သမ္မတကြီး ဦးသိန်းစိန်အစိုးရတက်လာပြီး ဆင်းရဲ၊နွမ်းပါး၊မွဲတေမူလျှော့ချရေးအတွက် အထူးစီမံချက်များနဲ့ ဆောင်ရွက်နေတာကို ၀မ်းမြောက်စွာကြိုဆိုလိုက်ပါတယ်။ စာရေးသူတို့နယ်တွေမှာရော မြန်မာနိုင်ငံ အနှံ့မှာ တစ်လုံး၊ နှစ်လုံး၊ သုံးလုံး တွေ ကင်းစင်အောင် ဆောင်ရွက်နေကြောင်း သတင်းစာ၊ ဂျာနယ်များမှာ နေ့စဉ်လိုလို ဖတ်နေရပါတယ်။ ၂၀၁၁၊ ဇွန်လ ပိုင်းက စတင်ပြီးဆောင်ရွက်လာတာ အများအသိပါ။ ယခု ဇူလိုင်လမှာလည်း အရှိန်မြှင့်တင်ဆောင်ရွက်နေကြောင်း ကြားသိရပြန်ပါတယ်။ အမှန်တကယ်လည်း အောင်မြင်နေတာကို တွေ့မြင်နေရပါတယ်။
ဘာကြောင့်အောင်မြင်နေပါသလဲဆိုရင်..၊ လူတိုင်း လူတိုင်း ချမ်းသာချင်ကြပါတယ်။ တစ်နေ့မှာ ချမ်းသာနိုးနိုးနဲ့ အိမ်ရှင်မရဲ့ မီးဖိုချောင်ဈေးဖိုပါမကျန် တစ်လုံး၊ နှစ်လုံး၊ သုံးလုံးတွေကိုသာ ၀ိုင်းပြီးထိုးလာခဲ့ကြတာ အများအသိပါ။ ဒါကြောင့် လူဆင်းရဲ၊ လူမွဲတွေ များပြားလာကြောင်း နိုင်ငံတော်က ကြားသိရလို့ အချိန်အခါမှီ ကယ်တင်လိုက်ခြင်း ဖြစ်ပါတယ်။ ယခုလို တစ်လုံး၊ နှစ်လုံး၊ သုံးလုံးထီတွေ ထိုးမရကြတော့ နိုင်ငံတော်က အောင်ဘာလေထီတွေဘက်ကို အများပြည်သူတွေ အားကိုးလာကြပါတယ်။
နိုင်ငံတော်က အောင်ဘာလေထီတစ်ဆောင်ကို (၂၀၀)ကျပ်ဈေး သတ်မှတ်ရောင်းချပါတယ်။ ထီ(၁၁) ရွက်ပါ (၁၁) စောင် ထီတစ်အုပ်ကို (၂၀၀၀ိ) ထုတ်ဈေးနဲ့ ဖြန့်ချိပေးပါတယ်။ ထီလက်မှတ်ဝယ်ယူခွင့်ရှိသူ ကိုယ်စားလှယ်ကြီး တွေအတွက် ငွေနှစ်ထောင်ကျပ်ဖိုးထီ(၁၀)စောင်ရောင်းပြီးတိုင်း ထီစာအုပ်တစ်အုပ်မှာ ထီတစ်စောင်အပိုပေး၍ ငွေ(၂၀၀) ကျပ် အပိုအမြတ်ငွေ ပေးပြီးသားပါ။ အောင်ဘာလေထီရောင်းပေးသူတိုင်းကို ၁%နှုန်းအမြတ်ပေးထားပါတယ်။ ဒါပေမယ့် အောင်ဘာလေထီ အကြိမ်(၂၇၀) ကစပြီး ယခု အကြီမ်(၂၇၁) ကြိမ်မှာ တော့ ထီတစ်စောင် (၃၅၀ိ) (၄၀၀ိ) အထိ ထီဈေးတွေ တစ်ရှိန်ထိုးတက်လာပါတယ်။ ဘယ်လိုဖြစ်တာလည်းဆိုပြီး စာရေးသူမှ လက်ရှိထီရောင်းချနေသူ ကုန်သည်တစ်ဦးအားမေးကြည့်ခဲ့ပါတယ်။ တစ်လုံး၊ နှစ်လုံးတွေ ပပျောက်ကင်းစင်သွားတော့ အများပြည်သူတွေက အောင်ဘာလေထီကို ၀ိုင်းပြီးထိုးလာကြပါတယ်။ အဲဒီတော့ ထီဆိုင်ကြီးတွေက ၀ယ်လိုအား များလာပါတယ်။ အောင်ဘာလေဌါနမှ ရောင်းလိုအားကနည်းနေပါတယ်။ ဥပမာပြရရင်တော့ ထီအက္ခရာ အလုံးရေ တိုးမထုတ်ဘဲ အက္ခရာ(၂၄)စောင်၊ (က)အက္ခရာမှ (ဘ)အက္ခရာ အထိသာ ထုတ်ဝေရောင်းချထားတာပါ။ နောက်တစ်ခုက အမှန်တစ်ကယ် ထီဆိုင်ဖွင့်ပြီးရောင်းချနေသူတွေအတွက် အောင်ဘာလေထီဝယ်ယူခွင့်ကို လိုအပ်သလောက် မရကြတာလည်းပါ ပါတယ်။ အောင်ဘာလေ ထီအုပ်စိမ်း တွေကို တဆင့်၊ တဆင့် အမြတ်ပေးပြီး ၀ယ်ယူရောင်းချနေရတာတွေလည်း မကောင်းပါဘူး။ (မှတ်ချက်။ အုပ်စိမ်းဆိုသည်မှာ အောင်ဘာလေဌါနမှ ထုတ်ပေးသော ထီလက်မှတ်များဖြစ်ပါသည်။ သိန်းတစ်ထောင်ပေါက်ရင် သိန်းတစ်ထောင်သာရ၍ အပိုဆုမပါသောထီလက်မှတ်များကိုခေါ်ဆိုပါ၏။ ယခု(၂၇၁)ကြိမ်၊ အထူးမင်္ဂလာစုံတွဲခေါ် အက္ခရာစုံ(၂၄)စောင် အပိုဆုမပါ-အုပ်စိမ်းတစ်အုပ်(၆၅၀၀ိ)ထိ ဈေးတက်နေပါသည်။ နိုင်ငံတော်မှ ထုတ်လုပ်ဖြန့်ချိသော အောင်ဘာလေထီကို ဈေးနှုန်းမထိမ်းချုပ်နိုင်ခြင်းမှာ စဉ်းစားစရာများ ဖြစ်နေပါ၏။) ဒါကြောင့် ထီဆိုင်ကြီးတွေကလည်း နိုင်ငံတော်သတ်မှတ်ဈေးအတိုင်း(၂၀၀)ကျပ်နဲ့ မရောင်းကြတော့ပါ။ ထီတစ်စောင် (၃၅၀ိ/၄၀၀ိ)ဈေးနှုန်းတွေတင်ပြီး အပြိုင် အဆိုင် ရောင်းအားကောင်းအောင် အပိုဆုအဖြစ် ငွေကျပ်သိန်း(၁၀၀၀) ပေါက်ရင် အပိုဆုငွေသိန်း(၅၀၀)၊ သိန်း(၆၀၀) နဲ့ကားတစ်စီးပေးမယ်၊ စတဲ့မက်လုံးတွေ အမျိုးမျိုးပေးကြပြီး ထီထိုးသူများကို မြူဆွယ်ပါတယ်။ သူတို့ပေးတဲ့ အပိုဆုတွေကလည်း ထီထိုးသူ ပြည်သူတွေဆီမှ ဈေးနှုန်းတင်ယူပြီး နားလှည့် ပါးရိုက်တဲ့သဘောပါပဲ ..ဟု ထီထိုးသူများထံမှ ကြားသိလိုက်ရပါတယ်။ လူတစ်စုကောင်းစားရေးအတွက် ပြည်သူလူထု အများမှ ဈေးကြီးပေးနေရတဲ့သဘောဖြစ်နေပါတယ်။ ဒါကြောင့် အောင်ဘာလေထီ ကို အမှန်အကန်ဈေးနှုန်းချိုသာစွာနဲ့ ထီထိုးနိုင်ကြပြီး နိုင်ငံတော်ဘဏ်ဏ္ဍာငွေများလည်းတိုးတက်ရရှိလာအောင်၊ ပြည်သူတွေလည်း ချမ်းသာလာအောင်..ယခုလို အခြားတစ်လုံး၊နှစ်လုံး၊သုံးလုံးထီများ ပပျောက်ကင်းစင်နေချိန်မှာ အောင်ဘာလေထီ အား ရောင်းအားပိုမိုတိုးတက်လာစေရန် သက်ဆိုင်ရာမှ လိုအပ်သည်များကို ဆောင်ရွက်ပြုပြင် ပေးနိုင်ကြပါစေကြောင်း ဆုမွန်ကောင်းတောင်းရင်းဖြင့်…။
ရွှေလမ်းငွေလမ်းဝင်းကြည်
0 comments:
Post a Comment