မကွေးမြို့၊ ပြည်တော်သာရပ်၊ အထက(၁)လမ်း၊ လူမှုဝန်ထမ်းမှုကြိုကျောင်းတွင် ၂၀၁၄၊ အောက်တိုဘာ ၁၉၊ နံနက် ၈ မှ နေ့၁၂ နာရီအချိန်အထိ မကွေးတိုင်းဒေသကြီး ကလေးသူငယ်တွေ့ဆုံပွဲ ကျင်းပပြုလုပ်ကြောင်း မြေလတ်မီဒီယာ ကသတင်းရရှိသည်။
အဆိုပါကလေးသူငယ်တွေ့ဆုံပွဲကို SCVG (Social Care Volunteer
Group) လူမှုစောင့်ရှောက်ရေး စေတနာ့ဝန်ထမ်းအဖွဲ့ နှင့် မိတ်ဖက် NGO အဖွဲ့အစည်းများ ပူးပေါင်းဆောင်ရွက်ကြကြောင်းသိရသည်။
၎င်း အဖွဲ့ကို မကွေးတိုင်းလူမှုဝန်ထမ်းဦးစီးဌာန၏ ဦးဆောင်ကူညီပံ့ပိုးဆောင်ရွက်ကြောင်း၊
UNCRC ကုလသမဂ္ဂ ကလေး သူငယ်အခွင့်အရေးဆိုင်ရာ နိုင်ငံတကာသဘောတူညီမှု စာချုပ်အရ မြန်မာနိုင်ငံမှ
CRC အကောင် အထည်ဖော် ဆောင်ခြင်းဖြစ်ကြောင်း၊ ၁၉၉၁ နှစ်တွင် UNCRC မှာ မြန်မာနိုင်ငံပါဝင်လက်မှတ်ထိုး၍
အဖွဲ့ဝင်နိုင်ငံ ဖြစ်ခဲ့ကြောင်း၊ မြန်မာနိုင်ငံကလေးသူငယ် ဥပဒေပြဌါန်းခြင်းကို ၁၉၉၃
ခုနှစ်တွင်ဆောင်ရွက်နိုင်ခဲ့ပြီး နည်းဥပဒေကို ၂၀၀၁ က ထုတ်ပြန်နိုင်ခဲ့ကြောင်း၊ ကလေးဆိုသည်မှာ
နိုင်ငံတကာသတ်မှတ်ချက်အရကိုယ်ဝန်ဆောင်ချိန်မှစ၍ အသက် (၁၈)နှစ်အောက်လူသားတိုင်းကို ကလေးဟု
သတ်မှတ်ပြီး မည်သည့်အခြေအနေတွင်မဆို ကလေးတိုင်း သည် ကလေးအခွင့်အရေးအားလုံးကို အပြည့်အ၀ရယူပိုင်ခွင့်ရှိသည်
ဟု ကိုအောင်လင်းကြည် (SCVG) မှ ရှင်းပြသည်။
``ကျွန်တော်တို့ မနေ့ကအောက်တိုဘာ
၁၈ ရက်နေ့ မကွေးမြို့မှာ ပွင့်ဖြူမြို့နယ်၊ ရေနံချောင်းမြို့နယ် နှင့် မကွေးမြို့မှ
ကလေးများနဲ့ ကလေးသူငယ်တွေ့ဆုံပွဲကို ကျင်းပခဲ့ပါတယ်၊ ကလေးခြောက်ဆယ်ဦးတက်ပါတယ်။ ဒီနေ့မှာ
ကလေးသူငယ်များအဖွဲ့ အသီးသီးရဲ့ခံစားချက်များကို ဖျော်ဖြေကြတာပါ၊ ၂၀၁၁ ခုနှစ်မှ စပြီး
နှစ်စဉ် ကျင်းပခဲ့ကြပါတယ်။´´ ဟု ကလေးဆွေးနွေးပွဲပြုလုပ်ပေးသူ
ဒေသခံတစ်ဦးက မြေလတ်မီဒီယာ ကိုပြောသည်။
ကလေးသူငယ်အခွင့်အရေးများမှာ ရှင်သန်ခွင့်၊ ဖွံ့ဖြိုးခွင့်၊ အကာအကွယ်ပိုင်ဆိုင်ခွင့်၊
ပါဝင်ခွင့် တို့ဖြစ် ကြောင်း၊ ရပ်ရွာ၊ ကျောင်းအစည်းအဝေးများတွင်လည်း ကလေးများ၏ စကားကို
အလေးအနက်ထားကာ စဉ်းစား ပေးစေလိုကြောင်း ကိုအောင်လင်းကြည် (SCVG) မှ ခေါင်းစဉ်တစ်ခုခြင်းအား
အသေးစိတ်ရှင်းပြ၍ မြေလတ်မီဒီယာ က သတင်းရရှိခဲ့သည်။
ဝိုင်းကြည်အောင်
မကွေးမြို့
။ ဖုန်း ၀၉-၄၄၀၂၂၅၁၀၀
0 comments:
Post a Comment