``မကွေးမြို့တွင် Isis ကိုးရီးယားအလှကုန်ပစ္စည်း ဆိုင်သစ်ဖွင့်၍ ကံစမ်းမဲများ ချီးမြှင့်´´

ဧပြီ(၂၆)ရက်နေ့တွင် မကွေးမြို့ ဈေးရပ် ပြည်တော်သာလမ်းနှင့် ဘုရားလမ်းထောင့် (မြို့မဈေးကြီး အရှေ့ဘက်) ရှိ Isis အိုက်ဆစ် အမည်ဖြင့် ကိုးရီးယားအလှကုန်များ၊ အလှပြင်ဆိုင်သုံးပစ္စည်းများ အရောင်းဆိုင်သစ် ဖွင့်လှစ်ကြောင်း သတင်းရရှိသည်။ အဆိုပါဆိုင်၏ထူးခြားချက်မှာ နိုင်ငံခြားဖြစ် အလှကုန်ပစ္စည်းများသာ အသုံးပြုထားခြင်းနှင့် Joycos ကုမ္မဏီ စက်ရုံထုတ် အလှကုန်များကို ရောင်းချပေးထားကြောင်း၊ Isis ဆိုင်မှ ၀ယ်ယူသုံးစွဲကြသော သူများကို Joycos ကုမ္မဏီ ၏ မန်ဘာများအား လစဉ်ဝင်ငွေများရရှိအောင် စီစဉ်ဆောင်ရွက်ပေးထားသည်ဆို၏။ တစ်သောင်းအမှတ် ဖြင့်(အနည်းဆုံး) ၀ယ်ယူ သုံးစွဲသူများကို Joycos ကုမ္မဏီ ၏ မန်ဘာအဖြစ်သတ်မှတ်ကြောင်း၊ ဧပြီ(၂၄)ရက်နေ့က Isis ကိုးရီးယားအလှကုန်ပစ္စည်း မိတ်ဆက်ပွဲတွင် မန်နေဂျာ ဦးထွန်းလင်းမှ အသေးစိတ်ပြောကြား၍ သိရသည်။ အိုက်ဆစ်ဆိုင် မှ ငွေကျပ်တစ်သောင်းဖိုးဝယ်ယူသူများကို မန်ဘာအဖြစ်သတ်မှတ်ပေးကြောင်း၊ အလှကုန်ဝယ်ယူသူများကို အလှပြုပြင်ပေးခြင်းနှင့် အဆိုပါ အလှကုန်ပစ္စည်း မိတ်ဆက်ပွဲသို့ တက်ရောက်လာသူ ပရိပ်သတ်များ(၁၅၀)ဦးတို့ကို ကံစမ်းမဲများ မဲဖောက်၍ ဧပြီ(၂၆)ရက်နေ့ ဆိုင်ဖွင့်ပွဲတွင် တန်ဘိုးမြင့်အလှကုန်ပစ္စည်းများ လက်ဆောင်ပေးကြောင်း၊ ကံထူးရှင်တစ်ဦးချင်းထံသို့ Isis ဆိုင်ပိုင်ရှင် ဦးသန်းရီ နှင့် ဒေါ်သင်းသင်းတို့က ဆုများချီးမြှင့်ပေးကြောင်း သတင်းရရှိသည်။

``သင်းခွေချပ် (Pongalin ) အကောင်ကြီး မကွေးမြို့၌ ထူးဆန်းစွာတွေ့ရှိ´´

ဧပြီ(၂၄)ရက်နေ့ တွင် မကွေးမြို့ ရန်ကင်းရပ် တောင်တွင်းလမ်း မကွေးတိုင်းဒေသကြီး ဆည်မြောင်းဦးစီးဌာန ရုံးအတွင်း၌ သင်းခွေချပ် အကောင်ကြီး ကို ထူးဆန်းစွာဖြင့် တွေ့ရှိထားကြောင်းသိရသည်။ အဆိုပါသင်းခွေချပ် အကောင်းကြီးကို ၁၃၇၅ ခု မြန်မာနှစ်ဆန်းတစ်ရက်နေ့ညမှာ ဖမ်းဆီးရမိကြောင်း၊ အလေးချိန် (၅)ပိဿာ (၈)ကျပ်သားရှိကြောင်း၊ သင်းခွေချပ် အကောင်ကြီး မတ်တပ်ရပ်လျှင် ၎င်းအားထည့်ထားသော ကတ္တရာပေပါအမြင့်ထိရှိ ကြောင်း၊ နေ့တွင် ၎င်း ကတ္တရာပေပါထဲမှာ ထည့်ထား၍ ခွေအိပ်နေသော ဓာတ်ပုံမှတ်တမ်းရယူ ခဲ့သည်။ ညဘက်တွင် ရေသံကန်ပျက်အကြီးထဲတွင် ပြောင်းရွှေ့ပေးကြောင်း၊ ညပိုင်းမှ ရေထည့်သံကန်ကြီးအတွင်းသို့ လှေခါးဖြင့်တက်/ဆင်းပြု လုပ်ပြီး သတင်းဓာတ်ပုံရယူခဲ့ပါသည်။ အဆိုပါ သင်းခွေချပ်အကောင်ကြီး တွေ့ရှိခြင်း အသေးစိတ်ကို ကိုယ်တိုင်ဖမ်းဆီး၍ စောင့်ရှောက်ကြွေးမွေးထားသော ဆည်မြောင်း ၀န်ထမ်းတစ်ဦးက ဤ သို့ပြောသည်။ `` ဒီကောင်ကြီးကို နှစ်ဆန်းတစ်ရက်နေ့ ညပိုင်းမှာတွေ့ပါတယ်။ ရေစင်ဘေးက သံချောင်းပုံတွေထဲကို ခွေးတွေက ၀ိုင်းပြီးဟောင်နေကြပါတယ်။ မသင်ကာလို့ ဓာတ်မီးတွေနဲ့ထိုးရှာတော့ ဒီသင်းခွေချပ် အကောင်ကြီးကို မြင်ရပါတယ်။ ပထမတော့ မြွေကြီးမှတ်နေကြပါတယ်။ ခွေးတွေကို ကြောက်ပြီး သူကထွက်ပြေးတော့ အမြီးမပါ ခန္ဓာကိုယ်ကြီးက ခွေးတစ်ကောင်လောက်ရှိနေတာကို မြင်လိုက်ရပါတယ်။ မတ်တပ်ရပ်လိုက်ရင် ကတ္တရားပေပါလောက် မြင့်ပါတယ်။ ဖမ်းမီတော့မှ သင်းခွေချပ် အကောင်ကြီးဆိုတာ သိလိုက်ရပါတယ်။ ခြေလေးချောင်းပါတယ်။ အမြီးပါတယ်။ မျက်နှာက ကြွက်ခေါင်ပုံ နားရွက်နဲ့ ခြေသဲ လက်သဲတွေပါတာကို မြင်ရတယ်။ လူကို ယခုထိတော့ ရန်မမှုသေးပါဘူး။ သူ့ကိုထိလိုက်ရင် အသံကြားရင် ခေါင်းထိုးပြီး လုံးထွေးသွားပါတယ်။ မြင်ရတဲ့အတိုင်း အကြေးခွံတွေပါပါတယ်ဗျ။ သူ့သေးနဲ့ချေးနံ့ကတော့ နံစော်နေတာဘဲ။ ပလပ်စတစ်ရေပုံးထဲကို ထည့်ပြီးချိန်ကြည့်တော့ (၅)ပိဿာနဲ့ (၈)ကျပ်သားရှိပါတယ်။ သူ့ကိုနေ့မှာ ကတ္တရာပေပါခွန်ထဲမှာ ထည့်ထားတယ်။ နေ့ဆို လုံးပြီးခွေနေပါတယ်။ ည သံကန်ကြီးထဲမှာ ပြောင်းပြီးထားပေးပါတယ်။ ညဆိုရင် သံကန်ကြီးထဲမှာ ပြေးလွှာနေပါတယ်။ လောလောဆယ် အစာကတော့ ကန်စွန်းရွက် နဲ့ ရေကိုသာ တိုက်ကြွေးပါတယ်။ ပရွှတ်ဆိတ်အုံတွေဆိုလည်း စားပါတယ်။ ဒီ သင်းခွေချပ်ကြီးကို သက်ဆိုင်ရာသို့ အပ်နှံဖို့ စီစဉ်နေတယ်လို့သိရပါတယ်ခင်ဗျာ…။´ ဟု အမည်မဖော်လိုသူ ဆည်မြောင်းဝန်ထမ်းတစ်ဦးက မြန်မာပို့စ်ကို ပြောသည်။ Pongalin သင်းခွေချပ်သတ္တ၀ါ ဟုဆို၏။ ပင်လယ်ရေစပ်များတွင် ကျက်စားသွားလာသည်ဟု အင်္ဂလိပ် အဘိဓာန်တွင် ဖော်ပြထားကြောင်းတွေ့ရှိရသည်။ မြန်မာ့ဓလေ့အရ ရှေးလူကြီးများ၏ ပြောထားခဲ့သော စကားအရ သင်းချွေချပ် သတ္တာဝါက လူနာမည်ကို ခေါ်ဆိုတတ်ကြောင်း အမည်ခေါ်ဆိုခံရသူမှ ပြန်ပြီးထူးခဲ့လျှင် သေတတ်သည် ဟု ပြောဆိုသံများထားခဲ့ကြောင်း သိရှိရသည်။

``မကွေးမြို့နယ်အတွင်း ဧပြီ(၂၃) ရက်နေ့မှာ (၁၅၀၀ိ)တန် ဖုန်း CDMA 800 MHz ဆင်းကဒ်ပေါင်း(၁၃၄၆) ရောင်းစာရင်း ဆက်သွယ်ရေးက စတင်ကြေငြာ´´

မကွေးတိုင်းဒေသကြီးအတွက် (၁၅၀၀ိ)တန်ဖုန်း CDMA 800 MHz ဆင်းကဒ်ပေါင်း ဧပြီလခွဲတမ်း(၁၅၀၀၀) ရရှိကြောင်း သတင်းရရှိသည်။ မကွေးမြို့နယ်အတွက် CDMA 800 Hmz ဆင်းကဒ်(၅၀၀၀)ရရှိသည်။ ဧပြီ(၂၁)နေ့အထိ လျှောက်ထားသူ လျှောက်လွှာ(၁၄၀၀)လက်ခံရရှိကြောင်း၊ အဆိုပါလျှောက်လွှာများမှ သတ်မှတ်မှတ်စည်းကမ်းချက်များနှင့်ပြည့်စုံသူ လျှောက်လွှာ(၁၃၄၆)ဦးကို ဧပြီ(၂၃)ရက်နေ့ညနေ(၄)နာရီတွင် မကွေးမြို့ ရွာသစ်ရပ်ကွက် ဗိုလ်ချုပ်လမ်းရှိ အော်တိုအိတ်ချိန်း မှာ စာရင်းများကပ်၍ ထုန်ပြန်ကြေငြာပေးသည်။ ဧပြီ(၂၄)ရက်နေ့မှစတင်၍ တစ်နေ့လျှင်ဖုန်းဆင်းကဒ်(၂၀၀)နှုန်းဖြင့် လျှောက်လွှာ နံပါတ်စဉ်အတိုင်း ဧပြီ(၃၀)ရက်နေ့အထိ နေ့စဉ်ရောင်းချပေးသွားမည်သိရသည်။ ၎င်း(၁၅၀၀ိ)တန် ဖုန်းဆင်းကဒ်များကို မကွေးမြို့ အစိုးရရပ် လမ်းငါးသွယ်လမ်းဆုံရှိ မကွေးတိုင်းဒေသကြီး လက်ထောက်မန်နေဂျာ ဆက်သွယ်ရေးရုံးမှာ ရောင်းချပေးမည်ဖြစ်ကြောင်း၊ ဖုန်းဆင်းကဒ်စာရင်းကြေငြာထားသော အော်တိုအိတ်ချိန်းရုံးမှ တာဝန်ခံအရာရှိ ဦးသန်းဦး နှင့်တွေ့ဆုံ၍ ပြောကြားချက်များမှ ကောက်နှုတ်ဖော်ပြချက်ဖြင့် သတင်းရယူခဲ့သည်။ `` ကျွန်တော်တို့ဆက်သွယ်ရေးက ဖုန်းလျှောက်လွှာတွေကို အခမဲ့ နမူနာ ပေးပါတယ်။ မိတ္တူပွားပြီး လျှောက်ထားနိုင်ကြပါ တယ်။ အချို့ကျေးရွာတွေမှာ ရောင်းတယ်ဆိုတာ ကျွန်တော်တို့နဲ့ မဆိုင်ပါဘူး။ ယနေ့ကြေငြာပေးထားတဲ့(၁၃၄၆) ဦးထဲမှာ ၀န်ထမ်းတွေ မပါသေးပါဘူး။ ၀န်ထမ်းတွေကို ဒီလ(၂၆)ရက်နေ့ နောက်ဆုံးထားပြီး လျှောက်ထားကြဖို့ သက်ဆိုင်ရာမှ စာထွက်အကြောင်းကြားထားပါတယ်။ ယနေ့စာရင်းက လျှောက်လွှာပေါင်း(၁၄၀၀)ထဲမှ (၁၃၄၆)ဦးကို ချပေးတာပါ။ ကျန်တဲ့လျှောက်လွှာတွေကို ပယ်ထားပါတယ်။ ဘာကြောင့်ပယ်တာလဲဆိုရင် မကွေးမြို့နယ် အိမ်ထောင်စုစာရင်းမဟုတ် သူများကိုပယ်ပါတယ်။ အိမ်ထောင်စု တစ်ခုမှာ တစ်ဦးနှုန်းနဲ့သာပေးပါတယ်။ အိမ်ထောင်စုစာရင်းတစ်ခုထဲက တစ်ဦးထက်ပိုနေသူတွေကို ပယ်ထားပါတယ်။ ဒါလည်း အားလုံးကို မျှမျှတတနဲ့ ရစေချင်လို့ပါ။ မကွေးမြို့နယ်အတွက် ခွဲတမ်း(၅၀၀၀)မှာ လျှောက်လွှာတင်သူ(၁၄၀၀)ဦးသာ ရှိပါတယ်။ နောက်လတွေမှာ ဒီလက်ကျန်စာရင်းပဲထားမလား ဆက်ပြီးခွဲတမ်းချပေးမလားဆိုတာတော့ မပြောနိုင်သေးပါဘူးခင်ဗျာ..´´ ဟု မကွေးတိုင်းဆက်သွယ်ရေး အော်တို အိတ်ချိန်းရုံးမှ အရာရှိ ဦးသန်းဦး က ပြောသည်။

`မကွေးမြို့မှာ မြန်မာ့ရှေ့ဆောင်ဘဏ်ခွဲ (၂၂) ဖွင့်ပြီ၊

`မကွေးမြို့မှာ မြန်မာ့ရှေ့ဆောင်ဘဏ်ခွဲ (၂၂) ဖွင့်ပြီ၊ အများပြည်သူတွေအတွက် နိုင်ငံတော်မှ ပုဂ္ဂလိဘဏ်တွေကို ဒီထက် ပိုမို၍လုပ်ပိုင်ခွင့်များ ဖွင့်ပေးစေလို ဟု ဦးချစ်ခိုင်တောင်းဆို´ ဧပြီ(၈)ရက်နေ့ နံနက်ပိုင်းတွင် မကွေးမြို့၊ပြည်တော်သာလမ်း၊ရွာသစ်ရပ်ကွက် မြန်မာရှေ့ဆောင်ဘဏ်ခွဲ အမှတ်(၂၂) ကို မကွေးတိုင်းဒေသကြီး ၀န်ကြီးချုပ် ဦးဘုန်းမော်ရွှေ တက်ရောက်၍ ဖွင့်လှစ်ပေးကြောင်းသိရသည်။ ထူးခြားစွာဖြင့် ဘဏ်ဖွင့်ပွဲတွင် ငွေစုသူများ နှင့် ဧည့်ပရိပ်သတ်များကို ထိုက်တန်စွာ လက်ဆောင်များပေး၍ အကြွေးအမွေးများနှင့် ဖော်ရွေပျုငှါစွာဖြင့် ကြိုဆိုဧည့်ခံကြောင်း သိရသည်။ မြန်မာ့ရှေ့ဆောင်ဘဏ် လီမီတက် ဥက္ကဋ္ဌ ဦးချစ်ခိုင်၊ မကွေးဘဏ်ခွဲ ဘဏ်မန်နေဂျာ ဒေါ်သီတာ နှင့် မကွေးဘဏ်ခွဲ မာကီးတင်း မန်နေဂျာ ဦးနိုင်အောင် တို့အဖွဲ့က မကွေးတိုင်းဒေသကြီး သတင်းစာဆရာအသင်း သိလိုသည်များကို တွေ့ဆုံခဲ့ရာမှ ကောက်နှုတ်ဖော်ပြပါသည်။ ``အများပြည်သူတွေအတွက် ကျွန်တော်တို့ဘဏ်တွေကို အတိုးနှုန်းလေးကိုတော့ လက်ရှိအခြေနေမှာနိုင်ငံတော်က လျှော့ပေးဖို့စဉ်းစားနေပါတယ်။ စဉ်းစားနေတဲ့အပိုင်းကလည်း မကြာခင်မှာ ဖြစ်လာတော့မယ်လို့ယုံကြည်မိပါတယ်။ ကျွန်တော်တို့ကလည်း လျှော့ပေးစေချင်ပါတယ်။ သူတို့ကအတိုးနှုန်းလျှော့ပေးသလို ဘဏ်တွေရဲ့ လုပ်ပိုင်ခွင့်ကိုလည်း ဒီထက်မက ပိုမိုပြီး ကျယ်ကျယ်ပြန့်ပြန့်ခွင့်ပြုပေးဖို့လိုအပ်ပါတယ်။ ဥပမာ အနေနဲ့ပြောရရင် ချေးငွေရဲ့၇၀% ကိုဘဲ ကျွန်တော်တို့က ပြန်ချေးလို့ရပါတယ်။ ၇၀% ချေးငွေက (၁၃%)ဆိုတော့ ကိုးကျပ်လောက်ပဲရပါတယ်။ ကျွန်တော်က ပြန်ပေး ရတော့ ရှစ်ကျပ်ပြန်ပေးရမှာပါ။ ၀န်ဆောင်မှုတွေနဲ့ ရင်းနှီးမြုပ်နှံမှုတွေနဲ့ ဆိုတော့ ကျွန်တော်တို့ဘဏ်တွေမှာ အကြပ်အတည်းလေးတွေ တွေ့နေရပါတယ်။ ကျန်တဲ့ပရောကက်တွေနဲ့ အင်တာနေရှင်နယ် ဘဏ်ကီးတွေပေါ်လာရင်တော့ ဒါတွေဟာ တစ်ဖြည်းဖြည်းလျှော့နည်းသွားပါ့မယ်။ ယခုမကွေးဘဏ်ရောဆိုရင် ဘဏ်ပေါင်း(၂၂)ခုရှိပါပြီ။ ၂၀၁၅ ခု မရောက်ခင်မှာ အနည်းဆုံး ဘဏ်ခွဲပေါင်း(၁၀၀)အထိဖွင့်ဖို့ စီစဉ်ထားပါတယ်။ မြန်မာ့ရှေ့ဆောင်ဘဏ်ရဲ့ မတည်ရင်းနှီးငွေပေါင်းကတော့ ယခုအထိ (၄၀)ဘီလျံအထိရှိပါပြီ..။ မကြာခင်မှာ မြင်းခြံမြို့၊ မိထ္ထီလာမြို့ သံတွဲနဲ့ တောင်ကုတ်မြို့တွေမှာ ဆက်လက်ဖွင့်သွားဖို့ စီစဉ်ထားပါတယ်ခင်ဗျာ…။´´ဟု မြန်မာ့ရှေ့ဆောင်ဘဏ် ဥက္ကဋ္ဌ ဦးချစ်ခိုင်မှ မြန်မာပို့စ် ဂလိုဘယ်သို့ ပြောသည်။ အဆိုပါ ဘဏ်ဖွင့်ပွဲတွင် မြန်မာရှေ့ဆောင်ဘဏ် ဥက္ကဋ္ဌ ဦးချစ်ခိုင် မှ မကွေးမြို့ ဖန်းခါးမြေ ဘိုးဘွားရိပ်သာ အတွက် ငွေကျပ်သိန်း(၅၀) နှင့် မကွေးမြို့ မိဘမဲ့ နေ့ကလေးထိန်းကျောင်းအတွက် ငွေကျပ်သိန်း(၅၀)တို့ကို လှူဒါန်းကြောင်း သတင်းရရှိသည်။

`မကွေးမြို့နယ်မှ ကျေးရွာအုပ်ချုပ်ရေးမှူးဟောင်း နှင့် အသစ်တို့၏ အမှုများကြောင့် သီးနှံများကို (အချိန်မီ)ရိတ်သိမ်းခွင့် မပြု၍ တောင်သူများသောက နှင့်ဒေါသများနေရ´

မကွေးမြို့နယ် ကမ်းရင်ကျေးရွာ နှင့် သဖန်းဆိပ်ကျေးရွာတို့ အငြင်းပွားနေသော မြေနုကျွန်းကွင်းအမှတ်(၁၆၂၉) တွင် ကမ်းရင်ရွာသား မြေယာမဲ့တောင်သူ(ရေလုပ်သားအချို့နှင့် လက်လုပ်လက်စား(ကူလီ) (၄၃)ဦးတို့သည် ၎င်းမြေနုကျွန်းပေါ်သို့ စိုက်ပျိုးခဲ့ကြသည်ဟု သိရသည်။ စိုက်ပျိုးခဲ့သော သီးနှံများမှာ ပန်းနှမ်း၊ နေကြာ နှင့် မြေပဲတို့ကို စိုက်ပျိုးခဲ့ကြသည်ဆိုကြ၏။ အဆိုပါ မြေနုကျွန်းကို ရွာနှစ်ရွာ အငြင်းပွားပြီး တရားရုံးသို့ တရားစွဲဆိုထားကြောင်းသိရသည်။ ၎င်းမြေနုကျွန်းပေါ်တွင် စိုက်ပျိုးစဉ်က မည်သူတစ်ဦး တစ်ယောက်ကမျှ တားဆီးပိတ်ပင့် ခြင်းမရှိခဲ့ကြဟု ဆိုသည်။ ရပ်ကွက်ကျေးရွာ အုပ်ချုပ်ရေးမှူးများ ပြန်လည်ရွေးချယ်ပွဲတွင် ကမ်းရင်ကျေးရွာမှာ အုပ်ချုပ်ရေးမှူးအသစ်ကို ရွေးချယ်နိုင်ခဲ့၏။ ထိုအချိန်မှ စတင်၍ ကမ်းရင်ကျေးရွာတွင် အုပ်ချုပ်ရေးမှူး အဟောင်း အသစ်တို့ မကြေနပ်မှုများဖြစ်ပြီး အပြန်အလှန် တရားစွဲဆိုကြသည်ဟု သိရသည်။ ကမ်းရင်ကျေးရွာအုပ်ချုပ်ရေးမှူးအသစ် ဦးကျော်ဇင် ပါ သုံးဦးတို့ကို အဆိုပါမြေနုကျွန်းပေါ်မှာ ကျူးကျော်စိုက်ပျိုးခဲ့မှု ဖြင့် တရားစွဲဆိုခဲ့သည်ဟု သိရ၏။ ကမ်းရင်ကျေးရွာမှ ရွာသား ဦးဖိုးဆိတ် ကလည်း အုပ်ချုပ်ရေးမှူးဟောင်း ဦးအေးမြင့် ကို ကျောင်းပြင်ရန်ငွေ(၂၁)သိန်းကို အလွှဲသုံးစားမှု ပြုသည်ဟု စွပ်စွဲ၍ ဖေဖော်ဝါရီ(၁၈)ရက်နေ့တွင် မကွေးမြို့မရဲစခန်းမှာ (ပ)၄၃/၂၀၁၃ ပုဒ်မ ၄၀၉ နှင့် အမှုဖွင့်ထားကြောင်းသိရသည်။ ဧပြီ(၂)ရက်နေ့ (တစ်လ)ခန့်ကျော် အကြာအထိ ၎င်းအမှုကို မြို့နယ်တရားရုံးသို့ မတင်နိုင်သေးကြောင်း၊ အုပ်ချုပ်ရေးမှူးဟောင်း ဦးအေးမြင့်အား ဖမ်းဆီးခြင်းမရှိခဲ့ကြောင်း၊ တရားခံဟု စွပ်စွဲထားသူအား သက်ဆိုင်ရာမှ ထိမ်းသိမ်း မဖမ်းဆီးခဲ့ခြင်းကြောင့် တရားခံမှ အမှုကို ပျက်ပြားစေရန်အတွက် ရွာထဲတွင် မမှန်သက်သေများစုဆောင်းခြင်း၊ အုပ်ချုပ်ရေးမှူးအဟောင်း ဦးအေးမြင့်က အသစ် ဦးကျော်ဇင်သို့ ဖေဖော်ဝါရီလ(၁)ရက် နေ့ လွဲပြောင်းပေးစဉ်တုန်းက ကမ်းရင်ကျေးရွာရဲ့ ရငွေ သုံးငွေများကို လုံးဝ လွှဲပြောင်းမပေးခဲ့ပါကြောင်း၊ ကိုအေးမြင့်က ယခုမြေနုကျွန်း ကွင်း(၁၆၂၉)မှ (၂)နှစ်ခန့်အတွင်း လေလံတင်၍ ရငွေများကိုစာရင်းမပြခြင်း။ အစိုးရမူလတန်းကျောင်း အတွက် မြေနုကျွန်းမှ လေလံတင်၍ ရငွေ(၂၁)သိန်းကိုလည်း မိမိကိုယ်ပိုင် အဖြစ်သုံးစွဲခဲ့ခြင်း။ ယခုအမှုဖွင့်ပြီးမှ အုပ်ချုပ်ရေးမှူးဟောင်း ဦးအေးမြင့်က သူ့သဘောနဲ့သူသာ ကျောင်းကို ဇွတ်အတင်းဝင်ရောက်လုပ်ကိုင်နေကြောင်း၊ (ဥပမာ- ယခုမှ အစိုးရမူလတန်းကျောင်းတံခါးများကို (တရားစွဲဆိုပြီး) မှ လာရောက်၍တပ်နေသည်၊)။ ဒီကိစ္စတွေကို မတ်(၂၂)ရက်နေ့က မကွေးတိုင်းရဲတပ်ဖွဲ့မှူးရုံး ဖုန်း ၀၆၃-၂၈၀၈၈ သို့ ဖုန်းဆက်အကူအညီတောင်းခဲ့သော်လည်း ဧပြီ(၂)ရက်နေ့အထိ တရားခံကို ဖမ်းဆီးထိမ်းသိမ်းခြင်း မရှိသေးကြောင်း တရားလို ဦးဖိုးဆိတ်မှ မြန်မာပို့စ်သို့ ပြောသည်။ အဆိုပါကိစ္စများကြောင့် စိုက်ပျိုးစဉ်က ပြဿနာ တစ်စုံတစ်ရာ မရှိခဲ့သော်လည်း မြေနုကျွန်းအမှုဖြစ်ပေါ်လာသောအခါ သက်ဆိုင်ရာ မှ စိုက်ပျိုးခဲ့သော သီးနှံများကိုရိတ်သိမ်းခွင့်မပြုဟု တားမြစ်ခဲ့သည်သိရ၏။ ထိုကိစ္စကို ဧပြီ(၂)ရက်နေ့တွင် ကမ်းရင်တောင်သူ(၄၃)ဦးတို့က သတင်းမီဒီယာများသို့ ဖိတ်ကြား၍ ရှင်းလင်းပွဲပြုလုပ်ခဲ့သည်။ ``ကျွန်တော့်နာမည် ကိုလှထွန်းပါ။ ကမ်းရင်ရွာသားပါ။ အလုပ်က လက်လုပ်လက်စား တစ်ဦးပါ။ ဒီမြေနုကျွန်းပေါ်ပြီး ကျွန်တော်နဲ့အတူ (၄၃)ဦးဝင်ရောက်လုပ်ကိုင်ခဲ့ပါတယ်။ သီးတင်းကျွတ်လဆန်း(၂)ရက်နေ့က ပန်းနှမ်းများကိုစတင်ကြဲခဲ့ ပါတယ်။ အဲဒီ စိုက်ပျိုးစဉ်တုန်ုးကလည်း အုပ်ချုပ်ရေးမှူး ဦးအေးမြင့်က လာရောက်တားဆီးခဲ့ခြင်းမရှိပါဘူး။ အုပ်ချုပ်ရေးမှူးရွေးချယ်ပွဲပြီးလို့ ဦးအေးမြင့် မဲရှုံးပြီး ကိုကျော်ဇင်က အုပ်ချုပ်ရေးမှူးအသစ် ဖြစ်လာပါတယ်။ အဲဒီကျမှ ကိုကျော်ဇင် ပါ သုံးဦးကို မြေနုကျွန်းပေါ် ကျူးကျော်မှုဆိုပြီး တရားစွဲကြတယ်။ အဲဒီအမှုကြောင့်ဆိုပြီး သက်ဆိုင်ရာ သီးနှံများကို မရိတ်သိမ်းရဘူးဆို စာထုတ်ပြီး တားခံရတယ်။ အဲဒါကြောင့် ပန်းနှမ်းတွေကို အချိန်မှီ မသိမ်းဆည်းလိုက်ရလို့ ငွေကျပ်သိန်း(၃၀)ကျော်ဖိုးလောက် ဆုံးရှုံးနစ်နာသွားကြရပါပြီ။ ဒီစိုက်ပျိုးသွင်းစရိတ်အတွက် ငွေတွေကို ချေးငှါးခဲ့ရတာပါ။ ယခုတော့ ပန်းနှမ်းတွေဆုံးရှုံးလို့ ကြွေးတွေထပ်တင်ကုန်ကြပါပြီဗျာ…´´။ ဟု ကမ်းရင်ရွာသား အသက်(၅၆) ဦးလှထွန်းက ပြောသည်။ ``ကျွန်တော့်နာမည် ကမ်းရင်ရွာသား မြင့်လွင်ပါ။ မြေယာမဲ့ပါ။ ဒီကျွန်းပေါ်မှာ မျိုးမြေပဲတင်းပေါင်း(၅၇)တင်းနဲ့ နေကြာမျိုးတွေကို (၁၈-၁၁-၂၀၁၂) နေ့က ကျဲခဲ့ကြပါတယ်။ ဒီသီးနှံ သုံးမျိုး စိုက်ပျိုးစရိတ်က သိန်း(၅၇)သိန်းကုန်ပါတယ်။ အဲဒီငွေတွေက ငွေတစ်ရာကျပ်ကို တစ်ဆယ်တိုးနဲ့ ချေးငှါးပြီးစိုက်ပျိုးခဲ့ကြရတာပါ။ ကျွန်တော်တို့ကျဲစဉ်က ဘယ်သူကမှ လာရောက်တားဆီးခဲ့ခြင်း မရှိကြပါဘူး။ အုပ်ချုပ်ရေးမှူးဟောင်း နဲ့ အသစ်ပြောင်းမှသာ ဒီ ပြဿနာဖြစ်ခဲ့တာပါ။ သီးနှံတွေ ရိတ်သိမ်းခွင့်ကို မကွေးတိုင်းဒေသကြီးအစိုးရအဖွဲ့နဲ့ အောက်ခြေကစပြီး အဆင့်ဆင့်ထံကို အသနားခံခဲ့ကြပါတယ်။ ဒီနေ့အ ထိ ဘာမှမထူးပါဘူး။ ယခုချိန်မှာ ဖော်ခွင့် သိမ်းခွင့်ရရင် နေကြာက တစ်ဝက်ခန့်ကျန်ပါသေးတယ်။ မြေပဲကလည်း ဖော်ချိန်ရောက်နေပါပြီ…။ ဒီကျန်တဲ့ သီးနှံ နှစ်မျိုးထပ်ဆုံးရှုံးရမယ် ဆိုရင် စုစုပေါင်းတန်းဘိုးငွေသိန်း(၁၅၀)ကျော်ပါ့တယ်။ ဒီလိုသာဆိုရင် ကျွန်တော်တို့(၄၃)ဦးတို့ရဲ့ မိသားစုဘ၀တွေဟာ ငတ်တဲ့အပြင် ကြွေးရှင်တွေက လာလာပြီးပူနေကြလုိ့ ရွာထဲကို မသွားရဲဘူးဖြစ်နေကြပါတယ်။ ဒါကြောင့် ဒီကျန်တဲ့ အသီးအပင်လေးတွေကိုမှ မသိမ်းဆည်းရရင် ကျွန်တော်တို့ဘ၀ နေမထူး သေမထူးတွေ ဖြစ်နေကြပါပြီ။ မိသားစုဘ၀တွေ အရှင်လတ်လတ်နဲ့ သေနေကြပါပြီ။ ဒါကြောင့် မြို့တက်ပြီး သက်ဆိုင်ရာကို ဆန္ဒဖော်ထုတ်ဖို့ အုပ်ချုပ်ရေးမှူး အသစ် ကိုကျော်ဇင်ဆီကို (၂၅)ရက်နေ့က တင်ထားကြပါတယ်ဗျာ…။´´ဟု ကမ်းရင်ရွာသား ကိုမြင့်လွင် မှ မြန်မာပို့စ် သို့ ပြောသည်။ `` ကျွန်တော့်နာမည်ကတော့ မောင်လှဦးဖြစ်ပါတယ်။ မြေယာမဲ့ဖြစ်လို့ ဒီကျွန်းပေါ်ကိုလာလုပ်ကြတာပါ။ ကျွန်တော်တို့က စုစုပေါင်း(၄၃) ဦးပါ။ ကျွန်တော်တို့(၄၃)ဦးလုံးက တစ်ယောက်မှ နွား လှည်းမရှိကြပါဘူး။ လူနဲ့ ထွန်းယက်စိုက်ပျိုးခဲ့ကြရ တာပါ။ ငွေမရှိလို့ ချေးငှါးပြီး စိုက်ပျိုးခဲ့ရတာပါ။ ယခု မြို့နယ်က စီစဉ်ထားတဲ့ ဘုံအဖွဲ့တစ်ခုကနေ လာရောက်သိမ်းဆည်းမယ် ဆိုတာကိုလည်း လက်မခံနိုင်ပါဘူး။ ဒီကျွန်းက သဖန်းဆိပ်မြေကျွန်းမဟုတ်ပါဘူး။ ကျွန်တော်တို့ရဲ့ ဘိုးစဉ်ဘောင်ဆက် ကမ်းရင်ရွာသားတွေလုပ်ကိုင် စားသောက်ခဲ့ကြတာပါ။´´ ဟု ကမ်းရင် ရွာသား မောင်လှဦး မှ မြန်မာပို့စ်သို့ပြောသည်။ အဆိုပါ သီးနှီများရိတ်သိမ်းရန်ကိစ္စကို ဧပြီ(၃)ရက်မှနေ့တွင် ကမ်းရင်ရွာသား တောင်သူများကို မကွေးမြို့နယ် အုပ်ချုပ်ရေးမှူးရုံးမှ ဖုန်းဆက်၍ ခေါ်ဆိုကြောင်း၊ ထို့ကြောင့် နေ့စဉ်နေ့တိုင်း လာရောက်ခဲ့သော်လည်း ဧပြီ(၅)ရက်နေ့ ညနေပိုင်းမှ မြို့နယ်အုပ်ချုပ်ရေးမှူးနှင့် တွေ့ဆုံခဲ့ရကြောင်း၊ မြို့နယ်အုပ်ချုပ်ရေးမှူး နှင့် မြို့နယ်မြေယာကြီးကြပ်ရေးကော်မတီ အဖွဲ့ က ဧပြီ(၆)ရက်နေ့တွင် အဆိုပါ(၁၆၂၉) မြေနုကျွန်းပေါ်သို့ လာရောက်ခဲ့သည်။ ကမ်းရင်ကျေးရွာအုပ်ချုပ်ရေးမှူး နှင့် စိုက်ပျိုးသော တောင်သူများထဲမှ(၃)ဦး၊ သဖန်းဆိပ်ကျေးရွာမှ တောင်သူ(၃)ဦး နှင့် ကျေးရွာအုပ်ချုပ်ရေးမှူး အဖွဲ့တို့မှ ၎င်း မြေနုကျွန်းတွင် စုပေါင်းတွေ့ဆုံကြ၍ မြို့နယ်အုပ်ချုပ်ရေးမှူးနှင့် အဖွဲ့က ဤသို့ဆုံးဖြတ်ကြောင်းသိရသည်။ ၎င်းမြေနုကျွန်းပေါ်ရှိ သဖန်းဆိပ်ရွာနှင့် ကမ်းရင်ကျေးရွာတို့ စိုက်ပျိုးထားသောသီးနှံများကို ကမ်းရင်ကျေးရွာတောင်သူများ၏ လုပ်အားဖြင့်သာ သိမ်းဆည်းပေးရန်။ သိမ်းဆည်း၍ ရရှိသောသီးနှံများကို ကြီးကြပ်ရေးဘုံအဖွဲ့ မကွေးမြို့ကုန်သည်ကြီးများအသင်း ဥက္ကဋ္ဌ ထံသို့ ခေတ္တအပ်ထားရန်။ ၎င်းဆုံးဖြတ်ချက်အား နှစ်ရွာမှ သဘောတူကြောင်းလက်မှတ်ရေးထိုးပြီး ဧပြီ(၈)ရက်နေ့ မကွေးမြို့နယ်အုပ်ချုပ်ရေးမှူးရုံးသို့ လာရောက်၍စာတင်ကြရန်။ မြို့နယ်အုပ်ချုပ်ရေးမှူးက ဧပြီ(၉)ရက်နေ့တွင် မကွေးမြို့နယ်တရားရုံးသို့ ဆက်လက်တင်ပြရန်။ အဆိုပါမြေနုကျွန်းအမှုအား ထိုနေ့တွင် တရားရုံးမှ ဆုံးဖြတ်ခွင့်ပြုချက်အရ ဆက်လက်ဆောင်ရွက်သွားကြရန် တို့ကို မကွေးမြို့နယ်မြေရာကြီးကြပ်ရေးကော်မတီအဖွဲ့ က ဆုံးဖြတ်၍ ညှိနှိုင်းပေးလိုက်သည်ဟု ကမ်းရင်ကျေးရွာအုပ်ချုပ်ရေးမှူး ဦးကျော်ဇင်က မြန်မာပို့စ်သို့ပြောသည်။

`မကွေးမြို့နယ်မှ မြေယာမဲ့တောင်သူ(၄၃) ဦးတို့ ၏ သီးနှံများကို အချိန်မီ ရိတ်သိမ်းခွင့်မရ၍ အတိဒုက္ခရောက်နေကြောင်း မီဒီယာရှင်းလင်းပွဲ´

ဧပြီ(၂)နေ့မှာ မကွေးမြို့နယ် ကမ်းရင်ကျေးရွာနှင့် သဖန်းဆိပ်ကျေးရွာတို့၏ အငြင်းပွားနေသော ကွင်းအမှတ်(၁၆၂၉) မြေနုကျွန်းပေါ်တွင် ကမ်းရင်ကျေးရွာမှ မြေယာမဲ့တောင်သူ(၄၃) ဦးတို့ ၏ စိုက်ပျိုးထားခဲ့သော သီးနှံများကို အချိန်မီ ရိတ်သိမ်းခွင့်မရကြောင်း ရှင်းလင်းပွဲလုပ်ကြသည်ဟု သတင်းရရှိသည်။ အဆိုပါကိစ္စကို ကမ်းရင်ကျေးရွာအုပ်ချုပ်ရေးမှူး ဦးကျော်ဇင် အား စတင်မေးမြန်းကြည့်ရာ..၊ ဦးကျော်ဇင်က ဤသို့ဆို၏။ ``ဒီကိစ္စကို ဧပြီလ(၁)ရက်နေ့က မကွေးမြို့နယ် အုပ်ချုပ်ရေးမှူး နဲ့ မကွေးမြို့နယ်ရဲတပ်ဖွဲ့မှူးကပြောပါတယ်။ ဒီမြေနုကျွန်းပေါ်မှာ စိုက်ပျိုးထားတဲ့ သီးနှံတွေကို ရိတ်သိမ်းဖို့ကိစ္စအတွက် ဘုံအဖွဲ့တစ်ဖွဲ့ထားပေးမယ်။ လက်ခံမလား။ အဲဒီဘုံအဖွဲ့က ကြီးကြပ်ပြီး သိမ်းဆည်းရတဲ့ သီးနှံအရေအတွက်တွေကို ကမ်းရင်ရွာက သီးနှံကိုလည်း ဘုံအဖွဲ့ကိုအပ်ရမယ်။ သဖန်းဆိပ်ရွာ က သိမ်းဆည်းတဲ့ သီးနှံတွေကိုလည်း ဘုံအဖွဲ့ကိုဘဲအပ်ရမယ်လို့ပြောပါတယ်။ ဘုံအဖွဲ့က ခေတ္တထိမ်းသိမ်း ထားမယ်။ နောက်ကိစ္စတွေကို တရားရုံးက ဆုံးဖြတ်ချက်ချပြီးမှ လိုအပ်သလို ဆက်လက်ဆောင်ရွက်ပေးမယ်လို့ ကျွန်တော့်ကိုပြောပြပါတယ်။ ကမ်းရင်ရွာက တောင်သူတွေ ကတော့ မိမိစိုက်ပျိုးထားတဲ့သီးနှံတွေကို မိမိတို့ဘာသာ သိမ်းယူချင်ကြတယ်လို့သာ ကျွန်တော့်ကိုပြောကြပါတယ်။ သူတို့ပြောတာက ဘုံအဖွဲ့ကနေသိမ်းဆည်းရင် စရိတ်စားခတွေ ထပ်ကုန်ကျမှာကို ကြောက်တယ်။ အချိန်အကြာကြီးစောင့်နေရပြီး စားစရာမရှိတာထက် ကြွေးပူခံနေရ မှာတွေကိုလည်း ကြောက်တယ်လို့ဆိုကြပါတယ်။ ပထမ ဆုံးသွားတဲ့ နှမ်းပန်းတွေကလည်း ဖေဖော်ဝါရီလထဲတုန်းက အချိန်မီ မသိမ်းဆည်း လိုက်ရလို့ ဆုံးရှုံးသွားခဲ့ရပါတယ်။ ယခု သိမ်းဆည်းဖို့ ကျန်တဲ့ နေကြာ နဲ့ မြေပဲကိုတော့ အချိန်မီ မသိမ်းဆည်းလိုက်ရလို့ ထပ်မံဆုံးရှုံးရမယ်ဆို ရင် တရားဝင်ဆန္ဒဖော်ထုတ်ဖို့ ကျွန်တော့်ဆီကို တောင်သူ(၄၃)ဦးက၀ိုင်းပြီး ခဏ ခဏလာပြီး ပြောဆိုနေကြပါတယ်။ ကျွန်တော်က ဆန္ဒမပြဖို့၊ တရားဥပဒေနဲ့ အညီသာ လိုက်နာလုပ်ဆောင်ကြဖို့ တောင်သူတွေကို ထိမ်းသိမ်းပြောဆိုထားရပါတယ်..။´´ ဟု ကမ်းရင်ကျေးရွာအုပ်ချုပ်ရေးမှူး ဦးကျော်ဇင် မှ ပြောည်။ တောင်သူများ စိုက်ပျိုးထားသော မြေနုကျွန်းကွင်းရှိ သီးနှံခင်းများသို့ သွားရောက်ခဲ့သည်။ ဖေဖော်ဝါရီလအတွင်းက ဆုံးရှုံးသွားသော ပန်းနှမ်းခင်းများနှင့် ယခု လောလောလတ်လတ် သိမ်းဆည်းချိ်န်ကျရောက်နေသော နေကြာခင်း နှင့် မြေပဲခင်းများသို့ သွားရောက်ပြီး မြေယာမဲ့တောင်သူ ဒေါ်နု နှင့် တောင်သူ ဦးအောင်မင်း တို့ကို တွေ့ခဲ့ရာ..၊ `` ကျွန်တော့်နာမည်အောင်မင်းပါ။ ဒီ(၄၃)ဦးထဲက မြေယာမဲ့တောင်သူတစ်ဦးပါ။ ကျွန်တော်တို့ မိသားစုတွေက လက်လုပ်လက်စားသမားတွေဆိုတော့ ကြွေးရှင်တွေကလည်း အချိန်ကျရောက်လာနေလို့ ပူနေကြပါပြီ။မိသားစုတွေမှာ ငိုမဖွယ် ရယ်မရကိုဖြစ်နေကြရတယ်။ စားစရာမရှိရတဲ့အထဲ ကြေးပူနေတော့ ရွာထဲကို မသွားရဲပါဘူးဗျာ..။ သီးနှံဖော်ချိန်ရောက်နေတာကို သက်ဆိုင်က ဖော်ခွင့်မပြုလို့ မြင်ရတဲ့အတိုင်း ပန်းနှမ်းတွေကလဲ ဆုံးရှုံးခဲ့ရပါပြီ ။ ယခု နေကြာကလည်း တစ်ဝက်လောက်ဆုံးရှုံး လေလွင့်နေပါပြီ...။ မြေပဲကလည်း ဒီရက်ထက် နောက်ကျရင် ဆုံးကုန်ဦးတော့မယ်ဗျာ။ ဆုံးသွားတဲ့ ပန်းနှမ်း တန်ဘိုးငွေကို ခန့်မှန်းတွက်ကြည့်ရင် သိန်း(၃၀)လောက်ရှိပါ့မယ်။ ဒီအထဲက တောင်သူ(၄၃)ဦးလုံးက ဘယ်သူမှ နွားလှည်းမရှိကြပါဘူးဗျာ.။ ဒီစိုက်ပျိုးစရိတ် သွင်းဖို့ငွေကို ချေးရပါတယ်။ ချေးငွေတစ်ရာကို တစ်ဆယ် အတိုးပေးရပါတယ်။´´ ဟု တောင်သူဦးအောင်မင်း ကပြောသည်။ ``ကျမနာမည် မနု ပါတော်..။ ပန်းနှမ်းတွေကလည်း သိမ်းဆည်းခွင့်မရလို့ ဆုံးကုန်ခဲ့ပြီ။ ယခု နေကြာကလည်း ကြွေကျလာ ကုန်ပြီ၊ ဆုံးရှုံးရတော့်မယ်။ မြေပဲကလည်း ဟိုဘက်က အခင်းတွေဆို သိမ်းပြီးကုန်ကြပြီလေ..။ ကျမတို့ဘ၀ ဘယ်လို လုပ်ရမယ်ကိုး မသိတော့ဘူး။ ငတ်တာကတစ်မျိုး၊ စိုက်ပျိုးစရိတ်သွင်းငွေ ချေးပြီးလုပ်ရတာဆိုတော့ ကြွေးရှင်တွေလာရင် မျက်နှာကပူ၊ ငိုချင်စိတ်ကိုပေါက်နေပါတယ်တော်..။ ကျမတို့ တစ်တွေရဲ့ဘ၀ တော်တော်ကံဆိုးပါတယ်။ ဘာငွေ ဘာမြေမှလည်း မရှိပါဘူးတော်..။ ဒီသီးနှံတွေကိုသာ ဖော်ခွင့်မရရင်တော့် သူများတွေနဲ့အတူ မြို့တက်ပြီး ဆန္ဒပြရမှာဘဲ..။ ဟု မြေယာမဲ့ တောင်သူလက်လုပ်လက်စား ဒေါ်နု က ပြောသည်။ အဆိုပါ (အချိန်မီ)သီးနှံရိတ်သိမ်းခြင်းကိစ္စကို ဧပြီ(၃)ရက်နေ့အထိ သက်ဆိုင်ရာမှ တစ်စုံတစ်ရာ ဆောင်ရွက်ညှိနှိုင်း၍ မဆုံးဖြတ်ရသေးကြောင်း ကမ်းရင်ကျေးရွာ အုပ်ချုပ်ရေးမှူးထံမှ စုံစမ်းသိရှိရပါသည်။