ရွှေလမ်းငွေလမ်းဝင်းကြည်+ဒေါ်ခင်စီ မိသားစု အလှူရှင်မှန်းသိအောင် မဏ္ဍပ်တိုင်တက်ပြတယ်လို့တော့ မထင်ကြစေလိုပါ..။
၅-၁-၂၀၁၀ ခု၊နံနက်အာရုံဆွမ်းမှာ ဆွမ်းဟင်း(ငါးဒန်နှင့်ပုန်းရည်)+(ငရုပ်သီးကြော်)တို့ဖြင့်လောင်းလှူပါသည်။
ဆွမ်းဒါနလေးကို လွန်ခဲ့တဲ့(၁၉၉၉)ခုနှစ်ကစလို့ ငွေပဒေသာပင်(၃၀၀၀၀ိ)သုံးသောင်းကျပ်စိုက်ထူး လောင်းလှူခဲ့ပါတယ်။ အဲဒီကာလမှာ မကွေးမြို့နေ့စဉ်သံဃာ့ဒါနဆွမ်းလောင်းအသင်းက ဆွမ်းငွေပဒေသာပင်(၃၀၀၀၀ိ)ကျပ်စိုက်ထူးလှူရင် တစ်နှစ်မှာ တစ်ရက်ကို မိသားစုနာမည်နဲ့ ကဗ္ဗည်းထိုး၍ လောင်းလှူပေးခဲ့တာပါ။ ယခုကာလမှာတော့ ငွေ(၃၀၀၀၀ိ)နဲ့ မလှူဒါန်းနိုင်ကြတော့ပါ။
အဲဒီအချိန်က သံဃာစာရင်း၊ ကုန်ဈေးနှုန်းဈေးတွေနဲ့ ယခုကာလာနဲ့ မတူကြတော့ပါ။
ယခုသံဃာစာရင်းကအပါး(၂၈၀၀)ကျော်နေပါပြီ..။ အာရုံဆွမ်းတစ်နပ်အတွက်ကို ဆန်(၈)အိတ်ချက်ရပါတယ်။အသာဟင်းကောင်းတစ်ခွက်နဲ့ ငရုပ်သီးကြော်၊သရက်ချဉ် များနဲ့လောင်းလှူမယ်ဆိုရင် (၅)သိန်း၊(၆)သိန်းခန့်ကုန်ကျပါမည်။ ဒါကြောင့် ယခင်က ဆွမ်းပဒေသာပင်အလှူရှင်များကို တစ်ဦးတည်းနာမည်ဖြင့်လောင်းလှူမပေးနိုင်ကြတော့ပါ။ စုပေါင်း၍ အများကောင်းမှုအမည်ဖြင့်သာ လောင်းလှူနေကြရပါတယ်။ တတ်နိုင်သူများကတော့ တစ်ဦးတည်းအလှူရှင် အကုန်အကျခံ၍ဒါနပြုကြပါတယ်။ တတ်နိုင်သူ ဆွမ်းပဒေသာပင်စိုက်ထူးထားတဲ့ အလှူရှင်များကလည်း ပဒေသာပင်ငွေများကို ထပ်မံစိုက်ထူပြီးလှူဒါန်းကြပါတယ်။ ဆွမ်းပဒေသာပင်အလှူရှင်တစ်ဦးဆိုလျှင် ငွေကျပ်သိန်းတစ်ထောင်ထည့်ဝင်စိုက်ထူထားတာ တွေ့ရပါတယ်။အဲဒီအလှူဒါနပြုသူမှာ နိုင်ငံခြားသားအလှူရှင် ဆရာတော်တစ်ပါးဖြစ်ကြောင်းသိရပါတယ်။ အားကျစရာ အလှူရှင်ကြီးပါ။
ကျွန်တော်စတင်လှူဒါန်းစဉ်ကတော့ အဲဒီငွေသုံးသောင်း ကို မရှိ၊ရှိတာလေးတွေနဲ့ ရောင်းချပြီးစတင်လှူခဲ့ရတာပါ။ ယခုလဲ နှစ်စဉ်နှစ်တိုင်း ငွေပဒေသာပင်များကို ထပ်မံစိုက်ထူလာခဲ့တာ..ငွေကျပ်(၇)သိန်းရှိသွားပါပြီ..။ (၁၁)နှစ်အတွင်း မိမိအိမ်မှာ မိမိကိုယ်ပိုင်ငွေနဲ့ အကုန်ကျခံ၍ ဆွမ်းလောင်းလှူခဲ့တာက(၂)ကြိမ်ပါ။ မကွေးမြို့နေ့စဉ်သံဃာ့ဒါနဆွမ်းလောင်းအသင်းမှာ လောင်းလှူခဲ့တာက(၁၀)ကြိမ်ပါ။ စုစုပေါင်း(၁၁)နှစ်၊(၁၂)ကြိမ်ဖြစ်ပါကြောင်း..သတင်းကောင်းပါ၍ မကွေးမြို့နေ့စဉ်သံဃာ့ဒါန ဆွမ်းလောင်းအသင်းကြီးသို့ ဆွမ်းပဒေသာပင်ငွေများ ထည့်ဝင်စိုက်ထူ လှူဒါန်းပေးတော် မူကြပါရန်လေးစားစွာဖြင့် နိုးဆော်၍ မေတ္တာရပ်ခံ ပန်ကြားအပ်ပါတယ်ခင်ဗျား....။
ဗုဒ္ဓသာသနာ ရောင်ဝါနေသို့လင်းစေသော်..။
ရွှေလမ်းငွေလမ်းဝင်းကြည်
၂၀၁၀ ခု၊ဇန်န၀ါရီလ(၅)ရက်နေ့၊ နံနက်(၁၀)နာရီ ရေး၏။
0 comments:
Post a Comment