မင်းဘူး ဇန်န၀ါရီ ၃၁
မကွေးတိုင်းဒေသကြီးအတွင်းရှိ မင်းဘူးခရိုင်သည် မြို့နယ် (၅)မြို့နယ်ပါဝင်ပြီး၊ယင်းမြို့နယ် များသည် ရေ၊မြေ၊ရာသီဥတု အနေအထားများအရ စိုက်ပျိုးရေးလုပ်ငန်းကိုသာ အဓိကထား လုပ်ကိုင် လျက်ရှိကြသည်။
မင်းဘူးခရိုင်၏ အနောက်ဘက်တွင် ရှိသော ရခိုင်ရိုးမတောင်တန်းကြီးမှ စတင်စီးဆင်းလာ သော မန်းချောင်းနှင့်မုန်းချောင်းများသည် စိုက်ပျိုးရေပေးဝေနိုင်ရေးအတွက် အဓိကအားထားရာများ ဖြစ်သကဲ့သို့ နိုင်ငံတော်မှ ဆည်၊တမံနှင့် မြောင်းမကြီးများ အဆင့်ဆင့် တည်ဆောက်ဖောက်လုပ်ပေး ထားသည့်အတွက် ခရိုင်၏အားကိုး အားထားရာ အသက်သွေးကြောပမာ မြောင်းမကြီးများ ဖြစ်ပေါ်လာခဲ့ပေသည်။
မင်းဘူး(စကု)မြို့နယ်အတွင်းရှိ မန်းစက်တော်ရာဘုရားသို့ ဦးခိုက်စီးဆင်းလျက်ရှိသော မန်းချောင်းမှာ ငဖဲမြို့နယ်အနီး မန်းချောင်းရေလှောင်တမံဖြင့် သိုလှောင်ထားရှိပြီး ၊မင်းဘူး (စကု)မြို့နယ်၊အိုင်းမရွာအနှီးတွင်တည်ရှိသော အိုင်းမရေလွှဲဆည် မှ တောင်မန်းမြောင်းမကြီးနှင့် မြောက်မန်း မြောင်းမကြီးတို့မှတစ်ဆင့် စိုက်ပျိုးရေဖြန့်ဖြူးပေးလျက်ရှိသည်။
အိုင်းမရေလွှဲဆည်သည် သက်တမ်းအားဖြင့် နှစ်ပေါင်း(၈၀)ကျော် ကြာမြင့်လာသည်နှင့်အမျှ ရေလွှဲဆည်အထက်ပိုင်းတွင် သဲနုံးပို့ချမှုများပြားနေ၍ ၂၀၁၃-ခုနှစ် ဇန်န၀ါရီလ(၁၄)ရက်နေ့မှစတင်ကာ နိုင်ငံတော်မှ ငွေကျပ်(၁၅၁.၁၀)သန်း အကုန်အကျခံ တူးဖော်ပေးခြင်းဖြင့် ရေစီးရေလာ ကောင်းမွန်လာပြီး စိုက်ပျိုးမြေ (၃၆၁၈၉)ဧကကို မြောင်းဖျားအထိ စိုက်ပျိုးရေအပြည့်အ၀ ပေးဝေနိုင်ခဲ့ပါသည်။
အိုင်းမရေလွှဲဆည်၏ တောင်မန်းမြောင်းမကြီးနှင့် မြောက်မန်းမြောင်းမကြီးတို့၏ မြောင်းလက်တံများသည် နှစ်စဉ် ဆည်ရေပေးဝေနေရသဖြင့် မြောင်းဘောင်ဘေးဆလံများနှင့် ကြမ်းခင်းတို့တွင် ရေတိုက်စားပျက်စီးနေ၍ မြေထိန်းနံရံတည်ဆောက်ခြင်း၊ မြေကာနံရံ တည်ဆောက်ခြင်းနှင့် မြောင်းပုံစံကျ ပြုပြင်ခြင်းလုပ်ငန်းများကို ၂၀၁၃-ခုနှစ်တွင် အပြီး ဆောင်ရွက်ပေးခြင်းဖြင့် စိုက်ပျိုးရေ အပြည့်အ၀ပေးဝေနိုင်ပြီး ဒေသသီးနှံထွက်နှုန်းများလည်း သိသာစွာ တိုးမြှင့်လာခဲ့သည်။၎င်းအပြင် မြောင်းဘောင်အနီးရှိကျေးရွာနေပြည်သူများ ရာသီမရွေးသွားလာနိုင်ရန်နှင့် မြောင်းမကြီးများ ရေစီးရေလာ ကောင်းမွန်ရေး မြောင်းစစ်ဆေးမှုများ ပြုလုပ်နိုင်ရန် မြောင်းဘောင်းလမ်း မြေနီကျောက်စရစ်ခင်းခြင်း၊သံကူကွန်ကရစ်တံတားများ တည်ဆောက်ပေးခြင်းများလည်းဆောင်ရွက်ပေးခဲ့သည်။
စေတုတ္တရာမြို့နယ်၏ အနောက်ဘက်မှ စတင်စီးဆင်းလာသော မုန်းချောင်းအား ပွင့်ဖြူမြို့နယ် မဲဇလီကျေးရွာအနီးတွင် နှစ်ပေါင်း(၁၀၀)ကျော်ခန့်မှစ၍ ရေလွှဲဆည်တည်ဆောက်ကာ တောင်မုန်းမြောင်းမကြီးနှင့် မြောက်မုန်းမြောင်းမကြီးတို့မှတစ်ဆင့် စိုက်ပျိုးမြေ(၇၂၁၅၆)ဧကအား ဆည်ရေပေးဝေနိုင်ခဲ့သည်။
မဲဇလီရေလွှဲဆည်၏ အထက်ပိုင်းတွင် သဲနုံးပို့ချမှုများဖြစ်ပေါ်နေပြီး မြောင်းမကြီးများအတွင်း သဲနုံးဝင်ရောက်ကာ မြောင်းရေစီးရေလာ အဟန့်အတားဖြစ်စေသဖြင့် သဲနုံးများတူးဖော်ခြင်း၊ အုတ်ရိုးမြေကာနံရံတည်ဆောက်ခြင်း၊မြေထိန်းနံရံတည်ဆောက်ခြင်း၊အုတ်လိုင်နင်စီခြင်း လုပ်ငန်း များကို ၂၀၁၂-၂၀၁၃ ဘဏ္ဍာနှစ်အတွင်း နိုင်ငံတော်မှ ငွေကျပ်(၈၈၂၉.၂၄)သန်း အကုန်အကျခံဆောင်ရွက်ပေးခဲ့သဖြင့် ယခင်ကထက် စိုက်ပျိုးရေ အပြည့် အ၀ ပေးဝေနိုင်ခဲ့သည်။
ပွင့်ဖြူမြို့နယ်သည် မဲဇလီရေလွှဲဆည်၏ ပင်မမြောင်းမကြီးများဖြစ်သော တောင်မုန်း မြောင်းမကြီးနှင့် မြောက်မုန်းမြောင်းမကြီး (၂)ခုအကြားနှင့် မုန်းချောင်းအနီး မြို့တည်ရှိနေ၍ စိုက်ပျိုးရေ အပြည့်အ၀ရရှိသဖြင့် လယ်၊ယာ၊ကိုင်းနှင့် ဥယျာဉ်ခြံလုပ်ငန်းများ အဓိကထားဆောင်ရွက်လျက်ရှိကြပါသည်။စပါးသီးနှံအနေဖြင့် မိုးစပါး၊နွေစပါးကို နှစ်စဉ် ပုံမှန်စိုက်ပျိုးနိုင်၍ ဒေသ၀မ်းစာ ဖူလုံသည့်အပြင် မကွေးတိုင်းဒေသကြီး၏ အားထားရာ စပါးကျီ တစ်ခုသဖွယ်လည်း ဖြစ်ပေသည်။မုန်းချောင်းအနီး နှစ်စဉ်သဲနုံးနုများ သောင်းထွန်းဖြစ်ပေါ်ရာမှ ကိုင်းမြေများရရှိပြီး၊ယင်းမြေအပေါ် ပဲမျိုးစုံ၊ဟင်းသီး၊ဟင်းရွက်နှင့် ငှက်ပျောစိုက်ခင်းများ စိုက်ပျိုး နိုင်သဖြင့် ကျေးလက်နေပြည်သူများ အပိုဝင်ငွေ တိုးပွားရရှိကြပါသည်။
နိုင်ငံတော်အစိုးရသစ်လက်ထက် ၂၀၁၂-ခုနှစ်၊မတ်လ(၃၁)ရက်နေ့တွင် ဖွင့်လှစ်ခဲ့သော ကြီးအုံ-ကြီးဝ ဘက်စုံ ရေလှောင်တမံ သည် ကန်ရေပြည့် ရေလှောင်ပမာဏ(၄၆၃၀၀၀)ဧက ရှိပြီး၊စိုက်ပျိုးမြေ(၉၆၇၇၇)ဧကအား ဆည်ရေပေးဝေ နိုင်ရန်နှင့် လျှပ်စစ်စွမ်းအားထုတ်ယူရရှိနိုင်ရန် ရည်ရွယ်တည်ဆောက်ခဲ့သည်။ မုန်းချောင်းမှ စီးဆင်းလာသောရေများအား ကြီးအုံ-ကြီးဝရေလှောင်တမံမှ သိုလှောင်းထိန်းထားကာ ရေအား လျှပ်စစ် (၃၇)မဂ္ဂါဝပ်ထုတ်လွှတ်နိုင်သော စက်နှစ်လုံးမှ လျှပ်စစ်ဓါတ်အား(၇၄)မဂ္ဂါဝပ်ထွက်ရှိ၍ ရခိုင်ပြည်နယ်၏ လိုအပ်သော လျှပ်စစ်ဓါတ်အား ဖြည့်ဆည်းပေးနိုင်သည့်အပြင် မဲဇလီရေလွှဲဆည်သို့ တစ်နှစ်ပတ်လုံး စိုက်ပျိုးရေ အပြည့်အ၀ပေးပို့နိုင်ခဲ့သည်။ယခုအခါ မိုးတွင်းကာလသာမက ၊နွေစပါးစိုက်ပျိုးရာသီပါ စိုက်ပျိုးရေ လုံလောက်စွာ ပေးဝေနိုင်သဖြင့် စိုက်ပျိုးရေးကို အဓိကထား လုပ်ကိုင်လျက်ရှိသော တောင်သူများ အောင်ရေပြည့်ဝစွာ ရရှိသဖြင့် စီးပွားရေး ကောင်းမွန်တိုးတက်လာခဲ့ပေသည်။
စလင်းမြို့နယ်မှ လင်းဇင်းရေလွှဲဆည်သည် သက်တမ်းအားဖြင့် နှစ်ပေါင်း(၈၀)ကျော် ကြာမြင့်ခဲ့ပြီး ရေလွှဲဆည်အထက်ပိုင်းတွင် သဲနုံးပို့ချနေ၍ မြောင်းမကြီးများအတွင်း သဲနုံးများဝင်ရောက်ကာ မြောင်းရေစီးရေလာအဟန့်အထားဖြစ်စေသဖြင့် ဆည်အထက်ပိုင်းရှိ လက်ဝဲ/လက်ယာသဲနုံးများတူးဖော်ခြင်း၊မြောင်းမကြီးများအတွင်း သဲနုံးများတူးဖော်ပေးခြင်း ၊မြောင်းပုံစံကျ ဆောင်ရွက်ခြင်း၊ရေလမ်းကြောင်းများဖြောင့်ပေးခြင်း၊မြေကာနံရံနှင့် မြေထိန်းနံရံများ တည်ဆောက်ခြင်း၊ကွန်ကရစ်လိုင်နင်တည်ဆောက်ခြင်း၊မြောင်းရေသွယ်လျှောက်များ ပြုပြင်ခြင်း ၊ရေတံခါးများ ပြုပြင်ခြင်း၊ရေဆိုးထုတ်ချောင်းရိုးများ ပြန်လည်းဖော်ပေးခြင်းလုပ်ငန်းများကို ၂၀၁၃-ခုနှစ်၊ဇန်န၀ါရီလမှစတင်ကာ နိုင်ငံတော်မှ ငွေကျပ်(၆၂၀၅.၄၁)သန်း အကုန်အကျခံဆောင်ရွက် ပေးခဲ့သဖြင့် စိုက်ပျိုးမြေ(၃၂၉၈၀)ဧကအား စိုက်ပျိုးရေ ပြည့်ဝစွာပေးဝေနိုင်၍ ဒေသအတွင်း ဆန်စပါးအပါအ၀င် ပဲမျိုးစုံ ထွက်နှုန်းများ သိသာစွာ တိုးတက်ရရှိခဲ့သည်။
နိုင်ငံတော်မှ ကျေးလက်နေပြည်သူများ၏ လူမှုစီးပွာတိုးတက်မြင့်မားလာစေရေးအတွက် ရေတို ရေရှည် ဘက်စုံစီမံကိန်းများချမှတ်အကောင်အထည်ဖော် ဆောင်ရွက်ပေးခဲ့သဖြင့် ယခင်ကာလ များနှင့် နှိုင်ယှဉ်ပါ က တိုးတက်ပြောင်းလဲနေမှုများကို တွေ့ရှိနေရသည်။
မင်းဘူးခရိုင်သည် မကွေးတိုင်းဒေသကြီး၏ စိုက်ပျိုးရေးလုပ်ငန်းအတွက် အဓိကအားထားရာ ခရိုင်ဖြစ်သည့်လျှော်ညီစွာ စိုက်ပျိုးရေပေးဝေနိုင်သည့် ဆည်တမံနှင့် ရေပေးမြောင်းမကြီးများ ရေရှည်ကြံခိုင် ကောင်းမွန်စေရေးအတွက် နိုင်ငံတော်မှ ငွေကြေးအမြောက်အများ အကုန်အကျခံ တည်ဆောက်ပြုပြင်ပေးခဲ့သဖြင့် စိုက်ပျိုးရေးလုပ်ငန်းများလည်း ယခင်နှစ်များကထက် သိသိသာသာ တိုးတက်အောင်မြင်ဖြစ်ထွန်းလာခဲ့သည်။ စိုက်ပျိုးရေးလုပ်ငန်းများအောင်မြင်ဖြစ်ထွန်းလာရာမှ ဒေသခံ လူတစ်ဦးချင်ဝင်ငွေများ တိုးတက်ရရှိကာ လူနေမှုစီးပွားဘ၀ ဖွံ့ဖြိုးတိုးတက်လာခဲ့သည်။
မန်းချောင်းနှင့်မုန်းချောင်းမှ အခြေခံဖြစ်ပေါ်လာသော အိုင်းမရေလွှဲဆည်နှင့် မဲဇလီရေလွှဲဆည်တို့အပြင် စလင်းတမံမှတဆင့် စိုက်ပျိုးရေပေးဝေနေသည့် လင်းဇင်းဆည်တို့သည် ခရိုင်အတွင်းရှိ မြို့နယ်များ၏ စိုက်ပျိုးရေးလုပ်ငန်းများ အားထားရာ အသက်သွေးကြောပမာ မြောင်းမကြီးများဖြင့် အစဉ်အမြဲ ယှက်နွယ် စီးဆင်းနေလျက် ရှိနေပေတော့သည်။
တင်ထွန်းဦး (IPRD)
ဇန်န၀ါရီ(၃၀)ရက်နေ့ နေ့လည်(၁း မှ ၃း)နာရီအချိန်အထိ မကွေးမြို့ ရန်ပယ်ရပ်၊ သုခိတာလမ်းနှင့် ပြည်တော်သာလမ်းထောင့်ရှိ မကွေးမြို့နယ်ကုန်စည်ဒိုင် အစည်းအဝေးခမ်းမ၌ ၂၀၁၅ ခုနှစ်အလွန် စီးပွားရေး အသိုင်းအ၀ိုင်းနှင့် ရာသီဥတုဒဏ်ကြံ့ကြံ့ခံသည့်သီးနှံများ စိုက်ပျိုးထုတ်လုပ်ခြင်းဆိုင်ရာ အသိပညာပေး ဟောပြောပွဲကျင်းပကြောင်း သတင်းရရှိသည်။
အဆိုပါပွဲ၌ ဟောပြောပွဲသော ပညာရှင်များမှာ ဒေါက်တာခင်မောင်ညို(ဘောဂဗေဒ)၊ ဒေါက်တာချိုချိုသိန်း နှင့် ဦးမြင့်ဆွေ(တိုင်းစိုက်ပျိုးရေးမန်နေဂျာ ငြိမ်း) တို့ဖြစ်ကြောင်း၊ တက်ရောက်သူများမှာ မကွေးတိုင်းဒေသကြီး အစိုးရအဖွဲ့ဝန်ကြီးများ နှင့် မကွေးတိုင်းကုန်သည်ကြီးများအသင်းဝင်များ၊ စက်မှုလက်မှုလုပ်ငန်းရှင် ကုန်သည်ကြီး များ၊ ဖိတ်ကြားထားသော ဧည့်သည်များ(၁၀၀)ကျော်ခန့်တက်ရောက်ကြောင်း သိရသည်။
``ယနေ့မကွေးမြို့မှာ ထင်ရှားတဲ့ကုန်ပစ္စည်းဘယ်နှစ်မျိုးထုတ်လုပ်နိုင်သလဲ၊ စီးပွားရေးလုပ်ငန်းးတွေ ရင်းနှီးမြုပ်နှံ မှုတွေ တိုးတက်လာအောင် အခွန်တွေကင်းလွတ်ခွင့်ပေးတာတစ်ချို့၊ လျော့ချပေးတာတွေလုပ်နေပါတယ်။ ဒါပေမယ် ပြည်တွင်းမှာ ထင်သလောက်ဖြစ်မလာဘူး၊ အရောင်းအ၀ယ်တွေကျနေတယ် မဟုတ်ဘူးလား၊ ကာကွယ်ရေးအတွက် စစ်အသုံးစရိတ်တွေများတယ်ပြောကြတယ်၊ စစ်သားရဲဘော်တွေမှာ စုတ်ပြတ်တဲ့ ယူနီဖောင်းတွေနဲ့၊ ငြိမ်းချမ်းရေး ဟိုဘက်ကလဲလက်နက်မစွန့်ဘူး၊ ဒီဘက်ကလဲ လက်နက်မကိုင်လို့ မဖြစ်ဘူး လုပ်နေကြတယ်။ ကျန်းမာရေး ပညာရေးအသုံးငွေတွေ တိုးပေးနေသော်လည်း သိသိသာသာ ဆောင်ရွက် မပေးနိုင်သေးဘူး၊ ကျွန်တော်တို့ မြန်မာနိုင်ငံမှာ စီမံခန့်ခွဲမှုတွေ မကောင်းဘူး၊ အာဆီယံနိုင်ငံတွေအချင်းချင်း အညံ့ချင်းပြိုင်ဖို့သာကောင်းပါတယ်၊ အလုပ်သမားတွေအတွက် အနိမ့်ဆုံးလုပ်အားခသတ်မှတ်ပေးလိုက်တာနဲ့ သီလ၀ါကုမ္ပဏီ လုပ်ငန်းရှင်တွေက မြန်မာလုပ်သားတွေကို ဈေးကောင်းပေးပြီး ခေါ်ထုတ်ကြတော့မယ်၊ မြန်မာပြည်မှာ အလုပ်သမားပြဿနာတွေ ဖြစ်နေရပါတယ်။´´ဟု ဒေါက်တာခင်မောင်ညို က ပြောသည်။
စိုက်ပျိုးရေးဌာန တိုင်းဦးစီးမှူး ငြိမ်း ဦးမြင့်ဆွေ(စာရေးဆရာ) က တောင်သူလယ်သမားတွေ ရာသီဥတုအခြေခံ မိုးလေ၀သတင်းများဟာ အရေးကြီးပါကြောင်း၊ မြန်မာပြည်မှာ ၁၉၉၀ ကရာသီဥတု စဆိုးလာတယ်။ ၁၉၉၆ မှာပိုဆိုးလာခဲ့တယ်။ အဓိက သီးနှံတွေ အပူဒဏ်ခံနိုင်တဲ့ မျိုးတွေကို စိုက်ပျိုးရမည်ဖြစ် ကြောင်း၊ ရာသီဥတုနှင့် ပတ်ဝန်းကျင်ကို မျှတအောင်နေတတ်၊ လုပ်ဆောင်ကြမည်ဖြစ်ကြောင်း၊ လယ်/ယာစီးပွား ရေးဂျနယ် က ဖော်ပြတဲ့ ဈေးကွက်စီးပွားရေးစာရင်းကောက်ထားတာကို ကြည့်ရမယ်၊ FM တွေက နေ့စဉ်ထုတ်လွှင့်နေတဲ့ မြန်မာပြည်တွင်းရှိ ကုန်စည်ဒိုင်ဈေးနှုန်းတွေကို နားထောင်ရမည် စသည့်တို့ကို တောင်သူလယ်သမားများနှင့် ကုန်သည်ကြီးများအတွက် ဗဟုသုတရဖွယ်များအား ဆရာဦးမြင့်ဆွေနှင့် ဒေါက်တာချိုချိုသိန်းတို့က အကျယ်တစ်ဝန့် ပညာပေးဟောပြောကြောင်း သတင်းရရှိသည်။
