`အောင်ဘာလေထီ (၂၇၄)ကြိမ် မှစ၍ အပိုဆု(မက်လုံး)များပေးခြင်အား ပိတ်လိုက်သော်လည်း
ပြည်သူ ပြည်သားတွေမှာ မိအေးနှစ်ခါနာပြီး ထီဆိုင်ကြီးများက ပိုပြီး ချမ်းသာလာကြမည်..။´
၂၉-၉-၂၀၁၁ နေ့မှာ ရန်ကုန်မြို့ ထီလောက ကုန်သည်ကြီးများ၊ ထီဆိုင်ကြီးများကို အောင်ဘာလေဌာနမှ ခေါ်ယူတွေ့ဆုံကြောင်းကြားသိရပါတယ်။ မြန်မာပြည်တွင်းထုတ် ဂျာနယ်အစောင်တိုင်းက ထီဈေးတွေ (၂)ဆ၊(၃)ဆ တက်နေကြောင်း။ အစိုးရထုတ်ဈေး ထီတစ်စောင်(၂၀၀)ကျပ်။ ပြင်ပဈေးတွေက ထီတစ်စောင်(၄၀၀) ၊(၅၀၀)၊(၆၀၀)ကျပ် ထိ ဈေးတက်ရောင်းချနေကြကြောင်း။ ပြည်သူလွှတ်တော်မှာ ထီဈေးနှုန်းကိစ္စ အလေးထားတင်ပြသော်လည်း ဘဏ္ဍာရေးဝန်ကြီးက (အောင်ဘာလေထီလက်မှတ်များအား လစဉ်ထုတ်ဝေထားသော အက္ခရာ(၂၄)လုံးကို လက္ကားပါမစ် ထုတ်ခွင့်ရသူများထံ အပြတ်ထုတ်ပေးထား၍ ကျန်သော ထီလက်မှတ်များကို အောင်ဘာလေဌာနမှ ပြန်လည်လက်ခံခြင်း မရှိကြောင်း ၊ ဒါကြောင့် ထီကုန်သည်၊ ထီဆိုင်ကြီးများအနေနဲ့ ထီများကုန်အောင် အပိုဆုများအား မက်လုံးပေးပြီး ရောင်းချနေပါကြောင်း ၊အောင်ဘာလေထီဌာနမှ လုပ်သားပြည်သူတစ်ဦးချင်းထံ ထီတစ်စောင်(၂၀၀)ကျပ်ဖြင့် လက်လီ ရောင်းချခြင်းမပြုနိုင်ပါကြောင်း၊ ဖွင့်ချပြောကြားသွားပါတယ်။) ဒါကြောင့် ပြည်သူလွှတ်တော်မှ ပြောကြားချက်သတင်း ထွက်ပြီး နောက်ရက်များမှာ ထီကုန်သည်၊ ထီဆိုင်များမှ ထီတစ်စောင်(၆၀၀) ကျပ်အထိ၊ ကျွန်တော်တို့မကွေးမြို့မှာ ဈေးတက်သွားပါတယ်..။ အပိုဆုက သိန်းတစ်ထောင်ဆုပေါက်ရင် အပိုဆုသိန်း (၆၀၀) နဲ့အတူ လိုက်အိပ်ကား(စက်မှုဇုံ) ကား(၂)စီးပေးမည် ကြော်ငြာပါတယ်။ အဲဒီကား(၂)စီးအား မြို့ထဲ၊ ရွာထဲမှာ တစ်ခမ်းတစ်နား ပြင်ဆင်ပြီး အသံချဲ့စက်ကြီးနဲ့အော်လို့ ထီလက်မှတ်များကို တစ်အိမ်တက်ဆင်း၊ တစ်ဆိုင်ဝင်တစ်ဆိုင်ထွက်၊ အရောင်းဝန်ထမ်းများနဲ့ လိုက်လံရောင်းချနေကြပါတယ်။ မြန်မာပြည်တွင်းမှာ လောင်းကစားကင်းစင်ရေး အထူးစီမံချက်များ ဆောင်ရွက်နေကြသော် လည်း အစိုးရထုတ်တဲ့ အောင်ဘာလေထီက လောင်းကစားဥပဒေကို ပြောင်ပြောင်တင်းတင်းမျက်ကွယ်ပြုပြီး လုပ်ဆောင် နေကြပါတယ်။ အဲဒီအကြောင်းများကို မော်နီတာဂျာနယ်မှာလည်း သောင်းညွှန်(ဖျာပုံ) ရေးသားလိုက်တဲ့( လောင်းကစား ဥပဒေကို ပြောင်ပြောင်တင်းတင်း စီးပွားရေးလုပ်စားနေ သော ထီလောက) ဟု အကျိုးသက်ရောက်စေတဲ့ ဆောင်းပါးနဲ့ ဥပဒေ ပုဒ်မ၊ အပိုက်များကို စုံစုံလင်လင်ဖော်ပြလိုက်ပါတယ်။ ဒါကြောင့် ဥပဒေ၏ အထက်တွင် မည်သူမျှမရှိစေရ ဟု ကြွေးကြော်လာသော အစိုးရသစ်မှာ စတုထ္ထ မဏ္ဍိုင်ဖြစ်တဲ့ စာနယ်ဇင်းလောကမှ ထောက်ပြချက်များအား သဘောပေါက်သွားပြီထင်ပါတယ်။
ဒါကြောင့် ၁-၁၀-၂၀၁၁ နေ့စတင်ရောင်းချမည်ဖြစ်သော (၂၇၄)ကြိမ် အောင်ဘာလေထီမှ စတင်ပြီး မည်သည့်အပိုဆိုမျှ မပေးရ။ မည်သည့်ကံစမ်းမဲများနဲ့မှ မက်လုံးမပေးရ ဟု သက်ဆိုင်ရာဌာနမှ ထီကုန်သည်ကြီးများနဲ့ ထီဆိုင်ကြီးများအား ခေါ်ယူဆွေးနွေးပြောဆိုကြကြောင်း သတင်းရရှိပါတယ်။
အောင်ဘာလေထီဈေးနှုန်မှာ အစိုးရထုတ်ဈေး ထီတစ်ဆောင်(၂၀၀)ကျပ်အား ထီဆိုင်ကြီးများမှ ရောင်းဈေး ထီတစ်စောင်လျှင် (ဖောက်သည်) လက္ကားဈေး(၂၃၀)၊ (၂၅၀) ကျပ် ရောင်းချကြရန် တစ်ဆိုင်နဲ့တစ်ဆိုင် အပြိုင်အဆိုင်ဈေးဖွင့်ရန် စီစဉ်နေကြကြောင်း၊ ကြားသိရပါတယ်။ အပိုဆုမပေးရဆိုသော်လည်း ထီလက်မှတ် အရေအတွက်အလိုက် မေတ္တာလက်ဆောင်များကို ပူးတွဲပေးပြီး ရောင်းချကြရန် စီစဉ်နေကြကြောင်းကြားသိရပါတယ်။ နာမည်ကြီထီဆိုင်ကြီးများမှာ သူ့ထက်သူ လူစွမ်းကောင်းလုပ်ပြီး မေတ္တာလက်ဆောင်များအား ပေးဆောင်ကြမည်ဟု ကြားသိနေရပါတယ်။ အောင်ဘာလေထီ(၁၇၄)ကြိမ် (၅-၁၀-၂၀၁၁)နေ့(ဈေးနှုန်း)မှာ နယ်တွေကမြို့ကြီးတွေမှ ထီဆိုင်များ ကတော့ လက်လီရောင်းဈေး ထီတစ်စောင်(၃၀၀) ကျပ် ရောင်းချနေပါတယ်။ ဖုန်းဆက်ကြည့်တော့လည်း ရန်ကုန်၊ မန္တလေးမြို့တွေမှာလည်းလက်လီဈေးနှုန်း ထီတစ်စောင်(၃၀၀) ကျပ်ရောင်းချနေကြောင်းကြားသိရပါတယ်။
``အပိုဆု မပေးရတော့ ထီဆိုင်သူဌေးကြီးတွေက ပိုပြီးကြိုက်သွားကြတာပေါ့ဗျာ..။ ထီတစ်စောင်လက္ကားဈေးနှုန်း ငွေ(၅၀ိ)၊ လောက်သာလျှော့ရောင်းချရတော့ သူတို့အတွက် တွက်ချေပိုကိုက်တာပေါ့။ ယခင်က(အစိုးရအဆက်ဆက်) လက်ထက်က အောင်ဘာလေထီစာအုပ် လက္ကားထုတ်ယူခွင့်ရသူ (အခွင့်ထူးခံ) လူကြီးမင်းများထံမှ (ပါမစ်လက်မှတ်များကို) ယခုထီဆိုင်ကုန်သည်ကြီးများက တစ်ချို့်လည်း လပြတ် နဲ့ နှစ်ပြတ်နဲ့ တစ်ချို့လည်း တစ်သက်တာ အမြတ်တွက်ပြီး (အပြတ်) ပေးဝယ်ထားကြရတာပါ..။ အခွန်မြို့နယ်မှူးတစ်ချို့ဆို (သူ့ ဆွေမျိုးတစ်ဦးနာမည်ခံပြီး) လစဉ်ထီစာအုပ် အနည်းဆုံး အုပ်(၅၀၀)လောက်တောင် ခွဲတမ်းအပြတ်ယူထားကြတယ်။ ပြီးတော့ ထီကုန်သည်တွေဆီကို လပြတ်နဲ့ ရောင်းစားကြတယ်။ အခွန်ရုံးသို့ ထီစာအုပ်သွားထုတ်ယူသူတွေကိုလည်း ထီစာအုပ်တစ်အုပ်(၁၀)ကျပ် မှ (၃၀)ကျပ်အထိ ဒေသအလိုက်၊ ဂဏန်းကောင်းတာအလိုက် အပိုကြေးပေးရသေးတယ်ဆိုပဲ။ ဒီတော့ ထီလောက ထီကုန်သည်ကြီးများ ဟာ သူတို့ကျေးဇူးရှင်ကြီးတွေဖြစ်နေတော့ ထီဆိုင်ကြီးများကို နည်းမျိုးစုံနဲ့ ကာဘာပေးထားကြမှာပေါ့လေ..။ယခုတော့ လုပ်သားပြည်သူတွေ မိအေးနှစ်ခါတာပါဘဲ။ ယခင်ထီဈေးကလက်လီ(၃၅၀)/(၄၀၀)ကျပ်။ ထီတစ်စောင်(၅၀)/(၁၀၀)ကျပ် သာ ဈေးချပြီး ယခုထီဈေးကတစ်စောင်(၃၀၀)ကျပ် အပိုဆုမပါ..ပြည်သူတွေကတော့ဘာမှမထူးဘဲ သေပြီဆရာ။´´ဟု နယ်က ထီလက်လီ ၀ယ်ယူရောင်းချနေသူတစ်ဦးမှ ပြောကြားသိရှိခဲ့ပါတယ်…။
ရွှေလမ်းငွေလမ်းဝင်းကြည်
0 comments:
Post a Comment