မကွေးမြို့ မကြီးကန်ကျေးရွာအုပ်စု နွားကူးကျေးရွာ တောင်သူ(အမျိုးသမီး၊ အမျိုးသား ၃၀)ခန့်သည် မေ(၂၅)ရက်၊ နံနက်(၇)နာရီမှ (၁၀)နာရီခန့်အချိန်တွင် မကွေးပညာရေးကောလိပ်မှ သိမ်းဆည်းထားသော(၁၀၃)ဧကများထဲမှ ပိုနေသော ကျန်ဧက(၆၀) အား ယာမြေများပြန်လည်ရရှိရေး အတွက် ငြိမ်းချမ်းစွာစီတန်းစောင့်ကြည့်ပြီး အသေခံတားဆီးသွားမည်ကြောင်း မြန်မာပို့စ်မှ သတင်းရရှိသည်။ အဆိုပါကိစ္စအား မကွေးတိုင်းဒေသကြီးလွှတ်တော်ဥက္ကဋ္ဌ ဦးရဲမြင့် မှ သူရဦးအောင်ကို ဗဟိုအတွင်းရေးမှူး (တိုင်းတာဝန်ခံ)၊ ပြည်ထောင်စုကြံခိုင်ရေးနှင့် ဖွံ့ဖြိုးရေးပါတီဌာနချုပ်၊ နေပြည်တော်သို့ ၂၀၁၃၊ဖေဖော်ဝါရီလ (၈)ရက်နေ့က တင်ပြတောင်းခံထားကြောင်း၊ ၎င်းယာမြေများကို အထက် နိုင်ငံတော်မှ မြေသိမ်းခွင့်မိန့်မချမှတ်ရသေးကြောင်း၊ ၎င်းမိတ္တူစာအရသိရသည်။ သို့သော်လည်း ယခုအခါ ပညာရေးကောလိပ်မှ တောင်ဘက်ရှိ သီးနှံများစိုက်ပျိုးထားသော ယာမြေများအတွင်းသို့ ခြံစည်းရိုးများကာရံရန် နွားကူးကျေးရွာ အုပ်ချုပ်ရေးမှူး သို့အကြောင်းကြားလာခြင်းကြောင့် ယနေ့တောင်သူ(၃၀)ခန့်မှာ မိမိတို့ယာမြေများအတွင်းသို့ လာရောက်၍ စီတန်းပြီးစောင့်ကြည့်၍ တားဆီးရန် ငြိမ်းချမ်းစွာဖြင့် အသေခံပြီး ကန့်ကွက်သွားမည်ဖြစ်ကြောင်း တောင်သူ အမျိုးသမီးတစ်ဦးမှ မြန်မာပို့စ်သို့ ပြောကြားသည်။
`` ကျမတို့ နွားကူးရွာက တောင်သူတွေ(၃၀/၄၀)လောက် နံနက်(၇)နာရီကစပြီး ကျမတို့ဘိုးစဉ်ဘောင်ဆက်ပိုင် စိုက်ပျိုးထားတဲ့
ဒီယာထဲကိုလာခဲ့ကြတာက ကျေးရွာအုပ်ချုပ်ရေးမှူးက ဒီနေ့(၂၅)ရက်နေ့မှာ မကွေးပညာရေးကောလိပ်က သိမ်းထားတဲ့ ယာမြေတွေကို ခြံဝန်းခတ်မယ်ဆိုလို့ တားဆီးဖို့လာခဲ့ကြတာပါ။ ကျမတို့ယာမြေတွေကို ၁၉၉၃ ခုနှစ်လောက်က အသိမ်းခံခဲ့ရပါတယ်။ အဲဒီအချိန်ကစပြီး ကျမတို့ပိုင် မြေယာလွတ်တွေကို မိမိတို့ပိုင်ရှင်နာမည်အတိုင်း ပညာရေးကောလိပ်ကို မြေထောက်ခပေးပြီး သီးနှံတွေနှစ်စဉ်စိုက်ပျိုးလာခဲ့ကြပါတယ်။ တစ်နှစ်ကို တစ်ဧကအတွက်(၃၀၀၀ိ) မှ(၆၀၀၀ိ)အထိတိုးတိုးပြီးေ ပးလာခဲ့ပါတယ်။ ၂၀၁၃ ခု၊ ယခုဒီနှစ်မှာတော့ မြေထောက်ခမယူပါဘူး။ မြေထောက်ခမယူဘဲ ကျမတို့စိုက်ပျိုးထားတဲ့ ယာမြေတွေကို ၀န်းခြံခတ်မယ်ဆို လုပ်လာပါတယ်။ ဒါကြောင့် ယခုစိုက်ပျိုးထားတဲ့ယာမြေတွေကို ခြံခတ်ရင် တုန်းလုံးလဲပြီး အသေခံပြီး တားဆီးသွားကြပါ့မယ်။ ယခု ကျမတို့တောင်းဆိုတင်ပြခြင်တာက ယခင်ယခင်အခါက ကြောက်လို့ မတန်တစ်ဆဈေးချပြီး သူတို့ပေးသမျှလေးနဲ့ မြေယာတွေကို အသိမ်းဆည်းခံခဲ့ရပေမယ့်၊ ယခုအခါမှာ တပ်မတော်ပိုင်က သိမ်းထားတဲ့ ပိုနေတဲ့ မြေတွေတောင်ပြန်ပေးနေပါပြီ။ ဒါကြောင့် မကွေးပညာရေးကောလိပ် အသုံးပြုလို့ ယခု ပိုနေတဲ့ ယာမြေတွေကို ပြန်ပေးပါလို့တောင်းဆိုချင်ပါတယ်။ ခြံဝိုင်းလည်း လုံးဝအခပ်မခံနိုင်ပါဘူး။ ဒီကိစ္စကို မကွေးတိုင်းဒေသကြီး လွှတ်တော်ဥက္ကဋ္ဌ လက်မှတ်ထိုးပြီး သက်ဆိုင်ရာကိုတင်ပြထားပါတယ်။ ဒီစာကို ကျမတို့ထံ မိတ္တူပေးထားတဲ့စာရှိပါတယ်။ ဒီစာအရ အထက်ဆုံးဖြတ်ချက်တစ်စုံတစ်ရာမကျ မချင်း ခြံဝိုင်းမခတ်စေချင်ပါဘူး။ မကွေးပညာရေးကောလိပ်က ပိုနေတဲ့ ကျမတို့ ဘိုးစဉ်ဘောင်ဆက်ပိုင်ဆိုင်ပြီး လုပ်ကိုင်စားသောက်လာခဲ့တဲ့ ဒီယာမြေတွေကို ပြန်ပေးပါလို့သာ တောင်းဆိုချင်ပါတယ်။´´ဟု နွားကူးရွာ တောင်သူအမျိုးသမီးတစ်ဦးက မြန်မာပို့စ် သို့ပြောသည်။
အဆိုပါ ယာမြေသိမ်း ကိစ္စအား မကွေးပညာရေးကောလိပ် ကျောင်းအုပ်ကြီး ဦးအောင်ဘသိန်း ထံသို့ သွားရောက်သတင်းယူရာတွင် အထက်မှပြောဆိုရန်ခွင့်ပြုမှသာ ပြန်လည်ဖြေကြားပေးမည်ဟု နေ့လည်(၁)နာရီမှလာကြရန် မီဒီယာများကို (၂)ခါချိန်းဆိုပြီးမှ ဖြေကြားပါသည်။ ကျောင်းအုပ်ကြီးက သတင်းထောက်များအား မဖြေဆိုခင်မှာ မကွေးတိုင်း ဒေသကြီးသတင်းစာဆရာအသင်း အတွင်းရေးမှူးအား အမည် အဘအမည် နိုင်ငံနိုင်သားအမှတ် များကို မေးမြန်း၍ စာရင်းမှတ်ယူသည်။ ၎င်းကိစ္စကို ယူနတီ သတင်းထောက်တစ်ဦးမှ သတင်းထောက်များအား တရားခံကဲ့သို့ စစ်မေးခြင်းကို မခံနိုင်ကြောင်း၊ ယခုဤ သတင်းအား မဖြေဆိုချင်ရင်လည်း နေနိုင်ပါကြောင်း၊ ယခု အမည် အဘအမည် နိုင်ငံသားနံပါတ် ဖြေဆိုပေးသူမှာ ကျနော်တို့ ခေါင်းဆောင်းမဟုတ်ကြောင်း၊ ဒေါသဖြင့်ပြောဆို၍ ကျောင်းအုပ်ကြီးက အခြားသတင်းထောက် များကို ဆက်မမေးတော့ဘဲ တောင်းပန်ပြီး ဖြေကြားပေးပါသည်။ မကွေးပညာရေးကောလိပ် ကျောင်းအုပ်ကြီး၏ ပြောကြားချက်မှ ကောက်နှုတ်ဖော်ပြပါသည်။
`` နွားကူးရွာက တောင်သူတွေယခုလို လုပ်နေတာ ကျွန်တော်လုံးဝမသိပါ။ ယနေ့ရုံးပိတ်ရက် မနက်က ဘုရားကို သွားနေတာပါ။ ယခုခြံဝန်းခတ်ဖို့ကိစ္စကို မကြီးကန်ကျေးရွာ အုပ်ချုပ်ရေးမှူးထံ ကျနော်ကိုယ်တိုင်သွားရောက်ပြောကြား အသိပေးထားပါတယ်။ ယနေ့ ခြံဝိုင်း မခတ်သေးပါဘူး။ သက်ဆိုင်ရာ ခရိုင်၊ မြို့နယ်အာဏာပိုင်များနဲ့ မကွေးမြို့နယ်မြေစာရင်းက တိုင်းတာ သတ်မှတ်ပေးတဲ့အတိုင်း မေ(၂၇)ရက်နေ့မှာ ခြံဝန်းခတ်သွားမှာပါ။ ကျနော်က ဒီမကွေးပညာရေးကောလိပ်ကျောင်း ကိုရောက်လာတာ(၂) နှစ်သာရှိပါသေးတယ်။ ဒီယာမြေတွေကို ၁၉၉၃ ခုနှစ်လောက်မှာ ယာမြေ ဧက(၁၀၃)ဧကကို သက်ဆိုင်ရာကွင်းအမှတ်များနဲ့ တောင်သူများထံကို သက်ဆိုင်ရာမှ အသိပေးစာထွက်ပြီး ကာလဈေး သင့်တင့်တဲ့ လျှော်ကြေးတွေပေးပြီး မကွေးဆရာအတတ်သင်ကျောင်းအတွက်ဆိုပြီး သိမ်းခဲ့တယ်လို့ သိရပါတယ်။ ၁၉၉၈ ခုနှစ်ထဲက အထက် ပညာရေးဦးစီးဌာန အမိန့်စာနဲ့ မြေယာသိမ်းဆည်းခွင့်အမိန့်ချထားပါတယ်။ လူနေခွင့်(လန-၃၉)ကိုလည်း သက်ဆိုင်ရာ မြေစာရင်းကရထားပြီးပါပြီ။ ဂရံမြေရရှိရေးအတွက်လည်း သက်ဆိုင်ကို ဆက်လက်တင်ပြ လျှောက်ထားပါတယ်။ ယခု ကျွန်တော်တို့ ကျောင်းက ပညာရေးကောလိပ် ဖြစ်နေပါပြီး။ မကွေးမြို့ မှာ နောင်ကျရင် ပညာရေးတက္ကသိုလ်အထိ အဆင့်မြှင့်ဖို့ အထက်လူကြီးတွေက စိတ်ဝင်စားနေကြပါတယ်။ ယခု မြေယာကိစ္စကို ကျွန်တော်လုပ်တာ မဟုတ်ပါဘူး။ အထက်အဆင့်ဆင့်ရဲ့ စီမံညွှန်းကြားချက်အရ လုပ်ကိုင်ဆောင်ရွက်နေရတာပါ။ ယခုနှစ်ဆိုရင် အဆောက်အဦးတွေ ထပ်မံတိုးချဲ့ဖို့ ကျလာပါပြီ။ ဒါကြောင့် အထက်က ဆုံးဖြတ်ပေးတဲ့အတိုင်း ပြန်ပေးလိုက်ဆိုရင်လည်း ကျွန်တော်ပြန်ပေးပါ့မယ်။ အထက်က ခြံဝိုင်းခတ်ပါဆို လို့ရှိရင်လည်း မြေစာရင်းဌာနက သတ်မှတ်ပေးတဲ့အတိုင်း ခတ်ရပါ့မယ်။ ယခု ယာမြေကိစ္စတွေကို ကျွန်တော့်သဘောနဲ့ ဆောင်ရွက်နေခြင်းမဟုတ်ပါ။ ကျွန်တော့်အသက်(၆၀)ပါ၊ လူသားတစ်ယောက်ပါ။ အရာရာမှာ ကိုယ်ချင်းစာတရားထားပါတယ်။ အစိုးရ၀န်ထမ်းပါ။ အထက်က တာဝန်ပေးတဲ့ အတိုင်းသာ ဆောင်ရွက်နေရပါတယ် ´´။ ဟု မကွေးပညာရေးကောလိပ် ကျောင်းအုပ်ကြီး ဦးအောင်ဘသိန်း က မြန်မာပို့စ် သို့ပြောသည်။
