`ချောက်မြို့နယ်တွင်းမှ ဟိုက်ဒရိုဂျင်ပါအောက်ဆိုက် စက်ရုံတွင် မီးလောင်ပေါက်ကွဲ´
ချောက် သြဂုတ်(၂)ရက်။ ချောက်မြို့နှင့် စလေမြို့ကြားရှိ ဧရာဝတီမြစ်၏ အရှေ့ဘက်တွင် တည်ထားသော ဟိုက်ဒရိုဂျင်ပါအောက်ဆိုဒ် စက်ရုံအား ယနေ့ နေ့လယ်(၁)ခန့်မှာ မီးလောင်ပေါက်ကွဲမှုဖြစ်ကြောင်းသတင်းရရှိပါသည်။ ၎င်း စက်ရုံအား အချို့သူများက အစွန်းချွတ်ဆေးစက်ရုံ ဟုသာသိကြ၏။ ထိုစက်ရုံသည် စက်မှုဝန်ကြီးဌာန၊ စက္ကူနှင့် အိမ်သုံးပစ္စည်းလုပ်သော စက်ရုံအောက်ရှိ စက်ရုံတစ်ရုံဖြစ်ကြောင်းသိရသည်။ ထိုစက်ရုံ၏ တောင်ဘက်တွင် ကြွေသီးစက်ရုံ၊ ဆောက်လုပ်ထားသည်ဟု ပြောဆိုကြသည်။ ထို Main Unit ရှိ Oxidation Tower မှ ဟိုက်ဒရိုဂျင် ဓါထုရည်များ ယိုထွက်လာပြီး ပါဝါစစ်စတန် အဲယာတက်သွားခြင်းဟု ဆိုကြသည်။ ယင်းဓါတုရည်များအား ကွန်ပျူတာ ရီမုဖြင့်သာပိတ်လို့ရသည်ဟု ဆိုပါသည်။ ထိုစဉ် ဒိုင်းကနဲ ၀ုန်းကနဲ တုန်ခါသွားပြီး အသံကျယ်လောင်စွာဖြင့် ပေါက်ကွဲမှုကြီး (၅)ခါ ဖြစ်၍ မီးလောင်မှုများဖြစ်သည်ဟု ပြောဆိုကြသည်။ စလေမြို့နှင့် ချောက်မြို့မှ လူထုများ အထိပ်တလှန့်ဖြစ် သွားကြသည်ဆို၏။ စလေမြို့တွင်လည်း ဓာတ်မြေသြဇာစက်ရုံကြီး ရှိ၏။ ချောက်မြို့တွင်လည်း မိုလာရေနံမြေ၊ ချောက်ရေနံမြေမှ ရေနံတွင်းများ၊ သဘာဝဓာတ်ငွေတွင်းများ နှင့် ချောက်မြို့တွင်း၍ ရေနံချက်စက်ရုံတည်ရှိနေကြ၍ ချောက်မြိုမှ လူများသည် ပိုမိုထိပ်လန့်စိုးရိမ်နေကြသည်ဟု ပြောဆိုသံများကြားရပါသည်။
၎င်း မီးလောင်သောနေရာသည် ချောက်မြို့နှင့် စလေမြို့အကြားတွင်ဖြစ်၍ လူနေအိမ်ခြေရပ်ကွက်များနှင့် ဝေးသည်။ အနီးဆုံးတွင် ကျေးရွာများရှိ ကြသည်။ ၎င်းရွာများမှာ ကန်ပေါက်ရွာ၊ ရေတွင်းရွာ(ရွာသစ်)၊ နှောချောင်းရွာတို့ ကပ်လျှက်ရှိကြသည်။ စလေမြို့မှ (၃)မိုင်ခန့်နှင့် ချောက်မြို့မှ (၁၂)မိုင်ခန့်ဝေး၍ ကွေ့ပါတ်ဝင်ရသည်။ ယင်း မီးလောင်ရာသို့ ချောက်မြို့၊ စလေမြို့၊ ကျောက်ပန်းတောင်းမြို့၊ရေနံချောင်းမြို့၊ မကွေးမြို့၊ဆိပ်ဖြူမြို့ နှင့် ညောင်ဦးမြို့များမှ မီးသတ်ကားများရောက်ရှိ၍ မီးငြိမ်းသတ်ပေးကြသည်။ ချောက်မြို့မှ ဆီဘောက်ဆာပိုင်ရှင် ဦးချိုနှင့်အဖွဲ့က (၂၈၀၀)ဂါလံဆံ ရေကား(၇)စီးလာကြသည်။ မီးသတ်ရဲဘော်တစ်ဦး လက်ကိုအနည်းငယ်ထိခိုက်သည်ဟုသိရသည်။ စုစုပေါင်း(၅)ဦးသာ ဒါဏ်ရာအနည်းငယ်စီ ထိခိုက်သည်ဆို၏။ လူအသေ အပျောက်လုံးဝမရှိကြောင်း စုံစမ်းသိရှိရသည်။ ညနေပိုင်း (၅)နာရီခန့်တွင် မီးငြိမ်းသတ်နိုင်ကြောင်း သိရသည်။ ၊ ဤစက်ရုံကြီးအား (၂၀၀၆)ခုနှစ်တွင် တရုပ်ပညာရှင်များဖြင့် မြန်မာငွေကျပ်သန်းပေါင်း(၁၆၇)သန်းကုန်ကျသည်ဟု သက်ဆိုင်ရာသို့ စုံစမ်း၍ ကြားသိရပါသည်။ ဆုံးရှုံးမှုအတည်ပြုချက် များနှင့် မီးလောင်မှုအား တရားစွဲဆိုခြင်းများကို (၃-၈-၂၀၁၂)နေ့အထိ စုံစမ်းရရှိခြင်းမရှိသေးပါ။ သတင်းဓာတ်ပုံများ နှင့် မျက်မြင်သက်သေများအား အင်တာဗျူးသတင်းများအား ကောက်နှုတ်၍ မြန်မာပို့စ် မှတင်ပြလိုက်ရပါသည်။
ဆီဘောက်ဆာ ပိုင်ရှင် ဦးချိုမှ ဤသို့ ဆို၏။
`ကျွန်တော်က ရန်ကုန်ကပြန်ရောက်လို့ အိပ်နေတာဗျ။ နေ့(၁၂)ကျော်လောက်မှာ မီးမီးဆိုလို့ လန့်နိုးတယ်။ ယခု ကျွန်တော်နေတဲ့ အိမ်ကနေ ဟိုးမှာ မြင်နေရတဲ့ ခေါင်းတိုင်းမဲမဲကြီးက စက်ရုံပါ။ ဒါနဲ့ ဆီဘောက်ဆာတွေ ရေထည့်ပြီး ကျွန်တော်တို့ ကားတွေ(၇)စီးပြေးကြပါတယ်။ (၅)ခါလောက်ပေါက်ကွဲမှုဖြစ်တယ်ဗျ။ စက်ရုံက မျက်နှာကြက်တွေ ကွာကျတယ်။ ဒီမီးလောင်မှုကို မကွေးခရိုင်အုပ်ချုပ်ရေးမှူး ဦးမင်းအေးလွင် နဲ့ မကွေးတိုင်းဒေသကြီး မီးသတ်တိုင်းမှူး ဦးတင်မင်းတို့လည်း ရောက်လာကြပါတယ်။ ချောက်မြို့က အုပ်ချုပ်ရေးမှူး၊ မြို့နယ်ရဲမှူးနှင့်ရဲတပ်ဖွဲ့များ မီးသတ်တပ်ဖွဲ့ဝင်များ စုပေါင်းငြိမ်းသတ်ကြပါတယ်ဗျာ..။ ချောက်မြို့ရေနံချက်စက်ရုံကလာပေးတဲ့ မီးသတ်ဆေးဘူး ပေပါအပြာကြီးတွေ လာပေးလို့ မီးငြိမ်းသတ်လို့ရသွားတာပါ။ ဒီလိုစက်ရုံမျိူးတွေမှာ အဲဒီလို မီးသတ်ဆေးဗူးမျိုးတွေ ကြိုတင်ဆောင်ထားပေး သင့်ပါတယ်ဗျာ..။ အဲဒီဆေးတွေသာ ကြိုရှိထားရင် ဒီလိုကြီး မီးမလောင်ဘူးထင်ပါတယ်။ ဒီလိုစက်ရုံ မီးငြိမ်းသတ်တဲ့ နည်းကိုသိတဲ့ မကွေးတိုင်းမီးသတ်တိုင်းမှူးတစ်ယောက်သာရှိ ပါတယ်။ သူခိုင်စေတဲ့ အတိုင်း ကျွန်တော်တို့ လုပ်ဆောင်ကြရပါတယ်။ ´ဟု ရေဘောက်ဆာမောင်းသူ ပိုင်ရှင် ဦးချိုမှ မြန်မာပို့စ် ကိုပြောပါသည်။
ချောက်မြို့မှ မီးသတ်တပ်ဖွဲ့တပ်ကြပ်ကြီးတစ်ဦးကလည်း ဤသို့ဆိုပါသည်။
``ကျွန်တော့်လုပ်သက်(၃၅)နှစ်ရှိပါပြီ။ ဒီလိုစက်ရုံကို မီးလောင်တာ လုံးဝမရှိခဲ့ပါဘူး။ ညက သတင်းဌာနတစ်ခုမှာ ကျွန်တော်တို့ မီးသတ်ရဲဘော်တစ်ဦးထိခိုက်တယ် လို့ ပြောဆိုသွားပါတယ်။ လက်ကို နည်းနည်းလေးဘဲ ခိုင်းမိသွားတာပါ။ လူအသေ အပျောက်လုံးဝမရှိပါဘူး။ မီးလောင်တာနဲ့ ကိုချိုတို့ ရေဘောက်ဆာတွေရော ကျွန်တော်တို့ ချောက်မြို့ကမီးသတ်ကား၊ ချောက်ရေနံမြေမီးသတ်ကား၊ ရေနံချောင်း၊ ကျောက်ပန်းတောင်း၊စလေမြို့၊ ဆိပ်ဖြူ၊ ညောင်ဦးမြို့ကမီးသတ်ကားတွေလာကြပါတယ်။ အဲ မီးသတ်နေတုန်း အတွေ့အကြုံကတော့ တော်တော်လေးကို သက်စွန့်ဆံဖြားလုပ်ကြရပါတယ်။ အောက်ကရေထုတ်မြောင်းတွေထဲကနေ မီးတောက်တွေက ပြေးလာပါတယ်။ အက်စစ်ရိုင်းတွေ ထားတဲ့ ကန်တွေနဲ့ ပေ(၂၀)လောက်သာ ကွာဝေးပါတော့တယ်။ အဲဒီ ရေထုတ်မြောင်းထဲကမီးတောက်တွေကို ရေနဲ့ ဖြန်းရင် မီးတောက်က ပိုကြီးလာပါတယ်။ ဒါနဲ့ ရေမြောင်းထဲက မီးတောက်တွေကို ရေမွှာသေးသေးလေးတွေနဲ့ ဖြန်းပြီးတားထားရပါတယ်။ နောက်တော့ မြောင်းထဲကမီးတွေကို ငြိမ်းသတ်ပြီးတားထားနိုင်လိုက်ကြပါတယ်။ အဲဒီမီးတောက် ရေမြောင်းနဲ့ အက်စစ်ရိုင်းသိုလှောင်ကန်ကြီး(၄)လုံးက ပေ(၂၀)လောက်မှာသာဝေးပါတော့တယ်။ အဲဒီကန်ရဲ့ ဟိုဘက်မှာ လည်း အက်စစ်ကန်(၂)ကန်ရှိနေပါတယ်။ အဲဒီအက်စစ်ကန်တွေပေါက်သွားရင်(၅)မိုင်ပါတ်လည်အတွင်း မပြင်းဆုံးပေါက်ကွဲ သွားနိုင်တယ်လို့ ကြားသိရပါတယ်။ အာနိသင်ကတော့ (၇)မိုင်ပါတ်လည်ထိ သက်ရောက်နိုင်တယ်လို့ ပြောသံကြားထားတော့ တော်တော်လေး စိတ်ပူပြီး ဆောင်ရွက်လိုက်ရပါတယ်ခင်ဗျာ..။ မကွေးတိုင်းဒေသကြီး မီးသတ်တိုင်းမှူးရဲ့ဦးဆောင်မှုကြောင့် ညနေ(၅)နာရီလောက်မှာ မီးညွှန့်ကျိုးသွားပြီး ညနေ(၆)နာရီမှာ မီးလုံးလုံးငြိမ်းသတ်နိုင်ခဲ့ကြပါတယ်။ ရေနံချောင်းမီးသတ်ကားနဲ့ ကျောက်ပန်းတောင်းမီးသတ်ကားတွေက အဆင့်မီကြတယ်။ ဓာတ်ငွေ့မီးတောက်ငြိမ်းတဲ့ ဖုံးဆေးရေတွေကို ပရက်ရှာအလိုက် စပ်ပေးနိုင်ကြပါတယ်။ ရေနံချောင်းကမီးသတ်ကားဟာ ရန်ကုန် သံလျင်မှာ မီးငြိမ်းသတ်တာကို ပထမ ရထားတဲ့ကားဖြစ်ပါတယ်။ ကျွန်တော်တို့ချောက်ရေနံမြေမှာလည်း အဲဒီလိုကားမျိုးတွေ ရှိထားသင့်ပါတယ်ခင်ဗျာ…။´ ချောက်မြို့ မီးသတ်တပ်ဖွဲ့(သံသေ) တပ်ကြပ်ကြီး ဦးဝင်းတင်မှ မြန်မာပို့စ်ကို ပြောဆိုပါသည်။
(၃-၈-၂၀၁၂) နေ့ နံနက်ပိုင်းတွင် ၎င်းမီးလောင်ပေါက်ကွဲသောစက်ရုံသို့ စက်မှုဝန်ကြီး ဦးစိုးသိမ်း နှင့် မကွေးတိုင်းဒေသကြီးအစိုးရအဖွဲ့ ၀န်ကြီးချုပ် သီရိပျံချီ ဦးဘုန်းမော်ရွှေ တို့လာရောက်ကြည့်ရှုစစ်ဆေးကြောင်း သတင်းရရှိခဲ့ပါသည်။
ဝိုင်းကြည်အောင်
Artikel `ချောက်မြို့နယ်တွင်းမှ ဟိုက်ဒရိုဂျင်ပါအောက်ဆိုက် စက်ရုံတွင် မီးလောင်ပေါက်ကွဲ´ ini dipublish oleh shwelannwelanwinkyi pada hari Sunday, August 5, 2012. Semoga artikel ini dapat bermanfaat.Terimakasih atas kunjungan Anda silahkan tinggalkan komentar.sudah ada 0 komentar: di postingan `ချောက်မြို့နယ်တွင်းမှ ဟိုက်ဒရိုဂျင်ပါအောက်ဆိုက် စက်ရုံတွင် မီးလောင်ပေါက်ကွဲ´
Subscribe to:
Post Comments (Atom)
0 comments:
Post a Comment