ်ယောက်က ငုတ်တုတ်ထိုင်နေပါတယ်။ လူတစ်ယောက်က သူ့ဘေးနားမှာ မတ်တပ်ရပ်လို့ပါ။ မတ်တပ်ရပ်နေသူက ထိုင်နေသူကို စကားလှမ်းပြောပါတယ်။ ``ဟေ့ကောင်ထ ငါတို့သွားကြမယ်´´။ ထိုင်နေတဲ့သူက ရောယောင်ထပြီး လိုက်လာပါတယ်။ သူတို့လမ်းမပေါ်မှာ သွားနေကြတာပေါ့။ အဲ ထိုင်နေရင်းက ထပြီးလိုက်လာသူက စကားပြန်မေးပါတယ်။ `ဟေ့ကောင် ငါတို့ဘယ်ကိုသွားမှာလဲ´။ လမ်းလျှောက်သွားနေရင်းက ပထမ စတင်ခေါ်သူက ပြန်ပြောပါတယ်။ `` အေး ငါလဲ မသိဘူးကွ ဒါပေမယ့် ဘယ်ကိုသွားရမယ်ဆိုတာ ငါတို့ သွားနေရင်းစဉ်းစား ကြတာပေါ့ကွာ…´´။ လို့ ဆိုနေကြပါတယ်။ ဒီကာတွန်းက ဘာကိုပြောချင်တာလည်းဆိုတော့ တစ်ချို့လူတွေဟာ လုပ်တော့လုပ်နေကြတာပဲ။ ကိုယ်လုပ်တဲ့အလုပ်က ရည်ရွယ်ချက် ဦးတည်ချက် မရှိဘဲ ဖြစ်နေကြတာကို သရော်ထားတာပါ။ ကျွန်တော်ကိုယ်တိုင် စာပေလောကထဲကို ၀င်လာခါစမှာ ဟိုစပ်စပ် ဒီစပ်စပ် ရေးခဲ့ပါတယ်။စာမျက်နှာပေါ်မှာ ပါချင်နေတာကို။ မြ၀တီ၊ ငွေတာရီမဂ္ဂဇင်းတွေမှာ တစ်မျက်နှာဝထ္ထုတိုလည်းရေးလိုက်တာပဲ။ အင်တာဗျူးဆိုလဲရေးလိုက်တာပဲ။ ကာတွန်းပြိုင်ပွဲဆိုလည်း ၀င်ပြီးပြိုင်လိုက်တာပဲ။ ကိုယ့်နာမည်လေး ပုံနှိပ့်စာလုံးလေးနဲ့ဖော်ပြခံရရင် တော်တော်ပျော်နေခဲ့ပါ တယ်။ တစ်ခါ ကျွန်တော်ရန်ကုန်ရောက်တော့ ဆရာကြီး ဦးဖေသိန်း မဆုံးမှီ ဆရာကြီးဦးဖေသိန်း ကို ကာတွန်းဆရာတွေ ကန်တော့ပွဲကို ရောက်သွားခဲ့ပါတယ်။ ပထမ အဦးဆုံး ကာတွန်းဆရာတွေ အများကြီးတွေ့ရတော့ တော်တော်ဝမ်းသာမိပါတယ်။ အဲဒီပွဲမှာ ကိုယ်လည်း ကာတွန်းဆရာဆိုပြီးတက်လိုက်တာပါ။ ကာတွန်းဆရာတော့ မဖြစ်သေးပါဘူး။ အဲဒီမှာ ကျွန်တော်နဲ့ရွယ်တူ အာကာနဲ့တွေ့ပါတယ်။ သူကတော့ စာမျက်နှာလိုင်းပေါ်ကို ရောက်နေသူပါ။ သူ့ကို ကျွန်တော်က လေးစားစွာ နုတ်ဆက်လိုက်ပါတယ်။ ကိုအာကာ လို့ ..။ သူက နဲနဲမှန်နေပါတယ်။ သူနဲ့ အလာပ သလာပ စကားတွေပြောပြီး ပြန်ခါနီး ဆုံးမစကားဆိုပါတယ်။ ဟေ့ကောင် အေကေ မင်း ချစ်စမ်းမောင်ကို သိလား မေးပါတယ်။ သူက ကိုချစ်စမ်းမောင်ရဲ့ အမူအရာတွေကို လုပ်ပြနေပြန်ပါတယ်။ ချစ်စမ်းမောင် ဆိုတာ ဂီတာတီးတယ်။ ချစ်စမ်းမောင် နှဲ မမှုတ်ဘူးကွ။ ကျွန်တော်က`ဗျာ´ လို့ဆိုမိပါတယ်။ မှတ်ထားကွ ချစ်စမ်းမောင် ဂီတာပဲတီးတယ်။ ဘယ်တော့မှ နှဲမှုတ်မကျင့်ဘူး။ ဂီတာကို အင်မတန်ကျွမ်းကျင်ပြီး နာမည်လည်းကြီးတယ်ကွ..လို့ သူကဆုံးမပါတယ်။ ကျွန်တော်လည်း အဲဒီအချိန်ကစပြီး ကာတွန်းတစ်ခုတည်းကိုသာ ယနေ့အထိရေးဆွဲခဲ့ပါတယ်ခင်ဗျာ..။ဟု ကာတွန်းဆရာ အေကေမှ ခံစားရင်ဖွင့်ပြောဆိုသွားပါတယ်။
စိတ် အဟာရပြည့်ဝအောင် SHADE ဂျာနယ်ကိုဆောင်လို့ ဘ၀အတွက် သုတ၊ရသစုံတဲ့ SHADE စာပေ၀ိုင်းသို့ သွားကြပါစို့။
မှတ်ချက်။ ။ စာမျက်နှာအခက်အခဲကြောင့် စာပေ၀ိုင်းတော်သားများ၏ ပြောစကားများကို ပြည့်စုံစွာ မဖော်ပြနိုင်၍ နာလည်ပေးပါရန် တောင်းပန်အပ်ပါသည်။ အယ်ဒီတာချုပ် ။
ရွှေလမ်းငွေလမ်းဝင်းကြည်
