ငဖဲ ဇွန်
၃၀
မကွေးတိုင်းဒေသကြီး ငဖဲမြို့နယ် ပဒါန်းကျေးရွာတွင်
စစ်တွေမှ ရန်ကုန်မြို့သို့ပြေးဆွဲလျက်ရှိသည့် တိုးရတနာ မော်တော်ယာဉ်လိုင်း၊ယာဉ်မောင်း
ဦးထွန်းလှကျော်သည် ယာဉ်ပေါ်တွင်ပါလာသည့် အိပ်တစ်လုံးအား မသင်ကာ၍ ဇွန်(၃၀)ရက်နေ့ နံနက်(၁)နာရီက
ပဒါန်းမူးယစ်အဖွဲ့ထံစစ်ဆေးပေးရန် ရပ်တန့်ပြီး ရှာဖွေရာ WY စာတန်းပါ စိတ်ကြွဆေးပြား နှစ်သိန်းအား ရှာဖွေသိမ်းဆီးရရှိခဲ့သည်။
ဖြစ်စဉ်မှာ စစ်တွေ-ရန်ကုန် ပြေးဆွဲလျက်ရှိသည့်
တိုးရတနာ မော်တော်ယာဉ်လိုင်းတွင် ပုဏ်ဏားကျွန်းမှ ခရီးသည် ခိုင်လင်းထွန်းသည် ခုံအမှတ်(၁၈)
လက်မှတ်ဖြတ်ထားပြီး အိပ်တစ်လုံးသာတွေ့ရပြီး လူစီးလိုက်ပါခြင်းမရှိသည်ကို ယာဉ်မောင်းမှ
သတိထားမိပြီး ထိုအိပ်အား ပဒါန်းကျေး ရွာအရောက်တွင် မူးယစ်အထူးအဖွဲ့ထံ ပြသ၍ ရှာဖွေစစ်ဆေးကြည့်ရာ
WY စာတန်းပါ စိတ်ကြွရှုးသွတ်ဆေးပြား (၂)သိန်း ရှာဖွေသိမ်းဆီးရရှိခဲ့သည်။ ဖမ်းဆီးရရှိမှုနှင့်ပတ်သက်၍
ပဒါန်းမူးယစ်အထူးအဖွဲ့ ဒု-ရဲအုပ်ညွန့်ဝင်းက မယ(ပ)၁/၂၀၁၄ ပုဒ်မ ၁၉(က)ဖြင့် အမှုဖွင့်
အရေးယူဆောင်ရွက်လျက်ရှိကြောင်းသိရသည်။
သန်းနိုင်ဦး(ငဖဲ)
သတင်းများနောက်ကျသွားခြင်းအား စာဖတ်သူများ/သတင်းပေးပို့သူများကို လေးစားစွာဖြင့် တောင်းပန်အပ်ပါသည်။
သတင်းတာဝန်ခံ
မြေလတ်မီဒီယာ
မြေလတ်ဒေသ သတင်းစာ
