မပေါက်မချင်း အပိုဆုသိန်း(၆၀၀)နှင့်
Light Truck ကားတစ်စီးပေးမည်ဆိုတဲ့ မြတံခွန်ထီစင်္ကြာဝဠာ
၁၃-၅-၂၀၁၀ နေ့က မကွေး မြတံခွန်ထီစင်္ကြာဝဠာ ထီဆိုင်မှာ ထီငါးစောင်းတွဲ တစ်တွဲထိုးခဲ့ ပါတယ်။ထီငါးစောင်ကို ငွေတစ်ထောင်ရှစ်ရာကျပ် ပေးရပါတယ်။ ဒီတော့ထီတစ်စောင်ကို (၃၆၀)ကျပ် နှုန်းကျနေပါတယ်။အစိုးရထုတ်ဈေးက ထီတစ်စောင်(၂၀၀)ကျပ်ပါ။ အပိုဆုနဲ့ပါတ်သက်လို့ မေးကြည့်ခဲ့ပါတယ်။ သိန်းတစ်ထောင်ဆုကြီးကို မပေါက်မချင်း အပိုဆုသိန်း(၆၀၀)နဲ့အတူ Light Truck လိုက်အိတ်ကား တစ်စီး ပေးပါမည်။ သိန်းငါးရာဆုပေါက်လျှင်လဲ အပိုဆုသိန်း(၅၀)နဲ့အတူ လိုင်စင်ပါ ရုပ်ဆိုးဆိုင်ကယ် တစ်စီး အသီးသီး ချီးမြှင့်မည်။ သိန်းတစ်ထောင်ဆု၊ သိန်းငါးရာဆုတွေ ပေါက်ပြီးရင်ကော ထပ်ပေးမည်လား မေးရာ “ ကျွန်တော်တို့ဆိုင်က မပေါက်မချင်းပေးမည်..။ ပေါက်ပြီးရင်လည်း ဒီလိုပဲ ဆက်ပေးသွားမှာပါ” ဟု အရောင်းစာရေးကပြောကြားလို သိခဲ့ပါတယ်..။
အစိုးရ အောင်ဘာလေ ထီထိုးသူများဘက်ကစဉ်းစားတွေးတောမိကြတဲ့ စကားသံများကို ကြားခဲ့ရပါတယ်..။ တကယ်လည်း သိန်းတစ်ထောင်ဆုကြီးလည်းပေါက်ရော.. သက်ဆိုင်ရာက တားမြစ်လို့..မပေးရတော့ပါဆိုခဲ့ရင်ဖြင့် ဘာတတ်နိုင်ကြမည်လဲ..။
မြန်မာပြည်မှာ ထိုင်းမှ နှစ်လုံးထီက တစ်နေ့(၂)ကြိမ်၊ သုံးလုံးထီက တစ်လ(၂)ကြိမ်၊ အစိုးရအောင်ဘာလေထီက တစ်လ(၁)ကြိမ် ထိုးကြ၍ ဆင်းရဲမွဲတေနေရပေပြီ..။ ဟော..ယခုတော့ တစ်လုံးကန် ဘောလုံး လောင်းကစားပွဲက တစ်လတိတိ ဆိုတော့ ဆင်းရဲခြင်း လွတ်ကင်းအောင် အိမ်ခြံပေါင်၍ ထိုးနေကြရတော့သည်..။
ရွှေလမ်းငွေလမ်း ၀င်းကြည်
၂၀၁၀ ခု၊ ဇွနလ(၁၃)ရက်၊ည(၁၁း၄၀)နာရီတင်၏။
0 comments:
Post a Comment