“ကျွဲထိကျေးရွာအတွက် ပြီးပြည့်စုံသောအလှူပွဲကြီး”
ရွှေလမ်းငွေလမ်းဝင်းကြည်
ပွင့်ဖြူမြို့နယ်၊ ကျွဲထိကျေးရွာတွင်(၃၀-၁၂-၂၀၀၉)ခု၊နံနက်(၉)နာရီမှာ ကျင်းပကြပါတယ်။
တစ်ဦးတည်းအလှူရှင်မိသားစုဖြစ်ပါတယ်။ နေပြည်တော်မှ WEG.Co,Ltd (ရေသန့်စက်ရုံ) မန်နေဂျင်းဒါရိုက်တာ ဦးဝင်းနိုင်+ဒေါ်သန်းသန်းဆွေ မိသားစုတို့ဖြစ်ကြကြောင်းသိရပါတယ်။ ကျေးရွာအတွက်ပညာရေး၊ ကျမ်းမာရေး၊ လူမူရေး၊လမ်းပန်းဆက်သွယ်ရေး၊သာရေး၊နာရေးကိစ္စမှ စ၍ မလိုအပ်ရလေအောင် လှူဒါန်းပေးသောပွဲကြီးဖြစ်ပါတယ်။မကွေးတိုင်းအတွင်းမှာ ဒီလို အလှူရှင်မိသားစုမှာ ပထမဆုံးဂုဏ်ပြုအပ်ထိုက်တဲ့သူများလို့ ဆိုရပါ့မယ်..။
လှူဒါန်းသောစာရင်းမှာ
(၁) မုတ်သုန်ဦး စာကြည့်တိုက် ကုန်ကျငွေပေါင်း (သိန်း၁၁၀ )။
(၂) ကျေးလက် ကျန်းမာရေး ဆေးခန်း ကုန်ကျငွေပေါင်း (သိန်း ၆၅)။
(၃) အခြေခံမူလတန်းကျောင်းကြို မူလွန်ကျောင်း ကုန်ကျငွေပေါင်း (သိန်း ၁၅၀)။
(၄) စပါးခွန် ဓာတ်ငွေ့ မီးစက်(မြင်းကောင်ရေ ၁၀၀)
(၅) ရွာအတွက် သာရေး၊နာရေးသုံးနိုင်ရန် ဟိုက်လပ်တိုယိုတာ(၅)ချိတ် တစ်စီး။
(၆) ကျွဲထိရွာမှ ရွာခိုင်ရွာသွားလမ်း ကျောက်စရစ်မြေခင်းခြင်း၊ ရေကျော်ပေါင်း တံတား(၂)စင်း ဆောက်လုပ်ပေးခြင်း။
(၇) အခြေခံ မူလွန်ကျောင်းအတွက် ငွေပဒေသာပင်(၁ဂ)သိန်းစိုက်ထားပေးခြင်း။
(၈) ကျောင်းသား၊ကျောင်းသူ(၂၂၅)ယောက်အတွက် နှစ်စဉ် စာအုပ်၊စာရေးကရိယာအစုံလှူခြင်း။
(၉) ကျောင်းဆရာ။ဆရာမ များအတွက် ကျောင်းဝတ်စုံများကို တစ်နှစ်လျှင်(၃)စုံလှူဒါန်းခြင်း။
ယင်းအလှူပွဲသို့ မင်ဘူးခရိုင် အေးချမ်းသာယာရေးနှင့်ဖွံဖြိုးရေးကောင်စီ ဥက္ကဌ၊ မင်းဘူးမြှိုနယ် (မ.ယ.က)ဥက္ကဌ၊ ပွင့်ဖြူမြို့နယ်(မ.ယ.က) ဥက္ကဌများ၊ မကွေးတိုင်းပြန်၊ဆက်ရုံးမှ လက်ထောက်ညွန်ကြားရေးမှူးဦးဝေလင်း၊မင်းဘူးခရိုင်ပြန်၊ဆက်ရုံးမှဦးသိန်းထွန်းအောင်၊မင်းဘူးမြို့၊ပွင့်ဖြူမြို့နယ်များမှ သက်ဆိုင်ရာပညာရေး၊ကျန်းမာရေး၊ဌာနများမှ တာဝန်ရှိသူများနှင့် ကျေးရွာလူထုနှင့် ဆရာ။ဆရာမ၊ကျောင်းသူ။ကျောင်းသားများ ၀မ်းပန်းသသာဂုဏ်ပြု တက်ရောက် အားပေးကြ ကြောင်းတို့ကို စာရေးဆရာ တင်လင်းဇော်(မကွေးပညာရေးကောလိပ်ကျောင်း-ကထိက)ထံမှ သတင်းရရှိ၍တင်ပြလိုက်ရပါတယ်။
ရွှေလမ်းငွေလမ်းဝင်းကြည်
(၉-၁-၂၀၁၀)နေ့ရေး၏။
0 comments:
Post a Comment