``ရွှေကိုမလို ငွေကိုမလို ရေကိုသာလို ဆိုသော မကွေးမြို့နယ်မှ သန်ဘိုကန်ကျေးရွာ´´
မေ(၁)ရက်နေ့ နွေရာသီကာလ အပူရှိန်ကပြင်းထန်နေချိန်၊ မြေလတ်ဒေသအချို့တွင် ရေရှားပါးခြင်းဒုက္ခများ နှင့်ရင်ဆိုင်နေရသည်။ ရေကန်များခန်းခြောက်ခြင်း၊ ရေတွင်းများခန်းခြောက်ခြင်း နှင့် ချောင်းတွင်းမှ စမ်းရေကြောများ ရေထွက်အားနည်းသွား၍ အချို့ဒေသများမှာ ရေတစ်အိုးရရှိရေးအတွက် နှစ်နာရီခန့်အထိစောင့်ဆိုင်းရသည်ဆိုကြ၏။ မကွေးမြို့နယ်၊ နတ်မောက်မြို့နယ်၊ချောက်မြို့နယ်၊ ရေနံချောင်းမြို့နယ် နှင့်ကျောက်ပန်းတောင်းမြို့နယ်များအတွင်းမှ ကျေးရွာများအချို့တို့တွင် ရေရှားပါးခြင်း ဒုက္ခများကို ခါးစီး၍ခံနေကြရသည်။ အဆိုပါ ရေရှားပါးသော ကျေးရွာနေ မိဘပြည်သူများအနေနှင့် ရွှေကိုမလို ငွေကိုမလို ရေကိုသာလိုကြသည်ဟုဆိုကြပါသည်။
ရွှေထက်အဖိုးတန်သော ရေကိုရကြ၍ အောင်ပွဲခံနေသော ရွာကလေးမှာ မကွေးမြို့နယ် သံဘိုကန်ကျေးရွာတွင် မေ(၁)ရက်က စက်ရေတွင်းအောင်ပွဲကျင်းပကြောင်းသိ၍ သတင်းယူခဲ့ပါသည်။ အလှူရှင်မှာ ရန်ကုန်မြို့ ဦးအေးကို+ဒေါ်နုနုခင်တို့ မိသားစုဖြစ်ကြောင်း၊ ငွေကျပ်(၉၅)သိန်းကုန်ကျပြီး ရေတွင်းမှာ(၄ လက်မ)ပိုက်တွင်း အနက်ပေမှာ ပေ(၄၂၀)ရှိကြောင်း၊ အဆိုပါစက်ရေတွင်းသည် တစ်နာရီလျှင် ရေဂါလံပေါင်း(၃၀၀၀)ခန့် ထွက်ရှိကြောင်းသိရ သည်။ အဆိုပါစက်ရေတွင်းအား တူးခြင်းလုပ်ငန်းကို မကွေးမြို့နယ် အမျိုးသားဒီမိုကရေစီ ပါတီ ဥက္ကဋ္ဌ နှင့်အလုပ်အမှုဆောင် အဖွဲ့က အနီးကပ်ကြီးကြပ်ဆောင်ရွက်ခဲ့ကြောင်း၊ ယခု စက်ရေတွင်းဖွင့်ပွဲတွင် ဒု ဥက္ကဋ္ဌ ဒေါ်စန္ဒာဝင်း က ရှင်းလင်း တင်ပြသည်။ ရန်ကုန်မြို့မှ အလှူရှင်များ၏ကိုယ်စား မကွေးမြို့နယ် NLD ဥက္ကဋ္ဌ က စက်ရေတွင်းကို စည်းကမ်းရှိစွာဖြင့် ရေရှည်အသုံးပြုရန် ပြောကြား၍ သံဘိုကျေးရွာအုပ်ချုပ်ရေးမှူး ဦးအောင်စိုးမိုးထံ လွှဲပြောင်းပေးအပ်ကြောင်း၊ အဆိုပါ စက်ရေတွင်းအောင်ပွဲကို နံနက်(၁၁)နာရီတွင် ကျင်းပပြီးကြောင်း သတင်းရရှိပါသည်။
Artikel ``ရွှေကိုမလို ငွေကိုမလို ရေကိုသာလို ဆိုသော မကွေးမြို့နယ်မှ သန်ဘိုကန်ကျေးရွာ´´ ini dipublish oleh shwelannwelanwinkyi pada hari Monday, May 13, 2013. Semoga artikel ini dapat bermanfaat.Terimakasih atas kunjungan Anda silahkan tinggalkan komentar.sudah ada 0 komentar: di postingan ``ရွှေကိုမလို ငွေကိုမလို ရေကိုသာလို ဆိုသော မကွေးမြို့နယ်မှ သန်ဘိုကန်ကျေးရွာ´´
Subscribe to:
Post Comments (Atom)
0 comments:
Post a Comment